Ephesians 1:18 in Limbu 18 खिनिॽ खासिङ् निःप्मा के़सुक्पा के़बोःक्खिर फाॽआङ् इङ्गाॽ तुवा चोःक्कारो॥ हे़क्क्याङ् खिनिॽ के़उःत्तिआङ् खोःमा के़बोःङ्बा लक्किन् कुसिङ् के़निःत्तुम्लो॥ खे़न् साॽरिक् इमे़ल्लुङ्बा मिमिदिङ्गे़न् लक्किन् निङ्वाॽफुमाङ्ङिल्ले़ सेसे कुमनाहाॽनु माङ्हे़क् चोगुआङ् वाॽरो॥
Other Translations King James Version (KJV) The eyes of your understanding being enlightened; that ye may know what is the hope of his calling, and what the riches of the glory of his inheritance in the saints,
American Standard Version (ASV) having the eyes of your heart enlightened, that ye may know what is the hope of his calling, what the riches of the glory of his inheritance in the saints,
Bible in Basic English (BBE) And that having the eyes of your heart full of light, you may have knowledge of what is the hope of his purpose, what is the wealth of the glory of his heritage in the saints,
Darby English Bible (DBY) being enlightened in the eyes of your heart, so that ye should know what is the hope of his calling, [and] what the riches of the glory of his inheritance in the saints,
World English Bible (WEB) having the eyes of your hearts{TR reads "understanding" instead of "hearts"} enlightened, that you may know what is the hope of his calling, and what are the riches of the glory of his inheritance in the saints,
Young's Literal Translation (YLT) the eyes of your understanding being enlightened, for your knowing what is the hope of His calling, and what the riches of the glory of His inheritance in the saints,
Cross Reference Matthew 13:15 in Limbu 15 थेआङ्भे़ल्ले़ कन् मनाहाॽरे़ खुनिॽ खासिङ्ङिन्के़धुङ्बा पोःक्खे़आङ् वाॽ॥ खे़ङ्हाॽरे़ खुनिॽ ने़क्खोॽबान् थाक्ते़आङ् वाॽ, हे़क्क्याङ् खुनिॽ मिक्किन् इम्मे़मे़त्तुआङ् वाॽ॥ मे़ःन्ने़ फाॽग्र खे़ङ्हाॽरे़ खुनिॽ ने़क्खोॽबाल्ले़ मे़घे़प्सुबा नु मिक्किल्ले़ मे़निःसुबामे़न्, हे़क्क्याङ् खुनिॽ सिक्लुङ्माओ कुसिङ् मे़निःत्तुआङ् इङ्गाॽ ले़प्माङ् मे़नुःक्खे़बामे़न्, हे़क्क्याङ् इङ्गाॽ खे़ङ्हाॽ वेःन्दुङ्सिङ्मे़न्फाॽआङ् निङ्वाॽफुमाङ्ङिल्ले़ पाःत्तुरो॥’
Luke 24:45 in Limbu 45 हे़क्क्याङ् ये़सुरे़ खे़ङ्हाॽरे़ साम्योसाप्लाःन् कुसिङ् मे़निःत्तुर फाॽआङ् खुनिॽ निङ्वाॽ हन्दुबिरुसिआङ्
Acts 16:14 in Limbu 14 खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोस्मा परान्ला तेःत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् सेवा के़जोःक्मा थिम्मे़न्दङ् सुवाङ्स्मा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसाःन् चोगुर फाॽआङ् दाङ्बाल्ले़ कुनिङ्वाॽइन्हन्दु पिरु॥
Romans 5:4 in Limbu 4 हे़क्क्याङ् नासि आधःत्तुम्मिल्ले़ नुःबा ये़प्ले़क् आघोःसुम्, हे़क्क्याङ् नुःबा ये़प्ले़क् आगत्तुम्मिल्ले़ से़न्लप् आघोःसुम्मे फाॽआङ् आल्लसाङ् यरिक् निङ्साङ् आजोगुम्लो॥
Romans 8:24 in Limbu 24 थेआङ्भे़ल्ले़ आनिॽ से़न्लप् आघोःसुम्माङ्धोए कन् से़क्खाबा निङ्साङ्ङिन् आगत्तुम्माङ् वाॽ॥ निःमनाबा पाःन्निन् निङ्साङ् आन्जोगुम्मिन्लो॥ आल्ल तगिसा कत्तुबा पाःन्निन् हाःत्ले़ निङ्साङ् चोगुॽबे?
