Acts 15:20 in Limbu 20 कर थिम्मे़न्दङ् सुवाङ्हाॽ अक्तङ्बा सक्इङ्घङ् हाक्तुम्सिम्लो, ‘नावाइत्लाओ तोःम्नाबा चाहाॽ चामा मे़नुॽने़न्॥ हे़क्क्याङ् चाराम्मा मे़नुॽने़न्॥ कुसित्ला यॽमना से़प्मनाबा साः नु सामाक्खिॽआङ् चामा मे़नुॽने़न्लो॥’
Other Translations King James Version (KJV) But that we write unto them, that they abstain from pollutions of idols, and from fornication, and from things strangled, and from blood.
American Standard Version (ASV) but that we write unto them, that they abstain from the pollutions of idols, and from fornication, and from what is strangled, and from blood.
Bible in Basic English (BBE) But that we give them orders to keep themselves from things offered to false gods, and from the evil desires of the body, and from the flesh of animals put to death in ways against the law, and from blood.
Darby English Bible (DBY) but to write to them to abstain from pollutions of idols, and from fornication, and from what is strangled, and from blood.
World English Bible (WEB) but that we write to them that they abstain from the pollution of idols, from sexual immorality, from what is strangled, and from blood.
Young's Literal Translation (YLT) but to write to them to abstain from the pollutions of the idols, and the whoredom, and the strangled thing; and the blood;
Cross Reference Acts 15:29 in Limbu 29 हे़क्केःल्ले़ नावाइत्लाओ सिदुङ्जभा चोःक्मनाबा चाहाॽ मे़जे़म्मिन्ने़ॽ, सामाक्खिॽआङ् मे़जे़म्मिन्ने़ॽ, हे़क्क्याङ् कुसित्ला यॽमना से़प्मनाबा सा मे़जे़म्मिन्ने़ॽओ॥ हे़क्क्याङ् चालाम्मानुआङ् एःक् वये़म्मे़ॽओ॥ अक्खे के़जोगुम्ने़ फाॽग्र नुःबाए के़जोगुम्लो॥ से़म्मुॽइरो॥”
Acts 21:25 in Limbu 25 कर नसाःन् के़जोःक्पा थिम्मे़न्दङ् सुवाङ्हाॽरे़ग, हाराॽ नावाइत्लाओ सिदुङ्जभा चोःक्मनाबा चाःन् मे़न्जःने़न्ल, सामाक्खिॽ नु कुसित्ला यॽमना से़प्मनाबा सा चामा मे़नुॽने़न्लो, हे़क्क्याङ् चाराम्मोलाम् एःक् मे़वाॽनिरो के़लॽबा आनिगे़ निःन्धो पाःन्हाॽ सक्इङ्घङ्ङो साप्तुम्बे़आङ् पत्लो॥”
1 Corinthians 5:11 in Limbu 11 कर आल्ल इङ्गाॽ खिनिॽ अक्खेलॽरिक् सक्इङ्घङ्साप्तुङ्ङाङ् हाक्निङ्ल पत्तारो, आत्तिल्ले़ आबाङे नसानिबा नुसाॽआ लॽरिक् पाःत्तुआङ् चाराम्मा याःम्बक् चोगुॽ, खिःम्यक्पा चोःक्, नावाइत्लाहाॽ सेवा चोगुॽ, मना इङ्दो मे़त्तुसिॽ, थिमसाङ् नु इङ्ले़क्पा चोःक् हे़क्तङ्बा मनाःङ्ग चुम् मे़लेःत्ते़म्मिन्ने़ॽओ॥ हे़क्क्याङ् हे़क्तङ्बा मनाःन्नु सोरिक् चाआङ् मे़जे़म्मिन्ने़ॽओ॥
