Ephesians 2:2 in Limbu 2 खे़न् ये़म्मो खिनिॽआङ् कन् खाम्बेःक्मोबा थिम्मिन् नु फे़न्साम्हाॽरे़ खुनिॽ हाङ्जुम्मो हाङ् के़जोःक्पा माफे़न्साम्मिल्ले़ कुबाःन्निन् के़घे़प्सुम्माङ् के़वयि॥ खे़न् साम्मिन्ने निङ्वाॽफुमाङ् इङ्जाःङ् मे़ङ्घे़म्मनाबाहाॽरे़ खुनिॽ सिक्लुङ्मो याःम्बक् चोःक्ल वाॽरो॥
Other Translations King James Version (KJV) Wherein in time past ye walked according to the course of this world, according to the prince of the power of the air, the spirit that now worketh in the children of disobedience:
American Standard Version (ASV) wherein ye once walked according to the course of this world, according to the prince of the powers of the air, of the spirit that now worketh in the sons of disobedience;
Bible in Basic English (BBE) In which you were living in the past, after the ways of this present world, doing the pleasure of the lord of the power of the air, the spirit who is now working in those who go against the purpose of God;
Darby English Bible (DBY) in which ye once walked according to the age of this world, according to the ruler of the authority of the air, the spirit who now works in the sons of disobedience:
World English Bible (WEB) in which you once walked according to the course of this world, according to the prince of the powers of the air, the spirit who now works in the children of disobedience;
Young's Literal Translation (YLT) in which once ye did walk according to the age of this world, according to the ruler of the authority of the air, of the spirit that is now working in the sons of disobedience,
Cross Reference Matthew 11:19 in Limbu 19 इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥”
Matthew 12:43 in Limbu 43 “फे़न्साम्मिन् मनाओलाम् लःन् पेःक्किल्ले़ नाःम्सिङ्ते़न् कोःत्छे़ से़ङ्से़ङ्बा ते़न् हे़ङ्घाःत्ति पेःक्लो, कर खे़ल्ले़ आत्तान्नाङ् मे़घोःसुन्नाङ्
Matthew 13:38 in Limbu 38 प्याङ्सिगे़न् इःक्ताप्पिङ्ग इक्सादिङ् खाम्बेःक्मान्लो, हे़क्क्याङ् खे़न् नुःबा याॽरिःम्बाहाॽग निङ्वाॽफु हाङ्जुम्बा मनासिरो॥ माले़ःन्दोहाॽग माफे़न्साम्मिल्ले़ कुमनासिरो,
Luke 11:21 in Limbu 21 “लत्छा के़धुम्बा मनाःल्ले़ फे़जा-फे़युम्हाॽ काप्सिङ्ङाङ् कुहिम्मिन् कोसुल्ले़ कुजिगःक्वाहाॽ से़ःप्तुसिॽरो॥
Luke 16:8 in Limbu 8 हे़क्केलॽरिक् कुन्दाङ्बाल्ले़ खे़न् ताप्फे़ःम्बा खाराःत् के़युङ्बाल्ले़ इस्वाबा कुयाःम्बक्किन् निःसुआङ् कुनारा फोःसुरो॥ हे़क्केलॽरिक्के कन् इक्सादिङ् खाम्बेःक्मोबाहाॽ से़न्दाङ्गे़न् ओःत्तिःल्ले़ कुस्साःहाॽनुःल्ले़ चाःप्पा मे़जोःक्लो॥
