Acts 13:43 in Limbu 43 हे़क्क्याङ् मनाहाॽरे़ यहुदि चुम्लुङ्हिम्मिन् मे़ले़रुआङ् यरिक् यहुदिहाॽ नु यहुदि साम्योओ के़दाःबाहाॽरे़ पावल नु बरनाबासे़न्मे़दिम्दुसिरो॥ हे़क्क्याङ् सेःक्युक्मिबाहाॽरे़ खे़ङ्हाॽ निङ्वाॽफु लुङ्गुम्मो चक्मे़ल्लॽए नसाःन् चोगे़म्मे़ॽ फाॽआङ् पेलि फाक्ते़छुरो॥
Other Translations King James Version (KJV) Now when the congregation was broken up, many of the Jews and religious proselytes followed Paul and Barnabas: who, speaking to them, persuaded them to continue in the grace of God.
American Standard Version (ASV) Now when the synagogue broke up, many of the Jews and of the devout proselytes followed Paul and Barnabas; who, speaking to them, urged them to continue in the grace of God.
Bible in Basic English (BBE) Now when the meeting was ended, a number of the Jews and of the God-fearing Gentiles who had become Jews, went after Paul and Barnabas: who put before them how important it was to keep on in the grace of God.
Darby English Bible (DBY) And the congregation of the synagogue having broken up, many of the Jews and of the worshipping proselytes followed Paul and Barnabas, who speaking to them, persuaded them to continue in the grace of God.
World English Bible (WEB) Now when the synagogue broke up, many of the Jews and of the devout proselytes followed Paul and Barnabas; who, speaking to them, urged them to continue in the grace of God.
Young's Literal Translation (YLT) and the synagogue having been dismissed, many of the Jews and of the devout proselytes did follow Paul and Barnabas, who, speaking to them, were persuading them to remain in the grace of God.
Cross Reference Matthew 23:15 in Limbu 15 खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग थिक् मनाःन् यहुदि साम्योओ ताःप्मा फाॽआङ् लाजेॽ नु वाहङ् खाराक् लाम्दिःक् के़जोगिरो, हे़क्क्याङ् खे़न् मनाःन् यहुदि साम्योओ के़दाःरुम्माङ्ग खे़न् खिनिॽनुःल्ले़आङ् साॽरिक् खे़मायङ्सङ्ङो खुम्दिङ् के़घोःबा के़जोगुम्लो॥
John 8:31 in Limbu 31 ये़सुरे़ खुने़ॽओ नसाःन् के़जोःक्पा यहुदिहाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ पाःत्तुङ्बा पाःन्हाॽओ चक्मे़ल्लॽए के़बत्छिॽने़ फाॽग्र से़क्खाए आहुॽसाम्बा के़बोःक्खिॽरो॥
