2 Corinthians 11:23 in Limbu 23 खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिःक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिःमा लिङ्धोओ के़राङ्लो॥
Other Translations King James Version (KJV) Are they ministers of Christ? (I speak as a fool) I am more; in labours more abundant, in stripes above measure, in prisons more frequent, in deaths oft.
American Standard Version (ASV) Are they ministers of Christ? (I speak as one beside himself) I more; in labors more abundantly, in prisons more abundantly, in stripes above measure, in deaths oft.
Bible in Basic English (BBE) Are they servants of Christ? (I am talking foolishly) I am more so; I have had more experience of hard work, of prisons, of blows more than measure, of death.
Darby English Bible (DBY) Are they ministers of Christ? (I speak as being beside myself) *I* above measure [so]; in labours exceedingly abundant, in stripes to excess, in prisons exceedingly abundant, in deaths oft.
World English Bible (WEB) Are they servants of Christ? (I speak as one beside himself) I am more so; in labors more abundantly, in prisons more abundantly, in stripes above measure, in deaths often.
Young's Literal Translation (YLT) ministrants of Christ are they? -- as beside myself I speak -- I more; in labours more abundantly, in stripes above measure, in prisons more frequently, in deaths many times;
Cross Reference Acts 9:16 in Limbu 16 इङ्गाॽ आलागि खे़ल्ले़ आक्खे़न्तुक्खे चामा पोःङ् फाॽआङ् इङ्गाॽ ओसेःन्धाक्तुङ्लो॥”
Acts 14:19 in Limbu 19 हे़क्क्याङ् कुभा यहुदिहाॽ एन्तिओक नु आइकोनियम्लाम् मे़द्ये़आङ् खे़ङ्हाॽरे़ मनाहाॽ मे़हुसुसिआङ् खुनिॽ ले़प्माङ् मे़जोगुसिआङ् पावले़न् लुङ्ङिल्ले़ मे़ले़प्तु, हे़क्क्याङ् पाङ्जुम् लाःक्कात् मे़उःक्खु मे़देॽरुआङ् खुने़ॽ स्ये़ फाॽआङ् लाप्मे़भुसु॥
Acts 16:23 in Limbu 23 हे़क्क्याङ् खे़ङ्हाॽ साॽरिक् ते़ःम्भुक् मे़याक्तुसिआङ् पुङ्लाहिम्मो मे़साक्तुसिरो॥ सुहाङ्युक्पाहाॽरे़ पुङ्लाइङ्बान् नुःरिक्काङ् खे़ङ्हाॽ कोमा पाङ्घे़से़ॽ फाॽआङ् इङ्जाःङ् मे़बिरुरो॥
Acts 20:23 in Limbu 23 कर के़रे़क् इङ्गाॽ पेगाङ्बा ये़क्यक्को सेसेमाङ्ङिल्ले़ इङ्गाॽ मे़त्ताङ्बा कुइसिःक्, पुङ्लाहिम् नु तुक्खेरे़ खे़प्मो हाङ्ङार वाॽआरो॥
