1 Timothy 4:3 in Limbu 3 खे़ङ्हाॽरे़ग मेःक्खिम् चोःक्मा नु कुभा कुजा कुधि चामा थुङ्माआङ् मे़नुॽने़न् फाॽआङ् मनाहाॽ मे़हुॽरुसिरो, कर निङ्वाॽफुमाङ्ङिल्ले़ चामा फाॽआङ् चोगुबा चामा थुङ्माहाॽ नसाःन्साबा नु से़क्खा पाःन् के़निःबाहाॽरे़ निङ्वाॽफुमाङ्ङिन् नोगे़न् पिमाआङ् चामा नुॽरो॥
Other Translations King James Version (KJV) Forbidding to marry, and commanding to abstain from meats, which God hath created to be received with thanksgiving of them which believe and know the truth.
American Standard Version (ASV) forbidding to marry, `and commanding' to abstain from meats, which God created to be received with thanksgiving by them that believe and know the truth.
Bible in Basic English (BBE) Who keep men from being married and from taking food which God made to be taken with praise by those who have faith and true knowledge.
Darby English Bible (DBY) forbidding to marry, [bidding] to abstain from meats, which God has created for receiving with thanksgiving for them who are faithful and know the truth.
World English Bible (WEB) forbidding marriage and commanding to abstain from foods which God created to be received with thanksgiving by those who believe and know the truth.
Young's Literal Translation (YLT) forbidding to marry -- to abstain from meats that God created to be received with thanksgiving by those believing and acknowledging the truth,
Cross Reference Matthew 14:19 in Limbu 19 हे़क्क्याङ् ये़सुरे़ मनाहाॽ याःन् सम्दाङ् युङ्मा पाङ्घुसिआङ् ङासि खरे़ःङ्ङिन् नु ने़त्छि ङाहाॽ पक्खुआङ् साङ्ग्राम्पेदाङ् ले़प्माङ् थो ओमये़र निङ्वाॽफुमाङ्ङिन् नोगे़न् पिरुआङ् खरे़ःङ्हाॽ खे़ःक्खु॥ हे़क्क्याङ् कुहुॽसाम्बाहाॽ पिरुसिआङ् कुहुॽसाम्बाहाॽरे़ खे़न् मनाहाॽ मे़हाःत्तुसिरो॥
Matthew 15:36 in Limbu 36 खे़न् नुसि खरे़ःङ्ङिन् नु ङाःन्खप्सुआङ् निङ्वाॽफुमाङ्ङिन् नोगे़न् पिरुर खे़ःक्खु, हे़क्क्याङ् कुहुॽसाम्बाहाॽ पिरुसिआङ् मनाहाॽ मे़हाःत्तुसिरो॥
Luke 24:30 in Limbu 30 हे़क्क्याङ् खुने़ॽ चामादे़न्नो युङ्सिङ्ङिल्ले़ खरे़ःङ्ङिन् खप्सु हे़क्क्याङ् नोगे़न् पिरुआङ् फुॽरुर खे़ङ्हाॽ पिरुसि॥
John 6:23 in Limbu 23 हे़क्क्याङ् दाङ्बाल्ले़ नोगे़न् पिरुआङ् मनाहाॽरे़ यरिक् खरे़ःङ्हाॽ मे़जबा ते़न्निल्ले़ कुबेसाङ् तिबेरियस ये़क्यक्कोनु कुभा खःङ्बेहाॽ खे़प्मो मे़गे़रे़॥
John 8:31 in Limbu 31 ये़सुरे़ खुने़ॽओ नसाःन् के़जोःक्पा यहुदिहाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ पाःत्तुङ्बा पाःन्हाॽओ चक्मे़ल्लॽए के़बत्छिॽने़ फाॽग्र से़क्खाए आहुॽसाम्बा के़बोःक्खिॽरो॥
