1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
Other Translations King James Version (KJV) But the God of all grace, who hath called us unto his eternal glory by Christ Jesus, after that ye have suffered a while, make you perfect, stablish, strengthen, settle you.
American Standard Version (ASV) And the God of all grace, who called you unto his eternal glory in Christ, after that ye have suffered a little while, shall himself perfect, establish, strengthen you.
Bible in Basic English (BBE) And after you have undergone pain for a little time, the God of all grace who has given you a part in his eternal glory through Christ Jesus, will himself give you strength and support, and make you complete in every good thing;
Darby English Bible (DBY) But the God of all grace who has called you to his eternal glory in Christ Jesus, when ye have suffered for a little while, himself shall make perfect, stablish, strengthen, ground:
World English Bible (WEB) But may the God of all grace, who called you to his eternal glory by Christ Jesus, after you have suffered a little while, perfect, establish, strengthen, and settle you.
Young's Literal Translation (YLT) And the God of all grace, who did call you to His age-during glory in Christ Jesus, having suffered a little, Himself make you perfect, establish, strengthen, settle `you';
Cross Reference Luke 22:32 in Limbu 32 कर इङ्गाॽ खे़ने़ॽ के़नसाःन्निन् मे़ले़ङ्ने़न्ल फाॽआङ् तुवा चोगुङ् पिने़आङ् वाॽआरो॥ खे़ने़ॽ याम्मो नसाःन्नो के़धुम्बा पोःक्खे़आङ् के़म्भुॽ के़न्साॽसिआङ् खुनिॽ नसाःन्नो के़धुम्बा चोगे़से़ॽओ॥”
Romans 5:20 in Limbu 20 के़रे़क् मनाहाॽ आक्खे़न् लायोबा मे़जोगे़ के़लॽबा पाःन्निन् खे़ङ्हाॽरे़ मे़निःसुर फाॽआङ् साम्योथिम्मिन् त्ये़रो, कर लायोःन् पोःरे़ल्ले़ लुङ्गुम्मिन् खे़न्नुःल्ले़आङ् यरिक् पोःरे़रो॥
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
Romans 9:11 in Limbu 11 कर खे़न् काप्साबासाःहाॽ सावाःन्छिङ्मानुःल्ले़ तगिए, खे़ङ्हाॽरे़ नुःबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्काःन् अक्खे मे़त्तुआङ् वये़रो, “तुम्बाल्ले़ फोॽबान् सेवा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिःक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मे़ःन्, कर खुने़ॽ आबाङे कुनिङ्वाॽसोःक् कुइसिःक् सेगुॽ के़लॽबा पाःन्निन् निःन्धो चोगुरो॥
Romans 9:24 in Limbu 24 हे़क्केलॽरिक्के आनिॽ यहुदिसाङ्, थिम्मे़न्दङ् सुवाङ्साङ्, खे़न् सेगुसिबाहाॽग आनिॽएरो॥
