Cross Reference John 6:27 in Limbu 27 खिनिॽ चागे़सोःक्पाआङ् के़बेःक्पा कुजारे़ लागि याःम्बक् मे़जोगे़म्मिन्ने़ॽ, कर इङ्गाॽ मे़न्छाम्साःल्ले़ पिनिङ्बा मे़न्नुप्मनाबा हिङ्मन् थारिक् के़धःप्पा कुजाओ निङ्वाॽ पिरे़म्मे़ॽ, थेआङ्भे़ल्ले़ पानुदिङ् पाः निङ्वाॽफुमाङ्ङिल्ले़ बा हे़क्के चोःक्से़ए इङ्गाॽ युक् पिराङ्ङाङ् वाॽरो॥
John 14:15 in Limbu 15 “इङ्गाॽ याप्मि मिःम्जि के़मे़त्तिॽने़ फाॽग्र आइङ्जाःङ्हाॽ के़इःत्तुम् के़नाःत्तुम्लो॥
John 14:21 in Limbu 21 हाःत्ले़ इङ्गाॽ आइङ्जाःङ्हाॽ खे़प्सुआङ् इःत्तु नाःत्तुॽ, इङ्गाॽ याप्मि लुङ्माॽ के़दुक्पे़ङ्ग बा खे़न्नेरो॥ हाःत्ले़ इङ्गाॽ लुङ्माॽ तुक्का खे़ङ्ग पानुदिङ् आम्बारे़ लुङ्माॽ तुक्तुॽ, हे़क्क्याङ् इङ्गाॽआङ् लुङ्माॽ तुक्तुङ्ङाङ् खे़ल्लो ओसेःन्धाक्सिङ्ङारो॥”
John 15:10 in Limbu 10 पानुदिङ् आम्बारे़ कुइङ्जाःङ्ङिन् इःत्तुङ् नाःत्तुङ्ङाङ् इङ्गाॽ कुमिःम्जिओ वाॽआबा कुइसिःक् इङ्गाॽ आइङ्जाःङ्ङिन् के़इःत्तुम् के़नाःत्तुम्ने़ फाॽग्र आमिःम्जिओ के़वयिबा पोःङ्लो॥
John 21:15 in Limbu 15 खे़ङ्हाॽरे़ मे़ज मे़सुरुआङ् सिमोन पत्रुसे़न् ये़सुरे़ मे़त्तु “युहुन्नारे़ कुस्साः सिमोने, कङ्हाॽरे़ मिःम्जि मे़मे़त्ताबानुःल्ले़आङ् यरिक् खे़ने़ॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्साःहाॽ चालाम्से़से़ॽओ॥”
Acts 3:19 in Limbu 19 खे़ल्ले़ चोगुल्ले़ आल्लो खिनिॽ लायोलाम् हिन्दे़म्मे़ॽआङ् दाङ्बाओ नुःक्खे़म्मे़ॽओ॥ हे़क्केलॽरिक् खिनिॽ लायो लासोःत्हाॽ माबेःक्नि, हे़क्क्याङ् निङ्वाॽफु दाङ्बालाम् याम्साम्मो के़धुम्बा पोःङ्मा ये़म् तानिरो॥
Acts 10:31 in Limbu 31 मे़त्ताङ्, ‘कर्नालियसे, निङ्वाॽफुमाङ्ङिल्ले़ खे़ने़ॽ के़जोगुबा तुवाःन् खे़प्सुआङ् याङ्गे़साॽबाहाॽ के़बिरुसिबा कुभाॽ याङ्हाॽ निङ्वाॽ इःत्तुआङ् वाॽरो॥
Romans 2:7 in Limbu 7 कुभा मनाहाॽरे़ चक्मे़ल्लॽए नुःबा याःम्बक् मे़जोगुर निङ्वाॽफुमाङ्लाम् मिमिदिङ्, मिङ्सो इङ्धाःङ् नु आजुनि हिङ्मन् मे़गोःत्तुर मे़वाॽरो॥ खे़ङ्हाॽग निङ्वाॽफुमाङ्ङिल्ले़ मे़न्नुप्मनाबा हिङ्मन् पिरुसिॽरो॥
Romans 5:3 in Limbu 3 हे़क्केरक् मे़ःन्, कर आनिॽ नसाःन् आजोगुम्बाल्ले़ चोगुल्ले़ इनोगे़न् तुक्खे लाक्खे आदुमुम्मिल्ले़ए आसःत्लो, थेआङ्भे़ल्ले़ इनोगे़न् तुक्खे लाक्खे आदुमुम्मिल्ले़ आल्लसाङ् यरिक् नासि थःप्मा आसुक्तुम् के़लॽबान् आनिःसुम्माङ् आवाॽरो,
Romans 8:24 in Limbu 24 थेआङ्भे़ल्ले़ आनिॽ से़न्लप् आघोःसुम्माङ्धोए कन् से़क्खाबा निङ्साङ्ङिन् आगत्तुम्माङ् वाॽ॥ निःमनाबा पाःन्निन् निङ्साङ् आन्जोगुम्मिन्लो॥ आल्ल तगिसा कत्तुबा पाःन्निन् हाःत्ले़ निङ्साङ् चोगुॽबे?
