Ephesians 1:4 in Limbu

4 खुने़ॽ कुनिःमाओ सेसे नु आप्‍तिक् मे़ःन्‍नेबा आबोःङ्‌ल फाॽआङ् ख्रिस्‍ते़ल्‍ले़ चोगुल्‍ले़ इक्‍सा खाम्‍बेःक् पोःङ्‌मानुःल्‍ले़ तगिसा आसेगे़आङ् वये़॥ खुने़ॽ लुङ्‌माॽ आदुक्‍ते़बाल्‍ले़ चोगुल्‍ले़

Other Translations

King James Version (KJV)

According as he hath chosen us in him before the foundation of the world, that we should be holy and without blame before him in love:

American Standard Version (ASV)

even as he chose us in him before the foundation of the world, that we should be holy and without blemish before him in love:

Bible in Basic English (BBE)

Even as he made selection of us in him from the first, so that we might be holy and free from all evil before him in love:

Darby English Bible (DBY)

according as he has chosen us in him before [the] world's foundation, that we should be holy and blameless before him in love;

World English Bible (WEB)

even as he chose us in him before the foundation of the world, that we would be holy and without blemish before him in love;

Young's Literal Translation (YLT)

according as He did choose us in him before the foundation of the world, for our being holy and unblemished before Him, in love,

Cross Reference

Matthew 11:25 in Limbu

25 खे़न् ये़म्‍मो ये़सुरे़ तुवा चोगु, “आम्‍बे, साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ले़ दाङ्‌बाए, इङ्‌गाॽ नोगे़न् पिने़, थेआङ्‌भे़ल्‍ले़ खे़ने़ॽग सिक्‍कुम्‍साबाहाॽ हे़क्‍क्‍याङ् चाःप्‍पाहाॽनु के़माॽरुबा पाःन्‍निन् हिन्‍जाॽ हे़क्‍तङ्‌बाहाॽ ओसेःन्‍गे़धाक्‍तुसिरो॥

Matthew 24:22 in Limbu

22 निङ्‌वाॽफुमाङ्‌ङिल्‍ले़ खे़न् ये़न्‍हाॽ ताङ्‌सा मे़जोगुन्‍निल्‍ले़ग आत्तिन् मनाहाॽआङ् हिङ्‌मा मे़न्‍छुक्‍ते़न्‍बारो॥ कर खुने़ॽ सेगुसिबाहाॽ मे़हिङ्‌ल फाॽआङ् खे़न् ये़न्‍हाॽ ताङ्‌सा पोःक्‍खे़बारो॥

Matthew 24:24 in Limbu

24 थेआङ्‌भे़ल्‍ले़ इङ्‌ले़क्‍पा ख्रिस्‍तहाॽ नु इङ्‌ले़क्‍पा माङ्‌निङ्‌वाॽपाःन् के़बाःप्‍पाहाॽ मे़लःन् मे़दाआङ् पयम् यम्‍बा मिक्‍सेःन् नु निङ्‌वाॽ के़माबा पाःन्‍हाॽ मे़जोगुआङ् निङ्‌वाॽफुमाङ्‌ङिल्‍ले़ सेगुसिबा मनाहाॽआङ् खुनिॽ सुक्‍सुक् इङ्‌मे़ले़क्‍तुसिॽरो॥

Matthew 24:31 in Limbu

31 हे़क्‍क्‍याङ् खुने़ॽ सेगुसिबा मनाहाॽ सुम्‍से़ के़रे़क् पिसाङ्‌लाम् ताङ्‌साक्‍पाल्‍ले़ खोःप्‍तुबा नु इक्‍सादिङ् खाम्‍बेःक्‍माल्‍ले़ ताःक्‍तुबाओ थुत्तुरिःप्‍पाल्‍ले़न् पयम् इक्‍लानु कुमाङ्‌लाइङ्‌बाहाॽ इक्‍सादिङ् खाम्‍बेःक्‍मो पाङ्‌घु युःसुसिॽरो॥”

