Cross Reference John 13:34 in Limbu 34 खे़ल्ले़ चोगुल्ले़ आल्ल खिनिॽ लुङ्माॽ तुक्कासिम्मे़ॽ फाॽआङ् इङ्गाॽ कुसङ् इङ्जाःङ् पिनिङ्लो॥ खिनिॽ इङ्गाॽ लुङ्माॽ तुक्निङ्बा कुइसिःक्के लुङ्माॽ तुक्कासिम्मे़ॽओ॥
John 15:3 in Limbu 3 पोराःक्हाॽ चे़प्माआङ् साःक्मनाबा चे़ल्ले़क्सेॽइल्ले़ कुबुङ् कुइसिःक् इङ्गाॽ पाःत्तुङ्बा पेलिगे़न् पाःन्जाक्किल्ले़ तगिसा खिनिॽ सेसे के़बोःक्खिआङ् के़वयिॽरो॥
John 15:17 in Limbu 17 खिनिॽ लुङ्माॽ तुक्कासिम्मे़ॽ फाॽआङ् इङ्जाःङ् पिनिङ्लो॥”
John 17:17 in Limbu 17 खे़ङ्हाॽ से़क्खाःल्ले़ सेसे साङ्साङ् चोगे़से़ॽओ॥ खे़ने़ॽ पेलिगे़न् के़बाःन्जाक्किङ्ग से़क्खारो॥
John 17:19 in Limbu 19 खे़ङ्हाॽ से़क्खाए सेसे साङ्साङ् मे़बोःङ्ल फाॽआङ् इङ्गाॽ खे़ङ्हाॽरे़ खुनिॽ लागि सेसे साङ्साङ् चोःक्सिङ्ङारो॥
Acts 6:7 in Limbu 7 निङ्वाॽफु पाःन्जाक्किन् चक्मे़ल्लॽए मे़से़ःसुर मे़देॽरु॥ हे़क्क्याङ् यरुसले़म्मो हुॽसाम्बाहाॽ यरिक् मे़बोःक्खे़र मे़बेआङ् यरिक् निङ्वाॽफुसाम्बाहाॽरे़आङ् कन् नसाःन्निन् ते़न्दिङ् मे़जोगुरो॥
Acts 15:9 in Limbu 9 आल्ल खुने़ॽ थिम्मे़न्दङ् सुवाङ् नु आनिॽ आन्छे़न्ने़न्लो, थेआङ्भे़ल्ले़ आनिॽ हे़क्के दाङ्बाओबा नसाःन्लाम् खुनिॽ सिक्लुङ्मान् सेसे चोगु पिरुसिआङ् वाॽरो॥
Romans 1:5 in Limbu 5 खुने़ॽलाम् नु कुमिङ्सो इङ्धाःङ्ले़ लागि के़रे़क् लाजेॽबा थिम्मे़न्दङ् सुवाङ्हाॽरे़ नसाःन् मे़जोगुर हे़क्क्याङ् इङ्जाःङ् के़इःप्पा के़नाःप्पा मे़बोःङ्ल फाॽआङ् निङ्वाॽफुमाङ्ङिल्ले़ सेःक्युक्मिबा पोःङ्मा सुये़म् पिरिगे़आङ् वाॽरो॥
Romans 2:8 in Limbu 8 कर से़क्खाःन् के़नाॽबा, इङ्गाॽरक् चोगुङ् चाङ् के़लॽबा हे़क्क्याङ् फे़न् पाःन्नो के़बप्पा मनाहाॽग निङ्वाॽफुमाङ्ङिल्ले़ किप्मा के़घुःबा खुम्दिङ् पिरुसिॽ॥
Romans 6:16 in Limbu 16 आत्तिन्हाॽ इङ्जाःङ्खे़म्मा के़दे़न्दिॽ, बा खे़ल्ले़ कुयोःक्पा के़बोःक्खिॽ के़लॽबान् के़न्निःसुम्मिन्बि? लायोःल्ले़ कुयोःक्पा के़बोःक्खिॽने़ फाॽग्र खिनिॽ के़स्ये़ॽइ, कर निङ्वाॽफुमाङ्ङिल्ले़ कुइङ्जाःङ्ङिन् के़घे़प्सुम्ने़ फाॽग्र खिनिॽ साम्योनिबा के़बोःक्खिॽरो॥
Romans 8:13 in Limbu 13 खिनिॽ लायोबा सुत्नाःल्ले़ निङ्वाॽ चोगुबा कुइसिःक् के़वयिॽने़ फाॽग्र खिनिॽ के़स्ये़ॽइरो, कर सेसेमाङ्ङिल्ले़ कुमुक्साम्लाम् लायोबा याःम्बक्हाॽ के़ले़रुम्ने़ फाॽग्र के़हिङिॽरो॥
