2 Corinthians 1:20 in Limbu 20 थेआङ्भे़ल्ले़ निङ्वाॽफुमाङ्ङिल्ले़ चोगुबा आक्खे़न् माङ्हे़क्हाॽसाङ् खे़ङ्हाॽ ख्रिस्तओ “ओरो” पोःङ्लो॥ हे़क्क्याङ् खुने़ॽलाम्बाए निङ्वाॽफुमाङ्ङिल्ले़ कुमिमिदिङ् पोःङ्ल फाॽआङ् आनिगे़ “आमे़न्”, (ओरो, हे़क्के पोःङ्लरो), पाःत्तुम्बे़रो॥
Other Translations King James Version (KJV) For all the promises of God in him are yea, and in him Amen, unto the glory of God by us.
American Standard Version (ASV) For how many soever be the promises of God, in him is the yea: wherefore also through him is the Amen, unto the glory of God through us.
Bible in Basic English (BBE) For he is the Yes to all the undertakings of God: and by him all the words of God are made certain and put into effect, to the glory of God through us.
Darby English Bible (DBY) For whatever promises of God [there are], in him is the yea, and in him the amen, for glory to God by us.
World English Bible (WEB) For however many are the promises of God, in him is the "Yes." Therefore also through him is the "Amen," to the glory of God through us.
Young's Literal Translation (YLT) for as many as `are' promises of God, in him `are' the Yes, and in him the Amen, for glory to God through us;
Cross Reference Matthew 6:13 in Limbu 13 हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’
Luke 1:68 in Limbu 68 “इस्राइलिहाॽरे़ खुनिॽ दाङ्बा निङ्वाॽफुमाङ्ङिल्ले़ कुनारा फोःसुम्लो, थेआङ्भे़ल्ले़ खुने़ॽ कुमनाहाॽ कम्ब्राङ् मे़त्तुसिआङ् चोःक्युम्भो पिरुसिरो॥
Luke 2:14 in Limbu 14 “साङ्ग्राम्पेदाङ्ङोबा निङ्वाॽफुमाङ्ङिल्ले़ कुमिमिदिङ् पोःङ्ल, हे़क्क्याङ् इक्सादिङ् खाम्बेःक्मो लुङ्माॽ तुक्तुसिबा मनाहाॽरे़ सनारुङ् मे़घोःसुररो॥”
John 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ साम्योथिम्मिन् मोसालाम्बा आबिरे़, कर लुङ्गुम्मिन् नु से़क्खाःङ्ग ये़सु ख्रिस्तलाम्बाए त्ये़बारो॥
John 3:5 in Limbu 5 ये़सुरे़ नोगप् पिरु, “इङ्गाॽ से़क्खाए मे़त्ने़ॽ, च्वाःत् नु सेसेमाङ्लाम्बा सामे़न्वाःन्छिङ्ङे थारिक् निङ्वाॽफुहाङ्जुम्मो आत्तिन्नाङ् लाःप्मा मे़सुक्ने़न्लो॥
John 14:6 in Limbu 6 ये़सुरे़ नोगप् पिरु, “लाम्, से़क्खा नु मे़न्नुप्मनाबा हिङ्मन् इङ्गाॽएरो॥ आत्तिन्नाङ् इङ्गाॽ मे़ःन्नेग पानुदिङ् पाःल्लो के़प्मा मे़सुक्ने़न्लो॥
