Revelation 9:21 in Ixil 21 As mitaꞌn kat iyaꞌsa tiꞌ iyatzꞌoneꞌ, tiꞌ ikunat vimooleꞌ, as tiꞌ iyansat tibꞌ tukꞌ umaꞌt uxhchil. As yeꞌ kat iyaꞌsa ibꞌanat u elaqꞌeꞌ.
Other Translations King James Version (KJV) Neither repented they of their murders, nor of their sorceries, nor of their fornication, nor of their thefts.
American Standard Version (ASV) and they repented not of their murders, nor of their sorceries, nor of their fornication, nor of their thefts.
Bible in Basic English (BBE) And they had no regret for putting men to death, or for their use of secret arts, or for the evil desires of the flesh, or for taking the property of others.
Darby English Bible (DBY) And they repented not of their murders, nor of their witchcrafts, nor of their fornication, nor of their thefts.
World English Bible (WEB) They didn't repent of their murders, nor of their sorceries,{The word for "sorceries" (pharmakeia) also implies the use of potions, poisons, and drugs} nor of their sexual immorality, nor of their thefts.
Young's Literal Translation (YLT) yea they did not reform from their murders, nor from their sorceries, nor from their whoredoms, nor from their thefts.
Cross Reference Matthew 15:19 in Ixil 19 tan tu u taanxelal unqꞌa uxhchileꞌ ni telkat chꞌuꞌl unqꞌa vaꞌlexhla chaj txumbꞌaleꞌ echeꞌ unqꞌa yatzꞌol aama, unqꞌa maaol tixqel imool as maaol itzumel imool, as echeꞌ unqꞌa najeꞌ uvaꞌ yeꞌl tixqel tisuuchil as moj unqꞌa ixojeꞌ uvaꞌ yeꞌl itzumel tisuuchil, as tukꞌ unqꞌa uxhchileꞌ uveꞌ ni telqꞌeꞌ, as tukꞌ unqꞌa chulin yoleꞌ, as tukꞌ unqꞌa chukul chꞌaꞌoeꞌ.
2 Corinthians 12:21 in Ixil 21 As ni vitzꞌa uvaꞌ tul la oon in sexoꞌl unpajte, as la chꞌixvu veꞌt in vatz u Tiixheꞌ. As la oqꞌ veꞌt in taꞌn txumuꞌm, tan tiꞌ uvaꞌ at ex uvaꞌ antel kuxh epaavineꞌ vatz Aak. As yeꞌl ex nekꞌaxa etibꞌ tiꞌ u vaꞌlexheꞌ uvaꞌ nebꞌaneꞌ tiꞌ ebꞌanataꞌ kam uvaꞌ nisaꞌ vechiꞌoleꞌ as tiꞌ eyansat etibꞌ tukꞌ umaꞌt uxhchil.
Galatians 5:20 in Ixil 20 ni qaaebꞌ vatz unqꞌa tiixheꞌ uveꞌ bꞌanel kuxh taꞌn unqꞌa najeꞌ bꞌanol txꞌiꞌlamail, chiꞌchola aama, aachꞌaꞌo, achvan txꞌiibꞌal qꞌii, txꞌiꞌtziꞌl chukul chꞌaꞌo, jatxool ivatz imool,
Revelation 11:7 in Ixil 7 As tul maꞌt talat veꞌt kaꞌvaꞌl u alol tetz vunyoleꞌ u yoleꞌ xoꞌl unqꞌa tenameꞌ, as la jeꞌ veꞌt chꞌuꞌl umaꞌl u txoo tu u nimla tokkin juleꞌ. As la xeꞌt veꞌt txoo stiꞌ. As la olebꞌ veꞌt txoo tiꞌ iyatzꞌpeꞌ.
Revelation 13:7 in Ixil 7 As kat aqꞌax veꞌt te txoo tiꞌ ixeꞌtisat chꞌaꞌo tiꞌ vitenam u Tiixheꞌ as tiꞌ tolebꞌ stiꞌ. As kat aqꞌax veꞌt tijleꞌm txoo tiꞌ unqꞌa nimla tenameꞌ skajayil, as kam kuxh aamail, as kam kuxh tenamil, as kam kuxh yolbꞌalil.
