Romans 12:6 in Ixil 6 As jit eela u qijleꞌmeꞌ skujununilaj uvaꞌ kat taqꞌ Aak sqe, tan echeꞌ uvaꞌ nisaꞌ Aak sqiꞌ. Asoj oꞌ umaj qꞌajsan tetz viyol Aakeꞌ, as jik chit la qal u yoleꞌ uvaꞌ eela tukꞌ viyol Aakeꞌ uvaꞌ tzꞌibꞌamal kan.
Other Translations King James Version (KJV) Having then gifts differing according to the grace that is given to us, whether prophecy, let us prophesy according to the proportion of faith;
American Standard Version (ASV) And having gifts differing according to the grace that was given to us, whether prophecy, `let us prophesy' according to the proportion of our faith;
Bible in Basic English (BBE) And having different qualities by reason of the grace given to us, such as the quality of a prophet, let it be made use of in relation to the measure of our faith;
Darby English Bible (DBY) But having different gifts, according to the grace which has been given to us, whether [it be] prophecy, [let us prophesy] according to the proportion of faith;
World English Bible (WEB) Having gifts differing according to the grace that was given to us, if prophecy, let us prophesy according to the proportion of our faith;
Young's Literal Translation (YLT) And having gifts, different according to the grace that was given to us; whether prophecy -- `According to the proportion of faith!'
Cross Reference Matthew 23:34 in Ixil 34 Tan tuk unchaj bꞌen kaꞌt unqꞌa qꞌajsan tetz vunyoleꞌ sexoꞌl, tukꞌ kaꞌt unqꞌa uxhchileꞌ uvaꞌ at itxumbꞌal, tukꞌ kaꞌt unqꞌa uxhchileꞌ uvaꞌ la chusun ex. As ati uvaꞌ tuk eyatzꞌeꞌ; as ati uvaꞌ tuk etaqꞌ jeꞌ vatz ikurus; as ati uvaꞌ tuk eqꞌoseꞌ tulaj unqꞌa atinbꞌaleꞌ tetz nachbꞌal Tiixh; as ati uvaꞌ tuk etilu el tulaj unqꞌa tenameꞌ.
Luke 11:49 in Ixil 49 Pet ootzimalik taꞌn u Tiixheꞌ uvaꞌ ech la ibꞌaneꞌ. Estiꞌeꞌ ech tal Aak ileꞌ: «Tuk unchaj bꞌen kaꞌt unqꞌa qꞌajsan tetz vunyoleꞌ tukꞌ unqꞌa apóstol xoꞌl unqꞌa tenameꞌ. As ati la yatzꞌpi; as ati la tiluli taꞌn unqꞌa tenameꞌ,» tiꞌk Aak.
Acts 2:17 in Ixil 17 «Ech la ibꞌan ileꞌ tul uvaꞌ la bꞌen ilej unqꞌa qꞌiieꞌ uvaꞌ aꞌn tuleꞌ: Tan la vaqꞌ veꞌt kuꞌ tzan vunTiixhla Espíritu tiꞌ unqꞌa tenameꞌ skajayil. As la tal veꞌt unqꞌa meꞌal ekꞌaoleꞌ vunyoleꞌ. As la til veꞌt unqꞌa txul aamaeꞌ unqꞌa veeꞌ echeꞌ vatzikꞌ. As la vatzkꞌu veꞌt unqꞌa qꞌesla chaj aamaeꞌ,
Acts 11:27 in Ixil 27 As tu unqꞌa qꞌiieꞌ as bꞌen veꞌt kaꞌl unqꞌa qꞌajsan tetz viyol u Tiixheꞌ tu u Jerusalén. As oon veꞌt tu u Antioquía.