Acts 21:11 in Limbu 11 खे़न् आनिगे़ वयिगे़बाओ त्ये़आङ् पावलरे़ कुभॽइःन् फाःक्खुआङ् आबाङे कुलाङ् कुहुक्को इघेःङ्सिङ्ल अक्खेलॽरिक् पाःत्तु, “सेसेमाङ्ङिल्ले़ अक्खे पाःत्तुॽ, ‘कन् फॽइ दाङ्बान् यरुसले़म्मो यहुदि लाम्लोःबाहाॽरे़ मे़दे़म्सुआङ् अक्खेलॽरिक् इमे़घेःक्खु, हे़क्क्याङ् थिम्मे़न्दङ् सुवाङ्हाॽरे़ खुनिॽ हुक्को हुक्मे़सुप्तुॽ॥’”
Acts 24:26 in Limbu 26 खुने़ॽग पावललाम् सुरुत्-याङ् खोःसुङ्बि फाॽआङ् निङ्वाॽ चोगुआङ् वये़॥ खे़ल्ले़ चोगुल्ले़ ए़त्ले़ङ् उःत्तुर ताॽजे़क्खे़साङ् पावलरे़ थेआङ् मे़बिरुन्लो॥
Acts 25:14 in Limbu 14 खुन्छिॽ यरिक् ये़न् वये़त्छिल्ले़ फे़स्तसरे़ अग्रिपा हाङ्ङिन् पावलरे़ कुयाःम्बेओ अक्खेलॽरिक् मे़त्तु, “फे़लिक्से़न् कप्मोलाम् पेःल्ले़ पावल मे़प्मनाबा पुङ्लाधाबान् पक्थःआङ् वये़॥
Acts 27:1 in Limbu 1 आल्ल आनिगे़ इतालि ले़प्माङ् वालाम्दिःक् चोःक्मा पोःङ् के़लॽबा निङ्वाॽ निःन्धो पोःक्खे़॥ खे़ङ्हाॽरे़ पावल नु वेॽ पुङ्लाधाबाहाॽ पयम् हाङ्ङिल्ले़न् तुरा मे़प्मनाबा तुरारे़न् थक्तुम्बा जुलियसरे़ कुहुक्को लक्पे़न्मे़बिरुसिरो॥
Acts 28:16 in Limbu 16 आनिगे़ रोम्मो के़प्मनाआङ् खे़प्मो थक्सुबा कोमाओ पावलरे़ आबाङे तङ्गाम् चोगुबा ये़ङ्वाहिम्मो वाॽमा मे़बाङ्घुरो॥
Acts 28:30 in Limbu 30 तङ्बे ने़त्छि थारिक् पावलरे़ आबाङे तङ्गाम् चोगुबा ये़ङ्वाहिम्मो याःक्ते़आङ् कुदुम्से़ के़दाःबा के़रे़क् मनाहाॽ लाङ्दाःक्मा पिरुसिर वये़रो॥
Romans 8:36 in Limbu 36 साम्योसाप्लाओ अक्खेलॽरिक् साप्ते़आङ् पत्, “खे़ने़ॽ नसाःन् चोःक्कासिगे़बाल्ले़ थिक्याःन्धक् मे़से़रिगे़ॽरो॥ से़प्मा के़बोःङ्बा मे़ल्लुक् कुइसिःक् मनाहाॽरे़ मे़मे़त्तिगे़रो॥”
1 Corinthians 3:5 in Limbu 5 अप्पोलोसे़न् नु पावले़न् हाःत्छिबे? आन्छिगे़ग दाङ्बाल्ले़ मुरा मे़त्ते़छिगे़बा, कुयाःम्बक् के़जोःक्पा कुसेवारोबासिगे़रक्लो॥ आन्छिगे़लाम्बाए खिनिॽ नसाःन् के़जोगुम्माङ् के़वयिॽरो॥
1 Corinthians 4:1 in Limbu 1 हे़क्केःल्ले़ मे़न्छाम् याप्मिहाॽरे़ आनिगे़ग ख्रिस्तरे़ कुसेवारोबा नु निङ्वाॽफुमाङ्ङिल्ले़ कुसिबिॽ पाःन्हाॽ कप्मा लक् के़घोःबासिगे़ फाॽआङ् मे़इःत्तिगे़र पोःङ्लो॥
1 Corinthians 15:10 in Limbu 10 कर आल्लो इङ्गाॽ आक्खेलॽरिक् वाॽआ खे़ङ्ग निङ्वाॽफुमाङ्ङिल्ले़ कुलुङ्गुम्मिल्ले़ चोगुल्ले़एरो॥ निङ्वाॽफुमाङ्ङिल्ले़ कुलुङ्गुम्मिन् इङ्गाॽओ चामे़सोःक्ते़न्लो॥ खे़न् वेॽ सेःक्युक्मिबाहाॽनुःल्ले़आङ्साॽरिक् याम्बुधिक्काङ् याःम्बक् चोगुङ्ङाङ् वाॽआरो, हे़क्केसाङ् इङ्गाॽ चोगुङ्बाग मे़ःन्लो कर इङ्गाॽओ के़वाॽबा निङ्वाॽफुमाङ्ङिल्ले़ कुलुङ्गुम्मिल्ले़ चोगुबारो॥
