Romans 8:39 in Ixil 39 as mitaꞌn uveꞌ at tu almikaꞌ; as mitaꞌn uveꞌ at jaqꞌ u txꞌavaꞌeꞌ; as mitaꞌn umaj unqꞌa veeꞌ cheesamal kan taꞌn Aak la olebꞌ tiꞌ qeesal kan tiꞌ vibꞌaꞌnil Aakeꞌ uvaꞌ qetz taꞌn u Kubꞌaal Jesucristo, jankꞌal oꞌ uvaꞌ at veꞌt ok oꞌ kꞌatz Aak.
Other Translations King James Version (KJV) Nor height, nor depth, nor any other creature, shall be able to separate us from the love of God, which is in Christ Jesus our Lord.
American Standard Version (ASV) nor height, nor depth, nor any other creature, shall be able to separate us from the love of God, which is in Christ Jesus our Lord.
Bible in Basic English (BBE) Or things on high, or things under the earth, or anything which is made, will be able to come between us and the love of God which is in Christ Jesus our Lord.
Darby English Bible (DBY) nor height, nor depth, nor any other creature, shall be able to separate us from the love of God, which [is] in Christ Jesus our Lord.
World English Bible (WEB) nor height, nor depth, nor any other created thing, will be able to separate us from the love of God, which is in Christ Jesus our Lord.
Young's Literal Translation (YLT) nor things about to be, nor height, nor depth, nor any other created thing, shall be able to separate us from the love of god, that `is' in Christ Jesus our Lord.
Cross Reference Matthew 24:24 in Ixil 24 Tan at uxhchil la ul alon sete uvaꞌ: «Ineꞌ in Cristo» as moj «Ineꞌ in qꞌajsan tetz viyol u Tiixheꞌ,» chaj la tal sete. As la ibꞌan unqꞌa chulin yoleꞌ tetz echeꞌ unqꞌa kꞌuchbꞌal tetz viyakꞌil u Tiixheꞌ, uvaꞌ la teqꞌo taama unqꞌa tenameꞌ stiꞌ. As la imaxtibꞌe unqꞌa chulin yoleꞌ unqꞌa tenameꞌ. As la koj uchi, as anteꞌ unqꞌa itenam Aakeꞌ uveꞌ txaael taꞌn Aak la maxtibꞌeli.
John 3:16 in Ixil 16 Tan kat itxum u Tiixheꞌ ivatz unqꞌa tenameꞌ skajayil vatz u txꞌavaꞌeꞌ. Estiꞌeꞌ kat taqꞌ tzan Aak unchꞌiꞌtil viKꞌaoleꞌ tiꞌ ikameꞌ, aqꞌal uvaꞌ jankꞌal unqꞌa uxhchileꞌ uvaꞌ la ikꞌujbꞌaꞌ ikꞌuꞌl tiꞌ viKꞌaol Aakeꞌ as yeꞌ la tzꞌejxi. Pet at itiichajil uvaꞌ yeꞌl iyaꞌtebꞌal.
John 10:28 in Ixil 28 As ni vaqꞌ itiichajil uvaꞌ yeꞌl iyaꞌtebꞌal. As echeꞌ jatu koj la sotz ivatz txoo. As yeꞌxhebꞌil la eesan txoo tunqꞌabꞌ,
John 16:27 in Ixil 27 tan xoꞌn veꞌt ex te Aak, tan tiꞌ uvaꞌ xoꞌn in sete. As nenima uvaꞌ aꞌ tzaanajkat in kꞌatz Aak.
John 17:26 in Ixil 26 As kat vallu veꞌt isuuchil te unqꞌa uxhchileꞌ seeꞌ. As kat tootzil veꞌt axh. As tuktel val ste unpajte, aqꞌal uvaꞌ la ixoꞌni tibꞌ svatzaj, echeꞌ uveꞌ nabꞌan sve. As at in skꞌatz la ibꞌaneꞌ,— tiꞌk u Jesús.
