2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
Other Translations King James Version (KJV) Who hath saved us, and called us with an holy calling, not according to our works, but according to his own purpose and grace, which was given us in Christ Jesus before the world began,
American Standard Version (ASV) who saved us, and called us with a holy calling, not according to our works, but according to his own purpose and grace, which was given us in Christ Jesus before times eternal,
Bible in Basic English (BBE) Who gave us salvation, marking us out for his purpose, not on account of our works, but in the measure of his purpose and his grace, which was given to us in Christ Jesus before times eternal,
Darby English Bible (DBY) who has saved us, and has called us with a holy calling, not according to our works, but according to [his] own purpose and grace, which [was] given to us in Christ Jesus before [the] ages of time,
World English Bible (WEB) who saved us and called us with a holy calling, not according to our works, but according to his own purpose and grace, which was given to us in Christ Jesus before times eternal,
Young's Literal Translation (YLT) who did save us, and did call with an holy calling, not according to our works, but according to His own purpose and grace, that was given to us in Christ Jesus, before the times of the ages,
Cross Reference Matthew 1:21 in Limbu 21 खुने़ॽ ये़म्बित्छाॽसाःधिक् कत्तुॽ, हे़क्क्याङ् खे़ल्ले़ कुमिङ्ङिन् ये़सु वाःत्ते़ॽओ, थेआङ्भे़ल्ले़ खे़ल्ले़ कुमनाहाॽ खुनिॽ लायोलाम् ताङ्से़ःप्तुसिॽरो॥”
Matthew 11:25 in Limbu 25 खे़न् ये़म्मो ये़सुरे़ तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥
Luke 10:21 in Limbu 21 खे़न् ये़म्मो ये़सुःन् सेसेमाङ्ङिल्ले़ कुधिम् पोःक्खे़आङ् सःत्ते़र पारे़, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ आम्बे, बा अक्खे चोःक्माए खे़ने़ॽ के़सिराॽ थाङे़रो॥”
John 6:37 in Limbu 37 पानुदिङ् पाःल्ले़ पिआबाहाॽ के़रे़क् इङ्गाॽओ मे़दाःॽ, हे़क्क्याङ् आत्तिन् इङ्गाॽओ ताः खे़न् आप्फाल्ले़आङ् मे़ले़रुङ्ङिन्लो॥
