Romans 12:1 in Ixil 1 Vitzꞌin vatzik, ootzimaleꞌ sqaꞌn uvaꞌ nitxum u Tiixheꞌ kuvatz skukajayil. Estiꞌeꞌ nunjaj bꞌaꞌnil sete tiꞌ uvaꞌ ech etoksat etibꞌeꞌ vatz Aak echeꞌ ni tulbꞌel unqꞌa txooeꞌ uvaꞌ txaael veꞌt tiꞌ toksal ok vatz Aak. As aꞌeꞌ uvaꞌ bꞌaꞌn vatz Aak, tan estiꞌeꞌ uvaꞌ kat taqꞌ Aak etiichajil skꞌatz tiꞌ etoksat iqꞌii Aak.
Other Translations King James Version (KJV) I beseech you therefore, brethren, by the mercies of God, that ye present your bodies a living sacrifice, holy, acceptable unto God, which is your reasonable service.
American Standard Version (ASV) I beseech you therefore, brethren, by the mercies of God, to present your bodies a living sacrifice, holy, acceptable to God, `which is' your spiritual service.
Bible in Basic English (BBE) For this reason I make request to you, brothers, by the mercies of God, that you will give your bodies as a living offering, holy, pleasing to God, which is the worship it is right for you to give him.
Darby English Bible (DBY) I beseech you therefore, brethren, by the compassions of God, to present your bodies a living sacrifice, holy, acceptable to God, [which is] your intelligent service.
World English Bible (WEB) Therefore I urge you, brothers, by the mercies of God, to present your bodies a living sacrifice, holy, acceptable to God, which is your spiritual service.
Young's Literal Translation (YLT) I call upon you, therefore, brethren, through the compassions of God, to present your bodies a sacrifice -- living, sanctified, acceptable to God -- your intelligent service;
Cross Reference Luke 7:47 in Ixil 47 As tuk val see, Simón: Kat sotzyu veꞌt vipaav u ixojeꞌ. Pet atik skꞌuꞌl ixoj uvaꞌ nimal chit vipaav ixoj atike. Estiꞌeꞌ uvaꞌ tul kat unsotzsa ipaav ixoj, as maas chit xoꞌn veꞌt in te ixoj. Pet abꞌil uveꞌ bꞌiil kuxh vipaaveꞌ ni tal jeꞌ ste, as tul kat unsotzsa veꞌt vipaaveꞌ, as bꞌiil kuxh kat ixoꞌni veꞌt in u uxhchileꞌ,— tiꞌk u Jesús.
Romans 2:4 in Ixil 4 ¿As ma yeꞌ nibꞌen sete uvaꞌ aꞌ nisaꞌ u Tiixheꞌ tukꞌ vibꞌaꞌnileꞌ uvaꞌ la ejalpu vetxumbꞌaleꞌ vatz Aak? As yeꞌ la etixva vibꞌaꞌnil Aakeꞌ, tan nim taama Aak tiꞌ etxꞌebꞌleꞌ tiꞌ uvaꞌ la qꞌaav ex kꞌatz Aak, tan yeꞌ nipal ikꞌuꞌl Aak tiꞌ itxꞌebꞌat ex.
Romans 6:13 in Ixil 13 As etaqꞌak ok vechiꞌoleꞌ tiꞌ ipaavineꞌ as mitaꞌn tiꞌ ibꞌanat u vaꞌlexheꞌ, tan kat kam ex. As isleꞌl veꞌt ex unpajte taꞌn u Tiixheꞌ. Estiꞌeꞌ uvaꞌ la etoksa etibꞌ tiqꞌabꞌ Aak tiꞌ ebꞌanat u bꞌaꞌneꞌ. As la etaqꞌoꞌk vechiꞌoleꞌ tiꞌ ebꞌanat u bꞌaꞌneꞌ uvaꞌ ni tal Aak.