Romans 12:9 in Limbu 9 कुजे़क्काङ् लुङ्माॽ तुक्कासिम्मे़ॽ, ताप्फे़ःम्बा पाःन्हाॽ नाॽरे़म्मे़ॽ, आत्तिन् पाःन्निन् नुःबा चोःक्, बा खे़न् पाःन्नो पत्छे़म्मे़ॽओ॥
2 Corinthians 6:6 in Limbu 6 आनिगे़ सेसे हिङ्मन्लाम्, खासिङ् निःप्मालाम्, नासि थःप्मालाम्, नुःरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसेवारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे़ फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे़ साम्योनिबा हिङ्मन्नेरो॥
Galatians 3:1 in Limbu 1 गलाति के़युङ्बा नसानिबासे, थेआङ् खिनिॽ अदङ् कुइसिःक् के़जोगिबाबे? हाःत्ले़ के़ले़मिआङ् खिनिॽ निङ्वाॽइन्फे़त्लाःन्दु के़बिरिबे? खिनिॽ तगिए ये़सु ख्रिस्ते़न्सिलाम्साक्मा सिङ्सम्दाङ् स्ये़बा पाःन्निन् नुःरिक्काङ् चे़क्कासिगे़आङ् वये़॥
Galatians 5:5 in Limbu 5 कर आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ् के़लॽबा निङ्साङ्ङिन् सेसेमाङ्ङिल्ले़ हाङ्मा आभाॽरो॥
Galatians 5:7 in Limbu 7 खिनिॽग नुःरिक्काङ् नसाःन् के़जोगुम्माङ् के़वयिॽ, कर से़क्खाबा पाःन्निन् इःप्मा नाःप्मा हाःत्ले़ के़साक्तिबे?
Ephesians 4:3 in Limbu 3 वेॽहाॽनु सनारुङ्ङो वये़म्मे़ॽआङ् सेसेमाङ्लाम् के़दाःबा थिक्हुप्पो वाॽमा साॽरिक् कोःत्ते़म्मे़ॽओ॥ सेसेमाङ्लाम् के़दाःबा थिक्हुप्पो वाॽमा फाॽआङ् काक् परिक्ले़ तम्सिन् चोगे़म्मे़ॽर सनारुङ्ङो वये़म्मे़ॽओ॥
Philippians 1:9 in Limbu 9 इङ्गाॽ अक्खेलॽरिक् तुवा चोगुङ्लो–खिनिॽ आल्लसाङ् यरिक् लुङ्माॽ के़दुक्कासिआङ्ने़हिनिङ्वाॽ नु खासिङ् निःप्माल्ले़ के़बोरिर के़बेगिर,
1 Thessalonians 3:12 in Limbu 12 हे़क्क्याङ् आनिगे़ खिनिॽ लुङ्माॽ तुक्कासिगे़बा हे़क्केए हाराॽ दाङ्बाल्ले़ खिनिॽ लुङ्माॽ तुक्सिङ्मा हे़क्क्याङ् काक् मे़न्छाम् याप्मिहाॽ लुङ्माॽ के़दुक्पा के़बोःङ्बार के़बेःक्पा के़जोगिररो॥
1 Thessalonians 4:8 in Limbu 8 हे़क्केःल्ले़ आत्तिल्ले़ कन् निसाम्मिन् नाॽरु, खे़ल्ले़ग मे़न्छाम्गे़न् याप्मिःन् मे़ःन्, कर खिनिॽ सेसेमाङ् के़बिबा निङ्वाॽफुमाङ्ङिन् नाॽरुबारो॥
