1 Thessalonians 1:5 in Limbu 5 थेआङ्भे़ल्ले़ आनिगे़ सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे़ पाःत्तुम्बे़बा पाःन्निन् से़क्खास्मा वये़ फाॽआङ् के़निःसुम्लो॥ आनिगे़ खिनिॽनु वयिगे़ल्ले़ आनिगे़ हिङ्मन्निन् आक्तङ्बा वये़ के़लॽबान् नुःरिक्काङ् के़निःसुम्माङ् वाॽरो॥
Other Translations King James Version (KJV) For our gospel came not unto you in word only, but also in power, and in the Holy Ghost, and in much assurance; as ye know what manner of men we were among you for your sake.
American Standard Version (ASV) how that our gospel came not unto you in word only, but also in power, and in the Holy Spirit, and `in' much assurance; even as ye know what manner of men we showed ourselves toward you for your sake.
Bible in Basic English (BBE) Because our good news came to you, not in word only, but in power, and in the Holy Spirit, so that you were completely certain of it; even as you saw what our behaviour to you was like from our love to you.
Darby English Bible (DBY) For our glad tidings were not with you in word only, but also in power, and in [the] Holy Spirit, and in much assurance; even as ye know what we were among you for your sakes:
World English Bible (WEB) and that our Gospel came to you not in word only, but also in power, and in the Holy Spirit, and with much assurance. You know what kind of men we showed ourselves to be among you for your sake.
Young's Literal Translation (YLT) because our good news did not come to you in word only, but also in power, and in the Holy Spirit, and in much assurance, even as ye have known of what sort we became among you because of you,
Cross Reference Mark 16:20 in Limbu 20 हे़क्क्याङ् कुहुॽसाम्बाहाॽरे़ काक् पिसाङ् मे़बेआङ् सुनाइङ् मे़से़ःसुरो॥ दाङ्बाल्ले़आङ् खुनिॽलाम् याःम्बक् चोगुर यरिक् निङ्वाॽ के़माबा मिक्सेःन्निल्ले़ सुनाइङ्ङिन् से़क्खारो फाॽआङ् ओसेःन्दाङ् चोगुरो॥))
John 16:7 in Limbu 7 कर इङ्गाॽ से़क्खाःन् मे़त्निङ्, इङ्गाॽग पेःक्काबान्ने खिनिॽ लागि नुःबा पोःङ्लो, थेआङ्भे़ल्ले़ इङ्गाॽ मे़बेःक्कान्ने़ फाॽग्र कुभाॽ के़बिबा सेसेमाङ्ङिन् खिनिॽओ मे़युने़न्लो, कर इङ्गाॽ पेःक्काआङ् खुने़ॽ खिनिॽओ पाङ्घुङ् युःसुङ्लो॥
Acts 2:33 in Limbu 33 हे़क्क्याङ् खुने़ॽ पानुदिङ् पाः निङ्वाॽफुमाङ्ङिल्ले़ कुजुप्साङ् ले़प्माङ् युक्खु॥ खुने़ॽ निङ्वाॽफुपाःलाम् सेसेमाङ्ङिल्ले़न् माङ्हे़क्किन्खोःसुआङ् आनिगे़ओ थाःसुबान् खिनिॽ आबाङे के़निःसुम् के़घे़प्सुम्माङ् के़वयिॽरो॥
