2 Thessalonians 2:16 in Limbu 16 आल्ल आनिॽ दाङ्बा ये़सु ख्रिस्त नु पानुदिङ् पाः निङ्वाॽफुमाङ्ङिल्ले़ आबाङे आनिॽ लुङ्माॽ आदुक्ते़आङ् कुलुङ्गुम्बा मे़न्नुप्मनाबा हाङ्हाङ् नु पनुनुःबा निङ्साङ्ङिन्आबिरे़रो॥
Other Translations King James Version (KJV) Now our Lord Jesus Christ himself, and God, even our Father, which hath loved us, and hath given us everlasting consolation and good hope through grace,
American Standard Version (ASV) Now our Lord Jesus Christ himself, and God our Father who loved us and gave us eternal comfort and good hope through grace,
Bible in Basic English (BBE) Now our Lord Jesus Christ himself, and God our Father who had love for us and has given us eternal comfort and good hope through grace,
Darby English Bible (DBY) But our Lord Jesus Christ himself, and our God and Father, who has loved us, and given [us] eternal consolation and good hope by grace,
World English Bible (WEB) Now our Lord Jesus Christ himself, and God our Father, who loved us and gave us eternal comfort and good hope through grace,
Young's Literal Translation (YLT) and may our Lord Jesus Christ himself, and our God and Father, who did love us, and did give comfort age-during, and good hope in grace,
Cross Reference Luke 16:25 in Limbu 25 कर अब्राहाम्मिल्ले़ खुने़ॽ मे़त्तु, ‘आस्साःए, निङ्वाॽ इःत्ते़ साॽरे़, खे़ने़ॽ इक्सादिङ् खाम्बेःक्मो के़वये़ल्ले़ सुक्खेवाओ के़वये़, हे़क्क्याङ् कन् लाजरसे़न् तुक्खेवाओए वये़, कर आल्लो खुने़ॽ सुक्खेवाओ वाॽ, खे़ने़ॽ तुक्खे के़जर के़याक्लो॥
John 3:16 in Limbu 16 निङ्वाॽफुमाङ्ङिल्ले़ इक्सादिङ् खाम्बेःक्मोबा मे़न्छाम् याप्मिहाॽ साॽरिक् लुङ्माॽ तुक्तुसिबाल्ले़ चोगुल्ले़ खुने़ॽ थिक्लक् कुस्साःन् पाङ्घु युःसुरो, हे़क्केलॽरिक् खुने़ॽ नसाःन् के़जोःक्पाहाॽग मे़म्मे़क्ने़न्, कर खे़ङ्हाॽरे़ मे़न्नुप्मनाबा हिङ्मन् मे़घोःसुॽरो॥
John 4:14 in Limbu 14 कर इङ्गाॽ पिरुङ्बा च्वाःत् के़धुङ्बान् आप्फाल्ले़आङ् कुवामे़मिःक्ने़न्॥ इङ्गाॽ पिरुङ्बा च्वाःत्तिन् मे़न्नुप्मनाबा हिङ्मन् के़बिबा सदादिङ् के़बुम्बा वाबुन् हे़क्के खुने़ॽओ पोःङ्लो॥”
