1 Thessalonians 1:1 in Limbu 1 पानुदिङ् पाः निङ्वाॽफुमाङ् नु दाङ्बा ये़सु ख्रिस्ते़न्नसाःन् के़जोःक्पा थिस्सलोनिका ये़क्यक्स्मा सेसेहुप्लक्कोबा याप्मिहाॽओ, इङ्गाॽ पावल, सिलास नु तिमोथिलाम्बा कन् सक्इङ्घङ्ङिन् हाक्कासिगे़बारो॥ हाराॽ निङ्वाॽफुमाङ्लाम्बा सनारुङ् नु लुङ्गुम् के़घोःसुम्लरो॥
Other Translations King James Version (KJV) Paul, and Silvanus, and Timotheus, unto the church of the Thessalonians which is in God the Father and in the Lord Jesus Christ: Grace be unto you, and peace, from God our Father, and the Lord Jesus Christ.
American Standard Version (ASV) Paul, and Silvanus, and Timothy, unto the church of the Thessalonians in God the Father and the Lord Jesus Christ: Grace to you and peace.
Bible in Basic English (BBE) Paul and Silvanus and Timothy, to the church of the Thessalonians in God the Father and the Lord Jesus Christ: Grace to you and peace.
Darby English Bible (DBY) Paul and Silvanus and Timotheus to the assembly of Thessalonians in God [the] Father and [the] Lord Jesus Christ. Grace to you and peace.
World English Bible (WEB) Paul, Silvanus, and Timothy, to the assembly of the Thessalonians in God the Father and the Lord Jesus Christ: Grace to you and peace from God our Father and the Lord Jesus Christ.
Young's Literal Translation (YLT) Paul, and Silvanus, and Timotheus, to the assembly of Thessalonians in God the Father, and the Lord Jesus Christ: Grace to you, and peace, from God our Father, and the Lord Jesus Christ!
Cross Reference Acts 15:27 in Limbu 27 खे़ल्ले़ चोगुल्ले़ आनिगे़ साप्तुम्बे़बा सक्इङ्घङ्ङो कन् पाःन्हाॽए चे़ङ्मा फाॽआङ् यहुदा नु सिलाससि खिनिॽओ पाङ्घुम्सिम्बे़र पत्छिगे़रो॥
Acts 15:32 in Limbu 32 यहुदा नु सिलासिआङ् आबाङे माङ्निङ्वाॽपाःन् के़बाःप्पा वये़त्छि॥ नसानिबा फुॽनुसाॽहाॽ हाङ्हाङ् नु खुनिॽ नसाःन्नो के़धुम्बा चोःक्मासि फाॽआङ् खे़ङ्हाॽरे़ यरिक् पाःन्हाॽ मे़त्ते़त्छुरो॥