Matthew 25:34 in Limbu

34 हे़क्‍क्‍याङ् हाङ्‌ङिल्‍ले़ कुजुप्‍साङ् ले़प्‍माङ्‌बाहाॽ मे़त्तुसि, ‘पानुदिङ् आम्‍बारे़ मुॽइसाम् पिरुसिबासे, त्‍ये़म्‍मे़ॽओ, नावागे़न्‌चइःत् ने़स्‍से़आङ्धो खिनिॽ लागि यारिप् चोःक्‍मनाबा हाङ्‌जुम्‍मिन् युक्‍ते़म्‍मे़ॽओ॥

Luke 1:74 in Limbu

74 कन् माङ्‌हे़क्‍किन्‌आनिॽ निङ्‌मिहाॽरे़ खुनिॽ हुक्‍कोलाम् ताङ्‌से़ःप्‍मा आघोःसुम्‍ल, हे़क्‍क्‍याङ् मे़ङ्‌गिए मे़न्‌यङ्‌ङे आनिॽ हिङ्‌मन् खाराक् सेसे नु साम्‌योनिबा पोःङ्‌माआङ् खुने़ॽ कुसेवा चोःक्‍मा आसुक्‍तुम्‍ल फाॽआङ् पोःक्‍खे़बारो॥”

John 10:16 in Limbu

16 इङ्‌गाॽ वेॽ मे़ल्‍लुक्‍हाॽआङ् कत्तुङ्‌सिङ्॥ खे़ङ्‌हाॽग कन् लुप्‍पोबा मे़ःन्‍छिरो कर खे़ङ्‌हाॽआङ् इङ्‌गाॽ लत्‍छा लुप्‍पो ताःप्‍मासि पोःङ्‌लो॥ खे़ङ्‌हाॽरे़ इङ्‌गाॽ आइक्‍लाःन् मे़घे़प्‍सुॽआङ् खे़ङ्‌हाॽ थिक् लुप् मे़बोःङ् हे़क्‍क्‍याङ् मे़ल्‍लुक्‍कम्‍बान्‍नाङ्‌लत्‍छारक्‌पोःङ्‌लो॥

John 15:16 in Limbu

16 खिनिॽ याप्‍मि के़न्‍छेगिन् कर इङ्‌गाॽ खिनिॽ सेःक्‍निङ्‌, हे़क्‍क्‍याङ्‌पेगे़म्‍मे़ॽआङ् सदादिङ् के़बप्‍पा कुजाॽ फत्‍छे़म्‍मे़ॽ फाॽआङ् सेःक्‌युक् चोःक्‍निङ्‌ङाङ् वाॽआरो॥ आमिङ्‌ङो थे के़नाःक्‍तुम्‍साङ् पानुदिङ् आम्‍बारे़ के़बिरिॽरो॥

John 17:24 in Limbu

24 पानुदिङ् आम्‍बे, इङ्‌गाॽ के़बिराङ्‌बाहाॽ इङ्‌गाॽनुए सोरिक् मे़वाॽर के़लॽबा निङ्‌वाॽ चोगुङ्‌लो॥ हे़क्‍केलॽरिक् खे़ङ्‌हाॽरे़ इङ्‌गाॽ के़बिराङ्‌बा मिमिदिङ्‌ङिन् मे़निःसुॽरो॥ खे़ने़ॽ इक्‍सादिङ् खाम्‍बेःक्‍माल्‍ले़ नावागे़न् चइःत् ने़मानुःल्‍ले़ तगिए इङ्‌गाॽ लुङ्‌माॽ के़दुक्‍ताङ्‌बाल्‍ले़ चोगुल्‍ले़ खे़न् मिमिदिङ्‌ङिन् के़बिराङ्‌लो॥