Luke 22:2 in Limbu 2 हे़क्क्याङ् तुम्निङ्वाॽफुसाम्बाहाॽ नु साम्योथिम्साम्बाहाॽरे़ ये़सुःन् से़प्मा सुये़म् मे़गोःत्तुर मे़वये़, कर मनाहाॽरे़ हयङ्किल्लिङ् मे़जोगुॽ फाॽआङ् मे़गिसे़बाल्ले़ चोगुल्ले़ स्वाःत्ताङ् से़प्मा निङ्वाॽ मे़जोगु॥
Luke 22:31 in Limbu 31 ये़सुरे़ मे़त्तु, “सिमोने, सिमोने, खे़प्से़ॽओ! इक्मसाबाल्ले़ चाःन्नु कुहःक्किन् से़म्मारे़ लागि ए़प्तुआङ् से़न्दुबा कुइसिःक् माफे़न्साम्मिल्ले़आङ् खिनिॽ नसाःन्निन् ले़ङ्मा फाॽआङ् इङ्जाःङ् नाःक्तुआङ् वाॽरो॥
John 7:7 in Limbu 7 इक्सादिङ् खाम्बेःक्मोबाहाॽरे़ खिनिॽ चिःप्मा के़मे़न्छुक्तिन्लो, कर खे़ङ्हाॽरे़ मे़जोगुबा याःम्बक्हाॽ ताप्फे़ःम्बा चोःक् मे़त्तुङ्सिङ्बाल्ले़ चोगुल्ले़ इङ्गाॽ मे़जिःत्तारो॥
John 8:23 in Limbu 23 खुने़ॽ याम्मो मे़त्तुसि, “खिनिॽग बा कॽयोबानिङ्लो, कर इङ्गाॽ थोलाम्बाआरो॥ खिनिॽग इक्सादिङ् खाम्बेःक्मोबानिङ्लो कर इङ्गाॽग मे़ःन्नाॽरो॥
John 8:44 in Limbu 44 खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽ थाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खाःन् चिःत्तुॽरो, थेआङ्भे़ल्ले़ से़क्खाःन् खुने़ॽओ होःप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
John 12:31 in Limbu 31 आल्ल कन् इक्सादिङ् खाम्बेःक्माल्ले़ कुघासे़न् पोःङ्मा ये़म् त्ये़आङ् वाॽरो, आल्ल इक्सादिङ् खाम्बेःक्मो हाङ्युक् के़जोःक्पाङ्ग लाःक्कात् लाप्फुरो॥
John 13:2 in Limbu 2 आल्ल युःन्छिक् चाजामा ये़म् पोःक्खे़आङ् वये़ल्ले़ सिमोनरे़ कुस्साः यहुदा इस्करियोतिःल्ले़ ये़सुःन् इङ्ले़क्तुर फाॽआङ् माफे़न्साम्मिल्ले़ तगिसा कुनिङ्वाॽइन्फे़त्लाःन्दु पिरुआङ् वये़॥
John 13:27 in Limbu 27 यहुदाःल्ले़ खे़न् ताःक्तुनामे़ःन्ने माफे़न्साम्मिल्ले़ खे़न् युक्तुरो॥ हे़क्क्याङ् ये़सुरे़ खे़न् मे़त्तु, “खे़ने़ॽ थे़मा चोःक्मा निङ्वाॽ के़जोगुआङ् वाॽ, खे़न् हाराए चोगे़ॽओ॥”
John 14:30 in Limbu 30 आल्ल खिनिॽनु यरिक् मे़बाःत्तान्, थेआङ्भे़ल्ले़ इक्सादिङ् खाम्बेःक्मोबा हाङ्युक् के़जोःक्पान् फे़न्ल पत्लो॥ आसम्दाङ् खे़ल्ले़ थेआङ् मुक्साम् मे़गत्तुन्लो,
John 15:19 in Limbu 19 खिनिॽ कन् इक्सादिङ् खाम्बेःक्मोबा के़वयिल्ले़ग आबाङे खुनिॽ मना हे़क्केए लुङ्माॽ के़म्दुक्तिॽमे़न्, कर खिनिॽग इक्सादिङ् खाम्बेःक्मोबा मे़ःन्निङ्लो॥ खिनिॽग इक्सादिङ् खाम्बेःक्मोलाम् इङ्गाॽ सेःक्निङ्ङाङ् वाॽआरो, खे़ल्ले़ चोगुल्ले़ खे़ङ्हाॽरे़ खिनिॽ के़म्जिःत्तिॽरो॥
John 16:11 in Limbu 11 हे़क्क्याङ् कन् इक्सादिङ् खाम्बेःक्मोबा हाङ्युक् के़जोःक्पाल्ले़ कुघासे़न् पोःक्खे़आङ् वाॽ॥
Acts 5:3 in Limbu 3 कर पत्रुसरे़ सेःन्दोसु, “हननियाए, खे़ने़ॽ अक्खेलॽरिक् सेसेमाङ्ङिन् इङ्ले़क्मा फाॽआङ् के़निङ्वाॽइन्थेआङ्ने़ माफे़न्साम्मिन् थिम्मा के़बाङ्घुबाबे? थेआङ् खे़ने़ॽ कुभा याङ्ङिन् के़लारुआङ् काक् याङ् के़बिबा के़लाम्सिङ्बाबे?