John 10:28 in Limbu 28 खे़ङ्हाॽ इङ्गाॽ मे़न्नुप्मनाबा हिङ्मन् पिरुङ्सिङ् हे़क्क्याङ् खे़ङ्हाॽ आप्फाल्ले़आङ् मे़म्मे़क्ने़न्॥ हे़क्क्याङ् आत्तिल्ले़आङ् खे़ङ्हाॽ आहुक्कोलाम् नाप्मा तेॽमा मे़सुक्तुन्लो,
John 17:9 in Limbu 9 खे़ङ्हाॽरे़ लागि इङ्गाॽ तुवा चोःक्का, कर इक्सादिङ् खाम्बेःक्मोबा के़रे़क् मनाहाॽरे़ लागिग मे़जोःक्कान्लो॥ खे़ने़ॽ के़बिराङ्बाहाॽरे़ खुनिॽ लागिरक् तुवा चोःक्का, थेआङ्भे़ल्ले़ खे़ङ्हाॽग के़मनासिरो॥
John 17:24 in Limbu 24 पानुदिङ् आम्बे, इङ्गाॽ के़बिराङ्बाहाॽ इङ्गाॽनुए सोरिक् मे़वाॽर के़लॽबा निङ्वाॽ चोगुङ्लो॥ हे़क्केलॽरिक् खे़ङ्हाॽरे़ इङ्गाॽ के़बिराङ्बा मिमिदिङ्ङिन् मे़निःसुॽरो॥ खे़ने़ॽ इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए इङ्गाॽ लुङ्माॽ के़दुक्ताङ्बाल्ले़ चोगुल्ले़ खे़न् मिमिदिङ्ङिन् के़बिराङ्लो॥
Acts 2:47 in Limbu 47 निङ्वाॽफुमाङ्ङिल्ले़ कुनारा मे़भोःसुआङ् के़रे़क् मनाहाॽरे़ खे़ङ्हाॽ नुःरिक् मे़मे़त्तुसिरो॥ हे़क्क्याङ् दाङ्बाल्ले़ थिक्याःन्धक् से़न्लप् के़घोःबा मनाहाॽ खुने़ॽओ फोःसुसिर तेॽरुसिरो॥
Romans 3:20 in Limbu 20 खे़ल्ले़ चोगुल्ले़ साम्योथिम्मो के़बप्पा पाःन्हाॽ इःप्मा नाःप्माल्ले़ निङ्वाॽफुमाङ्ङिल्ले़ कुनिःमाओ आत्तिन्नाङ् आप्तिक् मे़ःन्नेबा आम्बोःङ्ने़न्लो॥ साम्योथिम्मिल्ले़ग आनिॽ लायो आजोगुम्माङ् आवाॽ के़लॽबान् ओसेःन् आधाक्लो॥
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
Romans 9:11 in Limbu 11 कर खे़न् काप्साबासाःहाॽ सावाःन्छिङ्मानुःल्ले़ तगिए, खे़ङ्हाॽरे़ नुःबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्काःन् अक्खे मे़त्तुआङ् वये़रो, “तुम्बाल्ले़ फोॽबान् सेवा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिःक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मे़ःन्, कर खुने़ॽ आबाङे कुनिङ्वाॽसोःक् कुइसिःक् सेगुॽ के़लॽबा पाःन्निन् निःन्धो चोगुरो॥
Romans 9:24 in Limbu 24 हे़क्केलॽरिक्के आनिॽ यहुदिसाङ्, थिम्मे़न्दङ् सुवाङ्साङ्, खे़न् सेगुसिबाहाॽग आनिॽएरो॥
Romans 11:5 in Limbu 5 हे़क्केलॽरिक्के, कन् ये़म्मोआङ् निङ्वाॽफुमाङ्ङिल्ले़ कुलुङ्माॽ तुक्माल्ले़ सेगुसिबा कुलक्थिक् के़दाङ्बा के़याःक्पाहाॽ मे़वाॽरो॥
Romans 16:25 in Limbu 25 इङ्गाॽ इङ्भोःसुङ्बा सुनाइङ्ङिन् नु ये़सु ख्रिस्तरे़ कुयाःम्बेओबा इङ्घङ्लाम् निङ्वाॽफुमाङ्ङिल्ले़ खिनिॽ याम्साम्मो के़धुम्बा चोःक्मा के़सुक्तिॽरो॥ कन् इङ्घङ्ङिङ्ग तोलिङ्सोमुआङ्धोए चिक्खे़आङ् वये़, कर आल्लो ओसेःन्दाङ् पोःक्खे़आङ् वाॽरो॥