2 Thessalonians 1:3 in Limbu 3 फुॽनुसाॽ नु ने़ॽनुसाॽसे, खिनिॽ याःम्बेओ आनिगे़ग निङ्वाॽफुमाङ्ङिन् सदादिङ् नोगे़न् पिमाए पोःङ्लो॥ हे़क्क्याङ् हे़क्के चोःक्माग लाॽरुएरो, थेआङ्भे़ल्ले़ खिनिॽ नसाःन्नो के़बोःरिर के़बत्छिआङ् लुङ्माॽ के़दुक्कासिबा पाःन्निन् पोःर पत्लो॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
1 Timothy 1:3 in Limbu 3 इङ्गाॽ मे़सेदोनिया थुम्मो पेगाङ्ङिल्ले़ खे़ने़ॽ पेलि फाक्ने़बा कुइसिःक् खे़ने़ॽ एफिससओ ए याःक्ते़ॽओ॥ खे़प्मो कुभा मनाहाॽरे़ इङ्ले़क्पा निसाम् मे़हुॽरुसिर मे़याक्॥ खे़ङ्हाॽ हे़क्के चोःक्मा मे़बाङ्घे़से़न्ने़ॽओ॥
1 Timothy 1:5 in Limbu 5 कन् इङ्जाःङ्ङिल्ले़न् निङ्वाॽसोःक्किङ्ग सेसे निङ्वाॽ, नुःबा खासिङ् नु से़क्खाबा नसाःन्लाम् के़लःम्बा मिःम्जिरो॥
1 Timothy 4:12 in Limbu 12 खे़ने़ॽ नालिङ्गे़न् थाङ्बे़न् के़वाॽबाल्ले़ आत्तिल्ले़आङ् खे़ने़ॽ कुनामे़न्छाॽ के़म्मे़त्ने़न्लरो, कर नसानिबाहाॽरे़ खुनिॽ तगि के़बाःन् सुत्लाओ, ये़प्ले़क्को, मिःम्जिओ, नसाःन्नो, हे़क्क्याङ् सेसेबा हिङ्मन्नो कुबि पोःक्खे़ॽओ॥
1 Timothy 5:2 in Limbu 2 खदाक्मि मे़न्छुमाहाॽ आप्फेःक् मानुदिङ् के़म्मा कुइसिःक् इःत्ते़से़ॽ, हे़क्क्याङ् सिसादिङ् मे़न्छियाॽहाॽ सेसे निङ्वाॽओ आप्फेःक् माङ्गे़न्ना ने़ॽनुसाॽ कुइसिःक् इःत्ते़से़ॽओ॥
2 Timothy 1:14 in Limbu 14 निङ्वाॽफुमाङ्ङिल्ले़ के़बिरे़बा नुःबा पाःन्हाॽ आनिॽओ के़वाॽबा सेसेमाङ्ङिल्ले़ कुभाॽलाम् नुःरिक्काङ् कत्ते़ॽओ॥
Hebrews 5:9 in Limbu 9 हे़क्क्याङ् कुसाङ् लस्सुआङ् कुइङ्जाःङ्के़इःप्पा के़नाःप्पा के़रे़क्ले़ लागि खुने़ॽ मे़न्नुप्मनाबा से़न्लप्रे़ कुबुन् पोःक्खे़रो॥
Hebrews 6:10 in Limbu 10 निङ्वाॽफुमाङ्ङिल्ले़ग नुःरिक्काङ् खासे़न् चोगुॽरो–हे़क्क्याङ् खुने़ॽ कुमनाहाॽ तगि कुभाॽ के़बिरुम्सिम्मिल्ले़ खुने़ॽ ओसेःन्दाङ् के़जोगुम्बा मिःम्जिन् खुने़ॽ निङ्वाॽ मे़भुःत्छुन्लो॥ खे़ङ्ग आल्लो थारिक्काङ् के़जोगुम्ल के़वयिॽरो॥
Hebrews 9:14 in Limbu 14 खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक्सुत्थो आजोःक्! खुने़ॽ मे़न्नुप्मनाबा सेसेमाङ्लाम् कुसाङ् के़लःबा सिदुङ्जभा पोःङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् सेवा चोःक्मा आसुक्तुम्ल फाॽआङ् कुमाक्खिॽइल्ले़ सिःमे़न्नो के़देॽबा याःम्बक्लाम् आनिॽ खासिङ्ङिन्सुत्थो चोगुॽरो॥
