Cross Reference Matthew 1:23 in Limbu 23 “सिसादिङ् मे़न्छियाॽइन् मे़न्छुक्मा पोःङ्ङाङ् ये़म्बित्छाॽसाःधिक् कत्तुॽ, हे़क्क्याङ् खे़न् इम्मानुएल मे़मे़त्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥”
Matthew 3:16 in Limbu 16 ये़सुःन् बप्तिस्मा पोःक्खे़आङ् च्वाःत्तोलाम् लाःक्कात् लःन्दे़नुमे़ःन्ने ताङ्साक्पे़न्हरे़आङ् निङ्वाॽफुमाङ्ङिल्ले़ कुसेसेमाङ्ङिन् पुत्तुःक्के हे़क्के खुने़ॽ कुसम्दाङ् ये़ःर पत्छे़बा निःसुरो॥
Matthew 4:11 in Limbu 11 हे़क्क्याङ् माफे़न्साम्मिल्ले़ ये़सुःन् ले़रुधआङ्माङ्लाइङ्बाहाॽ मे़द्ये़ हे़क्क्याङ् खुने़ॽ कम्ब्राङ् मे़मे़त्तु॥
Matthew 13:11 in Limbu 11 ये़सुरे़ खे़ङ्हाॽ नोगप् पिरुसि, “थेआङ्भे़ल्ले़ साङ्ग्राम्पेदाङ्बा हाङ्जुम्मिल्ले़न् सिगाङ्बा पाःन्हाॽ खिनिॽरक् कुसिङ्निःप्मा के़घोःसुम्माङ् के़वयिॽरो, कर खे़ङ्हाॽरे़ग मे़ङ्घोए मे़वाॽरो॥
Matthew 28:2 in Limbu 2 हक्चघत् साॽरिक् किप्मा के़घुःबा लुप्लि थाङे़, थेआङ्भे़ल्ले़ यहवे दाङ्बाल्ले़ कुमाङ्लाइङ्बाधिक् साङ्ग्राम्पेदाङ्लाम् यो थ्ये़आङ् इप्पुङ्ङिल्ले़ कुमुराओ के़ये़प्पा खे़न् यम्बा लुङ्ङिन् थिक् ले़प्माङ् इसुआङ् खे़न् सम्दाङ् युङ्सिङ्लो॥
Mark 1:13 in Limbu 13 खुने़ॽ खे़प्मो लिबोःङ्(४०) ये़न् थारिक् वये़ल्ले़ माफे़न्साम् सैतानिल्ले़ खुने़ॽ फे़न् याःम्बक् चोःक्पाङ्मा फाॽआङ् कुनिङ्वाॽ साॽरु॥ खे़प्मो खुने़ॽ ताम्भुङ्थक्साहाॽनु वये़, हे़क्क्याङ् माङ्लाइङ्बाहाॽरे़ खुने़ॽ कम्ब्राङ् मे़मे़त्तुरो॥
Mark 16:5 in Limbu 5 खे़ङ्हाॽ सिगाङ् मे़लाःस्से़ल्ले़ खे़प्मो फःदाङ्बा तेःत् के़जाङ्बा नालिङ्गे़न् थाङ्बे़न्धिक् चुप्साङ् ले़प्माङ् ये़बे़बा मे़निःसुआङ् खुनिॽ निङ्वाॽ मये़रो॥
Mark 16:19 in Limbu 19 हे़क्क्याङ् दाङ्बा ये़सुरे़ हे़क्के पाःत्तु सुरुआङ् खुने़ॽ थाःङ्धाःङ् साङ्ग्राम्पेदाङ् ले़प्माङ् थो पक्खे़र पेआङ् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Luke 2:10 in Limbu 10 कर माङ्लाइङ्बाल्ले़ खे़ङ्हाॽ मे़त्तुसि, “खिनिॽ मे़गिसे़म्मिन्ने़ॽओ! काक् मनाहाॽ साॽरिक् मे़सःत्ल फाॽआङ् इङ्गाॽ खिनिॽ लागि सुनाइङ् तारुङ्ङाङ् वाॽआरो॥
Luke 2:32 in Limbu 32 खुने़ॽ थिम्मे़न्दङ् सुवाङ्हाॽरे़ लागि ओःत्ति ओसेःन्गे़धाक्पा हे़क्क्याङ् खुने़ॽग के़रे़क् इस्राइलिहाॽरे़ खुनिॽ मिमिदिङ् पोःङ्लो॥”
