1 Corinthians 6:11 in Limbu 11 खिनिॽआङ् कुभाग बा अक्तङ्बा के़वयि, कर वागे़म्हप्ति, सेसे के़बोःक्खि हे़क्क्याङ् दाङ्बा ये़सु ख्रिस्तरे़ कुमिङ्ङो आनिॽ निङ्वाॽफुमाङ्ङिल्ले़ कुसेसेमाङ्लाम्बा आप्तिक् मे़ःन्नेबा के़बोःक्खिरो॥
Other Translations King James Version (KJV) And such were some of you: but ye are washed, but ye are sanctified, but ye are justified in the name of the Lord Jesus, and by the Spirit of our God.
American Standard Version (ASV) And such were some of you: but ye were washed, but ye were sanctified, but ye were justified in the name of the Lord Jesus Christ, and in the Spirit of our God.
Bible in Basic English (BBE) And such were some of you; but you have been washed, you have been made holy, you have been given righteousness in the name of the Lord Jesus Christ and in the Spirit of our God.
Darby English Bible (DBY) And these things were some of you; but ye have been washed, but ye have been sanctified, but ye have been justified in the name of the Lord Jesus, and by the Spirit of our God.
World English Bible (WEB) Such were some of you, but you were washed. But you were sanctified. But you were justified in the name of the Lord Jesus, and in the Spirit of our God.
Young's Literal Translation (YLT) And certain of you were these! but ye were washed, but ye were sanctified, but ye were declared righteous, in the name of the Lord Jesus, and in the Spirit of our God.
Cross Reference Luke 18:14 in Limbu 14 ओमे़त्ते़म्मे़ॽओ, कन् एःङ्याङ् के़भोःङ्बे़ङ्ग फरिसिःन्नुःल्ले़ साम्योनिबा पोःक्खे़आङ् कुहिम्मो पेरो॥ थेआङ्भे़ल्ले़ आत्तिन् मनाःन् थाःङ्धाःङ् यम्बा ले़ङ्सिङ्, खे़न् चुङ्जिगे़न् पोःङ्लो॥ आत्तिन् चुङ्जिगे़न् ले़ङ्सिङ् खे़न्निन् यम्बलाबा पोःङ्लो॥”
John 13:10 in Limbu 10 ये़सुरे़ नोगप् पिरु, “वागे़रुम्सिङ्बा मनाःङ्ग सेसे पोःङ्मारे़ लागि कुलाङ्हाॽरक् वाहप्मा पोःङ्लो, थेआङ्भे़ल्ले़ नासिङ्गे़न् कुधक्किङ्ग सेसेए चोःक्लो, हे़क्केःल्ले़ खिनिॽग सेसेए के़जोगिसाङ् खिनिॽ के़रे़क् सेसे के़होःप्तिॽरो॥”
Acts 13:39 in Limbu 39 खुने़ॽओ नसाःन् के़जोःक्पाहाॽरे़ खुनिॽ लायोःन् निङ्वाॽफुमाङ्ङिल्ले़ सुःन्दुपिरुसिॽरो॥ के़रे़क्ले़ मोसारे़ कुसाम्योथिम् इःप्मा नाःप्मालाम् खोःमा के़न्छुक्तुम्मिम्बा लायोलाम् चोःक्युम्भोःन् खिनिॽ के़घोःसुम्माङ् के़वयिॽरो॥
