Cross Reference Matthew 16:21 in Jakalteko 21 Haꞌ yin̈ huneꞌ tiempohal tuꞌ ichico Comam yalni tet ebnaj iscuywom tato yilal yul isyaꞌtajil yiban̈, yalni Comam hacaꞌ tiꞌ: —Caw yilal intohan bey Jerusalén, cat xin yecꞌyaꞌ wanmahan yu ebnaj ichamta winaj iswiꞌehal con̈ob Israel, yeb yu ebnaj iswiꞌehal yin̈ ebnaj sacerdote yeb ebnaj cuywawom yin̈ isley naj Moisés. Chinispotxꞌan ebnaj, yajaꞌ yin̈ yox tzꞌayic cat witzitzbican̈an hunelxa, ẍi Comam.
Matthew 20:18 in Jakalteko 18 —Tinan̈ xin lan̈an coto bey Jerusalén, yajaꞌ Hanin Akꞌbilintijan texol yu Comam Dios, chinálaxicojan yul iskꞌab ebnaj yahawil yin̈ ebnaj sacerdote yeb ebnaj cuywawom yin̈ isley naj Moisés cat iskꞌanni ebnaj camical wiban̈an.
Matthew 20:28 in Jakalteko 28 Hac tuꞌ wehan Hanin Akꞌbilintijan texol yu Comam Dios, mach hulnajojinan yu inchejnihan anma, walxinto hacaꞌ chejab wecojan xol anma, cat wakꞌni camo inbahan hac tuꞌ xin chu intohlanan ismul txꞌiꞌal anma, ẍi Comam.
Matthew 26:67 in Jakalteko 67 Istzublico ebnaj yin̈ sat Comam, ismakꞌnipaxo ebnaj Comam, ay ebnaj xin pakꞌnilto sat Comam,
Matthew 27:27 in Jakalteko 27 Yinito ebnaj soldado Comam Jesús bey ispalacio naj gobernador tuꞌ. Yet yapni Comam xin, iscutxbanico isba ebnaj soldado, yoc hoyno ebnaj yin̈ Comam.
Mark 9:12 in Jakalteko 12 Istakꞌwi Comam: —Yeltoni, haꞌ naj Elías tuꞌ babel chuli, yun̈e isnani isba anma cat yoc yin̈ istoholal. Yajaꞌ, ¿tzet tzꞌibn̈ebilcano win̈an, Hanin Akꞌbilintijan texol yu Comam Dios? Tzꞌibn̈ebilcanoj tato caw yilal yecꞌyaꞌ wanmahan, cat wintan̈elaxcaniltojan yu anma.
Mark 9:24 in Jakalteko 24 Yet yaben naj mame huneꞌ tuꞌ yah yaw naj yin̈ caw ip, yalni naj: —Chiwaytojan yul wanmahan, yajaꞌ colwahan̈ win̈an haxinwal chikꞌ yip wanico wanmahan yin̈ Comam Dios, ẍi naj.
Mark 14:36 in Jakalteko 36 Yalni Comam yin̈ istxah: —Mam, machi hunu tzet ye tuꞌ yaꞌta yul hasat. Colinan tet huneꞌ isyaꞌtajil chul wiban̈tiꞌan, yajaꞌ mach hacaꞌ chiwochehan to hacaꞌojab tzet chal hacꞌul, ẍi Comam.
Luke 17:5 in Jakalteko 5 Iskꞌanni ebnaj ischejab Comam Jesús tet hacaꞌ tiꞌ: —Akꞌ yip janmahan̈ yin̈ Comam Dios, ẍi ebnaj.
Luke 23:11 in Jakalteko 11 Naj Herodes yeb ebnaj issoldado tuꞌ oc ebnaj isbuchuꞌ Comam. Yanico ebnaj huneꞌ xilkꞌape yin̈ Comam hacaꞌ chaco ebnaj rey yun̈e yoc ebnaj tzebo yin̈ Comam. Lahwi tuꞌ xin, yanipaxto naj Herodes tuꞌ Comam yul iskꞌab naj Pilato hunelxa.
Luke 23:35 in Jakalteko 35 Sunil anma tuꞌ tꞌan̈anico yilni tzet chuhi; yoc ebnaj yahaw con̈ob buchwal yin̈ Comam, yalni ebnaj: —Ta haꞌ naj tiꞌ Cristo sicꞌbililo yu Comam Dios, iscolabayti isba naj, hacaꞌ yu iscolwa naj yin̈ anma, ẍi ebnaj.