John 15:5 in Limbu 5 इङ्गाॽग चे़ल्ले़क्सेॽइल्ले़ कुबुङ्आरो हे़क्क्याङ् खिनिॽग आबोराःक्निङ्लो॥ खिनिॽ इङ्गाॽओ के़वयिॽआङ् इङ्गाॽ खिनिॽओ वाॽआने़ फाॽग्र आल्लसाङ् यरिक् कुजाॽ फम्मा के़सुक्तुम्लो, कर इङ्गाॽओ मे़न्वाॽए थेआङ् चोःक्मा के़न्छुक्तुम्मिल्लो॥
Acts 2:10 in Limbu 10 फ्रिगिया, पाम्फिलिया, मिस्र नु लिबिया कुबेसाङ्बा साइरेनि ये़क्यक्, हे़क्क्याङ् रोमलाम् के़दाःबा (यहुदिहाॽ नु यहुदि साम्यो के़नाःप्पा थिम्मे़न्दङ् सुवाङ्हाॽ),
Acts 6:5 in Limbu 5 सेःक्युक्मिबाहाॽरे़ मे़बाःत्तुबा कन् पाःन्निल्ले़ काक् नसानिबाहाॽरे़ खुनिॽ निङ्वाॽ तासुरो हे़क्केःल्ले़ खे़ङ्हाॽरे़ सेसेमाङ्ङिल्ले़ कुमुक्साम्मिल्ले़ थुक्तुसिबा नु नसाःन्निल्ले़ कुधिम् के़बोःङ्बा स्तिफनस, हे़क्क्याङ् फिलिप, प्रखुरस, निकानोर, तिमोन, पर्मिनास, नु थिम्मे़न्दङ् सुवाङ्लाम् यहुदि साम्योओ के़दाःबा एन्तिओकस्मा नसानिबा निकोलसे़न्मे़सेगुसिआङ्
Acts 11:23 in Limbu 23 खुने़ॽ खे़प्मो के़रे़आङ् खे़प्मोबा मनाहाॽओ निङ्वाॽफुमाङ्ङिल्ले़ मुॽइसाम् थाःसुबा निःसु, हे़क्केःल्ले़ खुने़ॽ साॽरिक्के सःत्ते़आङ् खे़ङ्हाॽ सिक्लुङ्मोनु से़क्खाए दाङ्बाओ वये़म्मे़ॽओ फाॽआङ् हाङ्हाङ् मे़त्तुसिरो॥
Acts 13:50 in Limbu 50 कर यहुदिहाॽरे़ ये़क्यामा साम्योमा मे़न्छुमाहाॽ नु खे़न् ये़क्यक्कोबा मिङ्सोदाङ्बा मनाहाॽ मे़हुसुसि मे़बक्सुसिरो॥ खे़ङ्हाॽरे़ पावल नु बरनाबासे़न् तुक्खे चाःप्मा मे़हेःक्तुसिआङ् खे़न् थुम्मोलाम् लाःक्कात् मे़नाःत्तु मे़देःसुसिरो॥
Acts 14:3 in Limbu 3 हे़क्केःल्ले़ सेःक्युक्मिबाहाॽ खे़प्मो यरिक् ये़म् थारिक् वये़त्छिल्ले़ खे़ङ्हाॽ दाङ्बाल्ले़ कुयाःम्बेओ मे़ङ्गिए पारे़त्छिरो॥ दाङ्बाल्ले़ खे़ङ्हाॽ मिक्सेःन् नु निङ्वाॽ के़माबा याःम्बक्हाॽ चोःक्मा मुक्साम् पिरुसि हे़क्क्याङ् खे़ङ्हाॽरे़ इङ्भन् चोगे़त्छुबा कुलुङ्गुम्मिन् से़क्खाए फाॽआङ् ओसेःन्धाक्तुसिरो॥
Acts 14:22 in Limbu 22 खे़प्मो खे़ङ्हाॽरे़ हुॽसाम्बाहाॽ नसाःन्नो चक्मे़ल्लॽए वये़म्मे़ॽ मे़त्ते़छुसिर हाङ्हाङ् चोगे़त्छुसि, हे़क्क्याङ् यरिक् इनोगे़न् तुक्खे के़दुमुम्साङ् निङ्वाॽफुहाङ्जुम्मो लाःप्माए पोःङ्लो फाॽआङ् आःन्छिङ्मा पिरे़त्छुसिरो॥
Acts 16:14 in Limbu 14 खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोस्मा परान्ला तेःत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् सेवा के़जोःक्मा थिम्मे़न्दङ् सुवाङ्स्मा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसाःन् चोगुर फाॽआङ् दाङ्बाल्ले़ कुनिङ्वाॽइन्हन्दु पिरु॥
