1 Timothy 6:4 in Limbu 4 खे़ङ्ग आङ्दिङ् लॽमारे़ यम्बा ले़ङ्सिङ्ङाङ् वाॽ, हे़क्क्याङ् खे़ल्ले़ थेआङ् मे़ले़स्सुन्लो॥ कर कुबुङ्ना कुसम्बा पाःन्सुत्लाओ पाःन्थक्काङ् खे़माॽ चोगुरो॥ हे़क्क्याङ् खे़न् पाःन्निल्ले़ नाहे़म्मा, खे़माॽ, चाःत्थि पेःक्मा नु ताप्फे़ःम्बा चप्चिहाॽरक् तारुरो॥
Other Translations King James Version (KJV) He is proud, knowing nothing, but doting about questions and strifes of words, whereof cometh envy, strife, railings, evil surmisings,
American Standard Version (ASV) he is puffed up, knowing nothing, but doting about questionings and disputes of words, whereof cometh envy, strife, railings, evil surmisings,
Bible in Basic English (BBE) He has an over-high opinion of himself; being without knowledge, having only an unhealthy love of questionings and wars of words, from which come envy, fighting, cruel words, evil thoughts,
Darby English Bible (DBY) he is puffed up, knowing nothing, but sick about questions and disputes of words, out of which arise envy, strife, injurious words, evil suspicions,
World English Bible (WEB) he is conceited, knowing nothing, but obsessed with arguments, disputes, and word battles, from which come envy, strife, reviling, evil suspicions,
Young's Literal Translation (YLT) he is proud, knowing nothing, but doting about questions and word-striving, out of which doth come envy, strife, evil-speakings, evil-surmisings,
Cross Reference Acts 8:9 in Limbu 9 आल्ल तगिआङ्धो खे़न् ये़क्यक्को सिमोन मे़प्मनाबा कित्चाक्थिक् वये़॥ खे़ल्ले़ कित्चाक् याःम्बक् चोगुआङ् सामरियास्मा मनाहाॽरे़ खुनिॽ निङ्वाॽ माःसु पिरुसिआङ् वये़रो॥ खे़ल्ले़ग आबाङे इङ्गाॽए पयम् यम्बाआ फाॽआङ् आङ्दिङ् लॽरे़आङ् वये़रो॥
Acts 8:21 in Limbu 21 खे़ने़ॽग कन् सेवाओ लक् खोःमा नु कप्मा थेआङ् के़न्छुक्तुन्लो, थेआङ्भे़ल्ले़ खे़ने़ॽ के़सिक्लुङ्मान् निङ्वाॽफुमाङ्ङिल्ले़ कुनिःमाओ नुःबा होःप्लो॥
Acts 15:2 in Limbu 2 पावल नु बरनाबासे़न् खे़ङ्हाॽनु साॽरिक् पाःन् थक्ते़त्छि॥ हे़क्केःल्ले़ पावल, बरनाबास नु एन्तिओकस्मा कुभा नसानिबा फुॽनुसाॽहाॽ यरुसले़म्मो पेःक्माआङ् खे़प्मोबा सेःक्युक्मिबाहाॽ हे़क्क्याङ् तुम्लाम्लोःबाहाॽनु कन् पाःन्निल्ले़ कुयाःम्बेओ ताॽजे़ङ्मा फाॽआङ् मे़सेगुसिरो॥
Acts 18:15 in Limbu 15 कर कन् पाःन्निन् खिनिॽ साम्योथिम्मोबा मिङ्हाॽ, सुत्लाहाॽ नु थिम्मिल्ले़न्लक् वाॽबाल्ले़ चोगुल्ले़ कङ्ग खिनिॽ आबाङे तङ्घे़म्मे़ॽओ॥ इङ्गाॽग कन् पाःन्हाॽ खासे़न् मे़लोःन्नान्लो॥”
Romans 2:8 in Limbu 8 कर से़क्खाःन् के़नाॽबा, इङ्गाॽरक् चोगुङ् चाङ् के़लॽबा हे़क्क्याङ् फे़न् पाःन्नो के़बप्पा मनाहाॽग निङ्वाॽफुमाङ्ङिल्ले़ किप्मा के़घुःबा खुम्दिङ् पिरुसिॽ॥
Romans 12:16 in Limbu 16 वेॽहाॽनु तङे़म्मे़ॽआङ् वये़म्मे़ॽ॥ आङ्दिङ् मे़लॽरे़म्मिन्ने़ॽओ, कर मे़न्जोजोबा मनाहाॽनुआङ् नःम्नःम्बा पोःक्खे़म्मे़ॽआङ् वये़म्मे़ॽओ॥ इङ्गाॽ के़रे़क् पाःन्हाॽ ले़स्सुङ् फाॽआङ् आप्फाल्ले़आङ् मे़इःत्ते़म्मिन्ने़ॽओ!
