1 Corinthians 10:13 in Limbu 13 खिनिॽ हिङ्मन्नो के़दाःबा काक् हङ्साॽमाहाॽ मे़न्छाम् याप्मि लुम्मो के़दाःबा कुइसिःक् चोःक्लो॥ निङ्वाॽफुमाङ्ङिङ्ग नसाःन्साबा चोःक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
Other Translations King James Version (KJV) There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it.
American Standard Version (ASV) There hath no temptation taken you but such as man can bear: but God is faithful, who will not suffer you to be tempted above that ye are able; but will with the temptation make also the way of escape, that ye may be able to endure it.
Bible in Basic English (BBE) You have been put to no test but such as is common to man: and God is true, who will not let any test come on you which you are not able to undergo; but he will make with the test a way out of it, so that you may be able to go through it.
Darby English Bible (DBY) No temptation has taken you but such as is according to man's nature; and God is faithful, who will not suffer you to be tempted above what ye are able [to bear], but will with the temptation make the issue also, so that [ye] should be able to bear [it].
World English Bible (WEB) No temptation has taken you except what is common to man. God is faithful, who will not allow you to be tempted above what you are able, but will with the temptation also make the way of escape, that you may be able to endure it.
Young's Literal Translation (YLT) No temptation hath taken you -- except human; and God is faithful, who will not suffer you to be tempted above what ye are able, but He will make, with the temptation, also the outlet, for your being able to bear `it'.
Cross Reference Matthew 24:21 in Limbu 21 थेआङ्भे़ल्ले़ खे़न् ये़म्मो अक्तङ्बा किप्मा के़घुःबा तुक्खेःन् ताःरो॥ अक्तङ्बा तुक्खेःङ्ग इक्सादिङ् खाम्बेःक्मान् नावागे़न् चइःत् ने़स्से़आङ्धो आल्लो थारिक् मे़म्बोःङ्ङे वाॽ, हे़क्क्याङ् ताःन्दि याम्मो आप्फाल्ले़आङ् मे़बोःङ्ने़ल्लो॥
Luke 11:4 in Limbu 4 आनिगे़ लायोलाम् ले़प्मि आबिरे़ॽओ॥ हे़क्केलॽरिक्के आनिगे़आङ् आनिगे़ तक्ले़ङ्वाओ लायो के़जोःक्पाहाॽ के़रे़क् ले़प्मि पिरुम्सिम्बे़ॽरो॥ हे़क्क्याङ् निङ्वाॽसाॽमाओ आन्धाःसे़न्ने़ॽओ॥”
Luke 16:26 in Limbu 26 खे़न्नुःल्ले़आङ् खिनिॽ के़वयिबादे़न्नो आनिगे़ युःमा मे़सुक्तुम्बान्, हे़क्क्याङ् खिनिॽआङ् आनिगे़ वयिगे़बादे़न्नो थाङ्मा के़न्छुक्तुम्मिन्ल फाॽआङ् आनिॽ लुम्मो कुद्रोःम् मे़ःन्नेबा लुम्बाःत् ने़रो॥’
Luke 22:31 in Limbu 31 ये़सुरे़ मे़त्तु, “सिमोने, सिमोने, खे़प्से़ॽओ! इक्मसाबाल्ले़ चाःन्नु कुहःक्किन् से़म्मारे़ लागि ए़प्तुआङ् से़न्दुबा कुइसिःक् माफे़न्साम्मिल्ले़आङ् खिनिॽ नसाःन्निन् ले़ङ्मा फाॽआङ् इङ्जाःङ् नाःक्तुआङ् वाॽरो॥
