John 9:39 in Ixil 39 As ech tal veꞌt Aak ileꞌ: —Estiꞌeꞌ kat ul in vatz u txꞌavaꞌeꞌ tiꞌ ul unjatxat ixoꞌl unqꞌa uxhchileꞌ, tan la ilon veꞌt unqꞌa uxhchileꞌ uvaꞌ yeꞌ ni tiloneꞌ. Pet ech koj unqꞌa uxhchileꞌ uveꞌ ni tiloneꞌ ni taleꞌ, as aꞌeꞌ uvaꞌ tzot veꞌteꞌ,— tiꞌk Aak.
Other Translations King James Version (KJV) And Jesus said, For judgment I am come into this world, that they which see not might see; and that they which see might be made blind.
American Standard Version (ASV) And Jesus said, For judgment came I into this world, that they that see not may see; and that they that see may become blind.
Bible in Basic English (BBE) And Jesus said, I came into this world to be a judge, so that those who do not see may see, and those who see may become blind.
Darby English Bible (DBY) And Jesus said, For judgment am I come into this world, that they which see not may see, and they which see may become blind.
World English Bible (WEB) Jesus said, "I came into this world for judgment, that those who don't see may see; and that those who see may become blind."
Young's Literal Translation (YLT) And Jesus said, `For judgment I to this world did come, that those not seeing may see, and those seeing may become blind.'
Cross Reference Matthew 6:23 in Ixil 23 Pet asoj vaꞌlexh u bꞌaqꞌ evatzeꞌ, as echen exeꞌ tu u qꞌej toktoeꞌ tukꞌ vetxumbꞌaleꞌ. Tan asoj echen ex tu u qꞌej toktoeꞌ tukꞌ vetxumbꞌaleꞌ, as txumlebꞌal kuxh etatineꞌ tu u qꞌej toktoeꞌ.
Matthew 11:5 in Ixil 5 tan ni tilon veꞌt unqꞌa uxhchileꞌ uvaꞌ tzotike; as nixaan veꞌt unqꞌa uxhchileꞌ uvaꞌ koꞌxike; as unqꞌa uxhchileꞌ uveꞌ atik ok chꞌaꞌk chin stiꞌ, as kat txanyu veꞌteꞌ; as ni tabꞌin veꞌt unqꞌa uxhchileꞌ uvaꞌ yeꞌ nik tabꞌineꞌ; as kat ulyu veꞌt taama unqꞌa kamnajeꞌ. As ni talax veꞌt u bꞌaꞌnla yoleꞌ te unqꞌa meebꞌaꞌeꞌ.
Matthew 13:13 in Ixil 13 Estiꞌeꞌ uvaꞌ tukꞌ kꞌuchuvatz nunchusunkat xoꞌl unqꞌa tenameꞌ, tan kꞌuxh ni tileꞌ kam uveꞌ nunbꞌaneꞌ as kꞌuxh ni tabꞌi unqꞌa yoleꞌ uvaꞌ ni valeꞌ, as yeꞌ nipal stuul.
Luke 1:79 in Ixil 79 tiꞌ tul itxijut veꞌt Aak unqꞌa uxhchileꞌ uveꞌ echen u taanxelaleꞌ tu u qꞌej toktoeꞌ. As la ul teesa Aak unqꞌa uxhchileꞌ vatz u kamchileꞌ, as la iloch oꞌ Aak tiꞌ uvaꞌ bꞌaꞌn qatineꞌ sukuvatzaj,— tiꞌk u Zacarías.
Luke 2:34 in Ixil 34 As toksa veꞌt u Simeón iqꞌii u Tiixheꞌ. As ech tal veꞌt ileꞌ te u Maꞌleꞌ: —Tan kꞌujleꞌl veꞌt u neꞌeꞌ tiꞌ uvaꞌ at unqꞌa tiaal Israel la niman, as ati uvaꞌ yeꞌ la niman. As at unqꞌa uxhchileꞌ la chꞌoꞌn veꞌt taama stiꞌ.