Revelation 13:13 in Ixil 13 As ikꞌuch veꞌt u txooeꞌ unqꞌa kꞌuchbꞌal tetz u tijleꞌmeꞌ uvaꞌ xoꞌvebꞌal chittuꞌ. As kat kuꞌ chꞌuꞌl xamal tu almikaꞌ taꞌn txoo vatz unqꞌa tenameꞌ.
Revelation 13:15 in Ixil 15 As kat aqꞌax veꞌt te u txooeꞌ uvaꞌ kat jeꞌ chꞌuꞌl tu txꞌavaꞌ tiꞌ taqꞌat itiichajil vivatzibꞌal u txooeꞌ uvaꞌ jeꞌ chꞌuꞌl xeꞌ u mar. As yolon veꞌt ivatzibꞌal u txooeꞌ tiꞌ talat iyatzꞌpu veꞌt unqꞌa uxhchileꞌ uvaꞌ yeꞌ la kuꞌ qaaloj vatz u vatzibꞌaleꞌ.
Revelation 14:8 in Ixil 8 As xekelik veꞌt tzan umaꞌt u ángel stiꞌ. As ech tal veꞌt ileꞌ: —¡As kat sotzyu veꞌt u nimla tenameꞌ uvaꞌ Babilonia! ¡Kat sotzyu veꞌteꞌ! Tan aꞌ u Babilonia uvaꞌ kat bꞌanon unqꞌa vaꞌlexhla txumbꞌaleꞌ bꞌaxa, tiꞌ uvaꞌ la ibꞌan unjoltu unqꞌa tenameꞌ tetz, echeꞌ nibꞌan umaj qꞌabꞌareel uvaꞌ ni qꞌabꞌansan unqꞌa imooleꞌ. Pet tiꞌ unqꞌa vaꞌlexhla txumbꞌaleꞌ uveꞌ nibꞌaneꞌ as kat ul vitxꞌiꞌtziꞌl u Tiixheꞌ stiꞌ,— tiꞌk u kaꞌv ángel.
Revelation 16:6 in Ixil 6 Tan aꞌ unqꞌa tenameꞌ kat yatzꞌon unqꞌa qꞌajsan tetz vayoleꞌ as tukꞌ unjoltu unqꞌa tenameꞌ uvaꞌ ni niman axh. As tul kat yatzꞌpi, as kat motxik el ikajal. As cheel, Kubꞌaal, as kat aaqꞌlu veꞌt ichꞌexel te unqꞌa uxhchileꞌ uvaꞌ kat yatzꞌon vatenameꞌ, tan kaj la tukꞌa veꞌteꞌ aꞌn. ¡As taal chiteꞌ ste! tiꞌk veꞌt u ángeleꞌ.
Revelation 17:2 in Ixil 2 As kat iyansa tibꞌ unqꞌa ijlenaaleꞌ skajayil tukꞌ u ixojeꞌ. As ech veꞌt vitxumbꞌal unqꞌa tenameꞌ skajayil echeꞌ qꞌabꞌareel kat ibꞌana taꞌn vitxumbꞌal u ixojeꞌ, tan ech vitxumbꞌal ixojeꞌ echeꞌ qꞌabꞌareel,— tiꞌk u ángel tal sve.
Revelation 17:5 in Ixil 5 As tzꞌibꞌamalik ok umaꞌl u bꞌii xoꞌl ipala ixoj uvaꞌ yeꞌxhebꞌil nik ipal stuul. As ech nik tal u bꞌii ileꞌ: «Ineꞌ u nimla Babilonia. As ineꞌ vitxutx unqꞌa ixojeꞌ skajayil uvaꞌ yanaꞌs kuxhtuꞌ. As ineꞌ cheesan tetz unqꞌa vaꞌlexhla txumbꞌaleꞌ skajayil vatz u txꞌavaꞌeꞌ,» tiꞌk u tzꞌibꞌeꞌ uveꞌ atik xoꞌl ipala u ixojeꞌ.