Acts 15:40 in Limbu 40 कर पावलरे़ सिलासे़न् सेगु, हे़क्क्याङ् नसानिबा फुॽनुसाॽहाॽरे़ खे़ङ्हाॽ दाङ्बाल्ले़ कुलुङ्गुम्मो मे़दोःन्दुसिआङ् मे़बाङ्घुसिरो॥
Acts 16:1 in Limbu 1 पावले़न् दर्बि नु लुस्त्रा ये़क्यक्हाॽओ त्ये़रो॥ खे़प्मो तिमोथि मे़प्मनाबा नसानिबाधिक् वये़, हे़क्क्याङ् खे़ल्ले़ कुम्मा नसाःन् के़जोःक्मा यहुदि वये़, कर कुम्बा ग्रिक वये़॥
Acts 16:19 in Limbu 19 हे़क्क्याङ् खे़न् योःक्माल्ले़ कुन्दाङ्बाहाॽरे़ आल्ल याङ्थक्मा लाम्मिन् नुबे़बा मे़निःसुआङ् पावल नु सिलासे़न् मे़दे़म्सुसिआङ् मे़उःक्खुसिर ये़क्यक्स्मा सुहाङ्युक्पाहाॽरो मे़दारुसिरो॥
Acts 16:25 in Limbu 25 से़त्लुम् फक्ते़र पत्छे़ल्ले़ पावल नु सिलासे़न् तुवा चोगुसिर साम्लोनु निङ्वाॽफुमाङ्ङिल्ले़ कुनारा फोःसे़त्छुर यागे़त्छिरो॥ वेॽ पुङ्लाधाबाहाॽरे़आङ् खे़ङ्हाॽ मे़घे़प्सुसिर मे़युङे़रो॥
Acts 16:29 in Limbu 29 खे़न् पुङ्लाइङ्बाल्ले़ सेमिःन् हाःम्मा पाङ्घुसिआङ् सिगाङ् लोःक्ते़र त्ये़॥ खे़न् यक्खे़र पावल नु सिलासरे़ खुन्छिॽ लाङ्जक्पो थुङ्बोहजॽ युङ्सिङ्लो॥
Acts 17:1 in Limbu 1 पावल नु सिलासे़न् अम्फिपोलिस नु अप्पोलोनिया पोःक्खे़सिर थिस्सलोनिका ये़क्यक्को के़रे़त्छि॥ खे़प्मो यहुदि चुम्लुङ्हिम्धिक् ने़स्से़॥
Acts 17:11 in Limbu 11 बेरियास्मा मनाहाॽग थिस्सलोनिकाबा मनाहाॽनुःल्ले़आङ् साॽरिक् खुनिॽ निङ्वाॽ के़हम्बा मे़जोगे़॥ खे़ङ्हाॽरे़ साॽरिक् नुःरिक्काङ् ये़सुरे़ कुयाःम्बेओ सुनाइङ् मे़घे़प्सुआङ् थिक्याःन्धक् पावलरे़ पाःत्तुबान् से़क्खाबि मे़ःम्बि फाॽआङ् साम्योसाप्लाओ मे़गोःत्तु मे़निःरुरो॥
Acts 17:13 in Limbu 13 कर थिस्सलोनिकाबा यहुदिहाॽरे़ बेरियाओ पावलरे़ निङ्वाॽफु पाःन्जाक्किन् इङ्भोःसुर वाॽ के़लॽबा मे़घे़प्सु, हे़क्केःल्ले़ खे़प्मोआङ् मे़द्ये़आङ् मनाहाॽ खुनिॽ तक्ले़ङ्वाओ मे़हुसुसिर मे़भोःक्खुसिरो॥
Acts 18:5 in Limbu 5 सिलास नु तिमोथिःन् मे़सेदोनियालाम् खे़प्मो के़रे़त्छिआङ् पावले़न् काक् ये़म्मो सुनाइङ् से़ःमा नु यहुदिहाॽ खिनिॽ के़गोःत्तुम्बा निङ्वाॽफुमाङ्ङिल्ले़ सेःन्दुबा ख्रिस्ते़न्ये़सुःन्नेरो फाॽआङ् ओसेःन्धाक्मा याःम्बक्को आल्लसाङ् साॽरिक् फन्छिङ्लो॥
