Colossians 2:18 in Limbu 18 आनिगे़ सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ सेवा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोःमनाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
Other Translations King James Version (KJV) Let no man beguile you of your reward in a voluntary humility and worshipping of angels, intruding into those things which he hath not seen, vainly puffed up by his fleshly mind,
American Standard Version (ASV) Let no man rob you of your prize by a voluntary humility and worshipping of the angels, dwelling in the things which he hath seen, vainly puffed up by his fleshly mind,
Bible in Basic English (BBE) Let no man take your reward from you by consciously making little of himself and giving worship to angels; having his thoughts fixed on the things which he has seen, being foolishly lifted up in his natural mind,
Darby English Bible (DBY) Let no one fraudulently deprive you of your prize, doing his own will in humility and worship of angels, entering into things which he has not seen, vainly puffed up by the mind of his flesh,
World English Bible (WEB) Let no one rob you of your prize by a voluntary humility and worshipping of the angels, dwelling in the things which he has not seen, vainly puffed up by his fleshly mind,
Young's Literal Translation (YLT) let no one beguile you of your prize, delighting in humble-mindedness and `in' worship of the messengers, intruding into the things he hath not seen, being vainly puffed up by the mind of his flesh,
Cross Reference Matthew 24:24 in Limbu 24 थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् पयम् यम्बा मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥
Romans 1:25 in Limbu 25 खे़ङ्हाॽरे़ निङ्वाॽफुमाङ्ङिल्ले़ कुसे़क्खाःन् नसाःन् चोःक्माल्ले़ कुले़क्वा निःनिःबाए इङ्ले़क्पा पाःन्हाॽ नसाःन् मे़जोगुरो॥ हे़क्क्याङ् खे़ङ्हाॽरे़ नावागे़न् चइःत् के़ने़बा निङ्वाॽफुमाङ्ङिल्ले़ कुले़क्वा नावागे़न् चइःत्तिन् सेवा मे़जोगुरो॥ निङ्वाॽफुमाङ्ङिङ्ग सदादिङ् ने़म्भोगे़न् नारा फोःमा लाॽरुरो॥ आमे़न्॥
Romans 8:6 in Limbu 6 आनिॽ निङ्वाॽइन्लायोबा सुत्नाःल्ले़ युक्मा आबाङ्घुम्मिल्ले़ग आसिःरो, कर आनिॽ निङ्वाॽइन्सेसेमाङ्ङिन्युक्मा आबाङ्घुम्ने़ फाॽग्र मे़न्नुप्मनाबा हिङ्मन् नु सनारुङ् आघोःसुम्लो॥
Romans 16:18 in Limbu 18 थेआङ्भे़ल्ले़ कङ्हाॽरे़ग दाङ्बा ख्रिस्तरे़ कुसेवा मे़न्जोगुन्, कर आबाङे खुनिॽ साप्पोःक्किल्ले़ लागिरक् सेवा मे़जोगुॽरो॥ खे़ङ्हाॽरे़ मना के़जम्बा नु मुर्ले़ःम्बा पाःन्हाॽरे़ कुदोःप्मा मनाहाॽ इङ्मे़ले़क्तुसिॽरो॥
1 Corinthians 3:3 in Limbu 3 थेआङ्भे़ल्ले़ खिनिॽग आल्लो थारिक् इक्साबा निङ्वाॽइल्ले़ के़युक्तिआङ् के़वयिॽरो॥ खिनिॽ लुम्मो नाहे़त्छिङ्मा नु खे़माॽ वाॽइल्ले़ खिनिॽ आबाङे इक्साबा निङ्वाॽइल्ले़ के़युक्तिआङ् नसाःन् मे़न्जोःक्मनाबा मना कुइसिःक् के़म्बोःक्खिन्बि?
