2 Timothy 1:12 in Limbu 12 हे़क्क्याङ् बा खे़ल्ले़ चोगुल्ले़ए इङ्गाॽ तुक्खे चाआर वाॽआरो॥ कर इङ्गाॽ सिरिङ् मे़मआन्लो, थेआङ्भे़ल्ले़ हाःत् इङ्गाॽ नसाःन् चोगुङ्ङाङ् वाॽआ फाॽआङ् नुःरिक्काङ् निःसुङ्ङाङ् वाॽआरो, हे़क्क्याङ् इङ्गाॽ कुहुक्को पिरुङ्बा पाःन्हाॽ निङ्वाॽफुमाङ्ङिल्ले़ कुनुःङ्मा युःमा ये़न् थारिक् से़ःप्तुआङ् कत्तुॽ फाॽआङ् इङ्गाॽ निस्से वाॽआरो॥
Other Translations King James Version (KJV) For the which cause I also suffer these things: nevertheless I am not ashamed: for I know whom I have believed, and am persuaded that he is able to keep that which I have committed unto him against that day.
American Standard Version (ASV) For which cause I suffer also these things: yet I am not ashamed; for I know him whom I have believed, and I am persuaded that he is able to guard that which I have committed unto him against that day.
Bible in Basic English (BBE) And for which I undergo these things: but I have no feeling of shame. For I have knowledge of him in whom I have faith, and I am certain that he is able to keep that which I have given into his care till that day.
Darby English Bible (DBY) For which cause also I suffer these things; but I am not ashamed; for I know whom I have believed, and am persuaded that he is able to keep for that day the deposit I have entrusted to him.
World English Bible (WEB) For this cause I suffer also these things. Yet I am not ashamed, for I know him whom I have believed, and I am persuaded that he is able to guard that which I have committed to him against that day.
Young's Literal Translation (YLT) for which cause also these things I suffer, but I am not ashamed, for I have known in whom I have believed, and have been persuaded that he is able that which I have committed to him to guard -- to that day.
Cross Reference Matthew 7:22 in Limbu 22 खासे़न् ये़न्नो यरिक् मनाहाॽ मे़दाआङ् अक्खे मे़मे़त्तारो, ‘आदाङ्बे, आदाङ्बे, खे़ने़ॽ के़मिङ्ङो माङ्निङ्वाॽपाःन् पारिगे़रो, हे़क्क्याङ् खे़ने़ॽ के़मिङ्ङो फे़न्साम्हाॽ नाःत्तुम् लःत्तुम्सिम्बे़आङ् निङ्वाॽ के़माबा याःम्बक्हाॽ चोगुम्बे़रो॥’
