Luke 11:41 in Ixil 41 Pet ejalputaj vetxumbꞌaleꞌ. As ayaꞌloj chit ekꞌuꞌl la eloch unqꞌa meebꞌaꞌeꞌ. As ech exeꞌ echeꞌ u picheeleꞌ as moj u lajeꞌ uvaꞌ kat txꞌaap u tuuleꞌ bꞌaxa as aꞌn kat txꞌaap u tiꞌeꞌ unpajte.
Other Translations King James Version (KJV) But rather give alms of such things as ye have; and, behold, all things are clean unto you.
American Standard Version (ASV) But give for alms those things which are within; and behold, all things are clean unto you.
Bible in Basic English (BBE) But if you give to the poor such things as you are able, then all things are clean to you.
Darby English Bible (DBY) But rather give alms of what ye have, and behold, all things are clean to you.
World English Bible (WEB) But give for gifts to the needy those things which are within, and behold, all things will be clean to you.
Young's Literal Translation (YLT) But what ye have give ye `as' alms, and, lo, all things are clean to you.
Cross Reference Matthew 5:42 in Ixil 42 Asoj abꞌil la jajon umaj kam sete, as etaqꞌtaj ste. Asoj abꞌil la ul jajon umaj kam sete skꞌam, as yeꞌl ex la epiꞌu etibꞌ tiꞌ etaqꞌat ste.
Matthew 6:1 in Ixil 1 As tuk val sete uvaꞌ yeꞌ la epaxsa viꞌ unqꞌa tenameꞌ tul la ebꞌan umaj bꞌaꞌnil. As tiꞌ inik kuxhtuꞌ uvaꞌ la til ex unqꞌa tenameꞌ kam uvaꞌ kat ebꞌana, tan asoj la epaxsa viꞌ unqꞌa tenameꞌ, as yeꞌl etxꞌajaꞌm la taqꞌ u Kubꞌaaleꞌ uvaꞌ echen tu almikaꞌ.
Matthew 25:34 in Ixil 34 As ech la val veꞌt ileꞌ te unqꞌa tenameꞌ uveꞌ echen tunsebꞌal, ineꞌ u Ijlenaaleꞌ: «Siꞌunaj sunkꞌatz, ex uvaꞌ bꞌaꞌn veꞌt eyolbꞌeleꞌ taꞌn vunBꞌaaleꞌ. As at veꞌt etokebꞌal xoꞌl unqꞌa tenameꞌ uvaꞌ at jaqꞌ u tijleꞌm u Tiixheꞌ uvaꞌ bꞌanel veꞌt tuch setiꞌ taꞌn Aak tul uvaꞌ yeꞌxnik chee u vatz txꞌavaꞌeꞌ.
Matthew 26:11 in Ixil 11 At chiteꞌ unqꞌa meebꞌaꞌeꞌ sexoꞌl. Pet ech koj in, tan echeꞌ bꞌenameen koj tuk atinoj in sexoꞌl.
Luke 12:33 in Ixil 33 Pet ekꞌayitaj unqꞌa etetzeꞌ. As etaqꞌtaj vijaꞌmileꞌ te unqꞌa meebꞌaꞌeꞌ. Asoj ech la ebꞌaneꞌ tiꞌ emolat unqꞌa nimla bꞌaꞌnileꞌ tu almikaꞌ echeꞌ imolax puaj tu umaj kolbꞌal, tan aꞌeꞌ yeꞌ la yani. As yeꞌxhebꞌil la elqꞌan. As yeꞌ la pokꞌti, tan aꞌ nekolkat tu almikaꞌ.
Luke 14:12 in Ixil 12 As ech tal veꞌt u Jesús ileꞌ te u najeꞌ uveꞌ saꞌbꞌelan Aak: —Tul la abꞌan umaj bꞌaꞌnla txꞌaꞌoꞌm, as yeꞌ la amolo tzan unqꞌa eetz kꞌultziꞌeꞌ tukꞌ unqꞌa eetzꞌin aatzikeꞌ, as mitaꞌn kuxh unqꞌa abꞌesiinoeꞌ uveꞌ txꞌioliqꞌii, tan la iqꞌaavisa ichꞌexeleꞌ see.
Luke 16:9 in Ixil 9 As la val sete, etxakonsataj unqꞌa emeebꞌaꞌleꞌ vatz u txꞌavaꞌeꞌ tiꞌ elochat vemooleꞌ. As tul la yaꞌ veꞌt etatin vatz u txꞌavaꞌeꞌ, as la ikꞌul veꞌt ok ex u Tiixheꞌ tu uveꞌ atkat veꞌt vetiichajileꞌ uveꞌ yeꞌl iyaꞌtebꞌal.
