Matthew 16:18 in Ixil 18 As tuk val see, Simón, uvaꞌ axh Luꞌ unpajte. As viꞌ u sivaneꞌ tuk unkꞌujbꞌaꞌkat kan vuntenameꞌ uvaꞌ molomal svaꞌn. As u txꞌiꞌlanajeꞌ tukꞌ unqꞌa imooleꞌ uvaꞌ iqꞌesal unqꞌa paasan tziieꞌ uvaꞌ echen tu u kꞌaxkꞌola atinbꞌaleꞌ, as yeꞌ la olebꞌ tiꞌ isotzsal u tenameꞌ uvaꞌ molomal svaꞌn.
Other Translations King James Version (KJV) And I say also unto thee, That thou art Peter, and upon this rock I will build my church; and the gates of hell shall not prevail against it.
American Standard Version (ASV) And I also say unto thee, that thou art Peter, and upon this rock I will build my church; and the gates of Hades shall not prevail against it.
Bible in Basic English (BBE) And I say to you that you are Peter, and on this rock will my church be based, and the doors of hell will not overcome it.
Darby English Bible (DBY) And *I* also, I say unto thee that *thou* art Peter, and on this rock I will build my assembly, and hades' gates shall not prevail against it.
World English Bible (WEB) I also tell you that you are Peter,{Peter's name, Petros in Greek, is the word for a specific rock or stone.} and on this rock{Greek, petra, a rock mass or bedrock.} I will build my assembly, and the gates of Hades will not prevail against it.
Young's Literal Translation (YLT) `And I also say to thee, that thou art a rock, and upon this rock I will build my assembly, and gates of Hades shall not prevail against it;
Cross Reference Matthew 10:2 in Ixil 2 Aꞌ vibꞌii kabꞌlaval unqꞌa apóstol u viꞌlaꞌ: U Simón uvaꞌ Luꞌ; tukꞌ u Lixh, u titzꞌin u Simón; u Jacobo, vikꞌaol u Zebedeo; u Xhun, u titzꞌin u Jacobo;
Matthew 11:23 in Ixil 23 As echat kuxh ex, ex aa Capernaúm, tan aꞌ netaleꞌ uvaꞌ la oon ex tu almikaꞌ tukꞌ u txꞌiibꞌal eqꞌiieꞌ. As yeꞌle, tan aꞌ la aqꞌpikkat bꞌen ex tu u kꞌaxkꞌola atinbꞌaleꞌ uvaꞌ atkat unqꞌa kamnajeꞌ uvaꞌ paasan tzii, tan tu koj u Sodoma taꞌ kat kꞌuchpukat unqꞌa bꞌaꞌnileꞌ echeꞌ uvaꞌ kat unkꞌuch sexoꞌl, as atileꞌxh unqꞌa aa Sodoma cheel.
Matthew 18:17 in Ixil 17 Pet asoj yeꞌ la tabꞌi viyol unqꞌa qitzꞌin qatikeꞌ uvaꞌ la eeqꞌo seeꞌ, as la bꞌen aal veꞌteꞌ xoꞌl unqꞌa qitzꞌin qatzikeꞌ uveꞌ ni niman Tiixh. Asoj echat kuxh la ibꞌaneꞌ, as eela kuxh veꞌteꞌ tukꞌ umaj uxhchil uvaꞌ yeꞌ ni niman Tiixh as moj echeꞌ umaj u molol puaj tetz u Roma.
John 1:42 in Ixil 42 As teqꞌo u Lixheꞌ u Simón stiꞌ. Bꞌex ikꞌuch veꞌt naj u Jesús. Tul oon u Simón vatz u Jesús, as aalik ok Aak te naj. As ech tal veꞌt Aak ileꞌ: —Axh Simón, ikꞌaol Jonás, cheel jit veꞌt axh Simón. Pet axh veꞌt Cefas la ibꞌaneꞌ,— tiꞌk u Jesús, tan aꞌ isuuchil u yoleꞌ uvaꞌ «Cefas» as «Luꞌ» tu kuyolbꞌal.
John 10:27 in Ixil 27 Pet ech koj vunkaneeroꞌeꞌ, tan ni tabꞌi txoo tuul unviꞌ. As ootzimal txoo svaꞌn. As nixekebꞌ txoo sviꞌ.
