1 Peter 2:11 in Limbu 11 आमिःम् फुॽनुसाॽ नु ने़ॽनुसाॽसे, खिनिॽग कप्मो वे़प्मिबा नु माःङ्घा लाजेॽबा कुइसिःक् के़वयिबाल्ले़ चोगुल्ले़ लायोबा फे़न् निङ्वाॽलाम् लाःत्लाःत् वये़म्मे़ॽ फाॽआङ् पेलि फाक्निङ्लो॥ खे़न् लायोबा फे़न् निङ्वाॽइङ्ग खिनिॽ याम्साम्मिल्ले़ कुदक्ले़ङ्वाओ पोःक्लो॥
Other Translations King James Version (KJV) Dearly beloved, I beseech you as strangers and pilgrims, abstain from fleshly lusts, which war against the soul;
American Standard Version (ASV) Beloved, I beseech you as sojourners and pilgrims, to abstain from fleshly lust, which war against the soul;
Bible in Basic English (BBE) My loved ones, I make this request with all my heart, that, as those for whom this world is a strange country, you will keep yourselves from the desires of the flesh which make war against the soul;
Darby English Bible (DBY) Beloved, I exhort [you], as strangers and sojourners, to abstain from fleshly lusts, which war against the soul;
World English Bible (WEB) Beloved, I beg you as foreigners and pilgrims, to abstain from fleshly lusts, which war against the soul;
Young's Literal Translation (YLT) Beloved, I call upon `you', as strangers and sojourners, to keep from the fleshly desires, that war against the soul,
Cross Reference Luke 21:34 in Limbu 34 खिनिॽ याम्दादा सुक्खेवा नु चामा थुङ्मा हे़क्क्याङ् कन् हिङ्मन्ले़न् निङ्साम् चोःक्मो सिङ्सिङ् लॽरे़म्मे़ॽओ, मे़ःन्ने़ फाॽग्र हक्चघत् थक्सा पुसा इजोओ मे़धाःबा हे़क्के कन् ये़न्हाॽओ खिनिॽआङ् के़ध्ये़ॽइरो॥
Acts 15:20 in Limbu 20 कर थिम्मे़न्दङ् सुवाङ्हाॽ अक्तङ्बा सक्इङ्घङ् हाक्तुम्सिम्लो, ‘नावाइत्लाओ तोःम्नाबा चाहाॽ चामा मे़नुॽने़न्॥ हे़क्क्याङ् चाराम्मा मे़नुॽने़न्॥ कुसित्ला यॽमना से़प्मनाबा साः नु सामाक्खिॽआङ् चामा मे़नुॽने़न्लो॥’
Acts 15:29 in Limbu 29 हे़क्केःल्ले़ नावाइत्लाओ सिदुङ्जभा चोःक्मनाबा चाहाॽ मे़जे़म्मिन्ने़ॽ, सामाक्खिॽआङ् मे़जे़म्मिन्ने़ॽ, हे़क्क्याङ् कुसित्ला यॽमना से़प्मनाबा सा मे़जे़म्मिन्ने़ॽओ॥ हे़क्क्याङ् चालाम्मानुआङ् एःक् वये़म्मे़ॽओ॥ अक्खे के़जोगुम्ने़ फाॽग्र नुःबाए के़जोगुम्लो॥ से़म्मुॽइरो॥”