Acts 10:44 in Limbu 44 पत्रुसरे़ अक्खेलॽरिक् पाःत्तुर पत्छे़ल्ले़सा खे़न् सुनाइङ् के़घे़म्बाहाॽ सम्दाङ् सेसेमाङ्ङिन् चुक्ते़रो॥
Acts 11:15 in Limbu 15 इङ्गाॽ पाःप्मा हेःक्तुङ्ल पत्छाङ्ङिल्ले़ सेसेमाङ्ङिन् तगि आनिॽ सम्दाङ् चुक्ते़बा हे़क्के खे़ङ्हाॽ सम्दाङ्ङाङ्चुक्ते़रो॥
Acts 11:21 in Limbu 21 दाङ्बाल्ले़ कुमुक्साम्मिन् खे़ङ्हाॽनु वये़, हे़क्क्याङ् यरिक् मनाहाॽरे़ नसाःन् मे़जोगुआङ् दाङ्बा ले़प्माङ्मे़हिसिङ्लो॥
Acts 16:14 in Limbu 14 खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोस्मा परान्ला तेःत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् सेवा के़जोःक्मा थिम्मे़न्दङ् सुवाङ्स्मा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसाःन् चोगुर फाॽआङ् दाङ्बाल्ले़ कुनिङ्वाॽइन्हन्दु पिरु॥
Acts 20:18 in Limbu 18 खे़ङ्हाॽ खे़प्मो मे़गे़रे़आङ् पावलरे़ मे़त्तुसि, “इङ्गाॽ एसियास्मा ते़ङ्गप्पो के़राङ्बा थिक्सिगेःक्समा ये़न्नाङ्धोए आक्खेलॽरिक् खिनिॽनु वयाङ् के़लॽबा खिनिॽ नुःरिक्काङ् के़निःसुम्माङ् के़वयिरो॥
Acts 20:33 in Limbu 33 इङ्गाॽग आत्तिन्हाॽरे़न्नाङ् खुनिॽ साम्म्याङ् युप्पा नु नुःबा ते़ःत्फुङ्हाॽओ मिक्मे़ङ्गेःपान्लो॥
Romans 1:16 in Limbu 16 कन् ख्रिस्तरे़ कुसुनाइङ्ङिन् इङ्भोःमा मे़नुःन्नान्लो, थेआङ्भे़ल्ले़ कन् सुनाइङ्ङिन् नसाःन् के़जोःक्पा काक् मनाहाॽ, तगि यहुदिहाॽ हे़क्क्याङ् याङ्सि थिम्मे़न्दङ् सुवाङ्हाॽ ताङ्से़ःप्मासि निङ्वाॽफुमाङ्ङिल्ले़ कुमुक्साम्लो॥
Romans 2:16 in Limbu 16 कन् पाःन्हाॽग इङ्गाॽ इङ्भोःसुङ्बा सुनाइङ् कुइसिःक् निङ्वाॽफुमाङ्ङिल्ले़ ख्रिस्त ये़सुलाम्बा काक् मनाहाॽरे़ खुनिॽ निङ्वाॽओबा पाःन्हाॽ खासे़न् चोगुबा ये़न्नो पोःङ्लो॥
Romans 15:18 in Limbu 18 इङ्गाॽ पाःत्तुङ्बा पाःन्निन्नु चोगुङ्बा याःम्बक्किल्ले़ थिम्मे़न्दङ् सुवाङ्हाॽ निङ्वाॽफुमाङ्ङिल्ले़ कुइङ्जाःङ् के़इःप्पा के़नाःप्पा चोःक्से़ ख्रिस्तरे़ इङ्गाॽलाम् चोगुबा याःम्बक्कोरक् आङ्दिङ् लॽआरो॥ वेॽ पाःन्हाॽओ आङ्दिङ् मे़लॽआन्लो॥
1 Corinthians 1:24 in Limbu 24 कर निङ्वाॽफुमाङ्ङिल्ले़ उःत्तुसिबा ने़प्माङ् यहुदि नु ग्रिक सुवाङ्हाॽरे़ लागि ख्रिस्ते़ङ्ग निङ्वाॽफुमाङ्ङिल्ले़ कुमुक्साम् नु कुसिक्कुम् निङ्वाॽरो॥
1 Corinthians 2:2 in Limbu 2 थेआङ्भे़ल्ले़ इङ्गाॽ खिनिॽनु वयाङ्ङिल्ले़ ये़सु ख्रिस्ते़न्नु सिलाम्साक्मा सिङ्सम्दाङ् खुने़ॽ कुसिःमे़न्नुःल्ले़ वेॽ पाःन्हाॽ निङ्वाॽमुःम्मा निःन्धो चोगुङ्ङाङ् वयाङ्॥
1 Corinthians 3:6 in Limbu 6 इङ्गाॽ याॽ लेःत्तुङ्, अप्पोलोसरे़ च्वाःत् केःत्तु, कर निङ्वाॽफुमाङ्ङिल्ले़ फोःसुरो॥
1 Corinthians 3:16 in Limbu 16 खिनिॽग निङ्वाॽफु माङ्हिम्निङ् फाॽआङ् निङ्वाॽ के़ङ्गत्तुम्मिम्बि? हे़क्क्याङ् निङ्वाॽफुमाङ्ङिल्ले़ कुसेसेमाङ्ङिन् खिनिॽओ वाॽ के़लॽबान् निङ्वाॽ के़ङ्गत्तुम्मिम्बि?