1 Corinthians 1:18 in Limbu 18 सिलाम्साक्मा सिङ्ङिल्ले़न् सुनाइङ्ङिङ्ग के़मे़क्पार के़बेःक्पाहाॽरे़ खुनिॽ लागि अदङ् पाःन्लो, कर आनिॽ से़न्लप् के़घोःबार के़बप्पाहाॽरे़ लागिग निङ्वाॽफुमाङ्ङिल्ले़ कुमुक्साम्लो॥
1 Corinthians 3:21 in Limbu 21 खे़ल्ले़ चोगुल्ले़ मनाहाॽरे़ खुनिॽ याःम्बेओ आत्तिन्हाॽआङ्आङ्दिङ् मे़न्लॽने़न्लरो॥ थेआङ्भे़ल्ले़ के़रे़क् पाःन्हाॽग खिनिॽइन्ने़रो॥
Ephesians 1:3 in Limbu 3 आनिॽ दाङ्बा ये़सु ख्रिस्तरे़ कुम्बा निङ्वाॽफुमाङ्ङिल्ले़ कुनारा पोःररो॥ खुने़ॽए ये़सु ख्रिस्तलाम् साङ्ग्राम्पेदाङ्बा के़रे़क् याम्साम्गे़न् मुॽइसाम्मिल्ले़ आनिॽ मुॽइसाबा आजोगे़आङ् वाॽ॥
Ephesians 1:9 in Limbu 9 काक् सिक्कुम् निङ्वाॽ नु खासिङ् निःप्माल्ले़ निङ्वाॽफुमाङ्ङिल्ले़ ख्रिस्तलाम्बा चोःक्मा निङ्वाॽ इःत्तुबा सिबिॽ पाःन्निन् कुसिराॽ थाङे़र कुसिङ्निःप्मा आबाङ्घे़आङ् वाॽ॥
Ephesians 1:11 in Limbu 11 ख्रिस्ते़न्नु थिक्हुप् आवाॽबाल्ले़ चोगुल्ले़ निङ्वाॽफुमाङ्ङिल्ले़ आनिॽआङ् खुने़ॽलाम् लक् खोःसे़ आसेगे़आङ् आवाॽ, थेआङ्भे़ल्ले़ कङ्ग तगिनुसा खुने़ॽ चोःक्मा निङ्वाॽ इःत्तुबा हे़क्के के़रे़क् पाःन्हाॽ पोःङ्लो॥
Ephesians 2:5 in Limbu 5 आनिॽ लायोःल्ले़ चोगुल्ले़ याम्साम्मो आस्ये़आङ् आवये़साङ् ख्रिस्ते़न्नु सोरिक् खुने़ॽ कुहिङ्वे़त् आजोगे़आङ् आवाॽरो–खुने़ॽ लुङ्माॽ के़दुक्तिबाल्ले़ खिनिॽ ताङ्गे़से़ःप्तिआङ् के़वयिॽ॥
Ephesians 2:8 in Limbu 8 निङ्वाॽफुमाङ्ङिल्ले़ लुङ्माॽ के़दुक्तिबाल्ले़ चोगुल्ले़ ख्रिस्ते़न्नसाःन् के़जोगुम्बालाम्बा खिनिॽ ताङ्गे़से़ःप्तिआङ् के़वयिॽ॥ कङ्ग आबाङे खिनिॽ के़जोगुम्बा याःम्बक्लाम् मे़ःन्, कर निङ्वाॽफुमाङ्ङिल्ले़ कुबर्धाःम्मिल्ले़ चोगुबारो॥
Ephesians 3:11 in Limbu 11 कङ्ग निङ्वाॽफुमाङ्ङिल्ले़ चोगुबा मे़न्नुप्मनाबा निङ्वाॽसोःक् कुइसिःक् आनिॽ दाङ्बा ख्रिस्त ये़सुलाम्बा कुलिङ्धो के़त्तुरो॥
1 Thessalonians 4:7 in Limbu 7 थेआङ्भे़ल्ले़ निङ्वाॽफुमाङ्ङिल्ले़ आनिॽग चिःन्जिःम्बा हिङ्मन्नो मे़ःन्, कर सेसे साङ्साङ्ङाङ् हिङ्मा लॽरिक् आउःत्ते़बारो॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