Acts 2:47 in Ixil 47 As nik toksa veꞌt iqꞌii u Tiixheꞌ. As bꞌaꞌnik veꞌt itxumbꞌal vatz unqꞌa tenameꞌ. As jun qꞌii nikat inaꞌsa veꞌt u Kubꞌaal Jesús tachul unqꞌa niman tetzeꞌ, jankꞌal unqꞌa uxhchileꞌ uveꞌ nikat isaꞌ Aak iqꞌalpul vatz vipaaveꞌ.
Acts 8:1 in Ixil 1 As bꞌaꞌnik veꞌt te u Saulo uvaꞌ yatzꞌpu u Esteban. As an chit tu u qꞌiieꞌ, as xeꞌt veꞌt unqꞌa bꞌaal tenameꞌ tiꞌ itilul unqꞌa niman tetz u Jesús tu u Jerusalén. As ooj veꞌt skajayil tiꞌ ibꞌen tu u Judea tukꞌ tu u Samaria. As ech koj unqꞌa apóstol, tan kaaik kan tu u Jerusalén.
Romans 8:33 in Ixil 33 Tan Aakeꞌ ni oksan oꞌ jikla aamail. Estiꞌeꞌ yeꞌxhebꞌil la chukun kupaav vatz Aak, oꞌ uvaꞌ txaael veꞌt oꞌ taꞌn Aak.
1 Corinthians 3:9 in Ixil 9 As oꞌ kuxh lochonaaleꞌ kꞌatz u Tiixheꞌ. As ech exeꞌ vatz u Tiixheꞌ echeꞌ umaꞌl u txꞌavaꞌ uvaꞌ avamal chiko stuul. As ech exeꞌ vatz Aak echeꞌ umaꞌl u nimla kabꞌal uvaꞌ nilakpeꞌ,
1 Corinthians 15:55 in Ixil 55 As, ¿kam kat ibꞌan viyakꞌil u kamchileꞌ qꞌi uveꞌ ni yatzꞌon unqꞌa tenameꞌ? tiꞌk u yoleꞌ,
Galatians 2:9 in Ixil 9 As u Jacob, tukꞌ u Cefas, tukꞌ u Xhuneꞌ, as palchajaak stuul uvaꞌ kat taqꞌ u Tiixheꞌ u vijleꞌmeꞌ. As chajaakeꞌ nim talcheꞌ xoꞌl unqꞌa apóstol. As kat taqꞌ veꞌt chajaak iqꞌabꞌ sve, tukꞌ te u Bernabé, kꞌuchbꞌal tetz uvaꞌ kumool veꞌt qibꞌ tukꞌ chajaak tiꞌ kupaxsat u bꞌaꞌnla yoleꞌ. As aꞌ la bꞌen kupaxsakat u bꞌaꞌnla yoleꞌ xoꞌl unqꞌa tenameꞌ uvaꞌ jit tiaal Israel. As ech koj chajaak, tan aꞌ la bꞌen ipaxsakat chajaak u bꞌaꞌnla yoleꞌ xoꞌl unqꞌa tiaal Israel.
Ephesians 2:19 in Ixil 19 Estiꞌeꞌ uvaꞌ jitꞌeꞌch etatineꞌ echeꞌ umaj uxhchil uvaꞌ ulnaj tzaanaj kuxhtuꞌ. Pet ex veꞌt itenam Tiixh tukꞌ unjoltu unqꞌa niman tetz Aakeꞌ skajayil.
Ephesians 3:10 in Ixil 10 Aqꞌal uvaꞌ la aqꞌax ootzilo vinimla txumbꞌal u Tiixheꞌ taꞌn unqꞌa niman tetz Aakeꞌ te unqꞌa veeꞌ at tijleꞌm tu almikaꞌ.
Ephesians 5:25 in Ixil 25 As ex tzumela, xoꞌnoj vetixqeleꞌ sete echeꞌ kat ibꞌan u Cristo sqe, oꞌ uvaꞌ oꞌ itenam Aak, tan kat taqꞌ tibꞌ Aak kamoj sqiꞌ,
Ephesians 5:32 in Ixil 32 As nim talcheꞌ u yoleꞌ. Pet aꞌ u qatineꞌ ni taleꞌ tukꞌ u Cristo, oꞌ uvaꞌ oꞌ niman tetz Aak.