Acts 19:35 in Limbu 35 हे़क्क्याङ् कुनुप्मो ये़क्यक् सुहाङ्गे़म्बाल्ले़ काक् मनाहाॽ स्वाःत् चोगुसिआङ् मे़त्तुसि, “तेःङ्जुम्से, कन् एफिसस्मा ते़ङ्गप्पिङ्ग पयम् आर्तेमिस माङ्ङिल्ले़ कुमाङ्हिम् नु ताङ्साक्पोलाम् मक्के़धाःबा कुनावाइत्ला के़गप्पा फाॽआङ् काक् मनाहाॽरे़ निङ्वाॽ मे़घोःसुआङ् मे़वाॽरो॥
Romans 12:2 in Limbu 2 इक्सादिङ् खाम्बेःक्मोबा थिम्मिन्नु मे़दङ्ङासिम्मे़न्ने़ॽओ कर खिनिॽ निङ्वाॽबान् ले़क्खे़म्मे़ॽर कुसङ् पोःक्खे़म्मे़ॽर पेगे़म्मे़ॽओ॥ हे़क्केलॽरिक् निङ्वाॽफुमाङ्ङिल्ले़ नुःबा, कुनिङ्वाॽ के़दाःबा नु कुलिङ्धो के़गे़प्पा कुनिङ्वाॽइन्थे वाॽ खे़न् निङ्वाॽ खोःमा के़सुक्तुम्लो॥
1 Corinthians 5:10 in Limbu 10 खे़न् फाॽइङ्ग नसाःन् मे़न्जोःक्मनाबा फे़न् याःम्बक् के़जोःक्पा, खिःम्यक्पा, इङ्ले़क्पा, नावाइत्ला माङ्गे़घबाहाॽनु मे़वये़म्मिन्ने़ॽ के़लॽबाग मे़ःन्लो॥ हे़क्के के़जोगुम्मिल्ले़ग कन् इक्सादिङ् खाम्बेःक्मोलाम्बा लःम्मा पेःक्मा के़बोःङ्बा वये़रो॥
1 Corinthians 6:11 in Limbu 11 खिनिॽआङ् कुभाग बा अक्तङ्बा के़वयि, कर वागे़म्हप्ति, सेसे के़बोःक्खि हे़क्क्याङ् दाङ्बा ये़सु ख्रिस्तरे़ कुमिङ्ङो आनिॽ निङ्वाॽफुमाङ्ङिल्ले़ कुसेसेमाङ्लाम्बा आप्तिक् मे़ःन्नेबा के़बोःक्खिरो॥
2 Corinthians 4:4 in Limbu 4 कन् इक्सादिङ् खाम्बेःक्मोबा माङ् माफे़न्साम्मिल्ले़ए नसाःन् मे़न्जोःक्मनाबाहाॽरे़ खुनिॽ निङ्वाॽइन्फे़त्लाःन्दु पिरुसिबाल्ले़ चोगुल्ले़ खे़ङ्हाॽरे़ ख्रिस्तरे़ कुमिमिदिङ्गे़न् सुनाइङ्ङिल्ले़न् ओःत्तिःन् निःमा मे़न्छुक्तुन्॥ ख्रिस्ते़ङ्ग निङ्वाॽफुमाङ्ङिल्ले़ कुइःत्लो॥
Galatians 1:4 in Limbu 4 आनिॽ पानुदिङ् पाः निङ्वाॽफुमाङ्ङिल्ले़ कुनिङ्वाॽ हे़क्के ये़सुरे़ कन् ये़म्मोबा ताप्फे़ःम्बा इक्सादिङ् खाम्बेःक्मोलाम् ताङ्से़ःप्मा आसुक्ल फाॽआङ् आनिॽ लायो आजोगुम्बाल्ले़ चोगुल्ले़ आनिॽ ले़क्वा स्ये़रो॥
