Revelation 21:8 in Ixil 8 Pet ech koj unqꞌa tenameꞌ uvaꞌ aꞌ u kꞌaxkꞌoeꞌ nixoꞌva vatz u txꞌavaꞌeꞌ as yeꞌ ninima u Tiixheꞌ, tan aꞌeꞌ niyan taama u Tiixheꞌ staꞌn, echeꞌ unqꞌa yatzꞌol aamaeꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa bꞌanol txꞌiꞌla aamaileꞌ, tukꞌ unqꞌa uxhchileꞌ uvaꞌ nikuꞌ veꞌt qaaloj vatz unqꞌa tzeꞌ tiixheꞌ, tukꞌ unqꞌa chulin yoleꞌ skajayil. As aꞌ uxhchileꞌ uvaꞌ ech ibꞌen tu uveꞌ echeꞌ naabꞌ uvaꞌ nitoypukat u nimla xamaleꞌ tukꞌ azufre tu uvaꞌ la uchkat u kaꞌpaj kamchileꞌ,— tiꞌk u yoleꞌ tal sve.
Other Translations King James Version (KJV) But the fearful, and unbelieving, and the abominable, and murderers, and whoremongers, and sorcerers, and idolaters, and all liars, shall have their part in the lake which burneth with fire and brimstone: which is the second death.
American Standard Version (ASV) But for the fearful, and unbelieving, and abominable, and murderers, and fornicators, and sorcerers, and idolaters, and all liars, their part `shall be' in the lake that burneth with fire and brimstone; which is the second death.
Bible in Basic English (BBE) But those who are full of fear and without faith, the unclean and takers of life, those who do the sins of the flesh, and those who make use of evil powers or who give worship to images, and all those who are false, will have their part in the sea of ever-burning fire which is the second death.
Darby English Bible (DBY) But to the fearful and unbelieving, [and sinners], and those who make themselves abominable, and murderers, and fornicators, and sorcerers, and idolaters, and all liars, their part [is] in the lake which burns with fire and brimstone; which is the second death.
World English Bible (WEB) But for the cowardly, unbelieving, sinners, abominable, murderers, sexually immoral, sorcerers,{The word for "sorcerers" here also includes users of potions and drugs.} idolaters, and all liars, their part is in the lake that burns with fire and sulfur, which is the second death."
Young's Literal Translation (YLT) and to fearful, and unstedfast, and abominable, and murderers, and whoremongers, and sorcerers, and idolaters, and all the liars, their part `is' in the lake that is burning with fire and brimstone, which is a second death.'
Cross Reference Matthew 8:26 in Ixil 26 As ech tal veꞌt u Jesús ileꞌ: —¿Kam qꞌi nexoꞌva, ex uvaꞌ bꞌiil kuxh u kꞌujlebꞌal ekꞌuꞌleꞌ ati?— tiꞌk Aak. As txakpu veꞌt u Jesús. As iyaa veꞌt Aak u kajiqꞌeꞌ tukꞌ u mar. As yak kuxh yaꞌ veꞌt u aꞌeꞌ tiꞌ ipilqꞌut tibꞌ.
Matthew 10:28 in Ixil 28 As xoꞌviꞌk ex te unqꞌa uxhchileꞌ uveꞌ la yatzꞌon vechiꞌoleꞌ, tan echeꞌ la koj olebꞌ tiꞌ iyatzꞌat vetaanxelaleꞌ. Pet exoꞌvataj u Tiixheꞌ, tan la taqꞌ bꞌen Aak vechiꞌoleꞌ tukꞌ vetaanxelaleꞌ tu u choobꞌal paaveꞌ.
Luke 12:4 in Ixil 4 As ileꞌ ni val sete, ex vetz kꞌultziꞌ, as yeꞌ kuxh xoꞌv ex te unqꞌa uxhchileꞌ uveꞌ la olebꞌ tiꞌ eyatzꞌpeꞌ, tan yeꞌxhkam chit umaꞌtoj vaꞌlexh la itxꞌol veꞌt chajnaj ibꞌanat setiꞌ, tul maꞌt ekameꞌ.
John 8:44 in Ixil 44 tan aꞌ u txꞌiꞌlanajeꞌ vebꞌaaleꞌ. As kam chit uvaꞌ nisaꞌ vebꞌaaleꞌ as aꞌeꞌ nebꞌaneꞌ, tan aꞌeꞌ yatzꞌol tetz unqꞌa uxhchileꞌ bꞌaxa yol. As echat chit nibꞌan cheel, tan yeꞌl u jikla txumbꞌaleꞌ eqꞌomal staꞌn. As tul niyoloneꞌ tukꞌ vichuli yolileꞌ, as aꞌ vitxumbꞌaleꞌ nikꞌucheꞌ, tan aꞌ u txꞌiꞌlanajeꞌ cheesan tetz u chuli yoleꞌ.
