Revelation 14:13 in Ixil 13 As vabꞌi umaꞌl u tuul viꞌ tu almikaꞌeꞌ uvaꞌ ech tal ileꞌ sve: —Tzꞌibꞌa uvaꞌ tuk val see: «Tan achvebꞌal chit unqꞌa uxhchileꞌ uvaꞌ la kam veꞌt cheel tiꞌ ibꞌeneꞌ, jankꞌal unqꞌa uxhchileꞌ uvaꞌ at veꞌt ok kꞌatz u Jesús,»— tiꞌk sve. As ech tal u Tiixhla Espíritu ileꞌ: —An chiteꞌ taꞌ. As yeꞌl veꞌt umaꞌtoj kꞌaxkꞌo la ipalebꞌe, tan eqꞌomal unqꞌa bꞌaꞌnla txumbꞌaleꞌ staꞌn,— tiꞌk u Tiixhla Espíritu tala.
Other Translations King James Version (KJV) And I heard a voice from heaven saying unto me, Write, Blessed are the dead which die in the Lord from henceforth: Yea, saith the Spirit, that they may rest from their labours; and their works do follow them.
American Standard Version (ASV) And I heard the voice from heaven saying, Write, Blessed are the dead who die in the Lord from henceforth: yea, saith the Spirit, that they may rest from their labors; for their works follow with them.
Bible in Basic English (BBE) And a voice from heaven came to my ears, saying, Put in writing, There is a blessing on the dead who from now on come to their end in the Lord: yes, says the Spirit, that they may have rest from their troubles; for their works go with them.
Darby English Bible (DBY) And I heard a voice out of the heaven saying, Write, Blessed the dead who die in [the] Lord from henceforth. Yea, saith the Spirit, that they may rest from their labours; for their works follow with them.
World English Bible (WEB) I heard the voice from heaven saying, "Write, 'Blessed are the dead who die in the Lord from now on.'" "Yes," says the Spirit, "that they may rest from their labors; for their works follow with them."
Young's Literal Translation (YLT) And I heard a voice out of the heaven saying to me, `Write: Happy are the dead who in the Lord are dying from this time!' `Yes, (saith the Spirit,) That they may rest from their labours -- and their works do follow them!'
Cross Reference Matthew 3:17 in Ixil 17 As abꞌil umaꞌl u yol tu almikaꞌ uvaꞌ ech tal ileꞌ: —Aꞌ vunKꞌaoleꞌ uvaꞌ, xoꞌn chit sve. As vaꞌl chit untxuqꞌtxun veꞌt stiꞌ,— tiꞌk u yoleꞌ.
Matthew 25:35 in Ixil 35 As tul nikat unvaꞌyeꞌ, as kat etaqꞌ untxꞌix; as tul nikat itzaj untziꞌ, as kat etaqꞌ vukꞌaꞌ; as tul kat unjaj unvatbꞌal sete, as kat etaqꞌ unvatbꞌal;
Luke 16:9 in Ixil 9 As la val sete, etxakonsataj unqꞌa emeebꞌaꞌleꞌ vatz u txꞌavaꞌeꞌ tiꞌ elochat vemooleꞌ. As tul la yaꞌ veꞌt etatin vatz u txꞌavaꞌeꞌ, as la ikꞌul veꞌt ok ex u Tiixheꞌ tu uveꞌ atkat veꞌt vetiichajileꞌ uveꞌ yeꞌl iyaꞌtebꞌal.
Luke 16:25 in Ixil 25 As ech tal veꞌt u Abraham ileꞌ: «Oolsa sakꞌuꞌl, unkꞌaol, uvaꞌ bꞌaꞌnik chit aatineꞌ vatz u txꞌavaꞌeꞌ tukꞌ u txꞌiibꞌal aqꞌiieꞌ. Pet ech koj u Lázaro, tan oyebꞌ chit ivatz naj kat ibꞌan vatz u txꞌavaꞌeꞌ. As cheel il naj ileꞌ bꞌaꞌn veꞌt tatin tzitzaꞌ. As axh uveꞌ ni palebꞌen u kꞌaxkꞌoeꞌ cheel.