Luke 22:43 in Limbu 43 ((हे़क्क्याङ् खे़प्मो माङ्लाइङ्बाधिक् साङ्ग्राम्पेदाङ्लाम् थाःम्सिङ्ङाङ् खुने़ॽ कुभाॽ पिरुरो॥
Luke 24:4 in Limbu 4 खे़ङ्हाॽ खे़प्मो खुनिॽ निङ्वाॽ मये़र मे़ये़बे़ल्ले़ खुन्छिॽ पेसाङ् मिक्किन्ने के़जे़म्बा फसुःत्क्याःप्पा तेःत् के़जाङ्बा ने़प्फु मनाहाॽ ये़बे़त्छिबा मे़निःसुसि॥
Luke 24:51 in Limbu 51 खे़ङ्हाॽ मुॽइसाम् थाःसु पिरुसिर पत्छे़ल्ले़ खुने़ॽ थाःङ्धाःङ् साङ्ग्राम्पेदाङ् ले़प्माङ् पक्खे़र पेरो॥
John 1:1 in Limbu 1 तोलिङ्सोमुओ इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए, निङ्वाॽफु पाःन्जाक्किन् वये़रो॥ निङ्वाॽफु पाःन्जाक्किन् निङ्वाॽफुमाङ्ङिन्नु वये़ हे़क्क्याङ् खुने़ॽग निङ्वाॽफुमाङ् वये़रो॥
John 1:14 in Limbu 14 निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिःसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाःबा थिक्लक् कुस्साःल्ले़न् हे़क्तङ्बा चोगे़रो॥
John 1:32 in Limbu 32 हे़क्क्याङ् युहुन्नाःल्ले़ याम्मो पाःत्तु, “इङ्गाॽ सेसेमाङ्ङिन् साङ्ग्राम्पेदाङ्ङोलाम् पुत्तुःक्के हे़क्के खुने़ॽओ चुक्ते़आङ् युङे़बा निःसुङ्लो
John 6:62 in Limbu 62 मे़न्छाम्साःन् तगि आत्ति वये़ खे़प्मोए याम्मो नुःङ् पेःक्पा खिनिॽ के़निःसुम्मिल्ले़ आक्खे के़बाःत्तुम्बे?
John 13:3 in Limbu 3 पानुदिङ् पाःल्ले़ खुने़ॽ काक् सम्दाङ् युक् पिरुआङ् वाॽ हे़क्क्याङ् खुने़ॽ निङ्वाॽफुमाङ्लाम्मे त्ये़बा नु खुने़ॽओए नुःङ्ल पत् के़लॽबान् ये़सुरे़ कुसिङ् निःत्तुआङ् वये़॥
John 15:26 in Limbu 26 आल्ल पानुदिङ् पाःलाम् कुभाॽ के़बिबा सेसेमाङ्ङिन् खिनिॽओ पाङ्घुङ्लो॥ खुने़ॽग पानुदिङ् पाःलाम्बा के़युःबा से़क्खाओ लाम्गे़लोःबा सेसेमाङ्लो, खुने़ॽए इङ्गाॽ आयाःम्बेओ तोःन्दि के़बिरिॽरो॥
John 16:8 in Limbu 8 खुने़ॽ युःआङ् इक्सादिङ् खाम्बेःक्मोबा मे़न्छाम्गे़न् याप्मिहाॽरे़ खुनिॽ लायोरे़ कुयाःम्बेओ, निङ्वाॽफुमाङ्ङिल्ले़ कुसाम्योनिमान् हे़क्क्याङ् कुघासे़न्निल्ले़ कुयाःम्बेओ पिर्बेःन् मे़इःत्तुबा पाःन्निन् ओसेःन्धाक्तुसिॽरो॥
John 16:28 in Limbu 28 इङ्गाॽ निङ्वाॽफुमाङ्लाम् इक्सादिङ् खाम्बेःक्मो त्याङ्बारो॥ आल्लोग इङ्गाॽ याम्मो इक्सादिङ् खाम्बेःक्मान् ले़रुङ्ङाङ् पानुदिङ् पाःल्लो नुःङ्ङा पेःक्कार पत्तारो॥”