Acts 19:22 in Limbu 22 हे़क्क्याङ् खुने़ॽ कुभाॽ के़बिबा ने़प्फु कुन्जुम्हाॽ तिमोथि नु इरास्तसे़न् तगि मे़सेदोनियाओ पाङ्घुसिआङ् खुने़ॽग एसिया ते़ङ्गप्पोए कुभा ये़न् याःक्ते़रो॥
Acts 20:4 in Limbu 4 हे़क्क्याङ् बेरिया के़युङ्बा पुरसरे़ कुस्साः सोपात्रोस, थिस्सलोनिकालाम् अरिस्तार्खस नु सिकन्दस, दर्बिलाम् गायस, गलातियालाम् तिमोथि, हे़क्क्याङ् एसियास्मा ते़ङ्गप्पोलाम् तुखिकस नु त्रोफिमससि खुने़ॽनुए मे़वये़रो॥
Romans 1:7 in Limbu 7 निङ्वाॽफुमाङ्ङिल्ले़ साॽरिक् मिःम्जि के़मे़त्तिॽआङ् आबाङे कुसेसे मना पोःङ्से़ के़उःत्तिबा रोम ये़क्यक्कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ हाराॽ लुङ्गुम् नु सनारुङ् के़बिरिररो॥
1 Corinthians 1:2 in Limbu 2 कन् सक्इङ्घङ्ङिङ् कोरन्थि ये़क्यक्को के़ने़बा निङ्वाॽफुमाङ्ङिल्ले़ कुसेसेहुप्लक्कोबा सेसे कुमनाहाॽ हाक्कासिगे़रो॥ खुने़ॽ ख्रिस्त ये़सुलाम् के़रे़क् पिसाङ् आनिॽ दाङ्बा ये़सु ख्रिस्तरे़ कुमिङ् के़लोःङ्बाहाॽ सेसे चोगुसिबा हे़क्केए खिनिॽ सेसे के़जोगिबारो॥ ख्रिस्ते़ङ्ग खे़ङ्हाॽरे़न् नु आनिॽ दाङ्बारो॥
2 Corinthians 1:1 in Limbu 1 निङ्वाॽफुमाङ्ङिल्ले़ कुनिङ्वाॽलाम्बा ख्रिस्त ये़सुरे़ कुसेःक्युक्मिबा पोःङ्से़ सेगाङ्बा इङ्गाॽ पावल नु आनिॽ नुसाॽ तिमोथिरे़ कोरन्थि ये़क्यक्कोबा निङ्वाॽफुमाङ्ङिल्ले़ कुसेसेहुप्लक् नु अक्खैया ते़ङ्गप् खाराक् के़युङ्बा काक् ख्रिस्ते़न्नसाःन् के़जोःक्पाहाॽ कन् सक्इङ्घङ्ङिन् हाक्कासिगे़बारो॥
2 Corinthians 1:19 in Limbu 19 थेआङ्भे़ल्ले़ इङ्गाॽ, तिमोथि नु सिलासलाम्बा निङ्वाॽफुसाः ये़सु ख्रिस्ते़न्खिनिॽओ इङ्भोःसुम्बे़ल्ले़ ओ नु मे़ःन् के़लॽबा पाःन् होःप्ते़रो॥ कर खुने़ॽ “ओरो” पाःत्तुबा पाःन्निन् चोगुॽएरो॥
Galatians 1:2 in Limbu 2 इङ्गाॽनु सोरिक् के़वाॽबा काक् फुॽनुसाॽ नु ने़ॽनुसाॽहाॽरे़आङ् गलातिया थुम्मोबा सेसेहुप्लक्हाॽओ के़वाॽबाहाॽ सेवा के़म्हाक्तिॽरो॥
Galatians 1:22 in Limbu 22 यहुदिया लाजेॽओबा सेसेहुप्लक्हाॽओ ख्रिस्ते़न्नसाःन् के़जोःक्पाहाॽरे़ इङ्गाॽ मे़न्निए मे़वये़रो॥
Ephesians 1:2 in Limbu 2 आनिॽ पानुदिङ् पाः निङ्वाॽफुमाङ्ङिन् हे़क्क्याङ् दाङ्बा ये़सु ख्रिस्तरे़ लुङ्गुम् नु सनारुङ्के़बिरिर॥
