1 Peter 2:24 in Limbu 24 खुने़ॽ आनिॽ लायो लासोःत्तिन् आले़रुम्माङ् साम्योनिबा हिङ्मन्नो आहिङ्ल फाॽआङ् आनिॽ लायोःन् सिलाम्साक्मा सिङ्सम्दाङ् आबाङे नासिङ्गे़न् कुधक्को कुयुदेॽरुरो॥ खुने़ॽ कुगाःम्माओलाम् खिनिॽ के़वेःत्तिआङ् के़वयिॽरो॥
Other Translations King James Version (KJV) Who his own self bare our sins in his own body on the tree, that we, being dead to sins, should live unto righteousness: by whose stripes ye were healed.
American Standard Version (ASV) who his own self bare our sins in his body upon the tree, that we, having died unto sins, might live unto righteousness; by whose stripes ye were healed.
Bible in Basic English (BBE) He took our sins on himself, giving his body to be nailed on the tree, so that we, being dead to sin, might have a new life in righteousness, and by his wounds we have been made well.
Darby English Bible (DBY) who himself bore our sins in his body on the tree, in order that, being dead to sins, we may live to righteousness: by whose stripes ye have been healed.
World English Bible (WEB) who his own self bore our sins in his body on the tree, that we, having died to sins, might live to righteousness; by whose stripes you were healed.
Young's Literal Translation (YLT) who our sins himself did bear in his body, upon the tree, that to the sins having died, to the righteousness we may live; by whose stripes ye were healed,
Cross Reference Matthew 5:20 in Limbu 20 कर खे़प्से़म्मे़ॽओ, फरिसिहाॽ हे़क्क्याङ्साम्योथिम्साम्बाहाॽनुःल्ले़आङ् निङ्वाॽफुमाङ्ङिल्ले़ कुइङ्जाःङ्हाॽ खिनिॽ नुःरिक्काङ् के़न्इःत्तुम्मिन् के़न्नाःत्तुम्मिन्ने़ फाॽग्र से़क्खासाङ् खिनिॽ साङ्ग्राम्पेदाङ्बा हाङ्जुम्मो के़न्लासिन्लो॥”
Matthew 8:17 in Limbu 17 माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबान् के़त्ल फाॽआङ् अक्खे पोःक्खे़बारो– “खुने़ॽ आबाङे आनिॽ तुक्खेहाॽ याङ्सिङ्लो, हे़क्क्याङ् आनिॽ तुक्मा यॽमाहाॽ कुयु तेॽरुरो॥”
Matthew 27:26 in Limbu 26 हे़क्क्याङ् पिलातसरे़ बरब्बासे़न ले़रु पिरुसि, कर ये़सुःन् ते़ःम्भुक् याक्मा पाङ्घुसिआङ् सिलाम्साक्मा सिङ्सम्दाङ् फोःम्मा फाॽआङ् रोमि थक्सुबाहाॽ हुक्सुप्तुसिरो॥
Luke 1:74 in Limbu 74 कन् माङ्हे़क्किन्आनिॽ निङ्मिहाॽरे़ खुनिॽ हुक्कोलाम् ताङ्से़ःप्मा आघोःसुम्ल, हे़क्क्याङ् मे़ङ्गिए मे़न्यङ्ङे आनिॽ हिङ्मन् खाराक् सेसे नु साम्योनिबा पोःङ्माआङ् खुने़ॽ कुसेवा चोःक्मा आसुक्तुम्ल फाॽआङ् पोःक्खे़बारो॥”
Luke 4:18 in Limbu 18 “दाङ्बाल्ले़ कुसेसेमाङ्ङिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाःबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्साःन् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
John 1:29 in Limbu 29 कुदाःन्दिक्मा युहुन्नाःल्ले़ ये़सुःन् खुने़ॽ ले़प्माङ् फे़रे़र पत्छे़बा निःसुआङ् अक्खे पाःत्तु, “ओमे़त्ते़म्मे़ॽ, इक्सादिङ् खाम्बेःक्मोबा लायो लासोःत्हाॽ के़गुबाआङ् के़देॽबा निङ्वाॽफुमाङ्ङिल्ले़ कुमे़ल्लुक्साःन् खा फे़न्ल पत्लो!