Acts 17:4 in Limbu 4 खे़प्मो के़वाॽबा कुभा यहुदिहाॽ कन् पाःन्निल्ले़ खुनिॽ निङ्वाॽ त्ये़आङ् हुॽसाम्बा मे़बोःक्खे़रो॥ खे़प्मोआङ् निङ्वाॽफुमाङ्ङिन् सेवा के़जोःक्पा यरिक् ग्रिक्हाॽ नु मिङ्सोदाङ्मा मे़न्छुमाहाॽरे़आङ् नसाःन् मे़जोगुरो॥
Acts 17:17 in Limbu 17 हे़क्केःल्ले़ खुने़ॽ यहुदि चुम्लुङ्हिम्मोबा यहुदिहाॽ नु निङ्वाॽफुमाङ्ङिन् सेवा के़जोःक्पा थिम्मे़न्दङ् सुवाङ्हाॽ हे़क्क्याङ् पाङ्जुम्मो थिक्याःन्धक् के़दाःबा के़बेःक्पा मनाहाॽनु पाःन्थक्ते़रो॥
Acts 17:34 in Limbu 34 कर कुभा मनाहाॽ पावलरो मे़द्ये़आङ् ये़सुःन् नसाःन् मे़जोगु॥ खे़ङ्हाॽओ देउनिसियस मे़प्मनाबा अरियोपागसरे़न् पासिङ्पादाङ् नु दामारियस मे़प्मनामा मे़न्छुमाॽ नु वेॽ मनाहाॽआङ् मे़वये़रो॥
Acts 19:8 in Limbu 8 पावले़न् यहुदि चुम्लुङ्हिम्मो पेर ला सुम्सि थारिक् हाङ्हाङ् लॽरिक् मनाहाॽनु पाःन्धङ् चोगुर निङ्वाॽफुहाङ्जुम्मिल्ले़ कुयाःम्बेओ खुनिॽ निङ्वाॽ ताःमा पिमासि तम्सिन् चोगु॥
Acts 28:23 in Limbu 23 हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसाःन् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
Romans 3:24 in Limbu 24 कर निङ्वाॽफुमाङ्ङिल्ले़ लुङ्माॽ आदुक्ते़बाल्ले़ चोगुल्ले़ ख्रिस्त ये़सुलाम् आनिॽ लायोओनु आधे़ॽरे़आङ् आम्भा आनिॽ आप्तिक् मे़ःन्नेबा आजोगे़आङ् वाॽरो॥
Romans 5:2 in Limbu 2 आनिॽ नसाःन् आजोगुम्बाल्ले़ ये़सु ख्रिस्तरे़ कन् लुङ्गुम्मो आदाःरे़आङ् वाॽ॥ आल्लो हाबा खे़न् लुङ्गुम्मोए आवाॽ, हे़क्क्याङ् निङ्वाॽफुमाङ्ङिल्ले़ कुमिमिदिङ्ङिन् खोःमा लक् आघोःसुम्मेरो फाॽआङ् आसःत्लो॥
Romans 5:21 in Limbu 21 हे़क्केलॽरिक् लायोःल्ले़ के़रे़क् मनाहाॽओ हाङ् चोगुआङ् सिःमे़न् तारुबा कुइसिःक् आल्ल निङ्वाॽफुमाङ्ङिल्ले़ कुलुङ्गुम्मिल्ले़ हाङ् चोगुॽआङ्खे़ल्ले़ आनिॽ आप्तिक् मे़ःन्नेबा आजोःक्, हे़क्क्याङ् दाङ्बा ये़सु ख्रिस्तलाम् मे़न्नुप्मनाबा हिङ्मन् आघोःसुम्लो॥
Romans 11:6 in Limbu 6 हे़क्क्याङ् कङ्ग खे़ङ्हाॽरे़ मे़जोगुबा याःम्बक्लाम् मे़ःन्, कर निङ्वाॽफुमाङ्ङिल्ले़ कुलुङ्माॽ तुक्मालाम् पोःक्खे़बारो॥ खुनिॽ याःम्बक्लाम् पोःक्खे़बाने़ फाॽग्र निङ्वाॽफुमाङ्ङिल्ले़ कुलुङ्माॽ तुक्मान् थेनाधे पोःक्खे़बारो॥
2 Corinthians 5:11 in Limbu 11 खे़ल्ले़ चोगुल्ले़ आनिगे़ग दाङ्बाल्ले़ कुमिङ्सो इङ्धाःङ्ङिन् कुसिङ् निःत्तुम्बे़बाल्ले़ चोगुल्ले़ मनाहाॽ खुने़ॽ ले़प्माङ् मे़नुःङ्ल फाॽआङ् हाङ्हाङ् मे़त्तुम्सिम्बे़ॽरो॥ निङ्वाॽफुमाङ्ङिल्ले़ आनिगे़ आक्तङ्बा चोगिगे़ॽ के़लॽबान् नुःरिक्काङ् निःसुॽरो, हे़क्क्याङ् खिनिॽआङ् खे़न् कुसिङ् के़निःत्तुम् के़लॽबान् निङ्साङ् चोगुम्बे़ॽरो॥