Romans 6:16 in Ixil 16 Tan ateꞌ sekꞌuꞌl uvaꞌ techal la kunima umaj uxhchil uvaꞌ kꞌamin qetz. As echat bꞌanel qaꞌn vatz u paaveꞌ, tan asoj aꞌ u paaveꞌ la kunima, as oꞌ ikꞌam u paaveꞌ. As la teqꞌo veꞌt oꞌ u paaveꞌ tu u kamchileꞌ. Pet asoj oꞌ ikꞌam u bꞌaꞌneꞌ la ibꞌaneꞌ, as aꞌ u niman yolileꞌ la eqꞌon oꞌ tu u jikla tiichajileꞌ.
Romans 6:19 in Ixil 19 As nuntxakonsa u yoleꞌ tiꞌ tok umaj uxhchil skꞌamil tiꞌ valat unbꞌitoj isuuchil viyol u Tiixheꞌ sete, tan at u yoleꞌ uvaꞌ yeꞌ nu kupal stuul, tan oꞌ kuxh vatz txꞌavaꞌilla aama. As bꞌaxa nik etaqꞌoꞌk vechiꞌoleꞌ tiꞌ ebꞌanat u vaꞌlexheꞌ tukꞌ u paasan tziileꞌ uvaꞌ nik eqꞌon ex tiꞌ ebꞌanat u vaꞌlexheꞌ uveꞌ yeꞌ nik isaꞌ u Tiixheꞌ. Pet ech koj cheel, tan la etaqꞌoꞌk vechiꞌoleꞌ tiꞌ ebꞌanat u jikla txumbꞌaleꞌ echeꞌ uvaꞌ nisaꞌ Aak sqiꞌ.
Romans 9:23 in Ixil 23 As kat itxum Aak kuvatz. As kat ikꞌuch Aak sqe uvaꞌ nim talchu veꞌt Aak. As aꞌeꞌ uvaꞌ kat titzꞌa Aak naꞌytzan tiꞌ uvaꞌ la qootzi uvaꞌ nim talchu veꞌt Aak.
Romans 11:30 in Ixil 30 As echeꞌ taꞌ ex tan yeꞌ nik enima u Tiixheꞌ bꞌaxa. As kat itxum veꞌt Aak evatz, tul kat tixva veꞌt unqꞌa tiaal Israel Aak.
Romans 12:2 in Ixil 2 As yeꞌ etoksa etaama tiꞌ inimal unqꞌa vatz txꞌavaꞌilla txumbꞌaleꞌ echeꞌ nibꞌan unqꞌa uxhchileꞌ uvaꞌ yeꞌ ni itzꞌan u Tiixheꞌ. Pet ejalputaj vetxumbꞌaleꞌ taꞌn u akꞌ txumbꞌaleꞌ uvaꞌ tetz u Tiixheꞌ, aqꞌal uvaꞌ la etootzi kam uvaꞌ nisaꞌ u Tiixheꞌ setiꞌ, tan aꞌeꞌ uvaꞌ bꞌaꞌn te Aak tiꞌ uvaꞌ jik chit la ebꞌaneꞌ.
Romans 15:16 in Ixil 16 as kat toksa in Aak alol tetz viyol u Jesucristo tiꞌ bꞌen valat isuuchil u bꞌaꞌnla yoleꞌ sete, ex uvaꞌ jit ex tiaal Israel, tiꞌ uvaꞌ ex veꞌt tetz u Tiixheꞌ la ibꞌaneꞌ taꞌn u Tiixhla Espíritu, aqꞌal uvaꞌ la ebꞌaneꞌ kam uvaꞌ nisaꞌ Aak setiꞌ. As ech exeꞌ echeꞌ umaj oy vatz Aak uvaꞌ la chiibꞌ taama Aak stiꞌ.