Romans 5:8 in Ixil 8 Pet ech koj u Tiixheꞌ, tan kꞌuxh antelik kupaavineꞌ vatz Aak, as kat ikꞌuch Aak sqe uvaꞌ xoꞌn chit oꞌ te Aak. As kat kam u Cristo sqiꞌ taꞌn Aak.
Romans 8:35 in Ixil 35 As yeꞌxhkam la eesan kan oꞌ kꞌatz u Cristo uvaꞌ xoꞌn oꞌ ste. As kꞌuxh la kupalebꞌe kꞌaxkꞌo, as kꞌuxh la txumun qaama, as kꞌuxh la laqꞌbꞌal oꞌ, as kꞌuxh la kupalebꞌe vaꞌy, as kꞌuxh yeꞌl veꞌt qoksaꞌm, as kꞌuxh kam kuxh la kupalebꞌe, as kꞌuxh la yatzꞌpu veꞌt oꞌ tukꞌ chꞌichꞌ; as yeꞌxhebꞌil la olebꞌ tiꞌ qeesal kan kꞌatz u Cristo uvaꞌ xoꞌn chit oꞌ ste,
Romans 11:33 in Ixil 33 ¡As yeꞌl iyaꞌtebꞌal as mitaꞌn imoxtebꞌal vibꞌaꞌnil vitxumbꞌal Aakeꞌ, tan Aakeꞌ ootzin tetz skajayil! ¡As yeꞌxhebꞌil chiteꞌ la pal tu vitxumbꞌal Aakeꞌ uvaꞌ kam ni tal taama Aak as tukꞌ uvaꞌ nibꞌan Aak!
2 Corinthians 2:11 in Ixil 11 aqꞌal uvaꞌ yeꞌ la olebꞌ u Satanás tiꞌ iyansat u kutxumbꞌaleꞌ, tan at sukukꞌuꞌl uvaꞌ nichuk u Satanás txumbꞌal sqiꞌ.
2 Corinthians 11:3 in Ixil 3 As nitxumun vaama setiꞌ, vitzꞌin vatzik. As aꞌ ni valeꞌ uvaꞌ yeꞌ la ebꞌan etetz echeꞌ uveꞌ kat ibꞌan u Evaeꞌ tul kat maxtibꞌeli taꞌn u txꞌiꞌlanajeꞌ uvaꞌ kat ibꞌensa tibꞌ txꞌiꞌlatxooil. As echenik ebꞌaneꞌ, tan jit kuxh nim la yansal vetxumbꞌaleꞌ uvaꞌ kꞌujleꞌl tiꞌ u Cristo, tan aꞌ ni valeꞌ uvaꞌ jik chit kꞌujleꞌl ekꞌuꞌl tiꞌ Aak.
Ephesians 1:4 in Ixil 4 As tul yeꞌxnik chee u vatz txꞌavaꞌeꞌ, as kat itxaa oꞌ u Tiixheꞌ tiꞌ qok jikla aamail as tiꞌ uvaꞌ yeꞌl veꞌt u vaꞌlexheꞌ sqiꞌ, tan vatz Aak as atik veꞌt ok oꞌ kꞌatz u Jesucristo tul yeꞌxnik chee u vatz txꞌavaꞌeꞌ.
Ephesians 2:4 in Ixil 4 As nim chiteꞌ vibꞌaꞌnil u Tiixheꞌ tiꞌ itxumat Aak kuvatz, as ni xoꞌni veꞌt oꞌ Aak.
Ephesians 3:18 in Ixil 18 As ech qootziteꞌ setukꞌ, jankꞌal oꞌ uvaꞌ oꞌ itenam Tiixh, uvaꞌ nim vibꞌaꞌnil Aakeꞌ nibꞌan sqiꞌ, tan yeꞌl iyaꞌebꞌal as yeꞌl imoxtebꞌal tiꞌ ixoꞌnit oꞌ Aak.
