Ephesians 4:1 in Limbu 1 ख्रिस्त ये़सुरे़ कुयाःम्बेओ इङ्भोःसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाःबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥
Other Translations King James Version (KJV) I therefore, the prisoner of the Lord, beseech you that ye walk worthy of the vocation wherewith ye are called,
American Standard Version (ASV) I therefore, the prisoner in the Lord, beseech you to walk worthily of the calling wherewith ye were called,
Bible in Basic English (BBE) I then, the prisoner in the Lord, make this request from my heart, that you will see that your behaviour is a credit to the position which God's purpose has given you,
Darby English Bible (DBY) *I*, the prisoner in [the] Lord, exhort you therefore to walk worthy of the calling wherewith ye have been called,
World English Bible (WEB) I therefore, the prisoner in the Lord, beg you to walk worthily of the calling with which you were called,
Young's Literal Translation (YLT) Call upon you, then, do I -- the prisoner of the Lord -- to walk worthily of the calling with which ye were called,
Cross Reference Acts 9:31 in Limbu 31 हे़क्क्याङ् यहुदिया, गालिल, नु सामरियाओस्मा सेसेहुप्लक्हाॽओ निङ्घुम् पोःङ्मा चक् थ्ये़आङ् ये़म्ये़म्वा त्ये़॥ खे़ङ्हाॽरे़ दाङ्बान् साॽरिक् इङ्धाःङ् मे़बि, हे़क्क्याङ् सेसेमाङ्ङिल्ले़ आःन्छिङ्मा पिरुसिआङ् नसाःन्नो के़धुम्बा मे़बोःक्खे़र खे़ङ्हाॽ मे़बोःरे़र मे़बेरो॥
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
Romans 12:1 in Limbu 1 आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़ चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाःबा सिदुङ्जभा कुइसिःक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोःङ्बा याम्साम्गे़न् सेवाःन् बा कन्लो॥
1 Corinthians 4:16 in Limbu 16 खे़ल्ले़ चोगुल्ले़ इङ्गाॽ आजोःङ् के़इःप्पा पोःक्खे़म्मे़ॽ फाॽआङ् पेलि फाक्निङ्लो॥
2 Corinthians 5:20 in Limbu 20 खे़ल्ले़ चोगुल्ले़ आनिगे़ग ख्रिस्तरे़ कुहाङ्लाइङ्बासिगे़रो, हे़क्क्याङ् निङ्वाॽफुमाङ्ङिन् आनिगे़लाम्बा पेलि फाक्ल वाॽरो॥ निङ्वाॽफुमाङ्ङिन्नु नादङ् चोगे़म्मे़ॽ फाॽआङ् ख्रिस्त ले़प्माङ्लाम् आनिगे़ पेलि फाक्कासिगे़रो॥
2 Corinthians 6:1 in Limbu 1 हे़क्क्याङ् आनिगे़ निङ्वाॽफुमाङ्ङिन्नु सोरिक् याःम्बक् के़जोःक्पा पोःक्खिगे़बाल्ले़ चोगुल्ले़ निङ्वाॽफुमाङ्ङिल्ले़ लुङ्माॽ के़दुक्तिबा सुनाइङ्ङिल्ले़ पाःन्निन् खिनिॽ हिङ्मन्नो हने़ पोःङ्मा मे़बाङ्घे़म्मिन्ने़ॽ फाॽआङ् पेलि फाक्कासिगे़रो॥
2 Corinthians 10:1 in Limbu 1 इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पाःन् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोःङ्मा सुक्कारो॥
