Acts 14:15 in Limbu 15 “आदाङ्बासे, कन् थे चोःक्मा के़इःत्तुम्बाबे? आन्छिगे़ग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लाःन् सेवा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे़ कप्मो त्ये़त्छिगे़बारो॥
Other Translations King James Version (KJV) And saying, Sirs, why do ye these things? We also are men of like passions with you, and preach unto you that ye should turn from these vanities unto the living God, which made heaven, and earth, and the sea, and all things that are therein:
American Standard Version (ASV) and saying, Sirs, why do ye these things? We also are men of like passions with you, and bring you good tidings, that ye should turn from these vain things unto a living God, who made the heaven and the earth and the sea, and all that in them is:
Bible in Basic English (BBE) Good people, why are you doing these things? We are men with the same feelings as you, and we give you the good news so that you may be turned away from these foolish things to the living God, who made the heaven and the earth and the sea and all things in them:
Darby English Bible (DBY) and saying, Men, why do ye these things? *We* also are men of like passions with you, preaching to you to turn from these vanities to the living God, who made the heaven, and the earth, and the sea, and all things in them;
World English Bible (WEB) "Men, why are you doing these things? We also are men of like passions with you, and bring you good news, that you should turn from these vain things to the living God, who made the sky and the earth and the sea, and all that is in them;
Young's Literal Translation (YLT) and saying, `Men, why these things do ye? and we are men like-affected with you, proclaiming good news to you, from these vanities to turn unto the living God, who made the heaven, and the earth, and the sea, and all the things in them;
Cross Reference Matthew 16:16 in Limbu 16 सिमोन पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्त, आजुनि निङ्वाॽफुमाङ्ङिल्ले़ कुस्साःने़रो॥”
John 5:26 in Limbu 26 थेआङ्भे़ल्ले़ पानुदिङ् पाः निङ्वाॽफुमाङ्ङिन् काक् ने़त्तिगे़न् हिङ्मन्निल्ले़ कुबुन्लो, हे़क्केलॽरिक्के कुस्साःन्नाङ् मे़न्नुप्मनाबा हिङ्मन् के़बिबा चोगुआङ् वाॽरो॥
John 7:18 in Limbu 18 आबाङे युक्कोलाम्के़बाःप्पाहाॽरे़ग आबाङे मिङ्सो इङ्धाःङ् मे़गोःत्तुॽरो, कर आत्तिल्ले़ खुने़ॽ के़बाङ्बान् मिङ्सो इङ्धाःङ् पिमा निङ्वाॽ चोगुॽ, खे़ल्ले़ से़क्खा पाःन् पाःत्तुॽरो॥ हे़क्क्याङ् खुने़ॽओ थेआङ् इङ्ले़क्पा पाःन् होःप्लो॥
Acts 3:12 in Limbu 12 हे़क्क्याङ् पत्रुसरे़ खे़ङ्हाॽ ओमे़त्तुसिर मे़त्तुसि, “इस्राइलिसे, कन् पाःन्नो थेआङ् खिनिॽ निङ्वाॽ मये़बाबे? थेआङ् कन् मनाःन् आन्छिगे़ मुक्साम् नु साम्योबाल्ले़ लाङ्गे़घेःक्पा चोगुबा फाॽआङ् याप्मि ओगे़मे़त्तिबाबे?
Acts 4:24 in Limbu 24 हे़क्क्याङ् खे़ङ्हाॽरे़ कन् पाःन्निन् मे़घे़प्सुआङ् थिक्हुप् नु थिक्मुरा मे़बोःक्खे़आङ् अक्खेलॽरिक् तुवा मे़जोगे़, “आनिगे़ मुक्साम्दाङ्बाए, खे़ने़ॽग ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ के़जोगुसिबारो॥
Acts 7:26 in Limbu 26 हे़क्क्याङ् कुदाःन्दिक् ने़प्फु इस्राइलिहाॽ चुङे़त्छिर यागे़त्छिबा निःसुसिआङ् नादङ् चोःक्मासि फाॽआङ् पेआङ् मे़त्तुसि, ‘तेःङ्बासे, खिन्छिॽग फुॽनुसाॽ के़धाप्सि! थेआङ् के़जुङ्सिबाबे?’