John 17:5 in Limbu 5 पानुदिङ् आम्बे, इक्सादिङ् खाम्बेःक्माल्ले़ तोलिङ्सोमु पोःङ्मानुःल्ले़ तगिआङ्धो खे़ने़ॽनु वयाङ्ङिल्ले़ इङ्गाॽ कत्तुङ्बा मिमिदिङ्ङिल्ले़ खे़ने़ॽ के़दगि आमिङ्सो इङ्धाःङ् चोगे़ॽओ॥
John 20:12 in Limbu 12 फःगे़लॽबा तेःत् के़जाङ्बा ने़प्फु माङ्लाइङ्बाहाॽ ये़सुरे़ कुधक् मे़ने़स्सुआङ् ने़स्से़बा ते़न्नो थिक्किन् कुधे़गेःक् ले़प्माङ् नु वे़स्मान्कुलाङ् ले़प्माङ् युङे़त्छिबा निःसुसिरो॥
Acts 1:1 in Limbu 1 आमिःम् थियोफिलसे, इङ्गाॽ तगिबा आसाप्पन्नो ये़सुरे इङ्जाःङ् पिरुसिआङ् साङ्ग्राम्पेदाङ्ङो मे़न्देॽए थारिक् खुने़ॽ चोगुबा याःम्बक्हाॽ नु हुॽरुसिबा काक् पाःन्हाॽ साप्तुङ् पिने़आङ् पत्लो॥
Acts 1:19 in Limbu 19 हे़क्क्याङ् यरुसले़मबा मनाहाॽरे़ कन् पाःन्निन् निङ्वाॽ मे़घोःसुआङ् खे़न् प्याङ्सिगे़न् इक्ताप्पिन् “अक्केल्दामा” मिङ् मे़वाःत्तुरो॥ खे़न् फाॽइन् माक्खिॽ इक्ताप् पोःङ्लो॥)
Acts 2:32 in Limbu 32 बा कन् ये़सुःन् निङ्वाॽफुमाङ्ङिल्ले़ याम्मो कुहिङ्वे़त् चोगुबा पाःन्नो आनिगे़ के़रे़क् के़निःबा तोःन्दि वयिगे़रो॥
Acts 10:34 in Limbu 34 कन् खे़प्सुआङ् पत्रुसरे़ पाःप्मा हेःक्तु, “से़क्खाए निङ्वाॽफुमाङ्ङिल्ले़ मनाहाॽ मे़से़न्दुन्छिन्के़लॽबा पाःन्निन् आल्ल इङ्गाॽ नुःरिक्काङ् कुसिङ् निःत्तुङ्लो॥
Acts 13:46 in Limbu 46 कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोःङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोःमा सुम्बोधासाबा मे़म्बोःङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़ चोगुल्ले़ आल्ल आनिगे़ खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
Acts 14:27 in Limbu 27 खे़ङ्हाॽ एन्तिओक्को के़रे़त्छिआङ् खे़प्मोबा सेसेहुप्लक्कोबा नसानिबाहाॽ निङ्वाॽफुमाङ्ङिल्ले़ खुन्छिॽलाम् चोगुबा के़रे़क् याःम्बक्हाॽ हे़क्क्याङ् अक्खेलॽरिक् थिम्मे़न्दङ् सुवाङ्हाॽरे़आङ् से़न्लप् खोःमा मे़सुक्तुर फाॽआङ् निङ्वाॽफुमाङ्ङिल्ले़ लाम्धेःप्पे़न्हन्दुबा पाःन्निन् चे़क्खे़त्छुरो॥
Acts 20:28 in Limbu 28 हे़क्केःल्ले़ के़रे़क् लाम्लोःबाहाॽरे़ खिनिॽ लक्पे़न्नो के़वाॽबा मनाहाॽ नुःरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
Romans 1:3 in Limbu 3 कन् सुनाइङ्ङिङ्ग निङ्वाॽफुसाः ये़सुरे़ कुयाःम्बेओरो॥ खुने़ॽग दाउद हाङ्ङिल्ले़ कुमुॽइदाङ्सालाम्बा मे़न्छाम् याप्मि पोःक्खे़,