1 Corinthians 15:30 in Limbu 30 हे़क्क्याङ् आनिगे़आङ् के़रे़क् ये़म्मो थेआङ् किप्मा के़घुःबाओ थ्ये़ॽइगे़र वयिगे़बाबे?
2 Corinthians 1:9 in Limbu 9 से़क्खाए आनिगे़ग स्ये़ॽइगे़बि फाॽआङ् निङ्वाॽ इःत्तुम्बे़रो॥ कर कङ्ग आनिगे़ आबाङे ताङ्से़ःप्सिङ्मा फाॽआङ् मे़ःन्, कर के़सिःबाहाॽ कुहिङ्वे़त् के़जोःक्पा निङ्वाॽफुमाङ्ङिल्ले़रक् ताङ्से़ःप्मा आसुक् के़लॽबा इःप्मा सुक्तुम्बे़र फाॽआङ् अक्खे पोःक्खे़बारो॥
2 Corinthians 3:6 in Limbu 6 खुने़ॽए कुसङ् सेसेमाङ्हुप्पिल्ले़न्माङ्सेवा चोःक्मा के़सुक्पा चोगिगे़आङ् वाॽरो॥ कङ्ग साप्मनाबा साम्योथिम्लाम्बा मे़ःन्, कर सेसेमाङ्लाम्बारो, थेआङ्भे़ल्ले़ साप्मनाबा साम्योथिम्मिल्ले़ आसे़त्, कर सेसेमाङ्ङिल्ले़ आहिङ्लो॥
2 Corinthians 4:11 in Limbu 11 आनिगे़ के़सिःबाआङ् के़बेःक्पा नासिङ्गे़न् थक्को ये़सुरे़ कुहिङ्मन्निन् निधाःप्ल फाॽआङ् ये़सुरे़ कुलागि थिक्याःन्धक् सिःमा लिङ्धोओ के़रिगे़रो॥
2 Corinthians 6:4 in Limbu 4 कर आनिगे़ निङ्वाॽफुमाङ्ङिल्ले़ से़क्खाएबा कुसेवारोबासिगे़ फाॽआङ् काक् परिक्ले़ आबाङे ओसेःन्धाक्कासिगे़रो॥ आनिगे़ काक् तुक्खे च्ये़ॽइगे़ल्ले़, के़साक्पा पाःन् तुमुम्बे़ल्ले़ हे़क्क्याङ् निङ्वाॽ पङ्सिङ्ङिल्ले़ साॽरिक् नासि थःत्तुम्बे़रो॥
2 Corinthians 6:9 in Limbu 9 आनिगे़ नुःरिक्काङ् कुसिङ् मे़निःत्तिगे़साङ् कुसिङ्मे़न्निःप्मना मे़ले़ङ्सिङ्लो॥ सिःमालिङ्धो के़रिगे़साङ् कुहिङ्वे़त् वयिगे़रो॥ ते़ःम्भुक् मे़याःक्तिगे़साङ् मे़न्छिःए वयिगे़रो॥
2 Corinthians 10:7 in Limbu 7 खिनिॽग लाःक्कात् के़धाःप्पा पाःन्हाॽरक् ओगे़मे़त्तुम्, कर खिनिॽओ कुभाधिक्ले़ इङ्गाॽ ख्रिस्तरे़ कुमनाआ लॽरिक् निङ्वाॽ इःत्तुने़ फाॽग्र खे़ल्ले़ खुने़ॽ कुइसिःक् आनिगे़आङ् ख्रिस्तरे़ कुमनासिगे़ फाॽआङ् निङ्वाॽ इःप्मा पोःङ्लो॥
2 Corinthians 11:5 in Limbu 5 कर यम्बा फाॽआङ् मे़इःत्तुसिबा सेःक्युक्मिबाहाॽनुःल्ले़ इङ्गाॽग चुःक्काबिला फाॽआङ् मे़इःत्तुङ्ङिन्लो॥
