1 Peter 1:1 in Limbu 1 ये़सु ख्रिस्तरे़ कुसेःक्युक्मिबा इङ्गाॽ पत्रुसलाम्बा पन्तियस, गलातिया, काप्पादोकिया, एसिया हे़क्क्याङ् बिथानिया थुम्हाॽओ के़से़बाआङ् के़युङ्बाहाॽ निङ्वाॽफुमाङ्ङिल्ले़ सेगुसिबा वे़प्मिबा कुइसिःक् के़वाॽबा कुमनाहाॽ कन् सक्इङ्घङ्ङिन् हाक्निङ्बारो॥
Other Translations King James Version (KJV) Peter, an apostle of Jesus Christ, to the strangers scattered throughout Pontus, Galatia, Cappadocia, Asia, and Bithynia,
American Standard Version (ASV) Peter, an apostle of Jesus Christ, to the elect who are sojourners of the Dispersion in Pontus, Galatia, Cappadocia, Asia, and Bithynia,
Bible in Basic English (BBE) Peter, an Apostle of Jesus Christ, to the saints who are living in Pontus, Galatia, Cappadocia, Asia, and Bithynia,
Darby English Bible (DBY) Peter, apostle of Jesus Christ, to [the] sojourners of [the] dispersion of Pontus, Galatia, Cappadocia, Asia, and Bithynia,
World English Bible (WEB) Peter, an apostle of Jesus Christ, to the chosen ones who are living as strangers in the Dispersion in Pontus, Galatia, Cappadocia, Asia, and Bithynia,
Young's Literal Translation (YLT) Peter, an apostle of Jesus Christ, to the choice sojourners of the dispersion of Pontus, Galatia, Cappadocia, Asia, and Bithynia,
Cross Reference Matthew 4:18 in Limbu 18 थिक् ये़न् ये़सुःन् गालिल वरक्किल्ले़ कुयाओ लाङ्घेगे़र वये़ल्ले़ पत्रुस मे़प्मनाबा सिमोने़न् नु कुन्साॽ आन्द्रियासे़न् निःसुसि॥ खे़ङ्हाॽ वरक्को योःङ् ले़प्ते़त्छुर यागे़त्छि, थेआङ्भे़ल्ले़ खे़ङ्हाॽ योःङ् के़ले़प्पा वये़त्छिरो॥
Matthew 10:2 in Limbu 2 खे़न् थिक्-ने़त् सेःक्युक्मिबाहाॽरे़ खुनिॽ मिङ्ग अक्तङ्बा चोःक्– सिमोन (खुने़ॽ पत्रुसआङ् मे़मे़त्तु), आन्द्रियास (पत्रुसरे़ कुन्साॽ), याकुब (जब्दियारे़ कुस्साः), युहुन्ना (याकुबरे़ कुन्साॽ),
Matthew 24:22 in Limbu 22 निङ्वाॽफुमाङ्ङिल्ले़ खे़न् ये़न्हाॽ ताङ्सा मे़जोगुन्निल्ले़ग आत्तिन् मनाहाॽआङ् हिङ्मा मे़न्छुक्ते़न्बारो॥ कर खुने़ॽ सेगुसिबाहाॽ मे़हिङ्ल फाॽआङ् खे़न् ये़न्हाॽ ताङ्सा पोःक्खे़बारो॥
John 1:41 in Limbu 41 अन्द्रियासरे़ काक्नु तगि कुम्भुॽ सिमोने़न्तुमुआङ् मे़त्तु, “आन्छिगे़ मसिह मे़प्मनाबा निङ्वाॽफुमाङ्ङिल्ले़ सेःन्दुबा ख्रिस्ते़न्तुमे़त्छुगे़रो” (ग्रिक पाःन्दाङ्ङो “‘ख्रिस्त’ पोःङ्, हिब्रु पाःन्दाङ्ङो ‘मसिह’” पोःङ्लो)॥
John 7:35 in Limbu 35 यहुदि लाम्लोःबाहाॽ सेःन्मे़लाप्सिङ्, “मे़ःम्बे़, खुने़ॽ आत्तो पेःक्मा निङ्वाॽ चोगुर वाॽआङ् आनिॽ तुम्मा आन्छुक्तुम्मिन्बाबे? खुने़ॽ वेॽ लाजेॽओ के़युङ्बा आनिॽ मनाहाॽरो पेःक्काङ् थिम्मे़न्दङ् सुवाङ्हाॽ हुॽरुसिबाबि?