Acts 10:13 in Limbu 13 हे़क्क्याङ् पत्रुसरे़ अक्खे के़लॽबा इक्लाधिक् खे़प्सु, “पत्रुसे, पोगे़ॽ! से़रे़से़ॽआङ् चे़ॽओ॥”
Acts 27:35 in Limbu 35 पावलरे़ हे़क्के मे़त्तु सुरुसिआङ् कुभा खरे़ःङ् खप्सुआङ् के़रे़क्ले़ खुनिॽ तगि निङ्वाॽफुमाङ्ङिन् नोगे़न् पिरुर चामा हेःक्तुरो॥
Romans 14:3 in Limbu 3 हे़क्केःल्ले़ काक् परिक्पा कुजा के़जाबाल्ले़ मे़न्जाःमनाबान् हिनाःम् मे़मे़त्तुन्ल, हे़क्क्याङ् मे़न्जाःमनाबाल्ले़आङ् काक् परिक्पा कुजा के़जाबान् मे़जिःत्तुन्ल, थेआङ्भे़ल्ले़ निङ्वाॽफुमाङ्ङिल्ले़ खे़न् ताःक्तुआङ् वाॽरो॥
Romans 14:6 in Limbu 6 थिक् ये़न्निन् वेॽस्मा ये़न्नुःल्ले़आङ् के़ये़क्पा चोःक् लॽरिक् के़इःप्पाल्ले़ दाङ्बान् इङ्धाःङ् पिमारे़ लागि हे़क्के चोगुॽ॥ सा के़जाबाल्ले़ दाङ्बान् इङ्धाःङ् पिमारे़ लागि हे़क्के चोगुॽ, थेआङ्भे़ल्ले़ खे़ल्ले़ निङ्वाॽफुमाङ्ङिन् नोगे़न् पिरुॽरो॥ सा मे़न्जाःमनाबाल्ले़ दाङ्बान् इङ्धाःङ् पिमारे़ लागि हे़क्के चोगुॽ, हे़क्क्याङ् खे़ल्ले़आङ् निङ्वाॽफुमाङ्ङिन् नोगे़न् पिरुॽरो॥
Romans 14:17 in Limbu 17 थेआङ्भे़ल्ले़ निङ्वाॽफुहाङ्जुम्मिन् चामा नु थुङ्मारे़ कुयाःम्बेओ मे़ःन्, कर साम्योनिमा, सनारुङ् नु सेसेमाङ्ङिल्ले़ आबिबा सःप्माल्ले़ कुयाःम्बेओने़रो॥
1 Corinthians 6:13 in Limbu 13 वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न्कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मे़ःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥
1 Corinthians 7:28 in Limbu 28 कर मेःक्खिम् के़जोगुॽने़ फाॽग्र लायो मे़बोःङ्ने़ल्लो॥ हे़क्क्याङ् मेःक्खिम् मे़न्जोःक्के के़वाॽमाल्ले़आङ् मेःक्खिम् चोगुॽने़ फाॽग्र लायो मे़जोगुन्लो॥ कर मेःक्खिम् के़जोःक्पाहाॽरे़ कन् हिङ्मन्नो इनोगे़न् तुक्खेःन् मे़दुमुॽरो॥ हे़क्क्याङ् इङ्गाॽग हे़क्तङ्बा तुक्खेओलाम्बा खिनिॽ ताङ्से़ःप्मानिङ्निङ्वाॽ चोगुङ्लो॥
1 Corinthians 7:36 in Limbu 36 आत्तिन् मनाःल्ले़ खुने़ॽनु मेःक्खिम् पाःन् के़बुॽमा सिसादिङ् मे़न्छियाॽइन्नु नुःबा पाःन् मे़जोगुम्बा कुइसिःक् निङ्वाॽ इःत्तुॽआङ् खे़न् सिसादिङ् मे़न्छियाॽइन्नाङ् तुम् मे़न्छियाॽ पोःङ्ल पत्ताङ् खे़ल्ले़ खुने़ॽनु मेःक्खिम् चोःक्मा पोःङ् के़लॽबा निङ्वाॽ इःत्तुने़ फाॽग्र, खुने़ॽ कुनिङ्वाॽ कुइसिःक्के चोगुररो॥ हे़क्केःल्ले़ खे़ल्ले़ लायो मे़जोगुन्लो॥ खे़ङ्हाॽरे़ मेःक्खिम् चोःक्माए पोःङ्लो॥
1 Corinthians 8:8 in Limbu 8 कर से़क्खाःल्ले़ चामनाबा कुजाःल्ले़ निङ्वाॽफुमाङ्ङो नुःबा आन्जोःक्ने़न्लो॥ आनिॽ कुजा आन्जाम्मिन्निल्ले़ ताप्फे़ःम्बा आबोःङ्बा नु आजाम्मिल्ले़ नुःबा आबोःङ्बा मे़ःन्लो॥
1 Corinthians 10:30 in Limbu 30 इङ्गाॽ नोगे़न् पिरुङ्ल चाङ्ने़ फाॽग्र थेआङ् निङ्वाॽफुमाङ्ङिन् नोगे़न् पिरुङ्बा पाःन्नो वेॽहाॽ इङ्गाॽ आदक्ले़ङ्वाओ चे़ॽया इङ्दो मे़बाःप्पाबे?”