1 Corinthians 4:18 in Limbu 18 आल्ल खिनिॽओ इङ्गाॽ याम्मो मे़दाआन् फाॽआङ् खिनिॽओ कुभाग यम्बा के़ले़ङ्ङासिआङ् के़वयिॽरो॥
1 Corinthians 8:1 in Limbu 1 आल्ल नावाइत्लाओ तोःम्मनाबा कुजाहाॽरे़ कुयाःम्बेओ इङ्गाॽ अक्खे पाःत्तुङ्लो–आनिॽ के़रे़क्ले़ कन् पाःन्निल्ले़ कुयाःम्बेओ ने़हिनिङ्वाॽ आगत्तुम् लॽरिक् आनिःसुम्लो॥ ने़हिनिङ्वाॽइल्ले़ग आङ्दिङ् के़जोःक्पा आजोःक्लो, कर मिःम्जिःल्ले़ कुलिङ्धो आगे़त्लो॥
1 Corinthians 8:5 in Limbu 5 हे़क्क्याङ् कुभा मनाहाॽरे़ मे़बाःत्तुबा हे़क्के साङ्ग्राम्पेदाङ्ङो नु इक्सादिङ् खाम्बेःक्मो माङ्-साम्माङ्हाॽ मे़वाॽबिला (से़क्खाःल्ले़ अक्तङ्बा यरिक् “माङ्-साम्माङ्हाॽ” नु “दाङ्बाहाॽ” मे़वाॽमु),
1 Corinthians 9:24 in Limbu 24 लोःक्लोःक्के हक्चाःत् नाःन्बोओ काक् मनाहाॽ मे़लोःक्, कर थिक्ले़रक् थुम्घोःन् खोःसुॽ के़लॽबा पाःन्निन् खिनिॽ के़निःसुम्लो॥ खे़ल्ले़ चोगुल्ले़ थुम्घोःन् खोःमा फाॽआङ् लोःक्ते़म्मे़ॽओ॥
1 Corinthians 13:4 in Limbu 4 मिःम्जिःल्ले़ नासि थःत्तुॽ हे़क्क्याङ् लुङ्माॽ तुक्तुसिॽ॥ मिःम्जिःल्ले़ कुना मे़हे़न्ने़न्लो, इङ्गाॽएःक् नु आङ्दिङ्ङाङ् मे़लॽने़न्लो॥
2 Corinthians 11:3 in Limbu 3 कर माफे़न्साम्मिल्ले़ कुइस्वामाओलाम् हवाःन् इङ्ले़क्ते़बा कुइसिःक्के खिनिॽ ख्रिस्तओ के़दोःन्दुम्बा मिःम्जिन् नु तोःन्दोःम्बा निङ्वाॽइन्लाम्भोःत्तुॽ फाॽआङ् इङ्गाॽ किःआरो॥
2 Corinthians 12:20 in Limbu 20 थेआङ्भे़ल्ले़ खिनिॽ तुम्से़ ताआल्ले़ इङ्गाॽ निङ्साङ् चोगुङ्बा कुइसिःक् मे़घोःनिङ्ङिन्, हे़क्क्याङ् खिनिॽ निङ्साङ् के़जोगुम्बा कुइसिःक् याप्मि के़ङ्घोसिन्बि फाॽआङ् किःआरो॥ इङ्गाॽ खिनिॽ तुम्से़ ताआल्ले़ खेमा, नाहे़म्मा, सिक् पोःक्मा, से़ःमा, चे़ॽया पङ्मा, मना चे़ङ्मा, आङ्दिङ् लॽमा नु ये़मे़न्दङ् ये़प्ले़क्हाॽओ के़यागिबा तुम्निङ्बि फाॽआङ् इङ्गाॽ किःआरो॥
Galatians 5:19 in Limbu 19 लायोबा निङ्वाॽलाम् याःम्बक् के़जोःक्पाहाॽरे़ खुनिॽ याःम्बक्हाॽ निधाःप्लो॥ खे़ङ्हाॽरे़ याम्बोःप्मा याःम्बक् मे़जोगुॽ, ताप्फे़ःम्बा पाःन्हाॽ मे़जोगुॽ, सिरिङ् आममबा याःम्बक् मे़जोगुॽ,