Acts 3:25 in Limbu 25 हे़क्क्याङ् निङ्वाॽफुमाङ्ङिल्ले़ खिनिॽ पाधे़बाहाॽनु चोगुबा माङ्हुप्पिन् खिनिॽआङ् के़घोःसुम्माङ् के़वयिॽरो॥ खुने़ॽ अब्राहाम्मिन्अक्खे मे़त्तु, ‘खे़ने़ॽ के़मुॽइदाङ्सालाम्मे इक्सादिङ् खाम्बेःक्मोबा काक् सुवाङ्गे़न्सयङ्हाॽरे़ मुॽइसाम् मे़घोःसुॽरो॥’
Acts 13:32 in Limbu 32 हे़क्क्याङ् निङ्वाॽफुमाङ्ङिल्ले़ आनिगे़ पाधे़बाहाॽ पिरुसिबा माङ्हे़क्किल्ले़ कुयाःम्बेओ कन् सुनाइङ् इङ्भोःसे़ आनिगे़ खिनिॽओ त्ये़ॽइगे़आङ् वयिगे़रो–
Romans 6:23 in Limbu 23 थेआङ्भे़ल्ले़ लायोरे़ आबिबा नाम्याक्किङ्ग सिःमे़न्लो, कर निङ्वाॽफुमाङ्ङिल्ले़ आम्भा आबिबा पर्धाःम्मिङ्ग आनिॽ दाङ्बा ख्रिस्त ये़सुओलाम् मे़न्नुप्मनाबा हिङ्मन्लो॥
Romans 11:36 in Limbu 36 थेआङ्भे़ल्ले़ खुने़ॽलाम्बा काक् पाःन्हाॽग ताः, खुने़ॽ कुमुक्साम्मिल्ले़ काक् पाःन्हाॽ पोःक्खे़आङ् वाॽ, हे़क्क्याङ् काक् पोःक्खे़बा पाःन्हाॽ खुने़ॽ कुलागिए पोःक्खे़आङ् वाॽरो॥ सदादिङ् सदादिङ् खुने़ॽ कुमिमिदिङ् पोःङ्लरो! आमे़न्॥
Romans 15:7 in Limbu 7 खे़ल्ले़ चोगुल्ले़ निङ्वाॽफुमाङ्ङिल्ले़ कुनारा फोःसे़ ख्रिस्तरे़ खिनिॽ के़दाःक्तिबा कुइसिःक् खिनिॽ लुम्मोआङ् ताःक्कासिम्मे़ॽओ॥
1 Corinthians 14:16 in Limbu 16 खे़ने़ॽ के़याम्साम्मिल्ले़ निङ्वाॽफुमाङ्ङिन् ने़म्भोगे़न् कुनारा के़भोःसुल्ले़ खे़ने़ॽ नुःरिक्काङ् नोगे़न् के़बिरुसाङ् कुसिङ् मे़न्निःप्मनाबाल्ले़ आक्खेलॽरिक् “आमे़न्” पाःत्तुबे? थेआङ्भे़ल्ले़ खे़ने़ॽ के़बाःत्तुबान् खुने़ॽ कुसिङ् मे़निःत्तुन्लो॥
2 Corinthians 4:6 in Limbu 6 थेआङ्भे़ल्ले़ खादाम्मो ओःत्तिःन् ओःत्ल फाॽआङ् के़बाःप्पा निङ्वाॽफुमाङ्ङिल्ले़ ख्रिस्तरे़ कुनाराओ के़ओःप्पा निङ्वाॽफुमाङ्ङिल्ले़ कुमिमिदिङ्ले़न् ने़हिनिङ्वाॽइन्कुसिङ् निःप्मा आसुक्तुम्ल फाॽआङ् आनिगे़ सिक्लुङ्मो खुने़ॽ कुओःत्तिःन् ओःप्पाङ्घुआङ् वाॽरो॥
2 Corinthians 4:15 in Limbu 15 आनिगे़ तुक्खे च्ये़ॽइगे़बा के़रे़क् पाःन्हाॽग खिनिॽ लागिए पोःक्खे़बारो, हे़क्केःल्ले़ मनाहाॽरे़ आक्खे़म्म्याक् निङ्वाॽफुमाङ्ङिल्ले़ कुलुङ्गुम्मिन् मे़घोःसुॽ, खे़म्म्याक् यरिक्के निङ्वाॽफुमाङ्ङिल्ले़ कुमिङ्सो इङ्धाःङ्ङिन् पोःङ्ल फाॽआङ् खे़ङ्हाॽरे़ खुनिॽ नोगे़न्निन् मे़भोःसुॽरो॥
