1 John 2:13 in Limbu 13 पानुदिङ् पाःसे, तोलिङ्सोमुआङ्धोए के़वाॽबा ख्रिस्ते़न्खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, माफे़न्साम्मिन् खिनिॽ के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
Other Translations King James Version (KJV) I write unto you, fathers, because ye have known him that is from the beginning. I write unto you, young men, because ye have overcome the wicked one. I write unto you, little children, because ye have known the Father.
American Standard Version (ASV) I write unto you, fathers, because ye know him who is from the beginning. I write unto you, young men, because ye have overcome the evil one. I have written unto you, little children, because ye know the Father.
Bible in Basic English (BBE) I am writing to you, fathers, because you have knowledge of him who was from the first. I am writing to you, young men, because you have overcome the Evil One. I have sent a letter to you, children, because you have knowledge of the Father.
Darby English Bible (DBY) I write to you, fathers, because ye have known him [that is] from the beginning. I write to you, young men, because ye have overcome the wicked [one]. I write to you, little children, because ye have known the Father.
World English Bible (WEB) I write to you, fathers, because you know him who is from the beginning. I write to you, young men, because you have overcome the evil one. I write to you, little children, because you know the Father.
Young's Literal Translation (YLT) I write to you, fathers, because ye have known him who `is' from the beginning; I write to you, young men, because ye have overcome the evil. I write to you, little youths, because ye have known the Father:
Cross Reference Matthew 11:27 in Limbu 27 हे़क्क्याङ् ये़सुरे़ मनाहाॽ मे़त्तुसि, “आम्बारे़ के़रे़क् पाःन्हाॽ पिराङ्ङाङ् वाॽरो॥ कुस्साःन् कुम्बारे़रक् कुसिङ् निःत्तुॽ, वेॽहाॽरे़ कुसिङ् मे़न्निःत्तुन्लो॥ हे़क्क्याङ् पानुदिङ् पाःन् कुसिङ् मे़निःत्तुर फाॽआङ् कुस्साःल्ले़ ओसेःन्धाक्तुसिबा मनाहाॽरे़रक् कुसिङ् मे़निःत्तुॽरो॥
Matthew 13:19 in Limbu 19 आत्तिल्ले़ निङ्वाॽफुहाङ्जुम्बा पाःन्निन् खे़प्सुआङ् कुसिङ्मे़निःत्तुन्, खे़न् मनाःङ्ग लाम्मो के़जुक्पा याॽरिःम्बा कुइसिःक् चोःक्॥ माफे़न्साम्मिन् ताआङ् खे़ल्ले़ कुनिङ्वाॽओ के़याक्पा पाःन्जाक्किन् लःत्तु तेॽरुरो॥
Matthew 13:38 in Limbu 38 प्याङ्सिगे़न् इःक्ताप्पिङ्ग इक्सादिङ् खाम्बेःक्मान्लो, हे़क्क्याङ् खे़न् नुःबा याॽरिःम्बाहाॽग निङ्वाॽफु हाङ्जुम्बा मनासिरो॥ माले़ःन्दोहाॽग माफे़न्साम्मिल्ले़ कुमनासिरो,
Luke 10:22 in Limbu 22 “आम्बारे़ काक् पाःन्हाॽ पिराङ्ङाङ् वाॽरो॥ कुस्साःन् हाःप्पे फाॽआङ् कुम्बारे़रक् कुसिङ् निःत्तुॽ, वेॽहाॽरे़ कुसिङ् मे़न्निःत्तुन्लो॥ हे़क्क्याङ् पानुदिङ् पाःन् हाःप्पे फाॽआङ् कुसिङ् मे़निःत्तुर फाॽआङ् कुस्साःल्ले़ ओसेःन्धाक्तुसिबा मनाहाॽरे़रक् कुसिङ् मे़निःत्तुॽरो॥”
John 8:19 in Limbu 19 खे़ङ्हाॽरे़ खुने़ॽ सेःन्मे़दोसु, “खे़ने़ॽ के़बाःत्तुर के़ने़बा पानुदिङ् के़म्बाग आत्तो वाॽबे?” ये़सुरे़ खे़ङ्हाॽ नोगप् पिरुसि, “खिनिॽग इङ्गाॽ याप्मि कुसिङ् के़न्निःत्तिन् हे़क्क्याङ् पानुदिङ् आम्बाआङ् कुसिङ् के़न्निःत्तुम्मिन्लो॥ इङ्गाॽ याप्मि कुसिङ् के़निःत्तिल्ले़ग आम्बाआङ् कुसिङ् के़निःत्तुम्बामे़न्लो॥”
John 8:54 in Limbu 54 ये़सुरे़ नोगप् पिरुसि, “इङ्गाॽ आबाङे चम्सिङ्ङाने़ फाॽग्र खे़ङ्ग थेआङ् मे़ःन्लो, कर खिनिॽ आनिगे़ निङ्वाॽफुमाङ् के़मे़त्तुम्बा पानुदिङ् आम्बारे़ए इङ्गाॽ आमिमिदिङ् चोगुॽरो॥
John 14:7 in Limbu 7 खिनिॽ से़क्खाए याप्मि कुसिङ् के़निःत्तिआङ् के़वयिॽने़ फाॽग्र पानुदिङ् आम्बाआङ् कुसिङ् के़निःत्तुम्लो॥ आल्लाङ्धो खुने़ॽ कुसिङ् के़निःत्तुम्लो, थेआङ्भे़ल्ले़ खुने़ॽ के़निःसुम्माङ् के़वयिॽरो॥”
John 14:9 in Limbu 9 ये़सुरे़ नोगप् पिरु, “मे़ःम्बे़ फिलिप्पे, इङ्गाॽग आल्लो थारिक् खिनिॽनु सोरिक् वयाङ्साङ् इङ्गाॽ याप्मि कुसिङ् के़न्निःत्तान्बि? हाःत्ले़ इङ्गाॽ निसाङ्ङाङ् वाॽ, खे़ल्ले़ग पानुदिङ् पाःन्नाङ् निःसुआङ् वाॽरो॥ हे़क्केःल्ले़ आक्खेलॽरिक् पानुदिङ् पाःन् ओसेःन्आधाक्ते़ॽ लॽरिक् के़बाःत्तुबाबे?