Romans 7:23 in Limbu 23 कर इङ्गाॽओग वेॽस्मा मुक्साम्मिल्ले़ याःम्बक् चोगुबा निःसुङ्॥ खे़न् मुक्साम्मिल्ले़ग इङ्गाॽ आबाङे आनिङ्वाॽइल्ले़ इःप्मा नाःप्मा कोःत्तुबा थिम्मिल्ले़ कुदक्ले़ङ्वाओ थङ् चोगुॽ, हे़क्क्याङ् लायोओ पुङ्लाधाबा चोःक्काआङ् लायोःल्ले़ इङ्गाॽ युक्कारो॥
Romans 8:13 in Limbu 13 खिनिॽ लायोबा सुत्नाःल्ले़ निङ्वाॽ चोगुबा कुइसिःक् के़वयिॽने़ फाॽग्र खिनिॽ के़स्ये़ॽइरो, कर सेसेमाङ्ङिल्ले़ कुमुक्साम्लाम् लायोबा याःम्बक्हाॽ के़ले़रुम्ने़ फाॽग्र के़हिङिॽरो॥
Romans 12:1 in Limbu 1 आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़ चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाःबा सिदुङ्जभा कुइसिःक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोःङ्बा याम्साम्गे़न् सेवाःन् बा कन्लो॥
Romans 13:13 in Limbu 13 आनिॽग ले़न्दिक् आवाॽबा कुइसिःक्के सिङ्सिङ् ये़क्ये़क्काङ्वाॽमा पोःङ्लो, याम्दादा आममबाल्ले़ मःसिङ्माआङ् निङ्वाॽ पाःप्पाःत् चोःक्मा, चाराम्मा नु पोःप्मा, खेमा थक्मा नु नाहे़त्छिङ्मा मे़ःन्लो॥
2 Corinthians 5:20 in Limbu 20 खे़ल्ले़ चोगुल्ले़ आनिगे़ग ख्रिस्तरे़ कुहाङ्लाइङ्बासिगे़रो, हे़क्क्याङ् निङ्वाॽफुमाङ्ङिन् आनिगे़लाम्बा पेलि फाक्ल वाॽरो॥ निङ्वाॽफुमाङ्ङिन्नु नादङ् चोगे़म्मे़ॽ फाॽआङ् ख्रिस्त ले़प्माङ्लाम् आनिगे़ पेलि फाक्कासिगे़रो॥
2 Corinthians 6:1 in Limbu 1 हे़क्क्याङ् आनिगे़ निङ्वाॽफुमाङ्ङिन्नु सोरिक् याःम्बक् के़जोःक्पा पोःक्खिगे़बाल्ले़ चोगुल्ले़ निङ्वाॽफुमाङ्ङिल्ले़ लुङ्माॽ के़दुक्तिबा सुनाइङ्ङिल्ले़ पाःन्निन् खिनिॽ हिङ्मन्नो हने़ पोःङ्मा मे़बाङ्घे़म्मिन्ने़ॽ फाॽआङ् पेलि फाक्कासिगे़रो॥
2 Corinthians 7:1 in Limbu 1 आमिःम् आन्जुम्से, आनिॽग कन् माङ्हे़क्हाॽ आघोःसुम्माङ् आवाॽबाल्ले़ चोगुल्ले़ आनिॽ नासिङ्गे़न् थक् नु याम्साम् के़जिःम्बा पाःन्हाॽलाम् सेसे चोःक्कासिरो॥ हे़क्क्याङ् निङ्वाॽफुमाङ्ङिल्ले़ मिङ्सो इङ्धाःङ् खोःसुर फाॽआङ् आनिॽ सेसे पोःक्खिर पिगिरो॥
Galatians 5:16 in Limbu 16 खे़ल्ले़ चोगुल्ले़ इङ्गाॽ अक्खे मे़त्निङ्, सेसेमाङ्ङिल्ले़ लाम्गे़लोःसिबा कुइसिःक् वये़म्मे़ॽओ, हे़क्केःल्ले़ खिनिॽ लायोबा निङ्वाॽइल्ले़ निङ्वाॽ चोगुबा पाःन्निन् के़न्जोगुम्मिन्लो॥
Galatians 5:24 in Limbu 24 ख्रिस्त ये़सुःन् नसाःन् के़जोःक्पाहाॽरे़ग लायोबा निङ्वाॽ नु खे़ल्ले़ कुभे़न् याःम्बक्किल्ले़ कुयुक्किन् सिलाम्साक्मा सिङ्सम्दाङ् मे़भोःन्दुआङ् वाॽरो॥