1 Corinthians 6:9 in Limbu 9 ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घःबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु चागे़राम्बाहाॽ,
1 Corinthians 6:13 in Limbu 13 वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न्कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मे़ःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥
1 Corinthians 6:18 in Limbu 18 चाराम्मोलाम् माःङ्घा वये़म्मे़ॽओ॥ मे़न्छाम् याप्मिःल्ले़ काक् वेॽ लायोहाॽ नासिङ्गे़न् कुधक्लाम्बा लाःक्कात् चोगुॽ, कर चाराम्मा लायोःङ्ग आबाङे नासिङ्गे़न् कुधक्किल्ले़ कुदक्ले़ङ्वाओ चोगुॽरो॥
1 Corinthians 7:2 in Limbu 2 कर चाराम्मा याःम्बक्किन् साॽरिक् पोःङ्बाल्ले़ चोगुल्ले़ मनाःल्ले़ आबाङे मेलिङ्गे़न् मेःत् कत्तुनिरो हे़क्क्याङ् मे़न्छुमाॽइल्ले़आङ् आबाङे इत्थुङ्गे़न् ये़म्बाॽ कत्तुनिरो॥
1 Corinthians 8:1 in Limbu 1 आल्ल नावाइत्लाओ तोःम्मनाबा कुजाहाॽरे़ कुयाःम्बेओ इङ्गाॽ अक्खे पाःत्तुङ्लो–आनिॽ के़रे़क्ले़ कन् पाःन्निल्ले़ कुयाःम्बेओ ने़हिनिङ्वाॽ आगत्तुम् लॽरिक् आनिःसुम्लो॥ ने़हिनिङ्वाॽइल्ले़ग आङ्दिङ् के़जोःक्पा आजोःक्लो, कर मिःम्जिःल्ले़ कुलिङ्धो आगे़त्लो॥
1 Corinthians 8:4 in Limbu 4 हे़क्केःल्ले़ आल्ल नावाइत्लाहाॽओ तोःम्मनाबा कुजाःन् चामाल्ले़ कुयाःम्बेओग आक्खे फाॽले़–इक्सादिङ् खाम्बेःक्मोबा नावाइत्लाहाॽग थेसिआङ् मे़ःन्लो हे़क्क्याङ् निङ्वाॽफुमाङ्ङिन् थिक्लक् वाॽ फाॽआङ् आनिॽ आनिःसुम्लो॥
1 Corinthians 10:7 in Limbu 7 खे़ङ्हाॽओ कुभारे़ नावाइत्लाःन् माङ्मे़घयुबा कुइसिःक् मे़घये़म्मिन्ने़ॽओ॥ थेआङ्भे़ल्ले़ साम्योसाप्लाओ अक्खे साप्ते़आङ् पत्, “मनाहाॽ चामा नु थुङ्माओ मे़युङ्सिङ्, हे़क्क्याङ् मे़बोगे़आङ् खुनिॽ निङ्वाॽ पाःप्पाःत् मे़जोगुरो॥”
1 Corinthians 10:14 in Limbu 14 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, नावाइत्ला माङ्घःमालाम् लाःत्लाःत् वये़म्मे़ॽओ॥
2 Corinthians 12:21 in Limbu 21 खिनिॽ तुम्से़ याम्मो ताआल्ले़ आनिङ्वाॽफुमाङ्ङिल्ले़ खिनिॽ तगि नःम्नःम् चोःक्का फाॽआङ् किःआरो॥ हे़क्क्याङ् खिनिॽ लुम्मो तगि लायो के़जोःक्पाआङ् खे़न् आसुत्थोलाम्, चाराम्मा याःम्बक्लाम्, नु निङ्वाॽ पाःप्पाःत् चोःक्मालाम् यरिक् मे़न्हिम्मनाबा मे़न्नुःङ्मनाबाहाॽरे़ लागि इङ्गाॽ मेरिङ् थक्मा पोःङ्बिलारो!