John 19:1 in Limbu 1 हे़क्क्याङ् पिलातसरे़ ये़सुःन् साॽरिक् ते़ःम्भुक् याक्पाङ्घुसिरो॥
Acts 5:30 in Limbu 30 खिनिॽ सिलाम्साक्मा सिङ्सम्दाङ् फोःम्मा से़प्मा के़बाङ्घुम्सिम्बा ये़सुःन् आनिॽ पाधे़बाहाॽरे़ खुनिॽ निङ्वाॽफुमाङ्ङिल्ले़ याम्मो कुहिङ्वे़त् चोगुरो॥
Acts 10:35 in Limbu 35 कर खे़ल्ले़ कुले़क्वा खुने़ॽ इङ्धाःङ् के़बिबा नु कुनिङ्वाॽ हे़क्के याःम्बक् के़जोःक्पा के़रे़क् मे़न्छाम् सुवाङ्हाॽ ताःक्तुसिबा पाःन्निङ्ग से़क्खाएरो॥
Acts 10:39 in Limbu 39 हे़क्क्याङ् ये़सुरे़ यरुसले़म नु काक् यहुदियास्मा लाजेॽओ चोगुबा याःम्बक्हाॽरे़न् आनिगे़ सेःक्युक्मिबाहाॽ तोःन्दि वयिगे़रो॥ खे़ङ्हाॽरे़ खुने़ॽग सिलाम्साक्मा सिङ्सम्दाङ् मे़भोःन्दु मे़से़रु,
Acts 13:29 in Limbu 29 हे़क्क्याङ् खुने़ॽ कुयाःम्बेओ साम्योसाप्लाओ साप्ते़आङ् के़बप्पा पाःन्हाॽ मे़जोगु मे़सुरुआङ् सिलाम्साक्मा सिङ्सम्दाङ्लाम् कुन्जुम्हाॽरे़ मे़धासुआङ् इप्पुङ्ङो मे़ने़स्सुरो॥
Romans 6:2 in Limbu 2 मे़ःन्लो! हे़क्के चोःक्मा मे़नुॽने़न्लो! आनिॽग कुसिवे़त् मना हे़क्तङ्बा आजोःक्लो, हे़क्क्याङ् आल्ल लायोःल्ले़ कुयुक्को आन्वाॽने़न्लो॥ हे़क्केःल्ले़ आल्लआङ्धो लायो चोःक्मार वाॽमा मे़नुॽने़न्लो॥
Romans 6:7 in Limbu 7 थेआङ्भे़ल्ले़ आत्तिन् स्ये़आङ् वाॽ खे़न् लायोःल्ले़ कुयुक्कोनु चोःक्युम्भोबा पोःक्खे़आङ् वाॽरो॥
Romans 6:11 in Limbu 11 हे़क्केलॽरिक्के कुसिवे़त् मनाःल्ले़ लायो मे़जोगुम्बा कुइसिःक् खिनिॽ लायो चोःक्माओ के़स्ये़ॽइ कर ख्रिस्त ये़सुःन्नु थिक्हुप् के़बोःक्खिआङ् निङ्वाॽफुमाङ्ङिल्ले़ कुनिङ्वाॽ ताःमारे़ लागि के़हिङिबा फाॽआङ् निङ्वाॽ इःत्ते़म्मे़ॽओ॥
Romans 6:13 in Limbu 13 खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोःन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिःमे़न्लाम् हिङ्मन्नो के़दाःबा मनाहाॽ कुइसिःक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योनिबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