Romans 14:8 in Ixil 8 tan asoj isleꞌl oꞌ, as oꞌ la chiibꞌisan taama u Kubꞌaal Tiixheꞌ. As moj la kam oꞌ, as oꞌ tetz Aak la ibꞌaneꞌ. Estiꞌeꞌ uvaꞌ kꞌuxh isleꞌl oꞌ moj la kam oꞌ, as oꞌ tetz Aak la ibꞌaneꞌ,
1 Corinthians 15:18 in Ixil 18 Asoj echeꞌ, as yeꞌl ipaav unqꞌa qitzꞌin qatzikeꞌ skajayil la sotzi uveꞌ kꞌujleꞌl chit ikꞌuꞌl tiꞌ u Cristo tul kat kami.
1 Corinthians 15:58 in Ixil 58 Estiꞌeꞌ ni val sete, vitzꞌin vatzik uvaꞌ xoꞌn veꞌt ex sve: As echabꞌataj ekꞌujbꞌaꞌt ekꞌuꞌl tiꞌ u Kubꞌaal Jesús. As yeꞌ la kaꞌkabꞌin etaama tiꞌ Aak. Pet etoksataj etaama tiꞌ ebꞌanat uvaꞌ nisaꞌ u Kubꞌaal Jesús setiꞌ, tan ootzimaleꞌ setaꞌn uvaꞌ yeꞌl u bꞌaꞌneꞌ la tzꞌejxi uveꞌ nebꞌan taꞌn vibꞌaꞌnil Aakeꞌ.
2 Corinthians 5:8 in Ixil 8 As nu kusaꞌ uvaꞌ la qaqꞌ kan u kuchiꞌoleꞌ vatz u txꞌavaꞌeꞌ tiꞌ qatin kꞌatz u Tiixheꞌ, tan tiꞌ uvaꞌ kꞌujleꞌl chit kukꞌuꞌl tiꞌ Aak.
Galatians 6:7 in Ixil 7 As palojtaj ex stuul, tan yeꞌ la uch emaxtibꞌet u Tiixheꞌ tukꞌ uveꞌ nebꞌaneꞌ. Tan ech la ebꞌaneꞌ echeꞌ umaj naj uvaꞌ ni taveꞌ, tan kam uvaꞌ la tava naj, as aꞌeꞌ la til naj ivatz.
Philippians 1:21 in Ixil 21 As tul uvaꞌ at untiichajil vatz u txꞌavaꞌeꞌ, as tiꞌ voksat iqꞌii u Cristo la atinkat in vatz u txꞌavaꞌeꞌ. Pet asoj la yatzꞌpu veꞌt in, as aal bꞌaꞌneꞌ la ibꞌan sve.
Philippians 2:17 in Ixil 17 As ootzimal svaꞌn uvaꞌ kꞌujleꞌl ekꞌuꞌl tiꞌ u Tiixheꞌ, as u aqꞌoneꞌ uveꞌ nebꞌan tiꞌ Aak, as eela tukꞌ umaj oy uveꞌ nebꞌan vatz Aak. Asoj la kam in tiꞌ valat viyol u Tiixheꞌ sete, as la txuqꞌtxun in setukꞌ sekajayil. As ech la ibꞌan vunkamebꞌaleꞌ echeꞌ nibꞌanchu tukꞌ u vino uvaꞌ ni peqꞌlikbꞌen tiꞌ u oyeꞌ uveꞌ ni toksal vatz u Tiixheꞌ taꞌn u nachol Tiixheꞌ.
1 Thessalonians 4:14 in Ixil 14 Tan nu kunima uvaꞌ kat kam u Jesús, as kat ul taama Aak unpajte. As echat kuxh la ibꞌan u Tiixheꞌ te unqꞌa niman tetz u Jesús uvaꞌ kamnajle, tan la ul taama unpajte tul la ul u Jesús.
1 Thessalonians 4:16 in Ixil 16 tan tul la ul u Kubꞌaaleꞌ tu almikaꞌ, as la tal Aak tul taama unqꞌa niman tetzeꞌ uvaꞌ kamnajle. As la taqꞌ jeꞌ vibꞌooqꞌol unqꞌa ángel tuul iviꞌ tiꞌ isikꞌineꞌ. As la oqꞌsal umaꞌl u trompeta tetz u Tiixheꞌ. As la ul veꞌt taama unqꞌa kamnajeꞌ bꞌaxa uveꞌ niman tetz Aak.
1 Thessalonians 5:10 in Ixil 10 tan Aakeꞌ kat kam sqiꞌ tiꞌ uvaꞌ la atin oꞌ kꞌatz Aak, kꞌuxh isleꞌl oꞌ moj kamnajlu veꞌt oꞌ.
