2 Corinthians 4:4 in Jakalteko 4 Yajaꞌ yu mach chayto yul yanma yin̈ Istzotiꞌ Comam; yuxin haꞌ naj yahawil yin̈ huneꞌ yul sat yiban̈kꞌinal tiꞌ, haꞌ naj machi akꞌni yohtan̈elo anma yun̈e mach chu yilni istzejla iskꞌakꞌal huneꞌ Tzotiꞌ yet colbanile, yet Comam Cristo caw aycano yip, Comam yechel Comam Dios.
Other Translations King James Version (KJV) In whom the god of this world hath blinded the minds of them which believe not, lest the light of the glorious gospel of Christ, who is the image of God, should shine unto them.
American Standard Version (ASV) in whom the god of this world hath blinded the minds of the unbelieving, that the light of the gospel of the glory of Christ, who is the image of God, should not dawn `upon them'.
Bible in Basic English (BBE) Because the god of this world has made blind the minds of those who have not faith, so that the light of the good news of the glory of Christ, who is the image of God, might not be shining on them.
Darby English Bible (DBY) in whom the god of this world has blinded the thoughts of the unbelieving, so that the radiancy of the glad tidings of the glory of the Christ, who is [the] image of God, should not shine forth [for them].
World English Bible (WEB) in whom the god of this world has blinded the minds of the unbelieving, that the light of the Gospel of the glory of Christ, who is the image of God, should not dawn on them.
Young's Literal Translation (YLT) in whom the god of this age did blind the minds of the unbelieving, that there doth not shine forth to them the enlightening of the good news of the glory of the Christ, who is the image of God;
Cross Reference Matthew 4:8 in Jakalteko 8 Lahwi tuꞌ yinito naj Comam yin̈ iswiꞌ huneꞌ witz caw nahat yecanocan̈, isyeni naj sunilej con̈ob ay yul sat yiban̈kꞌinal tiꞌ yeb iskꞌalomal con̈ob tuꞌ tet Comam.
John 1:14 in Jakalteko 14 Comam Tzotiꞌ tuꞌ, yaco isba anmahil. Hulicꞌo coxol isyeni isyelal jet, yebpaxo iscꞌulal iscꞌul Comam Dios. Jilnipaxo iskꞌakꞌal yip Comam ischah tet Ismam. Wal xin han̈cꞌan̈e hunpilan Iscꞌahol Comam Dios tuꞌ.
John 1:18 in Jakalteko 18 Caw maẍto hunu mac xailni yin̈ Comam Dios, hachcachann̈e hunpilan Iscꞌahol Comam Dios, haꞌ ton Comam Jesucristo ayn̈eticꞌa iscꞌatan̈, haꞌ Comam hul yeno jet tzet ye Comam Dios.
John 8:12 in Jakalteko 12 Yalnipaxo Comam tet anma hunelxa: —Wal hanintiꞌan, caw hacaꞌ issajilkꞌinal wehayojan xol anma yul sat yiban̈kꞌinal tiꞌ. Macn̈eticꞌa chꞌoc tzujno wintajan chiwakꞌan issajilkꞌinal yul yanma. Yu huneꞌ issajilkꞌinal tiꞌ xin, chischah iskꞌinal mach istan̈bal. Matxa xin chiecꞌ xol kꞌejholo, ẍi Comam.
John 12:31 in Jakalteko 31 Wal tinan̈ xin, yilchaxati anma ay yul sat yiban̈kꞌinal tiꞌ yu Comam Dios yin̈ tzet chi-la-iswatxꞌe, cat yinilo Comam naj yahawil yehico yul sat yiban̈kꞌinal tiꞌ.
John 12:35 in Jakalteko 35 Yalni Comam tuꞌ xin: —Yin̈xan̈e hanicꞌ tiempohal ayinicꞌojan texol tiꞌ, caw chiwacanicojan issajilkꞌinal yin̈ heyanma, yuxinto watxꞌeweco heba yin̈ caw istoholal yakꞌ isba ay intocꞌojan texol. Ta machoj, chissomchahocan̈ cheyila, cat xin heyoco hacaꞌ anma chiecꞌ xol kꞌejholo, caw mach chiyu yilni bay caw chitocoj.
John 12:40 in Jakalteko 40 Comam Dios majchencano sat anma, yakꞌnipaxo cawbolo Comam yanma anma yun̈e matxa chiyu yilni, yeb xin mach chitxumchalo yu. Caw mach chisbejcano anma ismachiswalilal, yuxin mach chian̈cha anma yin̈ ismul yu Comam, ẍicano naj Isaías tuꞌ.
John 12:45 in Jakalteko 45 Yeb mac chinilnihan, caw lan̈an yilnipaxico yin̈ Inmaman quinanitijan.
John 14:9 in Jakalteko 9 Yalni Comam tet naj: —Felipe, ayxa istiempohal wehicꞌojan texol. ¿Tom caw maẍto quinhawohtajan? Macn̈eticꞌa chinilnihan, lan̈an yilnipaxo yin̈ Inmaman. ¿Tzet yin̈ yuxinto chawalpaxoj?: “Ye Hamam tuꞌ jilaꞌan̈,” cachi.
John 14:30 in Jakalteko 30 Matxa caw tzet chiwalan teyet, yuto caw lan̈an yul naj matzwalil, naj yahawil yeco yin̈ huneꞌ yul sat yiban̈kꞌinal tiꞌ. Waxan̈ca ay yip naj, yaj mach chikꞌoji naj wiban̈an.
John 15:24 in Jakalteko 24 Sunil tzet inyehan xol anma, caw maẍto hunu mac chiyeni yilaꞌ anma hacaꞌ tuꞌ. Kꞌinalo tato machi cꞌaybalcꞌule inyehan xol anma, caw machim ismul anma, chal tuꞌ. Wal xin, waxan̈ca caw yil anma huntekꞌan tuꞌ, yaj to caw chiniscajan, chiscajpaxo Inmaman.
John 16:11 in Jakalteko 11 Chakꞌnipaxo Comam yohtan̈elo anma tato haꞌ Comam Dios chiilni yin̈ tzet chielico anma, yuto xacawxico ismul naj yahawil yul sat yiban̈kꞌinal tiꞌ yiban̈ yu Comam.
Acts 26:18 in Jakalteko 18 Chaẍwatojan xol anma tuꞌ yun̈e hato hawakꞌno hajloho sat, yeb xin yun̈e matxa chislahico isbelwi xol kꞌejholo, to haxa xol issajilkꞌinal chꞌeqꞌui. Yebpaxo xin yun̈e matxa chislahico isyijen tzet chiyal naj matzwalil, haxa tzet chal Comam Dios haꞌ chiswatxꞌe, cat xin quinischahnaytojan yul yanma cat yakꞌlax nimancꞌulal yin̈ ismul, cat ischahnipaxo ismajul xol anma saybilxa yu Comam Dios, ẍi Comam Jesús wetan,” ẍi naj Pablo tuꞌ.
1 Corinthians 10:20 in Jakalteko 20 Haꞌ chalilo huneꞌ chiwaltiꞌan, to hayet chakꞌni ebnaj mach Israelo isxahanbal, maẍtaj tet Comam Dios chalte ebnaj isxahanbal tuꞌ, walxinto haꞌ tet ebnaj ischejab naj matzwalil chalte ebnaj isxahanbal. Haꞌ huneꞌ tiꞌ machojab cheyaco heba yetbiho ebnaj ischejab naj matzwalil.
2 Corinthians 3:8 in Jakalteko 8 ¡hajxampaxo xin huneꞌ iscab trato chij isba yu Comam Espíritu Santo, ecꞌbalto iscꞌulchꞌanil chu yakꞌlax istzotiꞌal!
2 Corinthians 3:11 in Jakalteko 11 Ta caw niman yelapno ye huneꞌ ley txann̈e istiempohal tuꞌ, hajxam xin huneꞌ trato maẍticꞌa istan̈bal, to caw ecꞌnaxa iscꞌulchꞌanil.
2 Corinthians 3:14 in Jakalteko 14 Yajaꞌ mach istxum ebnaj tato chitan̈ilo iskꞌakꞌal huneꞌ tuꞌ, yebpaxo xin tinan̈ yet chilni ebnaj Istzotiꞌ Comam Dios bay ayayo huneꞌ babel trato, hacaꞌ toticꞌa ayco huneꞌ kꞌap kꞌap tuꞌ yen̈elo isnabal ebnaj. Haꞌ xin mach chiakꞌni istxumulo ebnaj tzet chala, yuto maẍto chiakꞌlax yohtan̈elo ebnaj tato yet yul Comam Cristo istan̈canilo babel trato tuꞌ.
2 Corinthians 3:18 in Jakalteko 18 Yuxin matxa huneꞌ hacaꞌ ismaj sate tuꞌ yin̈ cosat cosunil. Wal tinan̈ xin lahanon̈xa hacaꞌ hunu chꞌen espejo bay chiꞌillax iskꞌakꞌal yip Comam, yuto haꞌ jin̈ chiꞌilchalo iscꞌulal Comam Cristo Jahawil. Yuxin lan̈an ischꞌib conabal hacaꞌ isnabal Comam, yeb xin lan̈an istzꞌajnalo iscꞌulchꞌanil Comam jin̈. Huneꞌ tiꞌ chij isba jin̈ yu yip Comam Espíritu.
2 Corinthians 4:6 in Jakalteko 6 Haꞌticꞌa Comam Dios chejni ta chitzejla sajilkꞌinal xol kꞌejholo, hapaxo Comam akꞌni sajilkꞌinal yul janma yun̈e johtan̈enilo iskꞌakꞌal yip Comam Dios, huneꞌ chitzejla yin̈ sat Comam Jesucristo.
Ephesians 2:2 in Jakalteko 2 Yuto han̈cꞌan̈e yinta istxꞌojal tzet ayayo yul sat yiban̈kꞌinal tiꞌ bay tzujanex; heyijen tzet chal iscꞌul yespíritu naj chimunla xol jakꞌekꞌ, huneꞌ chianico yip anma chiman̈cꞌon tzet chal Comam Dios.
Ephesians 6:12 in Jakalteko 12 Maẍtaj yeb anma chijakꞌ howal, wal xin lan̈an jakꞌni howal yin̈ yespíritu naj matzwalil chiecꞌ satcan̈ xol jakꞌekꞌ. Huntekꞌan espíritu tuꞌ caw ay yip yeb chon̈ischej cowatxꞌen istxꞌojal, yeb yahaw yeco yin̈ istxꞌojal ay yul sat yiban̈kꞌinal tiꞌ.
Philippians 2:6 in Jakalteko 6 Waxan̈ca Dios ye Comam Jesucristo, yaj matzet yal iscꞌul Comam yin̈ yehobal.
Colossians 1:15 in Jakalteko 15 Waxan̈ca mach chijilico yin̈ Comam Dios, yaj Comam Jesucristo Iscꞌahol Comam Dios tuꞌ yen̈elo Comam jet, yuto caw Diospaxo Comam Jesús. Haꞌ Comam babel yeb caw aycano yip yiban̈ sunil tzet watxꞌebil yu Comam Dios.
Colossians 1:27 in Jakalteko 27 Caw el yin̈ iscꞌul Comam yakꞌni ohtan̈elaxo issakꞌalil iscꞌul, huneꞌ ewanticꞌa ye teyet hex mach Israeloj. Haꞌ huneꞌ ewan tuꞌ, haꞌ ton Comam Jesucristo ayxaco yipo heyanma. Ayco xin yipo cocꞌul ta yu Comam Jesucristo yuxin chiapni cocꞌulal hacaꞌ iscꞌulal Comam Dios.
1 Timothy 1:11 in Jakalteko 11 Haꞌ huneꞌ cuybanile caw yel chala, haꞌ ton Tzotiꞌ cꞌul yet colbanile caw sakꞌalcanoj. Huneꞌ yakꞌcano Comam Dios wetan yun̈e walnicꞌojan xol anma; caw niman yelapno Comam Dios.
Titus 2:13 in Jakalteko 13 Jechmawe huneꞌ tzet caw nanxa yoc iscꞌulal ayco yipo cocꞌul, huneꞌ tzꞌayic caw cꞌulchꞌan bay chisyecan̈ isba Cocolomal, haꞌ ton Comam Jesucristo, coDiosal caw helan.
Hebrews 1:3 in Jakalteko 3 Haꞌ Iscꞌahol Comam tuꞌ chiyenilo iskꞌakꞌal yip Comam Dios yeb yechel Comam yehi. Haꞌ xin yip Istzotiꞌ Iscꞌahol tuꞌ ikꞌn̈e sunil tzettaj ay yul sat yiban̈kꞌinal tiꞌ. Lahwi con̈issajn̈encano Comam Cꞌahole yin̈ comul, yoc tzꞌon̈no yin̈ iswatxꞌkꞌab Comam Dios yul satcan̈.
2 Peter 1:19 in Jakalteko 19 Haꞌ huneꞌ tuꞌ xin, caw cam chꞌakꞌni istꞌin̈anil Istzotiꞌ Comam tzꞌibn̈ebilcano yu ebnaj ischejab Comam yet payxa. Yuxin caw cꞌul yuto cheyaco heyanma hecuyni huntekꞌan tzotiꞌ tuꞌ, yuto hacaꞌ hunu lampara sakꞌal ismujli xol kꞌejholo masanto yet lan̈anxa issajbiloj yet chꞌahilo sajbes, hac tuꞌ xin yehi. Haꞌ huneꞌ tuꞌ chimujli yin̈ heyanma masanto chisajbilo yet chꞌahilo tzꞌayic. Haꞌ chal yelapno huneꞌ tzꞌayic tuꞌ, haꞌ ton yet chul Comam Cristo.
1 John 2:8 in Jakalteko 8 Walca xin payxa akꞌbilcano huneꞌ chejbanile tiꞌ, yaj hacaꞌ hunu caw acꞌto chiwute walnitojan teyet, yuto haꞌ Comam Jesucristo hul watxꞌenocano yin̈ caw istꞌin̈anil. Lan̈anpaxo xin isyenilo isba huneꞌ cuybanile tiꞌ texol, yuxin haxa huneꞌ issajilkꞌinal, haꞌxa chimujli yin̈ heyanma, hac tuꞌ xin chu yelcano kꞌejholo teyin̈.
1 John 5:19 in Jakalteko 19 Caw johtaj ta yeton̈xa Comam Dios. Wal anma yet yul sat yiban̈kꞌinal tiꞌ, caw ayayo yalan̈ yip naj matzwalil.
Revelation 20:2 in Jakalteko 2 Istzabnayo naj huneꞌ mac chiyij dragón, haꞌ ton noꞌ payat laba chihallax diablohal yeb Satanás, iscꞌalbanayo naj ángel tuꞌ naj yulbal mil habil.