2 Corinthians 11:24 in Limbu 24 ङासि ले़ङ् यहुदिहाॽरे़ इङ्गाॽ सुम्-फाङ् (३९) थारिक् ते़ःम्भुक् मे़याक्ताङ्,
2 Corinthians 12:11 in Limbu 11 इङ्गाॽग अदङ् कुइसिःक् पोःक्खाङ्लो, कर खिनिॽए इङ्गाॽ हे़क्के चोःक्मा याप्मि के़बाङ्घिरो॥ से़क्खाःल्ले़ खिनिॽ इङ्गाॽ आयाःम्बेओ नुःबा पाःन् पाःप्मा के़बोःङ्बा वये़, थेआङ्भे़ल्ले़ इङ्गाॽग थेआङ् मे़ःन्नाॽसाङ् यम्बा फाॽआङ् मे़इःत्तुसिबा सेःक्युक्मिबाहाॽनुःल्ले़ चुक्सा मे़जोःक्कान्लो॥
Ephesians 3:1 in Limbu 1 हे़क्केःल्ले़ इङ्गाॽ पावलरे़ खिनिॽ थिम्मे़न्दङ् सुवाङ्हाॽओ ख्रिस्त ये़सुरे़ कुयाःम्बेओ सुनाइङ् से़ःसुङ्बाल्ले़ चोगुल्ले़ पुङ्लाहिम्मो साक्पा थ्याङ्बारो॥
Ephesians 4:1 in Limbu 1 ख्रिस्त ये़सुरे़ कुयाःम्बेओ इङ्भोःसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाःबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥
Ephesians 6:20 in Limbu 20 सुनाइङ्ङिन् से़ःसुङ्बाल्ले़ चोगुल्ले़ इङ्गाॽ इघेःङ्ङो के़धाःबा हाङ्लाइङ्बाआरो॥ हे़क्क्याङ् इङ्गाॽ चोःक्मा के़बोःङ्बा हे़क्केए मे़ङ्गि मे़न्यङ्ङे सुनाइङ् इङ्भोःसुङ्ल फाॽआङ् तुवा आजोगे़ॽ आबिरे़ॽओ॥
Philippians 1:13 in Limbu 13 थेआङ्भे़ल्ले़ हाङ्हिम् ताङ्गे़से़ःप्पा काक् थक्सुबाहाॽ नु कप्मो के़वाॽबा काक् मनाहाॽरे़आङ् इङ्गाॽ ख्रिस्ते़न्सेवा चोगुङ्बाल्ले़ इघेःङ्ङो थ्याङ्बा पाःन्निन् कुसिङ् मे़निःत्तुआङ् मे़वाॽरो॥
Philippians 2:17 in Limbu 17 दाङ्बाओबा खिनिॽ नसाःन्निन् नु सेसे माङ्सेवाःङ्ग के़दोःन्दुम्बा सिदुङ्जभा कुइसिःक् चोःक्लो॥ हे़क्क्याङ् इङ्गाॽ आहिङ्मन्निन् खे़न् सिदुङ्जभाओ योॽमा पोःङ्साङ् इङ्गाॽ ओमु लॽआ, हे़क्क्याङ् खिनिॽनुए सःत्तारो॥
Colossians 1:24 in Limbu 24 ये़सु ख्रिस्तरे़ नासिङ्गे़न् कुधक्किङ्ग सेसेहुप्लक्लो, खे़ल्ले़ चोगुल्ले़ इङ्गाॽग खिनिॽ लागि इनोगे़न् तुक्खेहाॽ नासिङ्गे़न् आधक्को थम्मा सःत्तारो॥ थम्मा के़बोःङ्बा ख्रिस्तरे़ इनोगे़न् कुदुक्खेहाॽ इङ्गाॽ थरुङ्लो॥
Colossians 1:29 in Limbu 29 कन् याःम्बक्को ख्रिस्तरे़ पिराङ्बा आसिगाङ् याःम्बक् के़जोःक्पा पयम् यम्बा मुक्साम्लाम् याम्बुधिक्काङ् स्याङ्मे़न्दाङ् पत्तारो॥