Hebrews 11:8 in Limbu 8 नसाःन्लाम्बाए अब्राहामरे़ निङ्वाॽफुमाङ्ङिल्ले़ कुइङ्जाःङ्ङिन् खे़प्सु॥ हे़क्क्याङ् उःत्तुआङ् पेगे़ॽ मे़त्तुबा लाजेॽओ पेरो॥ खे़न् लाजेॽइङ्ग ताःन्दि खुने़ॽ खोःमा के़बोःङ्बा कुलक् वये़रो॥ खुने़ॽ आत्तान् पेःक्कार पत्ता फाॽआङ् थेआङ् मे़निःसुन्लो॥
Hebrews 13:1 in Limbu 1 आल्ल नसानिबा फुॽनुसाॽ नु ने़ॽनुसाॽ के़बोःक्खिबाल्ले़ चोगुल्ले़ चक्मे़ल्लॽए लुङ्माॽ तुक्कासिम्मे़ॽओ॥
James 2:15 in Limbu 15 आल्ल फुॽनुसाॽ इग्र ने़ॽनुसाॽ थिक्ले़ चाङ् तेःत् मे़गत्तुन् हे़क्क्याङ् थिक्याःन्धक्पा चामा थुङ्मा थेआङ् मे़गत्तुन्,
James 4:8 in Limbu 8 निङ्वाॽफुमाङ्ङिल्ले़ कुबेसाङ् त्ये़म्मे़ॽ, हे़क्क्याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्मा ले़रे़म्मे़ॽओ, हे़क्क्याङ् हिल्लिक्लिक्पा निङ्वाॽ के़गप्पासे, खिनिॽ सिक्लुङ्मान् सेसे चोगे़म्मे़ॽओ
1 Peter 2:17 in Limbu 17 काक् मनाहाॽ मिङ्सो इङ्धाःङ् पिरे़म्सिम्मे़ॽ, वेॽ नसानिबा फुॽनुसाॽ नु ने़ॽनुसाॽहाॽ लुङ्माॽ तुक्ते़म्सिम्मे़ॽ, किःसे़म्मे़ॽर निङ्वाॽफुमाङ्ङिन् इङ्धाःङ् पिरे़म्मे़ॽ हे़क्क्याङ् हाङ् के़जोःक्पे़न्मिङ्सो इङ्धाःङ् पिरे़म्मे़ॽओ॥
1 Peter 3:1 in Limbu 1 हे़क्केलॽरिक् हिम्सामासे, खिनिॽ हिम्साबाहाॽरे़ खुनिॽ युक्को वये़म्मे़ॽओ, थेआङ्भे़ल्ले़ खे़ङ्हाॽओ कुभा निङ्वाॽफु पाःन्जाक् नसाःन् मे़न्जोःक्मनाबा मे़जोःक्साङ् खिनिॽ थेआङ् मे़म्मे़त्ते सेसेबा हिङ्मन्निन् नु निङ्वाॽफुमाङ्ङिन् इङ्धाःङ् के़बिरुम्बा खे़ङ्हाॽरे़ मे़निःसुआङ् निङ्वाॽफुमाङ्ङिन् नसाःन् चोःक्मा मे़सुक्तुॽरो॥
1 Peter 3:8 in Limbu 8 कुनुप्मो, खिनिॽ निङ्वाॽओ काक् थिक्हुप् पोःक्खे़म्मे़ॽ, लुङ्माॽ तुक्कासिम्मे़ॽ, मिःम्जि मे़त्तासिम्मे़ॽ, हाङ्हाङ्वा ओसेःन्धाक्कासिम्मे़ॽ हे़क्क्याङ् चुङ्जिगे़न् नःम्नःम् पोःक्खे़म्मे़ॽओ॥
1 Peter 4:8 in Limbu 8 काक्नुःल्ले़ यम्बा पाःन्निङ्ग सिक्लुङ्मोलाम् लुङ्माॽ तुक्कासिम्मे़ॽओ, थेआङ्भे़ल्ले़ लुङ्माॽ तुक्माल्ले़ग यरिक् लायोहाॽ ते़प्तुॽरो॥
1 Peter 4:17 in Limbu 17 आल्ल खासे़न् पोःङ्मा ये़म् त्ये़आङ् वाॽ, हे़क्क्याङ् निङ्वाॽफुमाङ्ङिल्ले़ कुमनाहाॽओनु हेःक्सिङ्लो॥ आल्ल आनिॽलाम्मे खासे़न् पोःङ्मा हेःक्सिङ्ने़ फाॽग्र, निङ्वाॽफुमाङ्ङिल्ले़ कुसुनाइङ् खे़म्मा मे़न्दे़म्मनाबाहाॽ थे मे़बोःङ्बे?