1 Corinthians 4:9 in Limbu 9 थेआङ्भे़ल्ले़ थङ् के़नाःम्बाहाॽरे़ खुनिॽ तिःक्लाओ काक्नुःल्ले़ एगाङ् के़बप्पा सिःमे़ल्ले़ खुम्दिङ् के़घोःबा कुइसिःक् निङ्वाॽफुमाङ्ङिल्ले़ आनिगे़ सेःक्युक्मिबाहाॽ काक्नुःल्ले़ एगाङ् फत्छिगे़आङ् मनालुम्मो ओसेःन्दाङ् चोगिगे़आङ् वाॽ के़लॽबान् निङ्वाॽ इःत्तुङ्लो॥ हे़क्क्याङ् आनिगे़ग काक् इक्सादिङ् खाम्बेःक्मो, माङ्लाइङ्बाहाॽ नु मे़न्छाम् याप्मिलुम्मो लामित्ता पोःक्खिगे़आङ् वयिगे़रो॥
1 Corinthians 4:20 in Limbu 20 थेआङ्भे़ल्ले़ निङ्वाॽफुहाङ्जुम्मिङ्ग ताॽजे़ङ् पाःन्हाॽरे़ मे़ःन्, कर मुक्साम्मिल्ले़ ओसेःन्दाङ् चोगुॽरो॥
1 Corinthians 9:19 in Limbu 19 इङ्गाॽग चोःक्युम्भोओ वाॽआ हे़क्क्याङ् आत्तिन् मनाहाॽरे़आङ् खुनिॽ युक्को होःप्पासाङ् यरिक् मनाहाॽ ख्रिस्तओ ताःप्मासि फाॽआङ् काक् मनाहाॽरे़ खुनिॽ योःक् पोःक्खाङ्लो॥
1 Corinthians 10:33 in Limbu 33 इङ्गाॽआङ् काक् परिक्ले़न् के़रे़क् मनाहाॽरे़ खुनिॽ निङ्वाॽ ताःमा पिमासि इःत्तुङ्लो॥ इङ्गाॽग आबाङे नुःबा पोःङ्मा मे़गोःत्तान् कर मनाहाॽ ताङ्मे़से़ःप्ल फाॽआङ् के़रे़क् मनाहाॽरे़ लागि नुःबा पोःङ्ल के़लॽबा निङ्वाॽ चोगुङ्लो॥
1 Corinthians 12:7 in Limbu 7 आल्ल सेसेहुप्लक्को कुभाॽ पिसिङ्मारे़ लागि सेसेमाङ्ङिल्ले़ कुयाःम्बक्किन् थाःप्ल फाॽआङ् याम्साम्गे़न् पर्धाःम्हाॽ काक् मनाहाॽ लत्छाआङ् मे़न्छे़न्छिङ्ङे पिरे़आङ् वाॽरो॥
2 Corinthians 3:6 in Limbu 6 खुने़ॽए कुसङ् सेसेमाङ्हुप्पिल्ले़न्माङ्सेवा चोःक्मा के़सुक्पा चोगिगे़आङ् वाॽरो॥ कङ्ग साप्मनाबा साम्योथिम्लाम्बा मे़ःन्, कर सेसेमाङ्लाम्बारो, थेआङ्भे़ल्ले़ साप्मनाबा साम्योथिम्मिल्ले़ आसे़त्, कर सेसेमाङ्ङिल्ले़ आहिङ्लो॥
2 Corinthians 4:1 in Limbu 1 हे़क्केःल्ले़ निङ्वाॽफुमाङ्ङिल्ले़ कुलुङ्गुम्लाम् कन् माङ्सेवाःन् खोःसुम्बे़आङ् वयिगे़बाल्ले़ चोगुल्ले़ आनिगे़ निङ्साङ् मे़बुक्ने़न्लो॥
2 Corinthians 6:3 in Limbu 3 आनिगे़ माङ्सेवाओ आप्तिक् मे़दाने़न्ल फाॽआङ् आत्तिन् मनाःल्ले़ कुलाम्मिन्नाङ् मे़हम्सुम्बे़न्लो॥
2 Corinthians 10:4 in Limbu 4 थेआङ्भे़ल्ले़ आनिॽ थङ्ङो याङ्मनाबा फे़जुम् फे़याहाॽग इक्सादिङ् खाम्बेःक्मोबा मे़ःन्, कर आनिॽ फे़जुम् फे़याहाॽग माफे़न्साम्मिल्ले़ कुमुक्साम् नाःम्मा के़सुक्पा निङ्वाॽफुमाङ्ङिल्ले़ कुमुक्साम्मिन्लो॥