John 12:42 in Ixil 42 As kꞌuxh ech u yoleꞌ uvaꞌ tzꞌibꞌamal kan, as nimal unqꞌa iqꞌesal unqꞌa tenameꞌ ikꞌujbꞌaꞌ ikꞌuꞌl tiꞌ u Jesús. Pet yeꞌ nikat tal tibꞌ vatz unqꞌa fariseo uvaꞌ nik inima chajnaj Aak, tan yeꞌ nikat isaꞌ chajnaj uvaꞌ la laqꞌbꞌal el tzan chajnaj tu u atinbꞌaleꞌ tetz nachbꞌal Tiixh taꞌn unqꞌa fariseo.
1 Corinthians 6:9 in Ixil 9 ¿As ma yeꞌ etootza uvaꞌ jankꞌal unqꞌa uxhchileꞌ uveꞌ vaꞌlexh kuxh nibꞌaneꞌ, as yeꞌl tokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ? As yeꞌ la etaqꞌ etibꞌ subꞌloj, tan ootzimal sqaꞌn uvaꞌ jankꞌal unqꞌa uxhchileꞌ uvaꞌ niyansa tibꞌ tukꞌ umaꞌt uxhchil, tukꞌ unqꞌa uxhchileꞌ uvaꞌ nichuk tixoj, tukꞌ unqꞌa najeꞌ uveꞌ niyansa tibꞌ tukꞌ umaꞌt naj, tukꞌ unqꞌa nachol tzeꞌ tiixheꞌ,
1 Corinthians 10:20 in Ixil 20 As jankꞌal unqꞌa veeꞌ ni toksal vatz unqꞌa tzeꞌ tiixheꞌ taꞌn unqꞌa uxhchileꞌ uveꞌ yeꞌ ootzin tetz u Tiixheꞌ, as aꞌ unqꞌa subꞌuleꞌ ninima. As jit u Tiixheꞌ ninima. As la val sete uvaꞌ yeꞌ nunsaꞌ uvaꞌ la ikꞌul tibꞌ vetxumbꞌaleꞌ tukꞌ unqꞌa subꞌuleꞌ.
Galatians 5:19 in Ixil 19 As aꞌ u tachaꞌv u kuchiꞌoleꞌ u viꞌlaꞌ: u paavinchileꞌ tukꞌ umaꞌl ixoj uvaꞌ jit tixqel, as u paavinchileꞌ tuk unqꞌa ixojeꞌ as tul yeꞌl tixqel, as yeꞌl iyaꞌtebꞌal tiꞌ ibꞌanat u vaꞌlexheꞌ,
Ephesians 5:5 in Ixil 5 As ootzimal setaꞌn uvaꞌ abꞌil niyansa tibꞌ tukꞌ umaj uxhchil, moj nibꞌan unqꞌa veeꞌ uvaꞌ chꞌixubꞌal chittuꞌ. As echat unqꞌa uxhchileꞌ uvaꞌ ni tachva txꞌiibꞌal iqꞌii imool, tan aꞌ veꞌt u txꞌiibꞌal iqꞌiieꞌ ni toksa vaatzil itiixh, tan aꞌ ni toksakat taama tiꞌ u txꞌiibꞌal iqꞌiieꞌ. As aꞌ uxhchileꞌ uvaꞌ yeꞌl tokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ.
2 Thessalonians 2:9 in Ixil 9 As u bꞌanol vaꞌlexheꞌ tan la ul ikꞌuch tibꞌ naj tukꞌ u tijleꞌm u Satanás. As nim talchu naj la ibꞌaneꞌ, as la ibꞌan naj umaj u kꞌuchbꞌal tetz u tijleꞌmeꞌ uvaꞌ la teqꞌo taama unqꞌa uxhchileꞌ staꞌn. As chulin yol kuxh naj la ibꞌaneꞌ.