John 11:52 in Limbu 52 हे़क्क्याङ् यहुदिहाॽरे़ खुनिॽ लागिरक् मे़ःन्, कर वेॽ लाजेॽहाॽओ काक् के़से़बाआङ् के़वाॽबा निङ्वाॽफुमाङ्ङिल्ले़ कुमनाहाॽ सोरिक् ताःप्मासिआङ् थिक्हुप् चोःक्मासि फाॽआङ् कन् माङ्निङ्वाॽपाःन्निन् खे़ल्ले़ पाःत्तुबारो॥
John 21:15 in Limbu 15 खे़ङ्हाॽरे़ मे़ज मे़सुरुआङ् सिमोन पत्रुसे़न् ये़सुरे़ मे़त्तु “युहुन्नारे़ कुस्साः सिमोने, कङ्हाॽरे़ मिःम्जि मे़मे़त्ताबानुःल्ले़आङ् यरिक् खे़ने़ॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्साःहाॽ चालाम्से़से़ॽओ॥”
Acts 2:5 in Limbu 5 आल्ल यरुसले़म्मो इक्सादिङ् खाम्बेःक्मोबा काक् लाजेॽओनु के़दाःबाआङ् के़वाॽबा यहुदि साम्योबा मनाहाॽआङ् मे़वये़रो॥
Acts 6:9 in Limbu 9 कर “चोःक्युम्भोसाबाहाॽरे़न् चुम्लुङ्हिम्” मे़प्मनाबा यहुदि चुम्लुङ्हिम्मो के़याक्पा कुभा मनाहाॽ खुनिॽ तक्ले़ङ्वाओ मे़बोगे़॥ खे़ङ्हाॽ साइरेनि नु अले़क्जे़न्द्रिया ये़क्यक्, हे़क्क्याङ् सिलिसिया नु एसिया ते़ङ्गप्स्मा यहुदि मे़वये़रो॥ खे़ङ्हाॽरे़ स्तिफनसनु पाःन् थक्मा मे़हेःक्तु,
Acts 8:4 in Limbu 4 यरुसले़म्लाम् के़से़बार के़बेःक्पाहाॽरे़ आत्ति मे़बेसाङ् सुनाइङ् मे़से़ःसुरो॥
Acts 16:6 in Limbu 6 पावल नु कुन्देःङ्हाॽ फ्रिगिया नु गलातियास्मा थुम्मो लाम्दिःक् मे़जोगे़, थेआङ्भे़ल्ले़ सेसेमाङ्ङिल्ले़ खे़न् ये़म्मो खे़ङ्हाॽ एसियास्मा ते़ङ्गप्पो सुनाइङ् से़ःमा साक्तुसिआङ् वये़रो॥
Acts 18:2 in Limbu 2 खे़प्मो खुने़ॽ अक्विला मे़प्मनाबा यहुदिधिक् तुमु॥ खे़न् पोन्तस लाजेॽबा वये़॥ खे़न् खारक् इतालिलाम् मेलिङ्गे़न् कुमेःत् प्रिस्किलाःन्नु त्ये़सिआङ् वये़त्छि, थेआङ्भे़ल्ले़ पयम् हाङ् क्लाउदियसरे़ काक् यहुदिहाॽ रोम ये़क्यक्किन् पक्थ्ये़म्मे़ॽआङ् पेगे़म्मे़ॽ फाॽआङ् इङ्जाःङ् पिरुसिआङ् वये़रो॥ खे़ङ्हाॽरे़ खुनिॽ तुम्से़ पावले़न् पे,
Acts 18:23 in Limbu 23 खे़प्मो कुभा ये़म् याःक्ते़आङ् खे़प्मोलाम् पावले़न् गलातिया नु फ्रिगियास्मा ते़ङ्गप्पो याम्मो लाम्दिःक् चोगे़र खे़प्मोबा नसानिबाहाॽ नसाःन्नो के़धुम्बा चोगुसिरो॥
Acts 20:16 in Limbu 16 पावलरे़ एसियास्मा ते़ङ्गप्पो मे़न्नाःम्सिङ्ङे, हे़क्क्याङ् एफिससओ मे़न्लःन्ने कुबेसाङ् पोःङ्मार पेःक्माआङ् हाराए यरुसले़म के़प्मा निङ्वाॽ चोगु, थेआङ्भे़ल्ले़ पे़न्तिकोस्त तङ्नाम्मो खे़प्मो वाॽमा के़लॽबा कुनिङ्वाॽ वये़॥
1 Corinthians 16:19 in Limbu 19 एसिया ते़ङ्गप्पोबा सेसेहुप्लक्हाॽरे़ खिनिॽ सेवा के़म्हाक्तिॽरो॥ अक्विला नु प्रिस्किला हे़क्क्याङ् खुन्छिॽ हिम्मो के़जुम्बा सेसेहुप्लक्कोबा मनाहाॽरे़ दाङ्बाओ सिक्लुङ्मोलाम् सेवा के़म्हाक्तिॽरो॥