Romans 8:3 in Limbu 3 लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्साःन् मे़न्छाम् याप्मिहाॽरे़ मे़जोगुबा लायोःल्ले़ लागि सिदुङ्जभा पोःङ्से़ लायोबा मना कुइसिःक्पा नासिङ्गे़न् थक्को पाङ्घु युःसुआङ् नासिङ्गे़न् कुधक्किल्ले़ आनिॽ लायोःन् मे़क्खुरो॥
Romans 9:5 in Limbu 5 कुमिङ् के़से़बा अब्राहाम, इसहाक नु याकुबे़न् खे़ङ्हाॽरे़ आबाङे खुनिॽ ताक्थे़बासिरो, हे़क्क्याङ् ये़सु ख्रिस्ते़न्मे़न्छाम्गे़न् थक्को खुनिॽ सुवाङ्ङोए सावाःन्छिङ्लो॥ खुने़ॽए के़रे़क् सम्दाङ् हाङ् के़जोःक्पा निङ्वाॽफुमाङ्लो॥ सदादिङ् कुनारा मे़भोःसुररो! आमे़न्॥
Romans 10:12 in Limbu 12 यहुदि नु थिम्मे़न्दङ् सुवाङ् लुम्मो थेआङ् ये़मे़न्दङ् पाःन् होःप्लो–लत्छा दाङ्बान्ने के़रे़क्ले़ खुनिॽ दाङ्बारो, हे़क्क्याङ् खुने़ॽ कुमिङ् के़लोःङ्बा के़रे़क् यरिक् मुॽइसाम् पिरुसिॽरो॥
Romans 10:18 in Limbu 18 कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़ःरे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़ःरे़आङ् वाॽ लॽरिक् साम्योसाप्लाओ साप्ते़आङ् पत्लो॥
Romans 16:25 in Limbu 25 इङ्गाॽ इङ्भोःसुङ्बा सुनाइङ्ङिन् नु ये़सु ख्रिस्तरे़ कुयाःम्बेओबा इङ्घङ्लाम् निङ्वाॽफुमाङ्ङिल्ले़ खिनिॽ याम्साम्मो के़धुम्बा चोःक्मा के़सुक्तिॽरो॥ कन् इङ्घङ्ङिङ्ग तोलिङ्सोमुआङ्धोए चिक्खे़आङ् वये़, कर आल्लो ओसेःन्दाङ् पोःक्खे़आङ् वाॽरो॥
1 Corinthians 2:7 in Limbu 7 कर आनिगे़ग निङ्वाॽफुमाङ्ङिल्ले़ चिक्खुआङ्वये़बा कुसिबिॽ सिक्कुम् निङ्वाॽइन्ने पाःत्तुम्बे़रो॥ खे़ङ्ग इक्सादिङ् खाम्बेःक्माल्ले़ कुहेःक्सिङ्मानुःल्ले़ तगिए आनिॽ मिमिदिङ् पोःङ्ल फाॽआङ् निःन्धो चोगुआङ् वये़रो॥
1 Corinthians 15:47 in Limbu 47 थिक्सिगेःक्पा मनाःङ्ग खाम्बेःक्मोबा खाम्लाम्बा चोगे़आङ् वये़, कर निसिगेःक्स्मा मनाःङ्ग साङ्ग्राम्पेदाङ्लाम्बाबारो॥
Galatians 2:8 in Limbu 8 थेआङ्भे़ल्ले़ पत्रुसे़रे़ सेःक्युक्मिबा कुयाःम्बक्लाम् यहुदिहाॽओ निङ्वाॽफुमाङ्ङिल्ले़ याःम्बक् चोगुबा कुइसिःक् इङ्गाॽ सेःक्युक्मिबा आयाःम्बक्लाम्माङ् थिम्मे़न्दङ् सुवाङ्हाॽओ याःम्बक् चोगुरो॥
Galatians 4:4 in Limbu 4 कर निङ्वाॽफुमाङ्ङिल्ले़ युक्तिङ् चोगुबा ये़म्मिन् के़रे़ल्ले़ आबुगे़न् कुस्साःन् पाङ्घु युःसुरो॥ खुने़ॽ सिसादिङ् मे़न्छुमाॽओलाम् साम्योथिम्मिल्ले़ कुयुक्को सावाःन्छिङ्ङाङ् वये़रो॥