Romans 15:30 in Ixil 30 Vitzꞌin vatzik, tukꞌ vibꞌii u Kubꞌaal Jesucristo, as tukꞌ vibꞌaꞌnil u Tiixhla Espíritu nunjaj bꞌaꞌnil sete uvaꞌ ayaꞌloj chit ekꞌuꞌl la eloch in tiꞌ unnachat Tiixh. As enachtaj Tiixh sviꞌ unpajte,
1 Corinthians 1:10 in Ixil 10 As nunbꞌeya sete, vitzꞌin vatzik, tukꞌ vibꞌii u Kubꞌaal Jesucristoeꞌ, tiꞌ uvaꞌ vatzuloj chit eyoloneꞌ sevatzaj. As yeꞌ kuxh ijatx tibꞌ evatz. Pet eela chit vetxumbꞌaleꞌ sevatzaj la ibꞌaneꞌ kam uvaꞌ la tal etaama.
1 Corinthians 5:7 in Ixil 7 As la val sete, la eteesa el u vaꞌlexheꞌ sexoꞌl echeꞌ teesat el unqꞌa tiaal Israel u txꞌamla qꞌotaeꞌ tu unqꞌa ikabꞌaleꞌ tu u nimla qꞌiieꞌ. As ech veꞌt exeꞌ echeꞌ u bꞌaꞌnla qꞌota la ebꞌaneꞌ, tan yeꞌl veꞌt epaav at vatz u Tiixheꞌ. Tan kat yatzꞌpu u Cristo sqiꞌ tiꞌ teesat el u kupaaveꞌ echeꞌ nik tulbꞌel u kaneeroꞌeꞌ tu u nimla qꞌiieꞌ uvaꞌ pascua.
1 Corinthians 6:13 in Ixil 13 As at uxhchil ni alon uvaꞌ: «Tetz u quuleꞌ u echbꞌubꞌaleꞌ; as tetz u echbꞌubꞌaleꞌ u quuleꞌ,» uveꞌ ni tal unqꞌa uxhchileꞌ. As an chiteꞌ. As la ilej umaꞌl u qꞌii uvaꞌ mitaꞌn unqꞌa echbꞌubꞌaleꞌ as mitaꞌn u quuleꞌ la txakon veꞌt sqiꞌ taꞌn u Kubꞌaal Tiixheꞌ. As jit tiꞌ u yansaibꞌeꞌ tukꞌ umaꞌtoj uxhchil kat icheesakat u Kubꞌaal Tiixheꞌ u kuchiꞌoleꞌ. Pet aꞌeꞌ la oksan iqꞌii Aak. As Aakeꞌ la bꞌanon u nimla bꞌaꞌnileꞌ te u kuchiꞌoleꞌ,
2 Corinthians 4:1 in Ixil 1 As estiꞌeꞌ yeꞌ la kaꞌkabꞌin qaama tiꞌ kupaxsat u bꞌaꞌnla yoleꞌ sexoꞌl, tan kat itxum u Tiixheꞌ kuvatz. As kat taqꞌ Aak u qijleꞌmeꞌ tiꞌ kupaxsat u bꞌaꞌnla yoleꞌ.
2 Corinthians 4:16 in Ixil 16 Estiꞌeꞌ uvaꞌ yeꞌ la pal kukꞌuꞌl tiꞌ kupaxsat u bꞌaꞌnla yoleꞌ tiꞌ u Cristo, tan ootzimal sqaꞌn uvaꞌ kꞌuxh nipal veꞌt iyakꞌil u kuchiꞌoleꞌ, as aal niyakꞌin veꞌt u qaanxelaleꞌ jun qꞌii.
2 Corinthians 5:14 in Ixil 14 As kam uvaꞌ nu kubꞌan sevatz, tan tiꞌ uvaꞌ xoꞌn oꞌ te u Cristo nu kubꞌankat. As ootzimal veꞌt sqaꞌn uvaꞌ kat kam Aak tiꞌ unqꞌa tenameꞌ skajayil. Estiꞌeꞌ uvaꞌ vatz u Tiixheꞌ, as kat ibꞌan u Jesús kuvaatzil skukajayil, tiꞌ kukameꞌ vatz u paaveꞌ.