Acts 10:26 in Limbu 26 कर पत्रुसरे़ खे़न् फोःक्खुआङ् मे़त्तु, “खे़ने़ॽ पोगे़ॽओ, इङ्गाॽग मनाआरक्लो॥”
Acts 12:22 in Limbu 22 हे़क्क्याङ् मनाहाॽरे़ कन् के़बाःप्पे़न्माङ्लो, मे़न्छाम्गे़न् याप्मिग मे़ःन्लो लॽरिक् मे़अःक्ते़रो॥
Acts 13:32 in Limbu 32 हे़क्क्याङ् निङ्वाॽफुमाङ्ङिल्ले़ आनिगे़ पाधे़बाहाॽ पिरुसिबा माङ्हे़क्किल्ले़ कुयाःम्बेओ कन् सुनाइङ् इङ्भोःसे़ आनिगे़ खिनिॽओ त्ये़ॽइगे़आङ् वयिगे़रो–
Acts 14:7 in Limbu 7 खे़प्मोआङ् खे़ङ्हाॽरे़ सुनाइङ्ङिन् इङ्भन् मे़जोगुरो॥
Acts 14:21 in Limbu 21 पावल नु बरनाबासरे़ दर्बिओ सुनाइङ् इङ्भन् चोगे़त्छुआङ् खे़प्मो यरिक् मनाहाॽ हुॽसाम्बा मे़बोःक्खे़रो॥ हे़क्क्याङ् खे़ङ्हाॽ लुस्त्रा, आइकोनियम नु एन्तिओक्को नुःक्खे़त्छिआङ्
Acts 16:30 in Limbu 30 हे़क्क्याङ् खे़ङ्हाॽ लाःक्कात् लःत्तुसिआङ् सेःन्दोसुसि, “आदाङ्बासे, इङ्गाॽ थे चोगुङ्ङिल्ले़ से़न्लप् खोआबे?”
Acts 17:16 in Limbu 16 पावलरे़ ए़थे़न्सओ सिलास नु तिमोथिःन् हाङ्घुसिर वये़ल्ले़ ये़क्यक्को यरिक् नावाइत्लाहाॽ निःसुआङ् साॽरिक्के कुलुङ्माॽ योःन्दे़रो॥
Acts 17:24 in Limbu 24 निङ्वाॽफुमाङ्ङिङ्ग साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बारो॥ खुने़ॽए इक्सादिङ् खाम्बेःक्मान् नु खे़प्मो के़वाॽबा के़रे़क् चोगुसिबाल्ले़ खुने़ॽ मे़न्छाम् याप्मिहाॽरे़ मे़जोगुबा माङ्हिम्मो मे़युङ्ङिन्लो॥
Acts 26:17 in Limbu 17 इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’
Acts 27:10 in Limbu 10 “आदाङ्बासे, आल्ल तगिबा वालाम्दिःक् चोःक्मा किप्मा के़घुःबा पोःक्खे़बा निःसुङ्लो॥ चक्मे़ल्लॽए वालाम्दिःक् आजोगुम्ने़ फाॽग्र, वालाधा नु वागक्रे़ पयम् इम्मोःक्लक् मे़ःन्, कर आनिॽआङ् सिःमा आसुक्लो॥”
Acts 27:21 in Limbu 21 वालाधाओबा मनाहाॽ चा मे़न्जाएबा यरिक् ये़न् पोःक्खे़आङ् वये़बाल्ले़ पावले़न्खुन्छिॽ लुम्मो ये़म्सिङ्ङाङ् अक्खे मे़त्तुसि, “आदाङ्बासे, आबाःन् के़घे़प्सुम्माङ् क्रेतलाम् आन्धासिङ्ङिन्निल्ले़ग अक्खेलॽरिक् इम्मोःक् मे़बोःक्खे़म्बारो॥
Acts 27:25 in Limbu 25 खे़ल्ले़ चोगुल्ले़ आदाङ्बासे, हाङ्हाङ् लॽरे़म्मे़ॽओ! इङ्गाॽग निङ्वाॽफुमाङ्ङिन् नसाःन् चोगुङ्लो॥ हे़क्क्याङ् इङ्गाॽ मे़त्ताङ्बा कुइसिःक् के़त्लो॥
Romans 1:20 in Limbu 20 थेआङ्भे़ल्ले़ इक्सादिङ् खाम्बेःक्माल्ले़ नावागे़न् चइःत् पोःक्खे़आङ्धोए निङ्वाॽफुमाङ्ङिल्ले़ निःमे़न्दे़प्मनाबा कुसुम्बोःन्–मे़न्नुप्मनाबा कुमुक्साम् नु निङ्वाॽफुगे़न् नोस्रङ्ङिन्–नुःरिक्काङ् निःदे़त्लो॥ खे़ङ्हाॽग नावागे़न् चइःत् पोःक्खे़बा पाःन्हाॽलाम्मे नुःरिक्काङ् कुसिङ् निःत्ते़त्ते़आङ वाॽरो॥ हे़क्केःल्ले़ मे़न्छाम् याप्मिहाॽरे़ मे़न्निःमना लाम्सिङ्मा पाःन् थेआङ् होःप्लो॥