Luke 18:22 in Ixil 22 As tul tabꞌi veꞌt u Jesús viyol u najeꞌ, as ech tal veꞌt Aak ileꞌ: —As atil chit umaꞌte uvaꞌ yeꞌ abꞌaneꞌte. Pet kꞌayi unqꞌa eetzeꞌ skajayil. As la ajatx veꞌt vijaꞌmileꞌ xoꞌl unqꞌa meebꞌaꞌeꞌ. As nimal u bꞌaꞌnileꞌ lakꞌul tu almikaꞌ. As siꞌu. Xekebꞌen sviꞌ,— tiꞌk u Jesús tal te naj.
Luke 19:8 in Ixil 8 As txakebꞌ veꞌt u Zaqueo xoꞌl unqꞌa uxhchileꞌ uvaꞌ xonlike. As ech tal veꞌt naj ileꞌ te u Jesús: —Pap, la vaqꞌ unpokꞌoꞌchil vunmeebꞌaꞌleꞌ te unqꞌa meebꞌaꞌeꞌ. Asoj at umaj uxhchil kat velqꞌa tetz, as kajvaꞌl veꞌt ichꞌexel la vaqꞌ ste,— tiꞌk u Zaqueo.
Acts 9:36 in Ixil 36 As tu unqꞌa qꞌiieꞌ as atik umaꞌl u niman tetz u Jesús uvaꞌ Tabita ibꞌii as Dorcas tu yolbꞌal griego. As aꞌ atikkat tu u tenam uvaꞌ Jope. As bꞌenameen nik iloch ixoj unqꞌa meebꞌaꞌeꞌ. As nik ibꞌan ixoj bꞌaꞌnil tiꞌ ilochat unqꞌa uxhchileꞌ.
Acts 10:15 in Ixil 15 As ech tal veꞌt u yol ileꞌ tikaꞌpa te u Luꞌeꞌ: —Jankꞌal uvaꞌ ni valeꞌ uvaꞌ la uch techbꞌuleꞌ, as yeꞌ la uch aalataꞌ uvaꞌ yeꞌ la echbꞌuli,— tiꞌk u yoleꞌ.
Acts 10:31 in Ixil 31 As ech tal ileꞌ sve: «Cornelio, kat tabꞌil u Tiixheꞌ vayoleꞌ uveꞌ naaleꞌ. As at skꞌuꞌl u Tiixheꞌ uvaꞌ naloch unqꞌa meebꞌaꞌeꞌ.
Acts 11:29 in Ixil 29 As tul tabꞌi veꞌt unqꞌa qitzꞌin qatzikeꞌ u yoleꞌ uvaꞌ tal u Agabo, as iyolbꞌe veꞌt chajnaj uvaꞌ la taqꞌ bꞌen umaꞌl u lochbꞌal te unqꞌa qitzꞌin qatzikeꞌ tu u Judea, jankꞌoj uvaꞌ la uch taqꞌataꞌ.
Acts 24:17 in Ixil 17 As kat ul in tu u Jerusalén tiꞌ voksat bꞌiil u oy tu u tostiixheꞌ as tiꞌ vaqꞌat u lochbꞌaleꞌ te unqꞌa qitzꞌin qatzikeꞌ, tan nimal yaabꞌ kat el in.
Romans 14:14 in Ixil 14 As ootzimal svaꞌn uvaꞌ kajayil u veeꞌ nu kubꞌaneꞌ tiꞌ toksal iqꞌii Aak, as jit vaꞌlexheꞌ vatz Aak uvaꞌ nu kubꞌaneꞌ, tan aꞌ u Kubꞌaal Jesús kat alon isuuchil sve. Pet ech koj unqꞌa uxhchileꞌ uvaꞌ ni itzꞌan uvaꞌ vaꞌlexh, as vatz kuxheꞌ vaꞌlexhkat.
2 Corinthians 8:7 in Ixil 7 As at veꞌt kꞌujlebꞌal ekꞌuꞌl tiꞌ u Jesúseꞌ. As netootzi veꞌt isuuchil viyol u Tiixheꞌ. As echat veꞌt eyoloneꞌ. As ayaꞌl chit ekꞌuꞌl tiꞌ ebꞌanataꞌ kam uvaꞌ nisaꞌ u Tiixheꞌ setiꞌ, as tiꞌ exoꞌnit oꞌ. Estiꞌeꞌ ni qal sete uvaꞌ ayaꞌloj chit ekꞌuꞌl tiꞌ etaqꞌat u lochbꞌaleꞌ tetz unqꞌa qitzꞌin qatzikeꞌ.
2 Corinthians 8:12 in Ixil 12 tan jankꞌal uvaꞌ la uch etaqꞌataꞌ, as la kꞌulpeꞌ tibꞌaꞌnil, asoj ayaꞌl chit ekꞌuꞌl tul la etaqꞌeꞌ. Pet yeꞌ la etaqꞌeꞌ, asoj yeꞌxhkam at sexeꞌ, tan yeꞌxhkam ni tal u Tiixheꞌ uvaꞌ techal la qaqꞌeꞌ, asoj yeꞌxhkam ati.
