Luke 6:24 in Ixil

24 Pet ech koj ex, uvaꞌ ex txꞌioliqꞌii, tan ¡oyebꞌ chit evatz! tan kat chiibꞌiy ex vatz u txꞌavaꞌeꞌ. Estiꞌeꞌ yeꞌl umaꞌtoj etxꞌajaꞌm la ekꞌuleꞌ.

Other Translations

King James Version (KJV)

But woe unto you that are rich! for ye have received your consolation.

American Standard Version (ASV)

But woe unto you that are rich! for ye have received your consolation.

Bible in Basic English (BBE)

But unhappy are you who have wealth: for you have been comforted now.

Darby English Bible (DBY)

But woe to you rich, for ye have received your consolation.

World English Bible (WEB)

"But woe to you who are rich! For you have received your consolation.

Young's Literal Translation (YLT)

`But wo to you -- the rich, because ye have got your comfort.

Cross Reference

Matthew 6:2 in Ixil

2 As tul la ebꞌan umaj bꞌaꞌnil te umaj uxhchil, as yeꞌ la epaxsa viꞌ unqꞌa tenameꞌ, echeꞌ uveꞌ nibꞌan unqꞌa kaꞌvatzeꞌ tu u atinbꞌaleꞌ tetz nachbꞌal Tiixh as tulaj unqꞌa bꞌeyeꞌ aqꞌal uvaꞌ la oksal iqꞌii chajnaj taꞌn unqꞌa tenameꞌ. Pet tuk val sete uvaꞌ taꞌn itxꞌajaꞌm chajnajeꞌ uvaꞌ la oksal iqꞌii chajnaj taꞌn unqꞌa tenameꞌ.

Matthew 6:5 in Ixil

5 As tul la enach Tiixh, as ebꞌanak etetz echeꞌ uveꞌ nibꞌan unqꞌa najeꞌ uveꞌ kaꞌvatz, tan tul ninach chajnaj Tiixh, as achaꞌv chit te chajnaj tul nitxakebꞌ chajnaj tu u atinbꞌaleꞌ tetz nachbꞌal Tiixh as tulaj unqꞌa juꞌ peꞌeꞌ as tu kꞌayibꞌaleꞌ, tiꞌ uvaꞌ la til unqꞌa tenameꞌ. Pet tuk val sete uvaꞌ taꞌn itxꞌajaꞌm chajnajeꞌ uvaꞌ la oksal iqꞌii chajnaj taꞌn unqꞌa tenameꞌ.

Matthew 6:16 in Ixil

16 As ebꞌanak etetz echeꞌ uveꞌ nibꞌan unqꞌa kaꞌvatzeꞌ, tan tul uvaꞌ nikuy chajnaj ivaꞌy, as txumlebꞌal chit ivatz chajnaj nibꞌaneꞌ vatz unqꞌa tenameꞌ, tan aꞌ nisaꞌ chajnaj uvaꞌ la til unqꞌa tenameꞌ uvaꞌ nikuy chajnaj ivaꞌy. Pet tuk val sete uvaꞌ taꞌn itxꞌajaꞌm chajnajeꞌ uveꞌ kat oksal iqꞌii taꞌn unqꞌa tenameꞌ.

Luke 12:15 in Ixil

15 As ech tal veꞌt u Jesús ileꞌ te unqꞌa tenameꞌ: —Etiltaj jeꞌ etibꞌ. Aꞌiniꞌk kuxh u txꞌiibꞌal qꞌiieꞌ la etoksa etaama stiꞌ, tan jit tiꞌ imolat imaas txꞌiibꞌal qꞌii atkat umaj uxhchil vatz u txꞌavaꞌeꞌ,— tiꞌk u Jesús.

Luke 16:19 in Ixil

19 As ech tal u Jesús ileꞌ: —Atik umaꞌl u naj uvaꞌ txꞌioliqꞌii. As bꞌaꞌnla chaj oksaꞌm chit nikat toksa naj. As xoꞌvebꞌal chit naj tukꞌ unqꞌa tetzeꞌ, tan nik ibꞌan naj unqꞌa bꞌaꞌnla chaj txꞌaꞌoꞌmeꞌ jun qꞌii.

Luke 18:23 in Ixil

23 As tul tabꞌi naj u yoleꞌ uvaꞌ tal Aak, as txumun veꞌt naj, tan yeꞌ saach unqꞌa txꞌiibꞌal iqꞌii najeꞌ atike.

1 Timothy 6:17 in Ixil

17 As la aal te unqꞌa txꞌiol iqꞌiieꞌ vatz u txꞌavaꞌeꞌ uvaꞌ yeꞌ la ijeꞌsa tibꞌ. As yeꞌ la toksa taama tiꞌ u txꞌiibꞌal iqꞌiieꞌ, tan yeꞌ kuxh inachbꞌal la sotzi. Pet aꞌ la ikꞌujbꞌaꞌkat ikꞌuꞌl tiꞌ u islich Tiixheꞌ, tan yeꞌ nipiꞌu tibꞌ Aak tiꞌ taqꞌat unqꞌa veeꞌ sqe uvaꞌ bꞌaꞌn, aqꞌal uvaꞌ la txuqꞌtxun oꞌ stiꞌ.

James 2:6 in Ixil

6 ¿As kam stiꞌ qꞌi neteesakat iqꞌii unqꞌa meebꞌaꞌeꞌ, as netoksa iqꞌii unqꞌa txꞌiol iqꞌiieꞌ? ¿As ma yeꞌ nibꞌen sete uvaꞌ aꞌ unqꞌa txꞌiol iqꞌiieꞌ uvaꞌ ni oksan ex tu u kꞌaxkꞌoeꞌ, tan aꞌeꞌ ni eqꞌon ok ex vatz unqꞌa bꞌanol isuuchil u tenameꞌ tiꞌ exochpeꞌ?

James 5:1 in Ixil

1 As tuk val umaꞌt u yol sete, jankꞌal ex uvaꞌ ex txꞌioliqꞌii: Oqꞌojtaj ex; as sikꞌinojtaj ex taꞌn unqꞌa kꞌaxkꞌoeꞌ uvaꞌ la ul setiꞌ.

Revelation 18:6 in Ixil

6 As la aqꞌpu veꞌt ichꞌexel ste, choobꞌal tetz u vaꞌlexheꞌ uveꞌ nibꞌaneꞌ. As kaꞌpul la aqꞌpu ichꞌexel ste tiꞌ jununil unqꞌa vaꞌlexheꞌ uvaꞌ nibꞌaneꞌ. As bꞌanaoj tuch vichꞌexeleꞌ uvaꞌ la aqꞌpu ste echeꞌ kaꞌvoꞌj nimla picheel ukꞌaꞌ uvaꞌ vaꞌl chit ikꞌayal echeꞌ uvaꞌ kat taqꞌ u Babilonia te unqꞌa tenameꞌ.