John 16:3 in Limbu 3 खे़ङ्हाॽरे़ पानुदिङ् पाःन् इग्र इङ्गाॽ याप्मि कुसिङ् मे़न्निःत्तान्बाल्ले़ चोगुल्ले़ खिनिॽ हे़क्के के़म्मे़त्तिॽरो॥
John 17:3 in Limbu 3 खे़ङ्हाॽरे़ से़क्खागे़न् निङ्वाॽफुमाङ्ङिन् खे़ने़ॽरक् फाॽआङ् कुसिङ् मे़निःत्तुर हे़क्क्याङ् खे़ने़ॽ के़बाङ्घुबा ये़सु ख्रिस्ते़न्कुसिङ् मे़निःत्तुर बा खे़न्ने मे़न्नुप्मनाबा हिङ्मन्लो॥
John 17:21 in Limbu 21 पानुदिङ् आम्बे, खे़ङ्हाॽ काक् थिक्हुप् मे़बोःङ्ल फाॽआङ् तुवा चोःक्कारो॥ इङ्गाॽ खे़ने़ॽओ हे़क्क्याङ् खे़ने़ॽ इङ्गाॽओ के़वाॽबा कुइसिःक् खे़ङ्हाॽआङ् आन्छिॽओ मे़वाॽररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा फाॽआङ् नसाःन् मे़जोगुररो॥
2 Corinthians 4:6 in Limbu 6 थेआङ्भे़ल्ले़ खादाम्मो ओःत्तिःन् ओःत्ल फाॽआङ् के़बाःप्पा निङ्वाॽफुमाङ्ङिल्ले़ ख्रिस्तरे़ कुनाराओ के़ओःप्पा निङ्वाॽफुमाङ्ङिल्ले़ कुमिमिदिङ्ले़न् ने़हिनिङ्वाॽइन्कुसिङ् निःप्मा आसुक्तुम्ल फाॽआङ् आनिगे़ सिक्लुङ्मो खुने़ॽ कुओःत्तिःन् ओःप्पाङ्घुआङ् वाॽरो॥
Ephesians 6:10 in Limbu 10 आल्ल कुनुप्मा पाःन्–दाङ्बाल्ले़ पयम् यम्बा कुमुक्साम्मिल्ले़ए के़धुम्बा पोःक्खे़म्मे़ॽओ॥
1 Timothy 5:1 in Limbu 1 खदाक्मि मनाःन् मे़भे़ःक्ते़न्ने़ॽ, कर आप्फेःक् पानुदिङ् के़म्बा कुइसिःक् इःत्ते़ॽआङ् खाहुन् पिरे़ॽओ॥ हे़क्क्याङ् खे़ने़ॽनुःल्ले़ पाःक्पाहाॽ आप्फेःक् के़न्साॽसि कुइसिःक् इःत्ते़से़ॽओ॥
Titus 2:6 in Limbu 6 बा हे़क्केलॽरिक्के थाङ्बे़न्हाॽ निङ्वाॽ हाङ्गे़म्सिङ् के़जोःक्पा पोःङ्मा पोःङ् फाॽआङ् खाहुन् पिमासि पोःङ्लो॥
1 Peter 5:8 in Limbu 8 खिनिॽ सिङ्सिङ् ये़क्ये़क् नु चाङ्जाङ् लॽरे़म्मे़ॽ! खिनिॽ निङ्मि माफे़न्साम्मिन् के़हुःक्पा थे़रिङ्बान् कुइसिःक् आत्तिन् खोःसुङ्ङाङ् लरुङ्देःसुङ् लॽरिक् कोःत्तुर ताक्कन्लो॥
1 John 1:1 in Limbu 1 तोलिङ्सोमुआङ्धोए वये़बा, आनिगे़ खे़प्सुम्बे़आङ् वयिगे़बा, हे़क्क्याङ् आबाङे मिक्किल्ले़ निःसुम्बे़आङ् वयिगे़बा, नुःरिक्काङ् ओमे़त्तुम्बे़आङ् वयिगे़बा, हे़क्क्याङ् आबाङे हुक्किल्ले़ सुःसुम्बे़आङ् वयिगे़बा हिङ्मन् के़बिबा पाःन्जाक्किल्ले़ कुयाःम्बेओ खिनिॽ सक्इङ्घङ्हाक्कासिगे़रो॥