1 Timothy 1:1 in Limbu 1 नसाःन्नो से़क्खाए आमिःम् आस्साः तिमोथिए, आनिॽ से़न्लप्दाङ्बा निङ्वाॽफुमाङ् नु आनिॽ निङ्साङ् आजोगुम्बा ख्रिस्त ये़सुरे़ कुइङ्जाःङ्लाम् इङ्गाॽ कुसेःक्युक्मिबा पावललाम्बा आनिॽ पानुदिङ् पाः निङ्वाॽफुमाङ्ङिन् नु आनिॽ दाङ्बा ख्रिस्त ये़सुरे़ खे़ने़ॽग लुङ्गुम्, लुङ्माॽ तुक्मा नु सनारुङ् ओसेःन्गे़धाक्ल फाॽआङ् कन् सक्इङ्घङ्ङिन् हाक्ने़ॽरो॥
Titus 1:2 in Limbu 2 कन् से़क्खाःल्ले़ चोगुल्ले़ मे़न्नुप्मनाबा हिङ्मन्निल्ले़ निङ्साङ्ङिन् आघोःसुम्, हे़क्क्याङ् आप्फाल्ले़आङ् इङ्ले़क् मे़म्बाःप्मनाबा निङ्वाॽफुमाङ्ङिल्ले़ ये़म्मिल्ले़ कुहेःक्सिङ्मानुःल्ले़ तगिए कन् मे़न्नुप्मनाबा हिङ्मन्निल्ले़ माङ्हे़क्किन्चोगुआङ् वये़रो॥
Titus 3:4 in Limbu 4 कर आनिॽ से़न्लप्दाङ्बा निङ्वाॽफुमाङ्ङिल्ले़ कुनुॽमान् नु मनाहाॽ लुङ्माॽ तुक्तुसिबे़न्थाःम्सिङ्ङिल्ले़
Hebrews 3:1 in Limbu 1 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ आबाङे सेसे कुमना पोःङ्माआङ् साङ्ग्राम्पेदाङ् पेःक्मा लक् के़घोःसुम्बाल्ले़ चोगुल्ले़ आनिॽ सेःक्युक्मिबा नु मानिङ्वाॽफुसाम्बा फाॽआङ् ते़न्दिङ् आजोगुम्बा ये़सुःन् निङ्वाॽ इःत्ते़म्मे़ॽओ॥
1 Peter 1:15 in Limbu 15 कर खिनिॽ के़उःप्पा निङ्वाॽफुमाङ्ङिन् सेसे चोःक्पा कुइसिःक् खिनिॽआङ् के़जोगुम् के़बाःत्तुम्बा काक् पाःन्नो सेसे वये़म्मे़ॽओ॥
1 Peter 1:20 in Limbu 20 खुने़ॽग इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए सेगे़बारो, कर खिनिॽलागि कन् कुनुप्मा ये़म्मो खुने़ॽ ओसेःन्दाङ् पोःक्खे़आङ् वाॽरो॥
1 Peter 2:9 in Limbu 9 कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोःसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
1 Peter 2:20 in Limbu 20 खिनिॽ याःम्बक् के़भेःन्दुम्माङ् के़म्लःप्सिने़ फाॽग्र थेआङ् यम्बा याःम्बक् के़न्जोगुम्मिन्लो॥ कर नुःबा याःम्बक् के़जोगुम्माङ् इनोगे़न् तुक्खेःन् के़धरुम्ने़ फाॽग्र निङ्वाॽफुमाङ्ङिन् खिनिॽनु कुनिङ्वाॽ ताःरो॥
Revelation 13:8 in Limbu 8 से़प्मनाबा मे़ल्लुक्साःल्ले़ कुहिङ्मन्ले़ कुसाप्पन्नो इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए खुनिॽ मिङ् मे़न्छाप्पे के़वाॽबा इक्सादिङ् खाम्बेःक्मोबा के़रे़क्ले़ खे़न् थक्साःन् सेवा मे़जोगुरो॥
Revelation 17:8 in Limbu 8 खे़न् के़निःसुबा किप्मा के़घुःबा थक्साःङ्ग कुहिङ्वे़त् वये़, कर खे़न् आल्लो होःप्लो॥ खे़ङ्ग याम्मो कुद्रोःम् मे़ःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिःबा किप्मा के़घुःबा थक्साःन् याम्मो कुहिङ्वे़त् मे़निःसुआङ् खुनिॽ निङ्वाॽ मारो॥