1 Corinthians 8:4 in Limbu 4 हे़क्केःल्ले़ आल्ल नावाइत्लाहाॽओ तोःम्मनाबा कुजाःन् चामाल्ले़ कुयाःम्बेओग आक्खे फाॽले़–इक्सादिङ् खाम्बेःक्मोबा नावाइत्लाहाॽग थेसिआङ् मे़ःन्लो हे़क्क्याङ् निङ्वाॽफुमाङ्ङिन् थिक्लक् वाॽ फाॽआङ् आनिॽ आनिःसुम्लो॥
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
1 Thessalonians 1:9 in Limbu 9 थेआङ्भे़ल्ले़ खिनिॽओ त्ये़ॽइगे़ल्ले़ याप्मि के़दाःक्तिबा पाःन् नु नावाइत्ला सेवा चोःक्मोलाम् के़नुःक्खिआङ् से़क्खा नु आजुनि निङ्वाॽफुमाङ्ङिन् सेवा के़जोगुम्बा पाःन्निङ्ग काक् मनाहाॽरे़ए मे़जे़क्खु मे़बाःत्तुॽरो॥
1 Timothy 3:15 in Limbu 15 हे़क्केलॽरिक् इङ्गाॽ सुःसाङ्ने़ फाॽग्र निङ्वाॽफुमाङ्ङिल्ले़ कुमनाहाॽनु आक्खेलॽरिक् वाॽमा पेःक्मा पोःङ् फाॽआङ् खे़ने़ॽ कुसिङ्के़निःत्तुएरो॥ कुमनाहाॽग आजुनि निङ्वाॽफुमाङ्ङिल्ले़ कुसेसेहुप्लक्लो॥ खे़ङ्ग से़क्खाःल्ले़न् हाङ्सित्लाङ् नु ने़ःम्भोरो॥
Hebrews 3:12 in Limbu 12 आमिःम् फुॽनुसाॽ नु ने़ॽनुसाॽसे, खिनिॽ लुम्मो ताप्फे़ःम्बा नु नसाःन् मे़न्जोःक्मनाबा निङ्वाॽबाल्ले़ खिनिॽ आजुनि निङ्वाॽफुमाङ्लाम्बा माःङ्घा के़न्जोगिन्ल फाॽआङ् सिङ्सिङ् लॽरे़म्मे़ॽओ॥
James 5:17 in Limbu 17 माङ्निङ्वाॽपाःन् के़बाःप्पा एलियाःन्नाङ् आनिॽ हे़क्तङ्बा मनाए चोगे़रो॥ खुने़ॽ पाङ्गे़न्दिङ् वाहित्मान् मे़धाने़न्ल फाॽआङ् तुवा चोगुल्ले़ खे़न् लाजेॽओ तङ्बे सुम्सिआङ् तुक्सि ला थारिक् वाहित्मान् मे़ध्ये़न्ने़न्लो॥
Revelation 14:7 in Limbu 7 खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किःसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ्ताङ्साक्पे़न्, इक्सादिङ् खाम्बेःक्मान्, वाहङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् सेवा चोगे़म्मे़ॽओ॥”
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥
Revelation 19:19 in Limbu 19 हे़क्क्याङ् खे़न् किप्मा के़घुःबा थक्साःन् नु इक्सादिङ् खाम्बेःक्मोबा हाङ्हाॽ हे़क्क्याङ् खुनिॽ थक्सुबाहाॽ थङ् चोःक्से़ अन् के़युक्पे़न्नु खुने़ॽ कुधक्सुबाहाॽरे़ कुदक्ले़ङ्वाओ मे़जुप्से़बा निःसुङ्सिङ्लो॥
Revelation 22:9 in Limbu 9 कर खे़ल्ले़ इङ्गाॽ अक्खे मे़त्ताङ्लो, “इङ्गाॽ सेवा मे़जोगाङ्ङिन्ने़ॽ! इङ्गाॽग खे़ने़ॽ कुइसिःक् हे़क्क्याङ् माङ्निङ्वाॽपाःन् के़बाःप्पा के़म्भुॽ के़न्साॽसि नु कन् साप्पन्नो के़बप्पा पाःन्हाॽ के़इःप्पा के़नाःप्पाहाॽ हे़क्तङ्बा निङ्वाॽफुमाङ्ङिल्ले़ कुसेवारोबाआरो॥ निङ्वाॽफुमाङ्ङिन्लक् सेवा चोगे़ॽओ!”