Galatians 1:8 in Limbu 8 कर तगि आनिगे़ खिनिॽ इङ्भोःआसिगे़बा सुनाइङ्ङिन्नुःल्ले़ वेॽ सुनाइङ्ङिन् आनिगे़ इङ्भोःसुम्बे़ॽ इग्र साङ्ग्राम्पेदाङ्बा माङ्लाइङ्बाल्ले़ इङ्भोःसुॽसाङ्खे़न्निन् साङ्ग्राःल्ले़ ते़त्तुररो॥
Galatians 2:2 in Limbu 2 निङ्वाॽफुमाङ्ङिल्ले़ इङ्गाॽ खे़त्थो पेःक्माए पोःङ् लॽरिक् ओःन्धाक्ताङ्ङाङ् वये़॥ इङ्गाॽ खे़प्मो वयाङ्ङिल्ले़ खे़प्मोबा सेसेहुप्लक्कोबा लाम्लोःबासिरो फाॽआङ् मे़इःत्तुसिबाहाॽ स्वाःत्ताङ् तुमुङ्सिङ्ङाङ् इङ्गाॽ थिम्मे़न्दङ् सुवाङ्हाॽ इङ्भोःसुङ्सिङ्बा सुनाइङ्ङिन् चे़क्तुङ्सिङ्लो॥ खे़ङ्हाॽरे़ आबाःन्निन् मे़घे़प्सुर के़लॽबा निङ्वाॽ इःत्तुङ्ङाङ् वयाङ्, मे़ःन्ने़ फाॽग्र इङ्गाॽ चोगुङ्बा माङ्सेवाःन् हने़ के़बोःङ्बा वये़रो॥
Galatians 3:2 in Limbu 2 खिनिॽनु पाःन्धिक् कुसिङ्निःप्मा आनिङ्वाॽ वाॽ–साम्योथिम्मिन् के़इःत्तुम् के़नाःत्तुम्माङ् सेसेमाङ्ङिन् के़घोःसुम्बाबि इ सुनाइङ् के़घे़प्सुम्माङ् नसाःन् के़जोगुम्बालाम् के़घोःसुम्बाबि?
Galatians 5:5 in Limbu 5 कर आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ् के़लॽबा निङ्साङ्ङिन् सेसेमाङ्ङिल्ले़ हाङ्मा आभाॽरो॥
Galatians 5:22 in Limbu 22 कर सेसेमाङ्ङिल्ले़ लाम्लोसुसिबा मनाहाॽरे़ वेॽहाॽ लुङ्माॽ मे़दुक्तुसिॽ, खे़ङ्हाॽ मे़सःत्, सनारुङ्ङो मे़वाॽ, नासि मे़धःत्, खे़ङ्हाॽरे़ वेॽहाॽ नुःरिक् मे़मे़त्तुसिॽ, खे़ङ्हाॽ नुःबा याःम्बक् मे़जोःक्, निङ्वाॽइरे़ खोःप्तुसिबा मे़जोःक्,
Ephesians 1:17 in Limbu 17 आनिॽ दाङ्बा ये़सु ख्रिस्तरे़ मिमिदिङ्गे़न् कुम्बा निङ्वाॽफुमाङ्ङिल्ले़ खुने़ॽ कुयाःम्बेओ नुःरिक्काङ् कुसिङ् निःप्मारे़ लागि सिक्कुम्दिङ् निङ्वाॽ के़बिबा नु निङ्वाॽफुमाङ्ङिन् ओसेःन्दाङ् के़जोःक्पा सेसेमाङ्ङिन् के़बिरिर फाॽआङ् तुवा चोःक्कारो॥
Ephesians 2:4 in Limbu 4 कर साॽरिक् लुङ्गुम्दाङ्बा निङ्वाॽफुमाङ्ङिल्ले़ साॽरिक् लुङ्माॽ आदुक्ते़रो॥
Ephesians 2:10 in Limbu 10 थेआङ्भे़ल्ले़ नुःबा याःम्बक्हाॽ चोःक्मा फाॽआङ् ख्रिस्त ये़सुलाम् निङ्वाॽफुमाङ्ङिल्ले़ आनिॽ आजोगे़बारो॥ निङ्वाॽफुमाङ्ङिल्ले़ खे़न् नुःबा याःम्बक्हाॽ आनिॽ आजोगुम्ल फाॽआङ् तगिसा यारिप् चोगुआङ् वये़बारो॥
Ephesians 3:20 in Limbu 20 आल्ल आनिॽ नाःक्मनाबा हे़क्क्याङ् इःप्मनाबानुःल्ले़आङ् यरिक् चोःक्मा के़सुक्पा आनिॽओ याःम्बक् के़जोःक्पा खुने़ॽ कुमुक्साम्लाम् निङ्वाॽफुमाङ्ङिल्ले़न्
Philippians 2:13 in Limbu 13 थेआङ्भे़ल्ले़ खिनिॽ इङ्जाःङ्गे़म्बा के़बोःक्खिर हे़क्क्याङ् निङ्वाॽफुमाङ्ङिल्ले़ कुनिङ्वाॽ के़दाःबा याःम्बक् के़जोःक्पा के़बोःक्खिर फाॽआङ् खुने़ॽए खिनिॽओ याःम्बक् चोगुर वाॽरो॥