John 13:1 in Limbu 1 आल्ल यहुदि चोःक्युम्भो तङ्नाम्रे़न्थिक्ये़न् तगि ये़सुरे़ कन् इक्सादिङ् खाम्बेःक्मान् ले़प्माआङ् पानुदिङ् पाःल्लो पेःक्मा ये़म् त्ये़ के़लॽबा पाःन्निन् निःसुरो॥ खुने़ॽ इक्सादिङ् खाम्बेःक्मो कुहुॽसाम्बाहाॽ लुङ्माॽ तुक्तुसिआङ् वये़ हे़क्क्याङ् खे़ङ्हाॽ कुनुप्मो थारिक्के साॽरिक् लुङ्माॽ तुक्तुसिॽरो॥
John 14:16 in Limbu 16 इङ्गाॽ पानुदिङ् पाःन्नु पेलिगे़न् तुवा चोगुङ्लो, हे़क्क्याङ् खुने़ॽग खिनिॽनु सदादिङ् वाॽर फाॽआङ् वेॽ कुभाॽ के़बिबाधिक् के़बिरिॽरो॥
John 15:9 in Limbu 9 पानुदिङ् पाःल्ले़ लुङ्माॽ तुक्ताङ्बा कुइसिःक् खिनिॽआङ् लुङ्माॽ तुक्निङ्ङाङ् वाॽआरो॥ खिनिॽ चक्मे़ल्लॽए आमिःम्जिओ वये़म्मे़ॽओ॥
John 15:13 in Limbu 13 चुम्मिल्ले़ कुलागि हिङ्मन् पिमान्ने यम्बा मिःम्जिरो, कन्नुःल्ले़ यम्बा मिःम्जि वेॽ होःप्लो॥
John 16:22 in Limbu 22 खिनिॽ लागिआङ् बा हे़क्के पोःङ्–आल्लोग मेरिङ् के़धक्तिॽ, कर इङ्गाॽ याम्मो खिनिॽ तुम्से़ ताआल्ले़ खिनिॽ के़सःत्तिॽरो हे़क्क्याङ् आत्तिल्ले़आङ् खिनिॽ सःप्मान् नाप्माआङ् तेॽमा के़न्छुक्तिन्लो॥
Acts 15:11 in Limbu 11 से़क्खाःल्ले़ग, खे़ङ्हाॽ हे़क्केए आनिॽआङ् दाङ्बाल्ले़ कुलुङ्गुम्मिल्ले़रक् ताङ्आसेःप्ते़ के़लॽबान् नसाःन् आजोगुम्लो॥”
Acts 18:27 in Limbu 27 अप्पोलोस अक्खैया थुम्मो पेःक्मा निङ्वाॽ चोगुल्ले़ एफिसस्बा नसानिबाहाॽरे़ खुने़ॽ खे़प्मो पेःक्मा आःन्छिङ्मा मे़बिरुर खे़प्मोबा नसानिबाहाॽ खिनिॽओ अप्पोलोसे़न् तार पत्, नुःरिक्काङ् लाङ्दाःक्मा पिरे़म्मे़ॽओ लॽरिक् सक्इङ्घङ् मे़हाक्तुसि॥ हे़क्क्याङ् खुने़ॽ खे़प्मो के़रे़आङ् निङ्वाॽफुमाङ्ङिल्ले़ कुलुङ्गुम्लाम् नसाःन् के़जोःक्पा नसानिबाहाॽ यरिक् कुभाॽ पिरुसिरो॥
Romans 1:7 in Limbu 7 निङ्वाॽफुमाङ्ङिल्ले़ साॽरिक् मिःम्जि के़मे़त्तिॽआङ् आबाङे कुसेसे मना पोःङ्से़ के़उःत्तिबा रोम ये़क्यक्कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ हाराॽ लुङ्गुम् नु सनारुङ् के़बिरिररो॥
Romans 4:4 in Limbu 4 आल्ल याःम्बक् के़जोःक्पा मनाःल्ले़ कुनाम्याक्किन् लुङ्माॽ तुक्मालाम् खोःसुबा मे़ःन्, कर खे़ङ्ग खुने़ॽ खोःमा के़बोःङ्बा कुलक्लो॥