Ephesians 1:9 in Limbu 9 काक् सिक्कुम् निङ्वाॽ नु खासिङ् निःप्माल्ले़ निङ्वाॽफुमाङ्ङिल्ले़ ख्रिस्तलाम्बा चोःक्मा निङ्वाॽ इःत्तुबा सिबिॽ पाःन्निन् कुसिराॽ थाङे़र कुसिङ्निःप्मा आबाङ्घे़आङ् वाॽ॥
Ephesians 3:3 in Limbu 3 कङ्ग निङ्वाॽफुमाङ्ङिल्ले़ ओसेःन्धाक्ताङ्बा कुनिङ्वाॽ सिगाङ्बा पाःन्लो॥ कल्ले़ कुयाःम्बेओ इङ्गाॽ तगिसा मिसाक् साप्तुङ्ङाङ् वाॽरो॥
Ephesians 4:8 in Limbu 8 खे़ल्ले़ चोगुल्ले़ साम्योसाप्लाओ अक्खे साप्ते़आङ् पत्, “खुने़ॽ थाःङ् पेःल्ले़ नाःन्दुसिबाहाॽ खुने़ॽनु तेॽरुसि, हे़क्क्याङ् कुमनाहाॽ पर्धाःम्हाॽ पिरुसि॥”
Ephesians 6:19 in Limbu 19 इङ्गाॽ सुनाइङ् से़ःसुङ्ङिल्ले़ पाःप्मा के़बोःङ्बा पाःन्जाक्किन् खोःसुङ्ल हे़क्क्याङ् मे़ङ्गिए सुनाइङ्ङिल्ले़न्सिबिॽ पाःन्हाॽ इङ्भोःमा सुक्तुङ्ल फाॽआङ् इङ्गाॽ आलागिआङ् तुवा आजोगे़ॽ आबिरे़ॽओ॥
Philippians 2:6 in Limbu 6 ख्रिस्ते़न्से़क्खाए निङ्वाॽफुमाङ् वये़, हे़क्केसाङ् निङ्वाॽफुमाङ्ङिन्नु कुदङ्बा पोःङ्माआङ् वाॽमा निङ्वाॽ मे़जोगुन्लो॥
Colossians 1:6 in Limbu 6 खिनिॽ सुनाइङ्ङिन् के़घे़प्सुम् हे़क्क्याङ् निङ्वाॽफुमाङ्ङिल्ले़ कुलुङ्गुम्मिन् काक् से़क्खाओ कुसिङ्के़निःत्तुम्बा ये़न्नाङ्धो खिनिॽ लुम्मो पोःङ्ल पप्पा हे़क्केए काक् इक्सादिङ् खाम्बेःक्मो आत्तिसाङ् मनालुम्मो सुनाइङ्ङिल्ले़ मुॽइसाम् तारुर पोःर पत्लो॥
Colossians 1:16 in Limbu 16 ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
Colossians 1:27 in Limbu 27 निङ्वाॽफुमाङ्ङिल्ले़ कुमनाहाॽ कुमिमिदिङ्गे़न् इमे़ल्लुङ्बा सिबिॽ पाःन्निन् थिम्मे़न्दङ् सुवाङ्हाॽ ओसेःन्दाङ् चोःक्मा खुने़ॽ कुसिराॽ थाङे़आङ् वाॽरो॥ ख्रिस्ते़न्खिनिॽओ वाॽबान्ने सिबिॽ पाःन्लो, खे़ल्ले़ चोगुल्ले़ के़दाःबा कुमिमिदिङ्गे़न् लक्किन् खिनिॽ के़घोःसुम्लो॥
Colossians 2:2 in Limbu 2 खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्धो इःत्छिङ्साम् के़घोःसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ्के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
2 Thessalonians 1:10 in Limbu 10 खुने़ॽ कुनुःङ्मा युःमा ये़न्नो आबाङे सेसे कुमनाहाॽ नु खुने़ॽ नसाःन् के़जोःक्पाहाॽओलाम् मिमिदिङ् ने़म्भोःमा ताःक्तुरो॥ खे़प्मोग खिनिॽआङ् के़वयिॽरो, थेआङ्भे़ल्ले़ खिनिॽ इङ्भन् चोःक्कासिगे़बा सुनाइङ्ङिन्नसाःन् के़जोगुम्लो॥
