Romans 11:20 in Ixil 20 An chiteꞌ veyoleꞌ. As atoj sekꞌuꞌl uvaꞌ ech tatin unqꞌa tiaal Israel echeꞌ unqꞌa qꞌabꞌ tzeꞌeꞌ uvaꞌ kat jechꞌpik el, tan tiꞌ uvaꞌ yeꞌ kat ikꞌujbꞌaꞌ ikꞌuꞌl tiꞌ u Jesús. Pet ejeꞌsak chit etibꞌ tukꞌ vetxumbꞌaleꞌ, tan tiꞌ kuxh uvaꞌ kꞌujleꞌl ekꞌuꞌl tiꞌ u Jesús, as atoꞌk veꞌt ex kꞌatz Aak. As exoꞌvataj u Tiixheꞌ,
Other Translations King James Version (KJV) Well; because of unbelief they were broken off, and thou standest by faith. Be not highminded, but fear:
American Standard Version (ASV) Well; by their unbelief they were broken off, and thou standest by thy faith. Be not highminded, but fear:
Bible in Basic English (BBE) Truly, because they had no faith they were broken off, and you have your place by reason of your faith. Do not be lifted up in pride, but have fear;
Darby English Bible (DBY) Right: they have been broken out through unbelief, and *thou* standest through faith. Be not high-minded, but fear:
World English Bible (WEB) True; by their unbelief they were broken off, and you stand by your faith. Don't be conceited, but fear;
Young's Literal Translation (YLT) by unbelief they were broken off, and thou hast stood by faith; be not high-minded, but be fearing;
Cross Reference Luke 18:14 in Ixil 14 As ileꞌ ni val sete uvaꞌ aꞌ u molol tetz u puajeꞌ tetz u Roma uvaꞌ jik veꞌt itxumbꞌal vatz u Tiixheꞌ tul kat qꞌaav veꞌt tikabꞌal. Pet ech koj u fariseo, tan yeꞌ bꞌaꞌn vitxumbꞌal najeꞌ vatz u Tiixheꞌ, tan abꞌil uvaꞌ la ijeꞌsa tibꞌ as la el iqꞌii vatz u Tiixheꞌ. Pet ech koj u uxhchileꞌ uveꞌ yeꞌ la toksa iqꞌii, tan aꞌeꞌ la oksal iqꞌii taꞌn u Tiixheꞌ,— tiꞌk u Jesús.
John 4:17 in Ixil 17 As ech tal veꞌt ixoj ileꞌ: —Yeꞌl untzumel ati,— tiꞌk ixoj. Ech tal veꞌt u Jesús ileꞌ te ixoj: —An chiteꞌ bꞌa naaleꞌ uvaꞌ yeꞌl atzumel ati,
Acts 13:46 in Ixil 46 Pet aal chit yakꞌin veꞌt taama u Pablo tukꞌ u Bernabé tiꞌ talat isuuchil u yoleꞌ. As ech tal chajnaj ileꞌ: —As kat qal viyol u Tiixheꞌ sete bꞌaxa, tan etetzeꞌ u tiichajileꞌ uveꞌ yeꞌl iyaꞌtebꞌal uveꞌ ni tal Aak. Pet kat etixva, tan yeꞌ kat esaꞌ etabꞌitaꞌ. As estiꞌeꞌ uvaꞌ la bꞌen veꞌt oꞌ unpajte xoꞌl unqꞌa uxhchileꞌ uvaꞌ jit tiaal Israel tiꞌ qalat isuuchil u yoleꞌ.
