1 Peter 4:13 in Limbu 13 कर ख्रिस्ते़न्तुक्खे च्ये़बा हे़क्के खिनिॽआङ् इनोगे़न् तुक्खेओ के़ध्ये़ॽइल्ले़ सःत्ते़म्मे़ॽओ, थेआङ्भे़ल्ले़ कुयुःमा ये़न्नो कुमिमिदिङ्ङिन् ओसेःन्दाङ् पोःङ्ङिल्ले़ पसःत् के़सःत्तिॽरो॥
Other Translations King James Version (KJV) But rejoice, inasmuch as ye are partakers of Christ's sufferings; that, when his glory shall be revealed, ye may be glad also with exceeding joy.
American Standard Version (ASV) but insomuch as ye are partakers of Christ's sufferings, rejoice; that at the revelation of his glory also ye may rejoice with exceeding joy.
Bible in Basic English (BBE) But be glad that you are given a part in the pains of Christ; so that at the revelation of his glory you may have great joy.
Darby English Bible (DBY) but as ye have share in the sufferings of Christ, rejoice, that in the revelation of his glory also ye may rejoice with exultation.
World English Bible (WEB) But because you are partakers of Christ's sufferings, rejoice; that at the revelation of his glory also you may rejoice with exceeding joy.
Young's Literal Translation (YLT) but, according as ye have fellowship with the sufferings of the Christ, rejoice ye, that also in the revelation of his glory ye may rejoice -- exulting;
Cross Reference Matthew 5:12 in Limbu 12 खे़न् ये़म्मो पसःत् सःत्ते़म्मे़ॽओ, थेआङ्भे़ल्ले़ साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् के़बाःप्पाहाॽआङ् मनाहाॽरे़ बा हे़क्केए मे़मे़त्तुसिरो॥
Matthew 16:27 in Limbu 27 थेआङ्भे़ल्ले़ इङ्गाॽ मे़न्छाम्साःन् पानुदिङ् आम्बारे़ कुमिमिदिङ्ङो कुमाङ्लाइङ्बाहाॽनु युःआल्ले़ के़रे़क् मे़न्छाम् याप्मिहाॽरे़ मे़जोगुबा याःम्बक्किल्ले़न् लाॽरुबा थुम्घोःन् पिरुङ्सिङ्लो॥
Matthew 25:21 in Limbu 21 कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’
Matthew 25:23 in Limbu 23 कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’
Matthew 25:31 in Limbu 31 “मे़न्छाम्साःन् कुमिमिदिङ्ङो के़रे़क् कुमाङ्लाइङ्बाहाॽनु युःल्ले़ खुने़ॽ मिमिदिङ्गे़न् कुहाङ्युक्नाओ युङ्सिङ्लो॥
Matthew 25:34 in Limbu 34 हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥
Mark 8:38 in Limbu 38 कन्कुॽइगे़भे़ॽबा नु लायोबा ये़म्मो आत्तिन् मनाःन् इङ्गाॽनु हे़क्क्याङ् आबाःन्जाक्किन्नु सिरिङ् मःॽ, इङ्गाॽ मे़न्छाम्साःन्नाङ् आम्बारे़ कुमिमिदिङ्ङो सेसे माङ्लाइङ्बाहाॽनु युःआल्ले़ खे़न्नु सिरिङ् मःआरो॥