Matthew 12:21 in Limbu 21 खुने़ॽ कुमिङ्ङो के़रे़क् थिम्मे़न्दङ्सुवाङ्हाॽरे़ निङ्साङ् मे़जोगुॽरो॥”
Matthew 24:36 in Limbu 36 “आल्ल खे़न् ये़म् नु ये़न्हाॽ आप्फाल्ले़ पोःङ् फाॽआङ् आत्तिल्ले़आङ् मे़निःसुन्॥ साङ्ग्राम्पेदाङ्बा माङ्लाइङ्बा नु निङ्वाॽफुसाःल्ले़आङ् मे़निःसुन्लो, कर पानुदिङ् पाः निङ्वाॽफुमाङ्ङिल्ले़रक् निःसुॽरो॥
Luke 10:12 in Limbu 12 खासे़न् ये़न्नो खे़न् पाङ्जुम्मिल्ले़ कुदुक्खेःङ्ग सादोमरे़ कुदुक्खेःन्नुःल्ले़आङ् के़साक्पा पोःङ् फाॽआङ् मे़त्निङ्लो॥’”
Luke 23:46 in Limbu 46 ये़सुःन् यम्बा इक्लाओ अःक्ते़र अक्खे पाःत्तु, “पानुदिङ् आम्बे, इङ्गाॽ आयाम्साम्मिन् हुक्सुप्ने़ॽरो॥” हे़क्क्याङ् खुने़ॽ कुसक्मा पेरो॥
John 6:39 in Limbu 39 हे़क्क्याङ् याप्मि के़बाङ्बा निङ्वाॽफुमाङ्ङिल्ले़ इङ्गाॽ पिराङ्बा लत्थिक्काङ् मे़म्माए कत्तुङ्सिङ्ल हे़क्क्याङ् कुनुप्मा ये़न्नो कुहिङ्वे़त् चोगुङ्सिङ्ल के़लॽबा खुने़ॽ कुनिङ्वाॽ वाॽरो॥
John 6:44 in Limbu 44 थेआङ्भे़ल्ले़ इङ्गाॽ याप्मि के़बाङ्बा पानुदिङ् पाःल्ले़ मनाहाॽ इङ्गाॽओ ताःमा निङ्वाॽ मे़बिरुन्सिन्ल थारिक् आत्तिन्नाङ् इङ्गाॽओ ताःमा मे़न्छुक्ने़न्लो॥ खे़ङ्हाॽ मे़दाने़ फाॽग्र इङ्गाॽ कुनुप्मा ये़न्नो कुहिङ्वे़त् चोगुङ्सिङ्लो॥
John 10:28 in Limbu 28 खे़ङ्हाॽ इङ्गाॽ मे़न्नुप्मनाबा हिङ्मन् पिरुङ्सिङ् हे़क्क्याङ् खे़ङ्हाॽ आप्फाल्ले़आङ् मे़म्मे़क्ने़न्॥ हे़क्क्याङ् आत्तिल्ले़आङ् खे़ङ्हाॽ आहुक्कोलाम् नाप्मा तेॽमा मे़सुक्तुन्लो,
John 17:11 in Limbu 11 आल्ल कन् इक्सादिङ् खाम्बेःक्मोलाम् खे़ने़ॽओ थो थाङ्ङार पत्तारो॥ इङ्गाॽ इक्सादिङ् खाम्बेःक्मो मे़वाॽआन्, कर खे़ङ्हाॽग कप्मोए मे़वाॽरो॥ हे़क्केःल्ले़ सेसे पानुदिङ् आम्बे, खे़ङ्हाॽग के़बिराङ्बा मुक्साम्गे़न् के़मिङ्ङो कम्ब्राङ् मे़त्ते़से़ॽओ॥ हे़क्केलॽरिक् आन्छिॽ थिक् आवाॽसिबा कुइसिःक्के खे़ङ्हाॽआङ् थिक्हुप् मे़बोःङ्लरो॥
John 17:15 in Limbu 15 खे़ङ्हाॽ इक्सादिङ् खाम्बेःक्मोलाम् तेॽरे़से़ॽ फाॽआङ् पेलिगे़न् तुवा मे़जोःक्कान्, कर कुॽइगे़भे़ॽबा माफे़न्साम्मोलाम् खे़ङ्हाॽ ताङ्से़ःप्ते़से़ॽओ॥