Philippians 1:1 in Limbu 1 फिलिप्पि ये़क्यक्को के़वाॽबा ख्रिस्त ये़सुःन्नसाःन् के़जोःक्पा निङ्वाॽफुमाङ्ङिल्ले़ के़रे़क् सेसे कुमनाहाॽ हे़क्क्याङ् सेसेहुप्लक्कोबा लाम्लोःबाहाॽ नु माङ्सेवारोबासे ख्रिस्त ये़सुरे़ कुसेवारोबा इङ्गाॽ पावल नु तिमोथिरे़ कन् सक्इङ्घङ्ङिन् हाक्कासिगे़रो॥
Colossians 1:1 in Limbu 1 निङ्वाॽफुमाङ्ङिल्ले़ सेगुसिबा कलस्सि ये़क्यक्को के़वाॽबा ख्रिस्ते़न्नसाःन् के़जोःक्पा नसानिबासे निङ्वाॽफुमाङ्ङिल्ले़ ख्रिस्त ये़सुरे़ कुसेःक्युक्मिबा पोःङ्से़ सेगाङ्बा इङ्गाॽ पावल नु आनिॽ नुसाॽ तिमोथिरे़ कन् सक्इङ्घङ्ङिन् हाक्कासिगे़बारो॥ आनिॽ पानुदिङ् पाः निङ्वाॽफुमाङ्ङिल्ले़ सनारुङ् नु लुङ्गुम् के़बिरिररो॥
2 Thessalonians 1:1 in Limbu 1 आनिॽ पानुदिङ् पाः निङ्वाॽफुमाङ्ङिन् नु दाङ्बा ये़सु ख्रिस्तओ थिस्सलोनिकास्मा सेसेहुप्लक्कोबा कुयाप्मिहाॽओ इङ्गाॽ पावल, सिलास नु तिमोथिरे़ कन् सक्इङ्घङ्ङिन् हाक्कासिगे़बारो॥
Hebrews 13:23 in Limbu 23 आनिॽ नुसाॽ तिमोथिःन् पुङ्लाहिम्मोलाम् ले़रे़आङ् वाॽबान् खिनिॽ निङ्वाॽ खोःसे़म्मे़ॽ के़लॽबा इङ्गाॽ आनिङ्वाॽ वाॽरो॥ खुने़ॽ कप्मो इङ्गाॽओ हाराए ताःने़ फाॽग्र खिनिॽ तुम्से़ आन्छिगे़ सोरिक् फे़न्छिगे़ॽरो॥
1 Peter 5:12 in Limbu 12 नसाःन्साबा इःत्तुङ्बा नुसाॽ सिलासरे़ कुभाॽलाम् कन् चुक्सा सक्इङ्घङ्ङिन् हाक्निङ्ल पत्तारो॥ इङ्गाॽ हाङ्हाङ् मे़त्निङ्ल कङ्ग से़क्खाबा निङ्वाॽफुमाङ्ङिल्ले़ कुलुङ्गुम्लो लॽरिक् तोःन्दि पिनिङ्लो॥ कन् लुङ्गुम्मोए खिनिॽ थधप्मे़न्लॽमनाबा पोःक्खे़म्मे़ॽओ॥
1 John 1:3 in Limbu 3 खिनिॽ आनिगे़नु सेसे तङ्जुम् के़जोगुम्ल फाॽआङ् आनिगे़ निःमनाबा नु खे़म्मनाबा पाःन्हाॽ खिनिॽ मे़त्तासिगे़बारो॥ आनिॽ तङ्जुम्मिङ्ग पानुदिङ् पाः निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु वाॽरो॥
Jude 1:1 in Limbu 1 ये़सु ख्रिस्तरे़ कुसेवारोबा नु याकुबरे़ कुन्साॽ इङ्गाॽ यहुदालाम्, पानुदिङ् पाः निङ्वाॽफुमाङ्ङिल्ले़ उःत्तुसिबा, लुङ्माॽ तुक्तुसिबा नु ये़सु ख्रिस्तलाम्बा कम्ब्राङ् मे़त्तुसिबाहाॽ, कन् सक्इङ्घङ्ङिन् हाक्निङ्लो॥