Philippians 4:9 in Limbu 9 इङ्गाॽलाम् के़हुॽआसिबा, के़घोःसुम्बा, के़घे़प्सुम्बा, हे़क्क्याङ् इङ्गाॽओ के़निःसुम्बा पाःन्हाॽ कुइसिःक् चोगे़म्मे़ॽओ॥ हे़क्केलॽरिक् सनारुङ् के़बिबा निङ्वाॽफुमाङ्ङिन् खिनिॽनु वाॽरो॥
Colossians 2:2 in Limbu 2 खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्धो इःत्छिङ्साम् के़घोःसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ्के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
1 Thessalonians 2:1 in Limbu 1 आमिःम् फुॽनुसाॽ नु ने़ॽनुसाॽसे, आनिगे़ग खिनिॽओ ताःमनाबान् हने़ मे़बोःक्खे़न् के़लॽबा पाःन्निन् खिनिॽ के़निःसुम्लो॥
1 Thessalonians 2:13 in Limbu 13 आनिगे़ निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे़ निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मे़ःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसाःन् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
2 Thessalonians 2:14 in Limbu 14 बा कन् पाःन्निल्ले़ लागि आनिगे़ इङ्भोःसुम्बे़बा सुनाइङ्लाम् दाङ्बा ये़सु ख्रिस्तरे़ कुमिमिदिङ्ङिन् के़घोःसुम्ल फाॽआङ् के़उःत्तिबारो॥
2 Thessalonians 3:7 in Limbu 7 आनिगे़ खिनिॽनु वयिगे़ल्ले़ आक्खेलॽरिक् आनिगे़ चोःङ् इःप्मा नाःप्मा पोःङ् के़लॽबान् नुःरिक्काङ् के़निःसुम्लो॥ आनिगे़ग खिनिॽनु वयिगे़ल्ले़ ले़म्स्वाबा मे़जोगिगे़न्,
1 Timothy 4:12 in Limbu 12 खे़ने़ॽ नालिङ्गे़न् थाङ्बे़न् के़वाॽबाल्ले़ आत्तिल्ले़आङ् खे़ने़ॽ कुनामे़न्छाॽ के़म्मे़त्ने़न्लरो, कर नसानिबाहाॽरे़ खुनिॽ तगि के़बाःन् सुत्लाओ, ये़प्ले़क्को, मिःम्जिओ, नसाःन्नो, हे़क्क्याङ् सेसेबा हिङ्मन्नो कुबि पोःक्खे़ॽओ॥
2 Timothy 2:8 in Limbu 8 सिःमे़न्लाम् याम्मो के़हिङ्बा दाउद हाङ्ङिल्ले़ कुमुॽइदाङ्सा ये़सु ख्रिस्ते़न्निङ्वाॽ इःत्ते़ॽओ॥ इङ्गाॽ इङ्भन् चोगुङ्बा सुनाइङ्ङिन् बा कन्नेरो॥
2 Timothy 2:10 in Limbu 10 खे़ल्ले़ चोगुल्ले़ए निङ्वाॽफुमाङ्ङिल्ले़ सेगुसिबा कुमनाहाॽ ख्रिस्त ये़सुओ से़न्लप् नु मे़न्नुप्मनाबा मिमिदिङ् मे़घोःसुर फाॽआङ् काक् तुक्खेहाॽ इङ्गाॽ थम्मा सुक्तुङ्लो॥
Titus 3:5 in Limbu 5 खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुःब्नुःबा साम्योनिबा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोःन् वाहप्तुआङ् कुसङ् हिङ्मन् आबिरे़रो॥