Ephesians 2:3 in Limbu 3 खे़ङ्हाॽरे़ खुनिॽ लुम्मो उन्छोःन् आनिॽआङ् याम् नु निङ्वाॽइल्ले़ चोःक्मा कोःत्तुबा लायोबा लाम्मो आवये़॥ खे़ङ्हाॽ हे़क्के आनिॽआङ् निङ्वाॽफुमाङ्ङिल्ले़ कुघासे़न्नो के़धाःबा आबोःक्खे़आङ् आवये़रो॥
Ephesians 4:22 in Limbu 22 खे़ल्ले़ चोगुल्ले़ ख्रिस्ते़न्नसाःन् मे़न्जोःक्के के़वयिल्ले़ इङ्ले़क्के फे़न् निङ्वाॽइल्ले़ फे़त्लाःन्दुबा खिनिॽ तगिबा ये़प्ले़क्किन् लाप्फुसे़म्मे़ॽआङ्
Ephesians 5:6 in Limbu 6 खे़न् हे़क्तङ्बा पाःन्नो हाःत्ले़आङ् खिनिॽ हने़बा पाःन्लाम् इङ्ले़क्मा के़न्छुक्तिन्लरो, थेआङ्भे़ल्ले़ खे़न् हने़बा पाःन्निल्ले़ चोगुल्ले़ निङ्वाॽफुमाङ्ङिल्ले़ कुसाक्के़न् खुने़ॽ मे़न्इःप्मना मे़न्नाःप्मनाबाहाॽओ थाःरो॥
Ephesians 6:12 in Limbu 12 थेआङ्भे़ल्ले़ आनिॽ थङ्ङिङ्ग मे़न्छाम् याप्मिनु मे़ःन्, कर हाङ्गे़जोःक्पाहाॽ, युक्दाङ्बाहाॽ, कन् खागे़माक्पा खाम्बेःक्कोबा मुक्साम्हाॽ हे़क्क्याङ् ताङ्साक्पाओबा काक् फे़न्साम्हाॽनु थक्मनाबा थङ्लो॥
Colossians 1:21 in Limbu 21 पेबा ये़म्मो खिनिॽ फे़न् याःम्बक्किल्ले़ चोगुल्ले़ खिनिॽ निङ्वाॽओ निङ्वाॽफुमाङ्ङिल्ले़ कुनिङ्मि के़बोःक्खिआङ् के़वयिरो॥ खिनिॽ खुने़ॽलाम्बा के़से़न्दिआङ् माःङ्घा के़वयिरो॥
Colossians 3:6 in Limbu 6 थेआङ्भे़ल्ले़ अक्तङ्बा याःम्बक् के़जोःक्पाहाॽ सम्दाङ् निङ्वाॽफुमाङ्ङिल्ले़ कुसाक्के़न्निन् चुक्लो॥
2 Timothy 4:10 in Limbu 10 थेआङ्भे़ल्ले़ देमासरे़ कन् इक्सादिङ् खाम्बेःक्मोबा पाःन्हाॽ मिःम्जि मे़त्तु हे़क्क्याङ् इङ्गाॽ ले़राङ्ङाङ् थिस्सलोनिका पेआङ् वाॽरो॥ क्रेसेन्से़न् गलातिया थुम्मो पेआङ् वाॽ हे़क्क्याङ् तितसे़न् दाल्मातिया थुम्मो पेरो॥
James 1:7 in Limbu 7 हे़क्केलॽरिक् चप्चि के़जोःक्पा मनाःल्ले़ यहवे दाङ्बाओलाम् थे पाःन्नाङ् खोःसुङ् फाॽआङ् मे़इःत्तुन्लरो॥
James 4:4 in Limbu 4 नसाःन् मे़न्जोःक्मनाबासे, इक्सादिङ् खाम्बेःक्मोबा पाःन्हाॽ मिःम्जि के़मे़प्पे़न्निङ्वाॽफुमाङ्ङिल्ले़ कुनिङ्मि पोःङ् फाॽआङ् कुसिङ् के़न्निःत्तुम्मिन्बि? इक्सादिङ् खाम्बेःक्मोबा पाःन्हाॽ मिःम्जि के़मे़प्पे़ङ्ग निङ्वाॽफुमाङ्ङिल्ले़ कुनिङ्मि पोःङ्लो॥