Romans 4:16 in Limbu 16 खे़ल्ले़ चोगुल्ले़ कन् माङ्हे़क्किङ्ग नसाःन्लाम् ताःरो॥ निङ्वाॽफुमाङ्ङिल्ले़ कुलुङ्गुम्लाम्बा आम्भा आबिॽरो॥ हे़क्क्याङ् साम्योथिम् आइःत्तुम् आनाःत्तुम्माङ् मे़ःन्, कर अब्राहाम्मिल्ले़ चोगुबा कुइसिःक् नसाःन् आजोगुम्ने़ फाॽग्र कन् माङ्हे़क्किन्आघोःसुम् के़लॽबा निःन्धो पोःङ्लो॥ थेआङ्भे़ल्ले़ अब्राहाम्मिङ्ग आनिॽ नसाःन् के़जोःक्पा के़रे़क्ले़न् पाःरो॥
Romans 5:2 in Limbu 2 आनिॽ नसाःन् आजोगुम्बाल्ले़ ये़सु ख्रिस्तरे़ कन् लुङ्गुम्मो आदाःरे़आङ् वाॽ॥ आल्लो हाबा खे़न् लुङ्गुम्मोए आवाॽ, हे़क्क्याङ् निङ्वाॽफुमाङ्ङिल्ले़ कुमिमिदिङ्ङिन् खोःमा लक् आघोःसुम्मेरो फाॽआङ् आसःत्लो॥
Romans 5:8 in Limbu 8 कर आनिॽ लायोओ आवये़ल्ले़सा निङ्वाॽफुमाङ्ङिल्ले़ ख्रिस्ते़न्आनिॽ लागि सिःमा पाङ्घुआङ् लुङ्माॽ आदुक्ते़बा पाःन्निन् खुने़ॽ ओसेःन्आधाक्ते़रो॥
Romans 8:24 in Limbu 24 थेआङ्भे़ल्ले़ आनिॽ से़न्लप् आघोःसुम्माङ्धोए कन् से़क्खाबा निङ्साङ्ङिन् आगत्तुम्माङ् वाॽ॥ निःमनाबा पाःन्निन् निङ्साङ् आन्जोगुम्मिन्लो॥ आल्ल तगिसा कत्तुबा पाःन्निन् हाःत्ले़ निङ्साङ् चोगुॽबे?
Romans 11:5 in Limbu 5 हे़क्केलॽरिक्के, कन् ये़म्मोआङ् निङ्वाॽफुमाङ्ङिल्ले़ कुलुङ्माॽ तुक्माल्ले़ सेगुसिबा कुलक्थिक् के़दाङ्बा के़याःक्पाहाॽ मे़वाॽरो॥
2 Corinthians 4:17 in Limbu 17 थेआङ्भे़ल्ले़ आनिॽ आदुमुम्बा चुक्सा नु सप्फाधिक्पा इनोगे़न् तुक्खेहाॽरे़ग मे़न्नुप्मनाबा मिमिदिङ् के़घोःबा आजोःक्लो॥ हे़क्क्याङ् मिमिदिङ्ङिन्नु तङ्माल्ले़ खे़ङ्ग थेआङ् मे़ःन्लो॥
Ephesians 2:4 in Limbu 4 कर साॽरिक् लुङ्गुम्दाङ्बा निङ्वाॽफुमाङ्ङिल्ले़ साॽरिक् लुङ्माॽ आदुक्ते़रो॥
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
Ephesians 5:25 in Limbu 25 इत्थुङ्गे़न् ये़म्बाॽसे, ख्रिस्तरे़ सेसेहुप्लक्किन् लुङ्माॽ तुक्तुबा कुइसिःक्के खिनिॽ मेःत्हाॽ लुङ्माॽ तुक्ते़म्सिम्मे़ॽओ॥ खुने़ॽग सेसेहुप्लक्ले़ लागि कुहिङ्मन्निन् पिरुरो॥