Luke 6:22 in Limbu 22 मे़न्छाम्साःल्ले़ चोगुल्ले़ मनाहाॽरे़ के़म्जिःत्तिॽबा, के़म्नाॽरिबा हे़क्क्याङ् खिनिॽ नामे़धासुआङ् ताप्फे़ःल्लिक् के़म्मे़त्तिबाहाॽ मुॽइसाबानिङ्लो॥
Luke 17:30 in Limbu 30 हे़क्केलॽरिक्के मनाहाॽ यारिप्मे़बोःङ्ङे मे़वाॽइल्ले़ मे़न्छाम्साःन् ओसेःन्दाङ्पोःङ्लो॥
Acts 5:41 in Limbu 41 हे़क्क्याङ् सेःक्युक्मिबाहाॽ ये़जुम्भोलाम् मे़लःन्दे़ मे़बेआङ् आनिगे़ग ये़सुरे़ कुमना पोःक्खिगे़बाल्ले़ चोगुल्ले़ तुक्खे चामा लाॽरिगे़ फाॽआङ् साॽरिक् मे़सःत्ते़रो॥
Acts 16:25 in Limbu 25 से़त्लुम् फक्ते़र पत्छे़ल्ले़ पावल नु सिलासे़न् तुवा चोगुसिर साम्लोनु निङ्वाॽफुमाङ्ङिल्ले़ कुनारा फोःसे़त्छुर यागे़त्छिरो॥ वेॽ पुङ्लाधाबाहाॽरे़आङ् खे़ङ्हाॽ मे़घे़प्सुसिर मे़युङे़रो॥
Romans 5:3 in Limbu 3 हे़क्केरक् मे़ःन्, कर आनिॽ नसाःन् आजोगुम्बाल्ले़ चोगुल्ले़ इनोगे़न् तुक्खे लाक्खे आदुमुम्मिल्ले़ए आसःत्लो, थेआङ्भे़ल्ले़ इनोगे़न् तुक्खे लाक्खे आदुमुम्मिल्ले़ आल्लसाङ् यरिक् नासि थःप्मा आसुक्तुम् के़लॽबान् आनिःसुम्माङ् आवाॽरो,
Romans 8:17 in Limbu 17 हे़क्क्याङ् कुस्साः आबोःक्खे़बाल्ले़ चोगुल्ले़ आनिॽ निङ्वाॽफुमाङ्ङिल्ले़ कुलक् के़घोःबासिरो॥ से़क्खाए खुने़ॽनु सोरिक् इङ्धाःङ् आघोःसुम्ल फाॽआङ् खुने़ॽनु सोरिक् इनोगे़न् तुक्खेआङ् आजाने़ फाॽग्र आनिॽग ये़सु ख्रिस्ते़न्नु सोरिक् लक् के़घोःबासिआङ्लो॥
2 Corinthians 1:7 in Limbu 7 हे़क्क्याङ् आनिगे़ इनोगे़न् तुक्खे च्ये़ॽइगे़बा हे़क्के खिनिॽआङ् तुक्खे के़ज्ये़ॽइरो, हे़क्केलॽरिक्के निङ्वाॽफुमाङ्ङिल्ले़ आःन्छिङ्मा पिरिगे़बा हे़क्के खिनिॽआङ् आःन्छिङ्मा के़बिरिॽ के़लॽबा आनिगे़ निङ्साङ्ङिन् मे़मुन्ने़न्लो॥
2 Corinthians 4:10 in Limbu 10 ये़सुरे़ कुहिङ्मन्निन् आनिगे़ नासिङ्गे़न् थक्को निधाःप्ल फाॽआङ् खुने़ॽ तुक्खे च्ये़आङ् स्ये़बा कुइसिःक् थिक्याःन्धक् आनिगे़ नासिङ्गे़न् थक्को तुक्खे च्ये़ॽइगे़रो॥
2 Corinthians 4:17 in Limbu 17 थेआङ्भे़ल्ले़ आनिॽ आदुमुम्बा चुक्सा नु सप्फाधिक्पा इनोगे़न् तुक्खेहाॽरे़ग मे़न्नुप्मनाबा मिमिदिङ् के़घोःबा आजोःक्लो॥ हे़क्क्याङ् मिमिदिङ्ङिन्नु तङ्माल्ले़ खे़ङ्ग थेआङ् मे़ःन्लो॥
2 Corinthians 12:9 in Limbu 9 कर खुने़ॽ अक्खे मे़त्ताङ्, “खे़ने़ॽओ इङ्गाॽ आलुङ्गुम्मिन् आत्तात्तान्ने यरिक् वाॽरो, थेआङ्भे़ल्ले़ साॽइमे़न्याक्मनाबा पाःन्हाॽओ आमुक्साम्मिन् कुलिङ्धो के़त्लो॥” खे़ल्ले़ चोगुल्ले़ ख्रिस्तरे़ कुमुक्साम्मिन् इङ्गाॽओ वाॽर फाॽआङ् मे़न्धुम्मना आबाःन्हाॽओने़ सःत्तार चम्सिङ्ङारो॥
