1 Thessalonians 5:23 in Limbu 23 आल्ल याप्मि सनारुङ् के़बिबा निङ्वाॽफुमाङ्ङिल्ले़ खिनिॽ सेसे के़जोगिररो॥ हे़क्क्याङ् खुने़ॽए आनिॽ दाङ्बा ये़सु ख्रिस्तरे़ कुयुःमा ये़न् थारिक् खिनिॽ के़रे़क् हिङ्मन्निन्–याम्साम्, सक्मासाम्, हे़क्क्याङ् नासिङ्गे़न् थक्किन्–फोत्या मे़ःन्ने सेसे कत्तुनिरो॥
Other Translations King James Version (KJV) And the very God of peace sanctify you wholly; and I pray God your whole spirit and soul and body be preserved blameless unto the coming of our Lord Jesus Christ.
American Standard Version (ASV) And the God of peace himself sanctify you wholly; and may your spirit and soul and body be preserved entire, without blame at the coming of our Lord Jesus Christ.
Bible in Basic English (BBE) And may the God of peace himself make you holy in every way; and may your spirit and soul and body be free from all sin at the coming of our Lord Jesus Christ.
Darby English Bible (DBY) Now the God of peace himself sanctify you wholly: and your whole spirit, and soul, and body be preserved blameless at the coming of our Lord Jesus Christ.
World English Bible (WEB) May the God of peace himself sanctify you completely. May your whole spirit, soul, and body be preserved blameless at the coming of our Lord Jesus Christ.
Young's Literal Translation (YLT) and the God of the peace Himself sanctify you wholly, and may your whole spirit, and soul, and body, be preserved unblameably in the presence of our Lord Jesus Christ;
Cross Reference Luke 1:46 in Limbu 46 हे़क्क्याङ् मरियमरे़ पाःत्तु, “इङ्गाॽ आसिक्लुङ्मोलाम्मे दाङ्बाल्ले़ कुनारा फोःसुङ्लो,
John 17:19 in Limbu 19 खे़ङ्हाॽ से़क्खाए सेसे साङ्साङ् मे़बोःङ्ल फाॽआङ् इङ्गाॽ खे़ङ्हाॽरे़ खुनिॽ लागि सेसे साङ्साङ् चोःक्सिङ्ङारो॥
Acts 20:32 in Limbu 32 आल्ल निङ्वाॽफुमाङ् नु लुङ्गुम्गे़न् कुबाःन्जाक्ले़न् कम्ब्राङ्ङो इङ्गाॽ हुक्सुप्निङ्लो॥ चक्मे़ल्लॽए खुने़ॽ नसाःन् चोगे़म्मे़ॽ, खुने़ॽ कुलुङ्गुम्मो ताङ्गे़से़ःप्तिॽ लॽरिक् मे़त्निङ्लो॥ खे़ल्ले़ खिनिॽ के़धुम्बा चोःक्मा नु सेसे के़बोःङ्बा कुमनाहाॽनु युक् खोःमान् पिमा के़सुक्तिॽरो॥
Romans 15:5 in Limbu 5 आल्ल नासि थःप्मा के़बाङ्बा नु हाङ्हाङ् याप्मि के़मे़प्पा निङ्वाॽफुमाङ्ङिल्ले़ ख्रिस्त ये़सुःन् वये़बा कुबि कुइसिःक् के़बोःक्खिल्ले़ खिनिॽ लुम्मो थिक्हुप् पोःङ्माआङ् वाॽमा के़बाङ्घिररो॥
Romans 15:13 in Limbu 13 खिनिॽ नसाःन्निल्ले़ चोगुल्ले़ निङ्साङ् के़बिबा निङ्वाॽफुमाङ्ङिल्ले़ साॽरिक् के़सःप्पा के़जोगिर हे़क्क्याङ् सनारुङ् के़बिरिर फाॽआङ् तुवा चोःक्का, हे़क्केलॽरिक् सेसेमाङ्ङिल्ले़ कुमुक्साम्लाम् यरिक् निङ्साङ् के़गप्पा के़जोगिररो॥
Romans 15:33 in Limbu 33 सनारुङ् के़बिबा निङ्वाॽफुमाङ्ङिन् खिनिॽ के़रे़क्नु वाॽररो॥ आमे़न्॥
