Colossians 2:19 in Limbu 19 कर खे़ङ्हाॽरे़ खुनिॽ नासिङ्गे़न् थक्किल्ले़ कुधे़गेःक् ये़सु ख्रिस्ते़न्नु थेआङ् तङ्जुम् होःप्लो॥ कङ्ग खुने़ॽलाम्बा नासिङ्गे़न् थक्ले़न् काक् याम्लक्किल्ले़ कम्ब्राङ् खोःसुॽ हे़क्क्याङ् थिक्हुप् पोःङ्ङाङ् निङ्वाॽफुमाङ्ङिल्ले़ कुनिङ्वाॽ हे़क्के पोःर पेःक्लो॥
Other Translations King James Version (KJV) And not holding the Head, from which all the body by joints and bands having nourishment ministered, and knit together, increaseth with the increase of God.
American Standard Version (ASV) and not holding fast the Head, from whom all the body, being supplied and knit together through the joints and bands, increasing with the increase of God.
Bible in Basic English (BBE) And not joined to the Head, from whom all the body, being given strength and kept together through its joins and bands, has its growth with the increase of God.
Darby English Bible (DBY) and not holding fast the head, from whom all the body, ministered to and united together by the joints and bands, increases with the increase of God.
World English Bible (WEB) and not holding firmly to the Head, from whom all the body, being supplied and knit together through the joints and ligaments, grows with God's growth.
Young's Literal Translation (YLT) and not holding the head, from which all the body -- through the joints and bands gathering supply, and being knit together -- may increase with the increase of God.
Cross Reference John 15:4 in Limbu 4 इङ्गाॽओ वये़म्मे़ॽ हे़क्क्याङ् इङ्गाॽ खिनिॽओ वाॽआरो॥ सिङ् पोराःक्किन् चे़प्माआङ् कुबुङ्मोलाम् से़म्माने़ फाॽग्र खे़ॽयो कुजाॽ थोःक्मा मे़सुक्ने़न्लो, हे़क्केलॽरिक् खिनिॽआङ् इङ्गाॽओ मे़न्वाॽए कुजाॽ फम्मा के़न्छुक्तुम्मिल्लो॥
John 17:21 in Limbu 21 पानुदिङ् आम्बे, खे़ङ्हाॽ काक् थिक्हुप् मे़बोःङ्ल फाॽआङ् तुवा चोःक्कारो॥ इङ्गाॽ खे़ने़ॽओ हे़क्क्याङ् खे़ने़ॽ इङ्गाॽओ के़वाॽबा कुइसिःक् खे़ङ्हाॽआङ् आन्छिॽओ मे़वाॽररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा फाॽआङ् नसाःन् मे़जोगुररो॥
Acts 4:32 in Limbu 32 आल्ल नसाःन् के़जोःक्पाहाॽ थिक् निङ्वाॽ थिक् मुरा मे़बोःक्खे़आङ् खुनिॽ मे़गत्तुबाःन्इङ्गाॽइन् मे़ल्लॽए के़रे़क्ले़ थिक् निङ्वाॽ थिक् हुप्पो मे़याङुरो॥
Romans 11:17 in Limbu 17 कुभा यहुदिहाॽग नुःबा जैतुन सिङ्बुङ्लाम् मे़जे़प्तुआङ् लाप्मे़भुसुबा सिङ्बोराःक् कुइसिःक् मे़जोःक्॥ हे़क्क्याङ् खिनिॽ थिम्मे़न्दङ् सुवाङ्हाॽ ताम्भुङ् जैतुन सिङ्बोराःक् हे़क्के के़जोगिसाङ् नुःबा जैतुन सिङ्बुङ्मोलाम् थुम् नु हिङ्मन् खोःमा फाॽआङ् खुनिॽ ले़क्वा खिनिॽ के़जक्कासिआङ् के़वयिॽरो॥
Romans 12:4 in Limbu 4 आनिॽ लत्छा थक्को यरिक् याम्लक्हाॽ पत्, हे़क्क्याङ् कन् के़रे़क् याम्लक्हाॽरे़ याःम्बक् लत्छारक् होःप्लो,
1 Corinthians 1:10 in Limbu 10 आमिःम् फुॽनुसाॽ नु ने़ॽनुसाॽसे, खिनिॽ लुम्मो से़म्मा मे़बोःङ्ने़न्ल कर तङे़म्मे़ॽआङ् वये़म्मे़ॽ फाॽआङ् आनिॽ दाङ्बा ये़सु ख्रिस्तरे़ कुमिङ्ङो पेलि फाक्निङ्लो॥ हे़क्क्याङ् खिनिॽ निङ्वाॽ नु निङ्वाॽ इःप्माओआङ् थिक्हुप् पोःक्खे़म्मे़ॽओ॥
1 Corinthians 3:6 in Limbu 6 इङ्गाॽ याॽ लेःत्तुङ्, अप्पोलोसरे़ च्वाःत् केःत्तु, कर निङ्वाॽफुमाङ्ङिल्ले़ फोःसुरो॥
1 Corinthians 10:16 in Limbu 16 दाङ्बाल्ले़ कुसाभाङ्जाओबा चल्लङ्ना खोर्याःन् आयाङ्सिङ्ङाङ् निङ्वाॽफुमाङ्ङिन् आनिॽ नोगे़न् आबिरुम्॥ हे़क्क्याङ् खे़न् चल्लङ्ना खोर्यालाम् आधुङुम्मिल्ले़ ख्रिस्तरे़ कुमाक्खिॽओ लक् आमे़त्छिङ् मे़ःम्बि? हे़क्क्याङ् आनिॽ आघे़ःक्खुम्बा खरे़ःङ्ङिन् आजाम्मिल्ले़ ख्रिस्तरे़ नासिङ्गे़न् कुधक्को लक् आमे़त्छिङ् मे़ःम्बि?