Philippians 3:10 in Limbu 10 इङ्गाॽग ख्रिस्ते़न्नु सिःमे़न्लाम् याम्मो कुहिङ्वे़त् के़जोःक्पा मुक्साम्मिन् कुसिङ्निःप्मा निङ्वाॽ चोगुङ्लो, हे़क्क्याङ् खुने़ॽ इनोगे़न् तुक्खे च्ये़बा हे़क्के इङ्गाॽआङ् तुक्खे चामाआङ् कुसिःमे़न्नो सोरिक् पोःङ्मा निङ्वाॽ चोगुङ्,
Colossians 1:24 in Limbu 24 ये़सु ख्रिस्तरे़ नासिङ्गे़न् कुधक्किङ्ग सेसेहुप्लक्लो, खे़ल्ले़ चोगुल्ले़ इङ्गाॽग खिनिॽ लागि इनोगे़न् तुक्खेहाॽ नासिङ्गे़न् आधक्को थम्मा सःत्तारो॥ थम्मा के़बोःङ्बा ख्रिस्तरे़ इनोगे़न् कुदुक्खेहाॽ इङ्गाॽ थरुङ्लो॥
2 Thessalonians 1:7 in Limbu 7 दाङ्बा ये़सुःन् साङ्ग्राम्पेदाङ्लाम् नुःङ् युःल्ले़ खिनिॽ तुक्खेओलाम् नाःम्सिङ्मा के़बिरिॽ, हे़क्क्याङ् आनिगे़आङ् नाःम्सिङ्मा खोःसुम्बे़ॽरो॥ खुने़ॽ कुमुक्साम्गे़न् माङ्लाइङ्बाहाॽनु मिराःक्को युःआङ् निङ्वाॽफुमाङ्ङिन् कुसिङ् मे़न्निःप्मनाबाहाॽ नु मिःम्जि दाङ्बा ये़सुरे़ कुसुनाइङ् ते़न्दिङ् चोःक्मा मे़न्दे़म्मनाबाहाॽ खुम्दिङ् पिरुसिरो॥
2 Timothy 2:12 in Limbu 12 आनिॽ चक्मे़ल्लॽए नासि आधःत्तुम्ने़ फाॽग्र आनिॽआङ् खुने़ॽनुए हाङ् आजोगुम्॥ आनिॽ खुने़ॽ आनाॽरुमने़ फाॽग्र, खुने़ॽआङ् आनिॽ आनाॽरो॥
James 1:2 in Limbu 2 आमिःम् फुॽनुसाॽ नु ने़ॽनुसाॽसे, खिनिॽ काक् परिक्ले़न् इनोगे़न् तुक्खेओ के़ध्ये़ॽइल्ले़ खे़ङ्ग साॽरिक् सःप्मनाबा पाःन्लो फाॽआङ् इःत्ते़म्मे़ॽओ,
1 Peter 1:5 in Limbu 5 कुनुप्मा ये़म्मो ओसेःन्दाङ् पोःङ्मा के़इःप्पा से़न्लप्पिन् मे़न्दाए थारिक् खिनिॽ नसाःन् के़जोगुम्बाल्ले़ चोगुल्ले़ निङ्वाॽफुमाङ्ङिल्ले़ कुमुक्साम्मिल्ले़ ताङ्गे़से़ःप्तिआङ् वाॽ॥
1 Peter 1:13 in Limbu 13 खे़ल्ले़ चोगुल्ले़ माङ्सेवा चोःक्मा फाॽआङ् निङ्वाॽओ यारिप् पोःक्खे़म्मे़ॽ, हे़क्क्याङ् निङ्वाॽइन्योधो मे़म्मे़त्ते वये़म्मे़ॽओ॥ ये़सु ख्रिस्ते़न्नुःङ् युःल्ले़ के़घोःसुम्बा लुङ्गुम्मिन् कुलिङ्धो के़त्ल निङ्साङ् चोगे़म्मे़ॽओ॥
1 Peter 5:1 in Limbu 1 आल्ल ख्रिस्तरे़ इनोगे़न् कुदुक्खेःल्ले़न् तोःन्दि नु ताःन्दि ओसेःन्दाङ् के़बोःङ्बा मिमिदिङ्ङिल्ले़न् लक्साबा पोःक्खाङ्बाल्ले़ चोगुल्ले़, हे़क्क्याङ् इङ्गाॽआङ् सेसेहुप्लक्कोबा लत्छा तुम्लाम्लोःबा पोःक्खाङ्बाल्ले़ चोगुल्ले़ खिनिॽ तुम्लाम्लोःबाहाॽ पेलि फाक्निङ्लो–
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
Revelation 1:7 in Limbu 7 ओमे़त्ते़म्मे़ॽ, खुने़ॽग खाप्मिःप्पो युःर पत्लो॥ हे़क्क्याङ् काक् मे़न्छाम्गे़न् याप्मिहाॽ नु खुने़ॽ के़धुप्पाहाॽरे़आङ् मे़निःसुॽरो॥ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ खुने़ॽ चोगुल्ले़ मेरिङ् मे़धक्लो॥ हाराॽ अक्खेए पोःङ्लरो! आमे़न्॥
Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