Acts 13:48 in Limbu

48 कन् पाःन्‍निन् थिम्‍मे़न्‍दङ् सुवाङ्‌हाॽरे़ मे़घे़प्‍सुआङ् साॽरिक् मे़सःत्ते़र निङ्‌वाॽफु पाःन्‍जाक्‍किन् इङ्‌धाःङ् मे़बिरु॥ हे़क्‍क्‍याङ् मे़न्‍नुप्‍मनाबा हिङ्‌मन्‍ले़ लागि सेःक्‌युक् के़बोःङ्‌बाहाॽरे़ नसाःन् मे़जोगुरो॥

Acts 18:10 in Limbu

10 इङ्‌गाॽग खे़ने़ॽनुए वाॽआरो, हे़क्‍क्‍याङ् हाःत्‍ले़आङ् थेआङ् के़म्‍मे़त्‍ने़ल्‍लो, थेआङ्‌भे़ल्‍ले़ कन् ये़क्‌यक्‍को चक्‍मे़ल्‍लॽए सुनाइङ् इङ्‌गे़भोःसुने़ फाॽग्र नसाःन्‍नो ताःमा यरिक् आमनाहाॽ मे़वाॽरो॥”

Romans 8:28 in Limbu

28 निङ्‌वाॽफुमाङ्‌ङिन् मिःम्‍जि के़मे़प्‍पा, कुनिङ्‌वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्‍हाॽ नुःबाए पोःङ्‌ल चोगुॽ के़लॽबान्‍नाङ्‌आनिॽ कुसिङ् आनिःत्तुम्‍लो॥

Romans 8:33 in Limbu

33 निङ्‌वाॽफुमाङ्‌ङिल्‍ले़ सेगुसिबाहाॽ हाःत्‍ले़ आप्‍तिक् कुःप्‍मा सुक्‍तुसिॽबे? हाःत्‍ले़आङ् मे़सुक्‍तुन्‍छिन्, थेआङ्‌भे़ल्‍ले़ आप्‍तिक् मे़ःन्‍नेबा के़जोःक्‍पाङ्‌ग निङ्‌वाॽफुमाङ्‌ङिन्‍नेरो॥

Romans 9:23 in Limbu

23 हे़क्‍क्‍याङ् तगिसा कुमिमिदिङ्‌ङिन् खोःमा फाॽआङ् यारिप् चोगुसिआङ् लुङ्‌माॽ तुक्‍तुसिबाहाॽ इमे़ल्‍लुङ्‌बा कुमिमिदिङ्‌ङिन् ओसेःन्‍धाक्‍से़ निङ्‌वाॽफुमाङ्‌ङिल्‍ले़ अक्‍खे चोगुरो॥

Romans 11:5 in Limbu

5 हे़क्‍केलॽरिक्‍के, कन् ये़म्‍मोआङ् निङ्‌वाॽफुमाङ्‌ङिल्‍ले़ कुलुङ्‌माॽ तुक्‍माल्‍ले़ सेगुसिबा कुलक्‍थिक् के़दाङ्‌बा के़याःक्‍पाहाॽ मे़वाॽरो॥

1 Corinthians 1:8 in Limbu

8 खुने़ॽए कुनुप्‍मो थारिक् नसाःन्‍नो थधप् मे़ल्‍लॽए के़गत्तिॽ, हे़क्‍केःल्‍ले़ आनिॽ दाङ्‌बा ये़सु ख्रिस्‍ते़ल्‍ले़ कुनुःङ्‌मा युःमा ये़न्‍नो आत्तिल्‍ले़आङ् खिनिॽ पाःन्‍धिक्‍मा के़न्‍छुक्‍तिन्‍लो॥

Galatians 5:6 in Limbu

6 थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मे़ःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