Acts 7:59 in Limbu 59 लुङ्ङिल्ले़ मे़बःत्तुर मे़बत्छे़ल्ले़ स्तिफनसरे़ अक्खेलॽरिक् तुवा चोगु, “दाङ्बा ये़सुए, इङ्गाॽ आयाम्साम्मिन् ताःक्ते़ॽओ॥”
Acts 9:16 in Limbu 16 इङ्गाॽ आलागि खे़ल्ले़ आक्खे़न्तुक्खे चामा पोःङ् फाॽआङ् इङ्गाॽ ओसेःन्धाक्तुङ्लो॥”
Acts 13:46 in Limbu 46 कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोःङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोःमा सुम्बोधासाबा मे़म्बोःङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़ चोगुल्ले़ आल्ल आनिगे़ खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
Acts 13:50 in Limbu 50 कर यहुदिहाॽरे़ ये़क्यामा साम्योमा मे़न्छुमाहाॽ नु खे़न् ये़क्यक्कोबा मिङ्सोदाङ्बा मनाहाॽ मे़हुसुसि मे़बक्सुसिरो॥ खे़ङ्हाॽरे़ पावल नु बरनाबासे़न् तुक्खे चाःप्मा मे़हेःक्तुसिआङ् खे़न् थुम्मोलाम् लाःक्कात् मे़नाःत्तु मे़देःसुसिरो॥
Acts 14:5 in Limbu 5 खे़प्मो यहुदिहाॽ नु थिम्मे़न्दङ् सुवाङ्हाॽ हे़क्क्याङ् खुनिॽ लाम्लोःबाहाॽ मे़दङ्सिङ्ङाङ् सेःक्युक्मिबाहाॽरे़ खुनिॽ तक्ले़ङ्वाओ पोःक्माआङ् लुङ्ङिल्ले़ ले़प्मा से़प्मासि फाॽआङ् इङ्मे़दङ्घुरो,
Acts 21:13 in Limbu 13 कर पावलरे़ आनिगे़ अक्खे मे़त्तिगे़, “खिनिॽ थेआङ् के़हाबिआङ्आसाॽइ यक्ल के़याःन्दुम्बाबे? इङ्गाॽग यरुसले़म्मो दाङ्बा ये़सुरे़ कुलागि साक्सिङ्मारक् मे़ःन्, कर सिःमा पोःङ्साङ् यारिप् वाॽआरो॥”
Acts 21:27 in Limbu 27 सेसे चोःक्सिङ्मा नुसिगेःक्समा ये़न् के़प्मा इःत्ते़आङ् वये़ल्ले़ कुभा एसियास्मा यहुदिहाॽरे़ पावले़न् माङ्हिम् सिगाङ् मे़निःसुआङ् मनाहाॽ मे़हुसुसिर खुने़ॽ मे़दे़म्सुरो॥
Acts 22:21 in Limbu 21 कर दाङ्बाल्ले़ इङ्गाॽ मे़त्ताङ्, पेगे़ॽ, ‘थेआङ्भे़ल्ले़ खे़ने़ॽ माःङ्घा माःङ्घा थारिक् थिम्मे़न्दङ् सुवाङ्हाॽरो आयाःम्बेओ इङ्भन् चोःक्से़ पाङ्ने़ॽरो॥’”
Romans 1:16 in Limbu 16 कन् ख्रिस्तरे़ कुसुनाइङ्ङिन् इङ्भोःमा मे़नुःन्नान्लो, थेआङ्भे़ल्ले़ कन् सुनाइङ्ङिन् नसाःन् के़जोःक्पा काक् मनाहाॽ, तगि यहुदिहाॽ हे़क्क्याङ् याङ्सि थिम्मे़न्दङ् सुवाङ्हाॽ ताङ्से़ःप्मासि निङ्वाॽफुमाङ्ङिल्ले़ कुमुक्साम्लो॥
Romans 5:4 in Limbu 4 हे़क्क्याङ् नासि आधःत्तुम्मिल्ले़ नुःबा ये़प्ले़क् आघोःसुम्, हे़क्क्याङ् नुःबा ये़प्ले़क् आगत्तुम्मिल्ले़ से़न्लप् आघोःसुम्मे फाॽआङ् आल्लसाङ् यरिक् निङ्साङ् आजोगुम्लो॥