Romans 12:12 in Limbu 12 खिनिॽ निङ्साङ् के़जोगुम्बाल्ले़ चोगुल्ले़ सःत्ते़म्मे़ॽओ, इनोगे़न् तुक्खे के़ज्ये़ॽइल्ले़ नासि थःत्ते़म्मे़ॽओ, तुवा चोःक्मा मे़ले़रे़म्मिन्ने़ॽओ॥
Romans 15:4 in Limbu 4 पे ये़म्मो साम्योसाप्लाओ साप्ते़बा काक् पाःन्हाॽरे़ आनिॽ निसाम् आहुॽर फाॽआङ् साप्ते़बारो॥ हे़क्केलॽरिक्के नासि आधःत्तुम्मिल्ले़ हे़क्क्याङ् साम्योसाप्लालाम् आनिॽ हाङ्हाङ् आलॽइल्ले़ निङ्वाॽफुमाङ्ङिल्ले़ आबिरे़बा माङ्हे़क्हाॽ के़त् फाॽआङ् निस्सेए निङ्साङ् आजोगुम्लो॥
Romans 15:13 in Limbu 13 खिनिॽ नसाःन्निल्ले़ चोगुल्ले़ निङ्साङ् के़बिबा निङ्वाॽफुमाङ्ङिल्ले़ साॽरिक् के़सःप्पा के़जोगिर हे़क्क्याङ् सनारुङ् के़बिरिर फाॽआङ् तुवा चोःक्का, हे़क्केलॽरिक् सेसेमाङ्ङिल्ले़ कुमुक्साम्लाम् यरिक् निङ्साङ् के़गप्पा के़जोगिररो॥
Romans 16:6 in Limbu 6 खिनिॽ लागि याम्बुधिक्काङ् याःम्बक् के़जोःक्मा मरियम्मिन् आसेवारो मे़त्ते़म्मे़ॽओ॥
Romans 16:26 in Limbu 26 आल्लो कन् सुनाइङ्ङिन् माङ्निङ्वाॽपाःन् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाःङ्लाम् के़रे़क्ले़ ख्रिस्ते़न्नसाःन् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोःङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोःर वाॽरो॥
1 Corinthians 13:4 in Limbu 4 मिःम्जिःल्ले़ नासि थःत्तुॽ हे़क्क्याङ् लुङ्माॽ तुक्तुसिॽ॥ मिःम्जिःल्ले़ कुना मे़हे़न्ने़न्लो, इङ्गाॽएःक् नु आङ्दिङ्ङाङ् मे़लॽने़न्लो॥
1 Corinthians 13:13 in Limbu 13 आल्ल नसाःन्, निङ्साङ् हे़क्क्याङ् मिःम्जि कन् सुम्सि पाःन्हाॽरक् वाॽ याःक्लो॥ कर खे़ङ्हाॽओग मिःम्जिन् काक्नुःल्ले़ यम्बारो॥
1 Corinthians 15:58 in Limbu 58 खे़ल्ले़ चोगुल्ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्बा पोःक्खे़म्मे़ॽआङ् मे़म्मुन्ने वये़म्मे़ॽओ॥ दाङ्बाल्ले़ कुयाःम्बक्को सदादिङ् पोःरे़म्मे़ॽर पेगे़म्मे़ॽओ॥ थेआङ्भे़ल्ले़ दाङ्बाल्ले़ लागि खिनिॽ याम्बुधिक्किन् चामे़सोःक्ने़न् फाॽआङ् के़निःसुम्माङ् के़वयिॽरो॥
2 Corinthians 2:17 in Limbu 17 आनिगे़ग वेॽहाॽ कुइसिःक् निङ्वाॽफु पाःन्जाक् ले़ङ्हङ् के़जोःक्पासिगे़ग मे़ःन्लो॥ खे़ल्ले़ कुले़क्वाग निङ्वाॽफुमाङ्ङिल्ले़ पाङ्घुसिबा कुदोःप्मा मनाहाॽ कुइसिःक् ख्रिस्तरे़ कुयुक्किल्ले़ पारिगे़ॽरो, थेआङ्भे़ल्ले़ निङ्वाॽफुमाङ्ङिल्ले़ ओमत्तिगे़र वाॽ के़लॽबान् निःसुम्बे़रो॥