2 Thessalonians 1:6 in Ixil 6 As bꞌaꞌn te u Tiixheꞌ uvaꞌ la taqꞌ Aak ichꞌexel te unqꞌa uxhchileꞌ uvaꞌ ni bꞌanon u vaꞌlexheꞌ sete.
2 Timothy 4:7 in Ixil 7 As kat olebꞌyu veꞌt in tiꞌ unpal vatz unqꞌa kꞌaxkꞌoeꞌ. As kat olebꞌyu veꞌt in tiꞌ unbꞌanat unqꞌa veeꞌ uvaꞌ alel sve taꞌn u Tiixheꞌ. As kat chit vil isuuchil u jikla yoleꞌ tetz u Tiixheꞌ.
Hebrews 4:9 in Ixil 9 Estiꞌeꞌ attel u chiibꞌichileꞌ cheel sqiꞌ, oꞌ uvaꞌ oꞌ veꞌt itenam u Tiixheꞌ.
Hebrews 6:10 in Ixil 10 As yeꞌ la isotzsa u Tiixheꞌ unqꞌa bꞌaꞌnileꞌ skꞌuꞌl uveꞌ kat ebꞌan tukꞌ vibꞌii Aakeꞌ, tan jik chit Aakeꞌ. As kat ekꞌucha uvaꞌ xoꞌn veꞌt Aak sete, tul uvaꞌ kat eloch unqꞌa emooleꞌ uvaꞌ ni niman Aak. As antel kuxh elochat cheel.
Revelation 1:11 in Ixil 11 As ech tal ileꞌ sve: —Ineꞌ u xeꞌtebꞌaleꞌ; as ineꞌ vimoxtebꞌaleꞌ. As latzꞌibꞌa tu umaj uꞌuj kam uveꞌ tuk eeleꞌ. As la aaqꞌ bꞌen te unqꞌa niman vetzeꞌ uvaꞌ at tu vujvaꞌl unqꞌa tenameꞌ uveꞌ tu u Asia: tu u Éfeso, tu u Esmirna, tu u Pérgamo, tu u Tiatira, tu u Sardis, tu u Filadelfia, as tu u Laodicea,— tiꞌk Aak sve.
Revelation 2:1 in Ixil 1 As aꞌ unqꞌa yol ilaꞌ uvaꞌ la tzꞌibꞌa bꞌen te u ángel uvaꞌ at xoꞌl unqꞌa niman vetzeꞌ tu u Éfeso. As ech la aal ileꞌ: «U Jesús uvaꞌ at vujvaꞌl unqꞌa txꞌumileꞌ tisebꞌal iqꞌabꞌ, as nixaan Aak xoꞌl vujvaꞌt unqꞌa tatinbꞌal kanteelaeꞌ uvaꞌ bꞌaꞌnla qꞌan chꞌichꞌ chittuꞌ. As ech ni tal Aak ileꞌ see:
Revelation 6:11 in Ixil 11 As kat aqꞌax veꞌt saj oksaꞌm ste sijununila. As ech kat alax veꞌt ileꞌ ste: —La etxꞌebꞌ unbꞌiitoj, tan lanal tzꞌaj tachul unqꞌa etitzꞌin etatzikeꞌ uveꞌ emool etibꞌ stukꞌ uvaꞌ techal la kami tiꞌ uvaꞌ ninima in,— tiꞌk u yoleꞌ.
Revelation 7:14 in Ixil 14 As ech val veꞌt ileꞌ: —Axheꞌ Pap, ootzin tetz,— chꞌin veꞌt ste. As ech tal veꞌt ileꞌ sve: —Aꞌ unqꞌa tenameꞌ uvaꞌ kat el chꞌuꞌl tu mamaꞌla kꞌaxkꞌoeꞌ. As kat itxꞌaa veꞌt unqꞌa tenameꞌ u toksaꞌmeꞌ. As kat ipolbꞌisa veꞌt u toksaꞌmeꞌ taꞌn vikajal u Kaneeroꞌeꞌ.
Revelation 10:4 in Ixil 4 As tul maꞌt vabꞌit itiin veꞌt vujvaꞌl unqꞌa qꞌankooeꞌ, as aalik untzꞌibꞌat veꞌt kan uvaꞌ kat vabꞌi. As vabꞌi iyolon tzan umaꞌl u tuul viꞌ tu almikaꞌ uvaꞌ ech nik tal ileꞌ: —Atzꞌibꞌak uvaꞌ kat aabꞌi. Pet atoj kuxh viyol vujvaꞌl unqꞌa qꞌankooeꞌ sakꞌuꞌl,— tiꞌk u tuul viꞌeꞌ tal sve.
