2 Timothy 3:2 in Limbu 2 खे़न् ये़म्मोबा मनाहाॽग आप्फेःक्लक् मिःम्जि के़मे़त्छिङ्बा, याङ्साकुन्धेरक् मिःम्जि के़मे़प्पा नु आप्फेःक्लक् यम्बासिगे़ फाॽआङ् निङ्वाॽ के़इःप्पा, आङ्दिङ् के़लॽबा हे़क्क्याङ् मना चाःत्थि के़देःबा मे़बोःङ्लो॥ खे़ङ्हाॽग पा माहाॽरे़ खुनिॽ पाःन्नो मे़म्बप्मनाबा, ओबे़ के़जोगु के़बिराङ्बे़ फाॽआङ् निङ्वाॽ मे़न्इःप्मनाबा, हे़क्क्याङ् साम्यो मे़न्इःप्मनाबा आजिःन्जिःम्बा मे़बोःङ्लो॥
Other Translations King James Version (KJV) For men shall be lovers of their own selves, covetous, boasters, proud, blasphemers, disobedient to parents, unthankful, unholy,
American Standard Version (ASV) For men shall be lovers of self, lovers of money, boastful, haughty, railers, disobedient to parents, unthankful, unholy,
Bible in Basic English (BBE) For men will be lovers of self, lovers of money, uplifted in pride, given to bitter words, going against the authority of their fathers, never giving praise, having no religion,
Darby English Bible (DBY) for men shall be lovers of self, lovers of money, boastful, arrogant, evil speakers, disobedient to parents, ungrateful, profane,
World English Bible (WEB) For men will be lovers of self, lovers of money, boastful, arrogant, blasphemers, disobedient to parents, unthankful, unholy,
Young's Literal Translation (YLT) for men shall be lovers of themselves, lovers of money, boasters, proud, evil-speakers, to parents disobedient, unthankful, unkind,
Cross Reference Matthew 15:6 in Limbu 6 खे़ल्ले़ आबाङे कुम्बा कुम्मासि कुभाॽ पिमासिआङ्मिङ्सो इङ्धाःङ् पिमासि मे़बोःङ्ने़न्लॽरिक् खिनिॽ के़बाःत्तुम्माङ्आप्फेःक् खिनिॽ चोःक्थिम्मिल्ले़ निङ्वाॽफु पाःन्जाक्किन् थेना-धेबा के़जोगुम्माङ् के़वयिॽरो॥
Mark 7:11 in Limbu 11 कर खिनिॽ फरिसिहाॽरे़ याप्मिहाॽ, ‘च्या इङ्गाॽलाम् कुभाॽ के़घोःसुम्, खे़न् निङ्वाॽफुमाङ्ङिन् कुर्बान् पिमनाबारो’ लॽरिक् खुनिॽ पा-माहाॽ हे़क्के मे़प्मासि नुःबारो फाॽआङ् के़मे़त्तुम्सिम्लो (कुर्बान् फाॽइन् निङ्वाॽफुमाङ्ङो तोःम्नाबा हुक्सोयाङ्लो)॥
Luke 12:15 in Limbu 15 हे़क्क्याङ् ये़सुरे़ याम्मो खे़ङ्हाॽ मे़त्तुसि, “काक् खिःम्यक् चोःक्मोलाम् सिङ्सिङ् लॽरे़म्मे़ॽओ॥ थेआङ्भे़ल्ले़ मनाःल्ले़ कत्तुबा मुल्लुक् याङ्साकुन्धेओ खुने़ॽ से़क्खाबा कुहिङ्मन्निन् मे़वाॽने़न्लो॥”
Luke 16:14 in Limbu 14 खे़प्मो फरिसिहाॽरे़ ये़सुरे़ कुबाःन्निन् मे़घे़प्सुआङ् किनाःन्दि मे़बिरु, थेआङ्भे़ल्ले़ खे़ङ्हाॽ खिःम्यक्पा मे़वये़॥