Colossians 3:3 in Ixil 3 tan eela kuxh stukꞌ uvaꞌ kat kam veꞌt ex, aqꞌal uvaꞌ yeꞌl etetz tiꞌ enimat unqꞌa vatz txꞌavaꞌilla txumbꞌaleꞌ. As kꞌuxh yeꞌ naꞌl vatz unqꞌa tenameꞌ as at veꞌt etiichajil kꞌatz u Tiixheꞌ, tan at veꞌt ok ex kꞌatz u Cristoeꞌ, as kꞌatz u Tiixheꞌ unpajte.
2 Thessalonians 2:4 in Ixil 4 tan la ul teesa naj iqꞌii unqꞌa veeꞌ skajayil uvaꞌ tiixh vatz unqꞌa tenameꞌ as tukꞌ unqꞌa veeꞌ ninach unqꞌa tenameꞌ sivaatzil u Tiixheꞌ. As naj la ul toksa veꞌt tibꞌ tiixhil vatz unqꞌa tenameꞌ.
2 Thessalonians 2:9 in Ixil 9 As u bꞌanol vaꞌlexheꞌ tan la ul ikꞌuch tibꞌ naj tukꞌ u tijleꞌm u Satanás. As nim talchu naj la ibꞌaneꞌ, as la ibꞌan naj umaj u kꞌuchbꞌal tetz u tijleꞌmeꞌ uvaꞌ la teqꞌo taama unqꞌa uxhchileꞌ staꞌn. As chulin yol kuxh naj la ibꞌaneꞌ.
Titus 3:4 in Ixil 4 Pet kꞌuxh echik u kutxumbꞌaleꞌ, as kat ikꞌuch veꞌt u Tiixheꞌ vibꞌaꞌnileꞌ sqe uvaꞌ ni qꞌalpun oꞌ tiꞌ ikꞌuchat veꞌt Aak uvaꞌ xoꞌn veꞌt unqꞌa tenameꞌ skajayil te Aak.
1 John 4:9 in Ixil 9 As aꞌ kat ikꞌuchkat Aak vinimla bꞌaꞌnileꞌ sqiꞌ, tan kat taqꞌ tzan Aak unchꞌiꞌtil viKꞌaoleꞌ vatz u txꞌavaꞌeꞌ tiꞌ uvaꞌ at veꞌt kutiichajil kꞌatz Aak taꞌn vibꞌaꞌnil viKꞌaoleꞌ.
1 John 4:16 in Ixil 16 As ootzimal veꞌteꞌ sqaꞌn uvaꞌ xoꞌn veꞌt oꞌ te u Tiixheꞌ. As kꞌujleꞌl kukꞌuꞌl tiꞌ Aak uvaꞌ atoꞌk chit taama Aak tiꞌ kuxoꞌnileꞌ, tan xoꞌn chit unqꞌa tenameꞌ skajayil te Aak. As abꞌil uvaꞌ atoꞌk taama tiꞌ ixoꞌnit Aak, as tiꞌ ixoꞌnit unqꞌa tenameꞌ, as aꞌeꞌ uvaꞌ at veꞌt ok kꞌatz Aak. As at veꞌt ok Aak tu u taanxelal unpajte.
1 John 4:19 in Ixil 19 As aꞌ u Tiixheꞌ kat xoꞌnin oꞌ bꞌaxa. As estiꞌeꞌ uvaꞌ xoꞌn veꞌt Aak sqe unpajte.
Revelation 2:24 in Ixil 24 Pet ech koj unjoltu ex tu u tenam u Tiatira uvaꞌ yeꞌ ni niman vichusbꞌal u ixojeꞌ, as tukꞌ uvaꞌ ootzimal taꞌn u Satanás, as yeꞌl umaꞌtoj yol la val sete uvaꞌ la ebꞌaneꞌ.