2 Corinthians 1:8 in Limbu 8 आमिःम् फुॽनुसाॽ नु ने़ॽनुसाॽसे, एसियाबा ते़ङ्गप्पो आनिगे़ तुमुम्बे़बा के़साक्पा इनोगे़न् तुक्खेःन् खिनिॽ निङ्वाॽओ ताःप्मा के़लॽबा निङ्वाॽ चोगुङ्लो॥ खे़न् तुक्खेःङ्ग थम्मा सुक्मे़न्दे़प्मना कुइसिःक् चोगे़, हे़क्केःल्ले़ आनिगे़ हिङिगे़ॽ के़लॽबा निङ्वाॽए मे़न्इःप्मनारो॥
Galatians 1:2 in Limbu 2 इङ्गाॽनु सोरिक् के़वाॽबा काक् फुॽनुसाॽ नु ने़ॽनुसाॽहाॽरे़आङ् गलातिया थुम्मोबा सेसेहुप्लक्हाॽओ के़वाॽबाहाॽ सेवा के़म्हाक्तिॽरो॥
Ephesians 2:12 in Limbu 12 खे़न् ये़म्मो खिनिॽ ख्रिस्त मे़ःन्ने, इस्राइलबा यक्युङ्बा के़न्वयिन्, निङ्वाॽफुमाङ्ङिल्ले़ पिनिङ् फाॽआङ् माङ्हे़क् चोगुबा माङ्हुप्हाॽ मे़ङ्घोःमनाबा, निङ्साङ् के़होःप्पा नु कन् इक्सादिङ् खाम्बेःक्माओ निङ्वाॽफुमाङ् मे़ःन्ने के़वयिबान् निङ्वाॽ इःत्ते़म्मे़ॽओ॥
Ephesians 2:19 in Limbu 19 खे़ल्ले़ चोगुल्ले़ आल्ल खिनिॽ थिम्मे़न्दङ् सुवाङ्हाॽ वेॽ लाजेॽबा नु तास्वाबानिङ् मे़ःन्, कर खिनिॽग निङ्वाॽफुमाङ्ङिल्ले़ सेसे कुमनाहाॽनु निङ्वाॽफुमाङ्ङिल्ले़ कुहिम्सयङ्ङोबा यक्युङ्बा के़बोःक्खिआङ् के़वयिॽरो॥
2 Timothy 1:15 in Limbu 15 एसियास्मा थुम्मोलाम् के़दाःबा काक् नसानिबाहाॽरे़ इङ्गाॽ मे़ले़राङ् मे़देःसाङ्बा पाःन्हाॽग खे़ने़ॽ के़निःसुरो॥ खे़ङ्हाॽओ फुगेलस नु हर्मोजेनसे़न्नाङ्लो॥
Hebrews 11:13 in Limbu 13 कन् काक् नसाःन्साबाहाॽरे़ग निङ्वाॽफुमाङ्ङिल्ले़ खे़ङ्हाॽनु चोगुबा माङ्हे़क् मे़ङ्घोए मे़स्ये़, कर खे़ङ्हाॽरे़ग माःङ्घालाम् खे़न् मे़निःसुआङ् निङ्वाॽफुमाङ्ङिल्ले़ कुमाङ्हे़क्किन् लाङ्मे़दाःक्तुरो॥ हे़क्क्याङ् खे़ङ्हाॽग कन् इक्सादिङ् खाम्बेःक्मो वेॽ लाजेॽबा नु ताक्के़गम्बा वयिगे़रे़त्छ लॽरिक् ते़न्दिङ् मे़जोगुरो॥
James 1:1 in Limbu 1 के़रे़क् लाजेॽओ के़से़बाआङ् के़वाॽबा ख्रिस्ते़न्नसाःन् के़जोःक्पा यहुदिसे, निङ्वाॽफुमाङ् नु दाङ्बा ये़सु ख्रिस्तरे़ कुसेवारोबा इङ्गाॽ याकुबरे़ कन्सक्इङ्घङ्ङिन् हाक्निङ्बारो॥
1 Peter 2:11 in Limbu 11 आमिःम् फुॽनुसाॽ नु ने़ॽनुसाॽसे, खिनिॽग कप्मो वे़प्मिबा नु माःङ्घा लाजेॽबा कुइसिःक् के़वयिबाल्ले़ चोगुल्ले़ लायोबा फे़न् निङ्वाॽलाम् लाःत्लाःत् वये़म्मे़ॽ फाॽआङ् पेलि फाक्निङ्लो॥ खे़न् लायोबा फे़न् निङ्वाॽइङ्ग खिनिॽ याम्साम्मिल्ले़ कुदक्ले़ङ्वाओ पोःक्लो॥
2 Peter 1:1 in Limbu 1 ये़सु ख्रिस्तरे़ कुसेवारोबा नु कुसेःक्युक्मिबा इङ्गाॽ सिमोन पत्रुसलाम् कन् सक्इङ्घङ्ङिन् साप्तुङ्ङाङ् आनिगे़ कुइसिःक् इमे़ल्लुङ्बा नसाःन् के़घोःबा खिनिॽ के़रे़क् हाक्निङ्लो॥ खे़न् नसाःन्निन् आनिॽ साम्योनिबा निङ्वाॽफुमाङ् नु से़न्लप्दाङ्बा ये़सु ख्रिस्तरे़ आबिरे़आङ् आवाॽरो॥
Revelation 1:11 in Limbu 11 खे़न् इक्लाःल्ले़ इङ्गाॽ अक्खे मे़त्ताङ्, “खे़ने़ॽ के़निःसुबा पाःन्हाॽ साप्ते़ॽआङ् एफिसस, इस्मर्ना, पर्गामम, थियातिरा, सार्दिस, फिलादेल्फिया नु लाओदिकिया ये़क्यक्हाॽओबा नुसि सेसेहुप्लक्हाॽ हाक्ते़से़ॽओ॥”