Revelation 11:15 in Ixil 15 As kat toqꞌsa veꞌt vivujpu u ángel u trompeta. As mamaꞌla tuul viꞌ kat uch tu almikaꞌ uvaꞌ ech nik tal ileꞌ: Kajayil unqꞌa tenameꞌ uvaꞌ nik til unqꞌa ijlenaaleꞌ isuuchil vatz u txꞌavaꞌeꞌ, as aꞌ veꞌt u Kubꞌaal Tiixheꞌ ni ilon isuuchil scheel tukꞌ u Kubꞌaal Jesucristo. As yeꞌl veꞌt iyaꞌtebꞌal u tijleꞌm Aakeꞌ tiꞌ u tenameꞌ uvaꞌ at jaqꞌ u tijleꞌm u Tiixheꞌ, tiꞌk unqꞌa tuul viꞌeꞌ.
Revelation 11:19 in Ixil 19 As kat jajpu veꞌt u tostiixheꞌ uvaꞌ at tu almikaꞌ. As kat ilax veꞌt u kaaxhaeꞌ uveꞌ kolikkat unqꞌa yoleꞌ uvaꞌ ijej kan u Tiixheꞌ sqiꞌ, oꞌ vitenam Aakeꞌ. As vaꞌlik chit ilitzꞌkabꞌan u kayampaꞌleꞌ uvaꞌ kat vila. As kat vabꞌi ivulun mamaꞌla tuul viꞌeꞌ tukꞌ u qꞌankooeꞌ uvaꞌ vaꞌlik chit itzetkabꞌaneꞌ. As kat ul veꞌt umaꞌl u kabꞌlaano tukꞌ mam sajbꞌatz.
Revelation 16:17 in Ixil 17 As tul ipeqꞌ veꞌt bꞌen vivujpu u ángeleꞌ uveꞌ atik kuꞌ tu vinimla picheeleꞌ tu u kajiqꞌeꞌ, as kat vabꞌi tel chꞌuꞌl umaꞌt u tuul viꞌ kꞌatz u nimla xonlebꞌaleꞌ uvaꞌ at tu u tostiixheꞌ. As ech tal ileꞌ: —¡Kat ilejlu veꞌt u qꞌiieꞌ!— tiꞌk u tuul viꞌeꞌ.
Revelation 19:9 in Ixil 9 As tal veꞌt u ángeleꞌ sve: —Tzꞌibꞌa u yolaꞌ: «¡Tan achvebꞌal chit unqꞌa uxhchileꞌ uvaꞌ kat molol veꞌteꞌ tiꞌ u txꞌaꞌoꞌmeꞌ tul ni teqꞌo tibꞌ u Kaneeroꞌeꞌ tukꞌ u tixqeleꞌ!»— tiꞌke. As tal unpajte: —Aꞌ unqꞌa yoleꞌ uvaꞌ alel taꞌn u Tiixheꞌ. As jikla yol chiteꞌ,— tiꞌk u ángeleꞌ tala.
Revelation 20:6 in Ixil 6 As achvebꞌal chit unqꞌa itenam u Tiixheꞌ uveꞌ la ul taama bꞌaxa, tan yeꞌl veꞌt tokebꞌal ikaꞌv u kamchileꞌ stiꞌ. As la aqꞌax veꞌt u tijleꞌmeꞌ kꞌatz u Cristoeꞌ tu umaꞌl 1,000 yaabꞌ. As ok veꞌteꞌ tiꞌ oksan iyol tenam vatz Tiixh, as vatz u Cristo unpajte.
Revelation 21:5 in Ixil 5 As u uxhchileꞌ uveꞌ xonlik tu u nimla xonlebꞌaleꞌ, as ech tal ileꞌ: —¡Akꞌnal veꞌteꞌ unqꞌa veeꞌ skajayil svaꞌn!— tiꞌke. As ech tal veꞌt ileꞌ sve unpajte: —¡Tzꞌibꞌa! Tan jik chit unqꞌa yoleꞌ uvaꞌ ni val see. As aꞌeꞌ la uch akꞌujbꞌaꞌt akꞌuꞌl stiꞌ,— tiꞌke.