Colossians 1:18 in Ixil 18 As aꞌ u Jesúseꞌ iBꞌooqꞌol unqꞌa tenameꞌ uvaꞌ ni niman Aak. As an chit u Jesúseꞌ kꞌujbꞌaꞌn tetz itiijchajil unqꞌa tenameꞌ kꞌatz u Kubꞌaal Tiixheꞌ, tan aꞌ u Jesúseꞌ uvaꞌ bꞌaxel kat ul taama vatz unqꞌa uxhchileꞌ uveꞌ nikameꞌ. As nim talcheꞌ u Jesúseꞌ tiꞌ unqꞌa veeꞌ skajayil.
1 Timothy 3:5 in Ixil 5 Tan asoj yeꞌ la til isuuchil unqꞌa tatineꞌ sbꞌaꞌn tikabꞌal, as aꞌ kol chit la itxꞌol tilat isuuchil unqꞌa qitzꞌin qatzikeꞌ qꞌa tu tostiixheꞌ.
1 Timothy 3:15 in Ixil 15 tan echeꞌ uvaꞌ jit kuxh nim la bꞌalaxtu veꞌt in tiꞌ vooneꞌ, as at veꞌt unqꞌa txumbꞌaleꞌ sakꞌuꞌl uvaꞌ la atxakonsa xoꞌl unqꞌa qitzꞌin qatzikeꞌ uvaꞌ txaael taꞌn u islich Tiixheꞌ, tan oꞌeꞌ uvaꞌ txaael oꞌ taꞌn Aak tiꞌ qaqꞌat iyakꞌil u jikla yoleꞌ as tiꞌ kumajat el ivatz unqꞌa chulin yoleꞌ.
Hebrews 3:3 in Ixil 3 As at veꞌt pal toksal iqꞌii u Jesús tiꞌ u Moisés, echeꞌ tatin umaj lakol kabꞌal, tan at pal toksal iqꞌii tiꞌ u kabꞌaleꞌ uvaꞌ kat ilaka.
Hebrews 12:28 in Ixil 28 Qaqꞌtaj taꞌntiixh te u Kubꞌaal Tiixheꞌ, tan kat toksa veꞌt ok oꞌ Aak xoꞌl u tenameꞌ uvaꞌ at jaqꞌ u tijleꞌm u Tiixheꞌ. As kunimataj Aak tiꞌ qaqꞌat taꞌntiixh te Aak tiꞌ u bꞌaꞌnileꞌ uvaꞌ ni taqꞌ Aak sqe. As kuxoꞌvataj Aak, tiꞌ uvaꞌ yeꞌ la kubꞌan u vaꞌlexheꞌ vatz Aak,
Revelation 11:15 in Ixil 15 As kat toqꞌsa veꞌt vivujpu u ángel u trompeta. As mamaꞌla tuul viꞌ kat uch tu almikaꞌ uvaꞌ ech nik tal ileꞌ: Kajayil unqꞌa tenameꞌ uvaꞌ nik til unqꞌa ijlenaaleꞌ isuuchil vatz u txꞌavaꞌeꞌ, as aꞌ veꞌt u Kubꞌaal Tiixheꞌ ni ilon isuuchil scheel tukꞌ u Kubꞌaal Jesucristo. As yeꞌl veꞌt iyaꞌtebꞌal u tijleꞌm Aakeꞌ tiꞌ u tenameꞌ uvaꞌ at jaqꞌ u tijleꞌm u Tiixheꞌ, tiꞌk unqꞌa tuul viꞌeꞌ.
Revelation 21:1 in Ixil 1 As kat vil veꞌt umaꞌt u akꞌ almikaꞌ tukꞌ umaꞌt u akꞌ txꞌavaꞌ, tan maꞌtik isotz veꞌt u almikaꞌeꞌ tukꞌ u txꞌavaꞌeꞌ uvaꞌ atik bꞌaxa. As maꞌtik isotz veꞌt u mar unpajte.
Revelation 21:14 in Ixil 14 Atik kabꞌlaval tzꞌaj jaqꞌ u nimla tapiaaleꞌ. As atik ok vibꞌii kabꞌlaval unqꞌa apóstol stiꞌ uvaꞌ txaael taꞌn u Kaneeroꞌeꞌ.