Acts 18:6 in Ixil 6 Pet yoqꞌon unqꞌa tenameꞌ, tan tiꞌ uvaꞌ yeꞌ nik isaꞌ tabꞌit u yoleꞌ uveꞌ nik tal u Pablo. As ichitu veꞌt el u Pablo u pojoeꞌ tiꞌ u toksaꞌmeꞌ kꞌuchbꞌal tetz uvaꞌ yeꞌ bꞌaꞌn vitxumbꞌal unqꞌa tenameꞌ. As ech tal veꞌt u Pablo ileꞌ: «Etetz veꞌteꞌ u paaveꞌ. As yeꞌ veꞌt unpaav setiꞌ. As la vaqꞌ veꞌt kan ex cheel, tan la bꞌen val veꞌt u yoleꞌ xoꞌl unqꞌa tenameꞌ uveꞌ jit tiaal Israel,» tiꞌk u Pablo.
Romans 3:3 in Ixil 3 ¿As kam bꞌan taꞌn qꞌi asoj yeꞌ kat inima unqꞌa qꞌesla kubꞌaaleꞌ viyol u Tiixheꞌ? As kꞌuxh yeꞌ kat inima, ¿as yeꞌ kol la ibꞌan u Tiixheꞌ qꞌa uveꞌ alel kan taꞌn Aak?
Romans 5:1 in Ixil 1 Estiꞌeꞌ yeꞌl kuxoꞌl ati tukꞌ u Tiixheꞌ, jankꞌal oꞌ uvaꞌ jikla aama veꞌt oꞌ vatz u Tiixheꞌ taꞌn u Kubꞌaal Jesucristo, tan tiꞌ uvaꞌ kꞌujleꞌl veꞌt kukꞌuꞌl tiꞌ Aak.
Romans 11:18 in Ixil 18 Pet ejeꞌsak etibꞌ vatz unqꞌa tiaal Israel uvaꞌ echeꞌ unqꞌa iqꞌabꞌ tzeꞌeꞌ uvaꞌ kat jechꞌpik el, tan asoj la ejeꞌsa etibꞌ as atoj sekꞌuꞌl uvaꞌ jit u qꞌabꞌ tzeꞌeꞌ uvaꞌ aꞌn kat oksali ni aqꞌon iyakꞌil u taqꞌil tzeꞌeꞌ. Pet aꞌ u taqꞌil tzeꞌeꞌ aqꞌol tetz iyakꞌil u qꞌabꞌ tzeꞌeꞌ.
Romans 12:16 in Ixil 16 As bꞌaꞌnoj kuxh qatineꞌ sukuvatzaj. As yeꞌ la kujeꞌsa qibꞌ vatz u kumooleꞌ. As jik chit la yolon oꞌ te unqꞌa qitzꞌin qatzikeꞌ uvaꞌ meebꞌaꞌ. As yeꞌ kuxh qala uvaꞌ at kutxumbꞌal tiꞌ unjoltu unqꞌa qitzꞌin qatzikeꞌ.
1 Corinthians 10:12 in Ixil 12 Estiꞌeꞌ ni val sete, as echabꞌataj chit ekꞌujbꞌaꞌt etibꞌ jankꞌal ex uvaꞌ ni alon uvaꞌ yeꞌ la ebꞌaneꞌ echeꞌ uveꞌ kat ibꞌan unqꞌa qꞌesla kubꞌaaleꞌ, as la chit etil jeꞌ etibꞌ tiꞌ uvaꞌ yeꞌ la paavin ex.
1 Corinthians 16:13 in Ixil 13 As atoj chit enachbꞌal. As kaꞌkabꞌiniꞌk etaama tiꞌ u kꞌujlebꞌal ekꞌuꞌleꞌ. As tioj chit etaama la ebꞌaneꞌ as eyaꞌlutaj etibꞌ.
2 Corinthians 1:24 in Ixil 24 As jit aꞌ ni valeꞌ uvaꞌ oꞌ la alon sete kam la ebꞌaneꞌ tul nimamal u Tiixheꞌ setaꞌn. Pet aꞌ ni valeꞌ uvaꞌ la kuloch ex tiꞌ uvaꞌ la chiibꞌ ex sevatzaj, tan ootzimal svaꞌn uvaꞌ kꞌujleꞌl chit ekꞌuꞌl tiꞌ Aak.
