1 Timothy 6:17 in Limbu 17 कन् इक्सादिङ् खाम्बेःक्मोबा याङ्साकुन्धेसाबाहाॽ अक्खेलॽरिक् इङ्जाःङ् पिरे़से़ॽ–खे़ङ्हाॽ आङ्दिङ् मे़न्लॽने़न्लरो, हे़क्क्याङ् खुनिॽ निङ्साङ्ङिन् चप्ले़क्वा याङ्साकुन्धेओ मे़ःन्, कर निङ्वाॽफुमाङ्ङो मे़युक्खुररो॥ खुने़ॽए आनिॽ निङ्वाॽ तार फाॽआङ् कुनिङ्वाॽ हन्दुआङ् काक् आबिॽरो॥
Other Translations King James Version (KJV) Charge them that are rich in this world, that they be not highminded, nor trust in uncertain riches, but in the living God, who giveth us richly all things to enjoy;
American Standard Version (ASV) Charge them that are rich in this present world, that they be not highminded, nor have their hope set on the uncertainty of riches, but on God, who giveth us richly all things to enjoy;
Bible in Basic English (BBE) Give orders to those who have money and goods in this life, not to be lifted up in their minds, or to put their hope in the uncertain chances of wealth, but in God who gives us in full measure all things for our use;
Darby English Bible (DBY) Enjoin on those rich in the present age not to be high-minded, nor to trust on the uncertainty of riches; but in the God who affords us all things richly for [our] enjoyment;
World English Bible (WEB) Charge those who are rich in this present world that they not be haughty, nor have their hope set on the uncertainty of riches, but on the living God, who richly provides us with everything to enjoy;
Young's Literal Translation (YLT) Those rich in the present age charge thou not to be high-minded, nor to hope in the uncertainty of riches, but in the living God, who is giving to us all things richly for enjoyment; --
Cross Reference Matthew 6:32 in Limbu 32 थेआङ्भे़ल्ले़ थिम्मे़न्दङ् सुवाङ्हाॽरे़ खुनिॽ निङ्वाॽइन्बा खे़न् पाःन्हाॽओ पत्लो, कर साङ्ग्राम्पेदाङ्ङोबा खिनिॽ पानुदिङ् पाःल्ले़ कन् के़रे़क् पाःन्हाॽ चाहाबा के़जोगिॽ फाॽआङ् निःसुरो॥
Matthew 19:23 in Limbu 23 हे़क्क्याङ् ये़सुरे़ कुहुॽसाम्बाहाॽ मे़त्तुसि, “इङ्गाॽ से़क्खाए मे़त्निङ्, याङ्साकुन्धेसाबाहाॽ साङ्ग्राम्पेदाङ्बा हाङ्जुम्मो लाःप्मा साॽरिक् साक्लो॥
Matthew 27:57 in Limbu 57 हे़क्क्याङ् युःन्छिक् पोःक्खे़र पत्छे़ल्ले़ आरिमाथिया पाङ्जुम्बा युसुफ मे़प्मनाबा याङ्साकुन्धेसाबा मनाःन् त्ये़॥ खुने़ॽआङ् ये़सुरे़ कुहुॽसाम्बा पोःक्खे़आङ् वये़रो॥
Mark 10:24 in Limbu 24 कुबाःन्निन्मे़घे़प्सुआङ् कुहुॽसाम्बाहाॽरे़ साॽरिक् खुनिॽ निङ्वाॽ मये़, कर ये़सुरे़ याम्मो खे़ङ्हाॽ मे़त्तुसि, “चुक्पासे, निङ्वाॽफुहाङ्जुम्मो लाःप्मा से़क्खाए साक्लो॥