Galatians 4:12 in Limbu 12 फुॽनुसाॽ नु ने़ॽनुसाॽसे, खे़न् पाःन्हाॽलाम् इङ्गाॽ कुइसिःक् खिनिॽआङ् चोःक्युम्भोबा पोःक्खे़म्मे़ॽ फाॽआङ् पेलि फाक्निङ्लो, थेआङ्भे़ल्ले़ तगि इङ्गाॽग खिनिॽ हे़क्के साम्यो साक्थिम्हाॽ इःप्मा नाःप्मालाम् चोःक्युम्भोबा पोःक्खाङ्ङाङ् वयाङ्लो॥ खिनिॽग इङ्गाॽ थेआङ् ताप्फे़ःल्लिक् याप्मि के़म्मे़त्तिन्लो॥
Ephesians 3:1 in Limbu 1 हे़क्केःल्ले़ इङ्गाॽ पावलरे़ खिनिॽ थिम्मे़न्दङ् सुवाङ्हाॽओ ख्रिस्त ये़सुरे़ कुयाःम्बेओ सुनाइङ् से़ःसुङ्बाल्ले़ चोगुल्ले़ पुङ्लाहिम्मो साक्पा थ्याङ्बारो॥
Ephesians 4:4 in Limbu 4 निङ्वाॽफुमाङ्ङिल्ले़ के़उःत्तिल्ले़ लत्छा निङ्साङ् के़बिरिबा कुइसिःक्के, ख्रिस्ते़न्नसाःन् के़जोःक्पाहाॽ लत्थिक् थक्सिरो॥ हे़क्क्याङ् सेसेमाङ् लत्थिक् वाॽ,
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
Philippians 1:27 in Limbu 27 काक्नुःल्ले़ के़ये़क्पा पाःङ्ग ख्रिस्तरे़ कुसुनाइङ्ङिन् लाॽरुबा हिङ्मन्नो खिनिॽ वये़म्मे़ॽओ॥ हे़क्केःल्ले़ इङ्गाॽ खिनिॽओ ताआआङ् निःनिङ्साङ् इग्र खिनिॽ याःम्बेओरक् खे़प्सुङ्साङ् खिनिॽ सुनाइङ्ङिल्ले़न् नसाःन्नो के़दङ्ङासिआङ् याम्बुधिक्काङ् याःम्बक् के़जोगुम्बा पाःन्निन् निःसुङ्लो॥
Philippians 3:14 in Limbu 14 खे़ल्ले़ चोगुल्ले़ साङ्ग्राम्पेदाङ्बा हाङ्से़म्मिन् खोःमा फाॽआङ् तगि पोआर पत्तारो॥ निङ्वाॽफुमाङ्ङिल्ले़ कल्ले़ लागिए ख्रिस्त ये़सुलाम्बा उःत्ताङ्ङाङ् वाॽआरो॥
Philippians 3:17 in Limbu 17 आमिःम् फुॽनुसाॽ नु ने़ॽनुसाॽसे, इङ्गाॽ हिङ्ङाबा कुइसिःक् आजोःङ् के़इःप्पा पोःक्खे़म्मे़ॽओ, हे़क्केलॽरिक् याप्मि के़दिम्बाहाॽरे़ खुनिॽ हिङ्मन्नोलाम् हुॽसिङ्ङे़म्मे़ॽओ
Colossians 1:10 in Limbu 10 हे़क्क्याङ् दाङ्बा ये़सुःन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दाःसुम्ल हे़क्क्याङ् निङ्वाॽफुमाङ्ङिन् आल्लसाङ् नुःरिक्काङ् कुसिङ्निःप्मा के़सुक्तुम्माङ् काक् नुःबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दाःसुम्ल फाॽआङ् आनिगे़ तुवा चोगुम्बे़रो॥
Colossians 2:6 in Limbu 6 हे़क्केःल्ले़ आक्खेलॽरिक् ख्रिस्त ये़सु दाङ्बे़न् नसाःन् के़जोगुम् हे़क्केलॽरिक्के खुने़ॽनु थिक्हुप् पोःक्खे़म्मे़ॽआङ् चक्मे़ल्लॽए हिङे़म्मे़ॽओ॥
Colossians 4:12 in Limbu 12 खिनिॽनुएबा थिक्पा ख्रिस्त ये़सुरे़ कुसेवारोबा इपाफ्रासरे़ खिनिॽ सेवा के़हाक्तिरो॥ खुने़ॽग खिनिॽलागि निङ्वाॽफुमाङ्ङिल्ले़ के़धुम्बा नु कुलिङ्धो के़गे़प्पा हे़क्क्याङ् काक् निङ्वाॽफु निङ्वाॽओ ताःक्पोगे़म्बा के़जोगिर फाॽआङ् सदादिङ् साॽरिक् तुवा चोगुॽरो॥
1 Thessalonians 2:12 in Limbu 12 खिनिॽ निङ्वाॽफुमाङ्ङिल्ले़ कुसिराॽ के़धाङ्बा हिङ्मन्नो वये़म्मे़ॽ फाॽआङ् आःन्छिङ्मा पिआसिगे़ हाङ्हाङ् मे़त्तासिगे़र चक्मे़ल्लॽए पेलि फाक्कासिगे़रो॥ खुने़ॽए आबाङे मिमिदिङ्गे़न् कुहाङ्जुम्मो लक् खोःसे़ खिनिॽ के़उःत्तिआङ् के़वयिॽरो॥