Romans 6:16 in Limbu 16 आत्तिन्हाॽ इङ्जाःङ्खे़म्मा के़दे़न्दिॽ, बा खे़ल्ले़ कुयोःक्पा के़बोःक्खिॽ के़लॽबान् के़न्निःसुम्मिन्बि? लायोःल्ले़ कुयोःक्पा के़बोःक्खिॽने़ फाॽग्र खिनिॽ के़स्ये़ॽइ, कर निङ्वाॽफुमाङ्ङिल्ले़ कुइङ्जाःङ्ङिन् के़घे़प्सुम्ने़ फाॽग्र खिनिॽ साम्योनिबा के़बोःक्खिॽरो॥
Romans 6:22 in Limbu 22 कर आल्लोग खिनिॽ लायोलाम् चोःक्युम्भो के़घोःसुम्माङ् के़वयिॽ, हे़क्क्याङ् निङ्वाॽफुमाङ्ङिल्ले़ कुयोःक्पा के़बोःक्खिआङ् के़वयिॽरो॥ खे़ल्ले़ग सेसेगे़न् सुत्थो के़जोगिॽ, हे़क्क्याङ् कुनुप्मो खे़ल्ले़ मे़न्नुप्मनाबा हिङ्मन्नो के़गे़त्तिॽरो॥
Romans 7:6 in Limbu 6 कर आल्लोग, तगि आनिॽ सम्दाङ् युक् के़जोःक्पा साम्योथिम्लाम्बा चोःक्युम्भो आघोःसुम्माङ् आवाॽ॥ आल्ल आनिॽग साप्ते़आङ् के़बप्पा साम्योथिम्मिल्ले़ कुयुक्को आवये़ल्ले़ सेवा आजोगुम्बा हे़क्के मे़ःन्, कर सेसेमाङ्लाम्बा कुसङ् हिङ्मन्नो सेवा आजोगुम्लो॥
2 Corinthians 6:17 in Limbu 17 यहवे दाङ्बाल्ले़ पाःत्तुॽ, “खे़ल्ले़ चोगुल्ले़ खे़ङ्हाॽओलाम्बा लःन्दे़म्मे़ॽआङ् खे़ङ्हाॽनु सोरिक् मे़वये़म्मिन्ने़ॽओ॥ खे़ङ्हाॽरे़ खुनिॽ आजिःन्जिःम्बा पाःन्हाॽ मे़सुसे़म्मिन्ने़ॽ, हे़क्क्याङ् इङ्गाॽ खिनिॽ ताःक्निङ्लो॥
Galatians 3:13 in Limbu 13 कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन्ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिःबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
Ephesians 5:9 in Limbu 9 थेआङ्भे़ल्ले़ ओःत्तिओ के़वाॽबाहाॽरे़ के़रे़क् नुःबा, साम्योनिबा नु से़क्खाबा याःम्बक्हाॽ मे़जोगुॽ॥
Philippians 1:11 in Limbu 11 हे़क्क्याङ् खिनिॽ ये़सु ख्रिस्तरे़ कुभाॽलाम् यरिक् साम्योनिबा याःम्बक् के़जोगुम्ल फाॽआङ् तुवा चोगुङ्लो, हे़क्केःल्ले़ निङ्वाॽफुमाङ्ङो मिमिदिङ् नु नारा फोःमान् पोःङ्लो॥
Colossians 2:20 in Limbu 20 खिनिॽ ख्रिस्ते़न्नु सोरिक् के़स्ये़ॽइबारो, हे़क्क्याङ् खुने़ॽए इक्सादिङ् खाम्बेःक् कुहेःक्सिङ्माआङ्धोबा हने़बा खाहुन्लाम् चोःक्युम्भो के़बिरिआङ् वाॽरो॥ हे़क्केःल्ले़ कन् ओगप् मे़जोगे़न्ने़ॽ, खे़न् मे़साॽरे़न्ने़ॽ, हे़क्क्याङ् मे़सुसे़न्ने़ॽ के़लॽबा इक्साबा थिम्हाॽ थेआङ् के़इःत्तुम् के़नाःत्तुबाबे?