Galatians 5:13 in Limbu

13 फुॽनुसाॽ नु ने़ॽनुसाॽसे, खिनिॽग निङ्‌वाॽफुमाङ्‌ङिल्‍ले़ चोःक्‌युम्‍भो पोःङ्‌से़ के़उःत्तिआङ् के़वयिॽ॥ खे़ङ्‌ग लायोबा निङ्‌वाॽइल्‍ले़ मुरा के़मे़त्तिबा कुइसिःक् खिनिॽ याम्‍दादा चोःक्‍मारे़ लागि मे़ःन्‍लो, कर लुङ्‌माॽ तुक्‍सिङ्‌माआङ् कुभाॽ पिसिङ्‌मारे़ लागिने़रो॥

Galatians 5:22 in Limbu

22 कर सेसेमाङ्‌ङिल्‍ले़ लाम्‍लोसुसिबा मनाहाॽरे़ वेॽहाॽ लुङ्‌माॽ मे़दुक्‍तुसिॽ, खे़ङ्‌हाॽ मे़सःत्, सनारुङ्‌ङो मे़वाॽ, नासि मे़धःत्, खे़ङ्‌हाॽरे़ वेॽहाॽ नुःरिक् मे़मे़त्तुसिॽ, खे़ङ्‌हाॽ नुःबा याःम्‍बक् मे़जोःक्, निङ्‌वाॽइरे़ खोःप्‍तुसिबा मे़जोःक्,

Ephesians 2:10 in Limbu

10 थेआङ्‌भे़ल्‍ले़ नुःबा याःम्‍बक्‍हाॽ चोःक्‍मा फाॽआङ् ख्रिस्‍त ये़सुलाम् निङ्‌वाॽफुमाङ्‌ङिल्‍ले़ आनिॽ आजोगे़बारो॥ निङ्‌वाॽफुमाङ्‌ङिल्‍ले़ खे़न् नुःबा याःम्‍बक्‍हाॽ आनिॽ आजोगुम्‍ल फाॽआङ् तगिसा यारिप् चोगुआङ् वये़बारो॥

Ephesians 3:17 in Limbu

17 हे़क्‍केलॽरिक् नसाःन्‍लाम् ख्रिस्‍ते़न्‌खिनिॽ सिक्‍लुङ्‌मो वाॽर॥ निङ्‌वाॽफुमाङ्‌ङिल्‍ले़ कुमिःम्‍जिओ खिनिॽ साःप् लेःत्‍छिङ्‌ङाङ् के़धुम्‍बा के़बोःक्‍खिर,

Ephesians 4:2 in Limbu

2 काक् चुङ्‌जिगे़न् नःम्‍नःम् नु सुम्‍सुम्‍माङ्‌वये़म्‍मे़ॽ॥ हे़क्‍क्‍याङ् निङ्‌वाॽ यो धो मे़ल्‍लॽए लुङ्‌माॽ तुक्‍कासिम्‍मे़ॽर नासि थःत्ते़म्‍मे़ॽओ॥

Ephesians 4:15 in Limbu

15 खे़ल्‍ले़ कुले़क्‌वा मिःम्‍जिन्‍नु से़क्‍खा पाःन् आबाःत्तुम्‍मिल्‍ले़ आल्‍लसाङ् यरिक् आनिॽ काक् परिक्‍ले़ ख्रिस्‍ते़न्‌हे़क्‍केए आबोःङ्, थेआङ्‌भे़ल्‍ले़ खुने़ॽए आनिॽ थे़गेःक्‍पारो॥

Ephesians 5:2 in Limbu

2 ख्रिस्‍तरे़ आनिॽ लुङ्‌माॽ आदुक्‍ते़आङ् आनिॽ लागि स्‍ये़बा कुइसिःक् खिनिॽआङ् लुङ्‌माॽ तुक्‍कासिम्‍मे़ॽओ॥ खुने़ॽए निङ्‌वाॽफुमाङ्‌ङो तोःम्‍मनाबा कुनाम् के़नुॽबा नु कुनिङ्‌वाॽ के़दाःबा सिदुङ्‌जभा पोःङ्‌से़ आबाङे पिसिङ्‌लो॥