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
2 Corinthians 4:4 in Limbu 4 कन् इक्सादिङ् खाम्बेःक्मोबा माङ् माफे़न्साम्मिल्ले़ए नसाःन् मे़न्जोःक्मनाबाहाॽरे़ खुनिॽ निङ्वाॽइन्फे़त्लाःन्दु पिरुसिबाल्ले़ चोगुल्ले़ खे़ङ्हाॽरे़ ख्रिस्तरे़ कुमिमिदिङ्गे़न् सुनाइङ्ङिल्ले़न् ओःत्तिःन् निःमा मे़न्छुक्तुन्॥ ख्रिस्ते़ङ्ग निङ्वाॽफुमाङ्ङिल्ले़ कुइःत्लो॥
2 Corinthians 4:6 in Limbu 6 थेआङ्भे़ल्ले़ खादाम्मो ओःत्तिःन् ओःत्ल फाॽआङ् के़बाःप्पा निङ्वाॽफुमाङ्ङिल्ले़ ख्रिस्तरे़ कुनाराओ के़ओःप्पा निङ्वाॽफुमाङ्ङिल्ले़ कुमिमिदिङ्ले़न् ने़हिनिङ्वाॽइन्कुसिङ् निःप्मा आसुक्तुम्ल फाॽआङ् आनिगे़ सिक्लुङ्मो खुने़ॽ कुओःत्तिःन् ओःप्पाङ्घुआङ् वाॽरो॥
Galatians 5:5 in Limbu 5 कर आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ् के़लॽबा निङ्साङ्ङिन् सेसेमाङ्ङिल्ले़ हाङ्मा आभाॽरो॥
Ephesians 1:7 in Limbu 7 हे़क्क्याङ् निङ्वाॽफुमाङ्ङिल्ले़ साॽरिक् लुङ्माॽ आदुक्ते़बाल्ले़ चोगुल्ले़ ये़सुरे़ कुमाक्खिॽइल्ले़ आनिॽ लायोलाम् ले़प्मि आबिरे़र आधे़ॽरे़आङ् वाॽ॥
Ephesians 1:11 in Limbu 11 ख्रिस्ते़न्नु थिक्हुप् आवाॽबाल्ले़ चोगुल्ले़ निङ्वाॽफुमाङ्ङिल्ले़ आनिॽआङ् खुने़ॽलाम् लक् खोःसे़ आसेगे़आङ् आवाॽ, थेआङ्भे़ल्ले़ कङ्ग तगिनुसा खुने़ॽ चोःक्मा निङ्वाॽ इःत्तुबा हे़क्के के़रे़क् पाःन्हाॽ पोःङ्लो॥
Ephesians 2:12 in Limbu 12 खे़न् ये़म्मो खिनिॽ ख्रिस्त मे़ःन्ने, इस्राइलबा यक्युङ्बा के़न्वयिन्, निङ्वाॽफुमाङ्ङिल्ले़ पिनिङ् फाॽआङ् माङ्हे़क् चोगुबा माङ्हुप्हाॽ मे़ङ्घोःमनाबा, निङ्साङ् के़होःप्पा नु कन् इक्सादिङ् खाम्बेःक्माओ निङ्वाॽफुमाङ् मे़ःन्ने के़वयिबान् निङ्वाॽ इःत्ते़म्मे़ॽओ॥
Ephesians 3:8 in Limbu 8 निङ्वाॽफुमाङ्ङिल्ले़ के़रे़क् सेसे कुमनाहाॽनुःल्ले़ इङ्गाॽ योःयोःक्पा चोःक्कासाङ् कुसिङ् निःप्माए सुक्मे़न्दे़प्मनाबा ख्रिस्तरे़ आबिरे़बा हाङ्वा मुॽइसाम्मिल्ले़ कुयाःम्बेओ थिम्मे़न्दङ् सुवाङ्हाॽ इङ्भोःमासि फाॽआङ् कन् लुङ्गुम्मिन् इङ्गाॽ पिराङ्लो॥
Ephesians 3:16 in Limbu 16 खुने़ॽ मुल्लुक् मिमिदिङ्गे़न् कुमुक्साम्लाम् कुसेसेमाङ्ङिल्ले़ खिनिॽ याम्साम्मो के़धुम्बा के़जोगिर फाॽआङ् तुवा चोःक्कारो॥
Ephesians 4:1 in Limbu 1 ख्रिस्त ये़सुरे़ कुयाःम्बेओ इङ्भोःसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाःबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥
Ephesians 4:4 in Limbu 4 निङ्वाॽफुमाङ्ङिल्ले़ के़उःत्तिल्ले़ लत्छा निङ्साङ् के़बिरिबा कुइसिःक्के, ख्रिस्ते़न्नसाःन् के़जोःक्पाहाॽ लत्थिक् थक्सिरो॥ हे़क्क्याङ् सेसेमाङ् लत्थिक् वाॽ,