Luke 12:15 in Limbu 15 हे़क्क्याङ् ये़सुरे़ याम्मो खे़ङ्हाॽ मे़त्तुसि, “काक् खिःम्यक् चोःक्मोलाम् सिङ्सिङ् लॽरे़म्मे़ॽओ॥ थेआङ्भे़ल्ले़ मनाःल्ले़ कत्तुबा मुल्लुक् याङ्साकुन्धेओ खुने़ॽ से़क्खाबा कुहिङ्मन्निन् मे़वाॽने़न्लो॥”
Luke 19:2 in Limbu 2 खे़न् ये़क्यक्को जक्कै मिङ् के़वाःप्पा याङ्साकुन्धेसाबा तुम्एःङ्याङ् के़भोःङ्बाधिक् वये़॥
Luke 19:9 in Limbu 9 हे़क्केःल्ले़ ये़सुरे़ पाःत्तु, “आइन् कन् हिम्सयङ्ङिल्ले़ से़न्लप् खोःसुआङ् वाॽरो, थेआङ्भे़ल्ले़ जक्कैःन्नाङ् अब्राहामरे़न्ने कुमुॽइदाङ्सारो॥
Acts 14:17 in Limbu 17 कर आल्लोग खुने़ॽग आबाङे तोःन्दि मे़ःन्नेग होःप्लो, थेआङ्भे़ल्ले़ खुने़ॽग साङ्ग्राम्पेदाङ्लाम् पाङ्गे़न्दिङ् वाहित् थाःसु के़बिरिआङ् चामा थुङ्मारे़ खिनिॽ निङ्वाॽ के़दासि के़बिरिआङ् सिक् सम्माल्ले़ कुधिम् के़जोगिआङ् के़वयिरो॥”
Acts 14:27 in Limbu 27 खे़ङ्हाॽ एन्तिओक्को के़रे़त्छिआङ् खे़प्मोबा सेसेहुप्लक्कोबा नसानिबाहाॽ निङ्वाॽफुमाङ्ङिल्ले़ खुन्छिॽलाम् चोगुबा के़रे़क् याःम्बक्हाॽ हे़क्क्याङ् अक्खेलॽरिक् थिम्मे़न्दङ् सुवाङ्हाॽरे़आङ् से़न्लप् खोःमा मे़सुक्तुर फाॽआङ् निङ्वाॽफुमाङ्ङिल्ले़ लाम्धेःप्पे़न्हन्दुबा पाःन्निन् चे़क्खे़त्छुरो॥
Acts 17:25 in Limbu 25 हे़क्क्याङ् मे़न्छाम् याप्मिरे़न् कुभाॽ खुने़ॽ चाहाबा मे़जोःक्ने़न्, थेआङ्भे़ल्ले़ मे़न्छाम् याप्मिहाॽ ने़त्तिगे़न् हिङ्मन् नु साःङ्गुगे़न् सक्मा हे़क्क्याङ्काक् पाःन्हाॽ के़बिबा खुने़ॽएरो॥
Romans 11:20 in Limbu 20 से़क्खाएरो, कर यहुदिहाॽरे़ निङ्वाॽफुमाङ्ङिन् नसाःन् मे़न्जोगुन्नाङ्ङे सिङ्बोराःक्किन् चे़प्माआङ् लाप्फुमनाबा कुइसिःक् लाप्मे़भुसे़बारो॥ खिनिॽ नसाःन् के़जोगुम्बाल्ले़ चोगुल्ले़ खे़प्मो के़वयिॽरो॥ हे़क्केःल्ले़ आङ्दिङ् मे़लॽरे़म्मिन्ने़ॽओ, कर खे़न् पोःक्खे़बा पाःन्हाॽ इःत्ते़म्मे़ॽआङ् निङ्वाॽफुमाङ्ङिन् किरे़म्मे़ॽओ॥
Ephesians 5:5 in Limbu 5 थेआङ्भे़ल्ले़ याम्बोःप्मा याःम्बक् के़जोःक्पा, आजिःन्जिःम्बा याःम्बक् के़जोःक्पा नु खिःम्ब्राक्पा आत्तिन्हाॽरे़आङ् ख्रिस्त नु निङ्वाॽफुमाङ्ङिल्ले़ खुन्छिॽ हाङ्जुम्मो लक् मे़ङ्घोःसुन् फाॽआङ् खिनिॽ नुःरिक्काङ् कुसिङ् के़निःत्तुम्मेरो॥ खे़न् खिःम्ब्राक्पाङ्ग नावाइत्ला सेवा के़जोःक्पाएरो॥
Colossians 3:16 in Limbu 16 हाराॽ ख्रिस्तरे़ कुबाःन्जाक्किल्ले़ खिनिॽ सिक्लुङ्मान् तिम्माङ्वाॽररो॥ खिनिॽ बा कन् पाःन्जाक्किल्ले़ हुॽआसिम्मे़ॽ, हे़क्क्याङ् काक् सिक्कुम्दिङ् निङ्वाॽओ सुजा पिआसिम्मे़ॽओ॥ हे़क्क्याङ् सेवा चोःक्मा साम्लोहाॽ, याम्साम्गे़न्साम्लोहाॽ नु सेसेमाङ्लाम् के़दाःबा साम्लोहाॽ साम्गे़मे़त्तुम्मिल्ले़ खिनिॽ सिक्लुङ्मोनुए निङ्वाॽफुमाङ्ङिन् नोगे़न् पिरे़म्मे़ॽओ॥