Ephesians 5:6 in Limbu 6 खे़न् हे़क्तङ्बा पाःन्नो हाःत्ले़आङ् खिनिॽ हने़बा पाःन्लाम् इङ्ले़क्मा के़न्छुक्तिन्लरो, थेआङ्भे़ल्ले़ खे़न् हने़बा पाःन्निल्ले़ चोगुल्ले़ निङ्वाॽफुमाङ्ङिल्ले़ कुसाक्के़न् खुने़ॽ मे़न्इःप्मना मे़न्नाःप्मनाबाहाॽओ थाःरो॥
Philippians 3:14 in Limbu 14 खे़ल्ले़ चोगुल्ले़ साङ्ग्राम्पेदाङ्बा हाङ्से़म्मिन् खोःमा फाॽआङ् तगि पोआर पत्तारो॥ निङ्वाॽफुमाङ्ङिल्ले़ कल्ले़ लागिए ख्रिस्त ये़सुलाम्बा उःत्ताङ्ङाङ् वाॽआरो॥
Colossians 2:4 in Limbu 4 आत्तिन्हाॽरे़आङ् कुघे़म्गे़नुॽबा पाःन्हाॽलाम् इङ्गे़मे़ल्ले़क्तिन्ल फाॽआङ् अक्खे मे़त्निङ्बारो॥
Colossians 2:8 in Limbu 8 सिङ्सिङ् लॽरे़म्मे़ॽओ, मे़ःङ्ग्र मे़न्छाम् याप्मिरे़ मे़जोगुबा कुघे़म्गे़नुॽबा इङ्ले़क्पा निसाम्हाॽरे़ के़युक्तिॽरो॥ खे़न् निसाम्हाॽग ख्रिस्तलाम् मे़ःन्, कर मे़न्छाम्थाःक्लाम् के़युःबा थिम् नु इक्सादिङ् खाम्बेःक्मोबा कुहेःक्सिङ्मोबा हने़बा खाहुन्लाम् के़दाःबारक्लो॥
Colossians 2:23 in Limbu 23 खे़न् हे़क्तङ्बा थिम्हाॽग साम्योबा याःम्बक् चोःक्मा, चुङ्जिगे़न् नःम्नःम्बा ले़ङ्सिङ्मा नु नासिङ्गे़न् थक्को तुक्खे चाःत्छिङ्मा सिक्कुम्दिङ् निङ्वाॽ हे़क्के लॽ, कर कल्ले़ नासिङ्गे़न् थक्कोबा नोस्रङ्ङिल्ले़न् फे़न् निङ्वाॽइन्युक्मा मे़सुक्तुन्लो॥
1 Timothy 1:7 in Limbu 7 खे़ङ्हाॽरे़ग साम्योथिम् के़हुॽबा पोःङ्मा खुनिॽ सिराॽ थाङ्, कर खे़ङ्हाॽरे़ निस्सेरो फाॽआङ् मे़बाःत्तुबा पाःन्सुत्लाहाॽ आबाङे थेआङ् कुसिङ् मे़न्निःत्तुन्लो॥
1 Timothy 4:1 in Limbu 1 आल्ल सेसेमाङ्ङिल्ले़ नुःरिक्काङ् आनिॽ अक्खे आमे़त्ते़आङ् आवाॽरो, ताःन्दि के़दाःबा ये़म्मो कुभा मनाहाॽरे़ नसाःन्निन् मे़ले़रुआङ् इङ्ले़क्केबा फे़न्साम्हाॽरे़ मे़हुॽरुसिबा निसाम्बुङ्ङिन् मे़इःत्तु मे़नाःत्तुॽरो॥
James 3:14 in Limbu 14 कर खिनिॽ तिङ्दिङ्गे़न् नाहे़म्मा नु आबाङेरक् नुॽमा ताःमा निङ्वाॽ के़गत्तुम्ने़ फाॽग्र खिनिॽ से़क्खाए के़जोगुम्बा लायोःन् आङ्दिङ् के़लॽरिर हे़क्क्याङ् इङ्ले़क् के़बारिर मे़माॽरे़म्मिन्ने़ॽओ॥
James 4:1 in Limbu 1 खिनिॽ लुम्मो थे़माःल्ले़ खेमा थक्माहाॽ तारुॽबे? खे़ङ्हाॽग खिनिॽ सिगाङ् थङ् के़जोःक्पा फे़न् निङ्वाॽलाम् लःम्बा मे़ःम्बि?