2 Corinthians 5:14 in Limbu 14 आनिगे़ चोगुम्बे़बा पाःन्हाॽग ख्रिस्तरे़ लुङ्माॽ तुक्तिगे़बाल्ले़ चोगुल्ले़ चोगुम्बे़बारो, थेआङ्भे़ल्ले़ के़रे़क् मे़न्छाम् याप्मिहाॽरे़ लागि खुने़ॽ स्ये़, खे़ल्ले़ चोगुल्ले़ काक् आस्ये़ के़लॽबा पाःन्निन् कुसिङ् निःत्तुम्बे़रो॥
2 Corinthians 8:7 in Limbu 7 खिनिॽग काक् पाःन्हाॽ साॽरिक् नुःरिक् के़जोगुम्लो–खिनिॽ नसाःन्नो के़धुम्दिॽ, नुःरिक्काङ् के़बारिॽ, चाःप्पा के़जोगिॽ, सिक्लुङ्मोलाम्बाए कुभाॽ पिमा साॽरिक् निङ्वाॽ के़गत्तुम् हे़क्क्याङ् नुःरिक्काङ् लुङ्माॽ याप्मि के़दुक्तिॽ॥ हे़क्केलॽरिक्के कन् पिमा नुःबा याःम्बक्कोआङ् आत्तात्तान्ने खिनिॽ निङ्वाॽ हन्दे़म्मे़ॽआङ् पिरे़म्मे़ॽओ॥
Galatians 1:4 in Limbu 4 आनिॽ पानुदिङ् पाः निङ्वाॽफुमाङ्ङिल्ले़ कुनिङ्वाॽ हे़क्के ये़सुरे़ कन् ये़म्मोबा ताप्फे़ःम्बा इक्सादिङ् खाम्बेःक्मोलाम् ताङ्से़ःप्मा आसुक्ल फाॽआङ् आनिॽ लायो आजोगुम्बाल्ले़ चोगुल्ले़ आनिॽ ले़क्वा स्ये़रो॥
Galatians 5:6 in Limbu 6 थेआङ्भे़ल्ले़ ख्रिस्त ये़सुरे़ कुलागिग हर्दो हे़क्मा नु मे़न्हे़क्मा पाःन्निन् थेआङ् मे़ःन्लो॥ कर के़रे़क्नुःल्ले़ यम्बा पाःन्निङ्ग आनिॽ नसाःन्निल्ले़ चोगुल्ले़ वेॽहाॽ लुङ्माॽ आदुक्तुम्सिम्लो॥
Galatians 5:13 in Limbu 13 फुॽनुसाॽ नु ने़ॽनुसाॽसे, खिनिॽग निङ्वाॽफुमाङ्ङिल्ले़ चोःक्युम्भो पोःङ्से़ के़उःत्तिआङ् के़वयिॽ॥ खे़ङ्ग लायोबा निङ्वाॽइल्ले़ मुरा के़मे़त्तिबा कुइसिःक् खिनिॽ याम्दादा चोःक्मारे़ लागि मे़ःन्लो, कर लुङ्माॽ तुक्सिङ्माआङ् कुभाॽ पिसिङ्मारे़ लागिने़रो॥
Galatians 6:9 in Limbu 9 आनिॽ नुःबा याःम्बक् चोःक्माओ नाःस्सि मे़ःन्लो, थेआङ्भे़ल्ले़ नुःबा याःम्बक् चोःक्मा आल्ले़रुम्मिन्ने़ फाॽग्र सुये़म्मो आनिॽ मुॽइसाम् आसुप्सुम्लो॥
1 Thessalonians 2:13 in Limbu 13 आनिगे़ निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे़ निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मे़ःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसाःन् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