Galatians 3:16 in Limbu 16 हे़क्केलॽरिक्के निङ्वाॽफुमाङ्ङिल्ले़ अब्राहाम्मिन् नु कुमुॽइदाङ्साहाॽ माङ्हे़क्हाॽ पिरुसिरो॥ हे़क्क्याङ् साम्योसाप्लाःल्ले़ “कुमुॽइदाङ्साहाॽ” फाॽइङ्ग यरिक् मनाहाॽ मे़ःन्, कर “कुमुॽइदाङ्साःन्” लॽरिक् पाःत्तुआङ् पत्॥ खे़न् फाॽइङ्ग लत्छा मनाःल्ले़न् मिक्सेःन् पोःङ्, खे़ङ्ग ख्रिस्तरो॥
Galatians 3:22 in Limbu 22 कर लायोःल्ले़ काक् मनाहाॽ साक्पा के़धाःबा कुइसिःक् चोगुसिआङ् वाॽ फाॽआङ् साम्योसाप्लाःल्ले़ इङ्भन् चोगुआङ् वाॽ॥ खे़ल्ले़ चोगुल्ले़ निङ्वाॽफुमाङ्ङिल्ले़ कुमाङ्हुप्पिङ्ग ये़सु ख्रिस्ते़न्नसाःन् चोःक्माआङ्लक् खोःमा आसुक्तुम्लो॥
Ephesians 1:6 in Limbu 6 हे़क्केःल्ले़ निङ्वाॽफुमाङ्ङिल्ले़ आबाङे लुङ्माॽ तुक्तुबा कुस्साःन्लाम्बा कुनिङ्वाॽ हन्दुआङ् साॽरिक् लुङ्माॽ आदुक्ते़बाल्ले़ चोगुल्ले़ कुनारा फोःसुम्लो॥
Ephesians 1:12 in Limbu 12 हे़क्केलॽरिक् आनिगे़ यहुदिहाॽ के़रे़क्नुःल्ले़ तगि ख्रिस्तओ निङ्साङ् के़जोःक्पाहाॽए मिमिदिङ्गे़न् निङ्वाॽफुमाङ्ङिल्ले़ कुनारा के़भोःबा पोःक्खिगे़ररो॥
Ephesians 2:7 in Limbu 7 कङ्ग के़दाःबा ये़म्मो खुने़ॽ साॽरिक् इमे़ल्लुङ्बा कुलुङ्गुम्मिन् ओसेःन्दाङ् चोःक्मा फाॽआङ् हे़क्के चोगुबारो॥ ख्रिस्त ये़सुलाम् लुङ्माॽ आदुक्ते़बा कन् लुङ्गुम्मिन् ओसेःन्आधाक्ते़रो॥
Ephesians 3:8 in Limbu 8 निङ्वाॽफुमाङ्ङिल्ले़ के़रे़क् सेसे कुमनाहाॽनुःल्ले़ इङ्गाॽ योःयोःक्पा चोःक्कासाङ् कुसिङ् निःप्माए सुक्मे़न्दे़प्मनाबा ख्रिस्तरे़ आबिरे़बा हाङ्वा मुॽइसाम्मिल्ले़ कुयाःम्बेओ थिम्मे़न्दङ् सुवाङ्हाॽ इङ्भोःमासि फाॽआङ् कन् लुङ्गुम्मिन् इङ्गाॽ पिराङ्लो॥
Colossians 1:27 in Limbu 27 निङ्वाॽफुमाङ्ङिल्ले़ कुमनाहाॽ कुमिमिदिङ्गे़न् इमे़ल्लुङ्बा सिबिॽ पाःन्निन् थिम्मे़न्दङ् सुवाङ्हाॽ ओसेःन्दाङ् चोःक्मा खुने़ॽ कुसिराॽ थाङे़आङ् वाॽरो॥ ख्रिस्ते़न्खिनिॽओ वाॽबान्ने सिबिॽ पाःन्लो, खे़ल्ले़ चोगुल्ले़ के़दाःबा कुमिमिदिङ्गे़न् लक्किन् खिनिॽ के़घोःसुम्लो॥
2 Thessalonians 1:10 in Limbu 10 खुने़ॽ कुनुःङ्मा युःमा ये़न्नो आबाङे सेसे कुमनाहाॽ नु खुने़ॽ नसाःन् के़जोःक्पाहाॽओलाम् मिमिदिङ् ने़म्भोःमा ताःक्तुरो॥ खे़प्मोग खिनिॽआङ् के़वयिॽरो, थेआङ्भे़ल्ले़ खिनिॽ इङ्भन् चोःक्कासिगे़बा सुनाइङ्ङिन्नसाःन् के़जोगुम्लो॥
Hebrews 6:12 in Limbu 12 हे़क्क्याङ् खिनिॽ ले़म्स्वाबा मनाहाॽ कुइसिःक् मे़ःन्, कर नसाःन् नु निङ्वाॽ हाङ्गे़म्सिङ्मालाम्बा निङ्वाॽफुमाङ्ङिल्ले़ माङ्हे़क् चोगुबान्लक् के़घोःबाहाॽरे़ खुनिॽ चोःङ् इःत्ते़म्मे़ॽओ के़लॽबा आनिगे़ निङ्वाॽ वाॽरो॥