Romans 13:13 in Limbu 13 आनिॽग ले़न्दिक् आवाॽबा कुइसिःक्के सिङ्सिङ् ये़क्ये़क्काङ्वाॽमा पोःङ्लो, याम्दादा आममबाल्ले़ मःसिङ्माआङ् निङ्वाॽ पाःप्पाःत् चोःक्मा, चाराम्मा नु पोःप्मा, खेमा थक्मा नु नाहे़त्छिङ्मा मे़ःन्लो॥
Romans 14:1 in Limbu 1 नसाःन्नो निङ्वाॽ के़बाःक्पा नसानिबाहाॽरे़ मे़इःत्तुबा निङ्वाॽ पाःन्निन् इङ्दो मे़म्मे़त्ते खिनिॽ सेसे तङ्जुम्मो खे़ङ्हाॽ ताःक्ते़म्सिम्मे़ॽओ॥
1 Corinthians 3:3 in Limbu 3 थेआङ्भे़ल्ले़ खिनिॽग आल्लो थारिक् इक्साबा निङ्वाॽइल्ले़ के़युक्तिआङ् के़वयिॽरो॥ खिनिॽ लुम्मो नाहे़त्छिङ्मा नु खे़माॽ वाॽइल्ले़ खिनिॽ आबाङे इक्साबा निङ्वाॽइल्ले़ के़युक्तिआङ् नसाःन् मे़न्जोःक्मनाबा मना कुइसिःक् के़म्बोःक्खिन्बि?
1 Corinthians 3:18 in Limbu 18 खिनिॽ इङ्मे़ले़क्कासिम्मिन्ने़ॽओ! आत्तिल्ले़ कन् इक्सादिङ् खाम्बेःक्मो सिक्कुम्दाङ्बा नु चाःप्पा चोःक्का लॽरिक् निङ्वाॽ इःत्तुॽ हाराॽ खे़न् थेआङ् मे़ल्ले़ःमनाबा अदङ् कुइसिःक् पोःङ्निरो॥ हे़क्केःल्ले़ खे़न् सिक्कुम्साबा पोःङ्॥
1 Corinthians 8:1 in Limbu 1 आल्ल नावाइत्लाओ तोःम्मनाबा कुजाहाॽरे़ कुयाःम्बेओ इङ्गाॽ अक्खे पाःत्तुङ्लो–आनिॽ के़रे़क्ले़ कन् पाःन्निल्ले़ कुयाःम्बेओ ने़हिनिङ्वाॽ आगत्तुम् लॽरिक् आनिःसुम्लो॥ ने़हिनिङ्वाॽइल्ले़ग आङ्दिङ् के़जोःक्पा आजोःक्लो, कर मिःम्जिःल्ले़ कुलिङ्धो आगे़त्लो॥
1 Corinthians 11:16 in Limbu 16 खे़ल्ले़ चोगुल्ले़ कुभा मनाहाॽरे़ कन् पाःन्नो पाःन्धङ् चोःक्मा निङ्वाॽ मे़जोगुने़ फाॽग्र आनिगे़ वेॽ थिम् मे़गत्तुम्बान् हे़क्क्याङ् निङ्वाॽफुमाङ्ङिल्ले़ कुसेसेहुप्लक्किल्ले़आङ् मे़गत्तुन्लो॥
1 Corinthians 11:18 in Limbu 18 थेआङ्भे़ल्ले़ काक्नु तगिग खिनिॽ सेसेहुप्लक्को के़जुप्सिल्ले़ के़से़न्नासिमु के़लॽबा पाःन्निन् खे़प्सुङ्ङाङ् वाॽरो॥ हे़क्क्याङ् खे़न् पाःन्नो मिसाक् नसाःन्नाङ्चोगुङ्लो॥
2 Corinthians 11:20 in Limbu 20 थेआङ्भे़ल्ले़ खिनिॽग खे़ङ्हाॽरे़ योःक् के़म्जोगिॽ, खिनिॽ के़गत्तुम्बान् के़रे़क् मे़देॽरुॽ, खिनिॽलाम्बा इन्धाःक् मे़जोगुॽ, इङ्गाॽएःक् लॽरिक् मे़हे़न्छिङ्, हे़क्क्याङ् खिनिॽ ने़दे़ङ्बान्के़म्ले़क्खिॽ के़म्बिरिॽसाङ् के़रे़क् के़धरुम्सिम्माङ् वाॽरे़छ॥