Ephesians 5:27 in Limbu

27 खुने़ॽग इगे़सुॽबा नु से़रे़म् मे़ःन्‍नेबा इग्र अक्‍तङ्‌बा थेआङ् मे़म्‍बप्‍मनाबा, सेसे नु आप्‍तिक् मे़ःन्‍नेबा मिमिदिङ्‌गे़न् सेसेहुप्‍लक्‍किन् आबाङेओ तोःम्‍मा सुक्‍तुर फाॽआङ् हे़क्‍के चोगुरो॥

Philippians 2:15 in Limbu

15 हे़क्‍क्‍याङ् खिनिॽग सेसे नु फोत्‍या मे़ःन्‍नेबा निङ्‌वाॽफुमाङ्‌ङिल्‍ले़ कुस्‍साः के़बोःक्‍खिॽ, हे़क्‍क्‍याङ् कन् इक्‍साबा ताक्‍के़भे़ॽबा नु लायोबा मनाहाॽनु के़वयिल्‍ले़ खामाक्‍लुम्‍मो के़ओःप्‍पा ओःत्तिहाॽ कुइसिःक् खे़ङ्‌हाॽ लुम्‍मो के़ओःत्तिॽरो॥

Colossians 1:22 in Limbu

22 कर आल्‍लोग निङ्‌वाॽफुमाङ्‌ङिल्‍ले़ आबाङे कुदगि सेसेसाङ्‌साङ् नु आप्‍तिक्‌मे़ःन्‍नेबा चोःक्‍मासि फाॽआङ् ये़सु ख्रिस्‍तरे़ कुसिलाम्‍साक्‍मा सिङ्सम्‍दाङ्‌बा कुसिःमे़न्‍लाम्‍बा नादङ्‌ङो के़दाःरिआङ् वाॽरो॥

Colossians 2:2 in Limbu

2 खिनिॽ के़रे़क्‍ले़ सिक्‍लुङ्‌मो हाङ्‌हाङ् के़बोःक्‍खिआङ् खिनिॽ लुङ्‌माॽ तुक्‍सिङ्‌मो थिक्‍हुप् के़बोःक्‍खिर के़लॽबा आनिङ्‌वाॽ वाॽरो, हे़क्‍केलॽरिक् खिनिॽ के़रे़क्‍ले़ कुलिङ्‌धो इःत्‍छिङ्‌साम् के़घोःसुम्‍माङ् निङ्‌वाॽफुमाङ्‌ङिल्‍ले़ कुसिबिॽ पाःन्‍निन् कुसिङ्‌के़निःत्तुम्‍लरो॥ खे़न् कुसिबिॽ पाःन्‍निङ्‌ग ख्रिस्‍ते़न्‍नेरो॥

Colossians 3:12 in Limbu

12 हे़क्‍केःल्‍ले़ निङ्‌वाॽफुमाङ्‌ङिल्‍ले़ सेगुसिबा मनाहाॽ, सेसे नु साॽरिक् लुङ्‌माॽ तुक्‍तुसिबाहाॽरे़, लुङ्‌दुक्‍किन्, लुङ्‌माॽ तुक्‍सिङ्‌मान्, नोनिङ्‌वाॽइन्‌, चुङ्‌जिगे़न् नःम्‍नःम् लॽमान्‌नु नासि थःप्‍मान् चाङ् कुइसिःक् चाक्‍सिङ्‌मा पोःङ्‌लो॥

1 Thessalonians 3:12 in Limbu

12 हे़क्‍क्‍याङ् आनिगे़ खिनिॽ लुङ्‌माॽ तुक्‍कासिगे़बा हे़क्‍केए हाराॽ दाङ्‌बाल्‍ले़ खिनिॽ लुङ्‌माॽ तुक्‍सिङ्‌मा हे़क्‍क्‍याङ् काक् मे़न्‍छाम् याप्‍मिहाॽ लुङ्‌माॽ के़दुक्‍पा के़बोःङ्‌बार के़बेःक्‍पा के़जोगिररो॥