Acts 13:1 in Ixil 1 As xoꞌl unqꞌa niman tetz u Jesús tu u Antioquía as atik kaꞌl unqꞌa qꞌajsan tetz iyol u Tiixheꞌ. As atik kaꞌt unqꞌa uxhchil uveꞌ nik chusun iyol u Tiixheꞌ. As u Bernabé tukꞌ u Simón uvaꞌ Niger chꞌelel, tukꞌ u Lucio uvaꞌ tzaanaj tu u Cirene, tukꞌ u Manaén uvaꞌ eela ichꞌiieꞌ tukꞌ u Herodes uvaꞌ tijlenaal u Galilea as tukꞌ u Saulo.
Acts 15:32 in Ixil 32 As nimaltel yol tal veꞌt u Judas tukꞌ u Silas tiꞌ iyakꞌinsal taama unqꞌa qitzꞌin qatzikeꞌ, tan an chit qꞌajsan tetz viyol u Tiixheꞌ chajnaj. As kꞌujebꞌ veꞌt ikꞌuꞌl unqꞌa qitzꞌin qatzikeꞌ taꞌn unqꞌa yoleꞌ uvaꞌ kat tal chajnaj.
Acts 18:24 in Ixil 24 As oon veꞌt umaꞌt u tiaal Israel uvaꞌ Apolo tu u Éfeso, uvaꞌ tzaanaj tu u Alejandría. As chꞌiꞌumal iyolon naj, tan chuselik tibꞌ naj tiꞌ viyol u Tiixheꞌ uveꞌ tzꞌibꞌamal kan.
Acts 21:9 in Ixil 9 As aꞌ u Piꞌleꞌ vibꞌaal kajvaꞌl unqꞌa ixoj uvaꞌ yeꞌlik itzumel. As nik iqꞌajsa chaꞌma viyol u Tiixheꞌ xoꞌl unqꞌa qitzꞌin qatzikeꞌ.
Romans 1:11 in Ixil 11 As aꞌ ni valeꞌ uvaꞌ la bꞌen vil ex tiꞌ uvaꞌ la iyakꞌinsa u Tiixhla Espíritu vetaanxelaleꞌ tiꞌ u bꞌaꞌnla yoleꞌ.
Romans 12:3 in Ixil 3 As tuk val sete tukꞌ u vijleꞌmeꞌ uvaꞌ kat aqꞌpu sve taꞌn vibꞌaꞌnil Aakeꞌ: As yeꞌ la ejeꞌsa etibꞌ vatz unqꞌa emooleꞌ. Pet jik chit la ebꞌaneꞌ tukꞌ u kꞌujlebꞌal ekꞌuꞌleꞌ uvaꞌ kat taqꞌ Aak sete tiꞌ toksal iqꞌii Aak.
1 Corinthians 1:5 in Ixil 5 As ibꞌaꞌnil kuxh Aak as nimal bꞌaꞌnil kat etillu veꞌteꞌ, tan tiꞌ uvaꞌ kat alax veꞌt viyol Aakeꞌ sexoꞌl. As at veꞌt etxumbꞌal staꞌn,
1 Corinthians 4:6 in Ixil 6 Vitzꞌin vatzik, ni val unqꞌa yoleꞌ sete sviꞌ tukꞌ tiꞌ u qitzꞌin qatzikeꞌ u Apolo. As la etileꞌ kam uvaꞌ nu kubꞌaneꞌ. As la bꞌen sete uvaꞌ yeꞌ la uch epaasat etibꞌ vatz unqꞌa veeꞌ tzꞌibꞌamal kan. As yeꞌ la ibꞌaneꞌ uvaꞌ la etoksa iqꞌii umaj uxhchil tiꞌ eyansat umaꞌt uxhchil.
1 Corinthians 7:7 in Ixil 7 As aꞌ ni valeꞌ uvaꞌ ech koj chit nibꞌan unqꞌa najeꞌ kajayil echeꞌ uveꞌ nunbꞌaneꞌ, tan yeꞌl vixqel ati. As at oꞌ uvaꞌ la kuchuk qixqel. As at oꞌ uvaꞌ yeꞌle. Pet aꞌ u Tiixheꞌ aqꞌol tetz sqe.
