2 Corinthians 1:12 in Limbu 12 कन् इक्सा खाम्बेःक्मोरक् मे़ःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिःक् आनिगे़ ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मे़ःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
Other Translations King James Version (KJV) For our rejoicing is this, the testimony of our conscience, that in simplicity and godly sincerity, not with fleshly wisdom, but by the grace of God, we have had our conversation in the world, and more abundantly to you-ward.
American Standard Version (ASV) For our glorifying is this, the testimony of our conscience, that in holiness and sincerity of God, not in fleshly wisdom but in the grace of God, we behaved ourselves in the world, and more abundantly to you-ward.
Bible in Basic English (BBE) For our glory is in this, in the knowledge which we have that our way of life in the world, and most of all in relation to you, has been holy and true in the eyes of God; not in the wisdom of the flesh, but in the grace of God.
Darby English Bible (DBY) For our boasting is this, the testimony of our conscience, that in simplicity and sincerity before God, (not in fleshly wisdom but in God's grace,) we have had our conversation in the world, and more abundantly towards you.
World English Bible (WEB) For our boasting is this: the testimony of our conscience, that in holiness and sincerity of God, not in fleshly wisdom but in the grace of God we behaved ourselves in the world, and more abundantly toward you.
Young's Literal Translation (YLT) For our glorying is this: the testimony of our conscience, that in simplicity and sincerity of God, not in fleshly wisdom, but in the grace of God, we did conduct ourselves in the world, and more abundantly toward you;
Cross Reference Acts 23:1 in Limbu 1 पावलरे़ ये़जुम्भोःन् नुःरिक्काङ् ओमे़त्तुआङ् अक्खेलॽरिक् पाःत्तु, “आम्भुॽ आन्साॽसे, इङ्गाॽ निङ्वाॽफुमाङ्ङिल्ले़ कुनिःमाओ आइन् थारिक् आहिङ्मन्नो सेसे खासिङ्ङो माङ्सेवा चोगुङ्ङाङ् वाॽआरो॥”
Acts 24:16 in Limbu 16 हे़क्केलॽरिक् इङ्गाॽग सदादिङ् निङ्वाॽफुमाङ्ङो नु मे़न्छाम्गे़न् याप्मिरे़ खुनिॽ तगि सेसे खासिङ् कप्मा तम्सिन् चोःक्कारो॥
Romans 9:1 in Limbu 1 इङ्गाॽ पाःप्मा निङ्वाॽ इःत्तुङ्बा पाःन्निन् से़क्खाएरो॥ इङ्गाॽ ख्रिस्तरे़ कुमनाआ हे़क्क्याङ् इङ्गाॽ इङ्ले़क् मे़बाःत्तान्लो॥ आघासिङ्ङिन्नु सेसेमाङ्ङिल्ले़ इङ्गाॽ पाःत्तुङ्बा पाःन्निन् से़क्खाए चोःक्लो फाॽआङ् निःन्धो चोःक्सुॽरो॥
Romans 16:18 in Limbu 18 थेआङ्भे़ल्ले़ कङ्हाॽरे़ग दाङ्बा ख्रिस्तरे़ कुसेवा मे़न्जोगुन्, कर आबाङे खुनिॽ साप्पोःक्किल्ले़ लागिरक् सेवा मे़जोगुॽरो॥ खे़ङ्हाॽरे़ मना के़जम्बा नु मुर्ले़ःम्बा पाःन्हाॽरे़ कुदोःप्मा मनाहाॽ इङ्मे़ले़क्तुसिॽरो॥
1 Corinthians 2:4 in Limbu 4 इङ्गाॽ पाःत्तुङ्बा नु इङ्भोःसुङ्बा पाःन्निङ्ग सिक्कुम् निङ्वाॽ कुधिम् नु मना के़ले़म्बा पाःन्नो होःप्ते़रो, कर सेसेमाङ्ङिल्ले़ कुमुक्साम्मो ओसेःन्दाङ् पोःक्खे़आङ् वये़रो॥
1 Corinthians 2:13 in Limbu 13 आल्ल आनिगे़ खे़न् पाःत्तुम्बे़बा पाःन्हाॽग मे़न्छाम्गे़न् सिक्कुम्दिङ् निङ्वाॽलाम्बा मे़ःन्लो, कर सेसेमाङ्ङिल्ले़ याप्मि हुॽरिगे़बा कुइसिःक्के याम्साम्गे़न् पाःन्हाॽग सेसेमाङ् के़गप्पाहाॽ चे़क्तुम्सिम्बे़ॽरो॥
1 Corinthians 4:4 in Limbu 4 इङ्गाॽ थे़माआङ् फे़त्मे़ल्लाःन्ने वाॽआ के़लॽबाग निङ्वाॽ कत्तुङ्, हे़क्केसाङ् इङ्गाॽ फोत्या मे़ःन्नेबा चोःक्का के़लॽबाग मे़ःन्लो॥ दाङ्बाल्ले़ए इङ्गाॽ खासे़न् लोःन्नारो॥
1 Corinthians 5:8 in Limbu 8 आनिॽग तगिबा ताप्फे़ःम्बा याःम्बक्हाॽ नु लायो हे़क्तङ्बा खे़ॽसुङ् कुधिम्बा खरे़ःङ्ङिल्ले़ मे़ःन्, कर सेसेबा नु से़क्खाबा कुसङ् खरे़ःङ्ङिल्ले़ चोःक्युम्भो तङ्नाम्ले़न्ससाङ्स्रोःत् चोगुम्लो॥
1 Corinthians 15:10 in Limbu 10 कर आल्लो इङ्गाॽ आक्खेलॽरिक् वाॽआ खे़ङ्ग निङ्वाॽफुमाङ्ङिल्ले़ कुलुङ्गुम्मिल्ले़ चोगुल्ले़एरो॥ निङ्वाॽफुमाङ्ङिल्ले़ कुलुङ्गुम्मिन् इङ्गाॽओ चामे़सोःक्ते़न्लो॥ खे़न् वेॽ सेःक्युक्मिबाहाॽनुःल्ले़आङ्साॽरिक् याम्बुधिक्काङ् याःम्बक् चोगुङ्ङाङ् वाॽआरो, हे़क्केसाङ् इङ्गाॽ चोगुङ्बाग मे़ःन्लो कर इङ्गाॽओ के़वाॽबा निङ्वाॽफुमाङ्ङिल्ले़ कुलुङ्गुम्मिल्ले़ चोगुबारो॥
2 Corinthians 1:17 in Limbu 17 खिनिॽओ ताःमा मे़न्छुक्पे़न्, कर इङ्गाॽ कन् हने़ निङ्वाॽ चोगुङ्बा मे़ःन्, हे़क्क्याङ् इक्साबा मे़न्छाम् याप्मि कुइसिःक् लत्थिक् मुराःल्ले़ ओ नु मे़ःन् लॽरिक् पाःप्मा निङ्वाॽ चोगुङ्बा मे़ःन्लो॥
2 Corinthians 2:17 in Limbu 17 आनिगे़ग वेॽहाॽ कुइसिःक् निङ्वाॽफु पाःन्जाक् ले़ङ्हङ् के़जोःक्पासिगे़ग मे़ःन्लो॥ खे़ल्ले़ कुले़क्वाग निङ्वाॽफुमाङ्ङिल्ले़ पाङ्घुसिबा कुदोःप्मा मनाहाॽ कुइसिःक् ख्रिस्तरे़ कुयुक्किल्ले़ पारिगे़ॽरो, थेआङ्भे़ल्ले़ निङ्वाॽफुमाङ्ङिल्ले़ ओमत्तिगे़र वाॽ के़लॽबान् निःसुम्बे़रो॥
2 Corinthians 4:2 in Limbu 2 खे़ल्ले़ कुले़क्वा आनिगे़ग मनारे़ मे़न्निए चोःक्मनाबा सिरिङ्मःमा याःम्बक्हाॽ नाॽरुम्बे़आङ् वयिगे़रो॥ आनिगे़ इङ्ले़क् मे़जोगुम्बे़न्लो हे़क्क्याङ् निङ्वाॽफु पाःन्जाक्किन् योधो मे़जोगुम्बे़न्लो॥ आनिगे़ग निङ्वाॽफुमाङ्ङिल्ले़ ओमत्तिगे़र वाॽ फाॽआङ् निःसुम्बे़आङ् मनाहाॽ से़क्खा पाःन्लक् मे़त्तुम्सिम्बे़ॽ, हे़क्क्याङ् काक् नसाःन्साबाहाॽरे़ खे़न् कुसिङ्मे़निःत्तुॽरो॥
2 Corinthians 8:8 in Limbu 8 कङ्ग इङ्गाॽ खिनिॽ के़जोगुम्लए पोःङ् के़लॽबा इङ्जाःङ् पिनिङ्बा मे़ःन्लो, कर वेॽहाॽरे़ सिक्लुङ्मोलाम्बाए कुभाॽ पिमा साॽरिक् निङ्वाॽ मे़गत्तुबान्नु तङ्घुङ्ल खिनिॽ वेॽहाॽ से़क्खाए लुङ्माॽ के़दुक्तुम्सिम्बि मे़ःम्बि फाॽआङ् साॽमा निङ्वाॽ चोगुङ्बारो॥
2 Corinthians 11:3 in Limbu 3 कर माफे़न्साम्मिल्ले़ कुइस्वामाओलाम् हवाःन् इङ्ले़क्ते़बा कुइसिःक्के खिनिॽ ख्रिस्तओ के़दोःन्दुम्बा मिःम्जिन् नु तोःन्दोःम्बा निङ्वाॽइन्लाम्भोःत्तुॽ फाॽआङ् इङ्गाॽ किःआरो॥
2 Corinthians 12:15 in Limbu 15 खिनिॽ नुॽमा तामारे़ लागि इङ्गाॽ कत्तुङ्बा काक् याङ्ङिन् साॽरिक् आसिराॽ पधाङ्धाङ्ल तेःसुङ्लो, हे़क्क्याङ् इङ्गाॽ आबाङेआङ् पिसिङ्ङारो॥ इङ्गाॽ खिनिॽ यरिक् लुङ्माॽ तुक्निङ्ङिल्ले़ थेआङ् खिनिॽ च्यॽरक् लुङ्माॽ याप्मि के़दुक्तिबाबे?
Galatians 6:4 in Limbu 4 कर खिनिॽ हिङ्मन्नो के़जोगुम्बा याःम्बक्किन् के़रे़क्ले़ आबाङे के़साॽरुम्ल पोःङ्, हे़क्क्याङ् वेॽहाॽनु मे़न्दङ्सिङ्ङे खिनिॽ नुःरिक्काङ् के़जोगुम्बा याःम्बक्को खिनिॽ निङ्वाॽ ताःरो॥
Ephesians 6:14 in Limbu 14 हे़क्केःल्ले़ यारिप् पोःक्खे़म्मे़ॽआङ् ये़बे़म्मे़ॽ॥ खिनिॽ से़क्खाःल्ले़न् फॽइःन् युप्से़म्मे़ॽ हे़क्क्याङ् साम्योनिबा से़ःप्चाङ्ङिन् चाक्खे़म्मे़ॽ,