1 Thessalonians 1:9 in Limbu 9 थेआङ्भे़ल्ले़ खिनिॽओ त्ये़ॽइगे़ल्ले़ याप्मि के़दाःक्तिबा पाःन् नु नावाइत्ला सेवा चोःक्मोलाम् के़नुःक्खिआङ् से़क्खा नु आजुनि निङ्वाॽफुमाङ्ङिन् सेवा के़जोगुम्बा पाःन्निङ्ग काक् मनाहाॽरे़ए मे़जे़क्खु मे़बाःत्तुॽरो॥
1 Timothy 1:3 in Limbu 3 इङ्गाॽ मे़सेदोनिया थुम्मो पेगाङ्ङिल्ले़ खे़ने़ॽ पेलि फाक्ने़बा कुइसिःक् खे़ने़ॽ एफिससओ ए याःक्ते़ॽओ॥ खे़प्मो कुभा मनाहाॽरे़ इङ्ले़क्पा निसाम् मे़हुॽरुसिर मे़याक्॥ खे़ङ्हाॽ हे़क्के चोःक्मा मे़बाङ्घे़से़न्ने़ॽओ॥
1 Timothy 3:15 in Limbu 15 हे़क्केलॽरिक् इङ्गाॽ सुःसाङ्ने़ फाॽग्र निङ्वाॽफुमाङ्ङिल्ले़ कुमनाहाॽनु आक्खेलॽरिक् वाॽमा पेःक्मा पोःङ् फाॽआङ् खे़ने़ॽ कुसिङ्के़निःत्तुएरो॥ कुमनाहाॽग आजुनि निङ्वाॽफुमाङ्ङिल्ले़ कुसेसेहुप्लक्लो॥ खे़ङ्ग से़क्खाःल्ले़न् हाङ्सित्लाङ् नु ने़ःम्भोरो॥
1 Timothy 4:10 in Limbu 10 बा कन् निङ्वाॽसोःक्को याम्बुधिक् नु तम्सिन् आजोगुम्, थेआङ्भे़ल्ले़ आनिॽ निङ्साङ्ङिन् आजुनि निङ्वाॽफुमाङ्ङो आने़स्सुम्माङ् आवाॽरो॥ खुने़ॽग काक् मे़न्छाम् याप्मिहाॽरे़ खुनिॽ से़न्लप्दाङ्बा, हे़क्क्याङ् कुनो-कुबिॽओग खुने़ॽओ नसाःन् के़जोःक्पाहाॽरे़न्लो॥
1 Timothy 5:21 in Limbu 21 निङ्वाॽफुमाङ् नु ख्रिस्त ये़सुरे़ खुन्छिॽ तगि हे़क्क्याङ् मे़सेगे़बा माङ्लाइङ्बाहाॽरे़ खुनिॽ तगि, मनाहाॽ एःक्पएःक् चोःक्मासि नु मना से़म्मासि मे़ःन्, हे़क्क्याङ् काक् थिम्हाॽ इःत्ते़ नाःत्ते़ॽ लॽरिक् इङ्जाःङ् पिने़रो॥
1 Timothy 6:13 in Limbu 13 काक् पाःन्हाॽ हिङ्मन् के़बिबा निङ्वाॽफुमाङ् नु पन्तियस पिलातसरे़ कुदगि नुःबा तोःन्दि के़बिबा ख्रिस्त ये़सुरे़ कुदगि कन् इङ्जाःङ्ङिन् पिने़रो,
2 Timothy 4:10 in Limbu 10 थेआङ्भे़ल्ले़ देमासरे़ कन् इक्सादिङ् खाम्बेःक्मोबा पाःन्हाॽ मिःम्जि मे़त्तु हे़क्क्याङ् इङ्गाॽ ले़राङ्ङाङ् थिस्सलोनिका पेआङ् वाॽरो॥ क्रेसेन्से़न् गलातिया थुम्मो पेआङ् वाॽ हे़क्क्याङ् तितसे़न् दाल्मातिया थुम्मो पेरो॥
Titus 2:12 in Limbu 12 खे़न् कुलुङ्गुम्लाम्बा कन् इक्सादिङ् खाम्बेःक्मो लायोबा हिङ्मन् नु इक्सादिङ्बा ये़म्निङ्वाॽ तादाबा पाःन्हाॽ ले़प्मादेःमा पोःङ् फाॽआङ् आहुॽसिङ्ङाङ् कन् हिङ्मन्नो निङ्वाॽ हाङ्गे़म्सिङ्मा, कुदोःप्मा नु साम्योनिबा हिङ्मन्नो हिङ्मा फाॽआङ् ओःन्धाक् आजोःक्लो॥
Titus 3:6 in Limbu 6 हे़क्केलॽरिक् निङ्वाॽफुमाङ्ङिल्ले़ कुनिङ्वाॽ हन्दुआङ् आनिॽ से़न्लप्दाङ्बा ये़सु ख्रिस्तलाम् सेसेमाङ्ङिन् आनिॽओ पाङ्घु
James 1:9 in Limbu 9 याङ्गे़साॽबा नसानिबान् हाराॽ निङ्वाॽफुमाङ्लाम् मिङ्सो इङ्धाःङ् खोःसुल्ले़ सःत्ल पोःङ्लो॥
Revelation 18:6 in Limbu 6 खे़ङ्ग आक्खे मे़प्मा लाॽरुॽ, बा हे़क्केए मे़त्ते़म्मे़ॽओ॥ हे़क्क्याङ् काक् कुयाःम्बक्किल्ले़ कुले़क्वान्निले़ङ् थारिक् नुःक्ते़म्पिरे़म्मे़ॽओ॥ हे़क्क्याङ् खुने़ॽ वेॽहाॽरे़ लागि यारिप् चोगुबा खोर्याओबा तुक्खेःल्ले़ कुले़क्वा निले़ङ् थारिक् कुघोर्याओ योॽरे़म् पिरे़म्मे़ॽओ॥