Romans 16:20 in Limbu 20 सनारुङ् याप्मि के़बिबा निङ्वाॽफुमाङ्ङिल्ले़ हाराए माफे़न्साम्मिन् खिनिॽ लाङ्भो सिगाङ् थाःसुआङ् तोॽरुॽरो॥ आल्ल आनिॽ दाङ्बा ये़सु ख्रिस्तरे़ कुलुङ्गुम्मिन् खिनिॽनु वाॽर॥
1 Corinthians 1:2 in Limbu 2 कन् सक्इङ्घङ्ङिङ् कोरन्थि ये़क्यक्को के़ने़बा निङ्वाॽफुमाङ्ङिल्ले़ कुसेसेहुप्लक्कोबा सेसे कुमनाहाॽ हाक्कासिगे़रो॥ खुने़ॽ ख्रिस्त ये़सुलाम् के़रे़क् पिसाङ् आनिॽ दाङ्बा ये़सु ख्रिस्तरे़ कुमिङ् के़लोःङ्बाहाॽ सेसे चोगुसिबा हे़क्केए खिनिॽ सेसे के़जोगिबारो॥ ख्रिस्ते़ङ्ग खे़ङ्हाॽरे़न् नु आनिॽ दाङ्बारो॥
1 Corinthians 1:8 in Limbu 8 खुने़ॽए कुनुप्मो थारिक् नसाःन्नो थधप् मे़ल्लॽए के़गत्तिॽ, हे़क्केःल्ले़ आनिॽ दाङ्बा ये़सु ख्रिस्ते़ल्ले़ कुनुःङ्मा युःमा ये़न्नो आत्तिल्ले़आङ् खिनिॽ पाःन्धिक्मा के़न्छुक्तिन्लो॥
1 Corinthians 14:33 in Limbu 33 थेआङ्भे़ल्ले़ निङ्वाॽफुमाङ्ङिङ्ग ये़मे़न्दङ्मे़ःन्, कर सनारुङ्ले़न् निङ्वाॽफुमाङ्लो॥ के़रे़क् सेसे मनाहाॽरे़ के़रे़क् खुनिॽ सेसेहुप्लक्कोबा चोःक्थिम् कुइसिःक्
2 Corinthians 5:19 in Limbu 19 खे़न् फाॽइङ्ग निङ्वाॽफुमाङ्ङिल्ले़ काक् मनाहाॽ ख्रिस्तलाम् खुने़ॽओ तारुसिॽ॥ मनाहाॽ खुनिॽ लायोःल्ले़न् आप्तिक् मे़गुःत्तुन्छिन्लो, हे़क्क्याङ् वेॽहाॽ खुने़ॽओ ताःप्मासि सुनाइङ् आबिरे़आङ् वाॽरो॥
Ephesians 5:26 in Limbu 26 ख्रिस्तरे़ सेसेहुप्लक्किन् सेसे चोःक्से़ च्वाःत्तिल्ले़ वाहप्तुआङ् कुबाःन्जाक्किल्ले़ सेसेसाङ्साङ् चोगुरो॥
Philippians 1:6 in Limbu 6 निङ्वाॽफुमाङ्ङिल्ले़ खिनिॽओ नुःबा याःम्बक् हेःक्तुआङ् वाॽ, हे़क्क्याङ् खुने़ॽए ख्रिस्त ये़सुरे़ याम्मो कुनुःङ्मा युःमा ये़न् थारिक्ले़ खे़न् याःम्बक्किन् चोगु सुरुॽ के़लॽबा पाःन्नो निङ्वाॽ निःन्धोओ वाॽआरो॥
Philippians 1:10 in Limbu 10 हे़क्केलॽरिक् साॽरिक् नुःबा पाःन्हाॽ सेःक्मा हे़क्क्याङ् ख्रिस्तरे़ कुनुःङ्मा युःमा ये़न् थारिक् सेसे नु फोत्या मे़ःन्ने वाॽमा के़सुक्तुम्ल,
Philippians 2:15 in Limbu 15 हे़क्क्याङ् खिनिॽग सेसे नु फोत्या मे़ःन्नेबा निङ्वाॽफुमाङ्ङिल्ले़ कुस्साः के़बोःक्खिॽ, हे़क्क्याङ् कन् इक्साबा ताक्के़भे़ॽबा नु लायोबा मनाहाॽनु के़वयिल्ले़ खामाक्लुम्मो के़ओःप्पा ओःत्तिहाॽ कुइसिःक् खे़ङ्हाॽ लुम्मो के़ओःत्तिॽरो॥
Philippians 4:9 in Limbu 9 इङ्गाॽलाम् के़हुॽआसिबा, के़घोःसुम्बा, के़घे़प्सुम्बा, हे़क्क्याङ् इङ्गाॽओ के़निःसुम्बा पाःन्हाॽ कुइसिःक् चोगे़म्मे़ॽओ॥ हे़क्केलॽरिक् सनारुङ् के़बिबा निङ्वाॽफुमाङ्ङिन् खिनिॽनु वाॽरो॥
Colossians 1:22 in Limbu 22 कर आल्लोग निङ्वाॽफुमाङ्ङिल्ले़ आबाङे कुदगि सेसेसाङ्साङ् नु आप्तिक्मे़ःन्नेबा चोःक्मासि फाॽआङ् ये़सु ख्रिस्तरे़ कुसिलाम्साक्मा सिङ्सम्दाङ्बा कुसिःमे़न्लाम्बा नादङ्ङो के़दाःरिआङ् वाॽरो॥
1 Thessalonians 2:19 in Limbu 19 आल्ल खिनिॽग आनिॽ दाङ्बा ये़सुःन् नुःङ् युःल्ले़ खुने़ॽ कुदगि आनिगे़ निङ्साङ् नु सःप्मान् खिनिॽनिङ्लो॥ हे़क्क्याङ् आनिगे़ सिक् सम्गे़न् तिचः कुइसिःक् हाङ्हाङ्गे़न् थुम्घोःन्खिनिॽ मे़ःन्निङ्बि?