Luke 22:46 in Limbu 46 खे़ङ्हाॽ फोःक्खुसिर अक्खे मे़त्तुसि, “थेआङ् के़इप्सिर के़ने़स्सिबाबे? पोगे़म्मे़ॽआङ् हङ्साॽमो मे़ध्ये़ॽइगे़न्ल फाॽआङ् तुवा चोगे़म्मे़ॽ॥”
John 10:28 in Limbu 28 खे़ङ्हाॽ इङ्गाॽ मे़न्नुप्मनाबा हिङ्मन् पिरुङ्सिङ् हे़क्क्याङ् खे़ङ्हाॽ आप्फाल्ले़आङ् मे़म्मे़क्ने़न्॥ हे़क्क्याङ् आत्तिल्ले़आङ् खे़ङ्हाॽ आहुक्कोलाम् नाप्मा तेॽमा मे़सुक्तुन्लो,
Acts 27:44 in Limbu 44 वाजाःक्मा मे़ल्ले़ःमनाबाहाॽ सिङ्भे़ल्ले़क् नु के़यम्बा वालाधा सिङ् हे़प्मो मे़घिम्सिङ्ङाङ् वामे़जाःक्ल कुयाओ मे़बेःक्नि फाॽआङ् इङ्जाःङ् पिरुसि॥ हे़क्केलॽरिक् के़रे़क् थेआङ् मे़म्बोःङ्ङे आनिगे़ कुयाओ के़प्मनारो॥
Romans 8:28 in Limbu 28 निङ्वाॽफुमाङ्ङिन् मिःम्जि के़मे़प्पा, कुनिङ्वाॽ कुइसिःक् उःत्तुसिबाहाॽरे़ लागि, खुने़ॽ के़रे़क् पाःन्हाॽ नुःबाए पोःङ्ल चोगुॽ के़लॽबान्नाङ्आनिॽ कुसिङ् आनिःत्तुम्लो॥
1 Corinthians 1:9 in Limbu 9 निङ्वाॽफुमाङ्ङिन् नसाःन्साबा चोःक्लो, हे़क्क्याङ् खुने़ॽए आबुगे़न् कुस्साः ये़सु ख्रिस्त आनिॽ दाङ्बान्नु सेसे तङ्जुम्मो खिनिॽ के़उःत्तिआङ् के़वयिॽरो॥
2 Corinthians 1:10 in Limbu 10 खुने़ॽग अक्तङ्बा किप्मा के़घुःबा सिःमे़न्लाम् से़ःप्तिगे़ हे़क्क्याङ् ताःन्दिआङ् से़ःप्तिगे़रो॥ खुने़ॽ चक्मे़ल्लॽए याम्मोआङ् से़ःप्तिगे़ हे़क्क्याङ् खिनिॽ तुवा चोःक्नु कुभाॽ याप्मि के़बिरिॽ फाॽआङ् खुने़ॽओ निङ्साङ् चोगुम्बे़आङ् वयिगे़रो॥ हे़क्क्याङ् यरिक् मनाहाॽरे़ आनिगे़ लागि मे़जोगुबा तुवाःल्ले़न् नोगप्पो निङ्वाॽफुमाङ्ङिल्ले़ आनिगे़ मुॽइसाम् पिरिगे़ॽ हे़क्क्याङ् आनिगे़ लागि निङ्वाॽफुमाङ्ङिन् नोगे़न् मे़बिरुॽरो॥
2 Corinthians 11:23 in Limbu 23 खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिःक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिःमा लिङ्धोओ के़राङ्लो॥
2 Corinthians 12:8 in Limbu 8 कन् इङ्गाॽओनु खे़त्ताङ् पिराङ्ङे़ॽ फाॽआङ् सुम्ले़ङ् थारिक् दाङ्बान् पेलि फाक्तुङ्॥
Ephesians 6:12 in Limbu 12 थेआङ्भे़ल्ले़ आनिॽ थङ्ङिङ्ग मे़न्छाम् याप्मिनु मे़ःन्, कर हाङ्गे़जोःक्पाहाॽ, युक्दाङ्बाहाॽ, कन् खागे़माक्पा खाम्बेःक्कोबा मुक्साम्हाॽ हे़क्क्याङ् ताङ्साक्पाओबा काक् फे़न्साम्हाॽनु थक्मनाबा थङ्लो॥
1 Thessalonians 5:24 in Limbu 24 खिनिॽ के़उःप्पा निङ्वाॽफुमाङ्ङिन् नसाःन्साबा चोःक्पाल्ले़ कन् पाःन्हाॽ चोगुएरो॥
2 Thessalonians 3:3 in Limbu 3 कर दाङ्बाङ्ग नसाःन्साबा चोःक्लो॥ खुने़ॽए खिनिॽ कुॽइगे़भे़ॽबा माफे़न्साम्मोलाम् ताङ्गे़से़ःप्तिआङ् के़धुम्बा के़जोगिॽरो॥
2 Timothy 2:11 in Limbu 11 कन् पाःप्मनाबा पाःन्निङ्ग से़क्खाएरो, आनिॽ खुने़ॽनुए आस्ये़आङ् आवाॽने़ फाॽग्र खुने़ॽनुए आहिङ्लो॥
2 Timothy 4:18 in Limbu 18 दाङ्बाल्ले़ इङ्गाॽ काक् फे़न् पाःन्नोलाम् से़ःप्पाआङ् साङ्ग्राम्पेदाङ्बा कुहाङ्जुम्मो कम्ब्राङ् मे़त्तार तेॽआरो॥ दाङ्बाल्ले़ कुमिमिदिङ्ङिन् सदादिङ् नु सदादिङ् पोःङ्निरो॥ आमे़न्॥
Hebrews 6:18 in Limbu 18 अक्खेलॽरिक् निङ्वाॽफुमाङ्ङिल्ले़ माङ्हे़क्चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोःसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