Colossians 1:5 in Limbu 5 थेआङ्भे़ल्ले़ खिनिॽ थे निङ्साङ् के़जोगुम्माङ् के़वयिॽ खे़न् साङ्ग्राम्पेदाङ्ङो नुःरिक्काङ् याङ्घोःत्ते़आङ्वाॽरो॥ तगि खिनिॽ से़क्खाबा पाःन्जाक्किन् के़घे़प्सुम्माङ् के़वयिल्ले़सा कन् निङ्साङ्ङिल्ले़ कुयाःम्बेओ के़घे़प्सुम्माङ् के़वयि॥ खे़ङ्ग सुनाइङ्ङिन्नेरो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
1 Thessalonians 1:3 in Limbu 3 आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ्स्याङ्मे़न्दाङ्के़जोगुम्बान्हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युःमा निङ्साङ्लाम् के़दाःबा निङ्वाॽ हाङ्गे़म्सिङ्मान् आनिगे़ चक्मे़ल्लॽए निङ्वाॽ इःत्तुम्बे़रो॥
1 Thessalonians 3:11 in Limbu 11 आल्ल आनिॽ पानुदिङ् पाः निङ्वाॽफुमाङ्ङिल्ले़ आबाङे नु आनिॽ दाङ्बा ये़सुरे़ खिनिॽओ ताःमा लाम् हन्दु पिरिगे़ररो॥
2 Thessalonians 1:1 in Limbu 1 आनिॽ पानुदिङ् पाः निङ्वाॽफुमाङ्ङिन् नु दाङ्बा ये़सु ख्रिस्तओ थिस्सलोनिकास्मा सेसेहुप्लक्कोबा कुयाप्मिहाॽओ इङ्गाॽ पावल, सिलास नु तिमोथिरे़ कन् सक्इङ्घङ्ङिन् हाक्कासिगे़बारो॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
Titus 1:2 in Limbu 2 कन् से़क्खाःल्ले़ चोगुल्ले़ मे़न्नुप्मनाबा हिङ्मन्निल्ले़ निङ्साङ्ङिन् आघोःसुम्, हे़क्क्याङ् आप्फाल्ले़आङ् इङ्ले़क् मे़म्बाःप्मनाबा निङ्वाॽफुमाङ्ङिल्ले़ ये़म्मिल्ले़ कुहेःक्सिङ्मानुःल्ले़ तगिए कन् मे़न्नुप्मनाबा हिङ्मन्निल्ले़ माङ्हे़क्किन्चोगुआङ् वये़रो॥
Titus 2:13 in Limbu 13 हे़क्केलॽरिक् आनिॽ पयम् निङ्वाॽफुमाङ्ङिन् नु से़न्लप्दाङ्बा ये़सु ख्रिस्तरे़ मिमिदिङ्नु कुयुःमे़न् आहाङ्घुम्ल आवाॽइल्ले़ आनिॽ हाङ्हाङ्बा निङ्साङ्ङिल्ले़ कुधिम् आवाॽरो॥
Titus 3:4 in Limbu 4 कर आनिॽ से़न्लप्दाङ्बा निङ्वाॽफुमाङ्ङिल्ले़ कुनुॽमान् नु मनाहाॽ लुङ्माॽ तुक्तुसिबे़न्थाःम्सिङ्ङिल्ले़
Hebrews 6:11 in Limbu 11 हे़क्क्याङ् खिनिॽ के़रे़क्ले़ निङ्साङ् के़जोगुम्बा पाःन्हाॽ से़क्खाए के़घोःसुम्ल फाॽआङ् बा खे़न् याम्जाङ्वाःन् खिनिॽ हिङ्हिङ्थारिक् कत्ते़म्मे़ॽ के़लॽबा आनिगे़ निङ्वाॽ चोगुम्बे़ॽरो॥
Hebrews 6:18 in Limbu 18 अक्खेलॽरिक् निङ्वाॽफुमाङ्ङिल्ले़ माङ्हे़क्चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोःसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