Acts 22:16 in Limbu 16 आल्ल थेःन् के़हाङ्घुबाबे? पोगे़ॽआङ् बप्तिस्मा पोःक्खे़ॽ, हे़क्क्याङ् ये़सुःन्नसाःन् चोगे़ॽआङ् के़लायोलाम् सेसे पोःक्खे़ॽओ॥’
Romans 3:24 in Limbu 24 कर निङ्वाॽफुमाङ्ङिल्ले़ लुङ्माॽ आदुक्ते़बाल्ले़ चोगुल्ले़ ख्रिस्त ये़सुलाम् आनिॽ लायोओनु आधे़ॽरे़आङ् आम्भा आनिॽ आप्तिक् मे़ःन्नेबा आजोगे़आङ् वाॽरो॥
Romans 3:26 in Limbu 26 हे़क्के चोगुल्ले़ निङ्वाॽफुमाङ्ङिन् आबाङे साम्योनिबा नु कुदोःप्मा खासे़न् के़जोःक्पा चोःक् के़लॽबा कन् ये़म्मो ओसेःन्धाक्सिङ्, हे़क्क्याङ् ये़सुःन्नसाःन् के़जोःक्पाहाॽ आप्तिक् मे़ःन्नेबा चोगुसिॽ के़लॽबान् ओसेःन्दाङ् चोगुॽ॥
Romans 4:5 in Limbu 5 आत्तिन् मनाःल्ले़आङ् आबाङे याःम्बक् चोगुबाल्ले़ मे़ःन्, कर लायोबा मनाःन् आप्तिक् मे़ःन्नेबा के़जोःक्पा निङ्वाॽफुमाङ्ङिन् खे़ल्ले़ नसाःन् चोगुबाल्ले़ निङ्वाॽफुमाङ्ङिल्ले़ खुने़ॽ साम्योनिबा लेःत्तुरो॥
Romans 5:1 in Limbu 1 खे़ल्ले़ चोगुल्ले़ नसाःन् आजोगुम्बाल्ले़ आप्तिक् मे़ःन्नेबा आबोःक्खे़आङ् आनिॽ दाङ्बा ये़सु ख्रिस्तलाम्बा निङ्वाॽफुमाङ्ङिन्नु आनिॽ नादङ् पोःक्खे़आङ् वाॽरो॥
Romans 5:9 in Limbu 9 खे़ल्ले़ चोगुल्ले़ आनिॽग ख्रिस्तरे़ कुमाक्खिॽइल्ले़ निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःक्खे़आङ् आवाॽबाल्ले़ चोगुल्ले़ ख्रिस्तरे़ निङ्वाॽफुमाङ्ङिल्ले़ कुघुम्दिङ्लाम् से़क्खाए ताङ्आसे़ःप्लो॥
Romans 6:17 in Limbu 17 कर खिनिॽ लायोःल्ले़ कुयोःक्पा के़बोःक्खिआङ् के़वयिसाङ्, आल्ल खिनिॽ के़हुॽआसिबा निसाम्मिन् सिक्लुङ्मोनुए के़इःप्पा के़नाःप्पा के़बोःक्खिआङ् के़वयिबाओ निङ्वाॽफुमाङ्ङिन् नोगे़न्लो॥
Romans 8:30 in Limbu 30 हे़क्क्याङ् आत्तिन्हाॽ तगिसा सेगुसि, खे़ङ्हाॽग उःत्तुसिआङ्लो॥ आत्तिन्हाॽ उःत्तुसिॽ, खे़ङ्हाॽग आप्तिक् मे़ःन्नेबाआङ्चोगुसिॽरो॥ आत्तिन्हाॽ आप्तिक् मे़ःन्नेबा चोगुसिॽ, खे़ङ्हाॽग कुमिमिदिङ्ङिन्नाङ् पिरुसिॽरो॥
Romans 8:33 in Limbu 33 निङ्वाॽफुमाङ्ङिल्ले़ सेगुसिबाहाॽ हाःत्ले़ आप्तिक् कुःप्मा सुक्तुसिॽबे? हाःत्ले़आङ् मे़सुक्तुन्छिन्, थेआङ्भे़ल्ले़ आप्तिक् मे़ःन्नेबा के़जोःक्पाङ्ग निङ्वाॽफुमाङ्ङिन्नेरो॥
1 Corinthians 1:2 in Limbu 2 कन् सक्इङ्घङ्ङिङ् कोरन्थि ये़क्यक्को के़ने़बा निङ्वाॽफुमाङ्ङिल्ले़ कुसेसेहुप्लक्कोबा सेसे कुमनाहाॽ हाक्कासिगे़रो॥ खुने़ॽ ख्रिस्त ये़सुलाम् के़रे़क् पिसाङ् आनिॽ दाङ्बा ये़सु ख्रिस्तरे़ कुमिङ् के़लोःङ्बाहाॽ सेसे चोगुसिबा हे़क्केए खिनिॽ सेसे के़जोगिबारो॥ ख्रिस्ते़ङ्ग खे़ङ्हाॽरे़न् नु आनिॽ दाङ्बारो॥