1 Timothy 1:9 in Ixil 9 tan ootzimal sqaꞌn uvaꞌ jit aꞌ la txakonsalkat unqꞌa itzaqꞌit u Tiixheꞌ tiꞌ ibꞌekꞌax unqꞌa uxhchileꞌ uveꞌ jik chit itxumbꞌal vatz u Kubꞌaal Tiixheꞌ. Pet aꞌ la txakonkat tiꞌ ibꞌekꞌax unqꞌa paasanibꞌeꞌ tukꞌ unqꞌa paasan tziieꞌ, as unqꞌa aapaaveꞌ, unqꞌa uxhchileꞌ uvaꞌ yeꞌ nixoꞌva Tiixh as yeꞌl Tiixh viꞌ taama, unqꞌa yatzꞌol ibꞌaaleꞌ as unqꞌa yatzꞌol itxutxeꞌ tukꞌ unjoltu unqꞌa yatzꞌol aamaeꞌ,
1 Timothy 4:2 in Ixil 2 taꞌn unqꞌa chulin yoleꞌ uvaꞌ kaꞌvatz kuxhtuꞌ. As yeꞌ nibꞌen ste uvaꞌ vaꞌlexh kuxh vitxumbꞌaleꞌ nibꞌaneꞌ.
Hebrews 12:24 in Ixil 24 As kat ok veꞌt ex kꞌatz u Jesúseꞌ, tan aꞌ Jesúseꞌ uvaꞌ at xoꞌl u tenameꞌ tukꞌ u Tiixheꞌ. As ibꞌaꞌnil kuxh u Jesúseꞌ uvaꞌ kat kꞌujebꞌ veꞌt u akꞌ tzaqꞌiteꞌ tiꞌ ikꞌulat tibꞌ iyol u tenameꞌ tukꞌ u Tiixheꞌ. As aꞌ vikajal u Jesúseꞌ uvaꞌ kat el sqiꞌ vatz u kuruseꞌ, as nim talcheꞌ tiꞌ vikajal u Abel uvaꞌ kat yatzꞌpi.
Hebrews 13:4 in Ixil 4 As unqꞌa najeꞌ uvaꞌ at tixqel as moj unqꞌa ixojeꞌ uvaꞌ at itzumel, as jikoj chit la ibꞌaneꞌ tukꞌ vikꞌuleleꞌ. Tan la ibꞌan u Tiixheꞌ isuuchil u najeꞌ uveꞌ nichuk tixoj, as u ixojeꞌ uveꞌ nimoolineꞌ, as echat la ibꞌan Aak te unqꞌa uxhchileꞌ uveꞌ yeꞌl ikꞌulel ati, as nu kuxh ipaavineꞌ tukꞌ umaꞌt uxhchil.
1 Peter 3:14 in Ixil 14 Pet asoj la epalebꞌe u kꞌaxkꞌoeꞌ, kꞌuxh aꞌ u jikla txumbꞌaleꞌ nebꞌaneꞌ, as aꞌ u Tiixheꞌ la aqꞌon vibꞌaꞌnileꞌ setiꞌ. As yeꞌ la xoꞌv ex taꞌn unqꞌa uxhchileꞌ uvaꞌ la xeꞌt setiꞌ. As yeꞌ la exaansa etaama staꞌn.
1 John 2:22 in Ixil 22 As ootzimal unqꞌa chulin yoleꞌ sqaꞌn, tan aꞌ unqꞌa uxhchileꞌ uvaꞌ ni alon uvaꞌ jit Cristo u Jesúseꞌ. As aꞌeꞌ uvaꞌ eela vitxumbꞌaleꞌ tukꞌ u uxhchileꞌ uvaꞌ la ul toksa tibꞌ echeꞌ uvaꞌ nibꞌan u chulin yoleꞌ uvaꞌ nitoksa tibꞌ Cristoil, tan ni tixva unqꞌa uxhchileꞌ u Kubꞌaal Tiixheꞌ as tukꞌ viKꞌaol Aakeꞌ unpajte.
1 John 3:15 in Ixil 15 As jankꞌal unqꞌa uxhchileꞌ uveꞌ ni chiꞌan taama tiꞌ unqꞌa titzꞌin tatzikeꞌ, as eela vitxumbꞌaleꞌ tukꞌ umaj yatzꞌol aama. As ootzimaleꞌ sqaꞌn uvaꞌ yeꞌl umaj yatzꞌol aama at itiichajil kꞌatz u Tiixheꞌ.
1 John 5:4 in Ixil 4 tan jankꞌal oꞌ uvaꞌ oꞌ meꞌal ikꞌaol u Tiixheꞌ, as ni qolebꞌeꞌ tiꞌ teesal iqꞌii u vaꞌlexheꞌ vatz u txꞌavaꞌeꞌ tan tiꞌ uvaꞌ kꞌujleꞌl kukꞌuꞌl tiꞌ u Jesús.