1 Thessalonians 3:6 in Limbu 6 कर तिमोथिःन् खिनिॽओलाम् आनिगे़ओ त्ये़आङ्खिनिॽ नसाःन्निन् नु मिःम्जिःल्ले़ कुयाःम्बेओ नुःबा इङ्घङ् तारु, हे़क्क्याङ् खिनिॽ ओमु के़लॽरिर याप्मि निङ्वाॽ के़इःत्तिबा, साॽरिक् तुम्मा निङ्वाॽ के़जोगुम्बा पाःन्निन् याप्मि चे़क्तिगे़रो॥ खे़न् कुइसिःक्के आनिगे़आङ् खिनिॽ तुम्मा साॽरिक्के निङ्वाॽ चोगुम्बे़आङ् वयिगे़रो॥
2 Thessalonians 1:3 in Limbu 3 फुॽनुसाॽ नु ने़ॽनुसाॽसे, खिनिॽ याःम्बेओ आनिगे़ग निङ्वाॽफुमाङ्ङिन् सदादिङ् नोगे़न् पिमाए पोःङ्लो॥ हे़क्क्याङ् हे़क्के चोःक्माग लाॽरुएरो, थेआङ्भे़ल्ले़ खिनिॽ नसाःन्नो के़बोःरिर के़बत्छिआङ् लुङ्माॽ के़दुक्कासिबा पाःन्निन् पोःर पत्लो॥
2 Thessalonians 1:11 in Limbu 11 खे़ल्ले़ चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोःक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्धो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
1 Timothy 2:3 in Limbu 3 कङ्ग आनिॽ से़न्लप्दाङ्बा निङ्वाॽफुमाङ्ङिल्ले़ कुनिङ्वाॽ के़दाःबा नु नुःबा चोःक्लो॥
2 Timothy 1:3 in Limbu 3 इङ्गाॽ आधाःक्थे़बाहाॽरे़ निङ्वाॽफुमाङ्ङिन् सेवा मे़जोगुबा कुइसिःक् इङ्गाॽ सेसे खासिङ्ले़ खुने़ॽ कुसेवा चोगुङ्॥ हे़क्क्याङ् सदादिङ् इङ्गाॽ तुवा चोगुङ्ङिल्ले़ से़न्दिक् ले़न्दिक् खे़ने़ॽ निङ्वाॽ इःत्ने़आङ् खुने़ॽ नोगे़न् पिरुङ्लो॥
Philemon 1:5 in Limbu 5 थेआङ्भे़ल्ले़ खे़ने़ॽ दाङ्बा ये़सु ख्रिस्ते़न्के़जोगुबा के़धुम्बा नसाःन्निल्ले़ कुयाःम्बेओ नु निङ्वाॽफुमाङ्ङिल्ले़ के़रे़क् सेसे कुमनाहाॽ लुङ्माॽ के़दुक्तुसिबा पाःन्हाॽ इङ्गाॽ खे़प्सुङ्ङाङ् वाॽआरो॥
Hebrews 4:11 in Limbu 11 खे़ल्ले़ चोगुल्ले़ आनिॽ खे़न् नाःम्सिङ्मो लाःप्मा सिक् सम्ल निङ्वाॽ चोगुम्लो॥ हे़क्केलॽरिक् इस्राइलिहाॽ निङ्वाॽफुमाङ्ङिल्ले़ कुइङ्जाःङ् मे़भेःन्दुआङ् मे़मे़गे़बा कुइसिःक् आत्तिन्हाॽआङ् मे़म्मे़क्ने़न्लरो॥
Hebrews 6:10 in Limbu 10 निङ्वाॽफुमाङ्ङिल्ले़ग नुःरिक्काङ् खासे़न् चोगुॽरो–हे़क्क्याङ् खुने़ॽ कुमनाहाॽ तगि कुभाॽ के़बिरुम्सिम्मिल्ले़ खुने़ॽ ओसेःन्दाङ् के़जोगुम्बा मिःम्जिन् खुने़ॽ निङ्वाॽ मे़भुःत्छुन्लो॥ खे़ङ्ग आल्लो थारिक्काङ् के़जोगुम्ल के़वयिॽरो॥