2 Peter 1:7 in Limbu 7 साप्चुवाओ फुॽनुसाॽ लुङ्माॽ तुक्सिङ्मान्, हे़क्क्याङ् फुॽनुसाॽ लुङ्माॽ तुक्सिङ्मो मिःम्जिन् योॽरे़म्मे़ॽओ॥
1 John 3:11 in Limbu 11 आनिॽ लुङ्माॽ तुक्सिङ्मा पोःङ् के़लॽबा इङ्घङ्ङिङ्ग तगिआङ्धोए के़घे़प्सुम्माङ् के़वयिॽरो॥
1 John 3:14 in Limbu 14 आनिॽ नसानिबा फुॽनुसाॽ नु ने़ॽनुसाॽहाॽ लुङ्माॽ आदुक्सिङ्बाल्ले़ चोगुल्ले़ आनिॽग सिःमे़न्लाम् मे़न्नुप्मनाबा हिङ्मन्नो आजत्छिङ्ङाङ् आवाॽ फाॽआङ् आनिःसुम्लो॥ कर आत्तिल्ले़ वेॽहाॽ लुङ्माॽ मे़दुक्तुसिन्, खे़ङ्ग आल्लोसाङ् सिःमे़न्नोए वाॽरो॥
1 John 3:23 in Limbu 23 खुने़ॽ कुइङ्जाःङ्ङिङ्ग बा कन्लो–आबुगे़न् कुस्साः ये़सु ख्रिस्ते़न्आनिॽ नसाःन् चोःक्मा पोःङ्, हे़क्क्याङ् खुने़ॽ आबिरे़बा इङ्जाःङ् कुइसिःक् लुङ्माॽ तुक्सिङ्मा पोःङ्लो॥
1 John 4:7 in Limbu 7 आमिःम् आन्जुम्से, आनिॽग लुङ्माॽ तुक्कासिरो, थेआङ्भे़ल्ले़ मना लुङ्माॽ तुक्माङ्ग निङ्वाॽफुमाङ्लाम् ताःरो॥ वेॽहाॽ लुङ्माॽ के़दुक्पे़ङ्ग निङ्वाॽफुसाःरो, हे़क्क्याङ् खे़ल्ले़ निङ्वाॽफुमाङ्ङिन् कुसिङ् निःत्तुॽरो॥
1 John 4:12 in Limbu 12 आत्तिल्ले़आङ् निङ्वाॽफुमाङ्ङिन् आप्फाल्ले़आङ् मे़न्निए वाॽरो॥ कर आनिॽ लुङ्माॽ आदुक्सिङ्ने़ फाॽग्र निङ्वाॽफुमाङ्ङिन् आनिॽओ वाॽ, हे़क्क्याङ् खुने़ॽ कुमिःम्जिन् आनिॽओ मनाहाॽरे़ मे़निःसुॽरो॥
1 John 4:20 in Limbu 20 आत्तिल्ले़ निङ्वाॽफुमाङ्ङिन् मिःम्जि मे़त्तुङ् लॽ कर नसानिबा फुॽनुसाॽ नु ने़ॽनुसाॽहाॽ चिःत्तुसिॽने़ फाॽग्र खे़ङ्ग इङ्ले़क्पारो॥ थेआङ्भे़ल्ले़ खुने़ॽ आबाङे निःसुबा नसानिबा फुॽनुसाॽ नु ने़ॽनुसाॽहाॽ लुङ्माॽ तुक्मा मे़सुक्तुन्छिन्निल्ले़ निःमे़न्दे़प्मनाबा निङ्वाॽफुमाङ्ङिन् आक्खेलॽरिक् मिःम्जि मे़प्मा सुक्तुबे?
Revelation 2:4 in Limbu 4 कर खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोःङ्–तगि मिःम्जि के़मे़त्ताङ्बा यारिक् अक्खेःल्ले़ इङ्गाॽ मिःम्जि के़म्मे़त्तान्लो॥