Colossians 2:16 in Limbu 16 खे़ल्ले़ चोगुल्ले़ आत्तिन्हाॽरे़आङ् साम्यो तङ्नाम्, लासिबा ससाङ्स्रोःत्, नाःम्सिङ्ये़न्नो नु चामनाबा थुङ्मनाबा पाःन्हाॽओ आप्तिक् के़मे़न्गुःत्तिन्लरो॥
Colossians 2:20 in Limbu 20 खिनिॽ ख्रिस्ते़न्नु सोरिक् के़स्ये़ॽइबारो, हे़क्क्याङ् खुने़ॽए इक्सादिङ् खाम्बेःक् कुहेःक्सिङ्माआङ्धोबा हने़बा खाहुन्लाम् चोःक्युम्भो के़बिरिआङ् वाॽरो॥ हे़क्केःल्ले़ कन् ओगप् मे़जोगे़न्ने़ॽ, खे़न् मे़साॽरे़न्ने़ॽ, हे़क्क्याङ् मे़सुसे़न्ने़ॽ के़लॽबा इक्साबा थिम्हाॽ थेआङ् के़इःत्तुम् के़नाःत्तुबाबे?
Colossians 3:17 in Limbu 17 खिनिॽ च्या के़बाःत्तुम्साङ् च्या के़जोगुम्साङ् दाङ्बा ये़सुरे़ कुमिङ्ङो चोगे़म्मे़ॽओ, हे़क्क्याङ् खुने़ॽलाम्बाए पानुदिङ् पाः निङ्वाॽफुमाङ्ङिन् नोगे़न् पिरे़म्मे़ॽओ॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
1 Timothy 2:4 in Limbu 4 खुने़ॽग काक् मे़न्छाम् याप्मिहाॽरे़ से़क्खाःन् कुसिङ् मे़निःत्तुआङ् ताङ्मे़से़ःप्ल के़लॽबा निङ्वाॽ इःत्तुरो॥
1 Timothy 4:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ चोगुबा के़रे़क् पाःन्हाॽ नुःबा चोःक्लो॥ हे़क्क्याङ् अप्मा मे़नुॽने़न्लो, कर नोगे़न् पिमाआङ् ते़न्दिङ्गे़न् सुदाःक्मा नुॽरो॥
Hebrews 13:4 in Limbu 4 ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाःङ् मे़बिरुबा पोःङ्मा पोःङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोःङ्मा पोःङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
Hebrews 13:9 in Limbu 9 परिक् परिक्पा कुसङ् निसाम्हाॽओ लाम्मे़बोःत्ते़म्मिन्ने़ॽओ॥ साक्थिम् कुइसिःक्पा चामा थुङ्माल्ले़ग मे़ःन्, कर निङ्वाॽफु लुङ्गुम्लाम्बाने़ खिनिॽ याम्साम्मिन् के़धुम्बा पोःङ्मा नुःबा पोःङ्लो॥ हे़क्तङ्बा चामा थुङ्मा थिम् के़इःप्पा के़नाःप्पाहाॽरे़ थेआङ् इन्धाःक् मे़ङ्घोःसुन्लो॥