1 Thessalonians 3:13 in Limbu 13 खिनिॽ निङ्वाॽबान् हाङ्हाङ् मे़त्तुनिरो, अक्खेलॽरिक् आनिॽ दाङ्बा ये़सुःन् काक् सेसे कुमनाहाॽनु याम्मो युःल्ले़ आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ सेसे नु फोत्या मे़ःन्ने के़जोगिररो॥
1 Thessalonians 4:3 in Limbu 3 खिनिॽ सेसे के़वयिनि के़लॽबा निङ्वाॽफुमाङ्ङिल्ले़ कुनिङ्वाॽ वाॽरो॥ खे़ल्ले़ चोगुल्ले़ खिनिॽ काक् वेॽ मे़न्छुमाॽ ये़म्बित्छाॽ चाराम्मोलाम् के़बोःङ्बा चिःन्जिःम्बाओनु लाःत्लाःत् वये़म्मे़ॽओ॥
2 Thessalonians 3:16 in Limbu 16 आल्ल सनारुङ् दाङ्बाल्ले़ काक् परिक्लाम् चक्मे़ल्लॽए सनारुङ् के़बिरिर॥ दाङ्बाङ्ग खिनिॽ के़रे़क्नु वाॽररो॥
Hebrews 2:11 in Limbu 11 मनाहाॽ लायोलाम् सेसे के़जोःक्पा ये़सुःन् नु सेसे के़बोःङ्बाहाॽग लत्थिक् हिम्सयङ्सिरो, खे़ल्ले़ चोगुल्ले़ खे़ङ्हाॽ आन्साॽसि मे़प्मासि खुने़ॽ मे़नुःन्ने़न्लो॥
Hebrews 4:12 in Limbu 12 निङ्वाॽफु पाःन्जाक्किङ्ग कुहिङ्वे़त् नु चोःक्साम्बा चोःक्लो॥ खे़ङ्ग ने़प्जाङ् ले़प्माङ् कुया के़बप्पा खागे़सुक्पा ताभेःन्नुःल्ले़आङ् खागे़सुक्पा चोःक्लो॥ खे़ल्ले़ सक्मासाम्मिन्नु याम्साम्मिन् से़न्दुॽ हे़क्क्याङ् ये़प्पाल्ले़ कुदुम्बे़ॽ नु कुसिःन् लस्सुआङ् से़न्दुॽ॥ आनिॽ निङ्वाॽसुम्मिन् नु निङ्वाॽ इःप्मान् से़म्मा सुक्तुॽरो॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
1 Peter 1:2 in Limbu 2 निङ्वाॽफुपाःल्ले़ तगिसा कुसिङ्के़निःत्तिबा कुइसिःक् कुमना पोःङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाःङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
2 Peter 3:14 in Limbu 14 खे़ल्ले़ चोगुल्ले़ आमिःम् आन्जुम्से, कन् पाःन्हाॽ निङ्साङ् के़जोगुम्माङ् के़हाङ्घुम्बाल्ले़ चोगुल्ले़ सुत्थो नु सेसेबा हिङ्मन्नो हे़क्क्याङ् निङ्वाॽफुमाङ्ङिन्नु सनारुङ्ङो वाॽमा खिनिॽ सुक्सुक् निङ्वाॽ चोगे़म्मे़ॽओ॥
Jude 1:1 in Limbu 1 ये़सु ख्रिस्तरे़ कुसेवारोबा नु याकुबरे़ कुन्साॽ इङ्गाॽ यहुदालाम्, पानुदिङ् पाः निङ्वाॽफुमाङ्ङिल्ले़ उःत्तुसिबा, लुङ्माॽ तुक्तुसिबा नु ये़सु ख्रिस्तलाम्बा कम्ब्राङ् मे़त्तुसिबाहाॽ, कन् सक्इङ्घङ्ङिन् हाक्निङ्लो॥
Jude 1:24 in Limbu 24 आल्ल निङ्वाॽफुमाङ्ङिल्ले़ए लायोओ थाःमालाम् खिनिॽ से़ःप्मा के़सुक्तिॽ, हे़क्क्याङ् खुने़ॽए कुमिमिदिङ्ङिल्ले़ कुदगि लायो मे़ःन्ने पयम् सःप्मान्नु ताःप्मा के़सुक्तिॽरो॥