2 Corinthians 10:5 in Ixil 5 As kam kuxh yolil ni talpeꞌ as kam kuxh jeꞌsaibꞌil nibꞌancheꞌ tiꞌ uvaꞌ yeꞌ la inima unqꞌa uxhchileꞌ u Tiixheꞌ, uveꞌ ni taleꞌ. Pet ech koj u yoleꞌ uveꞌ ni qaleꞌ, tan ni tolebꞌ tiꞌ teesal iqꞌii unqꞌa yoleꞌ uvaꞌ ni tal unqꞌa uxhchileꞌ tukꞌ unqꞌa jeꞌsaibꞌeꞌ. As jankꞌal unqꞌa vaꞌlexhla txumbꞌaleꞌ, as ni qeesa iqꞌii, aqꞌal uvaꞌ la inima veꞌt unqꞌa uxhchileꞌ viyol u Cristoeꞌ.
Philippians 2:12 in Ixil 12 As la val sete, vitzꞌin vatzik, ex uvaꞌ xoꞌn ex sve: Ech la ebꞌaneꞌ echeꞌ kat ibꞌan u Cristo. As kam enimat u Tiixheꞌ bꞌenameen uvaꞌ atik in sexoꞌl, as echat la ebꞌaneꞌ cheel, tan tiꞌ uvaꞌ nexoꞌva Aak. As kꞌuxh yeꞌl in sexoꞌl, as ayaꞌloj chit ekꞌuꞌl tiꞌ ebꞌanat u bꞌaꞌneꞌ, as tiꞌ ekꞌuchataꞌ uvaꞌ qꞌalpumal veꞌt ex taꞌn u Tiixheꞌ,
Colossians 2:7 in Ixil 7 As yeꞌ la ejalpu vetxumbꞌaleꞌ tiꞌ Aak. As yeꞌ la eyaꞌsa enimat u chusbꞌaleꞌ uvaꞌ chusel setaꞌn tiꞌ Aak. As yeꞌ la eyaꞌsa etaqꞌat taꞌntiixh te Aak.
2 Thessalonians 2:4 in Ixil 4 tan la ul teesa naj iqꞌii unqꞌa veeꞌ skajayil uvaꞌ tiixh vatz unqꞌa tenameꞌ as tukꞌ unqꞌa veeꞌ ninach unqꞌa tenameꞌ sivaatzil u Tiixheꞌ. As naj la ul toksa veꞌt tibꞌ tiixhil vatz unqꞌa tenameꞌ.
1 Timothy 6:17 in Ixil 17 As la aal te unqꞌa txꞌiol iqꞌiieꞌ vatz u txꞌavaꞌeꞌ uvaꞌ yeꞌ la ijeꞌsa tibꞌ. As yeꞌ la toksa taama tiꞌ u txꞌiibꞌal iqꞌiieꞌ, tan yeꞌ kuxh inachbꞌal la sotzi. Pet aꞌ la ikꞌujbꞌaꞌkat ikꞌuꞌl tiꞌ u islich Tiixheꞌ, tan yeꞌ nipiꞌu tibꞌ Aak tiꞌ taqꞌat unqꞌa veeꞌ sqe uvaꞌ bꞌaꞌn, aqꞌal uvaꞌ la txuqꞌtxun oꞌ stiꞌ.
2 Timothy 3:3 in Ixil 3 As yeꞌ la ixoꞌva veꞌt unqꞌa uxhchileꞌ unqꞌa imooleꞌ. As yeꞌ la ibꞌaneꞌ kam uvaꞌ ni taleꞌ. As la ichuk ipaav unqꞌa imooleꞌ. As yeꞌ la olebꞌ tiꞌ iyaꞌsat u vaꞌlexheꞌ uveꞌ nibꞌaneꞌ, tan oora chit ni tul iviꞌ. As ixaꞌv chit u bꞌaꞌneꞌ ste.