Romans 15:5 in Limbu 5 आल्ल नासि थःप्मा के़बाङ्बा नु हाङ्हाङ् याप्मि के़मे़प्पा निङ्वाॽफुमाङ्ङिल्ले़ ख्रिस्त ये़सुःन् वये़बा कुबि कुइसिःक् के़बोःक्खिल्ले़ खिनिॽ लुम्मो थिक्हुप् पोःङ्माआङ् वाॽमा के़बाङ्घिररो॥
Romans 15:13 in Limbu 13 खिनिॽ नसाःन्निल्ले़ चोगुल्ले़ निङ्साङ् के़बिबा निङ्वाॽफुमाङ्ङिल्ले़ साॽरिक् के़सःप्पा के़जोगिर हे़क्क्याङ् सनारुङ् के़बिरिर फाॽआङ् तुवा चोःक्का, हे़क्केलॽरिक् सेसेमाङ्ङिल्ले़ कुमुक्साम्लाम् यरिक् निङ्साङ् के़गप्पा के़जोगिररो॥
Romans 16:25 in Limbu 25 इङ्गाॽ इङ्भोःसुङ्बा सुनाइङ्ङिन् नु ये़सु ख्रिस्तरे़ कुयाःम्बेओबा इङ्घङ्लाम् निङ्वाॽफुमाङ्ङिल्ले़ खिनिॽ याम्साम्मो के़धुम्बा चोःक्मा के़सुक्तिॽरो॥ कन् इङ्घङ्ङिङ्ग तोलिङ्सोमुआङ्धोए चिक्खे़आङ् वये़, कर आल्लो ओसेःन्दाङ् पोःक्खे़आङ् वाॽरो॥
1 Corinthians 1:9 in Limbu 9 निङ्वाॽफुमाङ्ङिन् नसाःन्साबा चोःक्लो, हे़क्क्याङ् खुने़ॽए आबुगे़न् कुस्साः ये़सु ख्रिस्त आनिॽ दाङ्बान्नु सेसे तङ्जुम्मो खिनिॽ के़उःत्तिआङ् के़वयिॽरो॥
2 Corinthians 4:17 in Limbu 17 थेआङ्भे़ल्ले़ आनिॽ आदुमुम्बा चुक्सा नु सप्फाधिक्पा इनोगे़न् तुक्खेहाॽरे़ग मे़न्नुप्मनाबा मिमिदिङ् के़घोःबा आजोःक्लो॥ हे़क्क्याङ् मिमिदिङ्ङिन्नु तङ्माल्ले़ खे़ङ्ग थेआङ् मे़ःन्लो॥
2 Corinthians 13:11 in Limbu 11 आल्ल आमिःम् फुॽनुसाॽ नु ने़ॽनुसाॽसे, कुनुप्मो से़म्मुॽइ सेवारो॥ कुलिङ्धो के़प्मा निङ्वाॽ चोगे़म्मे़ॽ, आबाःन्निन् खे़प्से़म्मे़ॽ, निङ्वाॽओ थिक्हुप् पोःक्खे़म्मे़ॽ, सनारुङ्ङो वये़म्मे़ॽओ॥ हे़क्क्याङ् मिःम्जि नु सनारुङ् दाङ्बा निङ्वाॽफुमाङ्ङिन् खिनिॽनु वाॽरो॥
Philippians 4:13 in Limbu 13 इङ्गाॽग दाङ्बाल्ले़ के़धुम्बा चोःक्काबाल्ले़ चोगुल्ले़ काक् पाःन्हाॽ चोःक्मा सुक्तुङ्लो॥
Colossians 1:22 in Limbu 22 कर आल्लोग निङ्वाॽफुमाङ्ङिल्ले़ आबाङे कुदगि सेसेसाङ्साङ् नु आप्तिक्मे़ःन्नेबा चोःक्मासि फाॽआङ् ये़सु ख्रिस्तरे़ कुसिलाम्साक्मा सिङ्सम्दाङ्बा कुसिःमे़न्लाम्बा नादङ्ङो के़दाःरिआङ् वाॽरो॥
Colossians 2:7 in Limbu 7 खुने़ॽओ, के़हुॽआसिबा निसाम्मो, साःप् लेःत्ते़म्मे़ॽआङ् पोःरे़म्मे़ॽ, नसाःन्नो के़धुम्बा पोःक्खे़म्मे़ॽर दाङ्बान् सदादिङ् नोगे़न् पिरे़म्मे़ॽओ॥
1 Thessalonians 2:12 in Limbu 12 खिनिॽ निङ्वाॽफुमाङ्ङिल्ले़ कुसिराॽ के़धाङ्बा हिङ्मन्नो वये़म्मे़ॽ फाॽआङ् आःन्छिङ्मा पिआसिगे़ हाङ्हाङ् मे़त्तासिगे़र चक्मे़ल्लॽए पेलि फाक्कासिगे़रो॥ खुने़ॽए आबाङे मिमिदिङ्गे़न् कुहाङ्जुम्मो लक् खोःसे़ खिनिॽ के़उःत्तिआङ् के़वयिॽरो॥
2 Thessalonians 2:14 in Limbu 14 बा कन् पाःन्निल्ले़ लागि आनिगे़ इङ्भोःसुम्बे़बा सुनाइङ्लाम् दाङ्बा ये़सु ख्रिस्तरे़ कुमिमिदिङ्ङिन् के़घोःसुम्ल फाॽआङ् के़उःत्तिबारो॥