Hebrews 7:19 in Limbu 19 साम्योथिम्मिल्ले़ थेआङ् कुलिङ्धो के़प्मा मे़सुक्तुन्, कर निङ्साङ् आजोगुम्बा पाःन्निन् खे़न्नुःल्ले़आङ् नुःबा चोःक्, हे़क्क्याङ् खे़ल्ले़ए निङ्वाॽफुमाङ्ङिल्ले़ कुबेसाङ् आदेॽरो॥
1 Peter 1:3 in Limbu 3 हाराॽ आनिॽ दाङ्बा ये़सु ख्रिस्तरे़ पानुदिङ् कुम्बा निङ्वाॽफुमाङ्ङिल्ले़ कुनारा पोःररो! निङ्वाॽफुमाङ्ङिल्ले़ साॽरिक् यम्बा कुलुङ्गुम्मिल्ले़ आनिॽ कुसङ् सावाःन्छिङ्मा आबिरे़आङ् ये़सुःन् सिःमे़न्लाम् हिङ्घुबाल्ले़ चोगुल्ले़ हाङ्हाङ्बा निङ्साङ् आबिरे़आङ् आवाॽरो॥
1 John 3:2 in Limbu 2 आमिःम् आन्जुम्से, आल्लो आनिॽग निङ्वाॽफुमाङ्ङिल्ले़ कुस्साःसिरो॥ हे़क्केसाङ् थे आबोःङ् फाॽआङ् नुःरिक्काङ् मे़न्धाःप्पे वाॽरो॥ कर ख्रिस्ते़न्नुःङ् युःल्ले़ आनिॽग खुने़ॽ कुइसिःक्के आबोःङ्, थेआङ्भे़ल्ले़ खे़न् ये़म्मो खुने़ॽ आक्तङ्बा चोःक् हे़क्तङ्बाए आनिःसुम्लो॥
1 John 3:16 in Limbu 16 ये़सु ख्रिस्ते़ङ्ग आनिॽ ले़क्वा स्ये़बाल्ले़ से़क्खाबा मिःम्जिन् आक्तङ्बा चोःक् फाॽआङ् कुसिङ् आनिःत्तुम्लो॥ आनिॽआङ् नसानिबा फुॽनुसाॽ नु ने़ॽनुसाॽहाॽरे़ खुनिॽ ले़क्वा सिःमाआङ् यारिप् पोःङ्मा पोःङ्लो॥
1 John 4:9 in Limbu 9 खुने़ॽग अक्खेलॽरिक् लुङ्माॽ आदुक्ते़आङ् वाॽरो–आनिॽ मे़न्नुप्मनाबा हिङ्मन् आघोःसुम्ल फाॽआङ् थिक्लक् के़वाॽबा आबुगे़न् कुस्साःन् इक्सादिङ् खाम्बेःक्मो पाङ्घु युःसुरो॥
Revelation 3:9 in Limbu 9 कुभारे़ आनिगे़ यहुदिसिगे़ मे़लॽ कर खे़ङ्हाॽ मे़ःन्छिरो, खे़ङ्हाॽग माफे़न्साम्मिल्ले़ कुमना इङ्ले़क् के़बाःप्पासिरो॥ खे़प्से़ॽओ, खे़ङ्हाॽ के़लाङ्जक्पो मे़नःम्सिङ्ङाङ् मे़दार चोगुङ्सिङ्ङाङ् खे़ङ्हाॽरे़ खे़ने़ॽए लुङ्माॽ तुक्ने़ॽ के़लॽबान् कुसिङ् मे़निःत्तुॽरो॥
Revelation 7:16 in Limbu 16 कङ्हाॽ याम्मो आप्फाल्ले़आङ् से़त्लाःक्मा नु आङ्गुगे़न् वामिःमाल्ले़ मे़दरुसिन्लो॥ हे़क्क्याङ् नाम्साङ्ङिल्ले़आङ् से़ःप्माआङ् मे़से़ःप्तुसिन्, ये़म्माआङ् मे़ये़म्दुसिन्लो॥
Revelation 22:5 in Limbu 5 खे़प्मो याम्मो से़न्दिक् मे़बोःङ्ने़न्, हे़क्क्याङ् थोॽमारे़ लागि सेमि नु नाम्साङ्ङाङ् चाहाबा मे़जोःक्ने़न्लो, थेआङ्भे़ल्ले़ यहवे दाङ्बा निङ्वाॽफुमाङ्ङिन् आबाङे खुनिॽ ओःत्ति पोःङ्॥ हे़क्क्याङ् खे़ङ्हाॽरे़ सदादिङ् हाङ् मे़जोगुॽरो॥