Luke 4:18 in Ixil 18 Aꞌ viTiixhla Espíritu u Kubꞌaaleꞌ ni lochon in tiꞌ unbꞌanataꞌ kam uvaꞌ ni tal Aak sviꞌ. As txaael veꞌt in taꞌn Aak tiꞌ valat unqꞌa bꞌaꞌnla yoleꞌ xoꞌl unqꞌa meebꞌaꞌeꞌ. As kat ichaj veꞌt tzan in Aak tiꞌ ilochax unqꞌa uxhchileꞌ uvaꞌ kꞌaxbꞌinal u taanxelaleꞌ taꞌn u paaveꞌ, as tiꞌ valat unqꞌa yoleꞌ tiꞌ ichajpul veꞌt unqꞌa uxhchileꞌ uveꞌ kꞌalel taꞌn u paaveꞌ, as la ilon veꞌt unqꞌa tzoteꞌ, as tiꞌ unqꞌalput unqꞌa tenameꞌ uveꞌ bꞌuchel kuxhtuꞌ taꞌn vipaaveꞌ,
Luke 7:21 in Ixil 21 As tul aꞌs chit ibꞌaꞌnxisat Aak unqꞌa aachꞌoꞌmeꞌ, as nik ibꞌaꞌnxisa veꞌt Aak unqꞌa uxhchileꞌ uveꞌ nik ipalebꞌe unqꞌa kꞌaxkꞌoeꞌ taꞌn unqꞌa subꞌuleꞌ. As yeꞌ saach unqꞌa tzoteꞌ kat ilon veꞌt taꞌn Aak.
Luke 11:34 in Ixil 34 As echeꞌ u bꞌaqꞌ evatzeꞌ tan aꞌeꞌ nikꞌuchun kam vetxumbꞌaleꞌ, tan asoj bꞌaꞌn u bꞌaqꞌ evatzeꞌ, as bꞌaꞌneꞌ vetxumbꞌaleꞌ. Pet asoj vaꞌlexh u bꞌaqꞌ evatzeꞌ, as vaꞌlexheꞌ vetxumbꞌaleꞌ. As at veꞌt bꞌen ex tu qꞌej toktoeꞌ tukꞌ vetxumbꞌaleꞌ.
Luke 13:30 in Ixil 30 Tan at unqꞌa uxhchileꞌ uveꞌ echen kꞌatz u Tiixheꞌ uveꞌ la ilpi tukꞌ vitxumbꞌaleꞌ. As aꞌeꞌ uvaꞌ jetzꞌennal veꞌt el kꞌatz Aak. As at unjolte uvaꞌ jetzꞌennal el kꞌatz Aak uvaꞌ la ilpi. As aꞌeꞌ uvaꞌ echen kꞌatz Aak. As at unqꞌa uxhchileꞌ uveꞌ bꞌaxel, as aꞌeꞌ imoxtel. As at unqꞌa uxhchileꞌ uveꞌ imoxtel, as aꞌeꞌ bꞌaxel,— tiꞌk u Jesús.
John 3:17 in Ixil 17 As yeꞌ kat ichaj tzan u Tiixheꞌ viKꞌaoleꞌ vatz u txꞌavaꞌeꞌ tiꞌ uvaꞌ la taqꞌ bꞌen Aak unqꞌa tenameꞌ tu u kꞌaxkꞌoeꞌ. Pet kat ichaj tzan Aak viKꞌaoleꞌ tiꞌ iqꞌalpul unqꞌa tenameꞌ vatz vipaaveꞌ.
John 3:19 in Ixil 19 As kat teesa veꞌt el tibꞌ unqꞌa tenameꞌ kꞌatz u txijun tetz u taanxelaleꞌ tul uvaꞌ kat ul Aak vatz u txꞌavaꞌeꞌ, tan tiꞌ uvaꞌ nisaꞌ unqꞌa tenameꞌ ibꞌanat u vaꞌlexheꞌ. Pet yeꞌ nisaꞌ inimat u txijun tetz u taanxelaleꞌ. Estiꞌeꞌ at veꞌt tzan u kꞌaxkꞌoeꞌ tiꞌ unqꞌa tenameꞌ.
John 5:22 in Ixil 22 As yeꞌxhebꞌil nibꞌan vunBꞌaaleꞌ isuuchil. Pet kat ikꞌujbꞌaꞌ veꞌt in Aak tiꞌ uvaꞌ in la bꞌanon veꞌt isuuchil unqꞌa tenameꞌ skajayil,
John 8:12 in Ixil 12 As ech tal veꞌt u Jesús ileꞌ xoꞌl unqꞌa tenameꞌ: —Ineꞌ txijun tetz u taanxelal unqꞌa uxhchileꞌ skajayil. Abꞌil uveꞌ la xekebꞌ sviꞌ, as yeꞌxh jatu la xaan veꞌt tu u qꞌej toktoeꞌ, tan at veꞌt in skꞌatz, tan ineꞌ u txijun tetzeꞌ uvaꞌ la aqꞌon itiichajil u taanxelaleꞌ,— tiꞌk u Jesús.