Hebrews 7:6 in Limbu 6 कर कन् मल्किसे़दे़क्किङ्ग ले़बिरे़ कुमुॽइदाङ्सा होःप्ते़साङ् खे़ल्ले़ अब्राहामलाम् थिबोःङ्लक् ताःक्तुआङ् माङ्हे़क् के़घोःबा अब्राहाम्मिन् मुॽइसाम् थाःसु पिरुरो॥
Hebrews 9:10 in Limbu 10 खे़न् पाःन्हाॽग चामा थुङ्मा नु परिक्परिक्पा सुत्थो चोःक्सिङ्मारे़ लागि वाहप्सिङ्मा थिम्रक्लो॥ निङ्वाॽफुमाङ्ङिल्ले़ काक् पाःन्हाॽ कुसङ् मे़न्जोःक्के थारिक् खे़ङ्हाॽग नासिङ्गे़न् थक्को इःप्मा नाःप्मा के़बोःङ्बा थिम्हाॽ वये़रो॥
Hebrews 11:13 in Limbu 13 कन् काक् नसाःन्साबाहाॽरे़ग निङ्वाॽफुमाङ्ङिल्ले़ खे़ङ्हाॽनु चोगुबा माङ्हे़क् मे़ङ्घोए मे़स्ये़, कर खे़ङ्हाॽरे़ग माःङ्घालाम् खे़न् मे़निःसुआङ् निङ्वाॽफुमाङ्ङिल्ले़ कुमाङ्हे़क्किन् लाङ्मे़दाःक्तुरो॥ हे़क्क्याङ् खे़ङ्हाॽग कन् इक्सादिङ् खाम्बेःक्मो वेॽ लाजेॽबा नु ताक्के़गम्बा वयिगे़रे़त्छ लॽरिक् ते़न्दिङ् मे़जोगुरो॥
Hebrews 11:39 in Limbu 39 खे़ङ्हाॽ के़रे़क्ले़ खुनिॽ नसाःन्लाम्बाए निङ्वाॽफुमाङ्ङिल्ले़ कुनिङ्वाॽ मे़दासुसाङ् खे़ङ्हाॽनु चोगे़बा माङ्हे़क्किन्मे़ङ्घोए मे़स्ये़ मे़बेरो॥
Hebrews 13:8 in Limbu 8 ये़सु ख्रिस्ते़ङ्ग मिःप्मा, आइन् हे़क्क्याङ् आभे़ल्ले़साङ् कुइसिःक् वाॽरो॥
1 Peter 1:12 in Limbu 12 खुनिॽ माङ्सेवाःन् आबाङे खे़ङ्हाॽरे़ लागि मे़ःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोःसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
1 John 2:24 in Limbu 24 हे़क्केःल्ले़ नसानिबा के़बोःक्खिआङ्धोए के़घे़प्सुम्बा सुनाइङ्ङिन् खिनिॽ सिक्लुङ्मो नुःरिक्काङ् युक्खे़म्मे़ॽओ॥ हे़क्केलॽरिक् के़युक्खुम्ने़ फाॽग्र सदादिङ् पानुदिङ् पाः निङ्वाॽफुमाङ्ङिन्नु हे़क्क्याङ् आबुगे़न् कुस्साःन्नु सोरिक् के़वयिॽरो॥
1 John 5:11 in Limbu 11 तोःन्दिःङ्ग आम्भा कन्लो–निङ्वाॽफुमाङ्ङिल्ले़ आनिॽ मे़न्नुप्मनाबा हिङ्मन् आबिरे़आङ् आवाॽ, हे़क्क्याङ् कन् हिङ्मन्निङ्ग आबुगे़न् कुस्साःलाम् ताःरो॥
Revelation 3:14 in Limbu 14 “लाओदिकियास्मा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् आमे़न् मे़प्मनाबा, नसाःन्साबा नु से़क्खाबा तोःन्दि, हे़क्क्याङ् निङ्वाॽफुमाङ्ङिल्ले़ ने़स्सुबा नावागे़न् चइःत्तो हाङ्गे़जोःक्पाल्ले़ पाःत्तुबारो–
Revelation 7:12 in Limbu 12 “आमे़न्! नारा फोःमान्, मिमिदिङ्ङिन्, सिक्कुम्दिङ् निङ्वाॽइन्, नोगे़न्निन्, इङ्धाःङ्ङिन्, मुक्साम्मिन् नु थुम्मिन् सदादिङ् नु सदादिङ् आनिॽ निङ्वाॽफुमाङ्ङिल्ले़न्नेरो॥ आमे़न्!”