Galatians 5:19 in Limbu 19 लायोबा निङ्वाॽलाम् याःम्बक् के़जोःक्पाहाॽरे़ खुनिॽ याःम्बक्हाॽ निधाःप्लो॥ खे़ङ्हाॽरे़ याम्बोःप्मा याःम्बक् मे़जोगुॽ, ताप्फे़ःम्बा पाःन्हाॽ मे़जोगुॽ, सिरिङ् आममबा याःम्बक् मे़जोगुॽ,
Ephesians 5:3 in Limbu 3 कर याम्बोःप्मान्, काक् आजिःन्जिःम्बा पाःन्हाॽ इग्र खिःम्मा पाःन्निन् लत्छाआङ् खिनिॽ लुम्मो मे़वाॽने़न्ल, थेआङ्भे़ल्ले़ हे़क्तङ्बा पाःन्हाॽरे़ निङ्वाॽफुमाङ्ङिल्ले़ सेसे कुमनाहाॽ मे़घे़म्दुन्छिन् मे़लाॽरुन्छिन्लो॥
Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
1 Thessalonians 4:3 in Limbu 3 खिनिॽ सेसे के़वयिनि के़लॽबा निङ्वाॽफुमाङ्ङिल्ले़ कुनिङ्वाॽ वाॽरो॥ खे़ल्ले़ चोगुल्ले़ खिनिॽ काक् वेॽ मे़न्छुमाॽ ये़म्बित्छाॽ चाराम्मोलाम् के़बोःङ्बा चिःन्जिःम्बाओनु लाःत्लाःत् वये़म्मे़ॽओ॥
1 Timothy 4:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ चोगुबा के़रे़क् पाःन्हाॽ नुःबा चोःक्लो॥ हे़क्क्याङ् अप्मा मे़नुॽने़न्लो, कर नोगे़न् पिमाआङ् ते़न्दिङ्गे़न् सुदाःक्मा नुॽरो॥
Hebrews 12:16 in Limbu 16 हे़क्क्याङ् आत्तिन्नाङ् चागे़लाम्बा इग्र ए़साउ हे़क्तङ्बा निङ्वाॽफुमाङ्ङिन्मे़ङ्गोःप्मना मे़म्बोःङ्ने़न्लरो॥ खे़ल्ले़ग चामा थुङ्मारे़लागि तुम्बा कुयुक्किन् ले़क्तुरो॥
Hebrews 13:4 in Limbu 4 ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाःङ् मे़बिरुबा पोःङ्मा पोःङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोःङ्मा पोःङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
1 Peter 4:3 in Limbu 3 थेआङ्भे़ल्ले़ के़बेःक्पा ये़म्मो नसाःन् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न् निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ सेवा चोःक्माओ यरिक् ये़म् के़देःसुम्लो॥
Revelation 2:14 in Limbu 14 हे़क्केसाङ् खे़ने़ॽ के़दक्ले़ङ्वाओ कुभा पाःन् पाःप्माए पोःङ्लो–खिनिॽओ कुभारे़ग माङ्निङ्वाॽपाःन् के़बाःप्पा बालामरे़ कुनिसाम्मिन् मे़नाःत्तुआङ् मे़वाॽरो॥ उन्छोःन् बालामरे़ग इस्राइलिहाॽ लायोओ मे़धार फाॽआङ् नावाइत्लाओ तोःम्मनाबा चा चामा नु याम्बोःप्मा याःम्बक् चोःक्मा बालाक हाङ्ङिन् हुॽरुआङ् वये़रो॥
Revelation 2:20 in Limbu 20 हे़क्केसाङ् खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोःङ्–खे़ने़ॽग इजेबे़ल मे़प्मनामा मे़न्छुमाॽइन् नासि के़धःत्तुआङ् के़वाॽरो॥ खे़ल्ले़ आबाङे निङ्वाॽफुमाङ्ङिल्ले़ माङ्निङ्वाॽपाःन् के़बाःप्माआ लॽरिक् मे़त्छिङ्लो॥ कर इङ्गाॽ आसेवारोबाहाॽ याम्बोःप्मा याःम्बक् चोःक्मा नु नावाइत्लाहाॽओ तोःम्मनाबा चाहाॽ चामा हुॽरुसिआङ् इङ्ले़क्तुसि॥
Revelation 9:20 in Limbu 20 हे़क्क्याङ् कन् मिन्देॽलाम् मे़न्छिःमना वेॽ मनाहाॽ आबाङे मे़जोगुबा फे़न् याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःमना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न्नावाइत्लाहाॽ सेवा चोःक्मा मे़ल्ले़रुन्लो॥
Revelation 10:2 in Limbu 2 खे़ल्ले़ कुहुक्को चुक्सा फाःङ्मनाबा साप्कित्थिक् कत्तु॥ खे़ल्ले़ कुजुप्साङ् लाङ्ङिल्ले़ वाहङ्ङो नु कुभे़न्छाङ् लाङ्ङिल्ले़ खाम्बेःक्मो तोॽरुआङ् ये़बे़रो॥
Revelation 10:8 in Limbu 8 हे़क्क्याङ् साङ्ग्राम्पेदाङ्लाम् खे़प्सुङ्बा इक्लाःल्ले़ याम्मो अक्खे मे़त्ताङ्, “पेगे़ॽआङ् खे़न् वाहङ्ङो नु खाम्बेःक्मो के़ये़प्पा माङ्लाइङ्बाल्ले़ कुहुक्को कत्तुबा खे़न् के़बाःङ्बा साप्कित्तिन् ताःक्ते़ॽ॥”