Hebrews 2:3 in Limbu 3 आनिॽआङ् कन् पयम् यम्बा से़न्लप्पिन् आनाॽरुम्ने़ फाॽग्र आक्खेलॽरिक् ताङ्मा आसुक्पाबे? कन् से़न्लप्पिन् दाङ्बाल्ले़ आबाङे काक्नु तगि इङ्भोःसुआङ् वये़, हे़क्क्याङ् खुने़ॽलाम् के़घे़म्बाहाॽरे़ कन् पाःन्निन् आनिॽ निःन्धो आम्जोगे़ आम्बिरे़आङ् वाॽरो॥
Hebrews 6:11 in Limbu 11 हे़क्क्याङ् खिनिॽ के़रे़क्ले़ निङ्साङ् के़जोगुम्बा पाःन्हाॽ से़क्खाए के़घोःसुम्ल फाॽआङ् बा खे़न् याम्जाङ्वाःन् खिनिॽ हिङ्हिङ्थारिक् कत्ते़म्मे़ॽ के़लॽबा आनिगे़ निङ्वाॽ चोगुम्बे़ॽरो॥
Hebrews 6:18 in Limbu 18 अक्खेलॽरिक् निङ्वाॽफुमाङ्ङिल्ले़ माङ्हे़क्चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोःसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
Hebrews 10:22 in Limbu 22 आनिॽ तोःन्दोःम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन्साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
James 1:16 in Limbu 16 आमिःम् फुॽनुसाॽ नु ने़ॽनुसाॽसे, खिनिॽ इङ्ले़क्को मे़ध्ये़म्मिन्ने़ॽओ॥
1 Peter 1:3 in Limbu 3 हाराॽ आनिॽ दाङ्बा ये़सु ख्रिस्तरे़ पानुदिङ् कुम्बा निङ्वाॽफुमाङ्ङिल्ले़ कुनारा पोःररो! निङ्वाॽफुमाङ्ङिल्ले़ साॽरिक् यम्बा कुलुङ्गुम्मिल्ले़ आनिॽ कुसङ् सावाःन्छिङ्मा आबिरे़आङ् ये़सुःन् सिःमे़न्लाम् हिङ्घुबाल्ले़ चोगुल्ले़ हाङ्हाङ्बा निङ्साङ् आबिरे़आङ् आवाॽरो॥
1 Peter 1:12 in Limbu 12 खुनिॽ माङ्सेवाःन् आबाङे खे़ङ्हाॽरे़ लागि मे़ःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोःसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
1 Peter 5:3 in Limbu 3 खिनिॽ कम्ब्राङ्ङो के़वाॽबाहाॽ सम्दाङ् युक् चोःक्मा मे़ःन्, कर खे़ङ्हाॽरे़ खुनिॽ तगि कुबि पोःङ्मा पोःङ्लो॥
2 Peter 1:10 in Limbu 10 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ खिनिॽ के़उःत्तिबान् नु के़सेगिबान् नुःरिक्काङ् निःन्धो चोःक्मा तम्सिन् चोगे़म्मे़ॽओ, थेआङ्भे़ल्ले़ खिनिॽ हे़क्के के़जोगुम्ने़ फाॽग्र आप्फाल्ले़आङ् के़न्जोःन्दिन्लो॥
2 Peter 1:19 in Limbu 19 हे़क्क्याङ् माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् से़क्खा पोःक्खे़आङ् वाॽ के़लॽबा निःन्धो आगत्तुम्लो॥ खामे़न्ओःत्ते नु खिनिॽ निङ्वाॽओ तान्छोःक्पे़न्मे़न्लिङ्ङे थारिक् खामाक्माओ के़ओःप्पा सेमिःन् हे़क्के खे़न् पाःन्जाक्किन् निङ्वाॽओ के़युक्खुम्मिल्ले़ नुःबा पोःङ्लो॥