Acts 5:36 in Limbu 36 कुभा तङ्बे तगि थियादस मे़प्मनाबे़न् त्ये़आङ् वये़॥ खुने़ॽग रोमि हाङ्जुम्मिल्ले़ कुदक्ले़ङ्वाओ हाङ्बिफ्युङ् चोःक्मा फाॽआङ् इङ्गाॽएःक् लॽरे़आङ् वये़रो॥ हे़क्क्याङ् कुभा कुगिप् लिसि (४००) मनाहाॽरे़आङ् खुने़ॽ मे़दिम्दु, कर कुभा मनाहाॽरे़ खुने़ॽ मे़से़रुआङ् खुने़ॽ के़दिम्बा मनाहाॽ काक् मे़से़ःरे़आङ् मे़नुबे़ मे़बेरो॥
Romans 1:29 in Limbu 29 खे़ङ्हाॽ काक् परिक्पा कुइभे़म्मा, फे़न् निङ्वाॽ, खिःम्मा हे़क्क्याङ् चिःत्छिङ्मा, नाहे़म्मा, मना से़प्मा, खेमा थक्मा, इङ्ले़क्मा, मनाहाॽरे़ खुनिॽ निङ्वाॽ तुक्ल चोःक्मा पाःन्हाॽरक् मे़इःत्तुॽरो॥ हे़क्क्याङ् खे़ङ्हाॽ मना के़जे़ङ्बा,
Romans 11:18 in Limbu 18 खे़न् मे़जे़प्तुआङ् लाप्मे़भुसुबा सिङ्बोराःक्हाॽनुःल्ले़ आनिगे़ नुःबा चोगिगे़ फाॽआङ् आङ्दिङ् मे़लॽरे़म्मिम्ने़ॽओ, थेआङ्भे़ल्ले़ खिनिॽ कुसाःप्पिन् के़न्धरुम्मिन्, कर कुसाःप्पिल्ले़ने़ खिनिॽ के़धरिआङ् वाॽ के़लॽबान् निङ्वाॽ इःत्ते़म्मे़ॽओ॥
Romans 15:1 in Limbu 1 आनिॽ नसाःन्नो के़धुम्बाहाॽरे़ आबाङे निङ्वाॽ ताःमा मे़नुॽने़न्, कर नसाःन् के़सुःम्बाहाॽ कुभाॽ पिमासि पोःङ्लो॥
2 Corinthians 5:15 in Limbu 15 दाङ्बान् के़रे़क्ले़ लागि स्ये़रो, खे़ल्ले़ चोगुल्ले़ के़हिङ्बाहाॽ आल्लआङ्धो आबाङे लागि मे़ःन्, कर दाङ्बाल्ले़ कुलागि मे़हिङ्लरो॥
Philippians 2:21 in Limbu 21 थेआङ्भे़ल्ले़ के़रे़क्ले़ ये़सु ख्रिस्तरे़ कुबाःन्निङ्ग मे़ःन्, कर आबाङे पाःन्लक् मे़गोःत्तुॽरो॥
Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
2 Thessalonians 2:4 in Limbu 4 खे़ल्ले़ निङ्वाॽफुमाङ् नु मे़न्छाम्गे़न् याप्मिहाॽरे़ सेवा मे़जोगुबा के़रे़क् पाःन्हाॽ अत्तुसिआङ् काक्नुःल्ले़ यम्बा ले़ङ्सिङ्लो॥ हे़क्क्याङ् इङ्गाॽ निङ्वाॽफुमाङ्आरो लॽरिक् मे़त्छिङ्ल निङ्वाॽफु माङ्हिम्मो लाःत्ताङ् युङ्सिङ्लो॥
1 Timothy 1:20 in Limbu 20 खे़ङ्हाॽग हाइमेनियस नु अले़क्जे़न्दरसिरो॥ निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्हाॽ पाःप्मा ले़प्मा पोःङ् के़लॽबा हुॽने़त्छिर फाॽआङ् खे़ङ्हाॽ इङ्गाॽ माफे़न्साम्मिल्ले़ कुमुक्साम्मो ले़रुङ्सिङ्ङाङ् वाॽआरो॥
1 Timothy 3:3 in Limbu 3 खुने़ॽग आममबा थिः के़धुङ्बा नु कुसिक् के़जम्बा पोःङ्मा मे़नुॽने़न्, कर लुम्लुम् के़लॽबा नु सनारुङ्साबा पोःङ्मा पोःङ्लो॥ हे़क्क्याङ् याङ्साकुन्धेओ निङ्वाॽ के़बिबाआङ् पोःङ्मा मे़नुॽने़न्लो॥
