Acts 14:22 in Limbu 22 खे़प्मो खे़ङ्हाॽरे़ हुॽसाम्बाहाॽ नसाःन्नो चक्मे़ल्लॽए वये़म्मे़ॽ मे़त्ते़छुसिर हाङ्हाङ् चोगे़त्छुसि, हे़क्क्याङ् यरिक् इनोगे़न् तुक्खे के़दुमुम्साङ् निङ्वाॽफुहाङ्जुम्मो लाःप्माए पोःङ्लो फाॽआङ् आःन्छिङ्मा पिरे़त्छुसिरो॥
Other Translations King James Version (KJV) Confirming the souls of the disciples, and exhorting them to continue in the faith, and that we must through much tribulation enter into the kingdom of God.
American Standard Version (ASV) confirming the souls of the disciples, exhorting them to continue in the faith, and that through many tribulations we must enter into the kingdom of God.
Bible in Basic English (BBE) Making strong the souls of the disciples, saying to them that they were to keep the faith, and that we have to go through troubles of all sorts to come into the kingdom of God.
Darby English Bible (DBY) establishing the souls of the disciples, exhorting them to abide in the faith, and that through many tribulations we must enter into the kingdom of God.
World English Bible (WEB) confirming the souls of the disciples, exhorting them to continue in the faith, and that through many afflictions we must enter into the Kingdom of God.
Young's Literal Translation (YLT) confirming the souls of the disciples, exhorting to remain in the faith, and that through many tribulations it behoveth us to enter into the reign of God,
Cross Reference Matthew 10:21 in Limbu 21 फुॽनुसाॽहाॽ आबाङे फुॽनुसाॽहाॽरे़ खुनिॽ तक्ले़ङ्वाओ मे़बोःक्काङ् इङ्मे़ले़क्तुसि हे़क्क्याङ् से़प्मा मे़बाङ्घुसिरो॥ हे़क्केलॽरिक् पा-माहाॽ साःहाॽरे़, हे़क्क्याङ् साःहाॽ पा-माहाॽरे़ खुनिॽ तक्ले़ङ्वाओ मे़बोःक्काङ् से़प्मा मे़बाङ्घुसिरो॥
Matthew 10:38 in Limbu 38 हे़क्क्याङ् आत्तिल्ले़ कुसिलाम्साक्मा सिङ्ङिन् आबाङे पक्खुआङ् इङ्गाॽनु लाङ्मे़घेःक्ने़न् खे़न् आहुॽसाम्बा पोःङ्मा मे़लाॽरुन्लो॥
Matthew 16:24 in Limbu 24 हे़क्क्याङ् ये़सुरे़ कुहुॽसाम्बाहाॽ मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङुङ् के़लॽबा कुनिङ्वाॽइन्से़रुआङ् कुसिलाम्साक्मा सिङ्ङिन् पक्खुआङ् इङ्गाॽ तिम्माररो॥