Hebrews 6:15 in Limbu 15 हे़क्केलॽरिक् अब्राहामरे़ निङ्वाॽ हाङ्गे़म्सिङ्ल हाङ्घुआङ् माङ्हे़क्को के़वाॽबा पाःन्हाॽ खोःसुरो॥
Hebrews 10:36 in Limbu 36 खिनिॽ नासिके़धःत्तुम्ल पोःङ्लो, हे़क्क्याङ् निङ्वाॽफुमाङ्ङिल्ले़ कुनिङ्वाॽ कुइसिःक् के़जोगुम्मिल्ले़ खुने़ॽ चोगुबा माङ्हे़क्किन्के़घोःसुम्लो॥
Hebrews 11:7 in Limbu 7 नसाःन्लाम्बाए नुहारे़ कुहिम्सयङ्हाॽ ताङ्से़ःप्से़ वालाधा चोगुरो॥ तगि आप्फाल्ले़आङ् मे़म्बोःङ्ङे के़वाॽबा पाःन्हाॽ आल्ल पोःङ्लो लॽरिक् साम्दिङ् के़बिबा निङ्वाॽफुमाङ्ङिल्ले़ कुइङ्जाःङ्ङिन् खे़प्सुआङ् हे़क्के चोगुरो॥ खुने़ॽ कुनसाःन्लाम्बाए खे़न् ये़म्मोबा इक्सादिङ् खाम्बेःक्मोबा मनाहाॽ आप्तिक्को मे़ध्ये़ हे़क्क्याङ् नसाःन्लाम् के़दाःबा साम्योनिबा लक् के़घोःबा पोःक्खे़रो॥
Hebrews 11:17 in Limbu 17 निङ्वाॽफुमाङ्ङिल्ले़ अब्राहाम्मिल्ले़ कुनिङ्वाॽ साॽरुल्ले़ खुने़ॽ नसाःन्लाम्बाए इसहाक्किन् सिदुङ्जभा कुइसिःक् तोःन्दुरो॥ निङ्वाॽफुमाङ्ङिल्ले़ इसहाकलाम्बाए खे़ने़ॽ के़मुॽइदाङ्साहाॽ मे़बोःङ्लो लॽरिक् माङ्हे़क् पिरुआङ् वये़साङ् अब्राहाम्मिल्ले़ लत्थिक्लक् कुस्साःन् सिदुङ्जभा चोःक्मा यारिप् पोःक्खे़रो॥
Hebrews 11:24 in Limbu 24 मोसाःन् थाङ्बे़न् के़रे़ल्ले़ नसाःन्लाम्बाए फारो हाङ्ङिल्ले़ कुस्साः मे़न्छुमाॽइल्ले़ कुस्साःआ पाःप्मा मे़दे़न्दे़न्लो॥
Hebrews 13:21 in Limbu 21 खुने़ॽ कुनिङ्वाॽ कुइसिःक् चोःक्मा चाहाबा के़जोगिबा काक् पाःन्हाॽरे़ के़गाप्तिररो॥ निङ्वाॽफुमाङ्ङिल्ले़ कुनिङ्वाॽ के़दाःबा काक् पाःन्हाॽ ये़सु ख्रिस्तलाम्बा खिनिॽओ चोगुनिरो॥ हे़क्क्याङ् सदादिङ् सदादिङ् ख्रिस्तरे़ कुमिमिदिङ् पोःङ्निरो॥ आमे़न्॥
James 1:3 in Limbu 3 थेआङ्भे़ल्ले़ आक्ख्यारिक् नसाःन्साबा के़जोगि फाआङ् निङ्वाॽ साॽमो के़ध्ये़ॽइल्ले़ खिनिॽ नासि थःप्मान् पोःरो के़लॽबान् के़निःसुम्लो॥
James 2:17 in Limbu 17 हे़क्केलॽरिक्के नसाःन्निन् के़गत्तुम्साङ् खे़न् कुइसिःक् याःम्बक् के़न्जोगुम्मिन्ने़ फाॽग्र, खे़न् नसाःन्निङ्ग कुसुम् मे़न्दम्मनाबा पोःङ्लो॥