2 Corinthians 5:20 in Ixil 20 As oꞌ bꞌanol ivatz u Cristoeꞌ. As tul ni qal u yoleꞌ, as eela kuxh stukꞌ uvaꞌ aꞌ u Tiixheꞌ niyoloneꞌ. Estiꞌeꞌ tukꞌ vibꞌii u Cristoeꞌ ni qal sete, enimataj u bꞌaꞌnla yoleꞌ tiꞌ u Cristoeꞌ, tiꞌ uvaꞌ yeꞌl exoꞌl tukꞌ u Tiixheꞌ la ibꞌaneꞌ,
2 Corinthians 6:1 in Ixil 1 Estiꞌeꞌ ni qal sete, oꞌ uvaꞌ oꞌ lochonaal kꞌatz u Tiixheꞌ, uvaꞌ yeꞌ la etixva kan vibꞌaꞌnil Aakeꞌ uvaꞌ kat ibꞌan Aak setiꞌ,
2 Corinthians 10:1 in Ixil 1 As tukꞌ u mutxkin aamaileꞌ tukꞌ u nimla bꞌaꞌnileꞌ uvaꞌ aqꞌel sve taꞌn u Cristoeꞌ, as tuk unjaj bꞌaꞌnil sete, in uvaꞌ in Pablo. Tan at kaꞌl unqꞌa uxhchil sexoꞌl uvaꞌ ni alon uvaꞌ nunxoꞌveꞌ tiꞌ unbꞌeyat sete tul uvaꞌ at in sexoꞌl. Pet tul uvaꞌ yeꞌl in sexoꞌl, tan tii veꞌt unyoloneꞌ, uveꞌ ni tal unqꞌa uxhchileꞌ.
Ephesians 2:4 in Ixil 4 As nim chiteꞌ vibꞌaꞌnil u Tiixheꞌ tiꞌ itxumat Aak kuvatz, as ni xoꞌni veꞌt oꞌ Aak.
Ephesians 4:1 in Ixil 1 As atoꞌk tzan in tu tzeꞌ tiꞌ kuxh uvaꞌ nik val isuuchil u yoleꞌ tiꞌ u Jesucristo. As nunjaj bꞌaꞌnil sete tiꞌ uvaꞌ jik koj chit etxumbꞌal la ebꞌaneꞌ, tan echeꞌ uveꞌ nisaꞌ u Kubꞌaal Tiixheꞌ setiꞌ tul kat imolo ex Aak.
Ephesians 5:10 in Ixil 10 Estiꞌeꞌ ni val sete, etitzꞌataj jeꞌ etibꞌ tiꞌ ebꞌanat unqꞌa veeꞌ uvaꞌ bꞌaꞌn vatz u Kubꞌaal Jesucristo.
Philippians 1:20 in Ixil 20 As aꞌ ni tal vaama uvaꞌ kꞌuxh kam kuxh la unpalebꞌe, as yeꞌ la chꞌixvu veꞌt in vatz u Tiixheꞌ tiꞌ voksat iqꞌii Aak, tan kꞌujleꞌl unkꞌuꞌl kꞌuxh kam kuxh la unpalebꞌe, tan kꞌuxh la alpu unyatzꞌpeꞌ as moj la chajpul in, as yeꞌl in la xoꞌv in tiꞌ valat u bꞌaꞌnla yoleꞌ.
Philippians 2:1 in Ixil 1 As ootzimal svaꞌn, vitzꞌin vatzik, uvaꞌ niyakꞌin etaanxelal tan tiꞌ uvaꞌ atoꞌk ex kꞌatz u Cristoeꞌ. As nechiibꞌeꞌ, tan xoꞌn ex te Aak. As unvatzul kuxh vetxumbꞌaleꞌ tukꞌ u Tiixhla Espíritueꞌ. As nitxum tibꞌ evatz sevatzaj.