Matthew 19:24 in Limbu 24 याम्मोआङ् खिनिॽ मे़त्निङ्, याङ्साकुन्धेसाबे़न् निङ्वाॽफुहाङ्जुम्मो लाःप्मानुःल्ले़ उमेःन् सम्मेःत्तिल्ले़ कुहङ्ङो लाःप्मा उसुरु पोःङ्लो॥”
Mark 9:47 in Limbu 47 के़मिक्किल्ले़ लायो चोःक्मा के़बाङ्ने़ फाॽग्र यगे़लःत्ते़ॽ॥ ने़त्छि मिक्किन्नु खे़मायङ्सङ्ङो पेःक्मानुःल्ले़ग मिक्थिक्नु निङ्वाॽफुहाङ्जुम्मो लाःप्मा नुःबारो॥
Mark 10:24 in Limbu 24 कुबाःन्निन्मे़घे़प्सुआङ् कुहुॽसाम्बाहाॽरे़ साॽरिक् खुनिॽ निङ्वाॽ मये़, कर ये़सुरे़ याम्मो खे़ङ्हाॽ मे़त्तुसि, “चुक्पासे, निङ्वाॽफुहाङ्जुम्मो लाःप्मा से़क्खाए साक्लो॥
Mark 10:30 in Limbu 30 खे़ल्ले़ से़क्खाए कन् ये़म्मो मनालाम्बा तुक्खे चामानु सोसोरिक् हिम्धाःङ्हाॽ, प्याङ्सिगे़न् इक्ताप्हाॽ, फुॽनुसाॽ, ने़ॽनुसाॽ, माहाॽ हे़क्क्याङ् हिन्जाॽबित्छाहाॽ किप्थिक् (१००) ले़ङ्नुःल्ले़आङ्यरिक् खोःसुॽरो॥ हे़क्क्याङ् के़दाःबा ये़म्मो मे़न्नुप्मनाबा हिङ्मन् खोःसुॽरो॥
Luke 22:28 in Limbu 28 खिनिॽग चक्मे़ल्लॽए इङ्गाॽ आदुक्खेओ तेःङ् याप्मि के़मे़त्तिआङ् के़वयिॽरो॥
Luke 24:26 in Limbu 26 निङ्वाॽफुमाङ्ङिल्ले़ सेःन्दुबा ख्रिस्ते़न्तुक्खे चामाआङ् कुमिमिदिङ्ङो पेःक्मा के़बोःङ्बा वये़ बि मे़ःम्बि?”
John 3:5 in Limbu 5 ये़सुरे़ नोगप् पिरु, “इङ्गाॽ से़क्खाए मे़त्ने़ॽ, च्वाःत् नु सेसेमाङ्लाम्बा सामे़न्वाःन्छिङ्ङे थारिक् निङ्वाॽफुहाङ्जुम्मो आत्तिन्नाङ् लाःप्मा मे़सुक्ने़न्लो॥
John 8:31 in Limbu 31 ये़सुरे़ खुने़ॽओ नसाःन् के़जोःक्पा यहुदिहाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ पाःत्तुङ्बा पाःन्हाॽओ चक्मे़ल्लॽए के़बत्छिॽने़ फाॽग्र से़क्खाए आहुॽसाम्बा के़बोःक्खिॽरो॥
John 12:25 in Limbu 25 आत्तिल्ले़ ने़त्तिगे़न् कुहिङ्मन्निन् लुङ्माॽ तुक्तुॽ, खे़ल्ले़ मासुॽरो, कर आत्तिल्ले़ कन् इक्सादिङ् खाम्बेःक्मो ने़त्तिगे़न् कुहिङ्मन्निन् थेआङ् मे़इःत्तुन्, खे़ल्ले़ मे़न्नुप्मनाबा हिङ्मन्निन् से़ःप्तु युक्खुॽरो॥
John 15:4 in Limbu 4 इङ्गाॽओ वये़म्मे़ॽ हे़क्क्याङ् इङ्गाॽ खिनिॽओ वाॽआरो॥ सिङ् पोराःक्किन् चे़प्माआङ् कुबुङ्मोलाम् से़म्माने़ फाॽग्र खे़ॽयो कुजाॽ थोःक्मा मे़सुक्ने़न्लो, हे़क्केलॽरिक् खिनिॽआङ् इङ्गाॽओ मे़न्वाॽए कुजाॽ फम्मा के़न्छुक्तुम्मिल्लो॥
John 15:9 in Limbu 9 पानुदिङ् पाःल्ले़ लुङ्माॽ तुक्ताङ्बा कुइसिःक् खिनिॽआङ् लुङ्माॽ तुक्निङ्ङाङ् वाॽआरो॥ खिनिॽ चक्मे़ल्लॽए आमिःम्जिओ वये़म्मे़ॽओ॥