Revelation 12:9 in Ixil 9 As kat eesal veꞌt el tzan u nimla txꞌiꞌlatxooeꞌ tu almikaꞌ. As kat sutil veꞌt kuꞌ tzan vatz u txꞌavaꞌeꞌ tukꞌ unqꞌa imooleꞌ. As u nimla txꞌiꞌlatxooeꞌ as aꞌeꞌ u txꞌiꞌlatxooeꞌ uvaꞌ at chittuꞌ uvaꞌ txꞌiꞌlanaj chꞌelel as Satanás unpajte. As aꞌeꞌ ni eesan unqꞌa tenameꞌ tu bꞌey.
Revelation 13:1 in Ixil 1 Txaklik in viꞌ u sanabꞌeꞌ tziꞌ u mareꞌ, as vil ijeꞌ veꞌt chꞌuꞌl umaꞌt u txoo xeꞌ u mar uvaꞌ laval tukꞌ atike tukꞌ vujvaꞌt iviꞌ. As atik jeꞌ umaꞌl u koroona tiꞌ junun unqꞌa tukꞌ txooeꞌ. As tzꞌibꞌamal veꞌt ok umaꞌl u bꞌii tiꞌ junun unqꞌa iviꞌ txooeꞌ, uvaꞌ nikat iyoqꞌon tiꞌ u Tiixheꞌ.
Revelation 13:14 in Ixil 14 As imaxtibꞌe veꞌt txoo unqꞌa tenameꞌ tukꞌ u kꞌuchbꞌal tetz u tijleꞌmeꞌ vatz u txooeꞌ uvaꞌ maꞌtik ijeꞌ chꞌuꞌl xeꞌ u mar. As tal veꞌt u txooeꞌ te unqꞌa tenameꞌ uvaꞌ la oksal iqꞌii u txooeꞌ uvaꞌ jeꞌ chꞌuꞌl xeꞌ u mar. As la bꞌanchu veꞌt ivatzibꞌal txoo, tan kꞌuxh maꞌtik itzokꞌpu txoo taꞌn chꞌichꞌ, as isleꞌltel txoo.
Revelation 19:20 in Ixil 20 As txeypu veꞌt u txooeꞌ uvaꞌ jeꞌ chꞌuꞌl xeꞌ u mar tukꞌ u chulin yolla txooeꞌ uvaꞌ jeꞌ chꞌuꞌl tu txꞌavaꞌ, uvaꞌ maꞌtik ikꞌuchat veꞌt txoo uvaꞌ xoꞌvebꞌal chit unqꞌa kꞌuchbꞌal tetz u tijleꞌm u txooeꞌ uvaꞌ ibꞌana. As maꞌtik imaxtibꞌet txoo unqꞌa uxhchileꞌ uvaꞌ atik veꞌt ok u texhlal umaꞌt u txooeꞌ stiꞌ. As maꞌtik iqaaebꞌ unqꞌa uxhchileꞌ vatz vivatzibꞌal u txooeꞌ. As sutil veꞌt bꞌen txoo skaabꞌil tu u veeꞌ echeꞌ naabꞌ uvaꞌ ni toypukat u nimla xamaleꞌ tukꞌ azufre.
Revelation 20:3 in Ixil 3 As isuti veꞌt bꞌen u ángel u nimla txꞌiꞌlatxooeꞌ tu nimla tokkin juleꞌ. As ilaavi veꞌt itziꞌ u nimla tokkin juleꞌ. As toksa veꞌt sello stiꞌ, tiꞌ uvaꞌ yeꞌ la uch veꞌt tel chꞌuꞌl u nimla txꞌiꞌlatxooeꞌ tiꞌ iyansat itxumbꞌal unqꞌa tenameꞌ. As lanal tzꞌaj veꞌt umaꞌl 1,000 yaabꞌ. As aꞌn la chajpul veꞌt u nimla txꞌiꞌlatxooeꞌ unpajte. As unbꞌiit kuxh la ul ibꞌan veꞌteꞌ.
Revelation 20:7 in Ixil 7 As tul la tzojpu veꞌt umaꞌl 1,000 yaabꞌ, as la chajpul veꞌt el tzan u Satanás tu u nimla tokkin juleꞌ.