Luke 24:26 in Jakalteko 26 ¿Tom mach heyohtajo ta naj Cristo yilal yecꞌyaꞌ yanma hacaꞌ mayu tuꞌ, lahwi tuꞌ cat yoc naj Yahawil? ẍi Comam.
John 1:29 in Jakalteko 29 Haxa yet hunxa tzꞌayical xin, yilnito naj Juan tato lan̈an yapni Comam Jesús iscꞌatan̈, yalni naj hacaꞌ tiꞌ: —Ilwecꞌanabi lah, haꞌ huneꞌ mac lan̈an yul tiꞌ, haꞌ akꞌbilti jet yu Comam Dios coxahanbaloj, hacaꞌ chiyu yoc noꞌ meꞌ xahanbalil. Haꞌ naj chiinilo comul jiban̈ cosunil han̈on̈ ayon̈ yul sat yiban̈kꞌinal tiꞌ.
John 6:40 in Jakalteko 40 Haꞌ choche iscꞌul Inmaman, to haꞌ mac chinilnihan ta haninan Iscꞌahol Dios wehan, cat yanayto yul yanma win̈an, chischah iskꞌinal mach istan̈bal. Haxa yet chiapni islahobal tzꞌayic, cat wakꞌni itzitzbocan̈an xol camom, ẍi Comam.
John 8:56 in Jakalteko 56 Icham heyichmam Abraham tuꞌ, caw tzala iscꞌul icham yet yabeni ta chinhulan. Hayet isyelax tet icham xin, caw tzalacanocan̈ iscꞌul icham sicꞌlebil, ẍi Comam tet ebnaj tuꞌ.
John 12:24 in Jakalteko 24 Caw isyelal chiwalan teyet, kꞌinalo tato mach chitzꞌunlax hunu hin̈at trigo sat txꞌotxꞌ cat iskꞌato ixim, machom chul iscꞌul ixim. Yaj tato chikꞌato ixim, wal tuꞌ chihul iscꞌul ixim, caw xin niman sat ixim chakꞌa.
John 12:27 in Jakalteko 27 Lahwi tuꞌ xin, yalni Comam Jesús: —Wal tinan̈, caw biscꞌulal ye wanmahan, yajaꞌ ¿tzet chiwute walnihan? ¿Tom chiwalan tet Comam Dios hacaꞌ tiꞌ? “Mam, colinilojan yul iskꞌab huneꞌ isyaꞌtajil lan̈an yul wiban̈tiꞌan,” ¿Tom quinchiyan? ¡Machoj! Yu ton huneꞌ tiꞌ, yuxinto hulnajinan yul sat yiban̈kꞌinal tiꞌ.
John 12:32 in Jakalteko 32 Wal intiꞌan, yet chinilaxcan̈an sat txꞌotxꞌ tiꞌ yin̈ teꞌ culus, sunil anma chiwitijan incꞌatan̈an, ẍi Comam.
John 13:31 in Jakalteko 31 Lahwi istocano naj Judas tuꞌ, yalni Comam Jesús hacaꞌ tiꞌ: —Wal tinan̈ chisyelo isba wipan Hanin Akꞌbilintijan texol yu Comam Dios, cat xin isyenipaxilo isba yip Comam Dios win̈an.
John 17:1 in Jakalteko 1 Yet lahwi yalnicano Comam Jesús huntekꞌan tiꞌ xin, istꞌan̈xican̈ Comam satcan̈, yalni Comam: —Mam, maapni yorahil hayenilo yip Hacꞌahol tiꞌ, cat isyenipaxilo Hacꞌahol hawip.
Acts 2:25 in Jakalteko 25 Naj rey David yet payat, yalcano naj huntekꞌan Tzotiꞌ yal Comam Jesucristo hacaꞌ tiꞌ: Sunilbal tiempo wohtajan tato ay Comam Dios incꞌatan̈an. Ayn̈eticꞌaco Comam yin̈ inwatxꞌkꞌaban, hac tuꞌ xin machi mac chiakꞌni cabconcan̈ wanmahan, cat waycꞌayan.
Acts 2:36 in Jakalteko 36 Tinan̈ xin, yilal heyabencano yin̈ caw ishabanil hex wet con̈ob Israel. Waxan̈ca xaheyacan̈ Comam Jesús yin̈ teꞌ culus, yaj haꞌ Comam Dios anico Comam Jesús Yahawiloj, yeb xin yin̈ Cristohal, ẍi naj Pedro.