John 15:20 in Limbu 20 इङ्गाॽ मे़त्निङ्बा आबाःन्हाॽ निङ्वाॽ इःत्ते़म्मे़ॽओ ‘सेवारोबान् कुन्दाङ्बान्नुःल्ले़ यम्बा मे़ःन्लो॥’ खे़ङ्हाॽरे़ इङ्गाॽए तुक्खे मे़जाःत्ताङ्ङिल्ले़ खिनिॽआङ् तुक्खे के़म्जाःत्तिॽरो॥ खे़ङ्हाॽरे़ इङ्गाॽ आनिसाम्मिन् मे़इःत्तु मे़नाःत्तुआङ् वये़ल्ले़ग खिनिॽ निसाम्मिन्नाङ् मे़इःत्तु मे़नाःत्तुॽरो॥
John 16:1 in Limbu 1 ये़सुरे़ आल्लसाङ्मे़त्तुसि, “याप्मि नसाःन् चोःक्मा के़न्ले़रुम्मिन्ल फाॽआङ् तगिसा कन् पाःन्हाॽ मे़त्निङ्ल पत्तारो॥
John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
Acts 6:7 in Limbu 7 निङ्वाॽफु पाःन्जाक्किन् चक्मे़ल्लॽए मे़से़ःसुर मे़देॽरु॥ हे़क्क्याङ् यरुसले़म्मो हुॽसाम्बाहाॽ यरिक् मे़बोःक्खे़र मे़बेआङ् यरिक् निङ्वाॽफुसाम्बाहाॽरे़आङ् कन् नसाःन्निन् ते़न्दिङ् मे़जोगुरो॥
Acts 9:16 in Limbu 16 इङ्गाॽ आलागि खे़ल्ले़ आक्खे़न्तुक्खे चामा पोःङ् फाॽआङ् इङ्गाॽ ओसेःन्धाक्तुङ्लो॥”
Acts 11:23 in Limbu 23 खुने़ॽ खे़प्मो के़रे़आङ् खे़प्मोबा मनाहाॽओ निङ्वाॽफुमाङ्ङिल्ले़ मुॽइसाम् थाःसुबा निःसु, हे़क्केःल्ले़ खुने़ॽ साॽरिक्के सःत्ते़आङ् खे़ङ्हाॽ सिक्लुङ्मोनु से़क्खाए दाङ्बाओ वये़म्मे़ॽओ फाॽआङ् हाङ्हाङ् मे़त्तुसिरो॥
Acts 13:43 in Limbu 43 हे़क्क्याङ् मनाहाॽरे़ यहुदि चुम्लुङ्हिम्मिन् मे़ले़रुआङ् यरिक् यहुदिहाॽ नु यहुदि साम्योओ के़दाःबाहाॽरे़ पावल नु बरनाबासे़न्मे़दिम्दुसिरो॥ हे़क्क्याङ् सेःक्युक्मिबाहाॽरे़ खे़ङ्हाॽ निङ्वाॽफु लुङ्गुम्मो चक्मे़ल्लॽए नसाःन् चोगे़म्मे़ॽ फाॽआङ् पेलि फाक्ते़छुरो॥
Acts 15:32 in Limbu 32 यहुदा नु सिलासिआङ् आबाङे माङ्निङ्वाॽपाःन् के़बाःप्पा वये़त्छि॥ नसानिबा फुॽनुसाॽहाॽ हाङ्हाङ् नु खुनिॽ नसाःन्नो के़धुम्बा चोःक्मासि फाॽआङ् खे़ङ्हाॽरे़ यरिक् पाःन्हाॽ मे़त्ते़त्छुरो॥
Acts 15:41 in Limbu 41 खुन्छिॽ सिरिया नु सिलिसिया थुम्मो पोःक्खे़छिर खे़प्मोबा सेसेहुप्लक्हाॽ के़धुम्बा चोगे़त्छुरो॥
Acts 18:23 in Limbu 23 खे़प्मो कुभा ये़म् याःक्ते़आङ् खे़प्मोलाम् पावले़न् गलातिया नु फ्रिगियास्मा ते़ङ्गप्पो याम्मो लाम्दिःक् चोगे़र खे़प्मोबा नसानिबाहाॽ नसाःन्नो के़धुम्बा चोगुसिरो॥
Romans 8:17 in Limbu 17 हे़क्क्याङ् कुस्साः आबोःक्खे़बाल्ले़ चोगुल्ले़ आनिॽ निङ्वाॽफुमाङ्ङिल्ले़ कुलक् के़घोःबासिरो॥ से़क्खाए खुने़ॽनु सोरिक् इङ्धाःङ् आघोःसुम्ल फाॽआङ् खुने़ॽनु सोरिक् इनोगे़न् तुक्खेआङ् आजाने़ फाॽग्र आनिॽग ये़सु ख्रिस्ते़न्नु सोरिक् लक् के़घोःबासिआङ्लो॥