1 Thessalonians 4:7 in Limbu

7 थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आनिॽग चिःन्‍जिःम्‍बा हिङ्‌मन्‍नो मे़ःन्, कर सेसे साङ्‌साङ्‌ङाङ् हिङ्‌मा लॽरिक् आउःत्ते़बारो॥

2 Thessalonians 2:13 in Limbu

13 दाङ्‌बाल्‍ले़ लुङ्‌माॽ के़दुक्‍तिबा फुॽनुसाॽ नु ने़ॽनुसाॽसे, खिनिॽ याःम्‍बेओ निङ्‌वाॽफुमाङ्‌ङिन् आनिगे़ सदादिङ् नोगे़न् पिमाए पोःङ्‌लो, थेआङ्‌भे़ल्‍ले़ तोलिङ्‌सोमुआङ्धोए सेसेमाङ्‌ङिल्‍ले़ सेसेगे़न् सुत्‍थो चोगुबा कुयाःम्‍बक्‍लाम् नु से़क्‍खाओ नसाःन् चोःक्‍मालाम् निङ्‌वाॽफुमाङ्‌ङिल्‍ले़ खिनिॽ ताङ्‌से़ःप्‍सिङ्‌मा फाॽआङ् के़सेगिरो॥

2 Timothy 1:9 in Limbu

9 खुने़ॽए आनिॽ ताङ्‌आसे़ःप्‍ते़आङ् आप्‍फेःक् सेसे कुमना पोःङ्‌से़ आसेगे़आङ् आवाॽरो॥ कङ्‌ग आनिॽ आजोगुम्‍बा याःम्‍बक्‍किल्‍ले़ पोःक्‍खे़बा मे़ःन्‍लो, कर खुने़ॽ आप्‍फेःक् कुनिङ्‌वाॽसोःक् नु कुलुङ्‌गुम्‌रे़ चोगुबारो॥ तोलिङ्‌सोमुआङ्धो ख्रिस्‍त ये़सुरे़ कन् लुङ्‌गुम्‍मिन् आबिर फाॽआङ् निङ्‌वाॽफुमाङ्‌ङिल्‍ले़ निङ्‌सेःक् चोगुआङ् वये़॥

2 Timothy 2:10 in Limbu

10 खे़ल्‍ले़ चोगुल्‍ले़ए निङ्‌वाॽफुमाङ्‌ङिल्‍ले़ सेगुसिबा कुमनाहाॽ ख्रिस्‍त ये़सुओ से़न्‍लप् नु मे़न्‍नुप्‍मनाबा मिमिदिङ् मे़घोःसुर फाॽआङ् काक् तुक्‍खेहाॽ इङ्‌गाॽ थम्‍मा सुक्‍तुङ्‌लो॥

2 Timothy 2:19 in Limbu

19 कर निङ्‌वाॽफुमाङ्‌ङिल्‍ले़ कुनिसाम्‍मिल्‍ले़न् युक्‍सिङ्‌गे़न् पाङ्‌युक्‍किन् मे़म्‍मुन्‍नेए ने़रो, हे़क्‍क्‍याङ् अक्‍खेलॽरिक् साप् लक्‍सिङ्‌ङाङ् वाॽरो, “दाङ्‌बाल्‍ले़ आप्‍फेःक् कुमनाहाॽ कुसिङ्‌निःत्तुसिॽरो,” हे़क्‍क्‍याङ् “दाङ्‌बाल्‍ले़ कुमिङ् के़लोःङ्‌बाहाॽ काक् लायोलाम् माःङ्‌घाए मे़बोःङ्‌लरो॥”