1 John 2:1 in Limbu 1 आमिःम् आस्साःसे, खिनिॽ लायो मे़जोगे़म्मिन्ने़ॽ फाॽआङ् कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ कर कुभारे़ लायो मे़जोगुसाङ् आनिॽ लागि के़बाःप्पा के़बिबा साम्योनिबा ये़सु ख्रिस्ते़न्आनिॽ लायोलाम् ले़प्मि आघोःसुम्ल फाॽआङ् पानुदिङ् पाः निङ्वाॽफुमाङ्ङिन् पेलि फाक्तुॽरो॥
1 John 2:3 in Limbu 3 आनिॽ निङ्वाॽफुमाङ्ङिल्ले़ कुइङ्जाःङ्ङिन् आइःत्तुम् आनाःत्तुम्ने़ फाॽग्र खुने़ॽ नुःरिक्काङ् कुसिङ् आनिःत्तुम् के़लॽबान् से़क्खा आनिःसुम्लो॥
1 John 2:12 in Limbu 12 आमिःम् हिन्जाॽबित्छासे, ख्रिस्तरे़ चोगुबा कुयाःम्बक्लाम् खिनिॽ लायोःन् ले़प्मि पोःक्खे़बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥
1 John 2:14 in Limbu 14 आमिःम् आस्साःसे, पानुदिङ् पाः निङ्वाॽफुमाङ्ङिन् खिनिॽ कुसिङ् के़निःत्तुम्माङ् के़वयिबाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ पानुदिङ् पाःसे, तोलिङ्सोमुआङ्धो के़वाॽबा ख्रिस्ते़न्खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, खिनिॽ के़धुम्बा के़जोगिॽ, निङ्वाॽफु पाःन्जाक्किन् खिनिॽओ वाॽ, हे़क्क्याङ् माफे़न्साम्मिन् के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
1 John 3:12 in Limbu 12 खिनिॽग कयिने़न् हे़क्के मे़बोःक्खे़म्मिन्ने़ॽओ॥ खे़ङ्ग माफे़न्साम्मिल्ले़न् वये़आङ् खे़ल्ले़ आबाङे कुन्साॽइन् से़रुरो॥ थेआङ् से़रुबाभे़ल्ले़ खे़ल्ले़ आबाङे कुयाःम्बक्हाॽ ताप्फे़ःम्बा चोगे़, कर कुन्साॽरे़ कुयाःम्बक्हाॽ साम्योनिबा चोगे़॥
1 John 4:4 in Limbu 4 आमिःम् आस्साःसे, खिनिॽग निङ्वाॽफुमाङ्ङिल्ले़ कुमनानिङ्लो॥ हे़क्क्याङ् खिनिॽग इङ्ले़क् माङ्निङ्वाॽपाःन् के़बाःप्पाहाॽ के़नाःन्दुम्सिम्माङ् के़वयिॽरो, थेआङ्भे़ल्ले़ खिनिॽओ के़वाॽबा सेसेमाङ्ङिङ्ग इक्सादिङ् खाम्बेःक्माओ के़वाॽबान्नुःल्ले़आङ् यम्बा चोःक्लो॥
1 John 5:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ कुस्साःल्ले़ इक्सादिङ् खाम्बेःक्मान् नाःन्दुॽरो॥ आनिॽ नसाःन्निल्ले़ए इक्सादिङ् खाम्बेःक्मान् नाःन्दुॽरो॥
1 John 5:18 in Limbu 18 निङ्वाॽफुमाङ्ङिल्ले़ कत्तुबा साःल्ले़ लायो चोगुर मे़वाॽने़न् फाॽआङ् आनिॽ नुःरिक्काङ् आनिःसुम्लो, थेआङ्भे़ल्ले़ निङ्वाॽफुमाङ्ङिल्ले़ आबाङे कुस्साःल्ले़ खे़न् ताङ्से़ःप्तुॽआङ् कत्तुॽरो॥ हे़क्क्याङ् माफे़न्साम्मिल्ले़ खे़न् सुःमाआङ् मे़सुक्तुन्लो॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