Hebrews 10:23 in Limbu 23 हे़क्क्याङ् आनिॽ आगत्तुम् लॽरिक् ते़न्दिङ् आजोगुम्बा निङ्साङ्ङिन् मे़ल्ले़त्ते कत्तुम्लो, थेआङ्भे़ल्ले़ माङ्हे़क् के़जोःक्पाङ्ग नसाःन्साबा चोःक्लो॥
Hebrews 11:11 in Limbu 11 अब्राहामरे़ कुमेःत् साराःन् सामे़ङ्गप्मनामा वये़ हे़क्क्याङ् सागप्मा ले़त्तुआङ् वये़साङ् नसाःन्लाम्बाए सागप्मा सुक्तुरो, थेआङ्भे़ल्ले़ खुने़ॽ माङ्हे़क् के़जोःक्पा निङ्वाॽफुमाङ्ङिन् नसाःन्साबा चोःक् फाॽआङ् इःत्तुरो॥
Hebrews 11:35 in Limbu 35 मे़न्छुमाहाॽरे़ के़सिःबा के़बेःक्पा आबाङे खुनिॽ मनाहाॽ याम्मो कुहिङ्वे़त् मे़घोःसुसिरो॥ वेॽहाॽरे़ सिःमे़न् एगाङ् मे़न्नुप्मनाबा हिङ्मन्निन् खोःमा फाॽआङ् चोःक्युम्भो पोःङ्मा मे़न्दे़न्दे़न्नाङ् निङ्घुम्मिन् मे़दाःक्तुरो॥
Hebrews 12:4 in Limbu 4 खिनिॽ लायोःल्ले़ कुदक्ले़ङ्वाओबा थङ्ङो के़वयिसाङ् सिःमालिङ्धोओ थारिक् मे़ङ्गे़त्ते के़वयिॽरो॥
James 5:10 in Limbu 10 फुॽनुसाॽ नु ने़ॽनुसाॽसे, दाङ्बाल्ले़ कुमिङ्ङो उन्छेःन्बा माङ्निङ्वाॽपाःन् के़बाःप्पाहाॽ ओमे़त्ते़म्सिम्मे़ॽओ॥ खे़ङ्हाॽरे़ इनोगे़न् तुक्खेओ नासि मे़धःत्तुआङ् कुबि मे़बोःक्खे़आङ् मे़वाॽरो॥
1 Peter 1:5 in Limbu 5 कुनुप्मा ये़म्मो ओसेःन्दाङ् पोःङ्मा के़इःप्पा से़न्लप्पिन् मे़न्दाए थारिक् खिनिॽ नसाःन् के़जोगुम्बाल्ले़ चोगुल्ले़ निङ्वाॽफुमाङ्ङिल्ले़ कुमुक्साम्मिल्ले़ ताङ्गे़से़ःप्तिआङ् वाॽ॥
1 Peter 4:19 in Limbu 19 खे़ल्ले़ चोगुल्ले़ आत्तिन्हाॽ निङ्वाॽफुमाङ्ङिल्ले़ कुनिङ्वाॽ कुइसिःक् इनोगे़न् तुक्खेओ मे़धाःॽ, खे़ङ्हाॽरे़ खुनिॽ नसाःन्साबा चइःत्दाङ्बाओ ताःक्पो मे़युक्खुर हे़क्क्याङ् चक्मे़ल्लॽए नुःबा याःम्बक् मे़जोगुररो॥
1 Peter 5:8 in Limbu 8 खिनिॽ सिङ्सिङ् ये़क्ये़क् नु चाङ्जाङ् लॽरे़म्मे़ॽ! खिनिॽ निङ्मि माफे़न्साम्मिन् के़हुःक्पा थे़रिङ्बान् कुइसिःक् आत्तिन् खोःसुङ्ङाङ् लरुङ्देःसुङ् लॽरिक् कोःत्तुर ताक्कन्लो॥
2 Peter 2:9 in Limbu 9 हे़क्केलॽरिक् दाङ्बाल्ले़ साम्योनिबा मनाहाॽ इनोगे़न् तुक्खेहाॽलाम् से़ःप्मासिआङ्ले़स्सुॽरो॥ हे़क्क्याङ् लायोबा मनाहाॽ खुम्दिङ् पिरुसिर खासे़न् ये़न्नो थारिक् कप्मासिआङ्ले़स्सुरो॥
1 John 1:9 in Limbu 9 कर आनिॽ लायोहाॽ निङ्वाॽफुमाङ्ङिल्ले़ कुदगि आबाःत्तुम्ने़ फाॽग्र ले़प्मि आबिॽरो हे़क्क्याङ् आनिॽ काक् फे़न् याःम्बक्कोलाम् सुत्थो आजोःक्लो, थेआङ्भे़ल्ले़ खुने़ॽग नसाःन्साबा नु साम्योनिबा चोःक्लो॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 3:10 in Limbu 10 खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाःङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाःबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
Revelation 19:11 in Limbu 11 हे़क्क्याङ् इङ्गाॽ साङ्ग्राम्पेदाङ्ङिन् हरे़बा निःसुङ्, हे़क्क्याङ् खे़प्मो फःदाङ्बा अन्धिक् वये़॥ खे़न् सम्दाङ् के़युङ्बाल्ले़ कुमिङ्ङिन् “नसाःन्साबा” नु “से़क्खा” मे़मे़त्तुरो॥ खुने़ॽग नुःरिक्काङ् खासे़न् चोगुॽ हे़क्क्याङ् थङ् चोगुॽरो॥