1 Peter 1:14 in Limbu 14 निङ्वाॽफुमाङ्ङिल्ले़ इङ्जाःङ् के़इःप्पा के़नाःप्पा कुस्साः के़बोःक्खिबाल्ले़ चोगुल्ले़ तगि मे़न्निए मे़ल्ले़ए के़वयिल्ले़ के़जोगुम्बा फे़न् याःम्बक् चोःक्मा निङ्वाॽओ याम्मो मे़बत्छे़म्मिन्ने़ॽओ॥
1 Peter 4:3 in Limbu 3 थेआङ्भे़ल्ले़ के़बेःक्पा ये़म्मो नसाःन् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न् निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ सेवा चोःक्माओ यरिक् ये़म् के़देःसुम्लो॥
2 Peter 2:14 in Limbu 14 खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
1 John 2:15 in Limbu 15 इक्सादिङ् खाम्बेःक्मान् नु खे़प्मो के़वाॽबा चिगःक्वाहाॽ मिःम्जि मे़मे़त्ते़म्मिन्ने़ॽओ॥ आत्तिल्ले़ इक्सादिङ् खाम्बेःक्मान् मिःम्जि मे़त्तुॽ, खे़ल्ले़ पानुदिङ् पाः निङ्वाॽफुमाङ्ङिन् मिःम्जि मे़प्मा मे़सुक्तुन्लो॥
1 John 3:8 in Limbu 8 लायो के़जोःक्पार के़वाॽबा मनाःङ्ग माफे़न्साम्मिल्ले़ कुमनारो, थेआङ्भे़ल्ले़ माफे़न्साम्मिल्ले़ तोलिङ्सोमुआङ्धोए लायो चोगुर वाॽरो॥ खे़ल्ले़ चोगुल्ले़ निङ्वाॽफुसाःन् माफे़न्साम्मिल्ले़ कुयाःम्बक्किन् मे़ङ्से़ ये़बारो॥
1 John 3:10 in Limbu 10 निङ्वाॽफुमाङ्ङिल्ले़ कुस्साःहाॽ नु माफे़न्साम्मिल्ले़ कुस्साःहाॽओ मे़न्दङ्मना पाःन्निन् आम्भा कन्लो–आत्तिल्ले़ साम्योथिम् कुइसिःक् नुःबा याःम्बक् मे़जोगुन् हे़क्क्याङ् नसानिबा फुॽनुसाॽ नु ने़ॽनुसाॽहाॽ लुङ्माॽ मे़दुक्तुसिन् खे़ङ्ग निङ्वाॽफुमाङ्ङिल्ले़ कुस्साः मे़ःन्लो॥
1 John 4:4 in Limbu 4 आमिःम् आस्साःसे, खिनिॽग निङ्वाॽफुमाङ्ङिल्ले़ कुमनानिङ्लो॥ हे़क्क्याङ् खिनिॽग इङ्ले़क् माङ्निङ्वाॽपाःन् के़बाःप्पाहाॽ के़नाःन्दुम्सिम्माङ् के़वयिॽरो, थेआङ्भे़ल्ले़ खिनिॽओ के़वाॽबा सेसेमाङ्ङिङ्ग इक्सादिङ् खाम्बेःक्माओ के़वाॽबान्नुःल्ले़आङ् यम्बा चोःक्लो॥