Philippians 2:17 in Ixil 17 As ootzimal svaꞌn uvaꞌ kꞌujleꞌl ekꞌuꞌl tiꞌ u Tiixheꞌ, as u aqꞌoneꞌ uveꞌ nebꞌan tiꞌ Aak, as eela tukꞌ umaj oy uveꞌ nebꞌan vatz Aak. Asoj la kam in tiꞌ valat viyol u Tiixheꞌ sete, as la txuqꞌtxun in setukꞌ sekajayil. As ech la ibꞌan vunkamebꞌaleꞌ echeꞌ nibꞌanchu tukꞌ u vino uvaꞌ ni peqꞌlikbꞌen tiꞌ u oyeꞌ uveꞌ ni toksal vatz u Tiixheꞌ taꞌn u nachol Tiixheꞌ.
Philippians 4:18 in Ixil 18 As nim u lochbꞌaleꞌ uvaꞌ kat etaqꞌ tzan sve tiꞌ u Epafrodito. As yeꞌxhkam nisaꞌvit veꞌt sviꞌ cheel. Pet atiltele. As ech velochbꞌaleꞌ echeꞌ umaj txꞌumtxꞌulla tzꞌakabꞌal uvaꞌ la oksal vatz u Tiixheꞌ, tan nichiibꞌ Aak tiꞌ uveꞌ nebꞌaneꞌ.
1 Thessalonians 4:1 in Ixil 1 As cheel, qitzꞌin qatzik, la kujaj bꞌaꞌnil sete. As la kubꞌeya sete tukꞌ vibꞌii u Kubꞌaal Jesús tiꞌ uvaꞌ kam kat kuchus sete tiꞌ ebꞌanat u bꞌaꞌneꞌ vatz Aak, aqꞌal uvaꞌ la chiibꞌ veꞌt Aak setiꞌ as yeꞌ la yaꞌ ex tiꞌ ebꞌanat u bꞌaꞌneꞌ. Pet aal la chꞌii u bꞌaꞌneꞌ tu vetaanxelaleꞌ,
1 Thessalonians 4:10 in Ixil 10 As nexoꞌni veꞌt unqꞌa qitzꞌin qatzikeꞌ skajayil uveꞌ at tu u Macedonia. Pet la unjaj bꞌaꞌnil sete, qitzꞌin qatzik, uvaꞌ yeꞌ la yaꞌ ex tiꞌ exoꞌnit etibꞌ sevatzaj. Pet aal la yakꞌin ex tiꞌ exoꞌnit etibꞌ.
1 Thessalonians 5:12 in Ixil 12 Nu kujaj bꞌaꞌnil sete, qitzꞌin qatzik, tiꞌ uvaꞌ la enima unqꞌa eqꞌesaleꞌ uveꞌ ni taqꞌonvu sexoꞌl tiꞌ viyol u Tiixheꞌ, tan chajaakeꞌ eqꞌon etetz tiꞌ exekebꞌ tiꞌ u Kubꞌaaleꞌ as tiꞌ ibꞌeyat chajaak sete.
1 Timothy 2:3 in Ixil 3 tan aꞌeꞌ bꞌaꞌn vatz u Tiixheꞌ, tan Aakeꞌ u qꞌalpun qetzeꞌ.
1 Timothy 5:4 in Ixil 4 Pet asoj at tal u txakay ixojeꞌ pet moj tii ixoj, as aꞌeꞌ la alax ste uvaꞌ la tijoꞌxi tilat vitxutxeꞌ tukꞌ u qꞌesla itxutxeꞌ, tan tijoꞌx chit unqꞌa meꞌal kꞌaoleꞌ uvaꞌ la til ibꞌaal tukꞌ itxutx moj qꞌesla ibꞌaal tukꞌ qꞌesla itxutx, tan ech ni bꞌan u meꞌal kꞌaoleꞌ uvaꞌ atoꞌk taama tiꞌ nachat u Tiixheꞌ. As aꞌeꞌ bꞌaꞌn vatz u Tiixheꞌ.