Galatians 5:15 in Limbu 15 कर खिनिॽ के़हाॽआसि के़ये़ःङ्ङासिल्ले़ग मे़बोःङ्ने़ल्लो, कर सिङ्सिङ् लॽरे़म्मे़ॽओ, मे़ःन्ने़ फाॽग्र आबाङे के़मे़ङ्ङासिॽरो॥
Galatians 5:20 in Limbu 20 नावाइत्लाःन् सेवा मे़जोगुॽ, कित्चाक् मे़जोगुॽ, मनाहाॽ मे़जिःत्तुसिॽ, खे़माॽ मे़भोःक्खुॽ, मनाहाॽ नामे़हे़त्तुसिॽ, खुनिॽ सिक् पोःक्, आनिगे़रक् चोगुम्बे़ पाःत्तुम्बे़ के़लॽबा निङ्वाॽ मे़जोगुॽ, एःक् से़न्छिङ्मा निङ्वाॽ मे़जोगुॽ, थुक्सिङ्मा निङ्वाॽ मे़जोगुॽ,
Galatians 5:26 in Limbu 26 आनिॽग आङ्दिङ् लॽरि मे़ःन्, सिक् फोःङ्सिङ्पिसिङ्मा मे़ःन्, हे़क्क्याङ् नाहे़त्छिङ्मा मे़ःन्लो॥
Galatians 6:3 in Limbu 3 खे़ने़ॽ के़ये़क्पा के़न्जोःक्ने़न्छाङ् वेॽहाॽ कुभाॽ पिमासिओ वेॽ मनाहाॽनुःल्ले़ के़ये़क्पा चोःक्का लॽरिक् निङ्वाॽ के़इःत्छिङ्ने़ फाॽग्र आबाङे इङ्गे़ले़क्सिङ्लो॥
Philippians 1:15 in Limbu 15 कुभारे़ग नामे़हे़त्ताआङ् खेमा थक्मा निङ्वाॽलाम् ख्रिस्तरे़ कुयाःम्बेओ इङ्मे़भोःसुॽ, कर कुभारे़ग नोनिङ्वाॽनु हे़क्के मे़जोगुॽरो॥
Philippians 2:3 in Limbu 3 खक्ख्वा निङ्वाॽ नु आङ्दिङ् लॽमालाम्थेआङ् मे़जोगे़म्मिन्ने़ॽ, कर चुङ्जिगे़न् नःम्सिङ्मालाम् वेॽहाॽ आप्फेःक्नुःल्ले़आङ् के़ये़क्पा इःत्ते़म्सिम्मे़ॽओ॥
Philippians 2:14 in Limbu 14 काक् पाःन्हाॽ लुङ्मे़न्हाःत्ते नु पाःन्धङ् मे़न्जोःक्के चोगे़म्मे़ॽ॥
Colossians 2:18 in Limbu 18 आनिगे़ सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ सेवा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोःमनाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
2 Thessalonians 2:4 in Limbu 4 खे़ल्ले़ निङ्वाॽफुमाङ् नु मे़न्छाम्गे़न् याप्मिहाॽरे़ सेवा मे़जोगुबा के़रे़क् पाःन्हाॽ अत्तुसिआङ् काक्नुःल्ले़ यम्बा ले़ङ्सिङ्लो॥ हे़क्क्याङ् इङ्गाॽ निङ्वाॽफुमाङ्आरो लॽरिक् मे़त्छिङ्ल निङ्वाॽफु माङ्हिम्मो लाःत्ताङ् युङ्सिङ्लो॥