Revelation 18:3 in Ixil 3 tan kajayil chit unqꞌa tenameꞌ vatz u txꞌavaꞌeꞌ kat ibꞌan veꞌt tetz echeꞌ u vaꞌlexheꞌ uvaꞌ nibꞌan u Babilonia. As kat paavin veꞌt unqꞌa ijlenaaleꞌ vatz u txꞌavaꞌeꞌ skajayil kꞌatz u Babilonia uvaꞌ ech tatineꞌ echeꞌ umaj ixoj uvaꞌ yanaꞌs. As kat bꞌen veꞌt unqꞌa aakꞌaꞌyeꞌ stxꞌiol iqꞌiil taꞌn u tachaꞌv u Babilonia, tiꞌk u ángel tala.
Revelation 18:23 in Ixil 23 As yeꞌl unpajtoj la ilax veꞌt itxijun umaj xamal sexoꞌl. As mitaꞌn la abꞌil veꞌt ichiibꞌ umaj chelem naj tukꞌ umaj qꞌopo ixoj tul la teqꞌo tibꞌ. As ech tuk ibꞌaneꞌ, tan tiꞌ uvaꞌ yeꞌl umaꞌtoj tenam vatz u txꞌavaꞌeꞌ uvaꞌ la lejon tiꞌ unqꞌa aakꞌaꞌyeꞌ uveꞌ at sexoꞌl, tan tukꞌ unqꞌa etxumbꞌaleꞌ uvaꞌ echeꞌ unqꞌa bꞌanol txꞌiꞌlaꞌmileꞌ as kat eyansa itxumbꞌal unqꞌa nimla tenameꞌ skajayil.
Revelation 19:2 in Ixil 2 As jik chit itxumbꞌal Aak tul nibꞌan Aak isuuchil unqꞌa veeꞌ skajayil, tan tukꞌ chit jikla yol nibꞌankat Aak isuuchil. Tan kat taqꞌlu veꞌt bꞌen Aak u yanaꞌsla ixojeꞌ tu kꞌaxkꞌoeꞌ, tan nik iyansa ixoj unqꞌa tenameꞌ skajayil tukꞌ vitxumbꞌaleꞌ. As kat taqꞌlu veꞌt Aak ichꞌexel te u ixojeꞌ tiꞌ uvaꞌ kat iyatzꞌ ixoj unqꞌa tenameꞌ uvaꞌ ni niman u Tiixheꞌ, tiꞌk unqꞌa tuul viꞌeꞌ.
Revelation 21:8 in Ixil 8 Pet ech koj unqꞌa tenameꞌ uvaꞌ aꞌ u kꞌaxkꞌoeꞌ nixoꞌva vatz u txꞌavaꞌeꞌ as yeꞌ ninima u Tiixheꞌ, tan aꞌeꞌ niyan taama u Tiixheꞌ staꞌn, echeꞌ unqꞌa yatzꞌol aamaeꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa bꞌanol txꞌiꞌla aamaileꞌ, tukꞌ unqꞌa uxhchileꞌ uvaꞌ nikuꞌ veꞌt qaaloj vatz unqꞌa tzeꞌ tiixheꞌ, tukꞌ unqꞌa chulin yoleꞌ skajayil. As aꞌ uxhchileꞌ uvaꞌ ech ibꞌen tu uveꞌ echeꞌ naabꞌ uvaꞌ nitoypukat u nimla xamaleꞌ tukꞌ azufre tu uvaꞌ la uchkat u kaꞌpaj kamchileꞌ,— tiꞌk u yoleꞌ tal sve.
Revelation 22:15 in Ixil 15 Pet ech koj unqꞌa uxhchileꞌ uvaꞌ ni bꞌanon u txꞌiꞌlaꞌmileꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa yatzꞌol aamaeꞌ, tukꞌ unqꞌa uvaꞌ ni nachon unqꞌa tzꞌeꞌ tiixheꞌ, as tukꞌ unqꞌa uxhchileꞌ uveꞌ taama chit u chuli yoleꞌ, as aꞌeꞌ la kaa tiꞌeꞌl u tenameꞌ echeꞌ ni tulbꞌel unqꞌa txꞌiꞌeꞌ uvaꞌ nikaa tiꞌeꞌl kabꞌal,— tiꞌk u ángel.