1 Corinthians 12:12 in Limbu 12 नासिङ्गे़न् थक्को यरिक् याम्लक्हाॽ मे़बत्लो॥ कन्वेॽ वेॽ याम्लक्हाॽलाम्लत्छा नासिङ्गे़न् थक् पोःङ्लो॥ हे़क्केलॽरिक् ख्रिस्तरे़ कुधक्किन्नाङ् बा हे़क्तङ्बाए चोःक्लो॥
Galatians 1:6 in Limbu 6 इङ्गाॽ आनिङ्वाॽ मये़रो, थेआङ्भे़ल्ले़ ख्रिस्तरे़ कुलुङ्गुम्लाम् के़उःप्पा निङ्वाॽफुमाङ्ङिन् आक्खे़न् हारा के़ले़रुम्माङ्वेॽस्मा सुनाइङ्ङो के़बेगिर के़बत्छिबे॥
Galatians 5:2 in Limbu 2 इङ्गाॽ पावलरे़ पाःत्तुङ्बा पाःन्निन् खे़प्से़म्मे़ॽओ! हर्दो हे़क्मालाम् निङ्वाॽफुमाङ्ङिल्ले़ कुनिःमाओ खिनिॽ आप्तिक् मे़ःन्नेबा पोःङ्मा निङ्वाॽ के़जोगुम्ने़ फाॽग्र ख्रिस्तरे़ चोगुबा याःम्बक्किन्खिनिॽ लागि हने़बारक् पोःङ्लो॥
Ephesians 1:22 in Limbu 22 हे़क्क्याङ् निङ्वाॽफुमाङ्ङिल्ले़ ख्रिस्तरे़ कुयुक् सिगाङ् के़रे़क् युक्खुआङ् वाॽ, हे़क्क्याङ् सेसेहुप्लक्ले़ लागि खुने़ॽए के़रे़क् सम्दाङ् कुधे़गेःक् चोगुरो॥
Ephesians 4:3 in Limbu 3 वेॽहाॽनु सनारुङ्ङो वये़म्मे़ॽआङ् सेसेमाङ्लाम् के़दाःबा थिक्हुप्पो वाॽमा साॽरिक् कोःत्ते़म्मे़ॽओ॥ सेसेमाङ्लाम् के़दाःबा थिक्हुप्पो वाॽमा फाॽआङ् काक् परिक्ले़ तम्सिन् चोगे़म्मे़ॽर सनारुङ्ङो वये़म्मे़ॽओ॥
Ephesians 4:15 in Limbu 15 खे़ल्ले़ कुले़क्वा मिःम्जिन्नु से़क्खा पाःन् आबाःत्तुम्मिल्ले़ आल्लसाङ् यरिक् आनिॽ काक् परिक्ले़ ख्रिस्ते़न्हे़क्केए आबोःङ्, थेआङ्भे़ल्ले़ खुने़ॽए आनिॽ थे़गेःक्पारो॥
Ephesians 5:29 in Limbu 29 आत्तिन् मनाःल्ले़आङ्आबाङे नासिङ्गे़न् कुधक्किन् आप्फाल्ले़आङ् मे़जिःत्तुन्, कर ख्रिस्तरे़ सेसेहुप्लक्किन् कम्ब्राङ्मे़त्तुबा कुइसिःक्के खे़ल्ले़ आबाङे कुधक्किन् कम्ब्राङ् मे़त्तुॽरो॥
Philippians 1:27 in Limbu 27 काक्नुःल्ले़ के़ये़क्पा पाःङ्ग ख्रिस्तरे़ कुसुनाइङ्ङिन् लाॽरुबा हिङ्मन्नो खिनिॽ वये़म्मे़ॽओ॥ हे़क्केःल्ले़ इङ्गाॽ खिनिॽओ ताआआङ् निःनिङ्साङ् इग्र खिनिॽ याःम्बेओरक् खे़प्सुङ्साङ् खिनिॽ सुनाइङ्ङिल्ले़न् नसाःन्नो के़दङ्ङासिआङ् याम्बुधिक्काङ् याःम्बक् के़जोगुम्बा पाःन्निन् निःसुङ्लो॥
Philippians 2:2 in Limbu 2 निङ्वाॽ के़दङ्बा पोःक्खे़म्मे़ॽआङ् लत्छा मिःम्जिओ, लत्छा निङ्वाॽओ नु लत्छा निङ्वाॽसोःक्को वये़म्मे़ॽर साॽरिक् आनिङ्वाॽ तासे़म्मे़ॽओ॥
