1 Thessalonians 4:17 in Limbu 17 हे़क्क्याङ् आनिॽ इक्साओ कुहिङ्वे़त् के़वाॽबाहाॽआङ् दाङ्बाल्ले़ कुदुम्से़ ताङ्साक्पाओ थाःङ् आबङ् आदेॽआङ् खे़ङ्हाॽनु सोरिक् आभुङ्लो॥ हे़क्केलॽरिक् सदादिङ् दाङ्बान्नु आवाॽरो॥
Other Translations King James Version (KJV) Then we which are alive and remain shall be caught up together with them in the clouds, to meet the Lord in the air: and so shall we ever be with the Lord.
American Standard Version (ASV) then we that are alive, that are left, shall together with them be caught up in the clouds, to meet the Lord in the air: and so shall we ever be with the Lord.
Bible in Basic English (BBE) Then we who are still living will be taken up together with them into the clouds to see the Lord in the air: and so will we be for ever with the Lord.
Darby English Bible (DBY) then *we*, the living who remain, shall be caught up together with them in [the] clouds, to meet the Lord in [the] air; and thus we shall be always with [the] Lord.
World English Bible (WEB) then we who are alive, who are left, will be caught up together with them in the clouds, to meet the Lord in the air. So we will be with the Lord forever.
Young's Literal Translation (YLT) then we who are living, who are remaining over, together with them shall be caught away in clouds to meet the Lord in air, and so always with the Lord we shall be;
Cross Reference Matthew 26:64 in Limbu 64 हे़क्केःल्ले़ ये़सुरे़ नोगप् पिरु, “ओरो, खे़ने़ॽ आबाङे हे़क्के के़बाःत्तुॽरो॥ कर इङ्गाॽ मे़त्निङ्, ताःन्दि इङ्गाॽ मे़न्छाम्साःन् मुक्साम्दाङ्बा निङ्वाॽफुमाङ्ङिल्ले़ कुजुप्साङ् ले़प्माङ् युङ्ङाॽबा नु साङ्ग्राम्पेदाङ्ङोनु खाप्मिःत्तो युःआबा के़निःसुम्लो॥”
Mark 14:62 in Limbu 62 ये़सुरे़ खे़ङ्हाॽ मे़त्तुसि, “ओरो, इङ्गाॽआरो! कर इङ्गाॽ मे़त्निङ्, इङ्गाॽ मे़न्छाम्साःन् मुक्साम्दाङ्बा निङ्वाॽफुमाङ्ङिल्ले़ कुजुप्साङ् ले़प्माङ् युङ्ङाबा नु साङ्ग्राम्पेदाङ्ङोनु खाप्मिःत्तो युःआबा के़निःसुम्लो॥”