2 Peter 2:14 in Limbu 14 खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
1 John 2:26 in Limbu 26 इङ्गाॽग खिनिॽ इङ्ले़क् के़मे़प्पाहाॽरे़ खुनिॽ याःम्बेओ साप्तुङ्ङाङ् हाक्निङ्ङाङ् वाॽरो॥
1 John 4:1 in Limbu 1 आमिःम् आन्जुम्से, यरिक् इङ्ले़क्पा माङ्निङ्वाॽपाःन् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़ चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसाःन् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाःबासिबि मे़ःम्बि फाॽआङ् साॽरे़म्सिम्मे़ॽओ॥
2 John 1:7 in Limbu 7 यरिक् इङ्ले़क् के़बाःप्पाहाॽ इक्सादिङ् खाम्बेःक्मो मे़से़ःरे़आङ् मे़वाॽरो॥ खे़ङ्हाॽरे़ग ये़सु ख्रिस्ते़न्मे़न्छाम्गे़न् याप्मि पोःक्खे़आङ् नासिङ्गे़न् थक्को त्ये़बा फाॽआङ् नसाःन् मे़न्जोगुन्लो॥ अक्तङ्बा मनाःङ्ग इङ्ले़क्पा नु ख्रिस्तरे़ कुबिफ्युङ्बारो॥
Revelation 3:11 in Limbu 11 इङ्गाॽ हाराए युःआर पत्तारो॥ हे़क्केःल्ले़ खे़ने़ॽ के़नाःन्दुआङ् खोःमा के़बोःङ्बा थुम्घोःन् आत्तिन्हाॽरे़आङ् के़मे़न्नाप्ने़न्ल फाॽआङ् खे़ने़ॽ के़गत्तुबा पाःन्हाॽ नुःरिक्काङ् ताङ्सेःप्ते़ कत्ते़ॽओ॥
Revelation 12:9 in Limbu 9 कन् पयम् यम्बा हन्दगेःक्गे़न् वासेरिःङ्ग उन्छोःन्बा असेःक्पे़न्लो, खे़ङ्ग इक्सादिङ् खाम्बेःक्मोबाहाॽ इङ्ले़क् के़मे़प्पा माफे़न्साम् इग्र सैतान मे़मे़त्तुरो॥ खे़ङ्ग कुमाङ्लाइङ्बाहाॽनु यो इक्सादिङ् खाम्बेःक्मो लाप्फुसे़रो॥
Revelation 13:8 in Limbu 8 से़प्मनाबा मे़ल्लुक्साःल्ले़ कुहिङ्मन्ले़ कुसाप्पन्नो इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए खुनिॽ मिङ् मे़न्छाप्पे के़वाॽबा इक्सादिङ् खाम्बेःक्मोबा के़रे़क्ले़ खे़न् थक्साःन् सेवा मे़जोगुरो॥
Revelation 13:14 in Limbu 14 थिक्सिगेःक्पा किप्मा के़घुःबा थक्साःल्ले़ कुले़क्वा खे़न् किप्मा के़घुःबा थक्साःल्ले़ निङ्वाॽ के़माबा याःम्बक्हाॽ चोःक्मा खोःसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिःमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेःक्पा किप्मा के़घुःबा थक्साःल्ले़ कुमिङ्सो कुधाःङ्सोओ नावाइत्ला चोःक् पाङ्घुसिरो॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥
Revelation 22:8 in Limbu 8 इङ्गाॽ युहुन्नारे़ कन् पाःन्हाॽ निःसुङ् खे़प्सुङ्लो॥ हे़क्क्याङ् कन् पाःन्हाॽ निःसुङ् खे़प्सुङ्ङिल्ले़ कन् पाःन्हाॽ याप्मि ओसेःन्गे़धाक्पा माङ्लाइङ्बान् सेवा चोःक्मा फाॽआङ् इङ्गाॽ कुलाङ्जक्पो साम्बोःन् हबत्फन्छिङ्ङाङ्लो॥