John 8:15 in Ixil 15 As vatz txꞌavaꞌilla txumbꞌal kuxheꞌ nebꞌan sviꞌ tiꞌ ebꞌanat unsuuchil. Pet ech koj in, tan yeꞌl umaj uxhchil nunbꞌan isuuchil cheel.
John 9:25 in Ixil 25 As ech tal veꞌt naj ileꞌ: —Yeꞌ vootzaj bꞌa asoj aapaav u najeꞌ moj yeꞌle. Pet taꞌn kuxh ootzimaleꞌ svaꞌn uvaꞌ inik tzot, as cheel il in ni vilon veꞌteꞌ,— tiꞌk naj.
John 9:36 in Ixil 36 As ech tal veꞌt naj ileꞌ: —¿As abꞌiste viKꞌaol u Tiixheꞌ qꞌi, tiꞌ uvaꞌ la unkꞌujbꞌaꞌ unkꞌuꞌl stiꞌ?— tiꞌk naj.
John 12:40 in Ixil 40 As Tiixheꞌ kat bꞌanon uvaꞌ yeꞌ nikat ibꞌen te unqꞌa tenameꞌ tiꞌ unqꞌa kꞌuchbꞌal tetz vibꞌaꞌnil Aakeꞌ. As an chit Aakeꞌ kat bꞌanon uvaꞌ yeꞌ nikat tok xeꞌ taama unqꞌa tenameꞌ tiꞌ inimal Aak. Estiꞌeꞌ uvaꞌ ech tal Aak ileꞌ: «Yeꞌ kat til unqꞌa tenameꞌ jankꞌal uvaꞌ kat unkꞌuch ste. As yeꞌ kat pal stuul. As yeꞌ kat ijalpu vitxumbꞌaleꞌ tiꞌ uvaꞌ la unsotzsa ipaav,» tiꞌk u Tiixheꞌ, taqꞌ u yoleꞌ uvaꞌ itzꞌibꞌa kan u Isaías.
John 12:46 in Ixil 46 As ineꞌ u txijun tetz u taanxelal unqꞌa uxhchileꞌ skajayil. Estiꞌeꞌ kat ulkat in vatz u txꞌavaꞌeꞌ, aqꞌal uvaꞌ abꞌil la ikꞌujbꞌaꞌ ikꞌuꞌl sviꞌ as yeꞌ la atin veꞌt u taanxelaleꞌ tu u qꞌej toktoeꞌ.
Acts 26:18 in Ixil 18 tiꞌ uvaꞌ la aal itxumbꞌal unqꞌa tenameꞌ, uvaꞌ echen tu u qꞌej toktoeꞌ, as la el chꞌuꞌl vatz u sajeꞌ. As la eesal kꞌatz viyakꞌil u Satanás. As la ok veꞌt kꞌatz u Tiixheꞌ, aqꞌal uvaꞌ la isotzsa veꞌt Aak ipaav. As la ikꞌul veꞌt vivaatzileꞌ kꞌatz unqꞌa uxhchileꞌ uvaꞌ txaael taꞌn u Tiixheꞌ, tan tiꞌ uvaꞌ nikꞌujbꞌaꞌ ikꞌuꞌl sviꞌ,» tiꞌk u Jesús sve.