Acts 5:31 in Jakalteko 31 Haꞌ Comam Dios akꞌni yip Comam Jesús yin̈ iswatxꞌkꞌab yul satcan̈. Hac tuꞌ xin yu yoccano Comam tuꞌ Jahawiloj yeb Cocolomalopaxoj. Hac tuꞌ yu yakꞌni Comam hamanil jet, han̈on̈ Israel hon̈ tiꞌ, yun̈e cotxumniloj tato txꞌoj jecoj, yuxin yilal comeltzoco yul iskꞌab Comam, cat istan̈tzencanilo Comam comachiswalilal jiban̈.
Acts 5:41 in Jakalteko 41 Hayet yelti ebnaj ischejab Comam sata ebnaj yahawil con̈ob tuꞌ, caw chitzala iscꞌul ebnaj, yuto yu ischejab Comam Jesús ye ebnaj yuxinto caw chꞌay isyaꞌtajil yiban̈ ebnaj.
1 Corinthians 1:7 in Jakalteko 7 Tinan̈ xin machi hunu iscꞌulchꞌanil iscꞌul Comam Dios matzet teyin̈ yulbal ayexicꞌo heyechman istzꞌayical bay chul Comam Jesucristo.
Ephesians 2:16 in Jakalteko 16 Yu iscamical Comam Jesucristo yin̈ teꞌ culus yuxinto yakꞌcano tan̈o Comam huneꞌ howal ayco coxol, con̈yanico Comam yin̈ akꞌancꞌulal yeb Comam Dios, hunxan̈e nimanilehal con̈yutecanayoj.
Ephesians 5:2 in Jakalteko 2 Xahann̈ewe heba hunun tzꞌayic hacaꞌ yu con̈isxahann̈en Comam Jesucristo; yakꞌni camo isba Comam jin̈, hacaꞌ hunu xahanbal caw xukꞌ chiakꞌlax tet Comam Dios.
Philippians 1:6 in Jakalteko 6 Caw tꞌin̈an wehicojan tato hacaꞌ yu yichenico Comam Dios ismunil teyin̈, hac tuꞌ chu islahnico quexiswatxꞌenico yin̈ iscꞌulal masanto yet chihul Comam Jesucristo hunelxa.
Philippians 2:8 in Jakalteko 8 Anma yu yulicꞌo Comam coxol, yinayo isba, caw xin yijem yutepaxo isba Comam masanta yin̈ iscamical, waxan̈ca caw txꞌixobal huneꞌ camical yin̈ teꞌ culus tuꞌ.
Philippians 3:20 in Jakalteko 20 Wal han̈on̈ tiꞌ xin yetxa satcan̈ jehi. Lan̈an jechman yayilo Cocolomal yul satcan̈, haꞌ ton Comam Jesucristo Jahawil.
2 Timothy 4:8 in Jakalteko 8 Wal tinan̈ cꞌuwanxa huneꞌ sabehal chiakꞌlax wetan ispaj selel inmunilan. Huneꞌ chakꞌ Comam wetan yet chiapni istzꞌayical bay chul Comam istoholaln̈eticꞌa chiswatxꞌe, cat yilni yin̈ tzet chielico anma. Maẍn̈etajinan xin chinchahan inmatanan tet Comam, to chischahpaxo sunil anma yin̈ sunil iscꞌul chiechmali yin̈ yulbal Comam yet iscayelal.
Titus 2:13 in Jakalteko 13 Jechmawe huneꞌ tzet caw nanxa yoc iscꞌulal ayco yipo cocꞌul, huneꞌ tzꞌayic caw cꞌulchꞌan bay chisyecan̈ isba Cocolomal, haꞌ ton Comam Jesucristo, coDiosal caw helan.
Hebrews 1:3 in Jakalteko 3 Haꞌ Iscꞌahol Comam tuꞌ chiyenilo iskꞌakꞌal yip Comam Dios yeb yechel Comam yehi. Haꞌ xin yip Istzotiꞌ Iscꞌahol tuꞌ ikꞌn̈e sunil tzettaj ay yul sat yiban̈kꞌinal tiꞌ. Lahwi con̈issajn̈encano Comam Cꞌahole yin̈ comul, yoc tzꞌon̈no yin̈ iswatxꞌkꞌab Comam Dios yul satcan̈.