1 Corinthians 1:8 in Limbu 8 खुने़ॽए कुनुप्मो थारिक् नसाःन्नो थधप् मे़ल्लॽए के़गत्तिॽ, हे़क्केःल्ले़ आनिॽ दाङ्बा ये़सु ख्रिस्ते़ल्ले़ कुनुःङ्मा युःमा ये़न्नो आत्तिल्ले़आङ् खिनिॽ पाःन्धिक्मा के़न्छुक्तिन्लो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
1 Thessalonians 3:2 in Limbu 2 हे़क्क्याङ् निङ्वाॽफुमाङ्ङिल्ले़ कुलागि ख्रिस्तरे़ कुसुनाइङ्ङिन् आनिगे़नु सोरिक् इङ्भन् के़जोःक्पा आनिगे़ नुसाॽ तिमोथिःन् खिनिॽओ पाङ्घुम्बे़आङ् वाॽरो॥ हाराॽ खुने़ॽए खिनिॽ नसाःन्नो के़धुम्बा के़जोगिर, हाङ्हाङ् के़मे़त्तिररो॥
1 Thessalonians 3:13 in Limbu 13 खिनिॽ निङ्वाॽबान् हाङ्हाङ् मे़त्तुनिरो, अक्खेलॽरिक् आनिॽ दाङ्बा ये़सुःन् काक् सेसे कुमनाहाॽनु याम्मो युःल्ले़ आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ सेसे नु फोत्या मे़ःन्ने के़जोगिररो॥
2 Timothy 1:8 in Limbu 8 खे़ल्ले़ चोगुल्ले़ दाङ्बाल्ले़न् साःक्खि पिमा नु कुलागि इङ्गाॽ साक्पा के़धाःबान्नु खे़ने़ॽ सिरिङ् मे़मये़न्ने़ॽओ॥ कर निङ्वाॽफुमाङ्ङिल्ले़ कुमुक्साम्मो आनिगे़नु सोरिक्खे़ने़ॽआङ् सुनाइङ्ले़ लागि तुक्खे चे़ॽओ॥
2 Timothy 2:11 in Limbu 11 कन् पाःप्मनाबा पाःन्निङ्ग से़क्खाएरो, आनिॽ खुने़ॽनुए आस्ये़आङ् आवाॽने़ फाॽग्र खुने़ॽनुए आहिङ्लो॥
2 Timothy 3:12 in Limbu 12 ख्रिस्त ये़सुओ साम्योनिबा हिङ्मन्नो हिङ्मा निङ्वाॽ के़जोःक्पाङ्ग तुक्खे चाएरो॥
1 Peter 4:12 in Limbu 12 आमिःम् आन्जुम्से, खिनिॽ के़साक्पा इनोगे़न् तुक्खे कुधिम्बा हङ्साॽमो के़ध्ये़ॽइल्ले़ खिनिॽनु निङ्वाॽ के़माबा पाःन् पोःक्खे़ फाॽआङ् खिनिॽ निङ्वाॽ मे़मये़म्मिन्ने़ॽओ,
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
2 Peter 1:11 in Limbu 11 अक्खेलॽरिक् आनिॽ दाङ्बा नु से़न्लप्दाङ्बा ये़सु ख्रिस्तरे़ मे़न्नुप्मनाबा कुहाङ्जुम्मो लाःप्मारे़ लागि लाङ्दाःक्मा के़बिरिरो॥
Jude 1:3 in Limbu 3 आमिःम् आन्जुम्से, आनिॽ के़रे़क्ले़ आघोःसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोःङ्बा निःसुङ्लो॥
Jude 1:20 in Limbu 20 कर आमिःम् आन्जुम्से, खिनिॽ सेसे नसाःन्नो के़धुम्बा पोःक्खे़म्मे़ॽआङ् सेसेमाङ्ङो तुवा चोगे़म्मे़ॽर वये़म्मे़ॽओ॥
Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