1 Corinthians 12:4 in Ixil 4 As jit eela unqꞌa qijleꞌmeꞌ uveꞌ ni taqꞌ u Tiixhla Espíritu sqe. As umaꞌl kuxheꞌ u Tiixhla Espíritu uveꞌ ni aqꞌon sqe.
1 Corinthians 12:28 in Ixil 28 Pet kat taqꞌ veꞌt u Tiixheꞌ qijleꞌm, oꞌ uvaꞌ oꞌ niman tetz Aak. As at oꞌ uvaꞌ oꞌ apóstol. As at oꞌ uvaꞌ oꞌ qꞌajsan tetz viyol u Tiixheꞌ. As at oꞌ uvaꞌ oꞌ chusunaal. As at oꞌ uvaꞌ ni kꞌuchun unqꞌa nimla bꞌaꞌnileꞌ uvaꞌ tetz u Tiixheꞌ uveꞌ nim talcheꞌ. As at oꞌ uvaꞌ ni bꞌaꞌnxisan unqꞌa aachꞌoꞌmeꞌ. As at oꞌ uvaꞌ at kutxumbꞌal tiꞌ kulochat u kumooleꞌ. As at oꞌ uvaꞌ ni ilon isuuchil unqꞌa qitzꞌin qatzikeꞌ. As at oꞌ uvaꞌ nu kuyolon tu umaꞌt yolbꞌal.
1 Corinthians 13:2 in Ixil 2 As kꞌuxh at vijleꞌm tiꞌ valat isuuchil unqꞌa yoleꞌ tetz u Tiixheꞌ, as kꞌuxh la pal in tu vitxumbꞌal u Tiixheꞌ uveꞌ yeꞌ nik ipal unqꞌa uxhchileꞌ stuul naꞌytzan, as kꞌuxh at untxumbꞌal tiꞌ unqꞌa veeꞌ skajayil, as kꞌuxh kꞌujleꞌl unkꞌuꞌl tiꞌ uvaꞌ la val iqꞌajsal bꞌen umaj vitz tiꞌ ibꞌen ikꞌujbꞌaꞌt tibꞌ tu umaꞌt atinbꞌal, as tul yeꞌ nunxoꞌni u vitzꞌin vatzikeꞌ, as yeꞌl kuxh itxaꞌkeꞌ uveꞌ nunbꞌaneꞌ.
1 Corinthians 14:1 in Ixil 1 Estiꞌeꞌ ni val sete, eyaꞌlutaj etibꞌ tiꞌ exoꞌnit etibꞌ sevatzaj. As okojtaj ex ilil tiꞌ ejajat te u Tiixheꞌ tiꞌ uvaꞌ la taqꞌ Aak etijleꞌm taꞌn u Tiixhla Espíritu. As la ejaj te Aak uvaꞌ at ex la taqꞌ Aak etijleꞌm tiꞌ etalat isuuchil viyol Aakeꞌ xoꞌl unqꞌa qitzꞌin qatzikeꞌ.
1 Corinthians 14:3 in Ixil 3 As abꞌil uvaꞌ la alon veꞌt isuuchil viyol u Tiixheꞌ te unqꞌa qitzꞌin qatzikeꞌ, niyoloneꞌ tiꞌ iyakꞌinsal taama, tiꞌ ichiibꞌisal taama as tiꞌ toksal xeꞌ taama tiꞌ inimal viyol Aakeꞌ.