Hebrews 1:13 in Jakalteko 13 Machi hunelo tiꞌ yal Comam Dios tet ebnaj yángel hacaꞌ yu yalni tet Iscꞌahol: Ayan̈ tzꞌon̈no yin̈ inwatxꞌkꞌaban masanta chiwakꞌacojan macta ayco ishowal tawin̈ yalan̈ hawoj, ẍi Comam.
Hebrews 2:7 in Jakalteko 7 Txann̈e hanicꞌ ishelanil anma hawakꞌ hanicꞌ tiempohal sata ebnaj ángel. Lahwi tuꞌ hayenilo ismay yeb xin caw ay yelapno elicoj.
Hebrews 5:9 in Jakalteko 9 Yu isyijemal Comam tuꞌ yuxin akꞌlax ismunil yakꞌni colbanil mach istan̈bal tet macta chiyijen tzet chal Comam.
Hebrews 7:19 in Jakalteko 19 Huntekꞌan chejbanile tuꞌ machi hunu mac oc cꞌulal yul sat Comam Dios yu, yajaꞌ ay huneꞌxa caw cꞌul occano seleloj, haꞌ ton Comam Jesucristo huneꞌ ayco yipo janma, yu huneꞌ tuꞌ yuxin chon̈hitzico iscꞌatan̈ Comam Dios.
Hebrews 8:1 in Jakalteko 1 Haꞌ huneꞌ caw yilal yin̈ huntekꞌan chijal tiꞌ to ay huneꞌ mac yahawil sacerdote jin̈, tzꞌon̈an yin̈ iswatxꞌkꞌab Comam Dios yul satcan̈.
Hebrews 9:28 in Jakalteko 28 Hac tuꞌ xin Comam Jesucristo huneln̈echꞌan yakꞌ isba xahanbalil yu yinilo Comam ismul tzetcꞌa anma. Wal xin chul Comam yin̈ iscayelal, yajaꞌ matxataj yu yinilo ismul anma, to yu iscolni Comam macta chiechmani.
Hebrews 10:5 in Jakalteko 5 Yuxin yet yul Comam Jesucristo yul sat yiban̈kꞌinal tiꞌ yalni tet Comam Dios hacaꞌ tiꞌ: Matxa chisje hacꞌul chꞌakꞌlax xahanbal yeb sabehal tawet, yuxin akꞌbil innimanilan hawu, haꞌ chiwakꞌan yin̈ xahanbalil tawet.
Hebrews 10:14 in Jakalteko 14 Yuto huneꞌn̈e xahanbal yakꞌ Comam con̈yanico yin̈ istoholal yin̈ huneln̈e han̈on̈ yeton̈xa Comam tiꞌ.
Hebrews 10:33 in Jakalteko 33 Hex tiꞌ quexbahlaxi, heyetalax sata anma, ayex xin hul isyaꞌtajil teyiban̈ yu quexcolwa yin̈ mac akꞌlax ecꞌoyaꞌ yanma tuꞌ.
Hebrews 11:36 in Jakalteko 36 Ay ebnaj ecꞌyaꞌ isbahlaxi ishatelaxpaxoj, ay ebnaj cꞌalbalax yu chꞌen cadena, ay ebnaj alaxicto yul preso.
Hebrews 12:3 in Jakalteko 3 Yuxin txumwe yin̈ tzet yu yakꞌni techaho Comam Jesús isyaꞌtajil yu anma mulum, haxinwal mach chitibayo heyu yeb xin mach chexpax teyintaj.
Hebrews 13:13 in Jakalteko 13 Yuxin elojon̈weto hacaꞌ bay ilaxilto Comam istxam con̈ob tuꞌ, haꞌ chal yelapnoj haꞌ hunon̈ chiakꞌlax elo cotxixobal yinta Comam.
1 Peter 1:11 in Jakalteko 11 Haꞌ Yespíritu Comam Cristo ayco yin̈ ebnaj, haꞌ akꞌni yohtan̈elo ebnaj yin̈ tzet chu yecꞌyaꞌ yanma Comam Cristo, yeb xin iscꞌulchꞌanil chihul yet chiyijni isba tuꞌ. Haꞌ ebnaj tuꞌ issay ebnaj yilaꞌ mac huneꞌ chal Yespíritu tuꞌ yeb yin̈ tzet tiempohal chu huntekꞌan tuꞌ.