Hebrews 3:12 in Ixil 12 Atoj enachbꞌal, vitzꞌin vatzik, aqꞌal uvaꞌ yeꞌl umaj ex la eteesa kan etibꞌ kꞌatz u islich Tiixheꞌ, as yeꞌ la etoksat etaama tiꞌ u vaꞌlexheꞌ, as tiꞌ iyansal vetxumbꞌaleꞌ tiꞌ u kꞌujlebꞌal ekꞌuꞌleꞌ tiꞌ Aak.
Hebrews 3:19 in Ixil 19 As nu kupal stuul uvaꞌ yeꞌ kat uch tetzit veꞌt unqꞌa uxhchileꞌ kam uvaꞌ kat taltziꞌ veꞌt Aak ste, tan tiꞌ uvaꞌ yeꞌ kat ikꞌujbꞌaꞌ ikꞌuꞌl tiꞌ Aak.
Hebrews 4:6 in Ixil 6 As ootzimal sqaꞌn uvaꞌ yeꞌ kat tetzi unqꞌa uxhchileꞌ u chiibꞌichileꞌ kꞌatz u Tiixheꞌ uvaꞌ kat alax u bꞌaꞌnla yoleꞌ ste bꞌaxa, tan yeꞌ kat inima u yoleꞌ.
Hebrews 4:11 in Ixil 11 Qaqꞌtaj yakꞌil setukꞌ tiꞌ u chiibꞌichileꞌ uvaꞌ alel sqe taꞌn u Tiixheꞌ, aqꞌal uvaꞌ yeꞌl umaj oꞌ la yan kutxumbꞌal echeꞌ uveꞌ kat ibꞌan unqꞌa tenameꞌ uvaꞌ naꞌytzan uvaꞌ kat ipaasa tzii.
James 2:19 in Ixil 19 Tan at uxhchil ni niman uvaꞌ umaꞌl kuxh Tiixh ati. ¡Bꞌaꞌneꞌ uveꞌ nibꞌaneꞌ tiꞌ uvaꞌ ninima uvaꞌ umaꞌl kuxh Tiixh ati! Pet echat nibꞌan unqꞌa subꞌuleꞌ, tan ninima unqꞌa subꞌuleꞌ uvaꞌ umaꞌl kuxh Tiixh ati. As nitꞌuntꞌuch veꞌteꞌ vatz u Tiixheꞌ taꞌn xoꞌvichil.
James 4:6 in Ixil 6 As nimla bꞌaꞌnil ni taqꞌ veꞌt u Tiixheꞌ sqe. Estiꞌeꞌ uvaꞌ ech ni tal umaꞌt u yol ileꞌ uvaꞌ tzꞌibꞌamal kan: Yeꞌ nisaꞌ u Tiixheꞌ uveꞌ nibꞌan unqꞌa uxhchileꞌ uveꞌ nijeꞌsa tibꞌ vatz Aak. Pet ni taqꞌ tzan Aak vibꞌaꞌnileꞌ tiꞌ unqꞌa uxhchileꞌ uvaꞌ yeꞌ nijeꞌsa tibꞌ vatz Aak, tiꞌk u yoleꞌ.