1 John 5:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ कुस्साःल्ले़ इक्सादिङ् खाम्बेःक्मान् नाःन्दुॽरो॥ आनिॽ नसाःन्निल्ले़ए इक्सादिङ् खाम्बेःक्मान् नाःन्दुॽरो॥
1 John 5:19 in Limbu 19 आनिॽग निङ्वाॽफुमाङ्ङिल्ले़ कुस्साःसिरो, हे़क्क्याङ् कन् इक्सादिङ् खाम्बेःक्मान् माफे़न्साम्मिल्ले़ कुहुक्को थ्ये़आङ् वाॽ के़लॽबा पाःन्निन् आनिःसुम्लो॥
Revelation 12:9 in Limbu 9 कन् पयम् यम्बा हन्दगेःक्गे़न् वासेरिःङ्ग उन्छोःन्बा असेःक्पे़न्लो, खे़ङ्ग इक्सादिङ् खाम्बेःक्मोबाहाॽ इङ्ले़क् के़मे़प्पा माफे़न्साम् इग्र सैतान मे़मे़त्तुरो॥ खे़ङ्ग कुमाङ्लाइङ्बाहाॽनु यो इक्सादिङ् खाम्बेःक्मो लाप्फुसे़रो॥
Revelation 13:8 in Limbu 8 से़प्मनाबा मे़ल्लुक्साःल्ले़ कुहिङ्मन्ले़ कुसाप्पन्नो इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए खुनिॽ मिङ् मे़न्छाप्पे के़वाॽबा इक्सादिङ् खाम्बेःक्मोबा के़रे़क्ले़ खे़न् थक्साःन् सेवा मे़जोगुरो॥
Revelation 13:14 in Limbu 14 थिक्सिगेःक्पा किप्मा के़घुःबा थक्साःल्ले़ कुले़क्वा खे़न् किप्मा के़घुःबा थक्साःल्ले़ निङ्वाॽ के़माबा याःम्बक्हाॽ चोःक्मा खोःसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिःमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेःक्पा किप्मा के़घुःबा थक्साःल्ले़ कुमिङ्सो कुधाःङ्सोओ नावाइत्ला चोःक् पाङ्घुसिरो॥
Revelation 16:17 in Limbu 17 हे़क्क्याङ् नुसिगेःक्पा माङ्लाइङ्बाल्ले़ कुघोर्याःन् सुरित् केजङ्ङो हुक्खुआङ् निङ्वाॽफुमाङ्ङिल्ले़ कुहिम्मोबा हाङ्युक्नालाम् आल्ल चुरे़रो के़लॽबा यम्बा इक्लाधिक् त्ये़रो॥
Revelation 20:2 in Limbu 2 खे़न् माङ्लाइङ्बाल्ले़ हन्दगेःक्गे़न् वासेरिःन् ते़म्सुआङ् तङ्बे हे़न्छिङ् (१०००) थारिक् खे़न्निन् इघेःक्खुरो॥ खे़न् हन्दगेःक्गे़न् वासेरिःङ्ग उन्छोःन्बा असेःक्, माफे़न्साम् इग्र सैताःन्नाङ् मे़मे़त्तुरो॥