1 Corinthians 1:30 in Limbu 30 निङ्वाॽफुमाङ्ङिल्ले़ चोगुल्ले़ए खिनिॽ ख्रिस्त ये़सुओ के़वयिॽरो॥ खुने़ॽए आनिॽ लागि निङ्वाॽफुमाङ्लाम्बा सिक्कुम् निङ्वाॽ पोःक्खे़आङ् वाॽ॥ खुने़ॽए निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा नु सेसे साङ्साङ् आजोःक्, हे़क्क्याङ् आनिॽ लायोलाम् याप्मि के़धे़ॽबा पोःक्खे़आङ् वाॽरो॥
1 Corinthians 12:2 in Limbu 2 दाङ्बा ये़सुःन् खिनिॽ नसाःन् मे़न्जोःक्के के़वयिल्ले़ कुबाःन् मे़न्लःम्मना यरिक् परिक्पा नावाइत्लाहाॽ माङ्गे़घयुम्ल ताप्के़बे़ॽरिआङ् के़वयिॽरो॥
Galatians 2:16 in Limbu 16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मे़ःन्नेबा पोःङ्मा मे़सुक्ने़न्लो, कर ये़सु ख्रिस्ते़न्नसाःन् चोगुआङ्लक् आप्तिक् मे़ःन्नेबा पोःङ्मा सुक् के़लॽबा पाःन्निन् आनिॽ कुसिङ्निःप्मा पोःङ्लो॥ खे़ल्ले़ चोगुल्ले़ आनिॽआङ् ख्रिस्तओबा नसाःन्लाम् आप्तिक् मे़ःन्ने आबोःङ्ल फाॽआङ् ये़सु ख्रिस्ते़न्नसाःन् आजोगुम्लो, कर साम्योथिम् इङ्जाःङ्ङिन् आइःत्तुम् आनाःत्तुम्बालाम् मे़ःन्लो, थेआङ्भे़ल्ले़ साम्योथिम् इङ्जाःङ्ङिन् इःत्तु नाःत्तुआङ् आत्तिन्नाङ् आप्तिक् मे़ःन्नेबा मे़बोःङ्ने़ल्लो॥
Galatians 3:8 in Limbu 8 निङ्वाॽफुमाङ्ङिल्ले़ थिम्मे़न्दङ् सुवाङ्हाॽ खुनिॽ नसाःन्लाम् आप्तिक् मे़ःन्नेबा चोगुसिॽ के़लॽबा ताःन्दिबा पाःन्निन् साम्योसाप्लाओ साप्ते़आङ् पत्, हे़क्क्याङ् अब्राहाम्मिन् तगिसा अक्खेलॽरिक् सुनाइङ्ङिन् इङ्भन् चोगु, “काक् मे़न्छाम् सुवाङ्हाॽरे़ खे़ने़ॽलाम्बाए मुॽइसाम् मे़घोःसुॽरो॥”
Galatians 3:11 in Limbu 11 साम्योथिम्लाम् निङ्वाॽफुमाङ्ङिल्ले़ कुनिःमाओ आत्तिन्हाॽआङ्आप्तिक् मे़ःन्नेबा मे़म्बोःङ्ने़न् के़लॽबा पाःन्निन् से़क्खाए निःदे़त्लो, थेआङ्भे़ल्ले़ साम्योसाप्लाओ अक्खे साप्ते़आङ् पत्, “साम्योनिबाङ्ग नसाःन्लाम्बाए हिङ्लो॥”
Galatians 3:24 in Limbu 24 खे़ल्ले़ चोगुल्ले़ साम्योथिम्मिन् आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ्ल फाॽआङ् ख्रिस्तओ थारिक् लाम्लोःसे़ आनिॽ ओगे़मे़प्पा पोःक्खे़आङ् वये़रो॥
Galatians 5:22 in Limbu 22 कर सेसेमाङ्ङिल्ले़ लाम्लोसुसिबा मनाहाॽरे़ वेॽहाॽ लुङ्माॽ मे़दुक्तुसिॽ, खे़ङ्हाॽ मे़सःत्, सनारुङ्ङो मे़वाॽ, नासि मे़धःत्, खे़ङ्हाॽरे़ वेॽहाॽ नुःरिक् मे़मे़त्तुसिॽ, खे़ङ्हाॽ नुःबा याःम्बक् मे़जोःक्, निङ्वाॽइरे़ खोःप्तुसिबा मे़जोःक्,