Colossians 3:3 in Limbu 3 थेआङ्भे़ल्ले़ ख्रिस्ते़न्स्ये़ःल्ले़ खिनिॽआङ् खुने़ॽनुए के़स्ये़ॽइआङ् के़वयिॽरो, हे़क्क्याङ् खिनिॽ से़क्खाबा ने़त्तिगे़न् हिङ्मन्निन् ख्रिस्ते़न्नु निङ्वाॽफुमाङ्ङो चिक्खे़आङ् वाॽरो॥
Hebrews 7:26 in Limbu 26 खुने़ॽग आनिॽ चाहाबा के़जोःक्पा मानिङ्वाॽफुसाम्बारो, थेआङ्भे़ल्ले़ खुने़ॽग सेसे नु फोत्या मे़ःन्ने, लायोःल्ले़ मे़दे़त्तुम्बा चोःक्लो॥ खुने़ॽग लायोबाहाॽलाम् से़न्दे़आङ् वाॽ हे़क्क्याङ् साङ्ग्राम्पेदाङ्ङो काक्नुःल्ले़ यम्बा मिङ्सो इङ्धाःङ्ले़ युक्नाःन् खोःसुआङ् वाॽरो॥
Hebrews 9:28 in Limbu 28 ख्रिस्ते़न्काक् मनाहाॽरे़ खुनिॽ लायोहाॽ कुःसे़ थिक्ले़ङ्मो सिदुङ्जभा पोःक्खे़, हे़क्क्याङ् याम्मो युःल्ले़ आनिॽ लायोहाॽ कुःसे़ग मे़ःन्, कर खुने़ॽ कुयुःमान् निङ्वाॽ इगेःक्काङ् के़हाङ्बाहाॽ से़न्लप् पिसे़ने़ युःरो॥
Hebrews 12:13 in Limbu 13 लाङ्सक्पाहाॽ मे़वेःत्ताङ् मे़न्जोःन्ने मे़ङ्गे़ङ्ङे लाङ्घेःक्मा मे़सुक्ल फाॽआङ् खिनिॽ लाम्मिन् तोःन्दे़म्मे़ॽओ॥
James 5:16 in Limbu 16 खे़ल्ले़ चोगुल्ले़ खिनिॽ लायोहाॽ मे़त्तासिम्मे़ॽआङ् हिन्दे़म्मे़ॽओ, हे़क्क्याङ् दाङ्बाल्ले़ के़वेःन्दिर फाॽआङ् तुवा चोःक्का पिआसिम्मे़ॽओ॥ साम्योनिबा मनाःल्ले़ कुदुवाःन् मुक्साम्बा चोःक्काङ् यम्बा याःम्बक् चोगुॽरो॥
1 Peter 4:1 in Limbu 1 खे़ल्ले़ चोगुल्ले़ ख्रिस्ते़न्नासिङ्गे़न् थक्को तुक्खे च्ये़, हे़क्केलॽरिक् खिनिॽआङ् बा हे़क्तङ्बा निङ्वाॽइन्कत्ते़म्मे़ॽओ, थेआङ्भे़ल्ले़ नासिङ्गे़न् थक्को तुक्खे के़जाबाल्ले़ लायो चोःक्मा ले़रुआङ् वाॽरो॥
1 John 2:29 in Limbu 29 निङ्वाॽफुमाङ्ङिन् साम्योनिबा चोःक् फाॽआङ् खिनिॽ के़निःसुम्लो॥ हे़क्केःल्ले़ काक् नुःबा याःम्बक् के़जोःक्पे़न्निङ्वाॽफुसाः पोःक्खे़आङ् वाॽ के़लॽबा पाःन्निन्नाङ् खिनिॽ के़निःसुम्लो॥
1 John 3:7 in Limbu 7 आमिःम् आस्साःसे, आत्तिन्हाॽरे़आङ्खिनिॽ इङ्गे़मे़ल्ले़क्तिन्लरो॥ आत्तिल्ले़ नुःबा याःम्बक् चोगुॽ खे़ङ्ग ख्रिस्ते़न्कुइसिःक् साम्योनिबा पोःङ्लो॥
Revelation 22:2 in Limbu 2 खे़न् ये़क्यक्कोबा माराम् लुम्मो ये़रो॥ यङ्घङ्ङिल्ले़ कुयाओ मे़न्नुप्मनाबा हिङ्मन् के़बिबा सिङ्बुङ्ङिन् युङे़रो॥ खे़न् सिङ्बुङ्ङो तङ्बे लावा थिक्-ने़त् परिक्ले़न् सिङ्सेहाॽ थोःक्ते़रो॥ हे़क्क्याङ् खे़न् सिङ्बुङ्ङिल्ले़ कुभे़क्वाहाॽग काक् मे़न्छाम् सुवाङ्हाॽ के़वेःम्बा सिदाॽ चोगे़रो॥