Romans 9:33 in Limbu 33 कङ्ग साम्योसाप्लाओ अक्खेलॽरिक् साप्ते़बा कुइसिःक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घःबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जे़क् ने़स्सुङ्लो, कर खुने़ॽ सम्दाङ् नसाःन् के़जोःक्पाङ्ग आप्फाल्ले़आङ् सिरिङ् मःमो मे़धाने़न्लो॥”
Romans 15:12 in Limbu 12 हे़क्क्याङ् याम्मो माङ्निङ्वाॽपाःन् के़बाःप्पा यसैयाःल्ले़ अक्खेआङ् साप्तुआङ् पत्, “यिसैरे़ कुधाःक्लाम् मनाधिक् ताः, हे़क्क्याङ् खुने़ॽए थिम्मे़न्दङ् सुवाङ् सम्दाङ् हाङ्युक् चोगुॽरो॥ खे़ङ्हाॽरे़ खुने़ॽ सम्दाङ् निङ्साङ् मे़युक्खुॽरो॥”
1 Corinthians 3:13 in Limbu 13 खुने़ॽ कुयाःम्बक्किन् आक्तङ्बा चोःक् फाॽआङ् खे़न् खासे़न् ये़न्नो ओसेःन्दाङ् पोःङ्लो, हे़क्क्याङ् के़रे़क्ले़ खुनिॽ याःम्बक्किन् से़क्खाबा चोःक्पि मे़ःम्बि फाॽआङ् मिःल्ले़ए साॽरुरो॥
Ephesians 1:12 in Limbu 12 हे़क्केलॽरिक् आनिगे़ यहुदिहाॽ के़रे़क्नुःल्ले़ तगि ख्रिस्तओ निङ्साङ् के़जोःक्पाहाॽए मिमिदिङ्गे़न् निङ्वाॽफुमाङ्ङिल्ले़ कुनारा के़भोःबा पोःक्खिगे़ररो॥
Ephesians 3:1 in Limbu 1 हे़क्केःल्ले़ इङ्गाॽ पावलरे़ खिनिॽ थिम्मे़न्दङ् सुवाङ्हाॽओ ख्रिस्त ये़सुरे़ कुयाःम्बेओ सुनाइङ् से़ःसुङ्बाल्ले़ चोगुल्ले़ पुङ्लाहिम्मो साक्पा थ्याङ्बारो॥
Philippians 1:20 in Limbu 20 इङ्गाॽग आयाःम्बक्किल्ले़ चोगुल्ले़ निङ्वाॽफुमाङ्ङिल्ले़ कुदगि सिरिङ्मःमो आप्फाल्ले़आङ् मे़धाआन्नि कर इङ्गाॽ हाङ्हाङ् के़लॽबा पोःङ्ङाङ् सिःआसाङ् हिङ्ङासाङ् इङ्गाॽ आहिङ्मन्लाम्बा आल्लो हे़क्के सदादिङ् ख्रिस्तरे़ कुमिङ्सो इङ्धाःङ् पोःङ्ल फाॽआङ्पयम् निङ्वाॽ नु निङ्साङ् चोगुङ्लो॥
Philippians 3:8 in Limbu 8 खे़न्लक् मे़ःन्, कर आदाङ्बा ख्रिस्त ये़सुःन् कुसिङ् निःप्मा खोःमाङ्ग काक्नुःल्ले़ नुःबा पाःन् पोःक्खे़बाल्ले़ काक् पाःन्हाॽग हने़बाए इःत्तुङ्ङाङ् खुने़ॽ कुलागि लाङ् हाक्तुङ्देःसुङ्लो॥ ख्रिस्ते़न्खोःमा फाॽआङ् इङ्गाॽ खे़ङ्हाॽ ताम्जिरक् इःत्तुङ्लो॥
Philippians 3:10 in Limbu 10 इङ्गाॽग ख्रिस्ते़न्नु सिःमे़न्लाम् याम्मो कुहिङ्वे़त् के़जोःक्पा मुक्साम्मिन् कुसिङ्निःप्मा निङ्वाॽ चोगुङ्लो, हे़क्क्याङ् खुने़ॽ इनोगे़न् तुक्खे च्ये़बा हे़क्के इङ्गाॽआङ् तुक्खे चामाआङ् कुसिःमे़न्नो सोरिक् पोःङ्मा निङ्वाॽ चोगुङ्,