Titus 1:1 in Limbu

1 निङ्‌वाॽफुमाङ्‌ङिल्‍ले़ कुसेवारोबा नु ये़सु ख्रिस्‍तरे़ कुसेःक्‌युक्‍मिबा इङ्‌गाॽ पावललाम्‍बा कन् सक्इङ्‌घङ्‌ङिन् हाक्‍ने़ॽरो॥ निङ्‌वाॽफुमाङ्‌ङिल्‍ले़ सेगुसिबा कुमनाहाॽ खुनिॽ नसाःन्‍नो कुभाॽ पिमासि हे़क्‍क्‍याङ् आनिॽ साम्‌योरे़ आहुॽरे़बा से़क्‍खाओ लाम्‍लोःमासि फाॽआङ् निङ्‌वाॽफुमाङ्‌ङिल्‍ले़ इङ्‌गाॽ सेगाङ्‌लो॥

Titus 2:11 in Limbu

11 के़रे़क् मे़न्‍छाम् याप्‍मिहाॽरे़ से़न्‍लप् मे़घोःसुर फाॽआङ् निङ्‌वाॽफुमाङ्‌ङिल्‍ले़ कुलुङ्‌गुम्‍मिन् ओसेःन्‍धाक्‍तुसिआङ् वाॽरो॥

James 2:5 in Limbu

5 आमिःम् फुॽनुसाॽ नु ने़ॽनुसाॽसे, खे़प्‍से़म्‍मे़ॽओ! निङ्‌वाॽफुमाङ्‌ङिल्‍ले़ इक्‍सादिङ् खाम्‍बेःक्‍मोबा याङ्‌गे़साॽबाहाॽ नसाःन्‍नो याङ्‌साकुन्‍धेसाबा चोःक्‍से़ नु कुहाङ्‌जुम् लक् खोःसे़ सेगुसिआङ् वाॽ॥ खे़न् हाङ्‌जुम्‍मिङ्‌ग खुने़ॽ काक् मिःम्‍जि के़मे़प्‍पाहाॽ पिमासि माङ्‌हे़क् चोगुआङ् वाॽरो॥

1 Peter 1:2 in Limbu

2 निङ्‌वाॽफुपाःल्‍ले़ तगिसा कुसिङ्‌के़निःत्तिबा कुइसिःक् कुमना पोःङ्‌से़ के़सेगिआङ् सेसेमाङ्‌ङिल्‍ले़ सुत्‍थो के़जोगिरो॥ हे़क्‍केःल्‍ले़ खिनिॽ ये़सु ख्रिस्‍तरे़ कुइङ्‌जाःङ्‌गे़म्‍बा के़बोःक्‍खिआङ् कुमाक्‍खिॽइल्‍ले़ सेसेसाङ्‌साङ् के़जोगिरो॥ हाराॽ पानुदिङ् पाः निङ्‌वाॽफुमाङ्‌ङिल्‍ले़ कुलुङ्‌गुम् नु कुसनारुङ्‌ङिन् आल्‍लसाङ् यरिक् खिनिॽओ वाॽररो॥

1 Peter 1:20 in Limbu

20 खुने़ॽग इक्‍सादिङ् खाम्‍बेःक्‍माल्‍ले़ नावागे़न् चइःत् ने़मानुःल्‍ले़ तगिए सेगे़बारो, कर खिनिॽलागि कन् कुनुप्‍मा ये़म्‍मो खुने़ॽ ओसेःन्‍दाङ् पोःक्‍खे़आङ् वाॽरो॥

1 Peter 2:9 in Limbu

9 कर खिनिॽग निङ्‌वाॽफुमाङ्‌ङिल्‍ले़ के़सेगिबा मना, हाङ् निङ्‌वाॽफुसाम्‍बा, सेसे सुवाङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुमनानिङ्‌लो॥ खिनिॽग निङ्‌वाॽफुमाङ्‌ङिल्‍ले़ चोगुबा निङ्‌वाॽ के़माबा याःम्‍बक्‍हाॽ इङ्‌गे़भोःसुम्‍ल फाॽआङ् माक्‍चिगे़न् खादाम्‍मोलाम् निङ्‌वाॽ के़माबा से़न्‍दाङ्‌गे़न् ओःत्तिओ खिनिॽ के़उःत्तिआङ् के़वयिॽरो॥