1 Peter 1:17 in Ixil 17 As u Tiixheꞌ uvaꞌ: «Kubꞌaal,» chꞌex ste, as eela ivatz unqꞌa uxhchileꞌ skajayil nibꞌan Aak tiꞌ ibꞌanat Aak isuuchil tiꞌ uvaꞌ kam nibꞌan unqꞌa uxhchileꞌ sijununila. Estiꞌeꞌ ekꞌuchtaj tukꞌ vetxumbꞌaleꞌ uvaꞌ nexoꞌva Aak tul uvaꞌ at veꞌt ex vatz u txꞌavaꞌeꞌ,
1 Peter 5:5 in Ixil 5 As echat ex uvaꞌ ex txul aama, as la val sete, enimataj unqꞌa eqꞌesaleꞌ uvaꞌ at tijleꞌm sexoꞌl. As la val sete, ex qitzꞌin qatzik sekajayil, enimataj chit etibꞌ sevatzaj. As yeꞌ la ejeꞌsa etibꞌ, tan yeꞌ nisaꞌ u Kubꞌaal Tiixheꞌ uveꞌ nibꞌan unqꞌa uxhchileꞌ uveꞌ nijeꞌsa tibꞌ. Pet at vibꞌaꞌnil Aakeꞌ tiꞌ unqꞌa uxhchileꞌ uvaꞌ yeꞌ nijeꞌsa tibꞌ.
1 Peter 5:9 in Ixil 9 As emajtaj ivatz u txꞌiꞌlanajeꞌ tul nichuk txumbꞌal tiꞌ imaxtibꞌet ex. As yeꞌ la kaꞌkabꞌin etaama tiꞌ u kꞌujlebꞌal ekꞌuꞌleꞌ tiꞌ u Tiixheꞌ. As atoj sekꞌuꞌl uvaꞌ nipalebꞌe unjoltu unqꞌa qitzꞌin qatzikeꞌ unqꞌa kꞌaxkꞌoeꞌ vatz u txꞌavaꞌeꞌ echeꞌ uvaꞌ nepalebꞌe.
1 Peter 5:12 in Ixil 12 As ibꞌaꞌnil kuxh u qitzꞌin qatzikeꞌ u Silvano uvaꞌ kꞌujlebꞌal chit kꞌuꞌl, as nuntzꞌibꞌa bꞌen kaꞌl unqꞌa yoleꞌ sete tu u uꞌujeꞌ tiꞌ unyakꞌinsat etaama as tiꞌ valat sete tiꞌ unqꞌa kꞌaxkꞌoeꞌ uvaꞌ nepalebꞌe. As aꞌeꞌ vibꞌaꞌnil u Tiixheꞌ uvaꞌ at setiꞌ, asoj tiꞌ ebꞌanat u bꞌaꞌneꞌ nepalebꞌekat unqꞌa kꞌaxkꞌoeꞌ tiꞌ uvaꞌ nimamal u Jesucristo setaꞌn.
Revelation 3:17 in Ixil 17 As ech naal jeꞌ ileꞌ seeꞌ. In txꞌioliqꞌii. As bꞌaꞌn chit vatineꞌ, tan yeꞌxhkam kuxh nisaꞌvit sviꞌ, chꞌaxh naaleꞌ. As tul yeꞌ ootzaj uvaꞌ kam bꞌanel aꞌn sunvatz, tan yeꞌl eetz ati. As oyebꞌ kuxh avatz, tan meebꞌaꞌ kuxh axh. As txumlebꞌal kuxh atineꞌ, tan ech axheꞌ echeꞌ umaj tzot. As ech axheꞌ sunvatz echeꞌ umaj uxhchil uvaꞌ tꞌosleꞌleꞌ.
Revelation 18:7 in Ixil 7 As kat ijeꞌsa tibꞌ u Babilonia. As kat toksa jeꞌ iqꞌii tiꞌ unqꞌa tetzeꞌ uvaꞌ jeꞌnal chit ijaꞌmil. Estiꞌeꞌ la ul veꞌt u kꞌaxkꞌoeꞌ stiꞌ, tan ech ni tal jeꞌ ileꞌ ste: «As xonleꞌl veꞌt in tzitzaꞌ echeꞌ ixonebꞌ umaj tixqel umaj bꞌooqꞌol tenam tu vibꞌaꞌnla xonlebꞌaleꞌ. As yeꞌxh jatu la bꞌuchlu veꞌt in, tan echeꞌ in koj txakay ixoj,» tiꞌk u Babilonia tal jeꞌ ste.