1 Timothy 6:4 in Limbu 4 खे़ङ्ग आङ्दिङ् लॽमारे़ यम्बा ले़ङ्सिङ्ङाङ् वाॽ, हे़क्क्याङ् खे़ल्ले़ थेआङ् मे़ले़स्सुन्लो॥ कर कुबुङ्ना कुसम्बा पाःन्सुत्लाओ पाःन्थक्काङ् खे़माॽ चोगुरो॥ हे़क्क्याङ् खे़न् पाःन्निल्ले़ नाहे़म्मा, खे़माॽ, चाःत्थि पेःक्मा नु ताप्फे़ःम्बा चप्चिहाॽरक् तारुरो॥
1 Timothy 6:10 in Limbu 10 थेआङ्भे़ल्ले़ याङ्ङिन् मिःम्जि मे़प्माङ्ग काक् परिक्ले़न् ताप्फे़ःम्बा निङ्वाॽरे़ कुबुङ्लो॥ कुभारे़ग याङ्साकुन्धेःन् मिःम्जि मे़मे़त्तुर खुनिॽ नसाःन्लाम् ताप्मे़बेॽरे़ मे़बेआङ् मे़वाॽ हे़क्क्याङ् काक् परिक्ले़न् तुक्खेःल्ले़ ते़त्तुसिआङ् मे़वाॽरो॥
2 Timothy 3:4 in Limbu 4 खे़ङ्हाॽ वेॽ मना इङ्ले़क् के़मे़प्पा, निङ्वाॽतादा के़जोःक्पा, आङ्दिङ्ङाङ् इङ्गाॽएःक् के़लॽबा मे़बोःङ्लो॥ खे़ङ्हाॽरे़ग निङ्वाॽफुमाङ्ङिल्ले़ कुले़क्वा याम्दादा निङ्वाॽतादा चोःक्माए खुनिॽ सिराॽ थाङ्लो॥
James 2:8 in Limbu 8 से़क्खाए साम्योसाप्लाओ साप्ते़आङ् के़बप्पा खिनिॽ पाङ्भेॽसाबाहाॽ आबाङे कुइसिःक्के लुङ्माॽ तुक्ते़म्सिम्मे़ॽओ के़लॽबा निङ्वाॽफुमाङ्ङिल्ले़ सुहाङ्गे़न् थिम्मिन् के़इःत्तुम् के़नाःत्तुम्ने़ फाॽग्र नुःबाए के़जोगुम्लो॥
James 4:6 in Limbu 6 कर खे़न्नुःल्ले़आङ् साॽरिक् निङ्वाॽफुमाङ्ङिल्ले़ लुङ्माॽ आदुक्लो॥ खे़ल्ले़ चोगुल्ले़ याम्मो साम्योसाप्लाःल्ले़ पाःत्तुॽ, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्माॽ तुक्तुसिॽरो॥”
James 4:16 in Limbu 16 कर खिनिॽग आबाङे निङ्सेःक्कोने़ आङ्दिङ् के़लॽरिआङ् के़हे़न्नाॽसिरो॥ खे़न् हे़क्तङ्बा काक् हे़न्छिङ्माङ्ग ताप्फे़ःम्बा पाःन्लो॥
1 Peter 5:5 in Limbu 5 खिनिॽ थाङ्बे़न्सासे, सेसेहुप्लक्कोबा तुम्लाम्लोःबाहाॽरे़ खुनिॽ युक्को वाॽमा पोःङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुःरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
2 Peter 2:3 in Limbu 3 खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
2 Peter 2:12 in Limbu 12 कर कन् मनाहाॽरे़ग कुसिङ्मे़न्निःत्तेबा पाःन्हाॽरे़ तक्ले़ङ्वाओ माङ्चे़ॽया पाःन् मे़बाःत्तुॽरो॥ खे़ङ्हाॽ ते़म्मासिआङ् से़प्मासि फाॽआङ् सिक्कुम् निङ्वाॽ मे़ःन्ने के़धाप्पा थक्साहाॽ कुइसिःक् मे़जोःक्लो॥ कन् इङ्ले़क्के सिक्साम्बाहाॽ खे़न् थक्साहाॽ कुइसिःक्के मे़मे़क्लो॥
2 Peter 2:14 in Limbu 14 खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
2 Peter 2:18 in Limbu 18 खे़ङ्हाॽग कुसुम् मे़न्दम्मना आङ्दिङ् इसेःङ्बा पाःन् मे़बाःत्, हे़क्क्याङ् खारक् फे़न् याःम्बक् चोःक्मा के़ले़प्पाआङ् दाङ्बाओ के़दाःबाहाॽ फे़न् याःम्बक् चोःक्माल्ले़ थेआङ् मे़लॽने़न् लॽरिक् मे़हुसुसिर याम्मो लायोओ मे़धासुसिरो॥