Ephesians 4:1 in Limbu 1 ख्रिस्त ये़सुरे़ कुयाःम्बेओ इङ्भोःसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाःबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥
1 Timothy 6:9 in Limbu 9 कर याङ्साकुन्धेसाबा पोःङ्मा निङ्वाॽ के़जोःक्पाहाॽ यरिक् याङ् थक्मा हङ्साॽमाओ नु यरिक्परिक्पा मे़क्माओ के़देॽबा इःओ मे़धाःरो॥ खे़ल्ले़ग खे़ङ्हाॽ तुक्खेओ नु मे़क्माओ थाःसुसिॽरो॥
2 Timothy 2:22 in Limbu 22 थाङ्बे़न् मे़न्छियाॽ लॽमालाम्के़दाःबा फे़न् निङ्वाॽलाम् एःक् वये़ॽओ॥ हे़क्क्याङ् सेसे निङ्वाॽओलाम् दाङ्बान्नु तुवा के़जोःक्पा मनाहाॽनु साम्योनिमो, नसाःन्नो, मिःम्जिओ हे़क्क्याङ् सनारुङ्ङो वये़ॽओ॥
Philemon 1:9 in Limbu 9 इङ्गाॽ खदाक्मि पावल, आल्लो ख्रिस्त ये़सुरे़ कुबुङ्लाथाबा के़बोःङ्बाल्ले़, आनिॽ लुङ्माॽ तुक्सिङ्माल्ले़ चोगुल्ले़ खे़ने़ॽ पेलि फाक्ने़ॽरो॥
Hebrews 11:13 in Limbu 13 कन् काक् नसाःन्साबाहाॽरे़ग निङ्वाॽफुमाङ्ङिल्ले़ खे़ङ्हाॽनु चोगुबा माङ्हे़क् मे़ङ्घोए मे़स्ये़, कर खे़ङ्हाॽरे़ग माःङ्घालाम् खे़न् मे़निःसुआङ् निङ्वाॽफुमाङ्ङिल्ले़ कुमाङ्हे़क्किन् लाङ्मे़दाःक्तुरो॥ हे़क्क्याङ् खे़ङ्हाॽग कन् इक्सादिङ् खाम्बेःक्मो वेॽ लाजेॽबा नु ताक्के़गम्बा वयिगे़रे़त्छ लॽरिक् ते़न्दिङ् मे़जोगुरो॥
James 4:1 in Limbu 1 खिनिॽ लुम्मो थे़माःल्ले़ खेमा थक्माहाॽ तारुॽबे? खे़ङ्हाॽग खिनिॽ सिगाङ् थङ् के़जोःक्पा फे़न् निङ्वाॽलाम् लःम्बा मे़ःम्बि?
1 Peter 1:1 in Limbu 1 ये़सु ख्रिस्तरे़ कुसेःक्युक्मिबा इङ्गाॽ पत्रुसलाम्बा पन्तियस, गलातिया, काप्पादोकिया, एसिया हे़क्क्याङ् बिथानिया थुम्हाॽओ के़से़बाआङ् के़युङ्बाहाॽ निङ्वाॽफुमाङ्ङिल्ले़ सेगुसिबा वे़प्मिबा कुइसिःक् के़वाॽबा कुमनाहाॽ कन् सक्इङ्घङ्ङिन् हाक्निङ्बारो॥
1 Peter 1:17 in Limbu 17 तुवा के़जोगुम्बा पानुदिङ् पाः निङ्वाॽफुमाङ्ङिल्ले़ मनाहाॽरे़ मे़जोगुबा याःम्बक् कुइसिःक् खासे़न् चोगुसिल्ले़ एःक् पएःक् मे़जोगुन्छिन्लो॥ खे़ल्ले़ चोगुल्ले़ इक्सादिङ् खाम्बेःक्मो के़वयिर थारिक् खुने़ॽ मिङ्सो इङ्धाःङ् पिरे़म्मे़ॽर वये़म्मे़ॽओ॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
1 John 2:15 in Limbu 15 इक्सादिङ् खाम्बेःक्मान् नु खे़प्मो के़वाॽबा चिगःक्वाहाॽ मिःम्जि मे़मे़त्ते़म्मिन्ने़ॽओ॥ आत्तिल्ले़ इक्सादिङ् खाम्बेःक्मान् मिःम्जि मे़त्तुॽ, खे़ल्ले़ पानुदिङ् पाः निङ्वाॽफुमाङ्ङिन् मिःम्जि मे़प्मा मे़सुक्तुन्लो॥