2 Thessalonians 2:7 in Limbu 7 तगिनुए लायोःल्ले़ सिगाङ्गे़न् मुक्साम्मिन्याःम्बक् चोःक्नु याक्, कर निङ्वाॽफुमाङ्ङिल्ले़ खे़न् लाम् के़साक्पे़न् कुलाम्मोलाम् मे़ङ्घे़त्ते थारिक् खे़ल्ले़ कुयाःम्बक्किन् लाःक्कात् मे़धाःप्ने़न्लो॥
1 Timothy 3:9 in Limbu 9 खे़ङ्हाॽग सेसे खासिङ्ङिल्ले़ आनिॽ नसाःन् सिगाङ्बा पाःन्निन् नुःरिक्काङ् के़गप्पा पोःङ्मा पोःङ्लो॥
Hebrews 1:3 in Limbu 3 कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्साःन् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोःङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Hebrews 2:9 in Limbu 9 कर आनिॽ ये़सुःन् आनिःसुम्लो॥ खुने़ॽग माङ्लाइङ्बाहाॽनुःल्ले़आङ्च्यॽरक् योयोक् वये़, आल्लग खुने़ॽ सिःमे़न्नो तुक्खे च्ये़बाल्ले़ चोगुल्ले़ निङ्वाॽफुमाङ्ङिल्ले़ मिमिदिङ् नु मिङ्सो इङ्धाःङ्ङिल्ले़न्तिचःन् खुःक्तुआङ् वाॽ॥ हे़क्केलॽरिक् निङ्वाॽफुमाङ्ङिल्ले़ कुलुङ्गुम्लाम् खुने़ॽ काक् मे़न्छाम् याप्मिरे़ लागि सिःमे़न् साॽरुरो॥
Hebrews 7:7 in Limbu 7 आल्ल चुक्पा मनाःल्ले़ यम्बालाम् मुॽइसाम् खोःसुॽ के़लॽबा पाःन्निन् आत्तिल्ले़आङ् मे़अत्तुन्लो॥
Hebrews 8:1 in Limbu 1 आनिगे़ पाःत्तुम्बे़बा पाःन्निन् बा कन्लो–आनिॽनु अक्तङ्बा मानिङ्वाॽफुसाम्बान् वाॽ हे़क्क्याङ् खुने़ॽग साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ् ले़प्माङ् युङ्लो॥
Hebrews 12:2 in Limbu 2 आनिॽ नसाःन्निन् के़हेःक्पा नु कुलिङ्धो के़गे़प्पा ये़सुःन् ओमे़त्तुम्लो॥ ताःन्दि के़दाःबा ओमु लॽमाल्ले़ लागि सिलाम्साक्मा सिङ्सम्दाङ्बा इनोगे़न् तुक्खेःन् नु नाधामान् खुने़ॽ थेआङ् मे़न्इःत्ते थरुआङ् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ्ले़प्माङ् युङ्सिङ्लो॥
1 Peter 1:12 in Limbu 12 खुनिॽ माङ्सेवाःन् आबाङे खे़ङ्हाॽरे़ लागि मे़ःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोःसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
1 Peter 1:20 in Limbu 20 खुने़ॽग इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए सेगे़बारो, कर खिनिॽलागि कन् कुनुप्मा ये़म्मो खुने़ॽ ओसेःन्दाङ् पोःक्खे़आङ् वाॽरो॥
1 Peter 3:18 in Limbu 18 थेआङ्भे़ल्ले़ ख्रिस्तरे़आङ् निङ्वाॽफुमाङ्ङो ताःत्छे़ आनिॽ लायोहाॽ सदादिङ् ले़प्मि पिमा फाॽआङ् थिक्ले़ङ् स्ये़रो॥ साम्योनिबा ख्रिस्ते़न्लायोबारे़ कुले़क्वा स्ये़रो॥ खुने़ॽ नासिङ्गे़न् थक्को स्ये़, कर सेसेमाङ्ङोलाम् याम्मो हिङे़रो॥