Philippians 3:21 in Limbu 21 खुने़ॽए काक् पाःन्हाॽ कुयुक्को कप्मा मुक्साम् कत्तुॽ, हे़क्क्याङ् बा खे़न् मुक्साम्मिल्ले़ आनिॽ चप्ले़क्वा नासिङ्गे़न् थक्किन् मिमिदिङ्गे़न् कुधक्किन् कुइसिःक् ले़क्खुॽरो॥
1 Thessalonians 2:16 in Limbu 16 निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोःसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे़ याप्मि साक्मा तम्सिन् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिःमाओ खे़ङ्हाॽरे़ खुनिॽ लायोःन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
1 Thessalonians 5:4 in Limbu 4 कर फुॽनुसाॽ नु ने़ॽनुसाॽसे, खिनिॽग लायोओ के़वाॽबाहाॽ कुइसिःक् माक्चिगे़न् खादाम्मो के़होःप्तिरो॥ खे़ल्ले़ चोगुल्ले़ खे़न् दाङ्बाल्ले़ कुयुःमा ये़न्निन् के़घुःम्बे़न् हक्चघत् ताबा कुइसिःक् ताःल्ले़ खिनिॽ निङ्वाॽ माःमाओ के़न्ध्ये़ॽइन्लो॥
1 Timothy 6:20 in Limbu 20 तिमोथिए, निङ्वाॽफुमाङ्ङिल्ले़ के़बिरे़बा पाःन्हाॽ नुःरिक्काङ् कत्ते़ॽओ॥ कुबुङ्ना कुसम्बा अदङ् ताॽजे़ङ् नु तक्ले़ङ्वा पाःन्हाॽग इङ्ले़क्पा साम्जिःक्लो, खे़न्लाम् लाःत्लाःत् वये़ॽओ॥
2 Timothy 1:8 in Limbu 8 खे़ल्ले़ चोगुल्ले़ दाङ्बाल्ले़न् साःक्खि पिमा नु कुलागि इङ्गाॽ साक्पा के़धाःबान्नु खे़ने़ॽ सिरिङ् मे़मये़न्ने़ॽओ॥ कर निङ्वाॽफुमाङ्ङिल्ले़ कुमुक्साम्मो आनिगे़नु सोरिक्खे़ने़ॽआङ् सुनाइङ्ले़ लागि तुक्खे चे़ॽओ॥
2 Timothy 1:18 in Limbu 18 ये़सु ख्रिस्तरे़ कुनुःङ्मा युःमा ये़न्नो हाराॽ दाङ्बाल्ले़ खुने़ॽ लुङ्गुम् ओसेःन्धाक्तुनिरो॥ इङ्गाॽ एफिससओ वयाङ्ङिल्ले़ आक्खे़न् साॽरिक् कुभाॽ पिराङ् के़लॽबा पाःन्निङ्ग खे़ने़ॽ के़निःसुएरो॥
2 Timothy 2:9 in Limbu 9 बा खे़न् सुनाइङ्ङिन् इङ्गाॽ इङ्भोःसुङ्बाल्ले़ चोगुल्ले़ तुक्खे चाआर वाॽआ, हे़क्क्याङ् कुभाङ्के़भेःम्बा कुइसिःक्काङ् इघेःङ्ङो थाःआरो॥ कर निङ्वाॽफु पाःन्जाक्किङ्ग आप्फाल्ले़आङ् इघेःङ्ङो मे़धाने़न्लो॥
2 Timothy 3:10 in Limbu 10 कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोःक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुःरिक्काङ् कुसिङ्के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥
2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
2 Timothy 4:16 in Limbu 16 थिक्सिगेःक्पो इङ्गाॽ खासे़न्लोबाल्लो मे़दाराङ्ङिल्ले़ आत्तिन्हाॽरे़आङ् याप्मि कुभाॽ मे़म्बिराङ्ङिन्, कर के़रे़क्ले़ इङ्गाॽ मे़ले़राङ्ङाङ्मे़बेरो॥ कन् पाःन्नो निङ्वाॽफुमाङ्ङिल्ले़ खुनिॽ तक्ले़ङ्वाओ खासे़न् मे़जोगुन्निरो॥
Hebrews 2:18 in Limbu 18 खुने़ॽ हङ्साॽमो थ्ये़आङ् आबाङे तुक्खे च्ये़बाल्ले़ चोगुल्ले़ हङ्साॽमो के़धाःबाहाॽग खुने़ॽ कुभाॽ पिमा सुक्तुसिॽरो॥
Hebrews 7:25 in Limbu 25 खे़ल्ले़ चोगुल्ले़ खुने़ॽलाम्बा निङ्वाॽफुमाङ्ङो के़दाःबाहाॽ खुने़ॽ सदादिङ् ताङ्से़ःप्मा सुक्तुसिॽ, थेआङ्भे़ल्ले़ खुने़ॽ खे़ङ्हाॽरे़ लागि पेलिगे़न् तुवा चोःक्से़ सदादिङ् हिङ्लो॥
Hebrews 12:2 in Limbu 2 आनिॽ नसाःन्निन् के़हेःक्पा नु कुलिङ्धो के़गे़प्पा ये़सुःन् ओमे़त्तुम्लो॥ ताःन्दि के़दाःबा ओमु लॽमाल्ले़ लागि सिलाम्साक्मा सिङ्सम्दाङ्बा इनोगे़न् तुक्खेःन् नु नाधामान् खुने़ॽ थेआङ् मे़न्इःत्ते थरुआङ् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ्ले़प्माङ् युङ्सिङ्लो॥
1 Peter 1:5 in Limbu 5 कुनुप्मा ये़म्मो ओसेःन्दाङ् पोःङ्मा के़इःप्पा से़न्लप्पिन् मे़न्दाए थारिक् खिनिॽ नसाःन् के़जोगुम्बाल्ले़ चोगुल्ले़ निङ्वाॽफुमाङ्ङिल्ले़ कुमुक्साम्मिल्ले़ ताङ्गे़से़ःप्तिआङ् वाॽ॥
1 Peter 1:20 in Limbu 20 खुने़ॽग इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए सेगे़बारो, कर खिनिॽलागि कन् कुनुप्मा ये़म्मो खुने़ॽ ओसेःन्दाङ् पोःक्खे़आङ् वाॽरो॥
1 Peter 4:16 in Limbu 16 कर ख्रिस्तानि के़बोःक्खिबाल्ले़ तुक्खे के़ज्ये़ॽइने़ फाॽग्र सिरिङ् मे़मये़म्मिन्ने़ॽओ, कर निङ्वाॽफुमाङ्ङिल्ले़ कुनारा फोःसे़म्मे़ॽ, थेआङ्भे़ल्ले़ खुने़ॽ कुमिङ्ङिन् खिनिॽ के़दक्तुम्माङ् के़वयिॽरो॥
1 Peter 4:19 in Limbu 19 खे़ल्ले़ चोगुल्ले़ आत्तिन्हाॽ निङ्वाॽफुमाङ्ङिल्ले़ कुनिङ्वाॽ कुइसिःक् इनोगे़न् तुक्खेओ मे़धाःॽ, खे़ङ्हाॽरे़ खुनिॽ नसाःन्साबा चइःत्दाङ्बाओ ताःक्पो मे़युक्खुर हे़क्क्याङ् चक्मे़ल्लॽए नुःबा याःम्बक् मे़जोगुररो॥
Jude 1:24 in Limbu 24 आल्ल निङ्वाॽफुमाङ्ङिल्ले़ए लायोओ थाःमालाम् खिनिॽ से़ःप्मा के़सुक्तिॽ, हे़क्क्याङ् खुने़ॽए कुमिमिदिङ्ङिल्ले़ कुदगि लायो मे़ःन्ने पयम् सःप्मान्नु ताःप्मा के़सुक्तिॽरो॥