Colossians 1:10 in Limbu 10 हे़क्क्याङ् दाङ्बा ये़सुःन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दाःसुम्ल हे़क्क्याङ् निङ्वाॽफुमाङ्ङिन् आल्लसाङ् नुःरिक्काङ् कुसिङ्निःप्मा के़सुक्तुम्माङ् काक् नुःबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दाःसुम्ल फाॽआङ् आनिगे़ तुवा चोगुम्बे़रो॥
Colossians 1:18 in Limbu 18 हे़क्क्याङ् खुने़ॽ नासिङ्गे़न् कुधक्किन् सेसेहुप्लक्लो, खे़न् सेसेहुप्लक्किल्ले़ कुधे़गेःक्पाङ्ग खुने़ॽएरो॥ खुने़ॽग तोलिङ्सोमु, हे़क्क्याङ् सिःमे़न्लाम् याम्मो के़हिङ्बा काक्को तुम्बारो, हे़क्केलॽरिक्के खुने़ॽ काक् सम्दाङ् युक्साबा चोःक्लो॥
Colossians 2:2 in Limbu 2 खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्धो इःत्छिङ्साम् के़घोःसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ्के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
Colossians 2:6 in Limbu 6 हे़क्केःल्ले़ आक्खेलॽरिक् ख्रिस्त ये़सु दाङ्बे़न् नसाःन् के़जोगुम् हे़क्केलॽरिक्के खुने़ॽनु थिक्हुप् पोःक्खे़म्मे़ॽआङ् चक्मे़ल्लॽए हिङे़म्मे़ॽओ॥
1 Thessalonians 3:12 in Limbu 12 हे़क्क्याङ् आनिगे़ खिनिॽ लुङ्माॽ तुक्कासिगे़बा हे़क्केए हाराॽ दाङ्बाल्ले़ खिनिॽ लुङ्माॽ तुक्सिङ्मा हे़क्क्याङ् काक् मे़न्छाम् याप्मिहाॽ लुङ्माॽ के़दुक्पा के़बोःङ्बार के़बेःक्पा के़जोगिररो॥
1 Thessalonians 4:10 in Limbu 10 से़क्खाःल्ले़, काक् मे़सेदोनिया थुम्मोबा नसानिबाहाॽनुआङ् बा हे़क्के के़जोगुम्ल के़वयिॽरो॥ हे़क्केःल्ले़ फुॽनुसाॽ नु ने़ॽनुसाॽसे, आल्लसाङ् यरिक् लुङ्माॽ तुक्ते़म्सिम्मे़ॽ फाॽआङ् पेलि फाक्कासिगे़रो॥
2 Thessalonians 1:3 in Limbu 3 फुॽनुसाॽ नु ने़ॽनुसाॽसे, खिनिॽ याःम्बेओ आनिगे़ग निङ्वाॽफुमाङ्ङिन् सदादिङ् नोगे़न् पिमाए पोःङ्लो॥ हे़क्क्याङ् हे़क्के चोःक्माग लाॽरुएरो, थेआङ्भे़ल्ले़ खिनिॽ नसाःन्नो के़बोःरिर के़बत्छिआङ् लुङ्माॽ के़दुक्कासिबा पाःन्निन् पोःर पत्लो॥
1 Timothy 2:4 in Limbu 4 खुने़ॽग काक् मे़न्छाम् याप्मिहाॽरे़ से़क्खाःन् कुसिङ् मे़निःत्तुआङ् ताङ्मे़से़ःप्ल के़लॽबा निङ्वाॽ इःत्तुरो॥
1 Peter 3:8 in Limbu 8 कुनुप्मो, खिनिॽ निङ्वाॽओ काक् थिक्हुप् पोःक्खे़म्मे़ॽ, लुङ्माॽ तुक्कासिम्मे़ॽ, मिःम्जि मे़त्तासिम्मे़ॽ, हाङ्हाङ्वा ओसेःन्धाक्कासिम्मे़ॽ हे़क्क्याङ् चुङ्जिगे़न् नःम्नःम् पोःक्खे़म्मे़ॽओ॥
2 Peter 3:18 in Limbu 18 कर आनिॽ दाङ्बा नु से़न्लप्दाङ्बा ये़सु ख्रिस्तरे़ आबिबा ने़हिनिङ्वाॽओ नु कुलुङ्गुम्मो पोःरे़म्मे़ॽओ॥ आल्लो नु सदादिङ् दाङ्बाल्ले़ कुमिमिदिङ् पोःङ्लरो! आमे़न्॥