1 Thessalonians 4:1 in Limbu 1 आल्ल कुनुप्मो फुॽनुसाॽ नु ने़ॽनुसाॽसे, खिनिॽ निङ्वाॽफुमाङ्ङिल्ले़ कुनिङ्वाॽ तामार हिङ्मा पोःङ् लॽरिक् आनिगे़लाम् के़हुॽआसिबा हे़क्केए के़जोगुम्ल के़वयिॽ॥ कर आल्लसाङ् यरिक् नुःरिक्काङ् कन् पाःन्हाॽ के़जोगुम्लए पोःङ् फाॽआङ् दाङ्बा ये़सुरे़ कुमिङ्ङो पेलि फाक्कासिगे़रो॥
2 Thessalonians 1:11 in Limbu 11 खे़ल्ले़ चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोःक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्धो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
Titus 2:10 in Limbu 10 खे़ङ्हाॽ मे़न्घुःन्ने़न्ल कर के़रे़क् पाःन्नो निङ्वाॽइरे़ खोःप्तुसिबा मे़बोःङ्ल, अक्खेलॽरिक् खे़ङ्हाॽरे़ मे़जोगुबा काक् याःम्बक्कोलाम् आनिॽ से़न्लप्दाङ्बा निङ्वाॽफुमाङ्ङिल्ले़ कुयाःम्बेओबा निसाम्मिल्ले़न् मिङ्सोधाःङ्सो पोःररो॥
Philemon 1:9 in Limbu 9 इङ्गाॽ खदाक्मि पावल, आल्लो ख्रिस्त ये़सुरे़ कुबुङ्लाथाबा के़बोःङ्बाल्ले़, आनिॽ लुङ्माॽ तुक्सिङ्माल्ले़ चोगुल्ले़ खे़ने़ॽ पेलि फाक्ने़ॽरो॥
Hebrews 3:1 in Limbu 1 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ आबाङे सेसे कुमना पोःङ्माआङ् साङ्ग्राम्पेदाङ् पेःक्मा लक् के़घोःसुम्बाल्ले़ चोगुल्ले़ आनिॽ सेःक्युक्मिबा नु मानिङ्वाॽफुसाम्बा फाॽआङ् ते़न्दिङ् आजोगुम्बा ये़सुःन् निङ्वाॽ इःत्ते़म्मे़ॽओ॥
Hebrews 13:21 in Limbu 21 खुने़ॽ कुनिङ्वाॽ कुइसिःक् चोःक्मा चाहाबा के़जोगिबा काक् पाःन्हाॽरे़ के़गाप्तिररो॥ निङ्वाॽफुमाङ्ङिल्ले़ कुनिङ्वाॽ के़दाःबा काक् पाःन्हाॽ ये़सु ख्रिस्तलाम्बा खिनिॽओ चोगुनिरो॥ हे़क्क्याङ् सदादिङ् सदादिङ् ख्रिस्तरे़ कुमिमिदिङ् पोःङ्निरो॥ आमे़न्॥
1 Peter 2:11 in Limbu 11 आमिःम् फुॽनुसाॽ नु ने़ॽनुसाॽसे, खिनिॽग कप्मो वे़प्मिबा नु माःङ्घा लाजेॽबा कुइसिःक् के़वयिबाल्ले़ चोगुल्ले़ लायोबा फे़न् निङ्वाॽलाम् लाःत्लाःत् वये़म्मे़ॽ फाॽआङ् पेलि फाक्निङ्लो॥ खे़न् लायोबा फे़न् निङ्वाॽइङ्ग खिनिॽ याम्साम्मिल्ले़ कुदक्ले़ङ्वाओ पोःक्लो॥
1 Peter 3:9 in Limbu 9 फे़न् पाःन्निल्ले़ कुले़क्वा फे़न् पाःन् मे़जोगे़म्मिन्ने़ॽ, किनाःन्दिःल्ले़ कुले़क्वा किनाःन्दि मे़बिरे़म्सिम्मिन्ने़ॽ, कर खे़ल्ले़ कुले़क्वाग मुॽइसाम् पिरे़म्सिम्मे़ॽ॥ थेआङ्भे़ल्ले़ निङ्वाॽफुमाङ्ङिल्ले़ खिनिॽ मुॽइसाम् पिसे़ के़उःत्तिआङ् वाॽरो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
2 Peter 1:3 in Limbu 3 आबाङे कुमिमिदिङ् नु कुनो-कुदाओ याप्मि के़उःप्पे़न् नुःरिक्काङ् कुसिङ् आनिःत्तुम्बाल्ले़ चोगुल्ले़ हिङ्मन्नो नु माङ्सेवा चोःक्माओ चाहाबा आजोःक्पा काक् पाःन्हाॽ निङ्वाॽफुमाङ्ङिल्ले़ कुमुक्साम्लाम्बा खुने़ॽ आबिॽरो॥
2 John 1:5 in Limbu 5 हे़क्क्याङ् आल्ल, आमिःम् तुम्म्याङ्हाङ्माए, आनिॽ काक् लुङ्माॽ तुक्कासि फाॽआङ् इङ्गाॽ पेलि फाक्ने़ॽरो॥ कन्कुसङ् इङ्जाःङ्ग साप्निङ्बा मे़ःन्लो, कर कङ्ग तगिआङ्धोए आनिॽनु वये़रो॥