1 John 5:10 in Ixil 10 As abꞌil uvaꞌ kꞌujleꞌl ikꞌuꞌl tiꞌ viKꞌaol u Tiixheꞌ, as ootzimal staꞌn uvaꞌ jik chit unqꞌa yoleꞌ uvaꞌ ni tal Aak tiꞌ viKꞌaoleꞌ. Pet abꞌil uvaꞌ yeꞌ ni niman u Kubꞌaal Tiixheꞌ, as kat toksa veꞌt u uxhchileꞌ Aak chulin yolil, tan yeꞌ kat inima u yoleꞌ uvaꞌ kat tal Aak tiꞌ viKꞌaoleꞌ.
Revelation 2:2 in Ixil 2 –Ootzimaleꞌ svaꞌn kam uveꞌ nebꞌaneꞌ, tan tii u aqꞌoneꞌ uvaꞌ nebꞌaneꞌ. As nekuy unqꞌa kꞌaxkꞌoeꞌ uvaꞌ nepalebꞌe. As yeꞌ nekuy unqꞌa bꞌanol txꞌiꞌla aamaileꞌ. As tul kat oon unqꞌa chulin yoleꞌ sexoꞌl uvaꞌ ni toksa tibꞌ apóstol, as kat etil vitxumbꞌal chajnajeꞌ sbꞌaꞌn as kat bꞌen sete uvaꞌ chulin yol kuxh chajnaj.
Revelation 2:11 in Ixil 11 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete. As jankꞌal ex uvaꞌ yeꞌ la eyaꞌsa enimat in, kꞌuxh la epalebꞌe kꞌaxkꞌo, as yeꞌl veꞌt tokebꞌal u kaꞌv kamchileꞌ setiꞌ.
Revelation 9:21 in Ixil 21 As mitaꞌn kat iyaꞌsa tiꞌ iyatzꞌoneꞌ, tiꞌ ikunat vimooleꞌ, as tiꞌ iyansat tibꞌ tukꞌ umaꞌt uxhchil. As yeꞌ kat iyaꞌsa ibꞌanat u elaqꞌeꞌ.
Revelation 19:20 in Ixil 20 As txeypu veꞌt u txooeꞌ uvaꞌ jeꞌ chꞌuꞌl xeꞌ u mar tukꞌ u chulin yolla txooeꞌ uvaꞌ jeꞌ chꞌuꞌl tu txꞌavaꞌ, uvaꞌ maꞌtik ikꞌuchat veꞌt txoo uvaꞌ xoꞌvebꞌal chit unqꞌa kꞌuchbꞌal tetz u tijleꞌm u txooeꞌ uvaꞌ ibꞌana. As maꞌtik imaxtibꞌet txoo unqꞌa uxhchileꞌ uvaꞌ atik veꞌt ok u texhlal umaꞌt u txooeꞌ stiꞌ. As maꞌtik iqaaebꞌ unqꞌa uxhchileꞌ vatz vivatzibꞌal u txooeꞌ. As sutil veꞌt bꞌen txoo skaabꞌil tu u veeꞌ echeꞌ naabꞌ uvaꞌ ni toypukat u nimla xamaleꞌ tukꞌ azufre.
Revelation 20:14 in Ixil 14 As cheel tiꞌ ibꞌeneꞌ as yeꞌxhebꞌil la kam veꞌteꞌ, as u atinbꞌaleꞌ uvaꞌ atkat unqꞌa kamnajeꞌ, as kat sutil veꞌt bꞌen tu u nimla xamaleꞌ uvaꞌ echeꞌ naabꞌ. As aꞌ veꞌt u kaꞌv kamchileꞌ.
Revelation 22:15 in Ixil 15 Pet ech koj unqꞌa uxhchileꞌ uvaꞌ ni bꞌanon u txꞌiꞌlaꞌmileꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa yatzꞌol aamaeꞌ, tukꞌ unqꞌa uvaꞌ ni nachon unqꞌa tzꞌeꞌ tiixheꞌ, as tukꞌ unqꞌa uxhchileꞌ uveꞌ taama chit u chuli yoleꞌ, as aꞌeꞌ la kaa tiꞌeꞌl u tenameꞌ echeꞌ ni tulbꞌel unqꞌa txꞌiꞌeꞌ uvaꞌ nikaa tiꞌeꞌl kabꞌal,— tiꞌk u ángel.