1 Peter 3:22 in Limbu 22 आल्ल ये़सु ख्रिस्ते़न्साङ्ग्राम्पेदाङ्ङो पेआङ् निङ्वाॽफुमाङ्ङिल्ले़ कुजुप्साङ् ले़प्माङ् युङ्, हे़क्क्याङ् माङ्लाइङ्बाहाॽ, युक्साबाहाॽ नु मुक्साम्हाॽ कुयुक्को कत्तुसिरो॥
1 John 1:2 in Limbu 2 खे़न् हिङ्मन्निन् थाःम्सिङ्, हे़क्क्याङ् आनिगे़ निःमनाआङ् खे़ल्ले़न् साःक्खि पिमनारो॥ खुने़ॽए मे़न्नुप्मनाबा हिङ्मन्लो फाॽआङ् खिनिॽ मे़त्तासिगे़ॽरो॥ खुने़ॽग पानुदिङ् पाः निङ्वाॽफुमाङ्ङिन्नु वये़, हे़क्क्याङ् आनिगे़ओ थाःम्सिङ्लो॥
1 John 3:5 in Limbu 5 आनिॽ लायोःन् खे़प्मारे़ लागि ख्रिस्ते़न्ये़बाङ्ग खिनिॽ कुसिङ् के़निःत्तुम्लो॥ हे़क्क्याङ् खुने़ॽओ लायो होःप्लो॥
1 John 5:6 in Limbu 6 ये़सु ख्रिस्ते़न्ये़आङ् च्वाःत्तो बप्तिस्मा पोःक्खे़आङ् सिलाम्साक्मा सिङ्ङो कुमाक्खिॽइन् वादेःन्दु॥ खुने़ॽग च्वाःत्लाम्रक्मे़ये़ने़न् कर च्वाःत् नु माक्खिॽ ने़प्माङ्लाम् ये़रो॥ हे़क्क्याङ् सेसेमाङ्ङिल्ले़ कन् पाःन्निन् से़क्खाएरो फाॽआङ् आबाङे तोःन्दि पिरुॽ, थेआङ्भे़ल्ले़ सेसेमाङ्ङिन्ने से़क्खा चोःक्लो॥
Revelation 1:17 in Limbu 17 हे़क्क्याङ् खुने़ॽ निःसुङ्ङाङ् इङ्गाॽग सिःमालिङ्धोओ के़राङ्ङाङ् कुलाङ्जक्पो हर्गुप्सा चोःन्दाङ्लो॥ खुने़ॽ कुजुप्साङ् हुक्किन् आसम्दाङ् ने़स्सुआङ् अक्खे मे़त्ताङ्लो, “मे़गिसे़न्ने़ॽओ इङ्गाॽ तोलिङ्सोमु नु कुनुप्माआरो॥
Revelation 7:9 in Limbu 9 कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नाःन् नु मे़ल्लुक्साःल्ले़ कुदगि कब्रिङ् मे़ये़बे़बा निःसुङ्सिङ्॥ खे़ङ्हाॽरे़ फःदाङ्बा तेःत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराःक्हाॽ मे़बक्खुआङ् मे़ये़बे़॥
Revelation 17:5 in Limbu 5 हे़क्क्याङ् खे़ल्ले़ कुदोॽवाबोग कुबे कुसिङ् निःप्मे़न्दे़प्मनाबा मिङ्धिक् साप्ते़आङ् पत्छे़रो– “पयम् यम्बा ये़क्यक् बे़बिलोन, के़त्निमाहाॽरे़ खुनिॽ मा, इक्सादिङ् खाम्बेःक्मोबा सिक्के़ले़ःङ्बा याःम्बक् के़जोःक्पाहाॽरे़ खुनिॽ मारो॥”
Revelation 17:7 in Limbu 7 कर खे़न् माङ्लाइङ्बाल्ले़ अक्खे मे़त्ताङ्, “थेआङ् के़निङ्वाॽ माःबाबे? खे़न् मे़न्छुमाॽइन् नु नुसि कुधे़गेःक् के़बप्पा हे़क्क्याङ् थिबोःङ् कुदाङ् के़युङ्बा थक्साःल्ले़ कुयाःम्बेओबा सिबिॽ पाःन्निन् इङ्गाॽ मे़त्ने़ॽरो॥