Romans 11:7 in Ixil 7 ¿As kam qꞌi la qaleꞌ tiꞌ u tenameꞌ uvaꞌ tiaal Israel? Tan kat isaꞌ tok sjikla aamail vatz u Tiixheꞌ. As yeꞌ kat olebꞌi. Pet ech koj unqꞌa uxhchileꞌ uvaꞌ txaael veꞌt taꞌn u Tiixheꞌ, tan kat ok veꞌt jikla aamail vatz Aak. As at kaꞌte uvaꞌ kat itiibꞌisa veꞌt Aak u taanxelaleꞌ,
2 Corinthians 2:16 in Ixil 16 As vatz unqꞌa tenameꞌ uvaꞌ yeꞌ ni niman, as ech kupaxsat u bꞌaꞌnla yoleꞌ svatz echeꞌ umaj kam uvaꞌ vaꞌl ixeval. As yeꞌl itiichajil unqꞌa tenameꞌ kꞌatz u Tiixheꞌ la ibꞌaneꞌ, tan yeꞌ ninima u bꞌaꞌnla yoleꞌ. Pet ech koj unqꞌa tenameꞌ uvaꞌ ni niman, tan ech kupaxsat u bꞌaꞌnla yoleꞌ svatz echeꞌ txꞌumtxꞌulla tzꞌakabꞌal, tan at itiichajil unqꞌa tenameꞌ kꞌatz u Tiixheꞌ staꞌn. As ech nibꞌaneꞌ tul nipaxsal u bꞌaꞌnla yoleꞌ tiꞌ u Cristoeꞌ tulaj unqꞌa tenameꞌ. As yeꞌxh jankꞌal unqꞌa uxhchileꞌ uvaꞌ aqꞌel ste tiꞌ uvaꞌ la ipaxsa u bꞌaꞌnla yoleꞌ. Pet ech koj oꞌ, tan aqꞌel sqe uvaꞌ la kupaxsa u bꞌaꞌnla yoleꞌ,
2 Corinthians 4:4 in Ixil 4 tan aꞌ u txꞌiꞌlanajeꞌ uveꞌ ni toksa tibꞌ tiixhil vatz u txꞌavaꞌeꞌ ni sotzsan ikꞌuꞌl unqꞌa uxhchileꞌ uveꞌ yeꞌ ni niman u Tiixheꞌ. Estiꞌeꞌ yeꞌ ni pal veꞌt unqꞌa uxhchileꞌ tu visuuchil u bꞌaꞌnla yoleꞌ tiꞌ toksal iqꞌii u Cristo uvaꞌ la txijun u taanxelal unqꞌa uxhchileꞌ. As tul unvatzul kuxh u Cristo tukꞌ u Kubꞌaal Tiixheꞌ.
Ephesians 5:14 in Ixil 14 echeꞌ uvaꞌ ni tal umaꞌl u yol: Oolsa aama, axh uvaꞌ vatik kuxh aama taꞌn u vaꞌlexheꞌ. As elen chꞌuꞌl xoꞌl unqꞌa uxhchileꞌ uvaꞌ echeꞌ kamnaj vatz u Tiixheꞌ. As la itxiju veꞌt u Cristo u aanxelaleꞌ, taqꞌ u yoleꞌ ni taleꞌ.
2 Thessalonians 2:10 in Ixil 10 As tukꞌ vitxumbꞌaleꞌ uvaꞌ vaꞌlexh kuxhtuꞌ la imaxtibꞌekat unqꞌa uxhchileꞌ uveꞌ la bꞌen tu kꞌaxkꞌoeꞌ, tan tiꞌ uvaꞌ kat tixva unqꞌa uxhchileꞌ u jikla yoleꞌ uvaꞌ la qꞌalpun.
1 Peter 2:9 in Ixil 9 Pet ech koj ex, tan txaael veꞌt ex taꞌn u Tiixheꞌ tiꞌ etok sitenam Aak as tiꞌ etok nachol Tiixhil tiꞌ unqꞌa tenameꞌ, tan ex veꞌt tetz Aak. As kat itxaa ex Aak tiꞌ uvaꞌ la bꞌen etal isuuchil viyol Aakeꞌ tulaj unqꞌa tenameꞌ tiꞌ vinimla bꞌaꞌnil Aakeꞌ, tan kat teqꞌo el tzan Aak vetaanxelaleꞌ tu u qꞌej toktoeꞌ. As kat toksa veꞌt ex Aak sitenamil uvaꞌ atkat u txijun tetz vetaanxelaleꞌ uvaꞌ achaꞌv chittuꞌ.
1 John 2:11 in Ixil 11 Pet abꞌil la ixvan unqꞌa titzꞌin tatzikeꞌ, as ech tatineꞌ echeꞌ umaj uxhchil uvaꞌ ni xaan tu u toktoeꞌ, tan aꞌ kuxh u vaꞌlexheꞌ nibꞌaneꞌ. As yeꞌ nipal stuul kam uveꞌ nibꞌaneꞌ, tan ech nibꞌaneꞌ echeꞌ umaj uxhchil uvaꞌ yeꞌ ni tilon tu u toktoeꞌ.