Ephesians 5:8 in Limbu 8 थेआङ्भे़ल्ले़ तगि खिनिॽआङ् खादाम्मो के़वयि, कर आल्ल खिनिॽ दाङ्बान्नु थिक्हुप् के़बोःक्खिआङ् ओःत्तिओ के़वयिॽ॥ खे़ल्ले़ चोगुल्ले़ खिनिॽ ओःत्तिओ के़वाॽबा मनाहाॽ कुइसिःक् वये़म्मे़ॽ॥
Philippians 3:14 in Limbu 14 खे़ल्ले़ चोगुल्ले़ साङ्ग्राम्पेदाङ्बा हाङ्से़म्मिन् खोःमा फाॽआङ् तगि पोआर पत्तारो॥ निङ्वाॽफुमाङ्ङिल्ले़ कल्ले़ लागिए ख्रिस्त ये़सुलाम्बा उःत्ताङ्ङाङ् वाॽआरो॥
Colossians 1:5 in Limbu 5 थेआङ्भे़ल्ले़ खिनिॽ थे निङ्साङ् के़जोगुम्माङ् के़वयिॽ खे़न् साङ्ग्राम्पेदाङ्ङो नुःरिक्काङ् याङ्घोःत्ते़आङ्वाॽरो॥ तगि खिनिॽ से़क्खाबा पाःन्जाक्किन् के़घे़प्सुम्माङ् के़वयिल्ले़सा कन् निङ्साङ्ङिल्ले़ कुयाःम्बेओ के़घे़प्सुम्माङ् के़वयि॥ खे़ङ्ग सुनाइङ्ङिन्नेरो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
Colossians 3:15 in Limbu 15 हाराॽ ख्रिस्तरे़ कुसनारुङ्ङिल्ले़ खिनिॽ सिक्लुङ्मान् युक्तुररो, थेआङ्भे़ल्ले़ सनारुङ्ङो वाॽमा फाॽआङ् खिनिॽग लत्थिक् नासिङ्गे़न् थक्को उःत्छिङ्मा के़घोःसुम्माङ् के़वयिॽरो॥ खिनिॽ नोगे़न्साबा पोःक्खे़म्मे़ॽओ॥
1 Thessalonians 2:12 in Limbu 12 खिनिॽ निङ्वाॽफुमाङ्ङिल्ले़ कुसिराॽ के़धाङ्बा हिङ्मन्नो वये़म्मे़ॽ फाॽआङ् आःन्छिङ्मा पिआसिगे़ हाङ्हाङ् मे़त्तासिगे़र चक्मे़ल्लॽए पेलि फाक्कासिगे़रो॥ खुने़ॽए आबाङे मिमिदिङ्गे़न् कुहाङ्जुम्मो लक् खोःसे़ खिनिॽ के़उःत्तिआङ् के़वयिॽरो॥
1 Thessalonians 5:8 in Limbu 8 कर आनिॽग ले़न्दिक्ले़ कुमना आबोःक्खे़बाल्ले़ चोगुल्ले़ निङ्वाॽ थःरुम्माङ् साङ्बे से़ःप्चाङ् कुइसिःक् नसाःन् नु मिःम्जिन् चाक्खुम्, हे़क्क्याङ् से़क्खाए से़न्लप् आघोःसुम् के़लॽबा निङ्साङ्ङिन् ताङ्खुःक् कुइसिःक् खुःक्खुम्,
2 Thessalonians 1:11 in Limbu 11 खे़ल्ले़ चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोःक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्धो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
2 Thessalonians 2:16 in Limbu 16 आल्ल आनिॽ दाङ्बा ये़सु ख्रिस्त नु पानुदिङ् पाः निङ्वाॽफुमाङ्ङिल्ले़ आबाङे आनिॽ लुङ्माॽ आदुक्ते़आङ् कुलुङ्गुम्बा मे़न्नुप्मनाबा हाङ्हाङ् नु पनुनुःबा निङ्साङ्ङिन्आबिरे़रो॥
1 Timothy 6:12 in Limbu 12 मे़न्नुप्मनाबा हिङ्मन्ले़न् थुम्घो खोःमा फाॽआङ् नसाःन्ले़न् थङ्ङिन् नुःरिक्काङ् थक्ते़ॽओ॥ यरिक् तोःन्दिहाॽ तगि खे़ने़ॽ नसाःन्निन् नुःरिक्काङ् ते़न्दिङ् के़जोगुल्ले़ निङ्वाॽफुमाङ्ङिल्ले़ खे़न् मे़न्नुप्मनाबा हिङ्मन्निन् के़बिरे़आङ् के़वये़रो॥