Titus 3:4 in Ixil 4 Pet kꞌuxh echik u kutxumbꞌaleꞌ, as kat ikꞌuch veꞌt u Tiixheꞌ vibꞌaꞌnileꞌ sqe uvaꞌ ni qꞌalpun oꞌ tiꞌ ikꞌuchat veꞌt Aak uvaꞌ xoꞌn veꞌt unqꞌa tenameꞌ skajayil te Aak.
Hebrews 10:20 in Ixil 20 tan kat taqꞌ veꞌt u Jesucristo qokebꞌal tiꞌ uvaꞌ at veꞌt kutiichajil kꞌatz u Tiixheꞌ. As ech kat ibꞌan Aakeꞌ sqiꞌ tul kat yatzꞌax Aak vatz u kuruseꞌ. As kat qꞌixmik kuꞌ tzan u ixbꞌuꞌjeꞌ uvaꞌ atik ok tu u tostiixheꞌ, texhlal tetz uvaꞌ kat taqꞌ veꞌt Aak qokebꞌal tu u Tiixhla atinbꞌaleꞌ tu almikaꞌ.
Hebrews 13:15 in Ixil 15 Estiꞌeꞌ uvaꞌ aꞌ u Jesucristoeꞌ la lochon oꞌ tiꞌ qoksat iqꞌii u Tiixheꞌ tiꞌ chit ibꞌeneꞌ tukꞌ unqꞌa yoleꞌ uvaꞌ ni tel chꞌuꞌl tu kutziꞌ, tan aꞌeꞌ ni bꞌanon ivaatzil kuyatzꞌat ok unqꞌa avaneꞌ vatz u Tiixheꞌ, oꞌ uvaꞌ oꞌ niman tetz Aak.
Hebrews 13:22 in Ixil 22 Kaꞌl kuxh unqꞌa yoleꞌ kat untzꞌibꞌa bꞌen sete, vitzꞌin vatzik. As nunjaj bꞌaꞌnil sete tiꞌ uvaꞌ la ekuy in tiꞌ unqꞌa yoleꞌ uvaꞌ kat untzꞌibꞌa bꞌen tiꞌ iyakꞌinsat etaama.
1 Peter 2:5 in Ixil 5 as at etiichajil kꞌatz u Tiixheꞌ. As ex veꞌt tetz Aak taꞌn u Tiixhla Espíritu uvaꞌ at veꞌt ok tetaanxelal, tan kat toksa veꞌt ex Aak sitenam, ex uvaꞌ ech etatineꞌ echeꞌ umaj kabꞌal vatz Aak, aqꞌal uvaꞌ la chiibꞌ veꞌt u Tiixheꞌ tiꞌ unqꞌa veeꞌ nebꞌaneꞌ, tan jik chit nenach veꞌt Tiixh tiꞌ unqꞌa tenameꞌ tukꞌ vibꞌaꞌnil u Jesucristo.
1 Peter 2:10 in Ixil 10 As jitik ex itenam u Tiixheꞌ bꞌaxa. Pet ech koj cheel, tan ex veꞌt itenam Aak. As bꞌaxa yeꞌxnik pal ex stuul uvaꞌ nitxum Aak evatz. Pet ech koj cheel, tan ootzimal veꞌt setaꞌn uvaꞌ nitxum Aakeꞌ evatz.
1 Peter 2:20 in Ixil 20 Pet asoj la qꞌospu veꞌt ex tiꞌ u vaꞌlexheꞌ uveꞌ kat ebꞌana, as yeꞌl eqꞌii la oksali, tan aꞌ u vaꞌlexheꞌ nebꞌaneꞌ. Pet asoj nekuy unqꞌa kꞌaxkꞌoeꞌ uvaꞌ nepalebꞌe as tul aꞌ u bꞌaꞌneꞌ nebꞌaneꞌ, as ateꞌ vibꞌaꞌnil u Tiixheꞌ setiꞌ,