2 Corinthians 6:1 in Limbu 1 हे़क्क्याङ् आनिगे़ निङ्वाॽफुमाङ्ङिन्नु सोरिक् याःम्बक् के़जोःक्पा पोःक्खिगे़बाल्ले़ चोगुल्ले़ निङ्वाॽफुमाङ्ङिल्ले़ लुङ्माॽ के़दुक्तिबा सुनाइङ्ङिल्ले़ पाःन्निन् खिनिॽ हिङ्मन्नो हने़ पोःङ्मा मे़बाङ्घे़म्मिन्ने़ॽ फाॽआङ् पेलि फाक्कासिगे़रो॥
Galatians 5:1 in Limbu 1 ख्रिस्तरे़ से़क्खाए चोःक्युम्भो आबिरे़आङ् वाॽ, खे़ल्ले़ चोगुल्ले़ खे़न् चोःक्युम्भोओ मे़म्मुन्ने वये़म्मे़ॽ, हे़क्क्याङ् साम्योथिम्मिल्ले़ कुयोःक् याम्मो मे़बोःक्खे़म्मिन्ने़ॽओ॥
Galatians 5:4 in Limbu 4 खिनिॽ निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा पोःङ्मा फाॽआङ् साम्योथिम्मिन् के़इःप्पा के़नाःप्पाहाॽ ख्रिस्तलाम् के़से़न्दि, निङ्वाॽफुमाङ्ङिल्ले़ कुलुङ्गुम्लाम् माःङ्घा के़बोःक्खिआङ् के़वयिॽरो॥
Ephesians 2:8 in Limbu 8 निङ्वाॽफुमाङ्ङिल्ले़ लुङ्माॽ के़दुक्तिबाल्ले़ चोगुल्ले़ ख्रिस्ते़न्नसाःन् के़जोगुम्बालाम्बा खिनिॽ ताङ्गे़से़ःप्तिआङ् के़वयिॽ॥ कङ्ग आबाङे खिनिॽ के़जोगुम्बा याःम्बक्लाम् मे़ःन्, कर निङ्वाॽफुमाङ्ङिल्ले़ कुबर्धाःम्मिल्ले़ चोगुबारो॥
Philippians 3:16 in Limbu 16 कर आल्लो थारिक् थे नसाःन् आजोगुम्माङ् आवाॽ खे़प्मोए मे़म्मुन्ने वयिरो॥
Philippians 4:1 in Limbu 1 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, हे़क्केलॽरिक् दाङ्बान् चक्मे़ल्लॽए नसाःन् चोगे़म्मे़ॽओ॥ इङ्गाॽ लुङ्माॽ तुक्निङ् हे़क्क्याङ् निःमा निङ्वाॽ चोःक्निङ्, थेआङ्भे़ल्ले़ खिनिॽए आसःप्मान् नु आयाःम्बक्किल्ले़न् थुम्घोनिङ्लो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
Colossians 1:28 in Limbu 28 खे़ल्ले़ चोगुल्ले़ आत्ति पिगिगे़ॽसाङ् काक् मनाहाॽ ख्रिस्तरे़ कुयाःम्बेओ इङ्भोःसुम्सिम्बे़ॽरो॥ खे़ङ्हाॽ निङ्वाॽफुमाङ्ङिल्ले़ पिरिगे़बा काक् सिक्कुम्मिल्ले़ साम्दिङ् नु खाहुन् पिरुम्सिम्बे़ॽ, थेआङ्भे़ल्ले़ ख्रिस्ते़न्नु थिक्हुप् पोःङ्मान् कुलिङ्धो के़त्ल लॽरिक् निङ्वाॽफुमाङ्ङो काक् मे़न्छाम् याप्मिहाॽ तोःम्मासि आनिगे़ निङ्वाॽ कत्तुम्बे़रो॥
1 Thessalonians 3:3 in Limbu 3 हे़क्केलॽरिक् आत्तिन्हाॽरे़आङ्खे़न् पसाक्के़साक्पा निङ्घुम्मिल्ले़ चोगुल्ले़ नसाःन्निन् मे़ल्ले़रुन्लरो॥ निङ्वाॽफुमाङ्ङिन् नसाःन् आजोगुम्मिल्ले़ अक्तङ्बा निङ्घुम्हाॽग ताए के़लॽबान् खिनिॽ के़निःसुम्मेरो,