1 Thessalonians 3:2 in Limbu 2 हे़क्क्याङ् निङ्वाॽफुमाङ्ङिल्ले़ कुलागि ख्रिस्तरे़ कुसुनाइङ्ङिन् आनिगे़नु सोरिक् इङ्भन् के़जोःक्पा आनिगे़ नुसाॽ तिमोथिःन् खिनिॽओ पाङ्घुम्बे़आङ् वाॽरो॥ हाराॽ खुने़ॽए खिनिॽ नसाःन्नो के़धुम्बा के़जोगिर, हाङ्हाङ् के़मे़त्तिररो॥
1 Timothy 4:6 in Limbu 6 कन् पाःन्हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्क्याङ् के़नाःत्तु के़इःत्तुबा से़क्खा निसाम् नु नसाःन्गे़न् पाःन्जाक्को के़हुॽसिङ्ल के़धाङ्ने़ फाॽग्र खे़ने़ॽग ख्रिस्त ये़सुरे़ नुःबा कुसेवारोबा के़बोःङ्लो॥
2 Timothy 1:8 in Limbu 8 खे़ल्ले़ चोगुल्ले़ दाङ्बाल्ले़न् साःक्खि पिमा नु कुलागि इङ्गाॽ साक्पा के़धाःबान्नु खे़ने़ॽ सिरिङ् मे़मये़न्ने़ॽओ॥ कर निङ्वाॽफुमाङ्ङिल्ले़ कुमुक्साम्मो आनिगे़नु सोरिक्खे़ने़ॽआङ् सुनाइङ्ले़ लागि तुक्खे चे़ॽओ॥
2 Timothy 1:16 in Limbu 16 दाङ्बाल्ले़ हाराॽ ओनेसिफोरसरे़ कुहिम्सयङ्ङिन् लुङ्माॽ तुक्तुररो, थेआङ्भे़ल्ले़ इङ्गाॽ पुङ्लाहिम्मो वयाङ्ङिल्ले़ खुने़ॽ यरिक् ले़ङ् हाङ्हाङ् मे़त्छे़ आदुम्से़ ताःमा मे़नुःन्दे़न्,
2 Timothy 2:9 in Limbu 9 बा खे़न् सुनाइङ्ङिन् इङ्गाॽ इङ्भोःसुङ्बाल्ले़ चोगुल्ले़ तुक्खे चाआर वाॽआ, हे़क्क्याङ् कुभाङ्के़भेःम्बा कुइसिःक्काङ् इघेःङ्ङो थाःआरो॥ कर निङ्वाॽफु पाःन्जाक्किङ्ग आप्फाल्ले़आङ् इघेःङ्ङो मे़धाने़न्लो॥
Philemon 1:9 in Limbu 9 इङ्गाॽ खदाक्मि पावल, आल्लो ख्रिस्त ये़सुरे़ कुबुङ्लाथाबा के़बोःङ्बाल्ले़, आनिॽ लुङ्माॽ तुक्सिङ्माल्ले़ चोगुल्ले़ खे़ने़ॽ पेलि फाक्ने़ॽरो॥
Hebrews 10:34 in Limbu 34 खिनिॽग पुङ्लाहिम्मो के़धाःबाहाॽ लुङ्माॽ के़दुक्तुम्सिम्॥ मनाहाॽरे़ खिनिॽ याङ्साकुन्धेहाॽ के़म्नाप्ति के़म्देॽरिसाङ् के़सःत्तिर नासिके़धःत्तुम्, थेआङ्भे़ल्ले़ खिनिॽग के़गत्तुम्बा पाःन्हाॽनुःल्ले़आङ् नुःबा नु सदादिङ् के़वाॽबा याम्साम्गे़न् याङ्साकुन्धेःन् के़गत्तुम् के़लॽबा पाःन्निन् कुसिङ् के़निःत्तुम्लो॥