2 Thessalonians 2:17 in Limbu 17 खुने़ॽए खिनिॽ हाङ्हाङ् के़मे़त्तिर हे़क्क्याङ् काक् के़जोगुम्बा नुःबा याःम्बक्को नु के़बाःत्तुम्बा पाःन्नो के़धुम्बा के़जोगिररो॥
2 Thessalonians 3:3 in Limbu 3 कर दाङ्बाङ्ग नसाःन्साबा चोःक्लो॥ खुने़ॽए खिनिॽ कुॽइगे़भे़ॽबा माफे़न्साम्मोलाम् ताङ्गे़से़ःप्तिआङ् के़धुम्बा के़जोगिॽरो॥
1 Timothy 6:12 in Limbu 12 मे़न्नुप्मनाबा हिङ्मन्ले़न् थुम्घो खोःमा फाॽआङ् नसाःन्ले़न् थङ्ङिन् नुःरिक्काङ् थक्ते़ॽओ॥ यरिक् तोःन्दिहाॽ तगि खे़ने़ॽ नसाःन्निन् नुःरिक्काङ् ते़न्दिङ् के़जोगुल्ले़ निङ्वाॽफुमाङ्ङिल्ले़ खे़न् मे़न्नुप्मनाबा हिङ्मन्निन् के़बिरे़आङ् के़वये़रो॥
2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
2 Timothy 2:10 in Limbu 10 खे़ल्ले़ चोगुल्ले़ए निङ्वाॽफुमाङ्ङिल्ले़ सेगुसिबा कुमनाहाॽ ख्रिस्त ये़सुओ से़न्लप् नु मे़न्नुप्मनाबा मिमिदिङ् मे़घोःसुर फाॽआङ् काक् तुक्खेहाॽ इङ्गाॽ थम्मा सुक्तुङ्लो॥
Hebrews 9:15 in Limbu 15 बा खे़ल्ले़ चोगुल्ले़ निङ्वाॽफुमाङ्ङिल्ले़ माङ्हे़क् चोगुबा मे़न्नुप्मनाबा लक्किन् उःत्तुसिबाहाॽरे़ मे़घोःसुर फाॽआङ् ख्रिस्ते़न्कुसङ् माङ्हुप्ले़न्पाःन्दङ्साबारो, थेआङ्भे़ल्ले़ खे़ङ्हाॽरे़ थिक्सिगेःक्समा माङ्हुप्पिल्ले़ कुदक्ले़ङ्वाओ मे़जोगुबा लायोलाम् खे़ङ्हाॽ थे़ॽमासि फाॽआङ् खुने़ॽ स्ये़बारो॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
1 Peter 1:6 in Limbu 6 खे़न् पाःन्नो के़सःत्तिॽरो, हे़क्केसाङ् सप्फारे़ लागि खिनिॽ यरिक् परिक्ले़न् के़साक्पा इनोगे़न् तुक्खेहाॽ के़धरुम्लए पोःङ्लो॥
1 Peter 1:15 in Limbu 15 कर खिनिॽ के़उःप्पा निङ्वाॽफुमाङ्ङिन् सेसे चोःक्पा कुइसिःक् खिनिॽआङ् के़जोगुम् के़बाःत्तुम्बा काक् पाःन्नो सेसे वये़म्मे़ॽओ॥
1 Peter 4:11 in Limbu 11 पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिःक् पाःत्तुर, वेॽहाॽ सेवा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ सेवा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोःङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्ने़रो॥ आमे़न्॥
2 Peter 1:3 in Limbu 3 आबाङे कुमिमिदिङ् नु कुनो-कुदाओ याप्मि के़उःप्पे़न् नुःरिक्काङ् कुसिङ् आनिःत्तुम्बाल्ले़ चोगुल्ले़ हिङ्मन्नो नु माङ्सेवा चोःक्माओ चाहाबा आजोःक्पा काक् पाःन्हाॽ निङ्वाॽफुमाङ्ङिल्ले़ कुमुक्साम्लाम्बा खुने़ॽ आबिॽरो॥
1 John 2:25 in Limbu 25 हे़क्क्याङ् आबुगे़न् कुस्साःल्ले़ पिनिङ् फाॽआङ् चोगुबा माङ्हे़क्किङ्ग मे़न्नुप्मनाबा हिङ्मन्लो॥
Jude 1:24 in Limbu 24 आल्ल निङ्वाॽफुमाङ्ङिल्ले़ए लायोओ थाःमालाम् खिनिॽ से़ःप्मा के़सुक्तिॽ, हे़क्क्याङ् खुने़ॽए कुमिमिदिङ्ङिल्ले़ कुदगि लायो मे़ःन्ने पयम् सःप्मान्नु ताःप्मा के़सुक्तिॽरो॥