2 Corinthians 9:6 in Ixil 6 As tuk vulsa sekꞌuꞌl uvaꞌ abꞌil uvaꞌ bꞌiil kuxh iia la tava, as unbꞌiil kuxh ivatz la imoleꞌ. Pet abꞌil uvaꞌ nimal iia la tava, as nimal ivatz la imoleꞌ.
Ephesians 4:28 in Ixil 28 As abꞌiste ex uvaꞌ netelqꞌeꞌ, as eyaꞌsataj etelqꞌeꞌ. Pet aqꞌonvojtaj ex. As ebꞌantaj u bꞌaꞌneꞌ, aqꞌal uvaꞌ la uch elochat vemooleꞌ uvaꞌ nisaꞌ lochbꞌal tetz.
1 Timothy 4:4 in Ixil 4 tan kajayil unqꞌa echbꞌubꞌaleꞌ uvaꞌ kat icheesa Aak as bꞌaꞌneꞌ uvaꞌ la qechbꞌu. As yeꞌ la uch qixvataꞌ. Pet aal la qaqꞌ taꞌntiixh te u Tiixheꞌ stiꞌ. As la qechbꞌu,
Titus 1:15 in Ixil 15 Tan asoj jik veꞌt vitxumbꞌal umaj uxhchil, as jik chit unqꞌa veeꞌ skajayil svatz. Pet ech koj unqꞌa uxhchileꞌ uvaꞌ yannajlu vitxumbꞌaleꞌ, tan vaꞌlexh unqꞌa veeꞌ ste skajayil.
Hebrews 6:10 in Ixil 10 As yeꞌ la isotzsa u Tiixheꞌ unqꞌa bꞌaꞌnileꞌ skꞌuꞌl uveꞌ kat ebꞌan tukꞌ vibꞌii Aakeꞌ, tan jik chit Aakeꞌ. As kat ekꞌucha uvaꞌ xoꞌn veꞌt Aak sete, tul uvaꞌ kat eloch unqꞌa emooleꞌ uvaꞌ ni niman Aak. As antel kuxh elochat cheel.
Hebrews 13:16 in Ixil 16 As yeꞌ la eyaꞌsa ebꞌanat u bꞌaꞌneꞌ sevatzaj. As la etaqꞌ unbꞌooj vetetzeꞌ tiꞌ elochat unqꞌa uxhchileꞌ uvaꞌ yeꞌl tetz ati. As aꞌ u bꞌaꞌneꞌ uvaꞌ nisaꞌ u Tiixheꞌ uvaꞌ la ebꞌaneꞌ, tan aꞌ veꞌt ivaatzileꞌ tiꞌ iyatzꞌax ok unqꞌa avaneꞌ tu u nachbꞌal Tiixheꞌ.
James 1:27 in Ixil 27 Pet nitxuqꞌtxun u Kubꞌaal Tiixheꞌ tiꞌ uvaꞌ la lochpu unqꞌa talaj intxaꞌeꞌ uvaꞌ yeꞌl itxutx ibꞌaal, tukꞌ unqꞌa txakay ixojeꞌ tul uvaꞌ nipalebꞌe unqꞌa kꞌaxkꞌoeꞌ, tan aꞌeꞌ uvaꞌ bꞌaꞌn vatz Aak. As nitxuqꞌtxun Aak unpajte tiꞌ uvaꞌ yeꞌ la kuyansa qibꞌ taꞌn u vaꞌlexheꞌ uveꞌ nibꞌan unqꞌa uxhchileꞌ uvaꞌ aꞌ kuxh u vatz txꞌavaꞌilla txumbꞌaleꞌ eqꞌomal staꞌn.
James 2:14 in Ixil 14 As la val sete, vitzꞌin vatzik, kam koj la itxꞌol umaj uxhchil, asoj la taleꞌ uvaꞌ kꞌujleꞌl ikꞌuꞌl tiꞌ u Tiixheꞌ, as tul yeꞌ nibꞌan u bꞌaꞌneꞌ te vimooleꞌ. Asoj ech itxumbꞌal u uxhchileꞌ nibꞌaneꞌ tul ni taleꞌ uvaꞌ at kꞌujlebꞌal ikꞌuꞌl tiꞌ u Tiixheꞌ, ¿as aꞌ kol chit qꞌa uvaꞌ la sotzsal ipaav u uxhchileꞌ tul la ibꞌan u Tiixheꞌ isuuchil?
1 John 3:16 in Ixil 16 As tiꞌ uveꞌ kat ibꞌan u Jesucristo sqiꞌ, as la qootzi veꞌteꞌ uvaꞌ kam isuuchil u xoꞌniibꞌeꞌ, tan kat taqꞌ tibꞌ Aak kamoj sqiꞌ. As echat la kubꞌaneꞌ, tan la qaqꞌ qibꞌ tiꞌ ilochax unqꞌa qitzꞌin qatzikeꞌ unpajte.