Jude 1:10 in Limbu 10 कर कन् मनाहाॽग कुसिङ् मे़न्निःत्तुम्बा पाःन्हाॽरे़ कुदक्ले़ङ्वाओ चे़ॽया पाःन् मे़बाःत्लो॥ हे़क्क्याङ् सिक्कुम् निङ्वाॽ के़होःप्पा थक्सा कुइसिःक्लक् पाःन् कुसिङ् मे़निःत्तुॽआङ् हे़क्तङ्बा पाःन्हाॽरे़ए मे़क्खुसिॽरो॥
Jude 1:16 in Limbu 16 कङ्हाॽग कानाक्नाक् के़लॽबाहाॽ, कुनिङ्वाॽ मे़न्दाःमना लुङ्गे़हाःप्पाहाॽ हे़क्क्याङ् आबाङे निङ्वाॽ थाप्थाप् फे़न् याःम्बक् के़जोःक्पाहाॽ, आङ्दिङ् के़लॽबाहाॽ नु आबाङे इन्धाःक्ले़ लागि वेॽहाॽ के़ले़म्बासिरो॥
Revelation 13:1 in Limbu 1 हे़क्क्याङ् इङ्गाॽ वाहङ्ङोलाम् के़लःम्बा किप्मा के़घुःबा थक्साःन् निःसुङ्लो॥ खे़ल्ले़ नुसि कुधे़गेःक्हाॽओ थिबोःङ् कुदाङ्हाॽ मे़बत्छे़, हे़क्क्याङ् खे़ल्ले़ कुदाङ्हाॽओ थिबोःङ् तिचःहाॽ खुःक्खुआङ् पत्छे़॥ खे़ल्ले़ के़रे़क् कुधे़गेःक्को निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ् साप्ते़आङ् पत्छे़॥
Revelation 13:5 in Limbu 5 हे़क्क्याङ् खे़न् किप्मा के़घुःबा थक्साःन् आङ्दिङ् पाःन् नु निङ्वाॽफुमाङ्ङिल्ले़ कुदक्ले़ङ्वाओ ताप्फे़ःम्बा माङ्चे़ॽया पाःन्हाॽ पाःप्मा मे़बाङ्घुरो॥ हे़क्क्याङ् लि-ने़त् ला (४२) थारिक् कुबाःप्पाःत् चोःक्मा युक् खोःसुरो॥
Revelation 16:9 in Limbu 9 हे़क्क्याङ् मे़न्छाम् याप्मिहाॽ नाम्मिल्ले़ साॽरिक् ओॽरुसिल्ले़ खे़न् मिन्देॽहाॽ सम्दाङ् युक् के़गप्पा निङ्वाॽफुमाङ्ङिन् साङ्ग्रा मे़मे़त्तुरो॥ हे़क्केसाङ् खे़ङ्हाॽ खुनिॽ फे़न् याःम्बक्कोनु मे़न्हिन्दे़न् हे़क्क्याङ् खुने़ॽ मिमिदिङ्ङाङ् मे़म्बिरुन्लो॥
Revelation 16:11 in Limbu 11 हे़क्क्याङ् खे़ङ्हाॽरे़ खुनिॽ याङ्घेःक्हाॽ साॽरिक् तुगे़बाल्ले़ चोगुल्ले़ साङ्ग्राम्पेदाङ्बा निङ्वाॽफुमाङ्ङिन् साङ्ग्रा मे़मे़त्तुरो॥ आल्लसाङ् खे़ङ्हाॽ खुनिॽ फे़न् याःम्बक्कोनु मे़न्हिन्दे़न्लो॥
Revelation 16:21 in Limbu 21 हे़क्क्याङ् मे़न्छाम् याप्मि सम्दाङ् ताङ्साक्पोलाम् यम्ब्यम्बा फःन् थ्ये़रो॥ खे़न् फःन्निङ्ग लिबोःङ्(४०) लिबोःङ्किलो थारिक् के़लिःप्पा चोगे़रो॥ हे़क्क्याङ् खे़न् मे़न्छाम् याप्मिहाॽरे़ग कन् फःन्निल्ले़न् मिन्देॽइल्ले़ चोगुल्ले़ निङ्वाॽफुमाङ्ङिन् साङ्ग्रा मे़मे़त्तुरो, थेआङ्भे़ल्ले़ खे़न् मिन्देॽइङ्ग साॽरिक् किप्मा के़घुःबा चोगे़रो॥
Revelation 18:12 in Limbu 12 आत्तिन्हाॽरे़आङ् खुनिॽ साम्म्याङ्, युप्पा, मुधिङ्लुङ्, ते़क्सेःक्, हे़क्क्याङ् नुःब्नुःबा नाइनासुःत्, परान्ला नु हे़ःत् के़लॽबा तेःत्हाॽ, असेःक्खि तेःत्, हे़क्क्याङ् काक् परिक्ले़न् कुनाम् के़नुॽबा सिङ्हाॽ, हे़क्क्याङ् तक्मिबाल्ले़ कुगेःङ्, इमे़ल्लुङ्बा सिङ्हाॽलाम, थत्नामाहाॽलाम, फे़न्जेॽलाम नु वाले़ङ्लुङ्लाम् चोःक्मनाबा काक् परिक्ले़न् चिगःक्वाहाॽ,