2 Peter 1:5 in Limbu

5 खे़ल्‍ले़ चोगुल्‍ले़ खिनिॽ नसाःन्‍नो कुनो-कुदा योॽमा खिनिॽ सुक्‍सुक् तम्‍सिन् चोगे़म्‍मे़ॽ, हे़क्‍क्‍याङ् कुनो-कुदाओ साम्‍जिक्‍किन् योॽरे़म्‍मे़ॽ,

2 Peter 3:14 in Limbu

14 खे़ल्‍ले़ चोगुल्‍ले़ आमिःम् आन्‍जुम्‍से, कन् पाःन्‍हाॽ निङ्‌साङ् के़जोगुम्‍माङ् के़हाङ्‌घुम्‍बाल्‍ले़ चोगुल्‍ले़ सुत्‍थो नु सेसेबा हिङ्‌मन्‍नो हे़क्‍क्‍याङ् निङ्‌वाॽफुमाङ्‌ङिन्‍नु सनारुङ्‌ङो वाॽमा खिनिॽ सुक्‍सुक् निङ्‌वाॽ चोगे़म्‍मे़ॽओ॥

1 John 4:16 in Limbu

16 आनिॽग निङ्‌वाॽफुमाङ्‌ङिल्‍ले़ लुङ्‌माॽ आदुक्‍ते़बान् कुसिङ् आनिःत्तुम् हे़क्‍क्‍याङ् नसाःन् आजोगुम्‍माङ् आवाॽरो॥ निङ्‌वाॽफुमाङ्‌ङिङ्‌ग मिःम्‍जिरो॥ निङ्‌वाॽफुमाङ्‌ङिन् नु वेॽ मनाहाॽ चक्‍मे़ल्‍लॽए मिःम्‍जि के़मे़प्‍पे़न्‌निङ्‌वाॽफुमाङ्‌ङो वाॽ हे़क्‍क्‍याङ् निङ्‌वाॽफुमाङ्‌ङिन् खुने़ॽओ वाॽरो॥

Revelation 13:8 in Limbu

8 से़प्‍मनाबा मे़ल्‍लुक्‍साःल्‍ले़ कुहिङ्‌मन्‍ले़ कुसाप्‍पन्‍नो इक्‍सादिङ् खाम्‍बेःक्‍माल्‍ले़न् नावागे़न् चइःत् ने़मानुःल्‍ले़ तगिए खुनिॽ मिङ् मे़न्‍छाप्‍पे के़वाॽबा इक्‍सादिङ् खाम्‍बेःक्‍मोबा के़रे़क्‍ले़ खे़न् थक्‍साःन् सेवा मे़जोगुरो॥

Revelation 17:8 in Limbu

8 खे़न् के़निःसुबा किप्‍मा के़घुःबा थक्‍साःङ्‌ग कुहिङ्‌वे़त् वये़, कर खे़न् आल्‍लो होःप्‍लो॥ खे़ङ्‌ग याम्‍मो कुद्रोःम् मे़ःन्‍नेबा लुम्‍बाःत्तोलाम् थाङ्‌ङाङ् मे़न्‍नुप्‍मनाबा मे़क्‍माओ पेःक्‍लो॥ हे़क्‍क्‍याङ् कन् इक्‍सादिङ् खाम्‍बेःक्‍माल्‍ले़न् नावागे़न् चइःत् ने़स्‍से़आङ्धो हिङ्‌मन्‍ले़न् साप्‍पन्‍नो खुनिॽ मिङ् मे़म्‍बप्‍मना इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽरे़ कन् के़सिःबा किप्‍मा के़घुःबा थक्‍साःन् याम्‍मो कुहिङ्‌वे़त् मे़निःसुआङ् खुनिॽ निङ्‌वाॽ मारो॥