1 Peter 2:23 in Jakalteko 23 Hayet isbuchlax Comam, machi ispajtze. Hayet yalaxico Comam yin̈ isyaꞌtajil yu ebnaj, machi yalpaxo Comam howalil. Haꞌ huneꞌ yute Comam, ton̈e yaben̈eto isba yul iskꞌab Comam Dios, yuto yohta Comam tato haꞌ Comam Dios chꞌilni tzet chꞌelico yin̈ istoholal.
1 Peter 3:18 in Jakalteko 18 Yuto hac tuꞌ yu iscam Comam Cristo istohlan comul yin̈ huneln̈e. Caw cꞌul Comam yaj ecꞌyaꞌ yanma ju han̈on̈ mulumon̈ tiꞌ yu con̈yinito Comam tet Comam Dios. Haꞌ isnimanil Comam cami, yajaꞌ yanma Comam machi cami.
1 Peter 3:22 in Jakalteko 22 To Comam yul satcan̈, tinan̈ ayco Comam yin̈ iswatxꞌkꞌab Comam Dios. Haꞌ Comam xin chꞌijban ebnaj ángel yeb xin huntekꞌanxa ay ismunil caw ay yelapno ye bey satcan̈ tuꞌ.
1 Peter 4:14 in Jakalteko 14 Ta chibuchwa anma teyin̈ yuto ayexxaco yul iskꞌab Comam Cristo, caw cꞌul heyet, yuto Yespíritu Comam Dios caw niman yelapno ayxaco teyin̈. Haꞌ anma tuꞌ, chal tzotiꞌ txꞌoj yin̈ Comam, wal hexpaxo xin cheyal cꞌulla tzotiꞌ yin̈ Comam.
1 John 1:1 in Jakalteko 1 Chintzꞌibn̈etojan huneꞌ carta tiꞌ teyet yun̈e heyohtan̈en tzet caw yelapno ye Comam Tzotiꞌ chiakꞌni cokꞌinal. Comam ayxaticꞌa yet maẍto hunu tzet ye tuꞌ chiwatxꞌi yul sat yiban̈kꞌinal tiꞌ. Wal xin han̈-caw-on̈an̈ jabehan̈ tzet caw yal Comam tuꞌ, jilnipaxicojan̈ yin̈ Comam. Nahatil jil cobahan̈ yeb Comam, cotzabnipaxojan̈ Comam. Comam chiakꞌni kꞌinale tiꞌ isye isba jetan̈, yuxin chijaco cobahan̈ jalnilojan̈. Tinan̈ xin chijalan̈ teyet ta haꞌ Comam chiakꞌni cokꞌinal mach istan̈bal. Iscꞌatan̈ Comam Dios ay Comam, yaj xin hulicꞌo yul sat yiban̈kꞌinal tiꞌ isyeni isba jet.
Jude 1:21 in Jakalteko 21 Huneln̈ehojabn̈eticꞌa heyeco yin̈ iscꞌulchꞌanil iscꞌul Comam Dios. Hac tuꞌ chu heyechman istzꞌayical bay chakꞌ Comam Jesucristo Jahawil huneꞌ cokꞌinal mach istan̈bal yu iscꞌulchꞌanil iscꞌul Comam.
Revelation 1:8 in Jakalteko 8 Yalni Comam: —Haninan babelinan yeb islahobal, hacaꞌ tzꞌib A yeb Z, ẍi Comam; Comam chisje iswatxꞌen sunil tzet ye tuꞌ, Comam ay tinan̈, yeb ayxaticꞌa yet yalan̈tocanoj, yeb chihuli.
Revelation 1:11 in Jakalteko 11 Yalni wetan hacaꞌ tiꞌ: —Tzꞌibn̈eyo huntekꞌan chawil tiꞌ yul hum, cat hawanito tet hujeb majan anma ayxaco yul inkꞌaban ay yul ismajul Asia: tet Efeso, Esmirna, Pérgamo, Tiatira, Sardis, Filadelfia yeb tet Laodicea, ẍi wetan.
Revelation 1:17 in Jakalteko 17 Yet wilnihan huntekꞌan tuꞌ, waycꞌayan yich yoj, hacaꞌ camom wucanilojan. Yanayo iswatxꞌkꞌab wiban̈an, yalni wetan: —Mach chachxiwi, hanintiꞌan yichebanil yeb islahobal.
Revelation 2:8 in Jakalteko 8 Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban ay yul con̈ob Esmirna: “Comam yichebanil yeb Comam islahobal, Comam cami yajaꞌ itzitzbican̈, haꞌ chalni hacaꞌ tiꞌ: