Titus 3:14 in Ixil 14 As lachus unqꞌa qitzꞌin qatzikeꞌ tiꞌ uvaꞌ aꞌ u bꞌaꞌneꞌ la ibꞌaneꞌ. As la iloch kaꞌt unqꞌa uxhchileꞌ uvaꞌ kam nisaꞌvit stiꞌ. As ech ikꞌuchateꞌ uvaꞌ at vibꞌaꞌnil u Tiixheꞌ skꞌatz.
Other Translations King James Version (KJV) And let our's also learn to maintain good works for necessary uses, that they be not unfruitful.
American Standard Version (ASV) And let our `people' also learn to maintain good works for necessary uses, that they be not unfruitful.
Bible in Basic English (BBE) And let our people go on with good works for necessary purposes, so that they may not be without fruit.
Darby English Bible (DBY) and let ours also learn to apply themselves to good works for necessary wants, that they may not be unfruitful.
World English Bible (WEB) Let our people also learn to maintain good works for necessary uses, that they may not be unfruitful.
Young's Literal Translation (YLT) and let them learn -- ours also -- to be leading in good works to the necessary uses, that they may not be unfruitful.
Cross Reference Matthew 7:19 in Ixil 19 Pet jankꞌal unqꞌa tzeꞌeꞌ uveꞌ vaꞌlexh ivatz ni taqꞌeꞌ, as la tzokꞌax el. As la oksal tu u xamaleꞌ.
Matthew 21:19 in Ixil 19 As til veꞌt Aak umaꞌl u tzeꞌ uvaꞌ higuera tziꞌ u bꞌeyeꞌ. As jetzꞌen veꞌt ok Aak kꞌatz u tzeꞌeꞌ, tan kamal atik ivatz tzeꞌ uvaꞌ nik tal Aak. As yeꞌlik chit umaj ivatz tzeꞌ atike. Pet ixaj kuxh tzeꞌ atike. As ech tal veꞌt Aak ileꞌ: —Yeꞌxh jatu la vatzin veꞌt axh,— tiꞌk Aak tal te u tzeꞌeꞌ. As yak kuxh tzaj veꞌt u tzeꞌeꞌ.
Luke 13:6 in Ixil 6 As tal veꞌt u Jesús umaꞌt u kꞌuchuvatz ech ileꞌ: —Atik umaꞌl u naj uvaꞌ avamalik umaꞌl u tzeꞌ staꞌn uvaꞌ higuera. As bꞌex til veꞌt naj u tzeꞌeꞌ xoꞌl unqꞌa ichikoeꞌ, tan kamal atik veꞌt ivatz tzeꞌ uvaꞌ nikat tal naj. Tul oon naj xeꞌ toj tzeꞌ, as yeꞌlik chit umaj ivatz tzeꞌ atike.
John 15:8 in Ixil 8 tan ech la okkat iqꞌii vunBꞌaaleꞌ. As ech ekꞌuchateꞌ uvaꞌ ex niman vetz tiꞌ ebꞌanat u bꞌaꞌneꞌ echeꞌ nibꞌan u uuvaeꞌ tul ni taqꞌ tzeꞌ ivatz.
John 15:16 in Ixil 16 As jit exeꞌ kat txaaon in. Pet ineꞌ kat txaaon ex, tan kat unkꞌujbꞌaꞌ kan ex tiꞌ uvaꞌ la ebꞌan u bꞌaꞌneꞌ, echeꞌ nibꞌan u uuvaeꞌ tul nivatzineꞌ. As kam la ejaj te vunBꞌaaleꞌ tukꞌ vunbꞌiieꞌ as la taqꞌ Aakeꞌ sete, aqꞌal uvaꞌ yeꞌl ex la yaꞌ veꞌt ex tiꞌ ebꞌanat u bꞌaꞌneꞌ.
Acts 18:3 in Ixil 3 As atin veꞌt u Pablo xeꞌ u Aquila tukꞌ u Priscila, tan tiꞌ uvaꞌ eela kuxh u taqꞌon u Pablo tukꞌ u Aquila, tan nik itzꞌis chajnaj tzꞌuꞌm tiꞌ uvaꞌ nitxakon tiꞌ unqꞌa lakich pacheꞌ. As nik iloch tibꞌ chajnaj svatzaj tiꞌ u aqꞌoneꞌ.
Acts 20:35 in Ixil 35 Tan jankꞌal uvaꞌ kat unbꞌan sexoꞌl as kat unchus kan ex uvaꞌ ech la ebꞌaneꞌ echeꞌ uvaꞌ kat unbꞌana, tan la aqꞌonvu veꞌt ex tiꞌ elochat unqꞌa uxhchileꞌ uvaꞌ meebꞌaꞌ. As la qulsa sukukꞌuꞌl uvaꞌ tal kan u Kubꞌaal Jesús uvaꞌ ech tal ileꞌ: «Achvebꞌal chit oꞌ uvaꞌ oꞌ la oyan tiꞌ uvaꞌ oꞌ la kꞌulun,» tiꞌk Aak,— tiꞌk u Pablo te unqꞌa iqꞌesal unqꞌa qitzꞌin qatzikeꞌ uvaꞌ echen tu u Éfeso.
Romans 15:28 in Ixil 28 As tul la bꞌen vaqꞌ kan u puajeꞌ te unqꞌa qitzꞌin qatzikeꞌ tu u Jerusalén, as la pal vil veꞌt ex, tan la bꞌen veꞌt in tu u España uvaꞌ ni valeꞌ.
Ephesians 4:28 in Ixil 28 As abꞌiste ex uvaꞌ netelqꞌeꞌ, as eyaꞌsataj etelqꞌeꞌ. Pet aqꞌonvojtaj ex. As ebꞌantaj u bꞌaꞌneꞌ, aqꞌal uvaꞌ la uch elochat vemooleꞌ uvaꞌ nisaꞌ lochbꞌal tetz.
Philippians 1:11 in Ixil 11 As la toksa veꞌt unqꞌa tenameꞌ iqꞌii u Tiixheꞌ setaꞌn, tan tiꞌ uvaꞌ jik chit vetxumbꞌaleꞌ nebꞌan sevatzaj taꞌn vibꞌaꞌnil u Jesucristo.
Philippians 4:17 in Ixil 17 As jit tiꞌ uvaꞌ la etaqꞌ umaꞌtoj lochbꞌal sve ni valkat u yoleꞌ tiꞌ u lochbꞌaleꞌ. Pet aꞌ ni valeꞌ uvaꞌ la taqꞌ u Tiixheꞌ etxꞌajaꞌm tiꞌ u bꞌaꞌnileꞌ uveꞌ nebꞌan sve.
Colossians 1:10 in Ixil 10 As nu kujaj te u Tiixheꞌ setiꞌ, tiꞌ uvaꞌ la ebꞌan u bꞌaꞌneꞌ echeꞌ uvaꞌ nisaꞌ u Kubꞌaal Jesucristoeꞌ. As tiꞌ kajayil unqꞌa veeꞌ la ebꞌaneꞌ, as la chiibꞌ Aak setiꞌ. As la etil ichaꞌxal u bꞌaꞌneꞌ uvaꞌ nebꞌaneꞌ. As aal chit la yakꞌin veꞌt etxumbꞌal tiꞌ etootzit u Tiixheꞌ.
1 Thessalonians 2:9 in Ixil 9 As ateꞌ u qaqꞌoneꞌ sekꞌuꞌl, qitzꞌin qatzik, uvaꞌ kat kubꞌan sexoꞌl, tan kat chit kool oꞌ tiꞌ kuchusun sexoꞌl. As kat aqꞌonvu oꞌ sqꞌiil aqꞌbꞌal, tan yeꞌxhebꞌil kat qaqꞌ tijatz tiꞌ qilpeꞌ. As ech kat kubꞌaneꞌ tiꞌ qalat u bꞌaꞌnla yoleꞌ sete uveꞌ tetz u Tiixheꞌ.
2 Thessalonians 3:8 in Ixil 8 As yeꞌl oꞌ uvaꞌ kat kuxh koj txꞌaꞌn oꞌ tul yeꞌ kat kuchooa. Pet kat aqꞌonvu oꞌ sqꞌiil aqꞌbꞌal tukꞌ koolichil, tan aꞌ nik qaleꞌ uvaꞌ yeꞌ la qaqꞌ etaqꞌon tiꞌ etaqꞌat kutxꞌix.
Titus 3:8 in Ixil 8 As jikla yol chiteꞌ u yoleꞌ. As aꞌ ni valeꞌ uvaꞌ yeꞌ la ayaꞌsa aalat unqꞌa yoleꞌ, aqꞌal uvaꞌ la iyaꞌlu veꞌt tibꞌ unqꞌa kumooleꞌ uvaꞌ ni niman u Tiixheꞌ tiꞌ ibꞌanat u bꞌaꞌneꞌ. As bꞌaꞌneꞌ unqꞌa yoleꞌ uveꞌ ni val see, tan la txakon tiꞌ unqꞌa uxhchileꞌ skajayil.
Hebrews 6:6 in Ixil 6 Asoj la teesa kan tibꞌ unqꞌa uxhchileꞌ tiꞌ inimat u bꞌaꞌnla yoleꞌ, as yeꞌ la uchi uvaꞌ la ikꞌaxa tibꞌ unpajte echeꞌ uvaꞌ kat ibꞌan bꞌaxa, tan eela kuxh stukꞌ uvaꞌ an chit u uxhchileꞌ ni aqꞌon jeꞌ viKꞌaol u Tiixheꞌ vatz u kuruseꞌ tiꞌ ichꞌixvisaleꞌ unpajte. Pet asoj ech la ibꞌaneꞌ, as an kuxh unqꞌa uxhchileꞌ la eqꞌon tzan u kꞌaxkꞌoeꞌ stiꞌ.
2 Peter 1:8 in Ixil 8 Asoj la etaqꞌ yakꞌil tiꞌ ebꞌanat u bꞌaꞌnla txumbꞌaleꞌ echeꞌ uvaꞌ ni val sete, as la etil ichaꞌxal u bꞌaꞌneꞌ uvaꞌ nebꞌaneꞌ, kꞌuchbꞌal tetz uvaꞌ ootzimal veꞌt u Kubꞌaal Jesucristoeꞌ setaꞌn.