Titus 2:11 in Limbu 11 के़रे़क् मे़न्छाम् याप्मिहाॽरे़ से़न्लप् मे़घोःसुर फाॽआङ् निङ्वाॽफुमाङ्ङिल्ले़ कुलुङ्गुम्मिन् ओसेःन्धाक्तुसिआङ् वाॽरो॥
Hebrews 6:11 in Limbu 11 हे़क्क्याङ् खिनिॽ के़रे़क्ले़ निङ्साङ् के़जोगुम्बा पाःन्हाॽ से़क्खाए के़घोःसुम्ल फाॽआङ् बा खे़न् याम्जाङ्वाःन् खिनिॽ हिङ्हिङ्थारिक् कत्ते़म्मे़ॽ के़लॽबा आनिगे़ निङ्वाॽ चोगुम्बे़ॽरो॥
Hebrews 12:15 in Limbu 15 हे़क्क्याङ् खिनिॽ लुम्मो आत्तिन्नाङ् निङ्वाॽफुमाङ्ङिल्ले़ कुलुङ्गुम् मे़ङ्घोःमनाबा मे़बोःङ्ने़न्ल, सिक् पोःक्माल्ले़ खेमा थक्मा मे़भोःक्खुन्ल, हे़क्क्याङ् खे़न् निङ् कुइसिःक्पा सिक्कुःमाल्ले़ वेॽ मनाहाॽआङ् मे़जिःन्दुन्छिल्ल फाॽआङ् सिङ्सिङ् लॽरे़म्मे़ॽओ॥
Hebrews 13:9 in Limbu 9 परिक् परिक्पा कुसङ् निसाम्हाॽओ लाम्मे़बोःत्ते़म्मिन्ने़ॽओ॥ साक्थिम् कुइसिःक्पा चामा थुङ्माल्ले़ग मे़ःन्, कर निङ्वाॽफु लुङ्गुम्लाम्बाने़ खिनिॽ याम्साम्मिन् के़धुम्बा पोःङ्मा नुःबा पोःङ्लो॥ हे़क्तङ्बा चामा थुङ्मा थिम् के़इःप्पा के़नाःप्पाहाॽरे़ थेआङ् इन्धाःक् मे़ङ्घोःसुन्लो॥
1 Peter 5:12 in Limbu 12 नसाःन्साबा इःत्तुङ्बा नुसाॽ सिलासरे़ कुभाॽलाम् कन् चुक्सा सक्इङ्घङ्ङिन् हाक्निङ्ल पत्तारो॥ इङ्गाॽ हाङ्हाङ् मे़त्निङ्ल कङ्ग से़क्खाबा निङ्वाॽफुमाङ्ङिल्ले़ कुलुङ्गुम्लो लॽरिक् तोःन्दि पिनिङ्लो॥ कन् लुङ्गुम्मोए खिनिॽ थधप्मे़न्लॽमनाबा पोःक्खे़म्मे़ॽओ॥
2 Peter 3:14 in Limbu 14 खे़ल्ले़ चोगुल्ले़ आमिःम् आन्जुम्से, कन् पाःन्हाॽ निङ्साङ् के़जोगुम्माङ् के़हाङ्घुम्बाल्ले़ चोगुल्ले़ सुत्थो नु सेसेबा हिङ्मन्नो हे़क्क्याङ् निङ्वाॽफुमाङ्ङिन्नु सनारुङ्ङो वाॽमा खिनिॽ सुक्सुक् निङ्वाॽ चोगे़म्मे़ॽओ॥
2 Peter 3:17 in Limbu 17 खे़ल्ले़ चोगुल्ले़ आमिःम् आन्जुम्से, खिनिॽग कन् पाःन्हाॽ निङ्वाॽ के़घोःसुम्माङ् के़वयिबाल्ले़ चोगुल्ले़ सिङ्सिङ् ये़क्ये़क् लॽरे़म्मे़ॽओ॥ हे़क्केःल्ले़ फे़न् पाःन् के़जोःक्पाहाॽरे़ खुनिॽ इङ्ले़क्के पाःन्निल्ले़ खिनिॽ के़मे़न्भोःत्तिन्ल हे़क्क्याङ् खिनिॽ के़धुम्बा नसाःन्लाम् के़न्जोःन्दिन्लरो॥
1 John 2:28 in Limbu 28 आल्ल आमिःम् आस्साःसे, ये़सुःन् युःल्ले़ मे़ङ्गिए नु सिरिङ् मे़म्मए खुने़ॽओ तोःन्छिङ्मा आसुक्तुम्ल फाॽआङ् ख्रिस्ते़न्मे़ल्ले़त्ते वये़म्मे़ॽओ॥
2 John 1:9 in Limbu 9 ख्रिस्तरे़ कुनिसाम्बुङ्ङोलाम् माःङ्घा के़वाॽबा मनाःन्नु निङ्वाॽफुमाङ्ङिन् मे़वाॽने़न्लो॥ कर खुने़ॽ कुनिसाम्बुङ्ङिन्नु मे़ल्ले़त्ते के़वाॽबान्नु पानुदिङ् पाः निङ्वाॽफुमाङ्ङिन् हे़क्क्याङ् आबुदिङ् कुस्साःन् ने़प्माङ् वाॽसिरो॥