John 12:26 in Limbu 26 आत्तिल्ले़ इङ्गाॽ सेवा चोःक्का खे़ल्ले़ इङ्गाॽ तिम्माए पोःङ्, हे़क्केःल्ले़ इङ्गाॽ आत्तो वाॽआ, इङ्गाॽ आसेवारोबान्नाङ् खे़प्मोए वाॽरो॥ आत्तिल्ले़ सेवा चोःक्का खे़ङ्ग पानुदिङ् आम्बारे़ मिङ्सो इङ्धाःङ् पिरुरो॥”
John 14:3 in Limbu 3 हे़क्क्याङ् इङ्गाॽ पेःक्काआङ् खिनिॽ लागि युङ्दे़न् यारिप् चोगुङ्ङाङ् याम्मो युःआ हे़क्क्याङ् खिनिॽआङ् तेॽनिङ्लो॥ हे़क्केलॽरिक् इङ्गाॽ आत्ति वाॽआ खे़प्मो खिनिॽआङ् के़वयिॽरो॥
John 17:24 in Limbu 24 पानुदिङ् आम्बे, इङ्गाॽ के़बिराङ्बाहाॽ इङ्गाॽनुए सोरिक् मे़वाॽर के़लॽबा निङ्वाॽ चोगुङ्लो॥ हे़क्केलॽरिक् खे़ङ्हाॽरे़ इङ्गाॽ के़बिराङ्बा मिमिदिङ्ङिन् मे़निःसुॽरो॥ खे़ने़ॽ इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए इङ्गाॽ लुङ्माॽ के़दुक्ताङ्बाल्ले़ चोगुल्ले़ खे़न् मिमिदिङ्ङिन् के़बिराङ्लो॥
Acts 1:9 in Limbu 9 ये़सुरे़ हे़क्के पाःत्तु सुरुआङ् खुने़ॽ ओमे़मे़त्तुर मे़बत्छे़ल्ले़ए थाःङ्धाःङ् साङ्ग्राम्पेदाङ् ले़प्माङ् पक्खे़र खाप्मिःत्तिल्ले़ इःप्तु तेॽरुरो॥
Acts 8:39 in Limbu 39 खे़ङ्हाॽ यो च्वाःत्तोलाम् लःन्दे़ थाङे़त्छिर पत्छे़त्छिल्ले़ दाङ्बाल्ले़ कुसेसेमाङ्ङिल्ले़ खिमो फिलिप्पे़न् पक्खु तेॽरुआङ् आजोत्तोस मे़प्मनाबा ते़न्नो के़त्तुरो॥ खे़प्मो खुने़ॽ सिजरिया मे़ङ्गे़त्ते थारिक् लाम्मो के़ने़बा पाङ्जुम्हाॽओ सुनाइङ् इङ्भोःसुर पेरो॥ से़भक्पे़ल्ले़ खुने़ॽ याम्मो मे़निःसुन्, कर खे़न् सःत्ते़र कुलाम्दिःक्को पेरो॥
1 Corinthians 15:52 in Limbu 52 सप्फारे़सा, मिक्चिराप्पोसा, थुत्थुरिःप्पाल्ले़ कुनुप्पोबा इक्लाओ आले़क्सिङ्लो॥ थेआङ्भे़ल्ले़ खे़न् ये़म्मो थुत्थुरिःप्पे़न्मुक् हे़क्क्याङ् के़सिःबा के़बेःक्पाहाॽ मे़म्मे़क्मनाबा मे़बोःङ्ङाङ् मे़हिङ्लो, हे़क्क्याङ् आनिॽ के़रे़क् आले़ङ्सिङ्आबेःक्लो॥
2 Corinthians 5:8 in Limbu 8 आनिॽग हाङ्हाङ् आबोःक्खे़आङ् आवाॽ फाॽआङ् इङ्गाॽ से़क्खाए पाःत्तुङ्लो, हे़क्क्याङ् कन् नासिङ्गे़न् थक्को हिङ्मानुःल्ले़आङ् दाङ्बान्नु सोरिक् हिङ्मा आनिॽ सिराॽ थाङ्लो॥
2 Corinthians 12:2 in Limbu 2 इङ्गाॽ थिक्-लि (१४) तङ्बे तगि सुम्सिगेःक्पा साङ्ग्राम्पेदाङ्ङो थो तेॽरे़आङ् वये़बा ख्रिस्ते़न्नसाःन् के़जोःक्पा मनाधिक् कुसिङ्निःत्तुङ्लो॥ खे़न् मनाःन् नासिङ्गे़न् थक्कोबि मे़ःम्बि इङ्गाॽ मे़निआन्, कर निङ्वाॽफुमाङ्ङिल्ले़ निःसुॽरो॥