Ephesians 2:1 in Limbu 1 के़बेःक्पा ये़म्मो खिनिॽ के़जोगुम्बा लायोबा याःम्बक्किल्ले़ चोगुल्ले़ के़स्ये़ॽइआङ् के़वयि॥
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Ephesians 5:8 in Limbu 8 थेआङ्भे़ल्ले़ तगि खिनिॽआङ् खादाम्मो के़वयि, कर आल्ल खिनिॽ दाङ्बान्नु थिक्हुप् के़बोःक्खिआङ् ओःत्तिओ के़वयिॽ॥ खे़ल्ले़ चोगुल्ले़ खिनिॽ ओःत्तिओ के़वाॽबा मनाहाॽ कुइसिःक् वये़म्मे़ॽ॥
Ephesians 5:26 in Limbu 26 ख्रिस्तरे़ सेसेहुप्लक्किन् सेसे चोःक्से़ च्वाःत्तिल्ले़ वाहप्तुआङ् कुबाःन्जाक्किल्ले़ सेसेसाङ्साङ् चोगुरो॥
Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
Titus 3:3 in Limbu 3 थेआङ्भे़ल्ले़ आनिॽआङ् थिक्ले़ङ् अदङ् नु इङ्जाःङ् इःप्मा नाःप्मा मे़न्दे़म्मनाबा, इङ्ले़क्के, याम्निङ्वाॽ तादा नु याम् तादारे़ आयुक्ते़आङ् आवये़रो॥ हे़क्केलॽरिक् सिक् पोःक्मा नु नाहे़म्माओ आवये़, हे़क्क्याङ् मनाहाॽ आजिःत्तुम्सिम्माङ्आवये़रो॥
Hebrews 2:11 in Limbu 11 मनाहाॽ लायोलाम् सेसे के़जोःक्पा ये़सुःन् नु सेसे के़बोःङ्बाहाॽग लत्थिक् हिम्सयङ्सिरो, खे़ल्ले़ चोगुल्ले़ खे़ङ्हाॽ आन्साॽसि मे़प्मासि खुने़ॽ मे़नुःन्ने़न्लो॥
Hebrews 10:22 in Limbu 22 आनिॽ तोःन्दोःम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन्साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
James 2:21 in Limbu 21 आनिॽ ताक्थे़बा अब्राहामरे़ कुस्साः इसहाक्किन् ले़त्तिङ्तोःम्मादे़न्नो सिदुङ्जभा चोःक्से़ तोःन्दुबा याःम्बक्किल्ले़ए खुने़ॽ आप्तिक् मे़ःन्नेबा चोगुबा मे़ःम्बि?
1 Peter 1:2 in Limbu 2 निङ्वाॽफुपाःल्ले़ तगिसा कुसिङ्के़निःत्तिबा कुइसिःक् कुमना पोःङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाःङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
1 Peter 1:22 in Limbu 22 आल्ल से़क्खा पाःन्निन् खे़म्मा के़दे़न्दिआङ् आबाङे सुत्थो के़जोःक्कासिआङ् के़वयिबाल्ले़ चोगुल्ले़ फुॽनुसाॽ नु ने़ॽनुसाॽहाॽ नुःरिक् लुङ्माॽ के़दुक्तुम्सिम्, हे़क्केःल्ले़ सिक्लुङ्मोलाम्मे साॽरिक् लुङ्माॽ तुक्ते़म्सिम्मे़ॽओ॥
1 Peter 3:21 in Limbu 21 कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मे़ःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न्सिःमे़न्लाम् याम्मो हिङे़बालाम् ताःरो॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