Titus 2:13 in Limbu 13 हे़क्केलॽरिक् आनिॽ पयम् निङ्वाॽफुमाङ्ङिन् नु से़न्लप्दाङ्बा ये़सु ख्रिस्तरे़ मिमिदिङ्नु कुयुःमे़न् आहाङ्घुम्ल आवाॽइल्ले़ आनिॽ हाङ्हाङ्बा निङ्साङ्ङिल्ले़ कुधिम् आवाॽरो॥
Titus 3:7 in Limbu 7 हे़क्केलॽरिक् साॽरिक् लुङ्माॽ आदुक्ते़बाल्ले़ चोगुल्ले़ आप्तिक् मे़ःन्नेबा आजोगे़आङ् मे़न्नुप्मनाबा हिङ्मन्ले़न् से़क्खा निङ्साङ् के़जोःक्पा नु लक् के़घोःबा पोःङ्मा आसुक्तुम्लो॥
Hebrews 6:4 in Limbu 4 कर तगिसा से़क्खाबा से़न्दाङ्गे़न् ओःत्ति के़निःबाहाॽ, साङ्ग्राम्पेदाङ्ङिल्ले़न् पर्धाःम् के़साॽबाहाॽ, सेसेमाङ् लक् के़घोःबा मनाहाॽ, हे़क्क्याङ् निङ्वाॽफु पाःन्जाक्किल्ले़ कुनो-कुदाःन् नु ताःये़म्ले़न् मुक्साम् के़साॽबाहाॽरे़ नसाःन्निन् मे़ले़रु मे़देःसुॽने़ फाॽग्र खे़ङ्हाॽ नुःक्मा ताःप्मासि सुक्मे़न्दे़त्ने़न्लो, थेआङ्भे़ल्ले़ खे़ङ्हाॽरे़ खुनिॽ याःम्बक्लाम्बा निङ्वाॽफुसाःन् याम्मो सिलाम्साक्मा सिङ्सम्दाङ् मे़भोःन्दुआङ् मनालुम्मो कुजाःत्थि मे़देःसुबा हे़क्के पोःङ्लो॥
Hebrews 10:32 in Limbu 32 आल्ल निङ्वाॽफुमाङ्ङिल्ले़ कुओःत्तिःन् के़निःसुम्माङ् नसाःन् के़जोगुम्बा तगिबा ये़न्हाॽ निङ्वाॽ इःत्ते़म्मे़ॽओ॥ खिनिॽ साॽरिक् इनोगे़न् तुक्खे के़दुमुम्साङ् नसाःन्नो अयाक् मे़ल्लॽए के़वयिबान् इःत्ते़म्मे़ॽओ॥
1 Peter 1:3 in Limbu 3 हाराॽ आनिॽ दाङ्बा ये़सु ख्रिस्तरे़ पानुदिङ् कुम्बा निङ्वाॽफुमाङ्ङिल्ले़ कुनारा पोःररो! निङ्वाॽफुमाङ्ङिल्ले़ साॽरिक् यम्बा कुलुङ्गुम्मिल्ले़ आनिॽ कुसङ् सावाःन्छिङ्मा आबिरे़आङ् ये़सुःन् सिःमे़न्लाम् हिङ्घुबाल्ले़ चोगुल्ले़ हाङ्हाङ्बा निङ्साङ् आबिरे़आङ् आवाॽरो॥
1 Peter 3:9 in Limbu 9 फे़न् पाःन्निल्ले़ कुले़क्वा फे़न् पाःन् मे़जोगे़म्मिन्ने़ॽ, किनाःन्दिःल्ले़ कुले़क्वा किनाःन्दि मे़बिरे़म्सिम्मिन्ने़ॽ, कर खे़ल्ले़ कुले़क्वाग मुॽइसाम् पिरे़म्सिम्मे़ॽ॥ थेआङ्भे़ल्ले़ निङ्वाॽफुमाङ्ङिल्ले़ खिनिॽ मुॽइसाम् पिसे़ के़उःत्तिआङ् वाॽरो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
1 John 3:1 in Limbu 1 ओमे़त्ते़म्मे़ॽओ! पानुदिङ् पाः निङ्वाॽफुमाङ्ङिल्ले़ आक्खे़न् यरिक् लुङ्माॽ आदुक्ते़आङ् वाॽ! खुने़ॽ लुङ्माॽ आदुक्पाल्ले़ चोगुल्ले़ आस्साःनिङ्लो फाॽआङ् आनिॽ आमे़त्लो॥ आनिॽग से़क्खाए कुस्साःसिएरो! कर इक्सादिङ् खाम्बेःक्मोबा मनाहाॽरे़ निङ्वाॽफुमाङ्ङिन् कुसिङ् मे़न्निःत्तुन्बाल्ले़ चोगुल्ले़ खे़ङ्हाॽरे़ आनिॽआङ् कुसिङ् आमे़न्निःत्ने़न्लो॥