Philippians 1:23 in Limbu 23 इङ्गाॽग थो ना यो पोःक्खाङ्ङाङ् वाॽआरो॥ से़क्खाःल्ले़ इङ्गाॽग कन् हिङ्मन्निन् ले़रुङ्ङाङ् ख्रिस्ते़न्नुए वाॽमा निङ्वाॽ चोगुङ्लो, थेआङ्भे़ल्ले़ इङ्गाॽ आलागिग खे़न् साॽरिक् नुःबा पोःङ्लो॥
1 Thessalonians 4:15 in Limbu 15 दाङ्बाल्ले़ आबाङे कुबाःन्जान्लाम्बा आनिगे़ अक्खे पाःत्तुम्बे़रो, दाङ्बाल्ले़ कुयुःमा ये़म् थारिक् आनिॽ मे़न्छिःए के़वाॽबाहाॽरे़ के़सिःबाआङ् के़बेःक्पाहाॽ आक्खेआङ्साङ् लाम्आम्बाक्तुम्सिम्मिन्लो॥
2 Peter 3:13 in Limbu 13 कर आनिॽग निङ्वाॽफुमाङ्ङिल्ले़ माङ्हे़क् चोगुबा कुसङ् इक्सादिङ् खाम्बेःक्मान् नु कुसङ् तरःङ्दिङ्ताङ्साक्पे़न्निङ्साङ् आजोगुम्माङ् आहाङ्घुम्ल आवाॽरो॥ खे़प्मो साम्योनिबा मनाहाॽरक् मे़वाॽरो॥
Revelation 1:7 in Limbu 7 ओमे़त्ते़म्मे़ॽ, खुने़ॽग खाप्मिःप्पो युःर पत्लो॥ हे़क्क्याङ् काक् मे़न्छाम्गे़न् याप्मिहाॽ नु खुने़ॽ के़धुप्पाहाॽरे़आङ् मे़निःसुॽरो॥ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ खुने़ॽ चोगुल्ले़ मेरिङ् मे़धक्लो॥ हाराॽ अक्खेए पोःङ्लरो! आमे़न्॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥
Revelation 11:12 in Limbu 12 हे़क्क्याङ् साङ्ग्राम्पेदाङ्लाम् कत्थो थाङे़त्छे़ॽ के़लॽबा यम्बा इक्लाधिक् त्ये़आङ् खुन्छिॽ निङ्मिहाॽरे़ ओमे़मे़त्तुसिर मे़बत्छे़ल्ले़सा थो खाप्मिःत्तो लाःसे़त्छिर साङ्ग्राम्पेदाङ्ङो पेसे़त्छिरो॥
Revelation 12:5 in Limbu 5 खे़न् मे़न्छुमाॽइल्ले़ इक्सादिङ् खाम्बेःक्मो फे़न्जेॽ तक्काःत्तिल्ले़ काक् मे़न्छाम् सुवाङ् सम्दाङ् हाङ् के़जोःक्पा अङे़ःक्वासाःन् सावाःन्दु॥ खे़न् अङे़ःक्वाःन् सावाःन्छिङ्नामे़ःन्ने निङ्वाॽफुमाङ्ङो हे़क्क्याङ् कुहाङ्युक्नाओ थाःङ् मे़घे़त्तु मे़देॽरुरो॥
Revelation 21:3 in Limbu 3 हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोःङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोःङ्लो॥
Revelation 21:22 in Limbu 22 इङ्गाॽ खे़न् ये़क्यक् सिगाङ् माङ्हिम्मिन् मे़न्निःबान्लो, थेआङ्भे़ल्ले़ मुक्साम्दाङ्बा निङ्वाॽफुमाङ्ङिन् नु मे़ल्लुक्साःन्ने खे़न् ये़क्यक्कोबा माङ्हिम्लो॥
Revelation 22:3 in Limbu 3 खे़न् ये़क्यक्को आल्लआङ्धो निङ्वाॽफुमाङ्ङिल्ले़ मे़दाःक्तुन्छिन्बा लत्छाआङ् मे़होःप्लो॥ निङ्वाॽफुमाङ्ङिन्नु मे़ल्लुक्साःल्ले़ खुन्छिॽ हाङ्युक्नाःन् खे़प्मो पोःङ्लो, हे़क्क्याङ् कुसेवारोबाहाॽरे़ खुने़ॽ सेवा मे़जोगुॽरो॥