Ephesians 2:20 in Jakalteko

20 Hex tiꞌ lahanex hacaꞌ hunu teꞌ n̈a watxꞌebilcan̈ yiban̈ xeꞌal. Haxa han̈on̈an̈ ischejab Comam Jesucristo jetiꞌan̈ xin yeb ebnaj chihalni tzotiꞌ chitit tet Comam Dios, hacaꞌ xeꞌ huneꞌ n̈a tuꞌ jehan̈. Haxa Comam Jesucristo xin hacaꞌ chꞌen chꞌen caw niman yelapno ayayto xeꞌo istxiquin teꞌ n̈a, hac tuꞌ ye Comam.

Other Translations

King James Version (KJV)

And are built upon the foundation of the apostles and prophets, Jesus Christ himself being the chief corner stone;

American Standard Version (ASV)

being built upon the foundation of the apostles and prophets, Christ Jesus himself being the chief corner stone;

Bible in Basic English (BBE)

Resting on the base of the Apostles and prophets, Christ Jesus himself being the chief keystone,

Darby English Bible (DBY)

being built upon the foundation of the apostles and prophets, Jesus Christ himself being the corner-stone,

World English Bible (WEB)

being built on the foundation of the apostles and prophets, Christ Jesus himself being the chief cornerstone;

Young's Literal Translation (YLT)

being built upon the foundation of the apostles and prophets, Jesus Christ himself being chief corner-`stone',

Cross Reference

Matthew 16:18 in Jakalteko

18 Haquinpaxtuꞌan chiwalan tato Pedro chijcano habi. Yiban̈ huneꞌ chꞌen niman chꞌen tiꞌ chiwacan̈an wiglesiahan, machi xin chikꞌoji camical istan̈tzeniloj.

Matthew 21:42 in Jakalteko

42 Yalni Comam Jesús: —¿Tom maẍto cheyil yul Yum Comam Dios bay chal hacaꞌ tiꞌ?: Haꞌ huneꞌ chꞌen chꞌen mach isje ebnaj watxꞌemcan̈ n̈a yakꞌaco yin̈ ismunil, haꞌ chꞌen caw ecꞌbalto cꞌul yoc xeꞌo n̈a. Haꞌ Comam watxꞌen̈e huneꞌ tuꞌ, caw xin chicꞌay cocꞌul jilni, ẍiayoj.

Mark 12:10 in Jakalteko

10 ¿Tom maẍto bay cheyil yul Yum Comam Dios bay chala?: Haꞌ huneꞌ chꞌen chꞌen iskꞌojilo ebnaj watxꞌemcan̈ n̈a, haꞌ chꞌen caw ecꞌbal cꞌul yoc xeꞌo n̈a.

Luke 20:17 in Jakalteko

17 Yuxinto oc tꞌan̈no Comam Jesús yin̈ anma, yalni Comam: —¿Yaj tzettaxca chalilo huneꞌ tzꞌibn̈ebilcano yul Yum Comam Dios heyalni bay chal hacaꞌ tiꞌ?: Haꞌ huneꞌ chꞌen chꞌen istirilo ebnaj watxꞌem n̈a, haꞌ chꞌen caw ecꞌbal cꞌul yoc xeꞌo n̈a, ẍicanoj.

Acts 4:11 in Jakalteko

11 Hex tiꞌ, lahanex hacaꞌ huno naj watxꞌem n̈a, haxa Comam Jesús xin, lahan Comam hacaꞌ huno chꞌen chꞌen machi ocnico yin̈ ismunil heyu, yajaꞌ huneꞌ chꞌen tuꞌ, haꞌ chꞌen caw ay yelapno yoc xeꞌo n̈a.

1 Corinthians 3:9 in Jakalteko

9 Han̈on̈tiꞌan̈ jet munlawomal cobahan̈ yin̈ ismunil Comam Dios, wal hex tiꞌ xin hacaꞌ istzꞌunub Comam Dios heyehi. Lahanexpaxo hacaꞌ hunu n̈a lan̈an iswatxꞌencan̈ Comam Dios.

1 Corinthians 12:28 in Jakalteko

28 Yuxin coxol han̈on̈ ayon̈xaco yul iskꞌab Comam, ay comunil chakꞌ Comam: babel ay mac ischejab Comam Dios yehi, iscab ay mac chalni tzotiꞌ chitit tet Comam Dios, yin̈ yox ay mac cuywawom, aypaxo mac chakꞌ Comam Dios ishelanil isyeni ej cꞌaybalcꞌule, aypaxo mac chiakꞌlax ishelanil yakꞌni cawxo macta yaꞌay, aypaxo mac chiakꞌlax ishelanil iscolwahi, aypaxo mac chiꞌijbali, yeb xin ay mac chu yalni nan abxubal.

Galatians 2:9 in Jakalteko

9 Yuxin juẍta Jacobo, yeb juẍta Pedro, yeb xin juẍta Juan, ayco ijbalo yin̈ ebnaj ayxaco yul iskꞌab Comam, caw txumchalo yu ebnaj tato Comam Dios akꞌn̈e huneꞌ inmuniltiꞌan yin̈ weltojan walnocꞌojan Istzotiꞌ Comam Dios xol anma mach Israeloj. Haꞌ huneꞌ tiꞌ yeniloj tato con̈ischahan̈ ebnaj yetbihoj. Yakꞌni ebnaj iskꞌab wetan yeb xin tet juẍta Bernabé, caw xin chitzala iscꞌul ebnaj ta chon̈munlahan̈ xol anma mach Israeloj, walpaxo ebnaj xin xol anma Israel cancano ebnaj munil.

Ephesians 4:11 in Jakalteko

11 Haꞌ xin Comam anico ismunil hunun mac yul iskꞌab, yuxin ay ebnaj ayco ischejabo Comam Jesucristo, ay ebnaj xin chihalni tzotiꞌ chitit tet Comam Dios. Aypaxo ebnaj chihalnicꞌo cuybanile yet colbanile, ay ebnaj xin chiijbali yin̈ macta ayxaco yul iskꞌab Comam Dios, aypaxo xin ebnaj cuywawom yin̈ tzet choche iscꞌul Comam.

1 Peter 2:4 in Jakalteko

4 Hitzojon̈weco iscꞌatan̈ Comam Jesucristo, caw itzitz Comam. Comam Cristo tuꞌ lahan hacaꞌ hunu chꞌen chꞌen caw niman yelapnoj ayayto xeꞌo n̈a. Yajaꞌ xin kꞌojbilcanilo chꞌen yu ebnaj watxꞌemcan̈ n̈a, yaj wal xin Comam Dios sicꞌnicanicoj yeb caw niman yelapno ye yul sat.

1 Peter 2:7 in Jakalteko

7 Han̈on̈ chijayto yul janma yin̈ Comam Cristo, caw niman yelapno ye Comam yul cosat, yaj wal mac mach chiyaco yanma yin̈ Comam, haꞌ yin̈ huntekꞌan tuꞌ tzꞌibn̈ebilcano yul Yum Comam bay chal hacaꞌ tiꞌ: Haꞌ huneꞌ chꞌen chꞌen kꞌojbilcanilo yin̈ ismunil yu ebnaj watxꞌem n̈a, haꞌ chꞌen caw cꞌul yoc xeꞌo n̈a, ẍiayoj.

Revelation 21:14 in Jakalteko

14 Huneꞌ niman cꞌub tuꞌ ayco cablahon̈eb chꞌen chꞌen isxeꞌoj, ayco xin isbi hunun ebnaj cablahon̈wan̈ ischejab Comam oc xahanbalil yin̈ hunun chꞌen.