1 Timothy 1:4 in Limbu 4 खे़ङ्हाॽ उनाहुरिबा खे़दाॽ नु केःम् केःम्बा मिङ्स्राहाॽ ले़प्मादेःमा मे़त्ते़से़ॽओ॥ खे़ल्ले़ग पाःन्धङ्गे़न् खे़माॽरक् फोःक्खु, कर निङ्वाॽफुमाङ्ङिल्ले़ मनाहाॽ ताङ्से़ःप्मा कुयाःम्बक्को थेआङ् मे़जक्तुन्लो॥ खे़ङ्ग नसाःन्लाम्बारक्कुसिङ्निःत्ते़त्लो॥
1 Timothy 1:7 in Limbu 7 खे़ङ्हाॽरे़ग साम्योथिम् के़हुॽबा पोःङ्मा खुनिॽ सिराॽ थाङ्, कर खे़ङ्हाॽरे़ निस्सेरो फाॽआङ् मे़बाःत्तुबा पाःन्सुत्लाहाॽ आबाङे थेआङ् कुसिङ् मे़न्निःत्तुन्लो॥
1 Timothy 3:6 in Limbu 6 खुने़ॽग कुसङ् नसानिबा पोःङ्मा मे़नुॽने़न्लो, मे़ःन्ने़ फाॽग्र आङ्दिङ् लॽआङ् माफे़न्साम्मिल्ले़ खुम्दिङ् खोःसुबा कुइसिःक् खे़ल्ले़आङ् खुम्दिङ् खोःसुॽरो॥
2 Timothy 2:14 in Limbu 14 सेसेहुप्लक्कोबा काक् मनाहाॽ निङ्वाॽफुमाङ्ङिल्ले़ कुनिःमाओ हाराॽ खे़ङ्हाॽ पाःन्सुत्लाओ पाःन्धङ् मे़न्जोःक्ने़न्ल फाॽआङ्साम्दिङ् पिरे़से़ॽओ॥ खे़न् पाःन्धङ्ङिल्ले़ नुःबा मे़बोःङ्ने़न्, कर के़घे़म्बाहाॽरे़ खुनिॽ इम्मोःक्लक् पोःङ्लो॥
2 Timothy 2:23 in Limbu 23 कर कुबुङ्ना कुसम्बा पाःन्धङ्ङिन् नाॽरे़ॽओ, थेआङ्भे़ल्ले़ खे़ल्ले़ग खे़माॽरक् फोःक्खुॽरो॥
2 Timothy 3:4 in Limbu 4 खे़ङ्हाॽ वेॽ मना इङ्ले़क् के़मे़प्पा, निङ्वाॽतादा के़जोःक्पा, आङ्दिङ्ङाङ् इङ्गाॽएःक् के़लॽबा मे़बोःङ्लो॥ खे़ङ्हाॽरे़ग निङ्वाॽफुमाङ्ङिल्ले़ कुले़क्वा याम्दादा निङ्वाॽतादा चोःक्माए खुनिॽ सिराॽ थाङ्लो॥
Titus 3:9 in Limbu 9 कर अदङ् पाःन्धङ्हाॽ, केःम् केःम्बा मिङ्स्राहाॽरे़न् पाःन्धङ्हाॽलाम् लाःत्लाःत् वये़म्मे़ॽओ, हे़क्क्याङ् मोसारे़ कुसाम्योथिम्मिल्ले़ कुयाःम्बेओ खे़माॽ मे़जोगे़म्मिन्ने़ॽओ, थेआङ्भे़ल्ले़ कङ्ग ओगप् मे़म्बोःङ्मना नु इन्धाःङ् मे़ःन्नेबा पाःन्लो॥
James 1:19 in Limbu 19 आमिःम् फुॽनुसाॽ नु ने़ॽनुसाॽसे, नाघे़म्माओ के़रे़क् चात्ते़म्मे़ॽओ, कर पाःप्माओ नु सिक् पोःक्माओ सुःसे़म्मे़ॽओ फाॽआङ् कुसिङ्निःत्ते़म्मे़ॽओ॥
James 2:14 in Limbu 14 आमिःम् फुॽनुसाॽ नु ने़ॽनुसाॽसे, आत्तिन् मनाःल्ले़ नसाःन् कत्तुङ् लॽरिक् पाःत्तुॽ कर याःम्बक् मे़जोगुन्ने़ फाॽग्र थे पोःक्खे़आङ्बे? हे़क्तङ्बा नसाःन्निल्ले़ खे़न् ताङ्से़ःप्मा सुक्तुॽबि?
James 4:1 in Limbu 1 खिनिॽ लुम्मो थे़माःल्ले़ खेमा थक्माहाॽ तारुॽबे? खे़ङ्हाॽग खिनिॽ सिगाङ् थङ् के़जोःक्पा फे़न् निङ्वाॽलाम् लःम्बा मे़ःम्बि?
James 4:5 in Limbu 5 निङ्वाॽफुमाङ्ङिल्ले़ आनिॽओ युक्खुबा सेसेमाङ्ङिल्ले़ साॽरिक्के कुनाहे़न् फाॽआङ् साम्योसाप्लाओ साप्ते़आङ् के़बप्पे़न्हने़रो फाॽआङ् के़इःत्तुम्बि?
1 Peter 2:1 in Limbu 1 खे़ल्ले़ चोगुल्ले़ खिनिॽग मना तुक्खे के़जाःप्पा काक् फे़न् याःम्बक्हाॽ ले़रे़म्देःसे़म्मे़ॽओ॥ इङ्ले़क् थेआङ् मे़बाःत्ते़म्मिन्ने़ॽ, साम्योनिबा मे़ले़ङ्ङासिम्मे़न्ने़ॽ, नाहे़म्मा याःम्बक् मे़जोगे़म्मिन्ने़ॽ हे़क्क्याङ् काक् परिक्पा चे़ॽया पाःन् मे़बारे़म्मिन्ने़ॽओ॥
2 Peter 2:12 in Limbu 12 कर कन् मनाहाॽरे़ग कुसिङ्मे़न्निःत्तेबा पाःन्हाॽरे़ तक्ले़ङ्वाओ माङ्चे़ॽया पाःन् मे़बाःत्तुॽरो॥ खे़ङ्हाॽ ते़म्मासिआङ् से़प्मासि फाॽआङ् सिक्कुम् निङ्वाॽ मे़ःन्ने के़धाप्पा थक्साहाॽ कुइसिःक् मे़जोःक्लो॥ कन् इङ्ले़क्के सिक्साम्बाहाॽ खे़न् थक्साहाॽ कुइसिःक्के मे़मे़क्लो॥
2 Peter 2:18 in Limbu 18 खे़ङ्हाॽग कुसुम् मे़न्दम्मना आङ्दिङ् इसेःङ्बा पाःन् मे़बाःत्, हे़क्क्याङ् खारक् फे़न् याःम्बक् चोःक्मा के़ले़प्पाआङ् दाङ्बाओ के़दाःबाहाॽ फे़न् याःम्बक् चोःक्माल्ले़ थेआङ् मे़लॽने़न् लॽरिक् मे़हुसुसिर याम्मो लायोओ मे़धासुसिरो॥
Jude 1:10 in Limbu 10 कर कन् मनाहाॽग कुसिङ् मे़न्निःत्तुम्बा पाःन्हाॽरे़ कुदक्ले़ङ्वाओ चे़ॽया पाःन् मे़बाःत्लो॥ हे़क्क्याङ् सिक्कुम् निङ्वाॽ के़होःप्पा थक्सा कुइसिःक्लक् पाःन् कुसिङ् मे़निःत्तुॽआङ् हे़क्तङ्बा पाःन्हाॽरे़ए मे़क्खुसिॽरो॥
Jude 1:16 in Limbu 16 कङ्हाॽग कानाक्नाक् के़लॽबाहाॽ, कुनिङ्वाॽ मे़न्दाःमना लुङ्गे़हाःप्पाहाॽ हे़क्क्याङ् आबाङे निङ्वाॽ थाप्थाप् फे़न् याःम्बक् के़जोःक्पाहाॽ, आङ्दिङ् के़लॽबाहाॽ नु आबाङे इन्धाःक्ले़ लागि वेॽहाॽ के़ले़म्बासिरो॥
Revelation 3:17 in Limbu 17 खे़ने़ॽग, इङ्गाॽ याङ्साकुन्धेसाबाआ, इङ्गाॽ थेआङ् चाहाबा मे़जोःक्कान् लॽरिक् निङ्वाॽ के़इःत्तुॽ, कर निङ्वाॽफुमाङ्ङिल्ले़ कुनिःमाओ खे़ने़ॽ आक्खे़न् कुबाङ्के़बेःक्पा, लुङ्माॽ के़दुक्पा, याङ्गे़साॽबा, मिक्फःम्बा नु ले़क्चाबे़धिःक् के़जोःक् फाॽआङ् निङ्वाॽ के़ङ्घोःसुन्लो॥