1 Corinthians 14:24 in Ixil 24 Pet asoj jolol chit ex la alon isuuchil viyol u Tiixheꞌ as jit kuxh nim la ok umaj uxhchil sexoꞌl uvaꞌ yeꞌ ni niman Aak uvaꞌ yeꞌ nipal tu viyol Aakeꞌ, as la tzꞌeꞌ tok u yoleꞌ tiviꞌ setaꞌn. As la bꞌen veꞌt ste kam uvaꞌ nibꞌaneꞌ,
1 Corinthians 14:29 in Ixil 29 As ex uveꞌ ex qꞌajsan tetz viyol u Tiixheꞌ, as kaꞌvoꞌj ex moj oxvoꞌj ex la yolon ex tu u atinbꞌaleꞌ tetz nachbꞌal Tiixh. As la kuxh tabꞌi kaꞌt unqꞌa qitzꞌin qatzikeꞌ tiꞌ ipal stuul ma tetz u Tiixhla Espíritu u yoleꞌ uvaꞌ ni talpeꞌ moj yeꞌle.
1 Corinthians 14:31 in Ixil 31 As junun eyoloneꞌ tul la yolon ex, aqꞌal uvaꞌ la chee itxumbꞌal unqꞌa qitzꞌin qatzikeꞌ. As la yakꞌin veꞌt u taanxelaleꞌ taꞌn u yoleꞌ.
2 Corinthians 8:12 in Ixil 12 tan jankꞌal uvaꞌ la uch etaqꞌataꞌ, as la kꞌulpeꞌ tibꞌaꞌnil, asoj ayaꞌl chit ekꞌuꞌl tul la etaqꞌeꞌ. Pet yeꞌ la etaqꞌeꞌ, asoj yeꞌxhkam at sexeꞌ, tan yeꞌxhkam ni tal u Tiixheꞌ uvaꞌ techal la qaqꞌeꞌ, asoj yeꞌxhkam ati.
Ephesians 3:5 in Ixil 5 As kꞌuxh yeꞌxhebꞌil tal Aak isuuchil ste naꞌytzan, as kat tal veꞌt u Tiixhla Espíritu isuuchil u yoleꞌ sqe, oꞌ uvaꞌ oꞌ apóstol uvaꞌ txaael veꞌt oꞌ taꞌn Aak, as tukꞌ te unqꞌa qꞌajsan tetz viyol Aakeꞌ.
Ephesians 4:11 in Ixil 11 As an chit u Jesucristoeꞌ kat oksan oꞌ apóstolil xoꞌl vitenam Aakeꞌ. As kat toksa Aak kaꞌt uxhchil qꞌajsan tetz viyoleꞌ, tukꞌ kaꞌt unqꞌa paxsan tetz u bꞌaꞌnla yoleꞌ tiꞌ Aak, as tukꞌ kaꞌt unqꞌa uxhchileꞌ uvaꞌ ni alon isuuchil viyol Aakeꞌ. As tukꞌ unqꞌa uxhchileꞌ uvaꞌ ni ilon isuuchil vitenam u Tiixheꞌ, tan ech nibꞌaneꞌ echeꞌ unqꞌa xeen txooeꞌ.
Philippians 3:15 in Ixil 15 Estiꞌeꞌ ni val sete uvaꞌ jankꞌal oꞌ uvaꞌ at veꞌt kutxumbꞌal taꞌn u Tiixheꞌ, as unvatzul kuxh koj kutxumbꞌal tiꞌ kulejat vitxumbꞌal u Cristo. Pet asoj vaꞌlen txumbꞌal netitzꞌa veꞌteꞌ, as aꞌ u Tiixheꞌ la kꞌuchun veꞌt isuuchil sete.
1 Thessalonians 5:20 in Ixil 20 As etixvak u yoleꞌ uveꞌ ni tal unqꞌa qꞌajsan tetz viyol u Tiixheꞌ taꞌn u Tiixhla Espíritu.
1 Peter 4:10 in Ixil 10 As la eloch etibꞌ sevatzaj tukꞌ vetijleꞌmeꞌ uvaꞌ aqꞌel sete taꞌn u Tiixheꞌ. As jik chit etxumbꞌal la ebꞌan sevatzaj tukꞌ vetijleꞌmeꞌ uvaꞌ aqꞌel sete, tan jalel tibꞌ vetijleꞌmeꞌ sejununilaj taꞌn Aak.