Philippians 1:10 in Limbu 10 हे़क्केलॽरिक् साॽरिक् नुःबा पाःन्हाॽ सेःक्मा हे़क्क्याङ् ख्रिस्तरे़ कुनुःङ्मा युःमा ये़न् थारिक् सेसे नु फोत्या मे़ःन्ने वाॽमा के़सुक्तुम्ल,
1 Thessalonians 2:10 in Limbu 10 आनिगे़ग खिनिॽ नसाःन् के़जोःक्पाहाॽनु आक्खेन्सेसे, साम्योनिबा नु फोत्या मे़ःन्नेबा ये़प्ले़क्को वयिगे़ लॽरिक् के़निःबाग निङ्वाॽफुमाङ्ङिन् नु खिनिॽ के़वयिॽरो॥
1 Timothy 1:5 in Limbu 5 कन् इङ्जाःङ्ङिल्ले़न् निङ्वाॽसोःक्किङ्ग सेसे निङ्वाॽ, नुःबा खासिङ् नु से़क्खाबा नसाःन्लाम् के़लःम्बा मिःम्जिरो॥
Titus 2:7 in Limbu 7 खे़ने़ॽ आप्फेःक्काङ् नुःबा याःम्बक्किल्ले़ कुबि पोःक्खे़ॽ, हे़क्क्याङ् के़निसाम्मो नोनिङ्वाॽसाबा नु ताःक्पोसाबा पोःक्खे़ॽओ॥
Hebrews 13:18 in Limbu 18 आनिगे़ लागि तुवा चोगे़म्मे़ॽओ॥ आनिगे़ग सेसे खासिङ् कत्तुम्बा हे़क्क्याङ् के़रे़क् परिक्ले़न् मिङ्सो इङ्धाःङ्ङो हिङ्मा निङ्वाॽ चोगुम्बे़रो फाॽआङ् निस्से वयिगे़रो॥
James 3:13 in Limbu 13 खिनिॽ लुम्मो निङ्वाॽफुमाङ्ङिल्ले़ कुनिङ्वाॽ हे़क्के सिक्कुम्साबा नु इत्छिङ्साम्साबाल्ले़ नुःबा कुहिङ्मन्नोलाम् हे़क्क्याङ् सिक्कुम्दिङ् निङ्वाॽलाम् के़दाःबा चुङ्जिगे़न् नःम्नःम्मो चोगुबा याःम्बक्कोलाम् ओसेःन्धाक्सिङ्लरो॥
James 4:6 in Limbu 6 कर खे़न्नुःल्ले़आङ् साॽरिक् निङ्वाॽफुमाङ्ङिल्ले़ लुङ्माॽ आदुक्लो॥ खे़ल्ले़ चोगुल्ले़ याम्मो साम्योसाप्लाःल्ले़ पाःत्तुॽ, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्माॽ तुक्तुसिॽरो॥”
1 Peter 3:16 in Limbu 16 हे़क्केलॽरिक् खिनिॽ तक्ले़ङ्वाओ फे़न् पाःन् के़बाःप्पाहाॽरे़ ख्रिस्तओबा खिनिॽ नुःबा ये़प्ले़क्किन् मनाहाॽरे़ मे़निःसुआङ् खे़ङ्हाॽ सिरिङ् मे़मर फाॽआङ् सेसे खासिङ् कत्ते़म्मे़ॽओ॥
1 Peter 3:21 in Limbu 21 कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मे़ःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न्सिःमे़न्लाम् याम्मो हिङे़बालाम् ताःरो॥
1 John 3:19 in Limbu 19 अक्खेलॽरिक् लुङ्माॽ आदुक्कासिने़ फाॽग्र आनिॽग से़क्खाःल्ले़ कुमनासि फाॽआङ् आनिःसुम्लो, हे़क्क्याङ् आनिॽ निङ्वाॽइल्ले़ए पाःन् आधिक्साङ् आनिॽ निङ्वाॽफुमाङ्ङिल्ले़ कुदगि तोःन्छिङ्मा आःन्छिङ्गे़न् हाङ्हाङ् आजोःक्लो, थेआङ्भे़ल्ले़ निङ्वाॽफुमाङ्ङिङ्ग आनिॽ निङ्वाॽनुःल्ले़आङ् पयम् यम्बा चोःक्लो, हे़क्क्याङ् खुने़ॽ के़रे़क् पाःन्हाॽ निःसुरो॥