James 5:7 in Limbu 7 खे़ल्ले़ चोगुल्ले़ फुॽनुसाॽ नु ने़ॽनुसाॽसे, दाङ्बाल्ले़ कुनुःङ्मा युःमा ये़म्मिन् के़हाङ्घुम्मिल्ले़ खिनिॽ नासि थःप्माआङ् हाङ्माए पोःङ्लो॥ इक्मःबाल्ले़ कुइक्ताप्पो इमे़ल्लुङ्बा कुजाॽ नुःरिक्काङ् थोःक्ल फाॽआङ् हाङ्वाःम्मा नु चुङ्वाःम्माओ पाङ्गे़न्दिङ् वाहित्मान् नासि थःत्तुआङ् हाङ्घुबान् निङ्वाॽ इःत्ते़म्मे़ॽओ॥
1 Peter 3:4 in Limbu 4 कर खिनिॽ नुःमाङ्ग आप्फाल्ले़आङ् मे़म्माःमनाबा सुम्सुम् ये़क्ये़क् नु नःम्नःम् लॽमान्सिगाङ्लाम्बाए निधाःप्ल पोःङ्लो॥ खे़ङ्ग निङ्वाॽफुमाङ्ङिल्ले़ कुनिःमाओ इमे़ल्लुङ्बा चोःक्लो॥
1 John 3:3 in Limbu 3 हे़क्केःल्ले़ ख्रिस्तओ खे़न् हे़क्तङ्बा निङ्साङ् के़जोःक्पा काक्ले़ ख्रिस्ते़न्सेसे चोःक्पा कुइसिःक् आबाङे सेसे मे़जोःक्सिङ्लो॥
1 John 3:18 in Limbu 18 आमिःम् आस्साःसे, आनिॽग पाःन्नो नु मुराःल्ले़रक् लुङ्माॽ तुक्कासि मे़ःन्लो॥ आनिॽ से़क्खा लुङ्माॽ तुक्सिङ्मा पोःङ्लो॥ हे़क्तङ्बा लुङ्माॽ तुक्सिङ्मान् याःम्बक्कोलाम् निःदे़त्लो॥
1 John 3:21 in Limbu 21 हे़क्केःल्ले़ आमिःम् आन्जुम्से, आनिॽ निङ्वाॽइल्ले़ए पाःन् आन्धिक्ने़न्ने़ फाॽग्र निङ्वाॽफुमाङ्ङिल्ले़ कुदगि हाङ्हाङ्ङाङ् आनिॽ ताःमा आसुक्लो॥
1 John 5:3 in Limbu 3 निङ्वाॽफुमाङ्ङिन् मिःम्जि मे़प्मा फाॽइङ्ग कुइङ्जाःङ्हाॽ इःप्मा नाःप्मारो॥ हे़क्क्याङ् खुने़ॽ कुइङ्जाःङ्हाॽ आनिॽ लागि मे़साक्ने़न्,
Revelation 2:2 in Limbu 2 ‘खे़ने़ॽ आक्खे़न् साॽरिक् याम्बुधिक्पा नु नासिके़धःप्पा के़जोःक् फाॽआङ् इङ्गाॽ निःसुङ्लो॥ हे़क्क्याङ् खे़ने़ॽ ताप्फे़ःम्बा मनाहाॽ नासि के़न्धःत्तुन्छिम्बान् नु खे़ङ्हाॽ सेःक्युक्मिबा मे़ःन्छिसाङ् आनिगे़ सेःक्युक्मिबासिगे़ के़लॽबाहाॽरे़ खुनिॽ याःम्बक्किन् के़साॽरुआङ् खे़ङ्हाॽ इङ्ले़क्पासि फाॽआङ् निङ्वाॽ के़घोःसुबान् इङ्गाॽ निःसुङ्लो॥
Revelation 2:19 in Limbu 19 ‘खे़ने़ॽ के़याःम्बक्किन्, के़मिःम्जिन्, के़नसाःन्निन्, के़माङ्सेवाःन् हे़क्क्याङ् खे़ने़ॽ तुक्खे के़धःरुबान् इङ्गाॽ निःसुङ्, हे़क्क्याङ् आल्लोग खे़ने़ॽ तगिनुःल्ले़आङ् यरिक् माङ्सेवा याःम्बक् के़जोःक् फाॽआङ् निःसुङ्लो॥
Revelation 3:10 in Limbu 10 खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाःङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाःबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